-
مدينة الالعاب:
في احد سمع منكم عن هذي المدينة .....اكيد لا
شايفين هذا الشارع .....ايوه هذا اللي ماشين فيه...عارفين ثاني بيت على اليمين بيت مين ....بيت جيمس بوند....ايش البيت اللي جنبه؟؟بيت نتاليا طبعا.......ام آخر بيت في الشارع فهو بيت سلاش مبين عليه من برة شايفين الكشة اللي فوق البيت......اذا مشيت لاخر الشارع بعد كوبري سيجا ولفيت يمين ..وتركت اول لفة شمال ودخلت اللي بعدها حتلاقي قلعة جانون....احسلك تبعد عنها لانه الطريق ليها محد يعرف له غير لينك اللي ساكن في حي هيرول ......هذي نصيحة مني لحد يروح حي ريزدينت ايفل .....الا اذا كنت مشتهي تشوف زومبي ولا تاخذ لك عضة ....ايش ؟....تبغى تشوف جيل ..نقلت من هذا الحي من زمان ...تزوجت كارلوس وسكنوا في العمارة اللي فوق محل السباكة حق ماريو و لويجي......انتبه .....منت شايف بيبسي مان يجري ورا علب البيبسي .....الحمد لله ما صدمناه ....شوف هذي النقطة الزرقاء اللي جايه من بعيد....ايوه اللي عدت من جنبك دوبها....بتسال ليش سريعة.....لانها سونيك طبعا
....في هذي المدينة الخيالية حتدور احداث سلسلة فنتازيا ....انا حااحاول ان السلسلة تكون اسبوعية لكن ما اوعدكم ....و انشاء الله تعجبكم ....وتكون اضافة حلوة للمنتدى
ملاحظة:ابغى اراء جميع اعضاء المنتدى واذ كان عندهم فكرة لمغامرة يرسلوها ليه وانا حاكتبها طبعا حاذكر اسم صاحب الفكرة............وشكرا ..............ماري
-
انا بإذن الله
باكتب هذي السلسله و بتكون اجزاء مثل مواضيعي
و بيكونون الابطال هم اعضاء المنتدى
القصه في البدايه بتكون سخيفه بس بتكون حلوه في الاجزاء المتقدمه
-
-
ohhhhh صح في نفس الشارع كنت عايش هناك hehehehehhe
يالله بنشوف التكمله يمكن بتكون حلوه ...............
======a.m.k========4======ever======
-
انشاء الله حتعجبك....في احتمال اني اكتب الحلقة الاولى اليوم
-
-
ههههههه حللللللللللوة
اكيد راح تنجح السلسلة
بس لايشترك معاكي فاس في كتابتها لأنها راح تصيرر سخييييففة
(ترى أمزح)
-
الله يحيك يا فاس .....بس المهم انه يكون في تنسيق بيننا .....
-
داخله...
فاس بدون زعل...
ما تعتقد انها فكرة ماري وكان يفترض انها هي اللي تدعوك تشاركها...
بالاضافه انا بصراحه (و هذا رأي) احب اشوف منك فكره انت اللي مبتكرها( خليك زي شركه ننتندو مهو زي سوني).
و هذا مجرد رأي و لا تزعل لاني اشري رضاك...
-
انا زعلت
امزح معك .....مثل ما تبغون ...بتصير سخيفه ولا يهمكم ما بشارك فيها
-
مانستغني عنك يافاس ....مين اللي قلك انها بتصير سخيفة اذا شاركت فيها؟.......الكلام هذا مو مزبوط
-
لحظه يا فاس انا ما قلت انها بتصير سخيفه ...
انا اعتقد انك خفيف دم و خيالك واسع بس ابغى اشوف شىء انت اللي مبتكره...
ليتني ما تكلمت...
-
لا عادي ما في شيء
انت ما قلت شيء
تكلم على راحتك
