مطعم الغواصه

حنا في سنة 2005. يوم 5 من شهر 5

المكان : وادي الدواسر, مطعم الغواصة

مسعد قاعد يسوي كوكتيل عصير, يحط تمر و حليب و شوي سفن اب بالخلاط وقرقاص (يا زينه جربوه) . يوم انه خلص الكوكتيل حطه في جرة صغيرة اللي هي الكاسة ووداه للاثنين اللي جالسين على ذيك الماصة, بعدين يروح لماصة ثانية يلقى ذاك السايح اللي من الرياض, و تدور ذيك المحاورة :


مسعد : ويش طلبك ؟



السايح : اشوف المنيو اول



مسعد : ويش اللي تبي مني ؟



السايح : المنيو



مسعد : درينا انك تبي شي بس ويشو يالله خلصونا ذبحتونا يا اهل الرياض تخلطون العربي بالانجليزي



السايح : المنيو يعني قايمة الطعام



مسعد : ويشي قايمة الطعام, الحين فيه طعام قايم و فيه طعام قاعد



السايح : خلاص تعبتني ابي الورقة اللي مكتوب فيها ويش عندكم من اكل



مسعد : اهاه, قول تسذا


مسعد يروح بعدين يرجع و بيده المنيو و يعطيه للسايح.

المنيو:





__________________

• بيتزا نجدية (لحم غنم + جبنة المراعي الزرقا + صلصة بندورة قوارير)
  
  كبسة هامبرغر (ذي فيها لحم مقطع مع الرز ومحطوط جوا خبز صامولي مدور مزكرش بالفصفص)
  
  جريش أزرق ( اللون الازرق جاي من صلصة الحبار)
  
  سمبوسك عنب
  
  مفطح بالبشاميل و الكراميل
  
  زلطة خيار و طماط و سكر مكرر
  
  مراصيع كافيار
  
  طبق اليوم

السايح قاعد يناظر المنيو


السايح : طيب ويش طبق اليوم



مسعد : كبسة حبار بمرقة المنجا



السايح : طيب ابيه مع مراصيع الكافيار



مسعد : ويش تشرب



السايح : ويش عندكم



مسعد : لبن بالزعفران والهيل, لبن بالقهوة, كوكتيل التمر, مخلط منجا, كوكتيل الزيران, كوكتيل الطيران, مخلوط البرتكان بالمرق



السايح : لبن بالقهوة


مسعد الحين ينصى المطبخ و يعطي الطلبات للطباخ, ثمن يروح الكاونتر و يشعل الرادو :







مسعد : يا زين غنا فيروز


----____-- ترن ترن ترن
يرفع مسعد السماعة:


مسعد : الووووووو


- مطعم الغواصة


- ايه معكم مطعم الغواصة


- ممكن تحجزلي ماصة الليلة


- تم


- مشكور

الحين يروح مسعد يسرح : والله مشروعي ناجح, ذا المطيعم ما يفضى, ويش ممكنااسوي مشروع اكبر:
مدرسة طبخ لا لا ينافسونا.
ميدان جري لا لا البران واسعة
لقيتها مجمع تجاري واسع به محلات مثل الفيصلية و المملكة بالرياض و باسميه قرشة تاورز وافتح به المحلات التالية :

- محل غرشة للعطور
- مطعم عرشة
- محل فرشة للمفروشات
- محل نشبة للملابس
- كافتيريا ورشة للسندوتشات
- محل قرقشة للصرافة
- محل بلشة للكنادر
- محل ويشو ذا للعبي
- مكتبة ويشوله
- محل رشرشة جيويليري للذهب و خلافه و حوله
- كرشة سبا للتنحيف و السمكرة

ياني اباكسب بالمشروع

المهم ينعس مسعد و ينسدح عند الكاشيير

2ساعة ويقوم مسعد من النوم ما يدري الا الكاشيير مفتوح و القروش راحت. يناظر حوله ماحد بالمطعم.
يقعد و و
ثمن يجي صاحبه مرجف و يخبره مسعد بالسرقة . يضحك مرجف :


مرجف : انت تقول ان اللي بالصندوق فلوس اليوم



مسعد : اي



مرجف : كم زبون جاكم



مسعد : ثلاث على الغدا و مثلهم على الفطور


مرجف : خلاص خلاص لا يضيق صدرك مهنا قروشن واجدة انسرقت



مسعد : ويش ادراك لا تكون انت اللي سرقهم


--- طراخ طراخ طراخ


:0) :0)