سالفة عهود وطلال*واقع*

في البداية نظره في السوق و إلا عند اشاره…":"
تعجبه و يغازلها باحلى عبارة…
غرته بطريقة نقابها…
و عيونها و أهدابها …
و تبسط و تلتفت له …
قدر يضحك عليها هالخبله …
وجرها ( الذيب ) لأوكاره …
و تقول في نفسها وش هالوسامه …":"
كشخه و فخامة …
ليش ما آخذ أرقامه …:أفكر:
وهو ينبسط آخر انبساط …
و يشتط كل الاشتطاط …
مشى عليها معسول كلامه …
و تأخذ الأرقام …
و يرجع ما ينام …
و يقعد يصف أحلى الكلام …
و كيف مع الأيام …
يوهمها بالحب والهيام …
و تتصل هالغبيه …
و تبدأ فصول المسرحية …
هي : الوووو…
هو : هلوووو…
هي : ممكن اكلم طلال؟!…
هو : أنا طلال…
والله إني محظوظ بها لاتصال …
بس ما عرفت اسمك؟؟؟
هي : لها لدرجه يهمك…
هو : أكيد دامني أكلمك …
هي : طيب ،،،،اسمي عهود…
هو : الله ،،،،أحلى اسامي الوجود …
هي : ميرسيييييي ،،،،كلك ذوق …
هو : و انتي الصادقة كلي شوق !!!!…
و يبدا يلعب لعبته …
و يبينلها شوقه ولهفته …
و يمر يوم ورا يوم…
و تصير علووووم…
و يطلب انه يشوفها …
و تبدي هي خوفها …
و إنها صعبه ظروفها …
و يسوي نفسه زعل …
و انه اكثر من كذا حرام ،،،، ما يحتمل …
و لأنها تحبه …
و تحسب إنها ساكنه قلبه …
تتدبر له موعد …
بس تكون دقا يق وتنعد …
و يقولها اوكيه ،،، زي ما تبين …
و دامك معي افا عليك بس ،،، لا تهتمين …
و يجي المعياد…
و هو خايف من الهيئة ينصاد …
و تجي و تركب معاه …
و تصير وياه …
و دامه موهمها بحبه وعشقه …
ليش ما يأخذها للشقة ؟؟؟؟
و هي ما تقدر تقوله شئ …
و تقول دامني معه ،،،، ماهنا خوف علي …
و يدخلون لشقته …
و أبو الشباب ( فارد ) كشرته …
و يجلسون سوا …
و الذيب عوا …
و يسألها : ممكن تكشفين ؟؟؟؟
وإلا انتي مني تستحين…
يالله عاد ،،،، وريني هالجمال و الزين …
و تكشف عن وجهها …
و يبان شكلها …
و ينصدم هالمسكين …
أي جمال و زينه …
وعععععععععع طلعت شينه …
و تطيح من عينه …
هالمسكينه …
و يفكر شلون يفتك منها …
و كيف يروح ويبتعد عنها …
و تمر الدقايق ثقيله …
و يا كبر هم يشيله …
و تنتهي الرحله …
و ترجع هالخبله …
و يمر يوم ورا يوم …
و تصير همومها هموم …
وهو لا اتصال و لا خبر …
و هي على أحر من الجمر …
و تقرر إنها تبادر بالاتصال …
هي : الووو ،،،،اهلين حبيبي طلال …
هو : حبيبك !!! أقول بلا هبال !!!!…
هي : حبيبي و شفيك منت مبسوط ؟؟؟…
الو ،، الوو ،، الووووووو ،،،،،طوط طوط طوط
و تتضارب نبضات قلبها …
معقولة هذا اللي حبها !!!…
و تصير مرتبكة …
لا لا مو معقول ،،،، أكيد مضروبة الشبكة …
أو أكيد فيه شئ و مانعه عني قسرا …
أو إن الوقت مو مناسب ،،،، بتصل عليه العصر …
و يجي العصر وتتصل …
عفوا ،،، إن الرقم الذي طلبته غير صحيح فضلا تأكد من الرقم الصحيح و شكرا …

:! :! :! :!