تلاقيه ساعة يزعج خلق الله ......

آه يا قلبي

اكره لحظات عمري إذا روق الغبي

ودي اتكسر اذا صار هالادمي مهوب ادمي

افهمها على طول اني اليوم أبنحاس حوسة مهيب طبيعية

و خصوصا اللي يجيني تالي الليل

يا هو غثيث و نشبة

يلف فيني طول الوقت

و يصر انه يسوي اشياء و حركات ما ودي اسويها

لكنه يضغط علي و انا ضعيف ما املك إلا أنى ارضخ له

وش اسوي ؟؟ طبيعيتي كذا

انا ما اقول كلكم

الشهادة لله فيه منكم ناس الواحد يفخر فيهم

يعني ودي انه يحوسني طول الوقت

لكن انا اتكلم عن اللي ما عنده شوي من الأحمر

يعني ما عنده دم

هذا تلقاه مسوي فيها عنتر زمانه

المشكله اني انا اللي اوديه للمكان اللي يبيه

تلاقيه ساعة يزعج خلق الله

ويخرب و يدمر و يعفس و هو يضحك مبسوط

ثم يأمرني اوديه لناس غير الاولين

انواع الكذب و التلفيق

يتميلح وهو تيس

يتجمل و هو قرد

يدعي الصدق وهو عنه بعيد

انا ساعات اتمرد عليه

واتفق مع عيال عمي انه نوقفه عند حده

لكن ما نطول

تيتي تيتي مثل ما رحتي جيتي

ونرجع على الطير ياللي

و اكره ما عندي اذا بدا يخرب بيوت و يفضح بناتهم

و يتكلم عن هذا و ذاك بكل خسة

ويطلع فيهم كل الخياس اللي في نفسه

طبعا بعض الناس استغنوا عن خدماتي

و اعتمدوا على انفسهم

لكن الغالبية ما زلت اخدمهم

و يحوسوني

رغم اني ما انخلقت لكذا

لكن زي ما قلت لكم انا مطيع

لا اقول ايه ولا لا…

اتمنى اليوم اللي اطيح فيه و انكسر

علشان ارتاح من شر هالغبي

اللي مفكر نفسه متحضر و ذكي

هاه عرفتوني؟؟؟؟

اكيد عرفتوني


انا (الماوس)
بالعربي الفارة تبع الكمبيوتر

شفتوا اني مسكين

و مغلوب على امري.


---------------------------
النقطة المهمة في الموضوع انه هناك اختراعات كثيرة توصلنا للفائدة و الخير و نسيئ استخدامها في الشر و التخريب.

شي في نفسي و قلته لاني قبل شوي قريت موضوع عن واحد فضح وحدة من المغرر بهم بالصوت و بالصورة.

لا حول ولا قوة الا بالله

و سامحوني