أكيد تفكرون بالهرمونات صح ؟

سلام عليكم ورحمه الله وبركاته

شباب, صراحة أنا من أكثر المعجبين بـ Zyzz
زيز أول ما اخذ الكورس الهرموني بضعة أسابيع وصار وحش!
حسب ما أشوف صوره قبل الكورس الهرموني كان يعاني من عيوب كثيرة
وهي الأذرع مرة نحيفة وهو نحيف جداً بشكل عام وكان يعاني من ضعف عضلة الصدر
بعد الكورس الهرموني شوفوا الإختلاف الكبير!!
وفي بضعة أسابيع فقط!
ياشباب والله بيني وبينكم ملينا كلنا من المداومة والإلتزام بالجدول الغذائي والتمريني هو صحيح جسمي حلو وجسم كل واحد مواضب على التمارين والاكل حلو
بس طموحنا يختلف من شخص لشخص اللي وده بضخامة وينافس في بطولات واللي زيي وده بـ فتنس زي zyzz وجوزيف راكيش والخ
صراحة كل"ن" منا يطمع بـ جسم زي كذا .....
ومافيه غير الستيرويد!
والموضوع يحتاج لتفكير طويل ومشورة ثم قرار!
الكورس الهرموني معروف له أضراره ... ولابد من مداومة وإلخ .... لكن ياشباب طقة الموديلز حقين الفتنس ماصارلهم شيئ؟ ولا حتى صلع؟ ولا حبوب؟ ولا الخ؟
لا تقولون زيز مات بسبب الهرمونات هذا كذب انه مات ب غرفة ساونا .. والهرمونات مرة مالها دخل



رايكم؟

عليكم السلام والرحمه ،،

اتفق معاك في نقاط واختلف في بعضها ،،
طبعا اجسام الموديلز كلام ثاااااني ،، كلام كبير ،،
اجسامهم روووعه واعتقد اكثر الشباب دخلوا عالم كمال الأجسام من وراهم ،،
لكن المشكله هنا هي الفروقات الكبيره بين اوضاعنا وأوضاعهم ،،
اول فرق صاحبنا الموديل عنده مدرب خاص وطبيب خاص بينما بعض ربعنا يدخل كورس وهو مايدري وش مكوناته أصلا :boggled:
الفرق الثاني ثقافي وانا اشوف من خلال المواقع ومن خلال الشباب ، الأجنبي قبل ما يأخذ شي يسأل ويدرس ويبحث
ونحن فالحين نمشي على كلام الكابتن الي مرات يكون مضروب او على كلام الشباب ،،
الفرق الثالث ماديا وانت قاعد تتكلم عن ناس فلوووووس يعني ماتفرق معاه ٢٠ ألف على كورس محترم ونظيف ،،
الفرق الرابع بالنسبه لهذي الفئه هذي لقمة عيشهم وهي الي وصلتهم للشهره بعد ما كان بعضهم في الحضيض
عكس حالتنا الي ولله الحمد مرتاحين ماديا ونفسيا ودينيا وعشنا بين اهلنا في سلام ووئام :o

نقطه اخيره ،،
انت تقول ملينا من المداومه والالتزام
نسيت انه الموديلز حياتهم كلها إلتزام لدرجة يكره عيشته ،،

اخيرا
انا اقدر أصير مثلهم بس صراحه استحي الناس يشوفوني مفصخ والمعجبات يصارخن وحالتهن فالبلاء :32: :أفكر:
والله ان تذبحني العجوز الله يطول عمرها :silly:

في فلم يخص الموضوع اسمه pain and gain
فلم روعه بطولة مارك والبرغ ،،

آيه في القرآن تقول : ربنا لاتحملنا مالا طاقة لنا به

خلتني أعتزل ونهائيا التفكير في البتاع .. البتاع حقي اللي كنت ابغاه الجي اتش .. ومو عشان التمرين والنشوفيه ووو .. قدني ناشف لكن عشان ابقى شباب اكثر واكثر

الايه هذي تفكرت فيها مسحت معي أي تدخل هرموني آخر

اقتباس:

---

المشاركة الأصلية كتبت بواسطة Mr.Puma

آيه في القرآن تقول : ربنا لاتحملنا مالا طاقة لنا به

خلتني أعتزل ونهائيا التفكير في البتاع .. البتاع حقي اللي كنت ابغاه الجي اتش .. ومو عشان التمرين والنشوفيه ووو .. قدني ناشف لكن عشان ابقى شباب اكثر واكثر

الايه هذي تفكرت فيها مسحت معي أي تدخل هرموني آخر

---

ما شاء الله عليك يا بوما ،،
يعجبني فيك ربط القرآن والسنه بكل شي ،،
وهذا هو المفروض لأنهم أساس العمل والتعامل في كل شي ،،

اذكر مقولة ولا يحضرني اسم القائل ، يقول فيها :
" علم ابنك القرآن ، وهو سيعلمه كل شي " ،،

موفقين ،،

شكرا عالموضوع .. بالنسبه لي راح انتظم 5 سنوات اكل مضبوط وتمارين مضبوطه ومواضبه وبعدها راح اشوف بنفسي هل صحيح ما اقدر اوصل هدفي الا بهرمونات ؟؟ التجربه خير برهان ومافي شي في الحياه يجي بسرعه وبدون تعب وجسم zyzz اشوف انه عادي تقدر توصله بدون هرمونات ولكن يبيلك وقت

الله يبعدني عن الهرمونات وشرها