تعريف المغازلة و أساليبها

غازل يغازل.....فهو مغازل..ومنه ينتج المغزلجي..وهو ذلك الشخص..الذي ينطق بكلمات الحب للتقرب من
شخص آخر...سواء بالكلام او بالفعل..
------------------------------------------------------------------------------------------
المغازل..منذو مبطي..:

ولنرجع مثلا لعدة سنين قبل الهجرة...ولنأخذ مثال امرؤ القيس..يذكر انه..كان طاق له ابوه خيل..مهوب صاحي..مظلل وحركات..ولوحة ملكيه<طلعت الأرانب:p
...فكان يكد قذلته ناحية اليسار..ويذهب الى سوق الجاريات..المملوحات..

وبينما هو ماشي الى هناك..وعيونه تدور عن تلك الفتاة التي تدخل مزاجه.....ويلتفت..واذا به تقع عينه على فتاة شقرا بيضا بياض القشطه...وبينما هي تسحب دلو الماء...يجي ابو قيس..مسوي يعني اني عطشان..وبحركة معروفه في ذلك الوقت..وهي ان يناظر للخلف..ويسوي نفسه مايدري الى ان يصطدم بالفتاه..وينكب الماء...لماذا ؟....قلي لماذا..؟?:

قلنا لماذا.؟ حسناً...هناك سببان يختلفان....على حسب الفتاة المصدومه..

اولا : اذا كانت ثقل..وشايفه نفسها..وبنفس الوقت حلوه وتستاهل...فعليه ان ينافخ..ويسوي نفسه منهبل..ليه ينكب الماء على ملابسه..ذلك لكي تعتذر منه...وان لم تفعل ايضا هناك حل آخر..وهو ان ياخذ صطل الماء ويكبه على شوشتها..نعم....كب الماء عليها..هنا هي تبي تسوي شي من اثنين..

اولهما..تبي تكع..وتنفجر بالضحك....وهذا هو المطلوب..

ثانيهما..سوف تنادي اربعه يجون يفرشونك.....ولنأخذ بحسن الظن..ونقول انها ضحكت..

فهنا...يقوم ابوقيس...بذب اداة الترقيم سابقا....الا وهي حصاته ( صخره ) مرسوم عليها..كروكي خيمته..وتحتها قصيده غزليه..

ثانيا : اذا كانت الفتاة مخفه او لنقول طيبه شوي...لا تنفخ عليها...بل سو نفسك ذوق...وقم شل صطل المويه...واملاءه لها من البئر..

وهذا حسب..مافعل المغزلجي الشهير امرؤ القيس...

------------------------------------------------------------------------------------------
المغازل...في العصور ماقبل الحديثه.:

.اي في حدود مابين تاريخ 1390 الى 1409...اي على وقت ماكانت طلعت الشباب للمغازل يضرب لها الف حساب...من قطة للبنزين..واربع اقلام اثنين ازرق وواحد احمر..وواحد رصاص....اربعه اشرطة للفنان بشير حمد شنان..جميعهها اغنية ياليت سوق الذهب يفرش حرير...ايضا كرتون ببس...وذلك لغرض استخدامها عند الأنزناق ..والتوهق مع جمس الهيئه.. :واو:

يجتمع هالشباب اللطيف..المكون بالعاده من 9 اشخاص..يتزاحمون في المازدا...غالبا تكون ذات لون سماوي..وهو بالأصل كان ابيض..بس عيال الحارة ماقصروا مخلينه دفتر تواقيع..

صفات التسع اشخاص ..:

يجب ان يكون واحد منهم على الأقل..دب..اي بمعنى يكون كبر الباب..للحاجه اليه لكي ينسدح امام الدوريه عندما تلاحقهم..:أفكر:

يجب على الأقل..وجود واحد يتمتع بصفة الدلاخه :p ...سواء بشكله او بكلامه..ويفضل يكون اسمه صعفق او رامي..

يجب توفر اثنين على الأقل..حلوين..وهذه الحاله نادرة الوجود ان تجد في طلعت شباب اثنين حلوين بنفس الوقت..وذلك لغرض..عند رؤيتهم للصيده( التي هي عبارة عن الفتاة) ممايحتم عليهم ان يرزون هالشاب المملوح..ويكون طاق ابتسامه..من الأذن للأذن..يعني يقالك اغراء..:أفكر:

ننتقل للأشياء العمليه...ولنذكر اننا لازلنا في العصر ماقبل الحديث..

عندنا..تأتي المازدا المحمله بهذه المجموعه اللطيفه من الشباب...سوف يزاعق واحد منهم فجأه..عند رؤيته لطرف شي اسود..

مما سوف يؤدي الى ان يسحب السواق جلنط...وتجيك المازدا معرضه بالطريق...وتكون حالتهم داخل المازدا..اقرب الى الصحن الدوار اللي بالملاهي....ويصاب الشباب عادة بخيبة امل شديده عند اكتشافهم ان الشيء الأسود الذي رآه المرحوم ( حيث انه سوف ينجلد الى ان يعتزل مهنة المغازل ) فيكون ذلك الشيء الأسود اما كيسة زبالة ..او او سوداني منسدح ويتمتع بالجو الشمسي...<<<<وش ألي جاب داج هنا :p

ولنأخذ بحسن الظن..وهي حالة قليله...ان يكون ذلك الشيء الأسود..فتاة...سوف تقف المازدا..على جانب الفتاة..وتكون خشة الشاب المملوح مرزوزه وهو مبتسم..ويكون الدب من الجهه الأخرى عشان ماتشوفه البنت ويصيبها حالة انهباليه..:واو:

فيقوم واحد من الشباب الذي يتمتع بصفة اللكاعه..بالتحدث مع الفتاة...فيقول..: هلا ياقمر..ياربي احفظ هالغزال اللي يمشي":" ..اول مره اشوف قمر بالظهر..تسلم لي هالعيون..وهالجسم..ولا جسم مادونا....ولكن حذار ان يقول وصف لشيئ لايراه..مثلا يقول يسلم لي هالساق..وهو لايرا ساقها..فذلك من النصب..والكذب...والفتاة اكره ماعليها الكذب..:غضب:

بعد الحديث السابق..سوف تكون ردة الفعل كالتالي...عادة....

1- كعب على جبهة السواق.. :"

2- بلكة تكسر قزازة السيارة...:واو:

3- هايلكس بايعها بتبن يصدم المازدا ( راعي الهايلكس = اخو الفتاة:غضب: )

4- هاااو:غضب: حسينوه ولعنه ( هذي طلعت ام واحد من الشباب:واو: )

5- انقلع يا قليل الأدبhttp://www.montada.com/images/icons/icon8.gif والله لا علم امك عليك ( ايضا طلعت بنت جيران واحد من الشباب:واو: )

6- اقصى احتمال ممكن ان ناخذه...هو ان تكون شغاله...فسوف تلتفت عليهم...ويتروعون من خشتها.. :واو:

فيعودون الى مركز الأجتماعات ( محلق واحد من العيال ) خائبين...وبنفس الوقت مبسوطين...وقد قضوا وقتا ممتعا بالدوران والذب على الهنود..وملاحق اللموزينات...

------------------------------------------------------------------------------------------
المغازل بالعصر الحديث..ينقسم الى قسمين...: 1 - المغازل على ارض الواقع ( الواقعي )

2 - المغازل عن طريق الكمبيوتر ( الأنترنتي )
+++++++++++++++++++++++++
1 - المغازل في ارض الواقع....هذا الله يكفينا شره ..يقوم بانطلاق بواري سيارة حدا الشباب عند باب خوية اللي هو مارة..للذهاب في جولة تفقدية على الفتيات...يبدا يضرب بواري..في تمام الساعة السابعه المغرب..واذا كانهم راعين طويلة نقول من الساعة الخامسة عصرا..

واذا كانهم مايوفرون...وذولا..اصحاب الكورلات والسيارات متوسطة القيمه..اللي ماينعطون وجه الا بعد اثبات الوجود (طريقة إثبات الوجود لها قسم خاص من الموضوع )..فذا القسم يبدا شغله بالمغازل من الظهر..يعني هه حزة طلعت المدارس..:p

فحنا نبي نبدا..حسب الوقت..الساعة 12 الظهر..يجيك طاير..راعي الكورلا..او لنقول كامري..ومعه خوية..ومرسمين الشباب الحلوين..وغالبا..يكون اثنين..لأن اذا زادوا..فذولا تحس انهم مبزرة ولقوا سيارة وفرحانين بها..:0)

فهالأثنين الحلوين..حاطين بروسهم..مدرسة معينه..وغالبا مدرسة اهلية..وتكون هه حول العليا..وتفضل تكون على طريق عام ( لماذا ؟ ?: ) ينطلقون ناصين هالمدرسة..وخذ ياتمتير بالشارع المقابل للبوابة..ومشغلين..المسجل..وطاقين النظارات السود..ووجيههم على قدام..يقالك اننا ثقل..وعيونهم شوي وتطلع مع جنب من زود القز.. :!

يطلعن الفتيات من المدرسة..كل وحده تافله العافيه مالها خلق..وميته من الحر..ويجي ابو الشباب وخويه..يترززون عندها..لا وومن زين الطبايع بعضهم تلقى معه قلم جديد..مشخص فيه..وتلقاه طول الوقت راز الصدر يعني شوفي قلمي.. ;-)

تلقى البنت..مير ماجابت خبر..قاعدة تهوجس..باميا والا فاصوليا ..ياربيه يارب الشغاله مسوية باميا....وبعضهن يهوجس...ياويلي من امي :( نسيت اقول لأبله سعاد اننا نبي نسافر بكرا..

والدافورة منهن تهوجس ياربيه ابله رقية ماشافت حلي اليوم ياربيه قهر.. :(

واخويانا الشبيبه...كل واحد طاق الأبتسامه":" ..ويبحلق....لكن حنا نبي نقول..وش ينتظرون هالأثنين..؟!؟

ينتظرون..حركة قبول بس..يعني..يبيلهم بس..وحده تمغط مثلا...حتى ولو هي موب قاصدة انها تأشر لهم..وعقبها..شف الطردي...

مايوقفون الا ..يتطمنون انها دخلت بيتها..لا ويمرون من جنبها من عند الباب وهي راكبة..وكلهم ملتفتين..لها..وهي..تلقاها بلشه تحرك المكيف تحطه على خشتها..واللي مير تكمل تمغط وتنام..

بس هناك استثناءات....وهي تلك الفتاة..التي نطلق عليها..لكيعه..او تحب الهبال :6 ....وغالبا تكون..نايمة بالفصل..عاد تصير رايقه ..ذي تبي تقز هالشباب اللطيف..

عاد تقول للسواق..مر على اليورمارشيه..او العزيزية ..ابشري شريط .. طبعا ابوبستك ( الباكستاني = السواق) مهوب قايل لا..

بتدخل اليورمارشيه...وذا الدلوخه رازين خششهم وراها...طبعا هي عارفة...وتبي تشخص عليهم...بتقول عطني اغنية غربيه..بتقول اسمها

طبعا اخويانا..مالهم بالغربي...حدهم عمرو دياب يحسبونه غربي...كذا بيختبصون ..وبتضيع علومهم..بس خل عنك بيتصرفون..يقولون باك ستريت بويز...بيقزون اسم اي شريط من بعيد..ويقولون اسمه..طبعا بيتوهقون بالشريط..وبيدفعون سبعطعش ريال....

اما هي..لا بتقول لا خلاص مابيه:p ..وبتطلع.....لكن المحترفين من اخويانا..بيزلق عليها ..ذوقك حلو..والا فعلا الشريط هذا رايق ..

اذا كانها..ثقل...بتعطيه اشكل ..ومهيب رادة...بس الخفيفه..بتلتفت وتقول..لاه...تيب ماتعرف غيره ؟

هو هنا يبي يتشقق من الوناسة....بعد مايقولها على كم شريط من راسه...يبي يقول..صراحه عيونك حلوة ( ولو ان عيونها..تقل عيون كابتن منتخب الهند:! خاصة لاجا يشوت بلنتي بس عادي )

عاد هنا..هي بتضيع علومها....وخلاص بتتقبل اي شيء....هنا عاد...يسدح صفر خمسة اربعه....الخ

بعد مابدأنا..في المغازل الحديث في وقت القايله..(الظهريه )..ننتقل الى فئة العصر..ونقدر نطلق عليهم..فئة صدفة تلاقينا..حيث يعتمدون على مقولة رب صدفة لم تلده امك..

ينطلق الشابين اللطيفين..في شوارع الرياض(على سبيل المثال لا الحصر) ..وكل واحد..عيونه صايرة كنه..مدرس تاريخ يراقب باختبار رياضيات:! ..من التحمس..

هذا الوقت يقل فيه..ظهور الفتيات..ذات الطابع الأستلكاعي..نظرا..لأنهن مشغولات بشيء ما قد يكون مع الوسادة..او لحرارة الجو..او تسبيع المواعين ( غسل المواعين حقات الغدا )

ولكن..هذه الفئة..وبعد الدوران..عدة دورات ..يطيحون..بالصيده..ولنطلق عليها اسم الفريسة..بياقفون عند اشارة..

عاد تتطايح المرايات..ويبدا الشابين..بالتشخيص..واللي يكد القذله على جنب..والي يلبس النظارت..

عاد كل واحد منهم..يبدا يلتفت شوي على اللي بالسيارة..واللي يسوي نفسه يناظر الأشارة وهو عينه شوي وتطلع ...:!

واللي يناظر من الجهة الثانيه..يبي يوريهم حبة الخال اللي بخده اليمين..

وهم في انتظار نظرة خاطفة...بس...وفعلا...تجيهم النظرة...عاد يصدقون انفسهم..عاد السواق يعجبك...مايمشي الا يدق اشارة مع اللفات يعني لا تضيعون..

عاد هالشابين..بيقربون للسيارة وهي تمشي..وفي لحظة يلتفتون كلهم ...وهي لحظه حاسمه جدا..فاذا شافوها معطيتهم الخامس..ولا عبرتهم..فهم يبون يصرفونها..ويوقفون عند بوفية يشرون فلافل..:6

اما اذا ناظرتهم..ولو بالصدفة..هنا عاد النشبه..تستمر هالمطاردة...الى شي من اثنين...

تمسكهم الهيئه ويحلقون على الصفر...:"

والا يقدمون معروضهم ( الرقم ) للفتاة...وهي ياتاخذه..ولكن على حسب شكل الشباب ومظهرهم ونوع سيارتهم...كانهم جايين بهايلكس والا ددسن..

فا افلقني بخشبة ان ناظرته...:p

اما اذا كانهم جايين بسيارة كشخه شوي...فممكن تاخذه
________________________منقول___________________________

هااهاهاهاههااهاااااااااااااااههههههههههههههههههههههههههههعععععععععععععععععععععععععععععععع
كخخخخخخخخخخخخخخخخخخخخخخخ
خخخخخخخخخخخخخخخخخخخخخخخخخخخ
وخخخخخخخخخخخخخخخخخخخخخخخخخخ
وش بقى بعد عشان اقوله .
يسلملي الكوبي والباست لمثل هالمواضيع :p


بس كان فيه اصناف منهم من اللي في منتدانا :أفكر: ":"


حلوة ومشكوووووووووووووووووووور :)

هههههههههههه حلوه :0)


بس ما قلتلنا حقات الإنترنت":"

مشكور يا اخوي....وتسلملي على هالموضوع المصرقع.... :6 ;-)

هههههههههههههههههههههههه


اظن بعد هذا المنوضوع راح يقل عدد المغازلين بقوه:D :D ;-)

ههههههههههههههههههههههههههههههههههههههههههههههههههههههه حلوة
بس قديمة

للللللللللللللللللللللوووووووووووووووووووووووووووووووووووووووووووووووووووووووووووووووووول

كخخخخخخخخخخخخخخخخخخخخخخخخخ
خخخخخخخخخخخخخخخخخخخخخخخخخخخخخخخ

هههههههههههه حلو الموضوع بس سكرت علينا الابواب :6 :6 :6

موضوع ممتاز

بس إنت ويش رايك في المغازلجية":"