ذكريات واحد منسم

من ذكريات شارع الثمانين....
طبعا معروف شمال غرب منفوحه القديمه شرق من مصنع الكراسي الطايره شمال حارة عبدالله
المهم رجيت لك الموتر تغسيله يحبها قلبك وامر نعمان ويوزن المحاقين مضبوط واخر انسجام رافع المسجل واسمع الاغنيه وكل شي
فل الفللي...
هــــــــــــــذا الموتر
وابو الشباب مقزز ومرتاح
وصراحه الواحد اذا صار مبسوط يايجيه يابدوي ياعج وحدة منها
مادريت الا ذاك الجنيدي بدله عسكري ماشفت على جنب ياكابرس لاحووووووول وش يبي ذا وقته..
وقف ياولد شف وش عنده واقلبها تريقه
وانزل له الا هو تقول عمود اشاره عظم وجلد لاحول صايبك جفاف يالطيب؟ وهو الي اول ماقبلت عليه يقول

هات يالله ام رخصه وهات ام استماره....

قلت بس جت لحدك يامقلع....
قلت والله يابو الشباب ماعندي...
هيا اركب ياولد نتفاهم اقلك اركب
امحط به هالحين ولا تدري اركب بس لاتوهق واركب معه
ويمغط بي شوي الا انا في الناصريه.
وعند ذاك الضابط وهو يطالع فيني ومستغرب لايكون مشبه بس
هالحين هذا كبرك ولا عندك رخصه ولا عندك استماره
قلت ليش الا عندي وقال وشهوله جايبك اجل حب في هالوجه قلت يابن الحلال هو يقول هات ام رخصه وام استماره
امهن ماعندي احسب انه نظام جديد
وهو يتصدد عني قال انقلع فارق طلعوه الله يقلعه ولا عاد تيجبون هالاشكال.
هو صدق انحش ياولد ومع البوابه وعض اسفل ثوبي ولا وقفت الا عند مويتري ودق سلفه وعلى الحوش