عرض للطباعة
شباب بنات ..
نبي هنا كل السوالف و المواقف الحلوة الي حصلت لأحد منا ..
في أحد المجمعات..
وأنا ببتدي...
------------------------------------------------
ذاك اليوم كنت في الراشد طالع من جوفريز..
وأبغى أنزل من الدرج الكهربائي الي في النص..(عند النافوووره)
و لاأحط رجلي الا عند أقرب درج لجوفريز..
لكن الفشيله ويييييييييييييين؟؟؟
ان الدرج في الأخير كان للصعود فووووق..
وأنا بعبقريتي أبي أنزل منه...
الحمد لله على العقل
:D :D :D :D :D :D
انا مرة كنت بالسوق واختي دخلت دورة المياه ( اكرمك الله ) واعطتني شنطتها .. وانا جلست انتظرها برة وجلست خلفي وحدة حرمة شنطتها مثل شنطة اختي .. واتلخبطت الدنياواخذت شنطة اختي .. ويوم رجعت اختي اخذت الشنطة ومشيت .. دخلت محل من المحلات وجات تشتري .. لقت المحفظة شكلها متغير وعليها اسم ( فلانة العلانية ) وعدد من النقود وهو ( ؟؟؟؟؟ ) ريال .. واستغربت و طالعت في وانا مادري وش السالفة وجات وقالتلي : من ( فلانة العلانية ) ؟؟؟
جاوبت باستغراب : مادري وش يدريني !!
قالت : انا اوريك عند ابوي !!
قلتلها : الله يخليك لا تقوليله بس وش السالفة ؟؟؟
وحكت الحكاية .. بعدين اتذكرت ذيك الحرمة وحكيتها الحكاية وصار اللي صار