عرض للطباعة
سلام
جربت اشغل هذه اللعبه بس لما اعمل لها install تطلع لي رساله خطا لما اوصل الى 55% ويرجه العداد الى 11% وكل مرة يصير جذي مع العلن اني شريت اللعبه من محلين مختلفين بس نفس المشكله صارت لي ؟؟؟
وانا عندي ويندورز اكس بي فهل من الممكن انه يكون السبب او لا؟؟
واي واحد شرى اللعبه من الكويت يقول لي من وين ؟.؟
وما كو طريقه اشغل اللعبه الي عندي؟؟
يمكن الذاكرة لاتكفي
يعني خل مساعة بالقرص الصلب اكثر من 2 GB
انا عندي اكثر من 10 جيجا بس المشكله مو راضيه تروح ما ادري ليش
السلام عليكم
انا عندي وندوز اكس بي وشاري اللعبة من الكويت وكانت شغاله 100%
يمكن النسخة اللي عندك خرباته .... اذكر اني شريتها من حولي من محل اسمه بهبهاني واهو محل سيديات مقابل محل ICQ للكمبيوتر ورى القهوة -الشيشة- اللي بجانب المركز الامريكي.
بالتوفيق
يعني انا حظي حده مو شي فشريت اللعبه من محلين غير عن بعض وشكل اللعبه غير يعني مو نفس النسخه لكن هم طلعوا خربانين :( :( :(
خلاص اذا ماكو حل ما كو الا ان اشتريها مرة ثالثه ....
وبغيت اسال الشباب الي في الكويت اذا يعرفون محل زين حق الالعاب والبرامج يكون ثقه يعني العابه ما يطلعون خربانين...اذا تعرفون محل زين ارجوكم كتبوا اسمه ومكانه
السلام عليكم
شوف اخوي بقولك شغله... كل المحلات تاخذ من مخزن واحد .. يعني كلهم نفس المصدر والربح على التصريف :)
شنو مواصفات جهازك؟
بالتوفيق
مواصفات جهازي:
P III 1GH
256 SDRAM
NIVIDIA TNT2
اعتقد انه هذا اهم شي
السلام عليكم
1 جيجا !!!! وتبي تخزن اللعبة بعد :) الله يسامحك العالم الحين على 60 100 جيجا :)
يبيلك هارديسك جديد افضل .... انا شريت 40 جيجا من المعرض اللي طاف ب26 دينار بس
انا اقول اللعبة مثل ماقالوا الاخوان تبي فراغ كبير بالجهاز وهذا مو متوفر عندك .... يبيلك هارديسك جديد
بالتوفيق
أهو قصده المعالج سرعته 1 جيغا هرتز (بنتيوم ثري ألف)
وأهو ما ذكر شي عن الهاردسك
:D :D :D :D :D
من دون زعل :D :D :D :)
السلام عليكم
:) :) :)
والله مخي انا اللي واحد جيجا :)
الظاهر اخوي السيديات اللي عندك خربانه .
بالتوفيق
اول شي باركولي يا شباب لاني قدرت اركب العبه:) :)
طلع السيدي وسخ شوي فنظفت عدل
لكن طلعتلي مشكله غير متوقعه ...لما بغيت اشغل اللعبه اول مرة طلع مربع صغير فيه كلام وايد وبعدين صارت الشاشه سوده بس بعدين يطلع المربع مرة ثانيه ويكتب:
GLW_StartOpenGL() - could not load OpenGL subsystem
فما هو الحل؟؟؟؟
السلام عليكم
مبروووووووك الف مبرووك :)
الحل ان كرت الشاشه اللي عندك مافيه Open GL الازم لتشغيل اللعبة :)
قم بتحديث الدرايفر الخاص بكرت الشاشة اللي عندك ... شنو نوعه ؟؟
يمكن نقدر نساعدك...
بالتوفيق
قم بتنزيل درايفرات Detonators من موقع http://www.nvidia.com فهي تحتوي على محركات OpenGL.