للي عنده مشكلهفي ذاكره الكومبيوتر وجهازه بطيء
هذا حل للي عنده مشاكل في الذاكرة ويحس إن جهازه بطيء في البرامج أو الإنترنت
1- رح لل control panel ثمن add/remove programs وشف البرامج اللي ما تحتاجها سوّ لها remove
2- ادخل my computer ودق بالزر الأيمن للماوس على الهارددسك وخذ properties وبعدين اختر Disc Cleanup وبعدين يبي يحسب لك البرنامج كل الملفات اللي ممكن إزالتها بأمان ، حددها كلها وقل له اوكي ..
3- رح ل run واكتب الأمر msconfig وإذا طلع لك برنامج اختر صفحة startup وشف البرامج اللي ما تعرفها أو ما تحتاجها في القائمة وشل العلامة اللي عندها علشان ما تشتغل مع تشغيل وندوز..
يبي يطلب منك البرنامج إعادة تشغيل الجهاز ، قل له ما يخالف ..
4- بعد ما يشتغل الجهاز .. رح لmy computer ودق عليه باليمين واختر properties وبعدين رح لصفحة performance وشف النسبه اللي عند كلمة system resources وتأكد إنها ما تقل عن 70% ( ممكن تسوي الفقره 4 قبل رقم واحد وتسويها ثانيه في النهايه حتى تقارن وتشوف الفرق ) كلما عطلت برامج عن التشغيل مع بداية ويندوز ( عن طريق برنامج msconfig ) كلما زادت النسبه .
* بعض الأشياء اللي المفروض انك ما تعطلها : intenat.exe, System Tray, ScanRegistry, TaskMonitor, SchedulingAgent,
load = (برنامج الطابعه),
* طبعا يبقى برامج الحماية والأنتيفايروس والآيسيكيو أو الياهو مسنجر .. وهذي بكيفك ممكن تشيلها أو تخليها .
* إذا اشتغلت كثير على الجهاز لازم تسوي له ريستارت حتى تفرغ الذاكره ، .. استخدم برنامج زون الارم للحمايه بلحاله تراه قوي على الألم وخفيف على المعده ، وتأكد بعد ان جهازك خالي من ملفات التجسس اللي تشتغل مع ويندوز .
* استخدم برنامج Cleaner لكشف ملفات التروجانز وبرنامج Optout للكشف عن ملفات التجسس ..
* حاول تخفف من الأصوات والخلفيات الملونه اللي تشتغل مع ويندوز وبرامج السكرين سيفر بعد .
** برنامج فري ميموري أو أي برامج تنظيف الذاكره ، هذي ما تغنيك عن اللي هالطريقه ، يعني ممكن تغنيك شوي عن إعادة التشغيل ، لكن عموما إعادة التشغيل تحل لك مشاكل كثير في الجهاز وأنا شخصيا جربت برنامج فري مم ولقيته يأخذ وقت طويل وما يغير شيء يعني ما منه فايده.
إذا كان الإكسبلورر فايف يسوي لك مشاكل تهنيق وغيرها فإتبع هالطريقه :
رح لإضافة و إزالة البرامج في الكنترول بانيل
- اختر Microsoft internet explorer 5
- بعدين اختر إزاله .. يبي يجيك نافذه فيها ثلاث خيارات و طماطتين
الخيار الثاني يسوي لك توظيب للقير .. حدده
ثم قل له على بركة الله ، وبعدين يبي يقول لك انه لازم تعيد تشغيل الجهاز ، عطه الأخضر وقل له ما يخالف .وبس !
**إذا الويندوز عندك بواجهه عربيه Local فتركيب الإكسبلورر خمسه اللي جاي مع مجلة ويندوز أو غيرها .. فهو يسوي لك مشاكل تعارض خصوصا مع السكرين سيفر .. وكل شوي يعطيك رساله " قام هذا البرنامج .....إلخ " ، لكن ممكن تركب الإكسبلورر خمسه اللي موجود في سيدي الأوفس2000 .. موجود معه نسختين Loc و Ena ، جرب تركب Loc وإن شاء الله مافية مشاكل .. أنا بصراحه ما جربت اللي مع الأوفس .. بس واحد من الشباب جربه ويقول مظبوط .
لكن لو ناوي مثلا انك تشيل الويندوز أو تفرمت الجهاز ، فأنصحك بتركيب الإصدار الثاني من ويندوز أو الملينيوم .. لأن الإكسبلورر خمسه يجي معه مدمج .
البرامج اللي لها تأثير على موارد الجهاز (الذاكرة) هي
برامج الملتيميدا (مثل ريل بلاير وجوكبوكس)
- برامج السكرين سيفر
- برامج الأصوات
- برامج الحمايه (لا تلغي الحمايه ، بس استخدم برنامج خفيف مثل زون الارم)
- برامج الأنتي فيروس
- برامج الخلفيات
- برامج الترجمه (مثل برنامج إيزي لينقو)
- برامج تسريع الإنترنت (كلها مالها داعي)
** هذا اللي تذكرته الآن. بس المهم انك تنظف الهارددسك وتحاول تخلي المساحه الفاضيه منه اكبر ما يمكن .
** إذا بغيت تدق على لنك ، إضغط على زر shift وخلّك ضاغط ألين تدق على اللنك بالماوس ،، بعدين ارفع مصبعك عن shift .. تلقا اللنك فتح في صفحه جديده !!
طريقة عمل نظام تشغيل على القرص المضغوط
Bootable CD
أول ما تحط البلانك سيدي في السيدي رايتر بيشتغل معك برنامج حق السيدي رايتر ..
1-اختر منه create data CD
بيطلع لك برنامج اسمه CD creator أو Easy CD creator وهو عباره عن صفحه مكونه من نافذتين اللي فوق تاخذ منها الملفات اللي تبي تنسخها ،، واللي تحت هي خانة السيدي الجديد
2- اختر New ومنها اختر bootable CD
3- بيطلب منك البرنامج انك تحط قرص مرن محمل بملفات النظام يعني startup disk
4- سو اللي قاله لك البرنامج وادع لي وتراه يبي يحط لك ملفين في السيدي ، وهي ملفات النظام المطلوبه .. خلاص ما بقى شيء.
*** هذي ترجمه تقريبيه للي كتبته بالإنقليزي على حسب ما أتذكر لأني بصراحه من زمان ما اشتغلت على وندوز بواجهه عربيه :-
-------------------Control panel -> لوحة التحكم
---------add/remove programs -> إضافة / إزالة برامج
remove - --------------------------> حذف ، إلغاء أو إزالة تثبيت
my computer - -------------------> جهاز الكمبيوتر
------------------------properties -> خصائص
--------------------Disc Cleanup -> تنظيف القرص
run ---------------------------------> تشغيل
startup -----------------------------> بدء التشغيل
performance ----------------------> أداء
system resources -----------------> موارد النظام
Local -------------------------------> ويندوز عربي بواجهه وأوامر عربية
Enabled ---------------------------->-ويندوز عربيه بواجهه وأوامر انقليزيه
Blank CD --------------------------> يعني سيدي جديد وفاضي
(منقول)
