فش خلقك

السلام عليكم

اولا: حبيت انوه لسوء الفهم الي حصل بيني وبينكم في موضوع الصورة الي نشرتها ولمشاهدة اعتذاري فالوصلة تحت وحبيت ابدا معاكم صفحة جديدة

http://www.montada.com/showthread.php?threadid=90651

ثانيا: هذا الموضوع حبيت اخليه لاي عضو منقهر من عضو ثاني او منقهر من استاذه او أي شيء ثاني وانت تجدون له الحل بوضع مجموعة حلول

بعطيكم مثال عشان تفهموا

انا منقهر من احد اساتذتي وابغى منكم تعطوني حلول كيف اقدر افش خلقي فيه بس منغير ما يحس يعني طعتوني طرق وامثلة على مقالب يمكن تخليني افش خلقي فيه .

انا راح ابدا وابغيكم تعطوني حلول

انا منقهر من استاذ الرياضيات وما ادانيه ولا حتى اطيق اشوف وجهه وابغي منكم تساعدوني و كل المقالب الي سويتها فيه بس ما ارتحت بعد وحتى ضميري مارتاح ارجوكم ريحوني وعطوني حلول عشان اقدر افش خلقي في الاستاذ و انام الليل وانا فرحان ولو حتى يوم واحد

وعشان ما تعطوني حلول سابقه هذي مجموعة حلول قمت بها وما نفعت لا بالعكس في مرة رسبني في المادة وكل مرة يطلع من المقلب زي الشعرة من العجين .....لا ويصير احسن من الاول كانه قطوة بسبعة ترواح :غضب: (شوفتم كيف حالتي) :" :" :"

المقالب التي قمت بها انا و بعض الاشخاص

1-مرة اتصلنا في المدرسة وخليت اخوي الكبير يكلمهم يقول ممكن تعطوني رقم الاستاذ (عطيه) وقاللهم انه ولد عمه فعطوه الرقم

تتوقعون شو سوينا بالرقم ........ اتصلنا فيه وقلناله ابنك وزوجتك حصلهم حادث وهم راكبين تاكسي المهم هو سمع الخبر من هني وراح بسرعة يدور عليهم ويسال عليهم في المستشفيات كلها(غبي كان لازم يتاكد انهم في البيت ولا لا) المهم هو بعد ما عرف بالسالفة من احد الطلاب(تصدقون ما اعرف من هذا الي قال للاستاذ) انتقم مني ورسبني.

2-صبيت فوقه مره من المرات غرشة مسافي 3 لتر (ما عرف اني انا الي صبيت الماء فوقه)

3- لعبنا بالدرجات وطلعت اقل درجة لطالب 85 (فما بالكم الباقين اكيد100) (هذي المره عرف من احد الطلاب بالسالفة كلها وما عرفت من الي قاله

4- فشينا انا وبعض الطلاب تواير (اطارات السيارة) سيارته <<<<<بس وللمره الثالثة طلع واحد خاين بينا قال للاستاذ بالسالفة وماعرفت مين هو هذا الي قال للاستاذ بالسالفة

بعد سماعكم للحلول اتمنى ان لا تعطوني حلول مشابهة

وعلى فكرة بعد المقلب رقم (4) قررت ان افترق عن الشلة الي امشي وياهم لاني ما صرت اثق فيهم( تراهم فتانين)

حسبنا الله ونعم الوكيل هذا الاستاذ وراي وراي حتى الشلة الي كنت امشي وياهم فرقنا عن بعض

وعلى فكرة هو الى الان مدرسني خمس سنوات ورا بعض (حظي نحس)

يوووووووووووووووووه ه ه ه ه ياجماعة اخليكم الحين لاني تذكرت انو عطاني واجب انا لوحدي (كانه ما في بالصف غيري) ولازم احل 20 مسئلة رياضية واذا ماحليت الواجب راح تكون فرصته عشان ينتقم مني ويبلغ الادارة علي (شوفتو حالتي...... ميئوس منها)

ملاحظة: بعد ما تعطوني حلول لمشكلتي يمكن لاي عضو طرح مشكلته لايجاد الحلول لها من قبل الاعضاء

باي الواجب صعب (الله يكون في عون كل واحد مثلي )

والسلام عليكم