قصيدة الشاعر خالد الفيصل
حنا العرب يامدعين العروبة****وحنا هل التوحيد وانتم له ا جناب
وحنا شروق المجد وانتم غروبه***وحنا هل التاريخ وانتم به اغراب
يوم الفقر شلتوا علينا عيوبه****واليوم عقب النفط جيتوا لنا انساب
ويوم الفقر فينا البدا وة سبوبه***واليوم صرتوا مثلنا بدو واعراب
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ ـــــــــــــ
وقد رد احد الشعراء العراقيين على القصيده بهذه الابيات اللتي يفوح منها أصالة الشعراء القدامى حيث الابتعاد عن الاسفاف والمهاترات حتى وإن كان الخصم عدواً لدوداً !!!
سهله من الطيب تفوت بصعوبه.... صعبات بعض رجال ماتحسب اصعاب
يابن الكرم غلطه عليك محسوبه......يومـــك تغربــنا وماكــلـــنا اغــراب
من هاب ينهاب وللاشراف هوبه ......ولا هنت قولك يابن الاجواد ماصاب
منا ولنا وفينا وعلينا العروبه ......يا جزل قولا صابت العين وانصاب
والفخر بالتاريخ عزه كذوبه ......وارقابنا والــقدس بكفوف الاجـــناب
.تاريخنا ياشيخ حنا عيوبه ......وامجــادنا رمحــــين قضابهن خـــاب
رمح طعن مسلم جرح فيه توبه......ورمح طعن ظهر انحنا وسالت انساب
وفي هالزمان الي وطتنا دروبه......تحمى الغنم من سطوة الذيب بكــلاب
والريح نحرم بعضنا من هبوبه......في هــالزمن لوكان لــلريح مــقضــاب
أما الرتب والنفط تربه خصوبة......تــنبت مهــازل لخــتلـفاتــنا اسبـــاب
مادري العروبه ظهر ربعي اغدروبه......ولا العروبة رمـــح بظــهورنــا غـاب
وقصيدتي طاهر لك الله ثوبه ......والصوت داوي ومامع الصوت مخلاب
شاعر عراقي
