أفضل مصدر لألعاب البلي ستيشن 2 المنسوخة في دولة الإمارات ؟

السلام على الجميع ..


أحببت أن أتبادل المنفعة مع الأخوة المشاركين من الإمارات في المنتدى بخصوص مواقع بيع ألعاب البلي ستيشن2 المنسوخة (الكوبيز) ..

أنا شخصيا أشتري الألعاب حاليا من محل موجود في سوق الوصل بدبي .. لكن مشكلته أنه مب محل ألعاب .. مثل بقية المحلات المنتشرة في سوق الوصل يبيع كل شي من الساعات الرخيصة إلى الأسلحة الثقيلة ..

فمشكلته ان البائع لا يعرف ماهي الألعاب الموجودة لديه ولا تستطيع أن تسأله أي سؤال ولا أعتقد أنه يعرف طريقة أو مجال استعمال هذه الأقراص الدائرية ذات السطع العاكس :-)

المهم .. لما تطلب منه الألعاب راح يطلع كيس مدسوس بين الملابس والأغراض خوفا من الرقابة .. ويعطيك الكيس وانت اسبح فيه ودور الألعاب اللي بغيتها ..

الأسعار حسب مزاج البائع .. مرات 35 درهم ومرات 25 درهم !

وعنده بالإضافة إلى ألعاب البلي ستيشن 2 ألعاب بلي ستيشن1 وأفلام VCD وأتوقع ألعاب أجهزة أخرى ..

في انتظار مشاركاتكم وإفاداتكم .. واللي عنده أي سؤال أنا حاضر.

اذا تريد العاب انصحك تعال ابوظبي و شل اللي تريده اللعبه ب15 درهم فقط

بوظبي أرخص الكوبي ب 15 درهم للبلاي ستيشن 2
و10 دراهم لبلاي ستيشن العادي



في محلات متخصصة في حامد سنتر وفي مركز مدينة زايد :)

مشكور أخوي بس هل في أحد يعرف محلات في الشارقة؟؟؟؟؟؟

شكرا يا بازرعه على المعلومة بس يا ليت تحدد أسماء المحلات وعناوينها ..

تسلم يا ez2dj على المعلومات ويا ريت تحدد نظام البيع في هالمحلات .. كيف مرتبين الالعاب ووين هالاسواق بالضبط؟ على أي شارع وكيف أوصل لها ؟ وشو المحلات اللي عندها الألعاب الجديدة ؟

وشكرا على مرورك يا THE_X_WOLF ويا ليت تشاركنا وتقول من وين تشتري الالعاب حاليا .. جربت السوق القديم؟ المركزي؟ قالولي تنباع الالعاب هناك بس ما جربت انا ..

حامد سنتر موجود في أبوظبي في شارع الكترا
ومركز مدينة زايد خلفه مباشرة :)

إذا ماكنت تعرف الطريق أسالك تاكسي هو بيوصلك :6

أما طريقة بيعهم :يعطونك ملف فيه صور الألعاب وبعدها تختار الألعاب
الي في بالك ;)

اقتباس:

---

وشو المحلات اللي عندها الألعاب الجديدة ؟

---

تقريبا المحلات الموجودة يبيعون نفس الالعاب ....يمكن تنزل لعبة في محل
قبل اي محل ثاني .....

على فكرة محلات ابوظبي يبيعون الألعاب أرخص من دبي ;)

لاني قبل سألت محل في دبي عن سعر الاكس بوكس قال 2200
وفي أبوظبي 1800 درهم (يمكن نزل سعره الحين )



وإذا في أي سؤال أنا حاضر ;)

و الله أخوي ..... منقذ ..... أنا أشتري الألعاب من السوق المركزي فهي متوفرة بكثرة فتقريباً يوجد 15 محل أعرفهم في السوق المركزي يبيع شرايط كوبي للبلاي ستيشين 2 و 1 و غيرهم من الأجهزة و لكن مازالت قطعة تشغيل الكوبي دي في دي ما نزلت فيه و أنا أريد أن أعرف و ين ممكن ألاقيها في الشارقة

عفوا شباب بس مافي واحد يعرف متى تنزل قطعة الديفدي لابوظبي؟؟؟؟

شكرا يا أخوان على مشاركاتكم وإضافاتكم وما زلنا بانتظر المزيد من المشاركات حتى تعم الفائدة ..

ez2dj ما قصرت أخوي أبدا .. زين شو رايك لو سرت بوظبي أبدا بمحلات حامد سنتر ولا مركز مدينة زايد ؟ وين أحصل أجدد الألعاب؟

THE_X_WOLF شكرا للمشاركة أخوي .. ممكن تخبرني كيف احصل المحلات اللي تبيع الألعاب المنسوخة في السوق المركزي في الشارجة؟ بس أدخل أي محل واسأل وهو بيطلعلي كاتالوج مثل بوظبي ولا بيفر علي كيس مثل سوق الوصل؟ وبكم الألعاب؟ وكيف التشكيلة؟ عندهم ألعاب جديدة؟
والدي في دي هل نزلت له ألعاب منسوخة في السوق المركزي ولا تقصد قطعة تشغيل أفلام الدي في دي؟

ابو تامر أي قطعة تقصد بالضبط؟ شو اسمها؟

شباب شو أحسن قطعة موجودة؟ لأني أعرف واحد في دبي ممكن يطلبها لو حصل عليها طلب كبير .. فقط عطوني اسم القطعة بالانجليزي أو صفحة فيها شرح عن القطعة ومميزاتها وأنا أطبعها وأوديها للمحل.. ولو طلبها باخبركم.

ما في محلات براس الخيمه تبيع كوبي:" :" :" :"