التوبة ماعاد اعيدا في النقل الجماعي

التوبة ماعاد اعيدا في النقل الجماعي




فكرت وقررت وصملت اني اروح لمكه عن طرق النقل الجماعي قالك اريح وازين وماغير العن الدقيقه اللي حطيت رجلي في درجة الباص واللحظه اللي حطزت فيها على مرتبتهم وطبعا كالعاده الحظ الردي يدور اهله جا هاك الهندي المروح وجلس جنبي وكل الأماكن مليانه عادالهندي ريحته بيني وبينكم تصرع واصلة السواق فيدام انا اللي كتفي بكتفه وانا محتاس مرة اكتم نفسي ومره احط كمي عند خشمي ( عاد من زين ريحة كمي ) هالعطر الفرنسي امحق لكن هو على الأقل اهون واجد من كشنة السمك والبهارات المحترقه المهم اشوى ماطول ابو الشباب ونزل في اول محطه وقف عندها وتنفست الكشناء اقصد الصعداء واسفهليت شوي بعد ماكان الطريق وش طوله المهم جا واحد غيره نظيف مره لدرجة انه وبصراحه انظف مني وقعدت ادردش معه وعلى كلامه انه سواق لواحد مطخطخ وراعي نعمه وجا يزور واحد ويجلس عنده كذا يوم هذا اللي فهمته منه عقب الحسره والتركيز المتركز في شموخ الانصات وسالني سؤال كرره ثلاث مرات وقال لي ( هففف ) قدام ؟؟ قلت ايش ؟؟ وكررها كم مره وانا اقوله مافي معلوم كلام هذا في أربي كلام قال لا مافي أربي هذا في مازولا ههه ههه والله ويستخف دمه المهم جمع كل معلوماته اللي خذها في اللغه العربيه وقال هفيف وانا عاد بذكائي قلت اييييه عفيف ايوه قدام قول كذا من اول وانبسط ضعيف شكله كان يحسب انهم مخطوف وان النقل رايح لفرانكفورت المهم بعد طول قعاد وسهاد وتشصيبة ظهر وطفش من هالسواق الزول اللي يالله يمشي يعني مع البلا عوان وصلنا للطايف ورحت لمكه وخلصت العمره وقلت ياولد خل الواحد يتمشى شوي في شركة مكه او تدرون غيروا يتمشى خلوها يتسوق عشان ما يروح تفكيركم لبعيد ويوم دخلت والا المحلات تخترش ومن كل نوع وشكل ومن كل ديره نمونه وضاق صدري لأني ماتعودت على هالحاجات انا جاي من ديرة اكبر مافيها بقاله تباقلها يالله ادخلها بعد من كراتين الطماط اللي ساده المحل المهم قلت ابطلع بس هالمحلات تروع تبي فلوس وناس ماتهمها الميه وانا اجيك ناصي الباب وانا قافله معي وما برد على قلبي الا وحده.....(1) طلت في وجهي وقالت يا حبيبي ؟؟؟ وهي تركض وتضحك جايز لها شغلها وانا انهبلت ما صدقت اول وحده تقولي هالكلمه في حياتي ما بعد سمعتها عقب اغنية علي عبدالستار ياحبيبي ترى القلب بعدك سرح وقلت هذا البلا رمتني في بحرها وخلتني غرقان اشكي الغرام ( العن ام الغرام اللي كذا ) المهم حزمت ربزتي وتكيتها وقررت العوده وطبعا لازم اخذ تكسي توصيله للطايف احسن وخذت هاك التكسي ( قايلكم حظي شين ) سواقه منتهي وبايعها ودربه مع كرا يعني كله ملفات وطلعات وهويات والسواق كنه في خط سريع اربعة اسياد وشفت الموت اكثر من عشرين مره يتجاوز فيها ومن زين هالعزم يومه يسقط على العالم اتحداكم ان كانه يجيب الميه في ربع ساعه ؟؟ من شاف القير ما رجى خير مكانه في الدركسون ؟؟ واذا عشق خطر ينخرع لكن ما اعجبني فيه الا اللزقــه العظمين والجمجمه اللي على الطبلون وشكله يبيها تهدي من روع الركاب واللي مستغربه ان راعين التكاسي الصفر علاقتهم مع بعض ممتازه من يوم يتوافون طاط طووووط مافيه الا شربكه حتى لو هم ما يعرفون بعض بس هم مبرمجين على اللون الاصفر يعني اتوقع لو يسقطون على سيارة البلديه ضربوا لها من ا لبواري الروسيه سررررا اخيرا انتهت الرحله الانتحاريه بالسلامه ولله الحمد والمنه والرجعه فيها من البلاوي الشي الكثير لكن خلوها على الله اهم شي السلامه واذا سلم العود الحال تعود وعلى فكره اللي يبي يعرف مكان الفراغ اللي فوق عنده رقم واحد يدور في هالصفحه ارتباط لصفحه ثانيه حطيت فيها الكلمه وانت وشطارتك عاد دور الين تلقاه واذا صرت من طقة ( آآآآي )