الحياه الزوجيه وكمال الاجسام ؟

معلومات المتقدم بالاستفسار :
العمر : 27 , الجنس : ذكر

الطول :170 متر
الوزن : 73 كيلوجرام

نسبة الدهون : 20

و الاستفسار كالتالي :
السلام عليكم ورحمة الله وبركاته

وزني 73

طولي 170

اعرف الحديد من تقريبا 6 سنوات ( ولست بالمجتهد )
في موضوع انا بالاول كنت متخوف منه

اول كنت اسمع من بعض المتزوجين ان في ايام التمرين حبذا ماتجامع زوجتك عشان الباور ووو الخ ؟

وكنت اتفادى بقدر الامكان هالموضوع وان حصل فيوم هالشي أجل التمرين لوقت ثاني او ليوم ثاني ظناً مني ان ماراح يكون عندي باور وتحمل

طبعا انا استخدمت مكملات باور (نو اكسبلود .. جاك ثري دي .. الخ) وحسيت ببعض الباور اثناء التمرين

المغزى بالموضوع ان ذاك اليوم حصل الجماع ( مرتين ) وبعدها بثلاث ساعات رحت التمرين وتمرنت صدر .. والله ياخوان ذاك اليوم بالذات ماخذت نو اكسبولد باور .. وحسيت بطاقه عجيبه !! حتى اللي معاي مستغرب .. انا بالعاده صدر دنابل ( مابين 40 الى 65) مستوي

ذاك اليوم وصلت دنابل 80 !! وحسيت في مجال ازيد !

وطاقتي ونسبة التحمل جدا ممتازه ..

السؤال الحين لاهل الخبره .. هل في تعارض في هذا الموضوع ؟ من ناحية طبيه يعني
.. لاني سمعت ان له دخل في التيسترون ودرجته وهالسوالف رغم اني بعد هالسالفه حسيت انه خرط فاضي


شاركونا رأيكم !

نسبه البروتين اللي تفقده مع الجماع 5 جرام فقط ( يعني ولاشي )
بخصوص هرمون التست يرجع خلال 30 دقيقه لوضعه لطبيعي

بمعنى ان التأثير ليس بالشي لكبير

اذ كان الدايت عندك ممتاز والراحه اليومه كافيه ماراح يأثر عليك

عندي قاعده اي شيء من فطره الانسان مايخرب علي شيء يفيد جسمي ! حتى لويوروني تقارير واحصائيات ما اصدقعم:D

مثل الجماع والرياضه

انا كيف برسل سؤالي

ماعرف من وين تجيبون الاعتقادات والخرابيط يااخى مارس حياتك عادي بالعكس الجماع يفرز عندلك هرمون التستسترون اكثر من الاعزب
توكل على ومارس حياتك طبيعي

The wave كلام جدا جميل وشكرا ع المعلومه

Strong man: كلامك سليم وماختلفنا لكن انا اقصد انك تتمرن بعد الجماع بكم ساعه ولا اكيد عارفين انه شي بالفطره ونحتاجه اكيد .. يارجال عمري لاتمرنت اهم شي شسمه هههههه

تي كوفي .. يالغالي انا اقصد مثل ماذكرت انك تتمرن بعد هالسالفه ولا عارفين .. الموضوع اشبه بضرورة الشاور ولكن يتعارض انك تاخذ شاور وتنام قدام المكيف !!

عليكم السلام والرحمه ،،

فعلا الموضوع مهم ويشغل كثير من المتزوجين الي يمارسون هالرياضه
وانا واحد منهم لكن الشباب ما قصروا والحمدلله طمنونا ،،

وفعلا التغذية اهم نقطة في هذا الموضوع ،،
عندنا مدرب باكستاني ( وحش لا قالوا وحش )
يحلف لي انه يجامع حرمته ويروح التمرين دايركت بدون اي مشاكل
لكن تغذيته تغذية وحوش خصوصا في بلاده لانه كل شي طبيعي ( بلدي )
سواء حليب او بيض او لحوم ،،
يقولي في فترة من الفترات كنت اخلص طبق بيض في اليوم
واشرب 5 لتر حليب ،،

الله يرزقنا هالتغذية ،،

يعطيك العافيه عالموضوع ،،
موفق ،،

ماشاء الله هههههه كلمة باكستاني لحالها تعطيه قوه فوق هذا كله مدرب ... هههههههههههههه ماشاء الله