اول مشاركه لي انشالله تعجبكم
القصه منقوله :أفكر: يعني لاحد يفتي علي:أفكر:
انا ماقد حجيت (( اجل وش جايبك انت وخشتك)):)
بس اني اعتمرت مره...وكانوا لاعبين علي اهلي وقالوا ان العمره عاديه
ومافيها شي غير لبس الاحرام...
الى ان جاءت اللحظه الحاسمه..اللي اعترف فيها ابوي امامي اني لازم افصخ
سروالي الصغير..
عاد انا يوم دريت ذبيت عليه الاحرام وقلت متى اقرب رحله للرياض.
المهم الوالد يحاول فيني وانا مافي امل افصخ....وييييييييين ياعمي...رح
هناك بس
وجت الوالده وعلى بالها بتهدي الوضع...وقالت:-
((يابودمجه ياحبيبي ترا مايصلح العمره كذا ياعمري انت...مايجوز اصلا حرام
تلبس الاحرام على السروال))
عاد امي متفائلة جدا اني افصخ السروال...وانا ماوالله افصخه....اصلا
مايدرون اني كنت ناوي البس الاحرام فوق بجامة الشتاء من خوفي لا يجيني برد
ولازكام..
وبعد محاولات حثيثه...اقنعوني اني افسخ السروال بعد ماوعدوني انهم يخلوني
البسه اذا جيت اعتمر مره ثانيه
(( مشكله هالولد انه فطين))
يوم رحت..التفت على ابوي..وسألته:- ليش الحرم كله مظلم ولافيه نور
اثرهم طلعوا هالافارقه متجمعين داخل الحرم ومغمضين عيونهم علشان ماتدري
عنهم الجوازات هه:)
المهم حسيت اني عايش في غربه...وش هالاشكال اللهم ياكافي اول مره
اشوفها...وينا عايشين فيه
عاد اليوم الثاني طلعت لحالي من الفندق متوجه للحرم لحالي...يقاللي مسوي
فيها المغامر الصغير
مادريت الا هالافارقه محتلين المنطقه كلها...ولافيه ولاسعودي...عاد
المشكله يوم شافوني عيل الافارقه قاموا يستهبلون علي ...ويقولون بصوت واحد :- (
جـــــوازات....جـــــــوازات)
عاد انا انحشت وقمت اتوزا في قرنه فاضيه...ومن زود الذكاء غمضت عيوني
علشان محد يشوفني...
بس مادريت الا وبلكه ثقيله تصمخ راسي...اكتشفت بعدين انها عبارة عن يد
بشرية..ترجع الى أحد الافارقه المحترمين
المهم لقيته حاط على كتفه نجمتين...قلت سم يالطيب..وش تبي....قال وين
اقامة مال إنتا
قلت هاه مامعي اقامه..ابوي يقول توني مابعد بلغت ولا اختاج اقامه في ظل
الظروف الراهنه خصوصا بعد احداث 11 سبتمبر الموافق 12 اكتوبر الجاري..((
يقاله تصريفه))
انشالله ماشفتوها قبل كذا:": و تكون عجبتكم :أفكر: :D
