°~¤§][زهرة الصحراء][§¤~°

ّّالسلام عليكم ورحمت الله وبركاته ّ
اعزاي اعضاء عضوات مراغبين ومراغبات المنتدى

اولاً ارحب فيكم وشكركم على دخولك للموضوع ....

بصراحه جائتني هاذهي القصه الحزينه المؤثرة جدا!
عبر البريد الاكتروني...؟

ولني عضو ومحب لهاذا المنتدى ..

حبيت انقلكم هاذي القصه....***
من الرغم اني مااؤايد نقل المواضيع

من اجل حفض الحقوق الادبية وثقافيه
ولاكن القصه اثرت فيني كثيراً
لنها تقريباً تشبه قصت حياتي ومعناتي في الحياه
اطلب من الله العلي القدير
ان لابليكم بهاذه المصائب...

مجموعة انسان

°~¤§][زهرة الصحراء][§¤~°


الجميلة العذراء
زهرة الصحراء






http://tweety.jeeran.com/images/desert_rose.jpg




القدر
المشيئه الربانيه..
عندما تكون انت..
ولا تدري لماذا كنت انت ..
انت من يقع عليه الاختيار..








http://tweety.jeeran.com/images/sky.jpg






نعم انت ..انظر هناك ..هل ترى تلك الشهب الناريه..تتجه بسرعه هائلة نحو الكرة الارضيه محترقة باختراقها للغلاف الجوي..فتخطف الابصار لمجرد لحظات..
لحظات لغيرك وليس لك انت ..لانك مازلت ترى ذالك الحجر الملتهب الذي لم يحترق بالكامل وهو يسقط مدويا بجانب احد المستشفيات..حيث تزامن سقوطه ولادة طفلة جميلة.. جميلة بما يكفي لخطف القلوب والابصار.. تماما كما تخطفها الشهب الحارقه..





1976ميلادي\الرياض\مطار الملك خالد\الساعه العاشره مساءا






اسرع السائق عزيز الى سيده الانيق الذي كان يترقبه على احر من الجمر..فصافحه وحمل حقائبه <اهلين عزيز.. كيف حالك؟>..
<الهمد لله بابا كويس> ثم فتح له باب سيارته ليركب وهو قلق جدا
..<عزيز يالله روح المستشفى>..قطع عزيز الصمت الذي بينهما بعد فتره بسيطه محاولا زرع الابتسامه على وجه سيده ليطمئن<هازا ماما في تعبان اليوم صبح ..انا في ودي سرعه مستشفى بعدين بابا ناصر في كلام عزيز سرعه هازا بيبي ممكن ينزل في سياره هاهاها انا في معـــ...> قاطعه السيد بنظرات صارمه<عزيز مافي قرقر واجد..بسرعه روح مستشفى>..<اوكي بابا>..وانطلق عزيز مسرعاااا..
(على فكره..ترى ما طاح وجه عزيز:D )
وعندما اقترب من المستشفى لمح السيد حجرا ملتهبا يسقط قريبا من الموقع فازداد قلقه..

دخل مسرعا الى غرفه الولاده حاملا حقيبته الشخصيه التي وضعها جانبا واسرع الى زوجته ليجلس بالقرب منها وهي مستلقية على سريرها حاملة طفليهما..<الف الف حمدالله عالسلامه يا نورة>..<الله يسلمك حبيبي ..ومبروك عليك جبت لك بنت تهبل زي القمر>..<الله يبارك بعمرك حبيبتي ..والله من اول ما جاني الخبر كنسلت رحلتي لليابان وجيت على طول>.. ثم قامت زوجته بأعطائه المولود قائله.. <شوف يا حمد شوف هالبنت اللي تهبل ..تصدق يا حمد ما تصيح ابد ..شوف كيف مبسوطه بس ههههههههه>..التقفها الاب بحذر شديد <الللله ..بسم الله ماشالله ..اغغغغغا.. شوفي كيف تضحك هههههه..>واخذ يقبلها بعنف < يووو ملتني سعابيل هالشقيه هههههههه.بس بصراحه نسخه من امها...ها وش شرايك..وش نسميها>..< امممم مدري يا حمد بس بنتي حلوه وما تبكي ابد وحاسه كلها حياة وامل..شرايك بأمل>..<امل امل ..وفيه شي احسن من الامل هههه..اوف بغيت انسى> ثم وضع امل على سريرها و اخرج من حقيبته علبة صغيره ..<حزري فزري انا قايب لك ايه ههههههههه>ثم فتحهااا.. <الللله وش هالخاتم الالماس اللي يهبللللللل..الله لا يحرمني منك يا حمد>.. واخذ يلبسها اياه قائلا<تستاهلين اكثر حبيبتي ..انا كم عندي نورة بس هههههه>..<ايه صح نسيت مافي الا انا ههههههه>
..<هههههههه ......الا على فكره وانا جاي لمحت شهاب طاح قريب من المستشفى >
..<والله مدري ما سمعت شي ابد>
..<اهااا...يمكن طاح بعيد واحسبه عندكم>...
..<ممكن >
ثم ابتسما وهما ينظران الى ابنتهما الوحيده..تنعم بنوم هاااااديء






وبعد مرور خمس سنوات



http://tweety.jeeran.com/images/house.jpg




الرياض\حي الملك فهد\الساعه الثانيه صباحا



ترررررررن ترررررررن..اضاءت الغرفه الرئيسيه لذالك القصر الفااخر عندما استيقظ الرجل المسن وهو يتمتم غاضبا..
< اعوذبالله من اللي داق علينا الحين؟!.والله ناس ما تستحي..والله عيب>..ترررررررررن تررررررررن..<لا حول ولا قوة الا بالله ..الووو نعم؟!!>..(الووو..هلا بابا.. بابا انا نورة)..<هلا نورة حبيبتي!!! ..بابا وش عندك متصله الحين.. وش فيه صوتك كذا لا يكون فيك شي؟؟!!!!!>..(لا بابا ما فيني شي..امل ..امل وينها ابي اشوفها..خلي كرستينا تحممها وتلبسها وجبها معك الحين..مشتاقة لها مووت)..<الحين؟؟؟!!!..بس يا عيون بابا شوفي الساعه كم..وبعدين اخاف نزعج المرضى بدخولنا!!>..اخذت نوره تبكي بشكل غريب ومفاجيء..(بابا الله يعافيك الله يخليك جبهااااااا..جب املللللل..ابي املللللل..ابي اشوفهااااا)..<انشالله انشالله..اوف اوف خلاص الله يهديك لا تبكين ..حرام تعذبين نفسك اكثر حبيبتي..انشالله بس مسافه الطريق وحنا عندك..يالله مع السلامه>..
(مع السلامه)

ادخلو امل بمفردها الى غرفه العنايه المركزه حسب رغبة نورة فاسرعت الى امها بفرح عميق لا يوصف وارتمت في احضانها (مامااااااااا...شوفي جدو ناصر شرى لي حلاو كثييير).. <ههههه الله يعطي جدو ناصر العافيه>..تأملت الام عروستها الوحيده مداعبة خصلات شعرها وهي تقول..< امل ماما ابيك تصيرين شاطره و قويه حبيبتي >..(ماما انا قويه ..ذيك المره عضيت فهودي عشان هو اخذ كاكاوي)..<ههههه لا يا حبيبتي هذا ولد خالتك لازم تحبينه >..(ماما صح اللي يشرب لبن كثير يصير قوي)..< هههه صح يا حبيبتي..صح.. امل حياتي>..(نعم ماما)
<امل ماما يمكن تنام وما تصحى.. ما تصحى ابد.. ولا تخافين انا بس نايمه حبيبتي..بس نايمه..>حاولت نورة حجر دموعها بكل ما تملك من قوة اراده ثم اردفت قائله...< عشان كذا انتي لازم تروحين عند بابا>.. وعندها نطقت امل مخنوقة بالبكاء متعبرة..(ليش تنامين وما تصحين..كل الناس يصحون اذا جا الصبح يا ماما..ليش ما تجين معنا البيت الحين..ليش انتي هنااااا ) ..<اشششش يا بعد عمر ماما انتي..حبيبتي ما اقدر.. بابا يقدر يصحى الصبح ..وابيه اذا صحى بكره يشوفك بجنبه وتصيرين بنت شاطره ومؤدبه تسمعين كلامه >..(لا ماما انا احبك انتي ما احب بابا عشان هو ليش يتركنا..انشالله ربي يحطه بالنار احسن)..<لالالا عيب يا ماما.. بابا يحبك كثير حتى دايم يجيب لك العاب صح>..(ما ابي الالعاب خليه ياخذهم كلهم ..انا ابيك انتي يا ماما..ابي انام معك )..<امل بس ..بس حبيبتي لا تخليني اتعلق بالحياه اكثر>..
ادمت اعين الام دموع المودع..و اخذت تشبع ناظرها الحنون قبل الرحيل..
ثم احتضنت ملاكها بقوة عندما احست ببرود في جسمها الهزيل...
وفجأه اعلنت الاجهزة المرتبطه بجسد نوره عن حاله الخطر واجتمع الطاقم الطبي بلحظات وانتزعو امل من احظان امها بجهد وهي تئن بعمق..<امل...امل..لا تاخذون بنتي خلوهاااا...خلوها معيييي..اااااااااااااه>..واخرجوها الى الخارج فالتقت بجدها وهي تبكي(جدوووووو شوف الدكتور يبي يغز ماما ابره عشان تنام..جدو لا تخلي ماما تناااااام)..احس الجد ناصر بأن الامر خطير فحاول الدخول عندما منعه احد اعضاء الطاقم الطبي..<دكتور وش فيه...طمني يا دكتور بنتي فيها شي..قلي نورة فيها شيييي>...< لا ابد ما فيها شي بس ازمه بسيطه وتعدي انشالله..خليك برا لو سمحت> ثم اقفل الباب من خلفه...وبعد فترة من الانتظار خرج الدكتور واستدعى الجد ناصر وهمس اليه ببضع كلمات.. <حنا سوينا اللي علينا لكن جسمها ما كان يستجيب ابد...وهذي مشيئه الله ..عظم الله اجـ >..
< لاااااااااااااااااااااااااا نورة ما تمووووووووووووت بنتي ما تمووووووووووووووت لا يا دكتور لااااااااااااااااااااااااااا>..وقاتل للدخول الى الغرفه ومنعوه بقوه حتى سقط مغشيا عليه.. فاسرعت امل الى احضانه..(جدوووو ابي ماماااااااااااااااا..مامااااااااااااااااااااااااااااااااااااااااا)





http://tweety.jeeran.com/images/fraq.jpg



هكذا فقدت امل اعز ما لديها
ولكن الحياة يجب ان تستمر
نعم يا امل يجب ان تبحثي عن الامل
وتلتزمي بنصيحة امك الغاليه
التي اختارها الله عز وجل.. محبة ورحمة بها..
هيا يا امل فالحياه ما زالت امامكي
والحياة جميله..
خرجت امل من المستشفى ومسحت دموعها التي قطعت عهدا على نفسها بان لا تخرج مرة اخري

وداااااارت الكرة الارضيه حول نفسها حتى ينجلي ذالك الليل الأليم..
بصبح مليء بالأمل
ثم اكملت دورانها حول الشمس
وتتابعت الفصول والسنــــيــــن




1996ميلادي\جامعه الملك سعود\كليه طب الاسنان


تحدثت نوف الى زميلتها وهما خارجتان الى خارج مبنى الكليه حاملتان نتائجهما النهائيه لهذا العام
<ماشالله عليك يا امل وش هالدرجات يا الدافوره..اثريك تذاكرين من ورانا ههههههه..الف مبروك حبيبتي >
.. (ههههههه ..الله يبارك بعمرك .. يالله افتكينا من غثا الدراسه..بعدين تعالي يوم ضحكتي شفت سنك مسوّس ..تبين اعطيك بوقس اقلعه لك هههههههه )..
< ماشالله خوش دكتوره والله ههههههههههه ..اممممم على فكره لا تنسين يوم الخميس 22\4 >.. (يوم الخميس ؟؟؟!!! ليه وش فيه...ايييييييييييييه صح نسيييييت ).. ثم توقفت امل ووضعت يديها على كتفي نوف(والله فرحانه لك يا دبه من كل قلبي..الف الف مبروووك عساه بس يستاهل طيبتك وخفة دمك يالخبله ).. < يا ويلك من الله.. بس هذولي ههههههه.. وحده واثقه مره >.. ( هههههههه..ايه وحلاتك بعد ..الله يسعدك حبيبتي قولي امين ).. <امين وعقبال ما نفرح فيك عروسه زي الأمر >.. (ايوه يختي من بؤك لباب السما ههههههههه ).. <هههههههه >..ثم اكملتا الطريق الى الخارج
توقف السائق عندما خرجت امل من المبنى وفتح لها باب السياره لتركب مودعه نوف(على فكره نوف كم باقي له ؟؟ ).. < اممممم ..تقريبا شهر >.. (اوه كويس يمدينا نسافر ..يالله باييييييي ).. <باييييييي حبيبتي >..

استقبلت امل مكالمه من هاتفها النقال حين دخولها القصر(اهلييين فهووودي ).. <اهليييين امولتيييي >.. (اسمع يا دب انا الحين داخله البيت اكلمك بعد الغدا ...اووووه في سوالف واااجد.. يالله باااااي ).. <اوكي باي >..


http://http://tweety.jeeran.com/images/table.jpg


انهت امل المكالمه عندما اسرعت الى أبيها وزوجته على طاوله الطعام فبادرها الاب محيياً وهي تقبل رأسه<هلا والله بالدكتوره الحلوه الأموره >.. (يوووه يا بابا توني باقي لي سنتين ).. <هههههه قولي انشالله..المهم يا بنتي بشري شلون نتايجك؟؟؟؟ >.. (اصبر اسلم على ماما حنان اول ..اممممممواه احلى بوسه لاحلى ماما هههههه ).. ابتسمت حنان بهدوء غريب وكأن في قلبها شيء< اهلين امل..ها بشري شلون نتايجك >.. تغير وجه امل واكتأب وهي تجلس مقابل ابيها قائله(الحمدلله درجاتي زينه..اعلى درجات في الشعب كلها ).. <ماشالله الف الف مبروك يا بنتي الف مبروك >.. (الله يبارك فيك بابا ).. ومازلت الابتسامه الصفراء مرسومه على وجه حنان وهي تقول<مبروك يا امل >.. (الله يبارك فيك ).. ابتسم الاب بينهما محاولا تلطيف الجو ثم اخذ ينادي<ميريييي ميريي.. بسرعه جيبي القاتوه حقت امل >.. (اوه.. مشكور يا بابا ما تقصر )..
وبعد انتهائهم من الغداء.. وبينما هم يتناولون القاتوه والحلويات<ها يا امل وش رايك ..وين تبين نسافر الصيفيه هذي؟ >.. (والله مدري يا بابا ..بس بصراحه لندن وباريس مليت منها ..شوف ماما حنان وش ودها ).. <لا يا امل السفره لك انتي مو لي..وبعدين انا يمكن ما اسافر معكم >.. (اها....والله حيرتوني بصراحه.. حتى جنيف مدري ما ودي..اوروبا كلها مالي خلقها ).. <طيب وش اللي في بالك؟؟ >.. (امممم ابي شي غريب شي تروبكال ما يكون كلاسيكي..كذا جزيره وبحر زي اللي في فلم البحيرة الزرقاء هههههه..اممممم بابا..وشرايك بجزر هاواي في امريكا؟! ).. <يا حبيبتي لا تسألين..هذي هديه نجاحك ..انتي بس اشري على المكان اللي تبينه واوديك >.. (تسلم يا بابا الله يعافيك ويعطيك طوله العمر انشالله ).. <أفى عليك بس..انا كم عندي اموله حلوه وشطوره..وبعدين كويس تصدقين ما عمري رحت لهاواي ههههه >.. (ههههه..يالله بابا انا بروح انام شوي تعبانه ).. <اوكي نوم العوافي حبيبتي >..
اتجهت امل الى جناحها الخاص القابع في الطابق العلوي وهي تقول(بابا لا تنسى ..لازم نرجع بدري عشان زواج صديقتي نوف )..

دخلت الجناح مسرعة الى الهاتف واجرت اتصالا<اهليييين امولتي >.. (هلا فهوودي..اخبارك يالشين ).. <ماشي الحال..وانتي اخبارك يالقمر >.. (لا الحمد لله..ما دريت اخذت الاولى هاهااااي ).. <مبروووك يالمصريه..ودي اعرف بس شلون تذاكرين ههههههاي >.. ( شدعوه عاد والله حنا يالسعوديين اذكى منهم وبعدين قل ماشالله يالشين ).. < سفره دايمه هههههههههه لا ماشالله وعقبال التخرج ونفرح فيك دكتوره ادالدنيا >
..(الله يبارك فيك حبيبي.. الله يا ليت جدو ناصر عايش ..هو اللي كان يقولي امل ابيك تصيرين دكتوره اسنان عشان اذا عجزت تركبين لي طقم ببلاش ههههه)...
<الله يرحمه جدي كان يحبك مره > (امين ..بس تصدق فهودي..ضايق صدري شوي ).. <ليش عشى ماسر >.. (هههههه سر في عينك..لا بس ماما حنان..مدري ليه يا فهد تكرهني..احترمها واعتبرها زي ماما بس ما في فايده .. ).. <يا بنت الحلال تعوذي من الشيطان وفكينا من هالسيره..وخلينا ننبسط ونضحك >.. (ولا يهمك حبيبي.......ايه على فكره نسيت اقولك..تعرف تركي ولد عمي ).. <ايه وش فيه!!! >.. ( امس جا خطبني ).. <اها >..


توقف فهد عن الكلام عندما اشتعلت نار الغيره في احشائه وهو لا يدري ماذا يقول
..وبعد فتره سكون بينهما(فهد وشفيك.. ليه ساكت؟؟!! ).. <لا ولا شي..بس ما عندي شي اقوله غير مبروك >.. (يووووه يالشين يعني على بالك انا موافقه ).. <امل خلينا واقعيين ..تركي افضل مني باشياء كثير وهو اولى بحكم انه ولد عمك >.. (طيب وانت ولد خالتي.. شوف ياالشين هو صح تركي خطيب ما يفوّت ..يعني اذكره حبوب ووسيم وماشالله معه بكالورس هندسه كهربائيه..لكن انا احبك انت..فاهم وش معنى احبك انت..فهد حنا تربينا سوى وحبينا بعض من زمان ..ههههه تذكر يوم يلبسوني عروسه وانت عريس ويزوجونا ههههه ).. <هههههه..يوووه الى الان الشريط عندك >.. (ايه هههههه ياربيييه كنت دبه وانا صغيره ).. < وانا يقالي الرشيق ماشالله ههههههه >..(ايه اضحك ..اضحك يا بعد عمري انت )..
ثم توقف فهد عن الضحك قائلا <بس يا امل انا نفسي ماني عارف وش معنى الحب..هل هذا اللي بينا هو الحب الحقيقي؟!!!!!!>..
( اكيد يا فهد انا واثقه وقلبي ما يخوني ابد )

<مدري بصراحه..لكن يعني انتي حلوه مره واي واحد بيحبك ..حتى بديت احس اني حبيتك عشان شكلك بس ..امل انا خايف عليك ..وخايف على نفسي بعد >..
(يا فهودي يا حبيبي لا تصير كذا..الحب مجرد كلمه.. نقدر نغيرها..امممم يعني مثلا وشرايك نخليها حليب زنجبيل ).. <ههههههه >..
(هههههه لا من جد لا تضحك يا دب..تخيل كذا ..حنا بدو في الصحراء..وانا بنت شيخ العربان عفجان الحلوه مرتن طيبتن بالحيل..وانت فارس القبيله الشجاع الخطير اللي ما يدري وين الله حاطه ).. <ههههههه اوريك يا دبه >.. (هههههه وشاب نارك وجالس تشرب حليب زنجبيل ).. <ايه وداق لطمه بعد ههههههههاي >.. (ههههههههه لا يا غبي شلون تشرب وانت متلطم ).. <لا تخافين معي مزاز..شاق جيبي من تحت ومدخله >.. (حشى علبه سنتوب هههههههههه ).. <ايه ومكتوب على شماغي المغبر رج البدوي قبل الاستعمال >
وعندها اعتلى صوت امل بالضحك المفرط.. (هههههههههههههههههههههه.. الله يقطع بليسك يالخبل.. اسكت والله الحين يقولون وش هالمجنونه اللي تضحك بلحالها هههههههههه
..المهم وابوي شيخ العربان عفجان منظم سباق واللي يفوز فيه يتزوج بنته زهرة بنات الصحراء ..والله يا انا واثقه بعد هههههههه.. ويجيك الخبر وانت قاعد تشفط حليب زنجبيل..تقوم وتصرخ صرخه مدويه وترمي حليب الزنجبيل وينكب على النار وتطفى وتركب على الفرس وتسبق الريح مع اني داريه انك داج ما تعرف تركب سيكل بس يالله )..



http://tweety.jeeran.com/images/race.jpg

<ههههههههاي واجي الا كل فرسان القبايل الشجعان متجمعين للسباق واخذ لي فره حولهم زي وليام ولاس واستل سيفي وارفع غزاله بسيكلي مدري حصاني واقول..بالعون ما يفوز بزهرة الصحراء غير شخطان شرشبيل ابو حليب زنجبيل على سنة الله ورسوله لغير اطخكم >.. (هههههههه ايه عاد تكون عندك غيره و دافع قوي لانك تموت فيني و من نفس قبيلتنا وتفوز بالسباق بالغش طبعا هههههههه ).. <هههههههه وادق لطمه واجي مشوت تربتيت وافحط عند باب مدرستكم ههههههههههاي مدري خيمتكم..واقول بالعون اني فزت بالسبق يا زهرة يا بنت المعلم عفجان الدمنهوري ههههههههاي قلبنا مصاريه >.. ( وتدور عن الكلمه اللي تعبر فيها عن مشاعرك عن غرامك فيني وتضحيتك وتعبك بفوزك بالسبق..وبحكم انك في اخر الدنيا مغبر ما يوصلك الارسال و ما تدري عن كلمه اسمها حب..فتركبني وراك بالفرس وتنطلق فيني بين الواحات والنخيل ..وتوقف وتقطف لي زهرة خزامى وتقدمها لي وتقول ..زهرة يا حليبة زنجبيلي ).. <وبعدين تناظرين فيني وانتي تبكين مانتي مصدقه اني اخيرا قلتها..وتخميني بقوة وتقولين شخطان يا حليب زنجبيلي اهي اهي احلبك احلبك والله احلبك >.. (هههههههههههههههه حلبك برص قول امين يالخبل ههههههههههههه ويلموني فيك يا فهودي )..
وبعد فتره صمت ليست بالكثيره تحول صوت امل الى صوت خافت اكثر نعومه وحنانا..

قوت حب امل العذري(الاغنيه) اظغط هنا

(فهد ).. <هلا امولتي >.. (فهد احــبــــك ).. ارتبك فهد ولم يستطع ان يجاري تلك الكلمه القويه التي تدعمها مشاعر امل الصادقه في صوتها والنابعه من وريدها فاكتفى بالسكوت
(فهد انا عشت يتيمه في عذاب..وماما حنان عمرها ابد ما حبتني ..احيانا اقول يمكن عشان ابوي اتزوج امي عليها..لكن ولو انا وش ذنبي يا فهد..ابي اعرف وش الذنب اللي سويته ....... ).. < كفايه حبيبتي..كلها فتره بسيطه انشالله واجي اطلعك من العذاب اللي انتي فيه..واعوضك عن كل شي ..امل انا مستعد اضحى بكل شي بس اشوفك مبسوطه..من جد يا امل ودي اعيش بس عشان اسعدك ..لكن لازم تنتظريني..تنتظريني يا امل؟؟ >.. (فهد انا مستعده انتظرك العمر كله ...وربي ماني متخيله نفسي مع واحد غيرك
لكن بليز فهد لا تطول ...انا طول عمري احلم اني اجتمع بالشخص اللي يحبه قلبي بالحلال واكوّن بيت اربي فيه عيالي .. ارجوك فهودي لا تبطي علي وتحرمني من هالحلم ).. <الللللله يا امل ..تخيلي حنا عندنا عيال >.. (ياربيييييييه يا فهد متى يجي هاليوم ).. <تحسين انه في كائن حي يربطنا بعلاقه قويه ويملك احلى صفاتنا >.. (يوووه يا فهد اسكت ترى خلاص بصيح ).. <ههههه..امممم طيب اذا جانا ولد وش نسميه >.. (لا انشالله تجي بنوته تهبل زي القمر هههههه ).. <لا ولد >.. (لا بنت ).. <هههههههه..كذا مشكله ..اجل انشالله يجينا توأم ولد وبنت >.. (ونسمي البنت على اسم ماما الله يرحمها.. وانت الولد على كيفك ان بغيت تسميه حليب زنجبيل انشالله ههههههه ).. <هههههههههههاي انتي وش قصة اهلك مع حليب الزنجبيل >
.. (تصدق عاد اسمع فيه ولا عمري ذقته هههههههه..................يالله حبيبي والله طولنا .. انا لازم اقفل الحين)<اوكي حبيبتي >
.. (امممم..احتمال اعطيك الو بالليل ..اوكي؟ )
.. <اوكي خلاص >.. (يالله باي..امممممموه ).. < يوء...وشي هذي >.. (هههههههه لا ولا شي..باااااااي ).. <هههههه باي......... >..




http://tweety.jeeran.com/images/Hawai1.jpg


اشرقت شمس هاواي وفي افخم الفلل السياحيه هناك استيقظت امل مبكرا واخذت حماما دافئا لتبدأ يومها بنشاط وحيويه ثم أدت صلاتها ونزلت الى المطبخ (ميري صلحي لي فطور بان كيك وعصير برتقال وحطيه في البلكونه اوكي؟ )..
<اوكي ماما >.. وخرجت الى الشرفه لتطل على اعظم ما رأته عيناها من مياه عذبه وانهار زرقاء تخترق جبال متلبده باشجارعملاقه فاقعه الخضره في اواسط جزر صغيره متقاربه..


http://tweety.jeeran.com/images/hawai2.jpg



فاستنشقت هوائها العليل واطلقته بعنف(ااااااااااااه...الللللللللله..والله الدنيا حلوه ).. ثم ابتسمت واخذت ترسم احلامها واطمأنت على حبها الكامن في قلبها الذي بدأ يدفق وردا احمرا كلون الدم الى باقي اعضاء جسمها عندما وصلت بسيرة فهد الى ذهنها...

<صباح الخييير..اللله اللله وش هاللبس الزين..مين البنت الحلوه هذي..معقوله هذي بنتي ههههه >.. اسرعت امل الى ابيها الذي قطع حبل افكارها عندما دخل الي الشرفه فقبّلت رأسه ويده وهي تقول(هههههههه صباح النور يا بابا ..هذا اللي شريناه امس من الشاطيء نسيت... ).. <اها >.. (لحظه اقول لميري تصلح لك فطور..وش مشتهي بابا؟؟ ).. <لا مابي شي >.. (طيب تبي انا اسوي لك فطور ).. <لا يا حبيبتي والله ما لي نفس ..افطري بسرعه واتجهزي عشان الباكيج بيتحرك بعد ساعتين >.. (بابا الله يخليك نبي نروح اليوم مكان البراكين ).. <انشالله حبيبتي و بناخذ جوله على البحيرات الحاره بعد >.. (هييييييييييه ياسلاااااااااااام هههههههه )..







http://tweety.jeeran.com/images/Hawai3.jpg




احظرت ميري الفطور ووضعته امام امل التي انقضت عليه بشهية مفرطه ..وبينما كانت تاكل<امل امس اتصل علي عمك خالد يسلم وكذا.. وسأل عنك بعد..ويبارك لك النتيجه >.. (سالت عنه العافيه..والله اشتقت له ).. <وووو..وسألني عن رايك >..توقفت امل عن الاكل(رايي!!!..رايي بايش؟؟!!! ).. <بالخطوبه..بصراحه يا بنتي انا مستحي منه واحرجني بالحيل >.. (يوووه يا بابا فكنا من هالسيره خليها بعدين اذا رجعنا ).. <بس ياحبيبتي حنا تاخرنا عليهم بالرد بدون سبب وبعدين تركي ولد عمك مو غريب..وما اظن فيه عيب او نقص بالعكس اي بنت تتمناه >.. (بصراحه مدري وش اقولك يا بابا ).. <شلون ما تدرين!!! ..انتي انشالله بتوافقين >.. (ما ظنيت ).. <شلوووووون؟؟؟!!!...انشالله تبيني ارد اخوي وتفشليني معاه ..هذا اللي ناقص بعد >.. (بابا ارجوك..تركي مو هو اللي اختاره قلبي ).. وعندها غضب الاب وضرب بيده على الطاوله التي بينهما.. <وش هالخرابيط..قلبي ما قلبي..البنت مالها الا ولد عمها والله ماني راد اخوي عشان حبك وخرابيطك >.. (هذا انت يا بابا ما تغيرت..دايم تهمك مصلحتك وعمرك ما فكرت فيني )..
ارتبك الاب وتلعثم قائلا... <شلون ما افكر فيك وانا ما خليت شي الا واجيبه لك >
.. (بابا انا ما تهمني فلوسك وقصورك وسياراتك..انت ما حاولت تحس فيني تحس بقلبي ..بابا انت تخليت عني من يوم وانا صغيره..طلقت امي الله يرحمها وتركتنا نواجه مصيرنا ).. لم يستطع الاب ان يتحكم بغضبه فصفع امل صفعه قويه <عيب عليك يا بنت >..
سقطت امل على ارض الشرفه من جراء تلك الصفعه ثم دخلت الى الفيلا مسرعه..
نظر حمد الى يده مذهولا واستغرق بالتفكير طويلا
وبعد فتره من مراجعه الحسابات و تأنيب الضمير احس بذنبه وذهب اليها وكله حسرة وندامه<امل حبيبتي >..ولم تلتفت اليه <امل حبيبتي انا اسف ..سامحيني ما كان قصدي..فتره غضب >..ومازلت امل صامته<اوف تاخرنا على الباكيج يالله حبيبتي تلبّسي عشان نروح >..واخذ يسوقها بحنان وعطف وهي تقول(لا بابا ماني رايحه اليوم ).. <والله تروحين حبيبتي الا اذا كان تبين ازعل عليك هذا شي ثاني..ها تبين بابا اللي يحبك يزعل عليك؟؟ >..وعندها قبّلت امل رأس ابيها قائله (بابا انا بنتك وانت تملكني وتامر علي ...خذ مني كل شي ..الا قلبي يا بابا ..انا لا يمكن اتزوج تركي وهذا رايي الاخير ).. <اوكي حبيبتي ولا يهمك مالك الا طيبة الخاطر ..بس يالله يا اموره بسرعه تاخرنا..اوووو اليوم بنروح البراكين من قدنا ههههه >.. وابتسمت امل بهدوء(انشالله بس ثواني اتجهز ).. <ولا بعد محظر لك مفاجأه..حزري وين بنتعشى الليله.... في الجزيرة العااااااائمه >
..
( شكرا بابا ما تقصر )..

قضت امل في تلك الرحله اجمل ايام عمرها ولم يكن ينقصها غير نصفها الاخر لتكتمل بذالك سعادتها الابديه ..







وفي ليله الخميس الموافق 22\4 اطفأت انوار قاعه الاحتفلات لاحد الفنادق الراقيه جدا لتضيء لنا ممرا يؤدي الى عرش الزوجيه وعلى دقات الموسيقى ادخلو العروسه نوف بخطوات هادئه متزينة بالحليّ الماسيه وبثوبها الابيض الحريري الباهض الثمن الذي يجره خلفها مجموعه من الفتيات يحملن باقات من الزهور البيضاء والشموع البلوريه..وعلى اطراف الممر ومن بين الحظور همست شهد الى زميلتها
<ههههه امل شوفي نوف مررررررره رايحه فيها>..( هههههه.. يا بعد عمري يا نوف..والله تهبل تاخذ العقل ..الله لا يضرها ويحفظها من كل عين)..<يويويو اسكتي اسكتي جت.. >..واخذت شهد تنادي بصوت خافت
<نوووف ..نوووف هنااا> التفتت نوف بشكل غريب وكأنها رجل آلي لتقع عيناها على امل وهي تبتسم اليها فأحست بنوع من الراحه والاطمئنان
..بانت نوف مرتبكة جدا وهي تاخذ انفسها بصعوبه عندما اجلسوها على الكرسي واضيئت لها الانورا ..هدأت الامور بالنسبه لنوف عندما اخذت الفرقه السمراء المخضرمه بضرب الطبول والدفوف وبدأ الغناء والرقص..كانت الفرحه عارمه حتى كبار السن اخذن بالتصفيق بحراره والبعض منهن رقص بشكل خفيف وفي مكانه..انها مناسبة لا توصف..حاولت شهد ان تقنع امل بالرقص معها
<يوووه يا شينك يالله امشي نرقص >..(لا والله شهوده حاسه نفسي تعبانه شوي..وبعدين بجلس مع نوف بالمنصه نصور سوى>..غمزت نوف الى شهد بعينها قائله<ايه خلاص خليها عندي وانتي روحي طامري لحالك بس لاتبعدين >
..< اوووف ياشينكم عاد>..ثم اخذت شهد ترقص ببراعه وهي تتبادل الابتسامات مع نوف وامل فاصطدمت باحدى السيدات ووقعت على الارض..انفجرت امل بالضحك ولم تستطع نوف كذالك منع نفسها ..صعدت شهد الى المنصه بعدما التقطت شتاتها واستوعبت وضعها من هول السقوط..
<تضحكون علي هاااااااااا..طيب طيب ان ما وريتكم ههههههههه..ما شفتها الله يقطعكم كنت اناظر فيكم هههههههههه يوووه وش هالحوسه تفشلللللللللت ههههههههههه>
..لم تستطع امل التحدث بشكل متواصل من كثرة الضحك (ههههههههههههههه ليتك شفتي شكلك وانتي بالارض ههههههههههه)..وعندها نطقت نوف بذهنها الشارد بعيييدااا.. <ههههههه اي والله كأنها وحده طايحه>
..(هههههههههههههههه لا ياشيخه اجل هي وش كانت )
..اما شهد فمازال وجهها احمرا<ههههههههههههههههههه لا الظاهر اني كنت طايره>
..(نووووف وش فيييييييييك هههههههههههههه مو منك والله من الهم اللي براسك ).. <اسكتو والله مدري وش تقولون مير خلوها على ربكم ههههههههه>..استمر الثلاثه بالضحك طويلا حتى ذهبت امل وشهد وجلستا على احدى الكراسي بعيدا لاعطاء نوف نوعا من الخصوصيه مع اهلها واقاربها..وبينما ههما جالستان..(شهد والله مدري شفيني اليوم )..<ليه عسى ماشر>..(مدري حاسه اني تعبانه وفيني دوخه)..<لا يا شيخه تلقينها من صجة العرس لا تصيرين موسوسه عاد>
..(يمكن................شوفي شوفي نوف تناديك روحي لها)..اقتربت شهد من نوف التي همست في اذنها ثم ابتسمت شهد بخبث وهي تنظر الى امل قادمة اليها..(ها وش قالت لك نوف؟؟)..<لا ولا شي ..ياسلام حطو الاكل يالله بسرعه ندخل قبل الزحمه>..(اصبري توهم ما قلّطوا)..وضعو الطعام بعدما اخرجو نوف من القاعه ليتم زفّها بفتره..وكانت مائدة لا توصف..عشرات الاصناف من المقبلات وعشرات الاصناف من اللحوم التي طُهيت بطرق مختلفه وغريبة تبهر الناظرين..ومجموعه كبيره من الحلويات الشرقية والغربية والتي تم صفها بطريقه تجعلك تنهي اكلك بسرعه لتصل اليها..تماما هذا ما فعلته امل وشهد..<امل ذقتي ام علي..لا تفوتك تجنننن تاخذ العقل>..(اوكي بروح اجيب)..<لا خليك انا اجيب لك>..احظرت شهد طبق الحلويات ووضعته امام امل..وبينما كانتا تأكلان..<ههههههههه الله يقطع بليسك يا نوف اجل كأني وحده طايحه هههههههه>
..( ايه مخها مو فيه مسكينه ههههه...........شهد عن اذنك بروح دورة المياه الله يكرمك )..اسرعت امل الى دروة المياه وقد احست بألم شديد في معدتها فاسترجعت ما اكلته من طعام بطريقه بشعه ..ثم اخذت تنظف ثيابها وتنظم انفاسها..وتأكدت من شكلها في المرآه وعطرت فمها وجسمها وخرجت الى القاعه مرة اخرى..وعندها استقبلتها شهد بحماس <امل شفيك تاخرتي..يالله بسرعه بدو يطقون..لا يفوتنا الرقص>..نعم بدأ الرقص ولكنه هذه المره يختلف تماما عن السابق ..فقد حان رقص المحترفين..(ياالللله شهد..شوفي ذيك ام احمر يهبلللللل رقصها)..نظرت شهد الى امل بخبث قائله..<اممممم يهبل رقصها هاااااا..مدري من اللي ترقص اسباني ولا علمتنا..وانا اقول ليش فستانك برتقالي وشكله غريب ولا مجدله شعرك ظفيره وحده بعد>..(هههههههههه لا ما اعرففف )..<لا يا شيخه ..ترى نوف قالت لي ..وقالت اليوم لازم ترقصين اسباني والا ترى بتزعل عليك>..واخذت شهد ترغمها على الوقوف..(لا يا شهد والله ما اعرف وبعدين تعبانه شوي)
..<طييييييييب انا اوريك>..اسرعت شهد الى الفرقه واخذت المايكروفون حيث طلبت من الجميع الهدوء قائله..<انتباه انتباه..اليوم حظرت بنت مزيونه مخصوص عشان تورينا الرقصه الاسبانيه المعروفه>..]>..ثم ذهبت الى امل وسحبتها من يدها <يالله يا امل ..حيوهاااا>..احمر وجه امل حتى كاد ان ينفجر دما وهي تنظر الى الجميع يصفقون بحراره طالبين منها الرقص..(هههههه حرام عليك يا شهد وش سويتي فيني)..< اقول يالله بلا دلع بنات>..(اوكي بس خليهم يحطون اغنيه سريعه شوي)
..<ههههه لا تخافين نوف عطتني شريط اسباني>..(يوووه طابختها من زمان الدبه هههه)
ثم وقفت امل وحيدة في ساحة الرقص واخذت وضع الاستعداد حيث التقت بيدها في الاعلى ومدت احد رجليها..وبدأت مع الاغنيه برقص اسباني منظم وهاديء ثم بدات تسرع شيئا فشيئا حتى انسجم جسدها وعقلها تماما ..تحولت جميع الانظار اليها..شيء لا يصدق..تلك الفتاه الجميله الجذابه وذالك الجسد المرن المتناسق يرقص باحتراف..حتى الاطفال الذين كانو يسرحون ويمرحون بعيدا توقفوا لرؤيتها..كانت حدث الليله وحديثه..
انتهت امل الى وضع الدوران السريع فأحست باظطراب شديد في الرؤيه التي انحجبت تماما عندما فقدت وعيها وسقطت مغميا عليها...اسرعن اغلب الفتيات اليها تسبقهن شهد وحاولن ايقاظها دون جدوى فقد كان وضعها سيئا جدا مما استدعى حظور الاسعاف لنقلها الى المستشفى.....



<امل ..امل..امل انا بابا ..انا بابا يا حبيبتي.. >..فتحت امل اعينها في غرفه الطورايء ببطء وهي ترى ابيها ممسكا بيديها..(بابااااا)..<ايه بابا..يا بعد عمري..اول ما قالوا لي جيت على طول..طمنيني حبيبتي شلونك الحين؟>..(حاسه نفسي تعبانه شوي..لكن احسن من اول)..ثم ابتسمت في وجه ابيها وهي تخفي آلآمها حتى يطمئن قلبه..وعندها دخل الطبيب ومعه مجموعه من الممرضات يحملن اوراق التحليل ..وجلس الى جانب امل.. <كيفك يا امل انشالله احسن>..(الحمد لله على كل حال)..واخذ يوجه اليها مجموعه من الاسئله..<امل انتي قبل لا يغمى عليك حسيتي بشي؟>..(ايه يا دكتور كنت احس اني دايخه حتى رجعت الاكل كله ).. <امممم..طيب اول مره تجيك الاعراض هذي..يعني هل تعبتي فجأه البارح؟>..(لا والله كنت احس من زمان بدوخه تجي وتروح بس ما كانت قويه زي امس).. <اهاااا ..طيب ليش ما راجعتي المستشفى من اول>..(مدري يا دكتور ..يعني قلت دوخه عاديه ).. <الله يهديك بس>..ثم نظر الى ابيها قائلا <انت ابوها ؟؟>..<اي نعم>..<طيب ممكن تتفضل معي شوي >..<ااكيد>..خرج الدكتور والاب الى حيث مكتب الطبيب المناوب واجلسه الى الكرسي قائلا.. <بصراحه مدري وش اقولك يا اخ حمد.. >..تغير وجه الاب <دكتور خوفتني ..وشفيه؟.. قول>..<بنتك يا اخ حمد مريضه..تعاني من تشوه ونقص في كريات الدم البيضاء..يعني مرض سرطان الدم >..ارتعد قلب الاب وجحظت عيناه وصمت فتره طويله حتى يستوعب ما قاله له ثم نطق مخنوقا بالبكاء<طيب دكتور يمكن تحاليلكم فيها خطأ والا شي..ارجوك يا دكتور تأكدو ثاني مره يمكن في غلط ارجوك.. طيب يمــ>..قاطعه الدكتور بهدوء<اخ حمد..حنا حريصين زيك وعملنا التحاليل اكثر من مرة وتأكدنا من النتايج...هذي مشيئه الله ولازم نرضى فيها .. >..انهالت دموع الاب رغما عنه<لا يا دكتور.. بنتي جميله ومتفوقه بالدراسه لاااا لاااا>..وقف الدكتور ووضعه يديه على كتفي الاب مواسيا< خلي ايمانك بالله قوي يا حمد..ولازم تواجه بنتك بالحقيقه>اومأ الاب برأسه ثم اتجه الى غرفه الطواريء وهناك قبّل ابنته وتحدث اليها بكل شييييء...
انا فقط لم اكن هناك ..لم اكن امل ولن استطيع وصف شعورها استمرت بالصمت والصمت وهي تنظر الى الاسفل هلي هي صدمه ام ذهول وعدم استيعاب اظنه الصبر والاحتساب ..ثم رفعت نظرها الى ابيها قائله (الحمد لله ..الحمد لله الذي لا يحمد على مكروه سواه يا بابا..الحمد لله)..ولم تذرف امل دمعة واحده ..


مرت الايام والاسابيع..وبدأت حكاية المرض تبدو اكثر واقعية وفعالية بالنسبه لامل..
واصبحت حياتها مختلفة تماما
راجعت كثيرا من المستشفيات وقابلت عشرات الاطباء ..و تلقت زيارات عديده ومكالمات هاتفيه ولم تخبر اي منها بما قد اصابها..الا من هم من نفس العائله..
حتى اتت تلك المكالمه<الووو..اهلين امل>..(فهد؟؟..)..<ايه فهد >..كاد قلب امل ان يطير من الفرح..(فهد ماني مصدقه ..حبيبي وينك ..وحشتني موووت) ..<انتي اكثر حبيبتي>..(كلمت عليك اكثر من مره وكان جوالك مقفل)..<ايه كنت مسافر وخليته هنا..>..(كيف سفرتك وطمني عن احوالك )..<الحمد لله يا امل ..انتي شلونك>..صمتت امل قليلا ثم قالت..(فهد انا.... فهد انا )..<ادري يا امل..ادري..امي قالت لي ..امل لا تخافين انا معك ولا يمكن اتخلى عنك ابد..وانشالله انتي ام عيالي وابيك تصبرين وتتحملين عشاني>..احست امل بقدوم ابيها فقالت (فهد بابا جا الحين لازم اقفل ..ارجوك فهد كلم علي الليله محتاجتك يا فهد ...محتاجتك...)..<من عيوني يا امل>..(يالله باي)..<باي>..
دخل الاب مسرعا الى غرفتها<هلا حبيبتي شلونك>..(الحمد لله بابا)..<توني جاي من الدكتور اللي شافك امس..واتفق مع اصحابه في المانيا ..عشان عملية زرع النخاع
انشالله الاسبوع الجاي نسافر ..وانشالله تنجح العملية وتقومين بالسلامه حبيبتي>..(انشالله يا بابا ..ما على الله شي كايد.انشالله)..<يالله اروح اتغدى واخليك ترتاحين شوي..والا شرايك تتغدين معي>..(لا روح اتغدى..انا اتغديت وخلصت)

انتظرت امل الليل باكمله ولكن فهد لم يتصل حتى غلبها النعاس فاستسلمت اليه
تررررررن استيقظت امل في الصباح على صوت هاتفها النقال..(ايوه)..<هلا امل>..(فهد؟ )..<ايه>..(وينك البارح ليش ما اتصلت)..<معليش حبيبتي جيت متاخر وكنت تعبان ونمت عشان دوامي بدري..معليش حبيبتي انا اسف>..(لا عادي)..<يالله انا رايح الدوام الحين..توصين شي..اي شي يا امل انا حاظر>.(لا سلامتك حبيبي..بس لا تنسى تكلمني اذا جيت)..<اوكي من عيوني..يالله باي>..
(باي)
ولم يتصل فهد كما وعدها ..لم يتصل طوال الاسبوع حتى اتى موعد السفر الى المانيا..
قدمت امل اعتذارا كليا عن الدراسه بحكم انشغالها بالمرض وعلاجه..وجهزت نفسها للسفر..وبينما هي في المطار تنتظر الرحله..سرقت نفسها من ابيها واجرت اتصالا
<هلاااا>..(هلا فهد .. فهدانا حبيت اقولك اني مسافره المانيا عشان اتعالج ..وبغيت اسلم عليك بس)..<معليش امل ما كلمتك ..والله انشغلت لان العمل مسوي دورات تدريبيه بعد الدوام وصار كل يومي عمل في عمل وبعـ>..( خلاص لا تكمل.. فهمت عليك..العمل صار اهم مني)..<لاااااا لا يا امل لا تفهميني غلط والله مو قصدي انـــ>..(يالله مع السلامه انا لازم امشي الحين..باي)..<لالالا..امل لحظه>..(طووووووووط)..


<امل!! امل!!>...

سافرت امل الى المانيا واستمرت فتره العلاج هناك ثلاثه اشهر اجرت فيها عملية زرع للنخاع..ولكن للاسف ..لم يشأ لها الله عز وجل الشفاء لحكمة ارادها سبحانه ...فلم تنجح العمليه لان جسمها لم يتقبل ما قد تم زرعه..


وعادت امل وحيدة مكسورة الجناح..وبدأت حالتها تزداد سوءا ..وتشعب المرض في بعض اجزاء جسمها وتم استئصال الاجزاء المصابه بطريقه بشعه..تشوه وهزل جسمها واصفرّ لونها وتساقط شعرها ..اثر علاجها بالمواد الكيميائيه..
كانت امل تكره البقاء في المستشفى مما اظطر ابوها لشراء جميع الاجهزة اللازمه واستئجار ممرضه متخصصه لرعايتها في البيت..

حاولت امل منع جميع معارفها من رؤيتها بهذه الحاله قدر المستطاع ..ولكن صديقتها نوف عندما علمت بالخبر كافحت واصرت على رؤيتها وعندما
رأتها كانت الصدمه..فلم تتعرف عليها ولم تستطع حتى الجلوس الى جانبها..واخذت تبكي وتبكي حتى اخرجوها الى الخارج ..مما اثر وبشكل جذري على نفسية امل التي انهارت تماما اثر تلك الصدمه .....
كانت امل وبشكل دوري تجري مكالمات هاتفيه باحثه عن فهد ..الذي لم يقم بالرد على اي منها..حتى قام هو بالاتصال بنفسه..<السلام عليكم>..(وعليكم السلام ..هلا فهد)..<كيفك امل>..انفجر قلب امل محاولا التحرر من اعبائه عندما سمعت صوت حبيبها يسأل عن احوالها (فهد....فهد الله يخليك انا محتاجتك ..خليك معي شوي..بس ابي اسمع صوتك ..لا تتركني لحالي)..<امل انا..انا اتصلت عشان اقولك اني خلاص ملّكت وزواجي الصيف هذا ورجاء يا اختي لا تتصلين ثاني مره>..(اختي؟؟!!!..فهد ليش ..ليش تسوي فيني كذاااا..حرام عليك انا وش سويت لك)..<يالله اختي مع السلامه>.......................
(فهد.....)
اقفلت امل الاتصال وفي تلك اللحظه فقط ..
في تلك اللحظه احست بانها وحيده في هذا العالم الاناني الذي لا يعرف الرحمه
احست بانها قد ماتت قبل اجلها..نعم لقد قتلوكي يا امل ..فانتي في عداد الاموات بالنسبة لهم..
لماذااااااااااا...فهي مازلت تتنفس هوائكم وتعيش على ارضكم وتاكل مما تاكلون لماذااااااااااا...

حاولت زوجة ابيها حنان بشتى الطرق اقناع الاب لنقل امل الى المستشفى مرة اخرى متعذرة بما حصل مع صديقتها نوف وبما قد يحصل مستقبلا وبأن المستشفى سوف يقوم براعايتها بشكل افضل..واخيرا اقتنع الاب اصبح يرى حالة ابنته تزداد سوءا وتحتاج الى رعايه افضل
وتم نقلها الى المستشفى لتواجه مصيرها هناك..حيث تم تحديد مدة ليست بالكثيره من قبل الاطباء لحياة امل الفعليه..ولكنها كانت قوية من الداخل وعاشت فترة اطول..
ورأت ما لم ولن ترونه من العذاب طيلة تلك السنين..تحيا نهارا وتموت ليلا..
وحيده تستأنس بالالم..مكتئبه تستنير بالظلام.....




وفي ذالك اليوم..


اشتد عليها المرض عندما اتى شخص غريب لم تستطع امل رؤيته جيدا وادخل طفلة صغيره تحمل باقه من الزهور الجميله الى داخل غرفه امل في العنايه المركزه وذهب سريعا...قامت الممرضة بمنع الطفله حتى لا تنقل اي عدوى بسيطه الى جسم امل الذي لم يعد يحمل اي نوع من المناعه ولكن امل صرخت وامرتهابالامتناع حتى دخلت

نظرت امل الى الطفله ولم يكن دمها غريبا ابداا.. ثم تحدثت اليها بصعوبه..(تعالي يا شاطره لا تخافين)..اقتربت الطفلة وقدمت الزهور..(اللللله يا زينها ..شكرا جزيلااا..وش اسمك يا شاطره)..< اسمي امل >
..(الله اسمك يهبل..امل ايش يا حبيبتي)..<امل فهد..وبابا يقولك وشلونك وانشالله انتي طيبه>..
توقفت امل عن التنفس لحظات.. ثم اخذ فمها يرتجف وانهالت دموعهاااااااا ..فاستسلمت للبكااااء.. اخيرا..اخيرا بكيتي يا امل..ابكي يا حبيبتي لا تكوني قاسيه على نفسك ابكي..
ثم امسكت بيدي الطفله لتقبلها وتشم رائحتهاوهي تقول (قولي لبابا انا ما فيني شي..مافيني شي..مافيني شي)




مافيني شي الاغنيه (((اضغط هنا لتحميل)))






http://tweety.jeeran.com/images/nothing.jpg


لقد احست امل برغبة شديدة الى العيش..ومن يلومها..فهاهي ترى حبيب قلبها وقد انجب طفلة جميله ومن غيرها...
اظطربت حساباتها وتصادمت مشاعرها
فهي لم تعد يائسه من الحياه ولن تسطتيع العيش فيها
نظرت الى سماء الغرفه وهي تغرق في بحر اليأس والاوهام





http://tweety.jeeran.com/images/hopeless.jpg





أريد أن أعيش
لايا امل..لا تستطيعي
فحياتكي..مجرد الزمن الذي تستغرقينه في التنفس حتى الموت
ولكن ماذا عن الاخرين؟؟!!
لا تهتمي يا امل





مجرد احوال تتبدل وتتغير


يشبعون ثم يجوعون
يلبسون ثم يتعرون
يكسبون ثم يخسرون




ومشاعر تأتي وتذهب


يفرحون ثم يحزنون
يحبون ثم يكرهون
يولدون ثم يشبّون ثم يشيخون
ثم ماذا يا أمل...ثم ماذا
ثم يموتون
ولكن اليست تلك هي الحياة؟؟!!..
نعم ولكن ..لا لست ادري..لست ادري




سمعت امل صوتا خافتا يناديها بهدوء<امل ...امل ...تعالي يا امل > نظرت الى باب غرفتها حيث مصدر الصوت وكان شبحا ابيضا يلقى بنظرات وهمسات مابين الحين والاخر وهو يكرر ما قاله لها<تعالي يا امل..تعالي>نفذ صبر امل فتخلصت من الاجهزه المرتبطه بها وخرجت لترى من هو ذالك الشخص وماذا يريد..وعند خروجها برق ناظريها وهو يدخل الى احد الغرف المجاوره قائلا<هنا يا امل تعالي هنا>..اقتربت امل من الغرفه ولكنه خرج منها مسرعا الى غرفه اخرى<لا يا امل هنا..تعالي هنا>..
واخذت تلاحقه في غرف المستشفى وطرقاته حتى اختفى تماما ولم تعثر على اي اثر له..وعندها احست امل بالارهاق والتعب الشديدين فرجعت الى غرفتها..
وارتعد قلبها بشده عندما رأت نورا يشع من سريرها.. ونطق ذالك النور<تعالي يا امل .. لا تخافين ..تعالي>اقتربت امل واذا بتلك السيده الجميله ترتدي احسن الثياب البيضاء وفي احضانها طفلة صغيره..كانت السيده الجميله تظفّر بنعومه شعر صغيرتها عندما قالت..<شوفي يا امل هذي بنتي..بنتي الوحيده ..اخيرا قرت عيني..اخيرا حضنتها >..ابتسمت الطفله الصغيره في وجه امل <ايوه هذي ماما يا امل..اليوم بنام معها..وتحكيني حكايات..واخمها بقوووووه وانام>..نظرت امل الى السيده بحنان مميت(انتي ماما..الا انتي..انا بنتك يا ماما ..انا بنتك ) وحاولت ان تحضن امها بشوق ولكن السيده بدأت تختفي مبتسمه وهي تقول <لا يا امل مو الحين..قريب..قريب يا امل..>....
استيقظت امل مفجوعه وعيناها غارقه بالدمع وهي تئن انين الاطفال..(ماما..ماما)
واخذت تتألم وتتألم وتشد ثيابها بقوه ممسكة بكل شيء من حولها باحثة عن النفس..حتى ارتخت اطرافها وتوقفت دموعها ..وابتسمت عندما رأت تلك السيده الجميله..امها الحنون فاردة ذراعيهااااااااااااا.......


لاااااااااااااااا
لا يا امل..ارجوكي لااا..خذي دمي..خذي قلبي وجسدي وباقي اعضائي.. خذي حياتي..فلم يعد يشرفني ان اكون من جنس البشر..

ولكن انتم.. نعم انتم يا من تقرأون.. انتم تعلمون جيدا اني لا اعني ذالك فعلا
فانا اقول ذالك بلساني..ولست واثقا من افعالي.. فالكل يريد الحياه..نعم انا اريد ان اعيش..

حبيبتي امل..سوف انتهي من الكتابة..وهم سوف ينتهون من قرائتها..
وعندها ..تحن قلوبنا..وتبكي عيوننا..ثم ماذا يا أمل ..عندما تصبحين في طي النسيان..حينها نخرج باحثين عن الحياة..
نشتهي الذ الطيبات..ونسافر الى اروع البلدان..نضحك على اتفه المواقف..لان قلوبنا مليئه بالامل والسعاده..
نقع في الحب ونتزوج ..ونفرح من كل قلوبنا..وكأن حزنا لم يصيبنا..عندما يولد لنا مولود جديد..يخرج على الدنيا طاهرا بريئا.. تماما كما ولدتي أنتي ياامل..



http://tweety.jeeran.com/images/emotions.jpg



النهايه (الاغنيه)اظغط هنا





تماما كما ولدت
في ارض قاحله..وحوش ضاريه..شمس حارقه وصحراء
ابتسمت..فأطفت عليها رونقاً..جمالاً..شذى عبيرٍ وصفاء
مخلصة كانت..ضحت واعطت رحيقها بسخاء
قُطِفَت فذبلت..وحيدة تُرِكَت.. بلا ماء او دواء
امتنعت السماء..والارض عاملتها بجفاء
فاخترقت آما لها بجذورها..عروق صخرة صماء
وتحوّرت اوراقها..لتكون رمزا للبقاء
اسطورة العنقاء
حورية البيداء
ذهبت..فأدمت وجنتيّ من البكاء
يا ايها القلب الذي ..لم تذق طعما للجفاء
يا ايها الجسد الذي..لم ترى سقماً او عناء
انظر الى حبيبتي..زهرتي.. زهرة الصحراء


كم اتمنى يا امل..كم اتمنى ان اكون انا.. انا من قالت له احبك شفتيكي
يا الهى كم كنتي صادقة ومخلصه..وياله من قلب قد احب لديكي
اخبريني..كيف لي ان اعيش الان..وانا ارى الحب الحقيقي..يموت دمعا على وجنتيكي







http://tweety.jeeran.com/images/End.jpg




يابن ادم..هذه حياتك..فعندما تموت.. تصبح كالتي قرأتها.. لها بدايتها ونهايتها





النهايه

مجموعة انسان!!!


اهدي هذه المشاعر الصادقه موسومة على قلبي
الى كل شبابنا الذين يعانون من هذه الامراض المميته
راجيا منكم
الوقوف الى جانبهم وزرع الحب والامل في قلوبهم
ورسم الابتسامه على شفاههم
فهم بأمس الحاجه اليكم..
لا تدعوهم..لا تدعوهم يموتون فهم لم يموتوا بعد..
لا تدعوهم يموتون هكذا وحيدين..وحيدين كما كانت امل......




http://www.khayma.com/zwaya/Ani01/11.gif


مؤلاحضه.....
جميع الحقوق@غيرمحفوضه....) :#