نويييير ..

جرس الباب ..ترن ترن تريرم تريرم تررراام ترراام، لا حياة لمن تنادي ، الام تصارخ من المطبخ يا نويييير افتحي الباب ،نوير ماهي بلمها ابد ترقص على انغام الجرس ،وجوهر عند الباب ,يدق جرس الباب مره ثانيه ترررن تررن تريرمتريرم تريراام تريراام الام تطلع من المطبخ وبيدها ملعقه طولها نص متر (لا يغركم الملعقه اخذتها من الدرج والا هي تحرك اللي في القدر بايدها ) المهم تجي الام طايره وتصقع نوير على خشتها بالملعقه( احس ان الام حاقده وبقوووه )ما علينا الام : ما تسمعين الجرس وجع افتحي يمكن اخوك روحي بسرعه لا يقعد تحت الشمس يفطس علينا بعدين ، نوير : بعد ما قامت من الصدمه وش تقولين ، الام : نعمممم وتجهز الملعقه للتصويب مره ثانيه ،نوير : لا يمه ايييه ايييه اصبري لحظه سمعتك بس يمه كم مره اقولك انا ثانويه عامه يعني لا تقولين لي سوي شي (الوحده في المطبخ وتقولها جيبي مويه وانتي جايه، تقولك ثانويه عامه لا تكلمني ) ===> ابد ماقد سوت حركات كذا (بس مو مويه سندوتشه ) ههههه ، ويدور الحوار وهواش بين الام ونوير وجوهر ما زال منتظر عند عتبة الباب =====> اما عتبه (ما يمديكم عليها) ويجي ابو حمد اللي هو الاب ويلاقي جوهر متسدح عند الباب ابو حمد : جوهر وراك منسدح فيذا؟؟؟!!جوهر : يبه عيييوا يفتحون الباب صار لي نص ساعه منتظر في هالشمس ، ابو حمد : امش يالله ادخل قدامي والله لاوريك فيهم ======> جاك الموت يا تارك الصلاه.
يدخلون ويصادف ابو حمد زوجته ويسلم عليها بذاك الهواش والام تدعس لنوير علشان تحط حرتها فيها ، نوير تشوف امها جايه تحط رجلها وما تسمع الا باب غرفتها يقول طعععع ،بعد خمس دقايق ، ابو حمد : وين الغدا ؟؟ الام : يا نويير يا نويييييييير عساك الصمخ حطي الغدا ، نوير : صاكه باب غرفتها وتاخذ الامان من امها وترد من تحت الاب ط1111111111يب جاااايه بس لا تطقييييين ، الام : اقول اخلصي ياللي منيب قايله ، تطلع نوير تغرف الغدا ، ابو حمد جالس بالصاله ويسال عن حمد ، تمر نوير من الصاله: هلا يبه وشلونك ؟؟؟؟ حمد بغرفته ، الاب : طيييب ناديه ، نوير ان شااء الله يبه ، جوهر وحمد في الغرفه يسولفون ، جوهر : حمد تدري وش شفت اليوم بالمدرسه ، حمد ايه وش شفت ، تدخل عليهم المصرقعه نوير وترجف الباب ذيك الرجفه وتقول اذا تبون غدا يالله والا بعدين مافيه الا الزبادي ، حمد : طيب جايين ، جوهر : ايه حمد اكمل لك السالفه ، حمد : لا بعدين انا جوعان وبعدين والله ما يبقون لنا شيء خلنا نلحق عليهم قبل يغسلون التباااسي =======> دايما ضحيه لهالحركه اهي اهي اهي
ويروحون للصاله العايله كلها متجمعه على الغداويجلسون ويبدى الهواش كالعاده ، حمد : نوير روحي جيبي لي ملعقه ، نوير : اقول يالله بس كل بادينك والله ما اقوم ، حمد : يبه قلها تجيب لي ملعقه الاب : نوير قومي جيبي لحمد ملعقه ، الام : لا يا سلااااام خلوها ====> مو خلوها ما غيره ( سلامي لابو ابراهيم ) هههههههههه
اصلن =====> ابوك يالتنوين
اصلا نوير اذا قامت من على الاكل ما ترجع تاكل مره ثانيه ( الام في صف بنتها لغرض في نفسها اعتقد والله اعلم انه تهميز ) جوهر : يمه هاتي من السلطه اللي عندك الام : لا هذي لنوير نبيها تتغذى =======> اقول السالفه مهي بتهميز شكلها اكبر
الاب : اقول اهجدوا خلونا نتغدى ، يطمر جوهر : اقول حمد اكمل لك السالفه, حمد : ايه وش عندك ، الاب : وش عندكم يا عيال ، جوهر يبدى يتكلم : تدرون وش شفت اليوم ، الكل : وش شفت ( ما يحلى الحكي والحش الا على الاكل ما تلاحظون ) جوهر يبدى يوصف وش شاف يقول : شفت مجموعه فجأه يغص حمد ، الام : وين المويه ؟؟؟ نوير : نسيت اجيبها ، الاب : الله يعين اللي بياخذك فزي فز عصبك جيبي مويه لاخوكي ، نوير : ط111111يب وهي تمشي ( اقول وش فيه ذا عصب علي ماله داعي هذا الشايب هو ووجهه) وترجع ومعها كاسه مويه ،الام : هذا اللي قدرك ربي عليه كان جبتي جك مويه ( الاب في نفسه دامك امها ما عليها شرهه البنت ) نوير : ايوا جوهر وش شفت ؟؟؟ جوهر : ايييه اسمعوا شفت اليوم في المدرسه مجموعه اولاد يسوون حركات غريبه ، حمد يقاطع جوهر ========> ياشين هذي الحركه
اقول من الصبح مزعجنا واخرتها تقولي مجموعه اولاد الشرهه مهوب عليك الشرهه على اللي يعطيك وجه ، جوهر عصصصصصصصب اسمع اول وبعدين احكم ،الاب : ايه كمل يا جوهر ، جوهر : شفت اولاد عليهم حركات غريبه ، لحظه صمت من الجميع ، الاب : اي حركات ؟؟؟؟ جوهر :يبه مدري احس انهم موطبيعيين ، الاب : مستغرب كيييف ؟ ؟ جوهر : يبه مدري كيف اوصف لك لكن هم اولاد عاديين مثلنا لكن حركاتهم غريبه ، الام : جوهر بسم الله عليك وش فيك لاتكون ماخذ ضربه شمس ، الام : الله يقصف عمرك يا نويييير لو فتحتي للولد ما كنه بهالحاله ، جوهر : يمه ما فيني شيء ,الاب : يالله اخلص وش فيهم ، جوهر : يبه هذولا اولاد ما يعرفون يحكون مثلنا وكل شوي يسوون حركات واذا احد كلمهم او قرب منهم يطقونه ويبدون يعفطون في وجيههم واشكالهم يبه تصير تخوف وتضحك ، تصدق يبه في البدايه كنت خايف منهم ولكن بعدين قعدت انا واصحابي نضحك عليهم ، نوير : هذولا ما كأنهم معاقين بس وش جابهم لمكم؟؟؟؟ الاب : اهااااا فهمت الحين السالفه انا بوضح لكم الموضوع ( يا عيالي هذولا شريحه من شرايح المجتمع اللي البعض ما اعطاهم حقهم حتى في النقاش عنهم ، نوير : ايه يبه كمل ، الاب : وبعدين يا نوير وبما انك متعلمه ما سمعتي انه اطلق عليهم ذوي الاحتياجات الخاصه بدال من المعاقين ، حمد : طيب يبه وش قصتهم ذولا ووش جابهم في مدرسه جوهر ؟؟؟؟ الاب : يا ولدي انا سمعت ان وزاره المعارف ورئاسه تعليم البنات راح يطبقون نظام الدمج بين الطلبه الاصحاء والطلبه من ذوي الاحتياجات الخاصه ، نوير : يبه ياليت لو تعطينا فكره عن ذوي الاحتياجات الخاصه ويبه هل من السهل على الطلبه الاصحاء تقبل هذي الشريحه خاصه في المدارس ووش في رايك سلبيات او ايجابيات هذا الدمج ؟؟؟؟؟؟ والاهم نظره الطلبه الاصحاء وتعاملهم مع هذي الشريحه الحساسه في المجتمع كيف راح تكون ؟؟؟؟ الاب : اسئلتك منطقيه يا نوير ، حمد : طيب يبه هذي الفئات من الناس ليه ما نشوفها ونسمع عنها بجتمعنا ، الام : وش قصدك يا حمد ؟؟ حمد : اقصد ليه ما نشوفهم في الوظايف ، المدارس ، مجالات وميادين العمل ، اكيد هذولا يبه قادرين على العطاء لكن المجتمع ما عطاهم فرصه طيب يبه هل المجتمع اعطاهم حقهم في كل شي ، الام : يا ابو حمد طيب كيف نظره المجتمع بشكل عام لهالفئه وما مدى تعاونهم معها ؟؟؟؟ وهل احد يسمع لمشاكل واحتياجات هذي الفئات او انها مركونه جانبا ؟؟؟؟ ترجع نوير تسال : يبه ذيك المره رحت لسعاد صديقتي تصدق يبه شفت اخوها مسكين من هالفئه ويوم دخل علينا بالغرفه قامت سعاد خاصمته وطردته واسمعها تقول لامها : امسكي ولدك هذا لايطلع للناس ويفشلنا ؟؟؟؟؟ يبه اذا كان هذا تعامل وموقف اخته منه اجل كيف المجتمع؟؟ وخصوصا الاولاد الصغار, اخر سؤال كيف يبه ممكن نخلي عيالنا يقدرون يتعاملون مع هذي الفئات اذا ما تم الدمج اللي قلت عليه ، الاب : بعد كل هالسيل من الاسئله يبدى يجاوب .... يا عيالي ، وفجأه يرن التلفون وتطمر نوير : ايوه مين ابو دحيم : السلام عليكم ابوك فيه يا ولد ؟؟ نوير : لحظه ( وهي في نفسها تقول كل هالرقه واخرتها يا ولد وجع ما عنده سالفه ) نوير : يبه واحد يبيك واظنه ابو دحيم ، الاب يقوم يكلم ابو دحيم وبما ان ابو دحيم اعز اصدقاء ابوحمد اذا المكالمه راح تطول فوش رايكم لو نحاول نتناقش ونجاوب على تساؤلات الاولاد وامهم الين يخلص ابو حمد المكالمه ;) ":"