الحل الكامل حق Metal Gear 2

انا فعلاً ادهشت لما ماشفت ولا حل حق اللعبه الرهيبه هذي! راح اكتب الحل الكامل حق Metal Gear 2 "Sons Of Liberty" انشالله راح اتكون تدريجياً! وطبعاً الحل راح يكون على فقط ال Extreme Mode! يعني تقدر تمشي مع الحل والأضافيات توخر عنها.

هالحل راح يكون حق كلها من شغلي انا, يعني مو من اي مجله عربيه. الحل راح يكون مركز على كل شي... كل صغيره وكبيره باللعبه. اذا انت اول مره تلعب هاللعبه وياي تقره هالحل, انصحك انك اتروح تلعب اللعبه من نفسك واتخلصها على المراحل السهله على الأقل واتعرف محتواها وبعدين تقدر تدخل اهني. لأنه هالحل يخدم الناس اللي يبون يودون لعبهم للأفضل وابعد ويعرفون كل شي او حق الناس اللي متورطين ابمكان معين. ارجو انه محد يسوي "Copy and paste" للأي شي ويوديه اي مكان ثاني الا لما يدزلي ايميل على هالشي! يعني بعد موافقتي!

------------------------------
التحكم باللعبه
------------------------------

1-الأسهم: علشان اتحرك الشخصيه... يا اتسرعها او اتبطئها بالحركه.
2-عصا التحكم اليسرى: علشان اتحرك الشخصيه... يا اتسرعها او اتبطئها بالحركه.
3-عصا التحكم اليمنى: علشان تلعب بال سيف مال Raiden. وعلشان اتحرك اتجاهات الكامره!
4-دقمة الدائره: علشان ضربة البوكس والكومبو, وعلشان تسوي تأكيد على اللي تبيه (ضغط او فتح اي شي).
5-دقمة المثلث: الدقمه الرئيسيه حق ال Action!
6-دقمة الأكس: علشان الشقلبه, الزحف, وانك اتكنسل اي شي!
7-دقمة المربع: علشان تمسك العدو, تخنقه, تحذفه, تطلق رصاص, صواريخ... الخ!
8-دقمة L1: علشان اتصوب او اتطالع.
9-دقمة L2: علشان اتطلع شاشة الItem الي تبيه, وحق وضع ال Item الحالي الموجود (صندوق, سجاير... الخ).
10-دقمة R1: علشان ال First-Person View, علشان اتشوف حواليك!
11-دقمة R2: علشان اطلع شاشة الأسلحه, وتحط السلاح!
12-دقمة ال Start: علشان توقف اللعبه, او علشان اتشوف اسم المكان اللي انت موجود فيه, او الخريطه!
13-دقمة ال Select: علشان تفتح شاشة الأتصال!

-----------------------------------------------------------------------------------
فوائد الخزانات (الكبتات الصغيره حق الملابس):
-----------------------------------------------------------------------------------

1-تقدر تفتح الخزانات واتلاقي Items مثل ذخاير اسلحه او Ration حق طاقتك او كتب, مجلات... الخ!
2-تقدر تتخبى داخل اي خزانه موجود علشان مايكشفك العدو لما يمشط المكان... او لما تتوهق ادخل علطول الخزانه وصكر على نفسك الباب.
3-تقدر لما اتموت العدو, اتخبيه داخل الخزانه علشان لما القائد الأعلى يكلم العدو بالموبايل ومايرد العدو ويدز فرقه حق تمشيط المكان, ومايلقون صاحبهم يردون مكانهم ولا كأنه صار شي. اما اذا ماخبيته ويو او اي احد شافه ميت راح يعطون انذار بالمكان!
4-تقدر تفتح باب الخزانه واتخليه مفتوح علشان تشغل الأعداء عنك لما يكونون اقريبين يمك.
5-تقدر اطق جم بوكس واطيح باب الخزانه ويعطيك Item بالمقابل, بس هالنوعيه في امكنه محدده وراح اذكرها لكم انشالله.

-----------------------------------------------------------------------------------
شاشة الأتصال:
-----------------------------------------------------------------------------------

هاذي راح تستعملها بأقلب الأمكنه باللعبه... اي واحد يعطيك رقمه سيفه وحطه عندك. تقدر تلعب بويوه الشخصيات اللي قاعد تتكلم بالعصا التحكم اللي عند او تسمع افكارهم بال R1 او R2! او تكبر ويوهم بالضغط العصا التحكم اليمين او اليسار داخل! ولما تتوهق وماتعرف شنو اتسوي مع اي رئيس يتقاتل معاك, اتصل على اللي حواليك علشان يعطونك احسن الأساليب او افضل النقزات علشان اتعرف اشلون تفوز على اللي يباريك.

-----------------------------------------------------------------------------------
اشياء يجب معرفتها قبل اللعب:
-----------------------------------------------------------------------------------

بالرادار اللي عندك, في عدة اللوان وحركان واشياء لازم اتعرفهم قبل ماتتعمق باللعب علشان اتكون على داريه بكل شي باللعبه. مثلاً:
1-اللون الأخضر: يعني Snake او Raiden. يعني انت!
2-اللون: الأزرق: يعني العدو لما يكون قاعد يمشط المكان.
3-اللون الأصفر: يعني العدو سمع حركه بالمكان "لازم اتوخر عن المكان علشان لما اي ومايشوف شي, يطنش ويرجع مكانه".
4-اللون الأحمر: يعني العدو جكك, وارح علطول يدق على المسؤول علشان يدز قوات اتساعده (يعني انت بورطه)!

بعد:
1-في مكان الماي لما اتشوف دائره زرقه بالرادار عندك, هذا يعني المكان اللي في اكسجين (تقدر تصعد تتنفس فيه).
2-الدوائر الصفر يعني القنابل المزروعه (اللي حاطها Fatman) اللي لازم تبطل مفعولها.
3-اللون الأصفر المثلثي اللي مايتحرك يعني ألغام مزروعه وبس تمشي يم المثلث راح تنفجر.

-----------------------------------------------------------------------------------
انواع رادارات التحذير:
-----------------------------------------------------------------------------------

1-نوع الحذر فقط (اللون الأصفر): الأعداء راح يكونون متواجدين لفتره معينه علشان يمشطون المكان لما العداد يروح على الصفر ويردون مكانهم. طبعاً هالشغله تطلع مو بس لما تنكشف, وبعد لما في امكنه من القصه نفسها انت لازم تنكشف (مثل مكان الرهائن).

2-نوع الخطر (اللون الأحمر): يطلع لما اي جندي يكشفك, او Cypher وراح تدخل على الحذر بعدها لما يروح العداد لي الصفر وكل شي يرجع عادي.

3-نوع التمشيط الضروري اهو النوع اللي لما الأعداء قاعدين يمشطون المكان او يدورون على Snake. راح يصير الحذر بعدها وبعدين لما يروح العداد لي الصفر راح يرجع كل شي على ماكان.

4-النوع الأخير واهو النوع ال "Jamming" يعني مايطلع الرادار. يعني لما تستعمل سلاح اللي يخرب الرادار راح يطلع الجامينغ والأعداء ماراح يقدرون يستعملون الراديو علشان يتصلون! او لما تستعملها ضد الكامرات او الأسلحه المتعلقه على الأطوف. يعني معناتها التشويش!

ملاحظه: لما تبي علطول اتجعم التحذير اطلع من المكان ورد مره ثانيه, بس في المستوى الصعب جداً (Extreme) ماكو شي اسمه اطلع لأنه الأنذار راح يكون بكل الأمكنه. فخلك حذر!

-----------------------------------------------------------------------------------
المستوايات باللعبه:
-----------------------------------------------------------------------------------

1-سهل جداً (Very Easy): حق الناس اللي كلش ماجربو اللعبه من اول ويبون يبدون من الأول... يعني الناس اللي بس تبي تلعب وبس, مو اله يتعمقون.
2-سهل (Easy): حق الناس اللي مالعبت Metal Gear كلش!
3-عادي (Normal): مستوى عادي حق الناس اللي يبون يتطورون باللعب اكثر... حط الجاي يمك والعب هالمستوى.
4-صعب (Hard): هالمستوى حق الناس اللي خلصو المستويات السابقه ويبون يلعبون ابمستوى افضل واحسن... افصخ غترتك والعب هالمستوى.
5-صعب جداً (Extreme): حق الناس اللي يحبون اللعبه موت ويبون يثبتون جدارتهم باللعبه اكثر واكثر. بهالمستوى اهو الجواب حق ملاهفهم. هالمستوى فيه وايد بلاوي وتغيرات, حط اربع باكيتات سجاير يمك واستلم يا خبير.

ملاحظه: لما اتخلص اللعبه مره, راح مستوى الصعب جداً يظهر بالشاشه عندك!

-----------------------------------------------------------------------------------
الأسلحه والمساعدات:
-----------------------------------------------------------------------------------

========
أولاً الأسلحه:
========
1-M9: اهو السلاح المخدر او المنوم اللي يخلي العدو ينام لوقت معين. كاتم ومايطلع صوت وومفيد لك بالمهمه.

2-USP: مسدس-يد, زين وقوي لك بس صوته ملحوظ!

3-Socom: مسدس-يد, زين وقوي بس صوته ملحوظ.

4-Coolant Spray: حق ابطال مفعول القنابل المزروعه. تقدر تتحكم بالرش اذا تبيه دفع قوي او ضعيف بحسب رعصك. تقدر اتقوم فيه الجنود النايمين بعد او اتأذيهم. وتقدر اطفي فيه النيران.

5-Stinger Missile: يطلق بالقذايف القويه, اول ماتصوبه واتشوف المربع مصوب على العدو, اقذف...

6-Chaff Grenade: يخلي التشويش على الرادار يعني ينعدم الرادار للحظات. اهو يعتمد على رعصك علشان البعد. مدت مفعوله خمس ثواني من اول ماترعص علشان ينفجر.

7-Hand Grenade: علشان اتفجر فيه اي شي, اهو يعتمد على رعصك علشان البعد. مدت مفعوله خمس ثواني من اول ماترعص علشان ينفجر.

8-Stun Gernade: علشان تغمي الجنود لفتره معينه من الوقت, اهو يعتمد على رعصك علشان البعد. مدت مفعوله خمس ثواني من اول ماترعص علشان ينفجر.

9-Magazine: المجله زينه علشان لما يكون في جندي موراضي يتحرك من مكانه تقط المجله امكان معين علشان تلفت نظره ويروح حق المكان اللي قطيت فيه المجله. اهو يعتمد على رعصك علشان البعد.

10-Book: حط الكتاب بالأرض علشان ينشغل الجندي عن مراقبة المكان ويقعد يتمنظر بالكتاب! الأصل الكتاب مكون من صور خليعه للبنات, Kojima كان مايبي يخلي الشغله وصخه حيل (يعني مو وايد) فسماه "كتاب"!

11-Claymore: تحطه ابمكان معين علشان اتلغم اي جندي يمشي. اهو يعتمد على الأتجاه المثلثي اللي حطيت فيه اللغم. وتقدر تاخذه اذا ماتبي لما اتسوي زحف.

12-C4: تقدر تحطه بظهور الأعداء وتفجرهم او على البيبان او على الخزانات (علشان الكتب) او على الطوف (حق الكاميرات)... الخ.

13-M4: يطلق رصاصات سريعه حيل ورى بعض خلك ضاغط على الدقمه علشان يطلق.

14-AKS-74U: علشان الطلقات المتتابعه وتقدر اتصوب على الأعداء بعد بس صوته ملحوظ حيل! دير بالك يا ولد ^_^

15-Directional Microphone: حيل حيل دقيق, تقدر تسمع فيه الناس اللي يتكلمون عن بعد. وتستفيد منه في امكنه معينه باللعبه.

16-PSG1: سلاح التنقش والتصويب (اضغط الدائره علشان اتقرب والأكس علشان اتبعد بالتصويب, والمربع حق اطلاق الرصاص). بعض المرات اتحس انك مو قادر تثبت على مكان معين, اخذ ال Pentazemin علشان يخليك ماتتحرك... وادقق وانت مرتاح.

17-RGB6: تطلق القاذفات وتوصلها لي مكانها بالضبط, بس قلما مااعتمد على هالسلامح. لأني اشوفه مكمل للأسلحه فقط.

18-Nikita: والمعروف ب Remote Control Missile, تقدر تستعمله علشان الأمكنه اللي فيها دواعيس او بس تبي تذبح جندي من مكان بعيد. تقدر تتحكم بالقذيفه عن طريق لما تحذف الصاروخ بالدقمة المربع وبعدين تحرك الصاروخ بالأسهم او عصا التحكم اللي عندك. وتقدر بس اتخلي الصوره على الصاروخ لما تقلب التصوير عندك.

=======
المساعدات:
=======
1-Ration: تستعمله علشان اتزيد من الطاقه اللي راحت منك.

2-Bandage: علشان اتوقف نزول الدم من جسم Snake! الجروح اللي يتلقاها اتخليه بعض المرات ينزف وهالشغله اتوقف النزيف.

3-Card Lv: علشان اتبطل فيه البيبان اللي مصكرين. يعتمد على اي مستوى الكارد اللي عندك واصله.

4-Cardboard Box: تقدر تتخبى داخله او تتحرك وانت بداخله وفي وايد انواع من الصناديق باللعبه!

5-Binoculars: منظار علشان اتشوف عن بعد, تقدر ترعص ال دائره علشان تقرب والأكس علشان تبعد التصويب.

6-Thermal Goggles: علشان اتشوف بالليل او الأمكنه الداكنه المظلمه. وايد مفيد لك. يعني تقدر اتشوف كل شي بالأحمر وتقدر اتشوف الألغام فيه!

7-Anti-Personnel Sensor: علشان يكتشف الناس اللي يمك يعني اي مخلوق موجود ويكون موجود اليد راح تبدأ بالتحرك على تحركات قلب Snake! مفيد حق لما تلعب بدون رادار!

8-Suppressor: هذي وصله حق سلاح يطلع صوت وتقدر لما توصل هالتوصيله بالسلاح اتخلي السلام كاتم.

9-Shaver: مالت الحلاقه علشان تعطيها سنيك علشان يحلق لحيته فيها.

10-Sensor A: علشان يكشف القنابل اللي زارعهم او اللي يزرعهم معاك لما تقاتله. راح يطلع بالرادار علامه صفره دليل على وجود قنبله.

11-Sensor B: اقوى حيل من الأول لأنه يعطي صوت دقيق على وجود القنبله واللي امسويه اهو Peter Stillman! يكشف القنبله الأخيره وين صايره!

12-Pentazemin: حق التنقش علشان يخليك مركز عدل و مايخليك تهتز وماتثبت.

13-Night Vision Goggles: يخليك اتشوف بصوره واضحه بالليل او الأمكنه المظلمه.

14-Mine Detector: كاشف حق الألغام الموجوده اب أي مكان! لما اتحطه راح اتشوف عندك الألغام بالرادار وويرن امكنتهم بالضبط.

15-Medicine: علشان اتشافي Raiden من البرد اللي يحوشه!

16-MO Disk: اتوديه حق Snake! ماله فايده معينه.

17-Dog Tags: تعريفه حق كل جندي موجود باللعبه. لما اتجمعهم كلهم, اتحصل على كلمه سريه اخر اللعبه.

18-Cigarettes: يقول Snake انه اتيبله الحظ السعيد. تقدر تستعملها عند امكنة الليزر علشان اتشوفهم.

19-Cell Phone: تتلقى مسجات اتساعدك لما تتوهق ابأي مكان.

20-Camera: علشان تلتقط اي صوره اتعجبك, يعني اتحذف جندي من فوق لي حدر ولما يموت موته عنيفه التقطله صوره جميله.

21-Body Armor: علشان يقلل من قوة الرصاصات. انا عندي وجوده مثل عدمه.

22-B.D.U.: اهو اللبس مثل الجنود. تستعمله في فتره معينه من اللعبه لما يكشف Raiden (هالغبي) عن نفسه.

23-Blade: سيف ياخذه Raiden اخر اللعبه ويستعمله في امكنه معينه بآخر اللعبه.

-----------------------------------------------------------------------------------
الأسرار:
-----------------------------------------------------------------------------------

نشكر الأخ "nsr" من منتدى "Metal Gear" على كتابته للأسرار اللي عطوه ياه بالأنجليزي... وانا ترجمتهم بس مو كلهم, وهاكم بعضهم وانشالله لما اكمل الترجمه راح احط الباجي:

تقدر تطلق رصاص من ال USP علشان تخلي مطفأة الحريق ترش بودر (يعني اذا احد لاحقك من الجنود سوله هالشغله علشان اتأذيه وبعدين اتخنقه)!

شروط اللي تخليك تبدأ بالعطس
-توقف بدون حركه
-تخلي هيئية جسمك ضد الطوفه
-قعد Snake على ركبته (يعني لما اتوقفه واطق X مره وحده)
-اتخليه على هيئة الزحف بس من غير ماتحركه

واذا توقف Snake عن الحركه نهائياً لمدة ثلاث دقايق راح يتوقف عن العطنس!
-----------------------------------------------------------------------------------

خلك واقف جدام الصوره الجذابه باغرفة الكبتات في Deck A واتصل على Otacon وراح اتشوف Snake مستانس من هالشغله!
-----------------------------------------------------------------------------------

لما تتصل على Otacon بعد ماتشوف ضل Reven بالغرفة Tanker engine, راح اتشوفهم متعجبين من انه Reven ليلحينه حي (طبعاً هالشي قبل ماتكتشف انه لعبه بس)!
-----------------------------------------------------------------------------------

Otacon يمل من بعد ماتسيف 13 مره ورى بعض وبعدين يخليك اتكلم Mei Ling!
----------------------------------------------------------------------------------

اخذ بعض الصور اللي راح اذكرلك ياها و تسمع بعض الردود يديده من Otacon, واذا صورتهم مرات عده راح همن اتلاقي ردود مختلفه.
-الصور اللي معلقه على الكبتات (اليمين واليسار) في 1F
-صور Olga وانت قاعد تتهاوش معاها (وراح تتفلسف بعد على هالشغله)
-صور ويه (وجه) Olga و عند مكان انفراج ريولها (يعني بالعاميه عند مكانها الحساس)!
-في غرفة المحرك (Engine room) صوره الصوره اللي موجوده داخل, وصوره جانبيه حق صور الولد والبنت! والطوفه الجنوبيه اللي فيها صوره حق بنت, وصوره حق لعبة Reven!
-وفي Hold 1: صوره حق اللبس الداخلي مال الجندي (سرواله)... (واذا كانت الصوره مأخوذه من السطح التحتي)!
-صور حق Metal Gear Ray من جدام, الجانب الأمامي من اليسار, الجانب الأمامي من اليمين, واسم المطبوع "MARINES" و صوره حق القائد اللي قاعد يهذر على الجنود "Commandant Scott Dolph" وصوره حق Ocelot
-----------------------------------------------------------------------------------

Olga راح اتعصب لما اتصورها وانت قاعد تتهاوش معاها.

واذا تتعلق وانت قاعد تتهاوش معاها راح تستهزأ فيك

لما تفوز على Olga واتكون نايمه (مغمى عليها) راح اتكون في ردود فعل حق الشغلات اللي تسويها.

لما تتصل على Otacon بعد ماتفوز على Olga, راح يقولك انها فطفوطه (اموره)! واذا هاجمتها واهي نايمه راح يتصل عليك Otacon ويعطيك جم كلمه مقلله للي قاعد اتسويه فيها!
-----------------------------------------------------------------------------------

لما اتهاجم الجنود ال Marines واهم صافين صفه معتدله, راح يتخلبطون ويتخلبصون يقومون يدعمون بعض ويطيحون بالأرض مثل قارورات البولنج!

لما تلعب ال Tanker Chapter اكثر من مره, راح اتلاقي ال Marines على سراويلهم (بدون بنطلونات)!
-----------------------------------------------------------------------------------

رش ال coolant spray على الجندى لما يكون طايح غشيان (او نايم) بالأرض وراح بهالطريقه اتقومه بسرعه!

النمط اللي العدو يمشي عليه في تغطية المكان (يعني لما يكون يمشط مكان من اي خطر) راح يتغير اذا ماقدر العدو يكشفك كلش في deep sea dock, Strut F warehouse, Shell 2 Core 1F!

اذا تقرب حيل من العدو اللي معاه حامي الرصاص وطقك بالمسدس, راح اتشوف الدم مالك يطشر على حامي الرصاص ماله!

اذا اتهاجم الأعداء اللي يهاجمونك, راح يبدون بحقن مضادات الآلام على نفسهم!

في الطابق الأول من السفين بغرفة الخزانات لما اييون الجنود يبون يسون تمشيط للمكان, راح يروحون يشوفون الصوره اللي بالخزانه اذا كانت الخزانه مفتوحه (يعني اذا انت فتحتها عمداً)!

اذا حذفت الشغله "اللي تخلي الجنود يسون علامة تعجب براسهم" على راس اي عدو, راح ينسى شنو كان يسويه قبل ماتحذفه بالشغله (جنه لفاف صغير تحذفه)!

حط الكتاب اللي عندك بالأرض وبعدين راح اتشوف الجندي يقعد بالأرض ويقراه!
-----------------------------------------------------------------------------------

في بعض الجنود وايد روسهم يابسه ومايرضون يعطونك اي شي عندهم, علشان اتخليهم يعطونك الأغراض اللي عندهم, طق اريولهم بالمسدس ال SPU او خوفهم بالأسلحه القويه حيل مثل Nikita missile, Stinger, and RGB (نيااهاهاها)!
-----------------------------------------------------------------------------------

في نقطه محدده اب Strut L perimeter فيها جندي كرمكم الله يبول, راح يبول تقريبا لمدة دقيقه... لما تتصل على ال Colonel واهو قاعد يبول الجندي, راح يبدى ال Colonel انه يخليك تشعر بتحسن!
-----------------------------------------------------------------------------------

سلاح ال Thermal goggles راح يخليك اتشوف اذا الجندي اللي جدامك عنده Dog Tag او لأ!

اذا ادوس على دقمت المربع باستمرار وانت ماسك ال camera or binoculars... راح اتشوف اسم الحندي اللي لازم تاخذ من ال Dog Tag (او اللي خذيت من الشغله)! اذا موعد ولود الجندي يوافق مع تاريخ الموضوع في Playstation2 راح اتشوف علامة "عل عام وانت بخير" فوق يم الأسم اللي موجود عندك!

لما تاخذ ال Dog Tag من الجندي اللي حاط هوتفون (يسمع اغاني فيه) على راسه اللي موجود في Deck 2 port (في مسوتى محدد باللعبه)... راح اتلاحظ انه هالجندي اهو المغني الياباني المعروف, Gackt!
-----------------------------------------------------------------------------------

Raiden راح يحوشه البرد لمدة دقيقتين بعد التعذيب! اخذ العلاج او اغراضه من Snake علشان يشفى!

الشروط اللي اتخليه يبرد:
-لما اتوقفه عن الحركه
-تخلي هيئية جسمك ضد الطوفه
-مقعد Snake على ركبته (يعني لما اتوقفه واطق X مره وحده)
-----------------------------------------------------------------------------------

اشياء خاصه اتصير مع Raiden لما يكون مفصخ صلط ملط!

-لما يمشط العدو منطقة التعذيب, سطح نفسك على سرير التعذيب وبهالطريقه اتقص على العدو! وبعدين العدو راح يبدى بالنظر على Raiden ويقول بعض كلمات المدح!
-----------------------------------------------------------------------------------

في ال Shell 1 Core hall: اذا اتكلم مع اي شخص غير Ames كل ساعه وتالي, راح رايدن يقول بعض الكلمات اللي من العاده انك ماتسمعه يقولها!
-----------------------------------------------------------------------------------

اذا كنت لابس body armor وموت Sloidus اخر شي باللعبه, راح اتشوف بعرض النهايه Raiden لابس ال body armor!
-----------------------------------------------------------------------------------

Pliskin راح يهاجمك اذا انت هاجمته بالأول في الأمكنه التاليه:
-transformer room
-oil fence
-Arsenal Gear-Ascending Colon
-Arsenal Gear-Sigmoid Colon

في Strut B transformer room: اتصل على Pliskin عدة مرات واهو نايم وبعدين راح يقوم من نومه فجأه ويقول "Liquid"!

اذا خذيت الحلاقه من ال deep sea dock, راح بعدين Raiden يعطيها Snake وبآخر لقاء لكم مع بعض راح اتشوف Snake محلق لحيته!
-----------------------------------------------------------------------------------

تقدر اتشوف واحد متغطي بصندوق في الجسر the CD connecting! بس لازم توصل المكان بعد دقيقه بالضبط من الديمو مع Peter! اتروح مكان ثاني او تستعبط, ماراح اتشوف الشغله هذي! واذا هاجمت الريال راح ينحاش ويخلي الصندوق واذا تقطع الصندوق كله, عادي راح ياخذله صندوق ثاني!

اذا تكون تحت صندوق وتتصل على Pliskin عدة مرات, راح يبدأ Pliskin بالكلام عن شعوره عن الصناديق!

اذا كسرت الصندوق اللي كان منخش فيه الريال اللي على الجسر The CD connecting راح تسمع شكوى او ضيم Pliskin!
-----------------------------------------------------------------------------------

الشغلات التاليه اتصير في Shell 2 Core B1 Filtration Chamber #2:
-في جام في اول ال breathing point, بعد القتال مع Vamp. اذا اتروح اهناك قبل ماتدخل غرفة الخزانات, راح اتشوف Emma قاعده على السلم!

-اطلق ال M9 على Emma وبعدين اتصل عليها وراح اتلاقيها تتكلم واهي نايمه واتقول "Venus in Cancer..."

-هاجم Emma (بس مو تموتها) وبعدين اتصل على Otacon وراح بعدين Otacon يعصب عليك!

-اذا قتلت Emma بنفسك, راح ال Colonel, Rose, and Otacon كلهم راح ينتقدونك مع ظهور شاشة ال Game Over!

-تقدر اتحط قنبلة ال C4 يم ظهر Emma وبعد تقدر اتحط القنبله بظهرها!

-بعد ماتساعد Emma واتكون معاها, تقدر تتصل علطول عليها 141.52!
-----------------------------------------------------------------------------------
في الموقع التنقش (ال Sniping) اللي اتكون مع Emma فيه:

لما اتوجه ال directional microphone على Emma لما اتكون بين البيلرين (العامودين) الكبار, او يم البيلر الأول راح تسمعها تتكلم عن ال Raidenqd! المنظر!

ويم البيلر الثاني راح اتصادف Johnny!

وجه ال microphone على Snake لما يكون متواجد لمساعدتك على الجنود اللي يرشون Emma وراح تسمعه يتكلم مع نفسه "يبي يسأل Emma انها تطلع معاه على عشاء"!

وجه ال microphone على Emma لما تعبر الجسر وراح تسمعها تتفلسف!
-----------------------------------------------------------------------------------

لما Peter Stillman يقولكم المهم وينخش داخل الغرفه الصغيره روحله وطق عليه الباب ثمان مرات وراح بعدين Peter Stillman يكون معصب حيل!
-----------------------------------------------------------------------------------

يتبع...

Thanks dude
wallah sho'3ool 3ade
but it is so dam hard in the Extreme
:6 forget about it
I will leave it for the freaks

-----------------------------------------------------------------------------------
تكملت الأسرار:
-----------------------------------------------------------------------------------

لما اتحط ظهرك على الطوفه اللي الرئيس (President) موجود فيها بالمقابل راح يطلع ديمو (Demo)!

راح اتلاقي الرئيس نايم في مستويات الصعب والصعب جداً!

طق على طوف الغرفه اللي موجود الرئيس فيها بالمقابل او اطلق رصاص على الطوف وراح يحط الرئيس نفسه على ضد الطوف.

لما يكون الرئيس نايم, القنابل ماراح اتقومه الا لما اتحوش الطوف او داخل الغرفه!

وجه ال microphone على الرئيس وراح تسمعه يتكلم مع نفسه.

لما تطلق على الرئيس صاروخ من سلاح ال Nikita, راح ينبطح او يوخر او ينزل نفسه اذا كان المستوى على السهل. اما في مستوى الصعب جداً, راح يركض مباشره على الصاروخ!
-----------------------------------------------------------------------------------

تقدر اطيح Fatman من طوله بطلقه وحده على خط السكيتس اللي لابسهم بريوله. بس لاتخاف, ماراح تقدر تكسرله ياهم.

لما يلعب Fatman مع حيوان النورس الطائر, وراح ينزل النورس على قبة Fatman, وينقر على راس Fatman!
-----------------------------------------------------------------------------------

بالنهايه لما يصير الديمو وتظهر Rose راح اتشوف Vamp بين الناس ورى (اهلا وسهلا)!

اذا اطلقت الرصاص على كل الليتات الموجوده بالمكان, Vamp ماراح يقدر يسوي حركته "shadow binding" (الحركه اللي يثبتك فيها)!

تقدر تفك نفسك من حركة "shadow binding" مو بس برعصك للدقم، ولكن بعد تقدر تطلق رصاصه على السكين اللي مثبتتك.

Vamp له نقاط ضعف، لما لما تطلق رصاص على وسط راسه (عند الجرح) او على الندب اللي على صدره (اثر الجروح) راح تاخذ طقتك اكثر طاقه من العاده.
-----------------------------------------------------------------------------------

طيارة ال Harrier، عندها حجيرة للقذائف (عند حجيرة الوقود)، تقدر اتطالع هالمكان بسلاح ال Stinger اللي عندك لما اتكون الطيارة اقريبه يمك. اطلق قذيفه من سلاح Stinger على هالحجيرة وبعدين الطيارة راح تقذف الصواريخ بعديد قليل من وقتها.
-----------------------------------------------------------------------------------

رش سلاح ال "coolant" صراصير (على العموم اسمهم قملات البحر) وراح يوخرون عن طريجك.

طالع عن طريق First Person View الا وهي R1 وبعدين فجر اسلحة المتفجرات في القملات وراح اتشوفهم اشلون يطشرون واهم ميتين (يتطايرون بالهوى).

اذا تزحف لمدة ثانيتين وفوق عند المكان اللي فيه الدود، راح تدخل قملة في المواد اللي عندك (المساعدات)، وراح تاكل Ration واحد بعد عشرين دقيقه... وراح تطلع من عندك بعد ماترتاح بأكل ثلاث Rations! علشان اتخليها ماتاكل بس بسرعه بطل وخش الماده كل ساعه لما اتروح (يعني على الخفيف كل ساعه L2).

حط ال Ration اللي في القملة بره عندك بالشاشه وخل العدو يطقك، وراح اتلاحظ الماده ترجع مكانها اتوماتيكياً.

استعمل كل ال Ration اللي عندك لما اتكون القملة عندك، وبعدين راح اتلاقي في وصف عن هالحيوان.

اذا اتخلص اللعبه والقملة ليلحينها عندك، وتحط الكود مال نهاية اللعبه بالسايت مال اللعبه... راح يعطونك تقدير على اسم الحيوان.
----------------------------------------------------------------------------------

رش سلاح ال coolant spray على طائر نورس البحر، وبعدين راح يبتعد عنك على الفور.

اذا طاح النورس (يعني لما اتهاجمه) على الجندي راح يكون كأنه مطقوق وراح يدوخ.

اذا هاجمت بأستمرار على النورس راح يتصلون فيك Rose و ال Colonel ويؤنبونك!

اذا شفت النورس واهو يطير يمك بال R1 راح بعدين يقط وصاخته عليك (يعني فضلاته).

راح تزلق واتطيح اذا مشيت فوق كومة فضلات النورس في سطح Strut A وفي بايب Shell 1 / Shell 2 connecting bridge راح اطيح وتموت، فدير بالك ياولد. ^_^

اذا تخبيت ابصندوق رقم خمسه (اللي فيه علامة العين مالت لعبة Zone of the Enders المعروفه) النورس ماراح يهاجمك، ولا طير راح يهاجمك لأنهم يخافون من العيون الكبيره.
---------------------------------------------------------------------------------

اطلق الرصاص على البغبغاء وماراح تحوشه, احذف قنابل ال Grenades وماراح ينفجرون. وبعدين البغبغاء راح يبدى يقلد مقولات العدو واذا كانو الأعداء موجودين راح يصير في انذار بالمكان كله ويجكونك.

الجنود اللي بالمكان اللي فيه البغبغاء راح يتكلمون عن مجلات البنات (Book) وبعدين البغبغاء راح يتذكر الكلام ويعطيك تلميحات وين مخشوشين الكتب فيه!

اذا وجهت ال microphone على البغبغاء وبدي Raiden يقول الجمله "You must be ames" (لابد انك Ames) لعشر مرات... راح يبدى بعدها البغبغاء بترديد الجمله من بعدك.
---------------------------------------------------------------------------------

تقدر اترش ال coolant spray على البق (الحشرات) في انتفاخ المصابيخ الضوئيه (الليتات) علشان اتموتهم.

في بق متجمعين بطريقه ملحوظه على جندي في B1, portside. اذا هالجندي نزلت منه Ration عن طريق هز جسمه واهو غائب عن الوعي، رح يبدون البق بالتجمع عند مادة ال Ration، واذا Snake خذا الماده راح البق كلهم يتجمعون حوالينه. حتى لو قدر Snake انه يروح مكان ثاني، بق وحده على الأقل راح اتلاحقه.
---------------------------------------------------------------------------------

في بايب حديدي بي اقصى ثلاث غرف في Deck 2 port. وجه نفسج ضد الطوف وانطر العدو علشان ايي، راح يطيح البايب وبعدين الجندي يكتشف مكانك.

اذا كسرت الليت في الغرفه الصغيره في الطابق الأول من Strut F، الطيف التخيل او الرؤيا راح اتكون محدده.

بعد ماتخلص اللعبه وتلعبها مره ثانيه... من المره الثانيه وصاعد مكان Ames راح يكون مو محدد... يعني بالعربي راح يكون عشوائي.

الأمكنه والعدد مال القنابل المزوده بحاسه او مومزوده تتغير في مستويات الصعب والصعب جدا!

في المستوى السهل، الرادار راح يشتغل علطول لما بس تستعمل جهاز ال node مره وحده.

في Shell 2 Core:
اذا دخل ابصندوق في الأرضيه اللي فيها كهرباء... راح الصندوق يحترق ويختفي.

حط كتاب في الأرضيه الكهربائيه وراح يحترق الكتاب.

احذف grenade على السطح الكهربائي chaff, stun وراح اتشوف الكهرباء يتدفق واهي تتحرك.وراح ينفجر لما توقف.

احذف المجلة (gun clip) على السطح الكهربائي وراح اتشوف الكهرباء يتدفق واهي تتحرك. اطلق رصاص على المجلة علشان اتحركها وراح اتلاحظ الكهرباء يتدفق مره ثانيه.
--------------------------------------------------------------------------------

تخبى بالصندوق وروح على النيران... وراح بعدها يحترق الصندوق ويختفي.

حط كتاب في النيران وبعدين الكتاب راح يحترق ويختفي.

لما اتكون انت محرتق بالنيران، البس لبس العدو اللي عندك او اتخبى بصندوق وبعدين تقدر بهالشغل اتوخر النيران عنك.

اي مكان اتشوف فيه نيران، استعمل ال coolant spray وراح اتوخر النيران فيه.

في ال Shell 1/Shell 2:
طق دقمة ال L1 في التحكم الثاني اللي ماتستعمله... علشان اتحرك علم "Sons Of Liberty" (ابناء الحريه) واذا طقيت دقمة ال L1 مرات عده، العلم راح ويخر للناحيه الثانيه مع الهوى.

اذا تدخل وتطلع وتدخل مره ثانيه جسر اللي موصل بين Shell 1/ Shell 2 لثمان مرات، راح يبدؤن بوضع "الفلاش باك" يعني عرض على وحدات التحكم اللي موجوده (قنابل عندنا... اي شي)! ^_^

عدد وحدات التحكم (القنابل) يتغير مع تغير المستوى باللعبه.
--------------------------------------------------------------------------------

من المره الثانيه وصاعد، الرهائن غير Ames راح يبينون بالديمو لما تتكلم مع النينجا لما اتكون غرفة الرهائن مبينه من اول مره دخلتها. والتغير يعتمد على ساعة البلاي ستيشن 2!
يعني:
12 AM: في منتصف الليل... كله نساء صغار بالسن.
10 PM: كلهم نساء في منتصف العمر.
1 PM: كلهم رياييل في منتصف العمر.
--------------------------------------------------------------------------------

تقدر تاخذ صوره حق Ocelot في Hold 3. هالشغله محتمله لما اتيي من تحت أرضية Hold 2. اذا اتشوف بال First Person View يعني R1 على ريل Ray الأماميه، من عامود الطابق المسروق (طابق متوسط بين الطابق الأرضى وفوقه) الرأسي، راح اتشوف Ocelot. واذا اتحرك نقطة الأتجاه مالت R1 واتردها مره ثانيه... راح اتلاقيه مو موجود.

اذا اتوجه الdirectional microphone على الحمام (عند يسار المكان اللي كانو Ocelot و Solidus موجودين فيه) في صالة ال Shell 1 Core Hall وانت في حادثة الرهائن، راح تسمع ارهاقات Johnny Sasaki! واذا وضعت Sensor A، راح تلقى رد مختلف لما تكشف قنبله!
--------------------------------------------------------------------------------

لعبة Reven اتلاقيها:
بال Tanker chapter: في Engine room starboard، اطلق عليها الرصاص وراح يبدي Reven بطلاق كره دوائر BB!
بال Plant chapter: في الماي قرب Shell 2 B1 Filtration Chamber #1

و rubber duck في:
Plant Chapter: في نقطة التنفس في Shell 2 B1 Filtration Chamber #1.

وMOAI statues:
Strut D-- في الجانب الشمالي. فوق العمود الناشط (او مقبض او سهم او شعاع... انا ماجربتها فانتو شفوها) من بركة الثفاله او الرسوب (ماده ترسبها المياه او الريح او الأنهيار الجليديه)!(تقدر اتشوفه بال R1 بس)!
Strut E level B1 قفل مستوى رقم خمسه حق باب الغرف، تقدر اتشوف ال Statue بين الطوف والصندوق (تقدر اتشوفها بال R1 بس).
تحت المكتب من Shell 1 Core في غرفة الكمبيوتر في الجانب الجنوبي (تقدر اتشوفها بال R1 بس).
Strut L، داخل الدريشه... اقصى اليسار (تقدر اتشوفها بال R1 بس).
Shell 2 Core، سلاح ال Nikita اللي يوجه في قناة الغاز (القناة مالت المكيف) حق غرفة الرئيس. راح بالأصل اتودين لي نهاية ميته (MOAI طايح بالأرض).
Shell 2 Core في مكان المغمور (يعني المكان الغارق) دخل ال مبنى الغير المصقول (داخل الماي على الأرض).
Shell 2 Core B1 Filtration Chamber #2: في الخزانه اليمنى من الخزانه اللي Emma متخبيه داخلها (الخزانه تتبطل بالمستوى الصعب جداً وفوق).
--------------------------------------------------------------------------------

اشياء سريه بعد ماتكمل اللعبه:
في شاشة ال CLEAR CODE، بسرعه ارعص فوق، فوق، تحت تحت، يسار، يمين، يسار، يمين، أكس، دائره. وبعدين راح تسمع صوت Snake (تره بس عبط هالشغله هى هى). ^_^

كمل اللعبه مرتين و من اللعبه الثالثه Snake و Raiden راح يلبسون نظارات من بعدها وفوق (هالشغله اتصير بس بالنسخ اليابانيه والأوربيه).

مستويات اضافيه تطلع بعد ماتخلص من ال Tanker chapter و ال Plant chapter. واضافات خاصه تطلع.

اضافة ال Boss Survival Mode:
تقدر تلعب مع الست رؤساء باللعبه على التتابع ك Snake او Raiden علشان اتشوف سرعتك بالتخلص عليهم كلهم.
تقديرات في الأنترنت: http://www.konamijpn.com/mgs2/boss
-------------------------------------------------------------------------------

بعض الأشياء من اللعبه السابقه:
شوف بواسطة ال R1 على شبكه اي قناة، وراح بعدين الكاميرا تقرب من الشبكه حيل.

ارعص دقمة الأصنصير مرتين بسرعه وبعدين راح يوصل الأصنصير لك بسرعه.

تقدر اتحط ال C4 على ظهر اي جندي.

اذا تتخبى داخل صندوق، تقدر تتنقل من مكان لي مكان بالمكاين. كل صندوق له امكنته او مكانه المحدد اللي يوصلك عنده:
صندوق واحد: (grocery) يوديك Strut C Dining hall!
صندوق اثنين: (electronic appliances) يوديك Strut B Transformer room.
صندوق ثلاثه: (daily commodities) يوديك Strut A Pump room.
صندوق أربعه: (action figures) يوديك Strut F warehouse.
صندوق خمسه: (video game software) يوديك Strut E B1 -- return to Strut E Parcel room.

المعاني:
grocery = البقالة.
electronic appliances = أدوات او تطبيقات كهربائيه.
daily commodities = بضائع او سلع يوميه.
action figures = تماثيل فعاله.
video game software = برامج العاب الفيديو
------------------------------------------------------------------------------

اذا تتخبى ابصندوق رسمه او نوعيته مو مثل النوعيه اللي الصناديق اللي موجوده بالمكان فيه، العدو راح يجك بالأمر ويكشفك!
------------------------------------------------------------------------------

لا تنهي اللعبه، ويعتمد على جم عدد ال Got Tags اللي يمعتهم. راح يطلعلك سلاح او ماده سريه.

Tanker chapter (متراكم لكل المستويات):
تاخذ Bandana حق الذخاير اللانهائيه -- 46 Dog Tags (ثلاثين في ال %)
stealth للتخفي -- 76 Dog Tags (خمسين في ال %)

Plant Chapter (متراكم لكل المستويات)
wig يخليك تطلق ذخائر لانهائيه -- 73 Dog Tags (ثلاثين في ال %)
stealth للتخفي -- 121 Dog Tags (خمسين في ال %)
wig الأحمر (حجم السطره مايقل) -- 170 Dog Tags (سبعين في ال %)
wig الأزرق (حجم o2 مايقل) -- 218 Dog Tags (تسعين في ال %)

ملاحظه: بال Bandana و ال Wig يخلي ذخايرك لا نهائيه. راح اتكون ماتقهر لما تاخذ ال stealth ومحد راح يقدر يكشفك او يشوفك، بس اذا صدمت العدو (يعني حشتو اجسام بعض)، راح ال stealth يكون مو مجهز! يعني تنكشف حقيقتك.
------------------------------------------------------------------------------

حرك عصا التحكم اليمنى اللي عندك بعنوان اللعبه. وبهالشي تقدر تغير اللون وحركة الخلفيه التشكيليه! او ارعص دقمة L2 وبالهشغله راح يصير بالشاشه افلاش واصوات الرعد.

لما اتخلص اللعبه ويكون ويه Snake (باللون الأحمر) موجود بعنوان اللعبه، راح تتغير ل Raiden (بالأزرق). ولما اتخلصها بعد مره راح ترجع حق Snake!

خلص اللعبه في Tanker/Plant وراح اتشوف Mtal Gear Ray في الصوره الخلفيه لعنوان اللعبه!

أمكنة الأعداء الحاملين ل Dog Tags موجوده فيه Dog tag viewer! اول مره تلعبها بس راح يطلعلك اللي خذيتهم! بس من ثاني مره تخلصها وفوق راح يطلعلك كل الأمكنه اللي خذيتهم واللي ماخذيتهم كلش.

ارعص R1 لما يكون متجهز عندك سلاح ال Stinger، تقدر اتشوف مطلقة الصواريخ Stinger عوضاً عن عارض التصويب او التسديد.
-----------------------------------------------------------------------------

في اضافه سريه في ال Special Mode:
كل الشرح حق الحركات في الأضافه الخاصه... في فلمين حق شرح "الصناديق" وفتخ و "غلق الخزانات".
-----------------------------------------------------------------------------

لما تطرق بيبان فيها صور لبنات او شباب راح يطلع صوت ال "BOUNCE"!

لما اتكون داخل الخزانه، اذا رعصت ال R1 علشان اتقرب من الصوره... راح تسمع صوت بوسه.

اطلق الرصاص على الصوره اللي العدو قاعد يشوفها اب binoculars (منظار) وراح تنفجر!

وحتى الصوره اللي في ال engine room (غرفة المحرك) راح تنفجر اذا اطلقت عليها الرصاص.

الصور الموجوده في ال Tanker Chapter:
Deck A crew's quarter -- داخل اقصى خزانه من الجانب اليسرى.
Deck A crew's quarter -- داخل اقرب خزانه من الجانب الأيمن.
Deck A crew lounge -- على الطوفه اليمنى.
Engine room starboard -- افتح الخزانه.
Engine room -- شوف من اول طابق ل starboard على عكس الحائط.
Engine room -- شوف من وين الجندي اللي لابس منظار (منظار ليلي) بدى التمشيط في الطابق الثاني.
Engine room portside -- على الخزانه الثانيه من اليمين.
Engine room portside -- على الخزانه الأولى من اليمين.
Engine room portside -- داخل الخزانه الأولى من اليمين.

الصور الموجوده في ال Plant Chapter:
Strut A pump room -- داخل الخزانه في السلالم على اليمين.
Strut B transformer room -- على اول خزانه من اليسار على نهاية Strut C.
Strut B transformer room -- بجانب لوحة المفاتيح في اقرب نهايه حق المدخل او رواق.
Strut C dining hall -- على باب الحمام الأول من اليمين.
Strut C dining hall -- في اقصى طوفه من الغرفه اليسرى.
Strut C dining hall -- في الطوفه اليسرى من الغرفه اليسرى.
Shell 1 Core, 1F -- اقرب غرفه، ثاني اقرب خزانه.
Shell 1 Core, 1F -- اقرب غرفه، ثاني خزانه على اليمين.
Shell 1 Core, 1F -- اقرب غرفه، رابع خزانه على اليمين.
Shell 1 Core, B2 غرفة الكمبيوتر -- على الجدار الداخلي الفاصل في اوسط الغرفه.
Shell 1 Core, B2 غرفة الكمبيوتر -- في الغرفه الصغيره اللي فيها جهاز ال Node (اللي شغل الرادار).
Shell 1 Core, B2 غرفة الكمبيوتر -- على الجدار الداخلي الفاصل مال الغرفه الصغيره اللي فيها جهاز ال Node.
Shell 1 Core, B2 غرفة الكمبيوتر -- الجهاز الراصد او التحذيري الأيسر اللي العدو قاعد يشوفه.
Shell 1 Core, B2 غرفة الكمبيوتر -- الجهاز الراصد او التحذيري الأيمن اللي العدو قاعد يشوفه.
Shell 1 Core, B2 غرفة الكمبيوتر -- اقصى خزانه في يسار المدخل او رواق.
Shell 1 Core, B1 -- الغرفه اليسرى، ثاني الخزانه من اليمين.
Shell 1 Core, B1 -- الغرفه اليسرى، اقصى طوفه.
Shell 2 Core, B1 filtration chamber#1 -- على اقصى طوفه بعد اول التفاف لليمين.
Shell 2 Core, B1 filtration chamber#1 -- على اقصى طوفه بعد اول التفاف لليمين، بعدين يسار وبعدين يمين.
Shell 2 Core, B1 filtration chamber#1 -- على اقصى طوفه بعد اول التفاف لليمين، بعدين يسار، بعدين يمين وبعدين يسار.
-------------------------------------------------------------------------------

لما اتكون داخل الخزانه، اذا رعصت دقمة ال R1 حيل... راح اطلع صوت مزعج. ومع ذالك اذا رعصتها بالخفيف، ماراح تصدر هالصوت المزعج.

في كتب فوق الخزانه على الجانب الأيسر من Shell 1 Core B2 غرفة الكمبيوتر، طق الخزانه جم بوكس او ريل وراح يطيحون خمس كتب من فوق الخزانه.
-------------------------------------------------------------------------------

Strut C في الحمام:
قرب من جهاز مجفف الأيدين (من الماي) وبعد ماتقرب راح يشتغلون.

اذا تقرب وبعدين تبعد عن المرحاض (المكان اللي تبولون فيه كرمكم اله) في حمام الرجال... راح تسمع صوت السيفون. ^_^

اذا اتصلت على Rose وانت في حمام النساء في Strut C، راح اطالعك بنظره موحلوه وماراح اتخليك اتسيف عندها لبعض الوقت.

في ال Shell 1 Core hall: ازحق تحت الطاول جدام البنيه الشابه الرهينه. اذا اتصلت على Rose وانت قاعد اطالع هالمرأه، راح اطالعك بنظره موحلوه وماراح اتخليك اتسيف عندها لبعض الوقت.
-------------------------------------------------------------------------------

لما تدخل الأسم في جهاز ال Node، اذا اي اسم ادخل من الفريق اللي طورو ونمو وسو لعبة Metal Gear 2، راح تقدر اتشوف معلومات شخصيه عنهم.

ولما تدخل اي اسم بجهاز ال Node، اخر اللعبه بالنهايه راح اتشوف الأسم في ال Dog Tag اللي كان لابسها Raiden طول الوقت.

اذا اليوم اللي ادخلت فيه الرقم يوافق وقت البلاي ستيشن مالتك، راح اتشوف "كل عام وانت بخير" تحت في اليمين.
-------------------------------------------------------------------------------

في Hold 2: ارعص دقمة المثلث في يمين او يسار المسلاط (اداة علشان اتسلط الصور على الشاشه) علشان اتحول او تنقل اتجاهات التسليط. غيرها سبع مرات وراح اتشوف فلم وبعدين تنتهي اللعبه. تقدر اتشوف هالفلم مره وحده بس، اذا حاولت اتغير اتجاهات التسليط سبع مرات مره ثانيه، راح يدور عليك ال Marine (تعني كلمة ال Marine بالرامي البحري: جندي من البحريه الأمريكيه مدرب على الخدمه في البر والبحر).
-------------------------------------------------------------------------------

اذا كنت متعلق، ورجعت لي ورى... او طيحت نفسك تحت وكان موجوده حندي بالمكان، تقدر اطيحه وتخليه مغمى. واذا سويت هالشغله والجندي كان نايم او مغمى عليه, راح تقومه!

اذا طحت وانت كنت متعلق، ارعص دقمة المثلث علشان تتشبث بأي شي تقدر تتعلق عليه (يعني طيحه ومسكه). اما اذا ماكان في شي موجود، انصحك انك تبتسم. ^_^

سوي Pull-ups (يعني تصعد نفسك وتنزل مثل التدريب) بالضغط على R2 و L2 وانت في ال First Person View. اذا سويت هالشغله ل 100 مره (مو الا يكونون ورا بعض، يعني "متواصلين او متعاقبين") وحجم طاقتك راح تكبر اشوي (مستوى 2)! سو بعد 100 مره (يعني 100 اول و100 يديه يصيرون 200 مره) وحجم طاقتك راح تكبر اكثر مره ثانيه (مستوى 3 -- مستوى الحد الأقصى).

لما تتعلق واطيح نفسك وتتعلق بالحديده التحتيه مره ثانيه (اللي تكلمت عنه فوق) راح تعتبرلك كل 10 مرات pull-ups (التدريب)!

اذا اتشوف ابتمعن، راح اتلاحظ واير بالهوى في الجانب الشمالي من غرفة المحرك (engine room)، تقدر تتعلق على هالواير علشان تروح الطريج المختصر!

Hold 1: تقدر تصعد السلمين اللي في اليمين واليسار وتقدر تروح ل holds الثانيه من الطابق الثاني لما تتعلق!

Hold 1: تقدر اتروح جانب او على الواير في اول نقطة بدايه للتعليق!

-------------------------------------------------------------------------------
Dog Tags في مستوى ال Extreme:
-------------------------------------------------------------------------------

راح اذكر كل ال Dog Tags وامكنتهم مثل ماهي مكتوبه باللعبه (فقط حق المستوى صعب جداً):

=======
Tanker:
=======

==========================================
ID | الأســـم الكــــــــــامل | D.O.B. | فصيلة الدم | المـــــــوقــــــــــــــــع |
==========================================
000 | Olga Gurlukovich | ف 0923 | A | في Navigational Deck, Wing |
001 | Dave Cox | ف 0803 | O | في Aft. Deck |
002 | Pawel Majewski | ف 0208 | O | في Aft. Deck |
003 | Mathieu Trepanier | ف 0609 | B | في Aft. Deck |
004 | Cory A. Noll | ف 0406 | AB | في Navigational Deck, Wing |
005 | Joshua D. Casnocha | ف 0429 | ? | في Deck-C, Crew's Quarters |
006 | Louis K. Stevenson | ف 1031 | ? | في Deck-A, Crew's Quarters |
007 | Michael D. Rogers | ف 0818 | O | في Deck-B, Crew's Quarters |
008 | Gianluca Peruzzo | ف 1121 | O | في Deck-B, Crew's Quarters |
009 | Travis J. Lujan | ف 1230 | A | في Deck-A, Crew's Lounge |
010 | Brendan M. Randall | ف 1014 | B | في Deck-A, Crew's Lounge |
011 | Chris D. Bernd | ف 1029 | O | في Deck-A, Crew's Lounge |
012 | Chantelle M. Blair | ف 1224 | B | في Deck-D, Crew's Quarters |
013 | Eduard V. Fernandez | ف 1031 | A | في Deck-D, Crew's Quarters |
014 | Yoji Shinkawa | ف 1225 | AB | في Deck-D, Crew's Quarters |
015 | Niko Ionixx Horn | ف 0215 | B | في Deck-D, Crew's Quarters |
016 | Adnan Hadzic | ف 0403 | B | في Deck 2, Port |
017 | Shu Tajima | ف 0928 | O | في Deck 2, Port |
018 | Stuart J. Batchelar | ف 0307 | ? | في Deck 2, Port |
019 | Masataka Nishiyama | ف 0402 | O | في Engine Room |
020 | Michael M. Wong | ف 0307 | ? | في Engine Room |
021 | Manabu Nakamura | ف 0327 | A | في Engine Room |
022 | Simon P. Sargent | ف 0601 | A | في Engine Room |
023 | Yosuke Kamezaki | ف 1225 | O | في Engine Room |
024 | Clarke A. Baldwi | ف 0531 | O | في Engine Room |
025 | Hideki Sasaki | ف 1116 | AB | في Engine Room |
==========================================

======
Plant:
======

==========================================
ID | الأســـــ ــم الكـــــــامل | D.O.B. | فصيلة الدم | المـــــــوقـــــــــــع |
==========================================
000 | Hideo Kojima | ف 0824 | A | في Arsenal G., Ascending Colon |
001 | Takeshi Sato | ف 0731 | O | في Strut A, Rooftop |
002 | Shinji Yamashita | ف 0801 | B | في Strut A, Pump Room |
003 | Ryan T. Cronkright | ف 1119 | AB | في Strut A, Pump Room |
004 | Josef Karsch | ف 0813 | A | في AB Connecting Bridge |
005 | Emmanuel YL Passian | ف 1130 | O | في AB Connecting Bridge |
006 | Lee M. McCowan | ف 1027 | O | في Strut B, Transformer Room |
007 | Hiro Miyajima | ف 0510 | AB | في Strut B, Transformer Room |
008 | Drew J. Elmer | ف 0101 | ? | في BC Connecting Bridge |
009 | Toru Kawakami | ف 0330 | A | في Strut C, Dining Hall |
010 | Adam J. Sarpolis | ف 0205 | B | في Strut C, Dining Hall |
011 | Jyunpei Hirano | ف 1207 | AB | في CD Connecting Bridge |
012 | Kyle S. Carrigan | ف 1126 | A | في CD Connecting Bridge |
013 | Matt J Van Leeuwen | ف 0921 | AB | في Strut D, Sediment Pool |
014 | Matthew B. Boyet | ف 1104 | O | في Strut D, Sediment Pool |
015 | Collis R. Williams | ف 0910 | ? | في Strut D, Sediment Pool |
016 | Nobumitsu Tanaka | ف 0109 | B | في Strut D, Sediment Pool |
017 | Matthew C. Miller | ف 0712 | B | في DE Connecting Bridge |
018 | Alex C. Wilson | ف 0810 | ? | في DE Connecting Bridge |
019 | Yoshiyuki Koido | ف 1219 | A | في Strut E, Parcel Room |
020 | Tsunehiko Shibata | ف 0606 | B | في Strut E, Parcel Room |
021 | Ryan Sheffer | ف 0313 | O | في Strut E, Parcel Room |
022 | Carlos X. Luna | ف 1205 | A | في Strut E, Parcel Room |
023 | David A. Ginepri | ف 0717 | ? | في Strut E, Parcel Room |
024 | Emmanuel Phung | ف 0814 | O | في Strut E, Heliport |
025 | Micheal A. Hare | ف 1222 | O | في Strut E, Heliport |
026 | Alan J. Harries | ف 0615 | O | في Strut E, Heliport |
027 | Marco O. Scherrer | ف 0728 | AB | في Strut F, Warehouse |
028 | Edmond V. To | ف 0727 | O | في Strut F, Warehouse |
029 | Chevrinals Thomas | ف 0421 | O | في Strut F, Warehouse |
030 | Hiroshi Yokote | ف 0703 | A | في Strut F, Warehouse |
031 | Beri B. Pottsstam | ف 0103 | ? | في Strut F, Warehouse |
032 | Kenichiro Shigeno | ف 0110 | B | في FA Connecting Bridge |
033 | Kaori Yamada | ف 0808 | O | في Shell 1 Core, 1F |
034 | Ryan J. Crane | ف 0803 | O | في Shell 1 Core, 1F |
035 | Gareth J. Lewis | ف 0126 | O | في Shell 1 Core, 1F |
036 | Andreas R. Ramsauer | ف 1228 | O | في Shell 1 Core, 1F |
037 | Justin A. Cagle | ف 0614 | B | في Shell 1 Core, B1 |
038 | Christopher S Korte | ف 0602 | B | في Shell 1 Core, B1 |
039 | Mashiro Yoshinaga | ف 0410 | B | في Shell 1 Core, B1 |
040 | Daisuke Nishimura | ف 0816 | A | في Shell 1 Core, B2 |
041 | Viana S. Mauricette | ف 0128 | O | في Shell 1 Core, B2 |
042 | Chen Yung Kok | ف 0429 | AB | في Shell 1 Core, B2 |
043 | Anthony J. Barrit | ف 0524 | AB | في Shell 1 Core, B2 |
044 | Kaori Yae | ف 0520 | A | في KL Connecting Bridge |
045 | Isao A. Sato | ف 0105 | B | في Strut L, Sewage Facility |
046 | Ryan J. Schettle | ف 0401 | A | في Shell 2 Core, 1F |
047 | Andy Lam | ف 1016 | ? | في Shell 2 Core, 1F |
048 | Hiroaki Yoshiike | ف 1013 | O | في Shell 2 Core, 1F |
049 | Cedric Krolikowski | ف 0314 | A | في Shell 2 Core, 1F |
050 | Sebastian J. Pitman | ف 0210 | ? | في Shell 2 Core, 1F |
051 | Mark A. Matuszewski | ف 0831 | AB | في Shell 2 Core, 1F |
052 | Xavier R. Garcia | ف 0306 | A | في Shell 2 Core, 1F |
053 | Peter Stillman | ف 1116 | A | في Strut E, Heliport |
==========================================

Thanks dude

-----------------------------------------------------------------------------------
بداية الحل للعبة Metal Gear 2 Sons Of Liberty:
-----------------------------------------------------------------------------------

===============
Tanker Chapter:
===============

---------
دوج تاج:
---------
001)Dave Cox
002)Pawel Majewski
003)Mathieu Trepanier

راح تبدي باللعب في مرحلة السفينه بسنيك... بعد بداية العرض رح يكلمك اوتكان، من الحين... كل مايتصل عليك اوتكان علطول رد على اتصالاته، لأنه كل اللي يقولك عنه مهم. يالله انسمي ونبدأ باللعب خطوه خطوه علشان يكون لعبنا اقوى واحسن... راح اتكون اول اللعب على سطح السفينه في ال Aft Deck (طق دقمة ال Start علشان اتشوف وين انت فيه دايماً). رقم الأتصال على اوتكان اهو 141.12 ورقم التسيف اهو 140.96 طبعاً التسيف راح يمسكه اوتكان. والأسلحه اللي راح يكونون معاك اول اللعب: M9 والمساعدات: Dog Tags و Cigarettes و Digital Camera و Camera و
AP Sensor و اذا جامع Dog Tags وايد راح يكون معاك Bandana و الStealth! المهم، في المكان هذا ثلاث جنود قاعدين يمشطون المكان. واحد تحت على يسارك وواحد فوقك وواحد اخر شي على يمينك فوق! بالمكان في مساعدتين واهم: Bandage واتلاقيه تحت السلم اللي يم الباب اللي خليك تدخل Deck A, crew's quarters, port يعني الباب اللي تحت اللي يمشي يمه جندي اخر شي والثاني اتلاقيه عند الجندي اللي فوق باليمين ازحف تحت التناكر واتلاقيه. والمساعده الثانيه Pentazemin واتلاقيها في اقصي اليمين من السفينه (يعني تحت اخر شي). وفي سلاح واحد: واهو Chaff Grenade واتلاقيه لما تصعد اول سلم على يمينك اللي مايوديك مكان، اشقح الصناديق واتلاقيه. المكان فيه اربع بيبان وكل باب يوديك مكان بس ثلاثه منهم مصكوكين (يعني بس لازم اول تطلع منهم وبعدين تبطلهم) وباب واحد امبطل. اللي على اليسار تحت اللي يمشي يمه جندي. ادخله ولاتنسى تاخذ الدوج تاجس من الجنود.

---------
دوج تاج:
---------
006)Louis K Stevenson

الحين انت في Deck A, crew's quarters, port، في جندي واحد يمشط المكان. دير بالك قبل مااتيله، لأنه اطابع الريولك راح تطبع بالأرض والجندي اذا شافها راح يحاول يلحقهم. ودير بالك من النشله اللي تحوش سنيك. حاول اتخلص منها بالمساعده اللي عندك! لأنه اذا كنت متخبي يم الجندي وسمعك تنشل راح يجكك! اول ماتاخذ من الجندي التوج تاج وتخلص عليه (لما تاخذ سلاح ال USP طبعاً في جنود مايعطون الدوج تاج بسهوله، لازم اتخوفهم بسلاح قوي حيل او انك تطقهم "موتموتهم" بسلاح ال USP. انت وطريقتك انا مالي شغل بهالتفاهات) روح داخل الغرفه اللي فيها خازانات، اخر خزانه فوق على يمينك فيد داخلها ذخاير حق M9! بهالغرفة فيها صورتين (حق اللي يبون يصورون) في خزانتين: الأولى اللي لقيت فيها الذخيره والثانيه في الخزانه اللي على الزاويه من الباب الأول حق الغرفه. الحين روح ادخل الباب اللي يوديك لي موقع ال Deck A, crew's lounge.

---------
دوج تاج:
---------
009)Travis J Lujan
010)Brendan M Randall
011)Chris D Bernd

الحين انت في Deck A, crew's lounge. اول ماتدخل راح يطلعلك عرض على الجنود اللي مشطون المكان. دير بالك، عدد الجنود اهني ثلاثه. الأو ل يروح فوق تحت والثاني يمين ويسار والثالث يركب السلم وينزله. انت اول ماتشوف الأول يروح بعيد فوق، علطول لحقه وبعدين وقفه واخذ منه الدوج تاج وموته وبعدين روح حق الثاني وسو مثل الشغله وبعدين سو مثل الشغله مع اللي يصعد السلم (اللي يم الثاني) وينزله! لاتنسى اتهز الجندي الثاني واهو ميت علشان يعطيك مساعدة ال Ration والأول مع جم محاوله راح يعطيك M9 والثالث راح يعطيك بعد Ration. وادخل المكان اللي فيه مشروبات على اليمين علشان تاخذ ذخيره حق سلاح ال M9! وطالع علطول جدامك وانت في الحانه راح اتلاقي صورة FHM! بعدين اصعد السلم القصير اللي فيه باب باليمين واليسار وروح باب اللي على يسارك لأنه اهو بس اللي مبطل.

---------
دوج تاج:
---------
007)Michael D Rogers
008)Gianluca Peruzzo

الحين انت في Deck B, crew's quarters. راح اتشوف عرض لما اتقرب للجندي اللي على يسارك. لاتخليه يلاحظ ظلك او الماي حق طبعات ريولك اذا كان جوتيك مبلل من الباب اللي يوديك ليسطح السفينه بره (مصكوك بس في ماي عند الباب). بهالمكان في جنديين هذا وتحت. عادي اخذ منهم الدوج تاجس وموتهم. الجندي اللي تحت راح يعطيك ذخاير حق M9 بعد جم هزه اول لما تمسكه وتهده واهو ميت. واتلاقي في تحت السلم اللي صاير بعد الباب اللي دخلت من في ذخاير حق M9! وتحت في خزانه جندي الجندي اللي يمشي يمها في داخلها ذخاير حق ال USP! لاتنسي تاخذهم بعد ماتاخذ سلاح ال USP من اولغا! الحين اول ماتومت الجندي اللي فوق او تحت كمل طريجك راح اتلاقي مخرج للمكانين راح اتلاقي باب يوديك بره وسلم الباب مصكوك فروح فأصعد السلم لي فوق.

----------
دواج تاج:
----------
ماكو بالوقت الحالي

انت الحين في Deck C, crew's quarters. راح يطلعلك عرض على الكاميرا اللي موجوده في المكان. طابعاً يا انك تقط Chaff علشان اتشوش الكاميرا او انك اتسطح نفسك عكس الطوف وتمشي. بهالمكان فيه خزانه افتحها واتلاقي ذخيره حق ال Chaff Grenade. اخذها وبعدين في اخر الممر فتح تحت صغيره. يعني اذا جكتك الكاميرا علطول روح اتخبى فيها. طبعاً ابمستوى كهذا مافي شي اتروح فوق اوتطلع من المكان ويروح الأنذار... كل شي موجود. فتخبى داخل وخلك خوش ولد. ^_^ واذا ماجكتك الكاميرا روح اصعد السلم فوق.

---------
دوج تاج:
---------
012)Chantelle M Blair
013)Eduard V Fernandez
014)Yoji Shinkawa
015)Niko Ionixx Horn

انت الحين في Deck D, crew's quarters. المكان هذا حقير حيل فدير بالك. فيه طبعاً اربع جنود. بس انت تقدر اتشوف ثلاث جنود. اول شي روح للجندي اللي في الغرفه اللي اول ماتخدلها يحطولك عرض على وجود الكاميرا. اخذ التوج تاج منه وموته وخبه داخل المطبخ. لاتنسى اتخبيه داخل المطبخ. الذخيره اللي كاميراه حاميتها اهي USP فعادي خلها الحين. وبعد تحت طاولة الأكل الثانيه في ذخيره حق USP. و تحت طاولة الأكل اللي يم الكاميرا ت في ذخيره حق سلاح M9! بعدين اطلع من الباب اللي دخل منه مو تروح للباب اللي يم الكاميرا! في جندي اهناك روح عند السلم وانطره يصول عندك اول مايعطيك ظهره وقفه علشان تاخذ منه الدوج تاج وبعدين موته. اول ماتموته اخذه وقطه يم الميت الثاني في المطبخ. وبعدين روح للباب اللي يم الكاميرا واخذ الدوج تاج من الجندي الثالث وموته. دير بالك مكان الجندي فيه قنابل حساسه بمجرد انك تحوش الليزر
الأحمر انت في الباي باي. فلما يقرب يم الطوف وقفه. وبعدين روح لطلع بس موتروح فوق عند السلم. روح اطلع الباب اللي يت منه يم الكاميرا،
وبعدين كمل اطلع من الباب الثاني وروح الغرفه الغرفه مالت الأكل الصغيره. وخلك ناطر وراح يحطولك العرض على انه الجندي الرابع يه ودخل الغرفه. اخذ منه الدوج تاج وبعدين موته. داخل الغرفه في مساعدة ال Box 1 و ذخيره حق ال M9! لاتنسى تاخذهم. الحين روح اصعط السلم فوق.

انت الحين في Deck E, the birdge. بعد العرض القرقه مع اوتكان راح اتشوف ذخيره حف ال USP موجوده بالأرض. المهم روح الباب اللي يوديك عند اولغا. وراح يطلعلك عرض... شوفه واستانس واهني تبدي المباراة بينك وبين اولغا.

+++++++++++++++++
Olga Gurlukovich:
+++++++++++++++++
الحين انت في Navigational deck, port wing. وراح تبدي مباراتك الأولى القويه مع اولغا. اولغا اهي البنت الأموره اللي شفتها بالعرض اللي عندها شعر ابأباطها ^_^ مدربه على القتال وماراح اتكون مباراتك سهله وياها حيل. اهي تستعمل كل الأساليب علشان اتفوز... تتخبى ورى الصناديق وتطلق، تركض وتطلق، تتشغلب وتستعمل اللحاف اللي مقطي الصناديق وتعمي نظرك بالكشاف وتستعمل القنابل علشان ماتخليك قاعد ابمكان محدد وتصويبها وايد قوي يعني لاتحلم انها اتغلط بالتشيين عليك الا اذا في "Glitch" من اللعبه نقسها (ومااعتقد انه موجود هالشي). راح ابدي اول شي ابكتابة النصائح من اوتكان وبعدين اكتب طريقة الفوز عليها من رفيجي وبعدين طريقتي. اول شي راح اتلاقي ذخيره حق سلاح M9
اتلاقيها تحت ووحده ثانيه قوفك. يالله نبدي بنصائح اوتكان:
1)انت مو الوحيد اللي عندك سلاح. اهي بعد عندها سلاح فخلك دايماً متخبي ورى شي علشان تحمي نفسك.
2)اهيا يمكن اتكون متخبيه بعد بس انت تقدر تطلق عليها لما اهي تبي اتهاجمك.
3)استعمل ال First person view attack يعني R1 علشان اتشوفها واتهاجمها!
4)وانت ضاغط ال R1 اضغط يا R2 او L2 علشان تروح يمين او يسار الصوره. وطقهم مع بعض علشان تروح الصوره فوق.
5)لما اتكون متخبي تقدر اتحرك عصا التحكم اليمنى علشان اتحرك الكاميرا. اذا شفتها تبي تطلق الرصاص هاجمها قبل ماتطق!
6)لما اتكون متخبي وانت على الحافه تقدر تطلق عليها واترد تتخبى اوتوماتيكياً. بس ارعص دقمة اللي تطلق الرصاص وهدها.
7)عندها Grenades يعني قنابل اتحذفهم عليك. تحرك واطلق وراح اتكون ابأمان.
8)طلقة الرصاص على أعضاء الجسم تختلف على حسب المكان. يعني لما اتحوش راسها ياخذ اكثر ولما اتحوش بطنها ياخذ أقل!
---
اوكي انا اعرف واحد من ربعي حيل ملم على لعب هالمستوى فراح اعطيكم طريقته وبعدين طريقتي، اول شي طريقة عدنان:
اولغا اول ماتبدي المباراة راح اتروح لأقصى اليمين علشان تتكلم وينعرضلك العرض علشانها. انطر وبعدين خلك متخبي اخر اليمين عند ويها واول ماتطلع اطلق رصاصه علشان اتخليها تطلق على المكان اللي انت موجود فيه. وبعدين اغدر فيها وروح المكان المعاكس واطلق عليها الرصاص. وخلك على هالشغله لما اتروح ورى ويطلعولك عرض على انها تطلق الرصاص على اللحاف مال الصناديك علشان تعمي عليك النظر. انطر وراح تتجهز علشان اتحذف القنابل. علطول هاجمها اول ماتبي تحذف. وبعدي راح اتقط اللحاف كله بره وتستعمل الكشاف عليك. وهمن انت انطر واول ماتبي تتجهز علشان اتحذف القنابل طقها بالرصاص وخلك على هالنهج لما تفوز عليها.
---
شوفو اي طريقه زينه واتبعوها. انا طريقتي وايد ستراتيجيه وصعبه حق بعض الناس، فطريقة طارق يمكن اتكون افضل او يمكن بس ابناصائح اوتكان او ابطريقتكم انتو... اوكي طريقتي:
خل يكون بعلمك انه انت اتموت لما اتحوشك قنبله وحده منها. وبعد انت تموت اب بس رصاصتين منها. واهي اتموت بربع رصاصات بالراس. واكثر
من سبع رصاصات بجسمها. اولغا طريقتها متقنه باللعب لما اتشوفك علطول تنقشك فخلك محترس. اول ماتبدي المباراة مالك شغل فيها روح تحت عند المكان اللي فيه ذخيرة ال M9 وخلك راعص ال R1 جدامك (لاتكون يم حافة السفينه وايد علشان ماتشوفك) وخلك مجهز الليزر مال سلاح ال M9 على جدامك يعني فوق ارتفاع الحافة مالت السفينه اللي جدامك. يعني بالعربي المكان اللي تركض فيه اولغا ورى علشان تتكلم اول مره. اولغا راح تركض عند هالمكان علطول اطلق الرصاص على راسها (يعتمد على حسب تشيينك اول شي) وبعدين روح جدام وتخبا ورى الصناديق. اولغا راح تتكلم مع العرض لاتتنطرها، علطول طق Start علشان اتخليها تتحرك ووتتكلم وبعدين اهي راح ترجع واتتخبى وتطلق على المكان اللي اطلقة عليها قبل. انت روح يسارك (يعني يمينك) بالمكان اللي عكس اللي اهي قاعد تطلق عليك منه وبعدين اطلق رصاصه على راسها مره ثانيه وبعدين علطول وجه رصاصتك على وسط المكان يعني بين الصناديق اللي اهي متخبيه وراهم وبين العاموده اللي على يسارك. اهي راح
اتروح تنخش يم العاموده انت اول ماتوصل بالوسط علطول نيشن راسها. اذا صعبه عليك عيل اول ماتطقها براسها بالرصاصه الثانيه، علطول اول مااهي اتقوم اشوي تتعدل علطول عطها رصاص على جسمها ووجه الليزر على الوسط بين المكانين واول مااهي تمر عطها رصاصه على بنطها مره ثانيه. الحين اهي راح تتخبى وبعدين ترجع للعاموده ووترجع تتكلم وتروح ورى علشان تطلق على اللحاف. قبل ماتروح خلك ناطر بأقصى اليسار، واول ماتشوفها رايحه علشان تطلق على اللحاف علشان يحميها، اطلق عليها (هذي ماتضبط وايد). طبعاً انا ماقدرت انيشن على راصها لأنها بعد الثلاث رصاصات اهي راح اتكون تعبانه ومنزله جسمها وراسها. المهم الحين اهي متخبيه تحت اللحاف. تقدر تنطرها لمدة دقيقه او نص دقيقه وبعدين اهي راح اتروح حق داخل عندك علشان توخر كل اللحاف من المكان
وبعدين اتكون قبل مااتي انت ناطرها بأقصى اليمين وبعدين اتنيشنها قبل ماتقرب وتفوز عليها او انك اتنيشنها واهي حاميه باللحاف. روح اقصى اليمين ولما اهي تبي تحذف قنبله علطول نيشنها وموتها. اذا ماقدرت اهي راح تستعمل الكشاف علشان تعميك عن النظر. طبعاً بهالمستوى احلم انك تكسر الكشاف فانت انطر لما اهي تتجهز علشان تحذف قنبله
وبعدين نيشنها واطلق عليها الرصاص. اذا مايبتها على راسها ماراح اتموت... فانت كرر الشغله مرتين واتموت. دايماً لما اهي تتجهز علشان
تحذف القنابل روح اركض الجهه المعاكسه للكاميرا وبعدين نيشنها. مسكينه اولغا راح اشتاقلها :(

---------
دوج تاج:
---------
000)Olga Gurlukovich
004)Cory A Noll

اوكي انت ليلحينك في Navigational deck, port wing اخذ من اولغا الدوج تاج وانت الحين راح يكون عندك سلاح ال USP بس ماتقدر تستعمله علشان لاتصير حقير وتموت اولغا ^_^ على فكره تقدر تطلق الرصاص من ال M9 الحين على الكشاف. راح ينكسر ماادري حبيت اني اقولكم علشان الحاقد يبرد حقده بالكشاف نياهاها. الحين روح ورى الناحيه الثانيه من المكان. في سلم اصعده وبعدين اصعد السلم اللي ملتصق على العامود الكبير مال السفينه. روح فوق واخذ مساعدة ال Thermal Goggles! انزل وروح ورى وراح يطلع عرض حق جندي يطلع من الباب. اخذ منه التوج تاج وموته... وبعدين اخذ المساعده Wet Cardboard Box! وادخل مره ثانيه من الباب ل Deck E, the birdge! اخذ ذخيره حق سلاح ال USP وانزل من السلم ل Deck D, crew's quarters.

الحين انت في Deck D, crew's quarters. الجنود كلهم ردو وزادو في بعض الأمكنه. روح عند الغرفه اللي فيها كاميرا وموت الجندي اللي اهناك وبعدين كمل موت على الجندي اللي يتمشي عند السلم اللي يوديك لي Deck C, crew's quarters. وبعدين روح للجندي اللي يتمشي عند القنابل وموته بعدين روح عند الكاميرا واطلق عليها رصاصه من سلاح ال USP علشان اتكسرها. واخذ ذخيره لل USP ولاتنسى تاخذ بعد ذخيره لسلاح ال USP تحت طاولة الأكل اللي يم الطوف! الحين انزل للسلم اللي يوديك ل Deck C, crew's quarters.

---------
دوج تاج:
---------
005)Joshua D Casnocha

انت الحين في Deck C, crew's quarters. الحين زادو جندي بهالمكان اخذ منه الدوج تاج وموته. وانزل الحين ل Deck B, crew's quarters وبعدين موت الجندي اللي فوق وهز جسمه وراح يعطيك Bandage! وبعدين روح تحت وموت الجندي واخذ من الخزانه ال USP وانزل الحين ل Deck A, crew's lounge انطر الجندي اللي على يمينك يروح فوق والجندي الثاني اللي على يسارك يعطيك ظهره وبعدين روح علطول موت الجندي اللي على يمينك وبعدين خلص على اللي يسارك وبعدين خلص على ثاثلهم اللي يمشي بالسلم (احب اموت مو؟ ^_^) ودير بالك من الجندي اللي يمشى بيسارك ترى تمشيطه للمكان يتغير الحين يروح لأقصى اليمين وبعدين يرد لأقصى اليسار. اذا ماجكوك الجنود باللعبه تمشيطهم للمكان يتغير. لما اتموت الجندي راعي الذبان (الثالث) هز جسمه علشان تاخذ مساعدة ال Ration وهز جسم الجندي الثاني اللي يروح يمين حيل ويسار حيل علشان يعطيك بعد Ration (هزه جم هزه). وروح مكان الحانه اللي فيها مشروبات واخذ ذخيره حق ال M9! الحين روح السلم اللي يم الباب اللي يوديك لي Deck A, crew's quarters, port! وانزل السلم وادخل الباب الأوتاماتيكي.

---------
دوج تاج:
---------
018)Masataka Nishiyama
019)Michael M Wong
021)Manabu Nakamura
022)Simon P Sargent
023)Yosuke Kamezaki
024)Clarke A Baldwi
025)Hideki Sasaki

انت الحين في Engine Room! راح يطلعولك عرض انه سنيك يشوف خيال Reven بالطوف اتصل على اوتكان وبعدين روح حق الخيال وراح اتشوف انه Reven لعبه بس اتقط كور من قصدير لما اطقها! اصعد الصندوق اللي في المكان اللي فيه Reven واخذ ذخيرة USP! وصكر باب الخزانه المفتوح وراح اتلاقي صورة Eye Wire. بطل الخزانه الأولى على اليمين وراح يطلعلك عرض واحد ميت يطيح بالأرض. ادخل الخزانه واتصل على اوتكان علشان اتذكره ابماضيه ^_^ ولا تنسى اتشوف الصوره اللي عكس حائط الخزانه والحين ادخل الباب وراح اتصادف جندي يثاوب لما الراس مثل الغبي. اخذ منه الدوج تاج وبعدين موته. وبعدين هز جسمه اشوي علشان تاخذ ذخيره لل USP! هالمكان فيه سبع جنود وهذا واحد منهم! الحين انزل السلم علشان تصادف الجندي الثاني. اخذ منه الدوج تاج وبعدين موته وهزه علشان يعطيك ذخير لسلاح ال M9! وانزل السلم علشان الجندي الثالث اخذ منه الدوج تاج وبعدين موته وهز جسمه علشان تاخذ منه مساعدة ال Bandage. وبعدي روح اخر الممر علشان تحصلك بالأرض ذخيره حق سلاح ال M9. بعدين انزل السلم الفاصل الصغير بين المكانين علشان توصل للجندي الرابع. اخذ منه التوج تاج وبعدين موته وهز جسمه جم مره علشان يقطلك ذخيره حق M9. الحين في عندك يا تصعد السلم فوق وبعدين تروح للجسر الصغير الفاصل بين المكانين او انك وانت تحت اتروح اخر الممر حق الجسر الصغير اللي يفصل بين المكانين وبعدين اتحصل الجندي الخامس. اخذ التوج تاج منه وبعدين موته واخذ ذخيره حق سلاح ال USP. واصعد السلم اللي يوديك للجندي السادس. اخذ منه الدوج تاج وموته وهز جسمه كذا مره علشان يعطيك ذخيره لسلاح USP! وبعدين ادخل الباب الأوتوماتيكي وروح يمينك وبعدين راح يحطون عرض جندي (السابع) يطلع من الباب التحتي اللي يوديك ل Deck A, crew's lounge وبعدين يبدي الجندي يعطي الربورت ماله للرئيس. اذ1 خلص او واهو يتكلم بسرعه اخذ منه الدوج تاج وموته. تقدر اتخليه مايلحق يتكلم. اول ماتدخل وتروح فوق ويبدي العرض لاتنطر على مايخلص العرض. علطول طق دقمة Start علشان تقدر تتحرك. روح انطره مع سلاحك واخذ منه الدوج تاج وموته! روح عند المكان اللي اول شي تخبيت فيه وطلع العرض. في صوره على باب الخزانه وفي ظهر الصوره لما تفتح باب الخزانه نفسها. وفي صوره على الباب المفتوح صكره وراح اتشوف الصوره (لاتنسى اتخليه مصكر) وفي عند فوق المحرك ذخيره حق سلاح ال USP اخذها. الحين في جدامك اكثر من قنبله ملغومه بس تحوش الليزر راح تموت علطول. القنابل عددهم ثلاثه. اول شي اركب فوق المحرك ونيشن مسطح الضوء الأخضر من القنبله اذا غلطة راح ينفجر المكان وتموت. بس طق صفيحة اللون الأخضر... وبسلاح ال USP فقط لاغير! طبعاً ماراح اتشوف اللون الأخضر الا لما ترعص R1 علشن تشوف جدامك وبعدين ارعص R2 و L2 مع بعض (يعني R1 و R2 و L2 مع بعض) وبعدين راح تقدر اتشوف الضوء الأخضر اطلق عليها الرصاص وانزل من المحرك. روح يم الخزانات وشوف تحت جدامك وراح اتلاقي قنبله ثانيه اذا ماصكرت الباب المفتوح مال الخزانه صكره وانبطح. انسدح بالأرض واطلق على الصفيحة اللي فيها اللون الأخضر. وبعدين قوم وامش داخل اشوي بس وبعدين انسدح مره ثانيه بالأرض وطالع أقصى اليسار يم الباب في القنبله الأخيره اطلق على الصفيحه الرصاص وبعدين بطل الباب وادخله! طبعاً لاتنسى اتشوف الصوره اللي في الطابق الثاني اللي عند الجندى اللي لابس منظار علشان يطالع في الليل.

---------
دوج تاج:
---------
016)Adnan Hadzic
017)Shu Tajima
018)Stuart J Batchelar

الحين انت في Deck 2, port. راح اول ماتدخل راح تسمع واحد ينادي الجنود كلهم علشان يسمعون خطاب القائد. بهالمكان فيه ثلاث جنود،
اول شي روح جدام عند المكان اللي فيه واحد من العمال ميت بالأرض حرك جسمه وراح يعطيك ذخيره حق USP وراح اتلاق ذخيره ثانيه بالأرض حق ال USP. الحين كمل جدام وراح اتشوف جندي قاعد يمشط المكان اللي انت ياي منه. تخبى وانطره يعطيك ظهره وبعدين وقفه واخذ منه الدوج تاج وموته وهز جسمه كذا مره علشان يعطيك ذخيره حق سلاح ال M9! كمل طريجك جدام وعند اللفه راح اتلاقي ذخيره حق USP اخذها. وراح يصادفك جندي حاط موسيقى اخذ منه الدوج تاج وموته وهز جسمه جم هزه علشان تاخذ منه مساعدة ال Ration! في شغله عجيبه... لما اتموت هالجندي الموسيقا اللي حاطها تتصكر من نفسها كأنه الجندي صكرها قبل مايموت ^_^ المهم كمل جدام اشوي واتلاق على يسارك ذخيره حق USP اخذها وبعدين كمل جدام وراح اتلاقي جندي نايم وقاعد يتكلم واهو قافي... اخذ منه الدوج تاج وموته علشان مايتكلم كلش هى هى هى... تقدر تاخذ منه ذخيره USP لما اتهز جسمه جم مره... كمل جدامك وراح اتلاقي ذخيره حق USP يم الباب اخذها. الحين قبل ماتدخل هالباب اذا في اي شي طافك او اي دوج تاج ماخذيته ارجع من الحين لأنك اذا دخلت اهني وكملت ماراح تقدر ترجع. اوكي انكمل... ادخل الباب الحين... ولاتنسى على الخزانه الأولى صوره وفي داخلها همن صوره ثانيه... وعلى الخزانه الثانيه بعد في صوره.

انت الحين في Deck 2, starboard. امش اشوي وراح اتلاقي على يمينك ذخيره حق USP اخذها (شنو مافولو عند الذخاير ^_^). اتصل على اوتكان وسيف وراح يتكلم وبعدين وخر شاشة الأتصال وبعدين ردها واتصل على اوتكان وسيف وراح يتكلم... اوتكان راح يقول تعابير غلط من جمل معروفه وسنيك يبدي يصلحله كل مره لما سنيك يضيق خلقه وكل ساع يشتكي انه مي لينغ كانت احسن واوتكان يحاول يضيع السالف بعدين بالمره ال 13 لما تسيف راح يقول اوتكان تعبير غلط حق جمله وبعدين يشتكي سنيك وبعدين تتكلم مي لينغ وتصحح حق اوتكان. اذا اتصلت للمره 14 راح يسأل سنيك عن مي لينغ وراح يجاوب اوتكان انها صكرة الفريكونسي مالها وراحت. الحين اول ماتكمل جدام اول مربع لك تخطيه روح لليمين اتلاق يم البايب ذخيره لسلاح ل USP وبعدين روح جدام و راح اتشوف عرض ثلاث جنود يصكرون الباب ويكلمون سرجي غورلوكوفج (القائد الأعلى وابو اولغا) وبعدين يقومون يجكونك وتبدي القتال معاهم.

+++++++
الجنود الأغبياء:
+++++++
مثل ماتقرى فوق الجنود اللي راح اتباريهم اغبياء والقتال وياهم راح يكون سهل. في عندك مساعدة ال Ration ورى ظهرك وذخيرتين حق سلاح ال SPU! اول شي ناخذ النصائح من اوتكان:
1)لما اتكون متخبي وانت على الحافه تقدر تطلق عليها واترد تتخبى اوتوماتيكياً. بس ارعص دقمة اللي تطلق الرصاص وهدها.
2)لما الذخيره اللي عندك تبي تخلص وانت جدام العدو لاتنطر سنيك يحط مشط ثاني للذخاير جذي راح اتكون مفتوح للعدو انه يهاجمك. بس قبل ماتخلص
الذخيره، طق دقمة ال R2 مرتين بسرعه علشان يوسي Reload حق السلاح.
3)العدو جاد انه مايخليك تعدي منهم. فخلك عند الصندوق الأول او الثاني واطلق رصاص.
4)ترى الأنمي عندهم Grenades يعني قنابل. اذا حذفو عليك اي وحده علطول وخر عن المكان اللي موجوده فيه القنبله.
5)تقدر تحمي نفسك بالصناديق الأثنين اللي موجودين بالمكان.
---
طريقة طارق:
خلك مستعمل سلاح ال USP واطلق اول شي على الجنودي اللي على يسارك. احمي نفسك بالصندوق الأول واذا طقوك ارجع واخذ المساعدة Ration. اذا هاجموك ثلاثه مع بعض طق الأول بسرعه على ريله وبعدين الثاني موته بجم طلقه وسوه حق سلاحك ريلود قبل مايخلص وتتوهق. وكمل على الأثنين. بعدين صوب على الأخير من اليمين علشان مايحذفك بالقنابل وتتوهق معاه ترى القنابل ياخذون منك وايد. وبعدين روح جدام عند الصندوق الثاني علشان تخبى وكمل على اللي باليمين واليسار وراح اتيلك الدفعه الأخيره... طق البايب اللي يطلق الغاز علشان توقفهم اطلق عليهم واذا بتخلص الذخيره علطول سوي ريلود.
---
والحين اذكر طريقتي:
اول ماتلعب اللعبه وماعندك Ration روح وراك واخذ... واذا ماعندك كفايه ذخيره حق سلاح ال USP روح ورى واخذلك في ذخيرتين. اوكي عندك صندوقين تقدر تحتمي فيهم. اول شي خلص اللي على اليسار... تقدر تطلق عليه رصاصه بالراس او استعمل سلاح ال M9 واطلق عليه طلقه وحده علشان اطيحه وخلك مستعمل هالسلاح. راح بعدين يطلقون على الليتات. انت اطلق الرصاص على الثاني اللي يحل محل اليسار وبعدين راح
اتييك دفعه من الجنود... اطلق على البايبات الغازيه علشان تعميهم وبعدين غير سلاحك لي USP وموتهم بسرعه. واحد على الراس والثاني على مكانه الحساس والثالث شكل عليه (صدقني سهله). بعدين رد سلاحك ال M9 و كمل على الثالث اللي يروح اليسار وبعدين اطلق اللي على اليمين ورد سلاحك ال USP وشكل رصاص على اللي اخر الممر اللي يحذف قنابل (تقدر اتخلص عليه من اول اللعب). وبعدين لما اتييك مجموعه ثانيه، اطلق الرصاص على الغاز علشان تعميهم وشكل عليهم رصاص... وموتهم! طبعاً اذا عندك ال Bandana بس حط سلاح ال USP واطلق بالهبل عليهم لما كلهم يموتون.

الحين انت في Hold No.1. طبعاً بعد ماشفت العرض وبعد القرقه مع اوتكان. الحين يبيك اوتكان اتروح موقع ميتل غير واتصورها من اربع امكنه مختلفه. اول شي انزل السلم، وبعدين انزل السلم الثاني راح اتشوف قائد البحريه قاعد يعطي خطابه حق الجنود البحريين. عندك سبع دقايق علشان اتخلص مهمتك. اذا خلص الوقت راح تنضاف دقيقتين. المهم اول ماتنزل السلم الثاني روح يسارك تحت اخر شي (موفوق). وازحف لما اتكون يم الكاميرا اللي تعطي صوره حق الشاشه ودير بالك لايشوفك الجندي اللي واقف يم المكان. راح اتلاقي سلم اصعده علشان تاخذ ذخيره حق سلاح
ال M9! انزل وهمن يمك في باب بالأرض حق ممر سري، ادخله. وبعدين اذحف بالممر... روح سيدا بعدين يسار وبعدين سيدا وبعدين تدخل مربع تقدر توقف فيه. روح يمين عند الممر الموجود بالمكان وازحف... روح سيدا وبعدين يمين وبعدين سيدا وراح تطلع للمكان الثاثني اللي يوديك اخر شي عند الشاشه. اتلاقي باب اوتوماتيكي، ادخله.

الحين انت في Hold No2. اول ماتدخل من الباب (اللي على اليمين) روح جدام بس خلي بالك، كون متأكد انه الجنود لافين جسمهم عكسك. اهم مره يلفون جسمهم يسار ومره يمين. المهم لما اتروح جدام حاول انك تزحف او تمشي على الخفيف لما اتشوف في بلاط بالأرض (يعني شي لونه فضي) علشان اذا مشيت عليه بسرعه راح يكشفونك بسهوله. اول ماتروح جدام بعد راح يصادفك جندي خله يروح عنك ويعطيك ظهره وبعدين كمل طريجك جدام بس بالخفيف لأنه في بلاطه ثانيه. اول ماتروح عنها كمل بسرعه جدام قبل مايرد الجندي ويجكك.لحد لما توصل الباب الأوتوماتيكي، ادخله.

انت الحين في Hold No.3. اول ماتدخل راح يطلعلك عرض على القائد انه قاعد يعطي خطابه حق الجنود وجم صوره عن ميتل غير Ray! اذا مخلص اللعبه كذا مره راح الجنود اتشوفهم بدون بنطلوناتهم. المهم الحين اول ماتدخل راح يكون في جندي جدامك يم الجهاز اللي لازم اتحط فيه الصور.
انطر الجندي يروح جدام. بعدين خلك واقف بين الجندي اللي على يسارك قاعد يصور الحدث وبين العاموده العريضه اللي على يمينك. وبعدين صور
ميتل غير من هالمكان يعني راح يكون اليمين الأمامي. وبعدين روح بالوسط تحت اخر الجنود (يعني القائد البحريه جدامك بالضبط) يعني بويه ميتل غير الأمامي واخذلك صوره ثانيه حق ميتل غير من جدام. وبعدين روح كمل يسارك واوقف نفس المكان اللي وقفت فيه اول شي بس الحين راح يكون
المصور على يمينك والعاموده العريضه على يسارك. اخذلك صوره حق ميتل غير من جهة اليسار الأمامي. وبعدين روح جدام حيل اخر شي عند ظهر ميتل غير اخذلك صوره على الكتابه اللي مكتوبه على ظهر ميتل غير "Marine" (هذي الكتابه) وبعدين ارجع للجهاز اللي كان واقف عنده الجندي البحري اول مادخلت المكان وطق دقمة المثلث علشان اتكلم اوتكان ويجيك على الأصور وبعدين لما كل شي يكون اوكي... راح يطلعلك عرض حلو استمتع فيه وشوف اليديد والعجب اللي ماتخيلته طول هالسنتين...! وهذي نهاية ال Tanker Chapter!

يتبع...

=================
Plant Chapter
=================

ملاحظه: من الحين وصاعد راح تمسك زمام الأمور بالبطل الثاني Raiden، بعد العرض ولما Bravo Team اللي اهو الفريق الثاني يدخل المكان انت همن راح تدخله وراح يكون على راسك يعني اللي يقولك عن المهمه بالكامل اهو Colonel بس ترى اهو مو Roy Cambell ولما توصل بعيد باللعبه راح اتعرف كل شي بالضبط. رقم الفريكونسي ماله اهو 140.85 دق عليه بالأوقات المهمه. أوكي، هالمكان أحلم تحصل فيه اي Ration غير لما تهز الجنود او لما سنيك يعطيك ياهم هديه او بالمعارك.

----
دوج تاج:
----
-لا يوجد

أنت الحين في Sturt A deep Sea Dock:
اول شي الحلاقه من القفص، كل اللي عليك تسويه انك تتعلق ابايب حوض الماي وبعدين روح يمين القفص وبعدين انقز داخل واخذ ال Shaver! طبعاً ماراح يكون عندك ولا سلاح، روح عند الباب وافتحه وراح يطلعلك عرض، بعدين روح جدام عند الباب الأوتوماتيكي وراح يطلعلك عرض ثاني على جنود منطقين من شخص دخل قبلك، ورى العرض روح حق ال Node الجهاز الصغير اللي يم المصعد و طق دقمت المثلث عليها، راح يطلع عرض، وبعدين قائمه... حط أسمك وكل شي عنك واطلع. هالجهاز راح اتلاقيه كل مكان تقريباً ووضيفته انه يفتحلك نظام الرادار لك بالشاشه، اذا ما استخدمته في اي مكان الجهاز موجود فيه، انسى اتشوف الرادار، بس انا قاعد اتكلم عن ال Extreme مو السهل والمستوى العادي، لأنه يختلف الأمر. المهم، الحين اول ماتخلص القائد راح يعطيك بعض النصائح عن الرادار، لما يخلص قرقه راح يعرفك على وحده اسمها Rose واهي حبيبت رايدن، طبعاً اهي شغلتها انها تساعدك للتسييف وعلشان بعض الأمور الغراميه باللعبه ^_^ رقم الفريكونسي مالها 140.96 دق عليها متى مابغيت تسييف اللعبه. اول ماتخلص كلام ماعها، الأخوان الجنود الأثلاثه راح يقومون وبعدين يبلغون القائد مالهم انه يحط بعض السكيور، طبعا حتى لو يشوفونك وتطقهم وحد راح ايي ينقذهم (صدقني). على العموم، انت في المستوى الصعب حيل وماتسوى عليك تخسر من طاقتك حاول تتخبى ولما طبعاً تخبى ورى البراميل، الجندي اللي على اليمين واليسار يتحركون بستمرار، طق البرميل لما يقرب اللي على اليمين منك، اخنقه وبعدين دشه اخر شي بالشاشه عندك وموته، وهزه جم هزه وراح يعطيك Ration اما وسى مثل الشي مع اللي على اليسار وهزه وبعدين يعطيك Bandage! الحين روح عند الثالث، بس تخبى ورى الرافعه وطق عليها واهو بعدين ايي صوبك روح عكس الأتجاه اللي اهو رايحله واخنقه وهزه علشان تاخذ منه ال Bandage! الحين اصعد المصعد. وشوف العرض وويه رايدن ^_^

----
دوج تاج:
----
-لا يوجد

أنت الحين في Strut A Pump Roof:
أنت على السطح. أخذ ال Bandage من فوق الصندوق، وبعدين روح يمين المصعد (يعني يسارك) عند الحمام اللي متجمعين مع بعض ازحف عند فتحت القفص، وبعدين يتصل عليك القائد، وبعدين ادخل الباب الأوتوماتيكي.

----
دوج تاج:
----
-لا يوجد

أنت الحين في Strut A Pump Room:
راح يطلع عرض اول ماتنزل من السلم، واحد من الجنود راح يصعد السطح والثاني بمكانه، روح موت الجندي اللي موجود بمكانه، هزه وراح ينزلك Bandage! روح الجهاز مال الرادار داخل وطق عليه علشان تظهر شاشة الرادار عندك. روح عند السلم اللي صعد من الجندي الثاني، في خزانتين اقتح الآولى واخذ صوره حق البنيه اللي صورتها ملتصقه على باب الخزانه. تقدر تروح السطح من هالسلم وتاخذ ال Chaff Grenade من السطح وتموت الجندي اللي فوق علشان تاخذ منه ال Bandage! المهم اذا ماصعدت فيه عندك بابين يمين ويسار... روح اللي على اليمين.

----
دوج تاج:
----
-لا يوجد

أنت الحين في FA Connecting Bridge:
بعد العرض راح أتشوف سايفر يطير، لاتخليه يصيدك ولا تروح فيها، انت ماعندك سلاح فلازم تعدي بدون مايشوفك السايفر، او تقل ال Chaff علشان توشوش عليه. ولا تنسى الجندي اللي تحت، لاتخليه يجكك. روح آخر الجسر وراح تلقى باب أوتوماتيكي، أدخله.

----
دوج تاج:
----
-لا يوجد

أنت الحين في Strut F warehouse:
اول ماتدخل راح يطلع عرض على جندي ماعنده غير جمله يرددها كل أشوي "Nothing Here"! لاتحاول أتموته علشان اذا اهو ماتكلم راح القائد الأعلى ماله يجك ويرسل قوات اتجيك على المكان. بس على العموم تقدر تموته وتخبيه بمكان محد يقدر يشوفه. المهم، عطه طاف وروح للباب اللي جدامك علطول، فيه داخل سلاح ال M9 وذخيرتين له، اخذهم واطلع بره مره ثانيه للجسر.

----
دوج تاج:
----
-في بس أحسنلك ارجع بعدين لما يكون معاك سلاح ال Socom علشان تفجر السايفر ومايأذيك.

أنت الحين في FA Connecting Bridge:
نفس مساع، أنطر السايفر ينزل من الجسر وبعدين علطول اركض واطلع من المكان.

----
دوج تاج:
----
-لا يوجد

أنت الحين في Strut A Pump Room:
ماراح اتلاقي الجندي اذا انت موته قبل واذا لأ، انطره لما يعطيك ظهره وبعدين روح للباب اليسار اللي مادخلته اللي يوديك عند الجسر الثاني.

----
دوج تاج:
----
-لا يوجد

أنت الحين في AB connecting bridge:
هالمكان وايد سهل، اذا ماتبي تموت الجنود وهالشي اامنلك، تعلق على الحواف لما يعطيك الجندي اللي على اليمين او اليسار (يعتمد على مكانك) ظهره، وبعدين كمل لي لآخر شي وأطلع من الباب الأوتوماتيكي، دير بالك تخلص طاقة الأستحمال واتحيط من فوق ^_^ واذ تبي تموتهم، روح حق الجندي اللي على يمينك، انطره يعطيك ظهره، وبعدين امش وراه شوي شوي مو حيل لأنه في حدايد اتطلع صوت بالأرض، واخنقه وهزه واخذ من ال Ration والثاني نفس الحركه وهزه واخذ من ذخيره حق سلاح ال M9! او تقدر تنومهم بسلاح ال M9!

----
دوج تاج:
----
-لا يوجد

أنت الحين في Strut B Transformer room:
راح يطلع عرض طويل ووايد حلو شوفه واستمتع بس اذا في يهالوه يمك، أنصحك توخرهم عنك ^_^، راح أتشوف اول مجرم من المجرمين الموجودين في هالمكان Vamp وراح بعدين اتشوف الأنسان اللي كان فوق يطق الجنود قبلك، سنيك! طبعاً بعد تطشر الدم وموت فريق الفا، سنيك يساعدك ويبدى العرض، طبعاً سنيك يغير من اسمه علشان محد يعرفه فيكون Pliskin! وراح يعطيك سلاح ال Socom وانت تعطيه ال Shaver! تقدر ادق عليه بالفريكونسي برقم 141.80 بس دايماً راح تلاقيه نايم. تقدر تضحك، صوب عليه اي سلاح وراح اتشوف شنو يسوي ويتطنز عليك. هذا سنيك ها! احترمه ولا يبربطك ^_^ المهم، تقدر تجمع ذخاير حق Socom يم سنيك، يعني بالضبط يم جهاز اللي يشغل الرادار، وبعدين شغل الجهاز. وفي يم الأجهزه ذخيره حق سلاح ال M9! اطلع بره هالغرفه، وروح للخزانات اللي يم الباب اللي يطلعك للجسر اليديد، روز راح ادق عليك علشان اتسيف وانت لك الأختيار يا بطل. افتح الخزانه الأولى على اليسار علشان تاخذ ذخيره حق ال Socom وبعدين على الباب في صوره، صور يا بطل. وفي عندك بجانب لوحة المفاتيح في اقرب نهايه حق المدخل او رواق في صوره اهناك لاتنسى تصورها. اوكي الحين اطلع مان الباب اللي يم الخزانات.

----
دوج تاج:
----
-لا يوجد

أنت الحين في BC Connecting Bridge:
اول ماتدخل راح تشوف عرض كلمة فضيع بروحها ما تصف العرض الحلو، راح اتقابل المجرمه (اهي الأصل مو مجرمه، اهي فاهمه كل شي غلط وراح تفهم بعدين)، اهي يسمونها Fortune وراح اتشوف بعينك الأسباب! الموسيقى روعه ولحد يتفلسف ليش ماكو رحمه على النورس لأنه اهو اللي حلا العرض ^_^ المهم، بعد العرض دق على سنيك (بليسكن) وبعدين دق عليه مره ثانيه وثالثه وراح اتلاقيه يتكلم مع نفسه وبعدين يقول فجأه اسم Liquid هالشغله ظريفه. المهم الحين اطلع من الباب اللي عند نهاية الجسر.

----
دوج تاج:
----
009)Toru Kawakami
010)Adam J Sarpolis

أنت الحين في Strut C Dining Hall:
عندك حمامين تكرمون، يمين (نساء) ويسار (رجال)... ادخل مال النساء وفج اول باب على يسارك للحمام راح اتلاقي Pentazemin وبعدين فج اخر باب وراح اتلاقي ذخيره حق سلاح ال M9! اطلع بره وروح الحمام مال الرجال فج ثاني باب على اليسار وراح اتلاقي ذخيره حق Socom اخذها وصور الصوره اللي ملصوقه على باب الحمام. وبعدين اطلع وروح اخر الممر وراح يطلعلك عرض، راح اتقابل خبير المتفجرات Peter Stillman وسنيك! المهمه اللي راح يعطيك ياها اهو انك تبطل مفعول المتفجرات اللي زرعهم المجرم واللي اهو طالب من طلاب Peter! اسم المجرم الغبي Fatman! سنيك راح يمسك بعضهم وانت الباجي، اهو Shell 2 وانت Shell 1! رقم الفريكونسي مال بيتر اهو 140.25، اذا تبي تعرف اكثر عن Dead Cell دق على سنيك. المهم بيتر راح يعطيم Sensor A اللي يكشفلك امكت القنابل بالرادار اللي عندك. حطه علشان ماتضيع. وبعد يعطيك ال Coolant واهو اللي يبطل مفعول القنابل. وتقدر بعد تستفيد منه لما اتنوم اي جند بال M9 وتبي تقومه، استعمل ال Coolant. في جنديين او ما تمسك اللعب مره ثانيه، واحد بالغرفه والثانيه بالممر، روح اول شي اللي بالممر وموته، صوب عليه اي سلاح وراح يخاف ويعطيك الدوج تاج اخذها وبعدين هزه علشان يعطيك ذخيره حق ال M9! هذا الجندي يطلع لما اتشغل الرادار بعض الأحيان، الحين راح حق اللي بالغرفه ويم الرادار، خله يعطيك ظهره ووقفه، اركض عند ويها وصوب عليه، راح يعاند... طق رصاصه على ريله او ايده علشان يتألم ويخاف ويعطيك الدوج تاج. شغل الجهاز مال الرادار اخذ صوره حق السميره الحلوه اللي حاطين صورتها يم الجهاز (FHM)! وفي عندك بعد صوره بالطوف (بنفس الغرفه) من نوعية ال FHM! اول قنبله اتلاقيها بحمام النساء، ادخل الحمام في منظرتين، روح عند اليمنى طالع المنظره، اهني اتشوف بالرادار في لون اصفر يعني القنبله، المهم طالع فوقك وقول اهلا وسهلا للقنبله، ابطل مفعولها بال Coolant لما اتشوف اللون الأخضر على القنبله يعني بعد رش اكثر لما تنقلب احمر، وراح رايدن يدق على بيتر. المهم الحين روح ارجع حق ال BC connecting bridge (من وين مادخل)

----
دوج تاج:
----
-لا يوجد

أنت الحين في BC connecting bridge:
لاتخلي السايفر يشوفك، وتقدر تاخذ ال Chaff من المكان اللي منكسر فيه الجسر. واطلع.

----
دوج تاج:
----
006)Lee M Mccowan
007)Hiro Miyajima

أنت الحين في Strut B Transformer room:
المكان الحين صار فلم هندي، فيه جنديين وكاميرات. دير بالك ادخل الباب اللي يوديك عند الغرفه اللي تقابلت فيها مع سنيك. خلك عن القنبله، خلص شغلك مع الجنود. الجندي الكان عند الباب او اللي دايماً يمر عند الباب اللي مريت عنده اهو اللي يخاف ويعطيك الدوج تاج بسرعه اما الثاني لأ. تخبى عند المحول ولما تشوفه يمر وتلاقي الثاني موخر عن المكان (علشان مايسمع صوت) علطول اطلع حق الجندي وصوب عليه علشان يعطيك الدوج تاج وبعدين اخنقه. بس دير بالك عند المحول بالأرض في حديد فلاتركض، بس امشي على الخفيف. الحين روح عند الثاني ولما يعطيك ظهره سو شغلك. اذا حس فيك من قبل وانت مع الجندي الثاني وخر بسرعه ولما يصعد السلم نومه بسلاح ال M9 وبعدين قومه بال Coolant وصوب عليه بسلاح ال Socom وانقش ريله علشان يعطيك الدوج تاج. هذا يعطيك ذخيره حق ال M9 اذا هزيته والثاني يعطيك ذخيره حق Socom! الحين روح عند المكان اللي يطلع بالرادار عند اصفر (ورى باب المحول اللي يم الباب اللي دخلته). صكر الباب مال المحول وبعدين راح يطلع عرض على القنبله، ابطل مفعولها بال Coolant. على الفكر القنبله لها ثلاث الوان، اخضر يعني مو منرشه كلش، واصفر يعني انرشت بس يبيلها بعد اشوي احمر يعني انبطل مفعولها وجمدتها. وفجر الكاميرات بسلاحك ال Socom علشان اتكمل طريجك وتطلع.

----
دوج تاج:
----
004)Josef Karsch
005)Emmanuel Y L Passian


الحين أنت في AB connecting bridge:
هذول اي شي، كل اللي عليك تسويه انك تنومهم اثنيناتهم بال M9 وبعدين اتقوم الأول بال Coolant اللي على اليسار، وتصوب السلاح اذا عاند اتعرف شنو اتسوي. محد راح يسمع صراخه خو الثاني قاعد يشوخر. وتاخذ منه الدوج تاج وتموته وتهزه وبعد تقريباً 14 او 15 هزه راح ينزل ال Ration! والثاني مثل الطريقه وراح ينزل ذخيره حق ال M9! الحين اطلع بره اخر الممر.

----
دوج تاج:
----
002) Shinji Yamashita
003) Ryan T Cronkight

أنت الحين في Strut A Pump facility:
نوم اللي قاعد يمشط المكان بس لاتصوب عليه المسدس لأنه لازم تجرحه علشان يعطيك الدوج تاج وهالشي راح يخلي الجندي الثاني اللي بالغرف اللي يمك يسمع صوت الرصاص. نومه وبعدين روح الغرف اللي فيها باب أوتوماتيكي. خلك واثق انه الجندي ذلف، وبعدين ادخل ووقفه عند حده واخذ منه الدوج تاج، دير بالك من الكاميرا هزه واخذ ال M9 (بعض المرات مايعطي شي) وبعدين قوم الثاني من نومه بال Coolant وصوب عليه سلاح ال Socom وعطه على ريله او ايده علشان يخاف ويعطيك الدوج تاج وبعدين هزه علشان تاخذ ال Bandage. ادخل الغرف الصغيره وفجر الكاميرا بال Socom واخذ ذخيرة هالسلاح تحت الكاميرا! روح السلم اللي يم الباب ارصعد وازحف تحت البايب. جدام، بعدين يسار بعدين سيدا لي البايب المتين الأول الأخضر عده بعدين سيدا لي البايب المتين الثاني الأحمر بعدين تحت (يعني البايب يغطي على جسمك). وراح تشوف القنبله، ابطل مفعولها بال Coolant واطلع بس مو من الغرفه، من المكان. بعدين روح ناحة الكاميرا في سلم ثاني صغير اركبه. وازحف يمينك عطلول وبعدين انقز لي الآيتم (الصندوق) واخذ Box 1 واخذ ذخيره حق ال Socom من الخزانه الأولى اللي يم السلم اللي على اليسار اللي يوديك السطح، واطلع بره المكان وروح السطح.

----
دوج تاج:
----
001)Takeshi Sato

أنت الحين في Strut A Roof:
كل اللي عليك اتسويه انك تنطره يعطيك ظهره والحقه وسو شغلك واخذ منه الدوج تاج وموته. لااتعب نفسك واتهزه لأني انا حاولت ابع واربعين مره اهزه وموراضي يعطيني شي. معصب الأخو أعتقد. المهم اخذ ذخيره حق ال M9 من الأرض وبعدين روح عند المكان اللي في اصفر بالرادار عندك يعني تقريباً عند المكان اللي النورس واقفين عليه، راح اتشوف في قنبله بالمكان المقابل من الشبك اللي انت واقف عنده، عادي طلع ال Coolant واضغط زر المربع بقوه علشان يرش اقوى لما تبطل مفعول القنبله، وانزل تحت.

----
دوج تاج:
----
-لا يوجد (لأنك أخذتهم من زمان)

أنت الحين في Strut A Pump Facility:
اذا ماخذيت ذخيره حق ال M9 اللي بالسلم اليمين اللي يوديك السطح، اخذها. واطلع بره عند الجسر (الباب اليمين).

----
دوج تاج:
----
032)Kenichiro Shigeno

أنت الحين في FA connecting bridge:
اول ماتدخل انطر السايفر يروح وبعدين انزل السلم واخذ ال Chaff من تحت وبعدين نوم الجندي بال M9 وبعدين فجر السايفر بال Socom وبعدين قوم الجندي من نومه بال Coolant وصوب عليه الي Socom ونيشن على ريله وطقها وبعدين اخذ منه الدوج تاج وهزه علشان تاخذ الذخيره حق M9! واطلع من الممر المقابل.

----
دوج تاج:
----
027)Marco O Scherrer
028)Edmond V To
029)Chevinals Thomas
030)Hiroshi Yokote

أنت الحين في Strut F Warehouse:
أدي أنك مستانس حدك لأنه المكان متروس دوج تاج. أوكي اول ماتدخ راح يكون في جندي بالممر اللي يدخلك عند شلته. انطره يروح وبعدين روح عند الصندوق اللي بالممر وحط ظهرك فيه ونزل نفسك يعني اقعد انطر. ترى هالجندي يقول حق القائد الأعلى عن كل شي فنبيك تكون اشوي سريع باللي راح اقولك عنه. لما ايي صوبك ويعطيك ظهره، وقف نفسك وصوب عليه بسرعه، راح يعطيك الدوج تاج بعدين علطول اخنقه وموته واخذ الدوج تاج واسحبه عند الغرفه المفتوحه اللي خذيت منها ال M9 وهزه علشان تاخذ ذخيره حق ال Socom! اذا القائد الأعلى دز قوات اتعاني المكان، انطر داخل لما يفارجون واذا لأ، علطول اطل وكمل شغلك. عدي الممر وروح يمينك اخذ ذخيره حق ال Socom وانطر الجندي علشان يمشط المكان وخلك متخبي، اول مايعطيك ظهره علطول سو شغلك واخذ منه الدوج تاج. وبعدين روح تحت دير بالك اول ماتنزل روح تحت حيل وبعدين نوم الجندي اللي راح ايي صوبك وبعدين نوم الثاني وبعدين قوم اللي اول شي نومته بال Coolant وبعدين صوب عليه السلاح واخذ منه الدوج تاج وموته وهزه علشان تاخذ Ration وسو مثل هالشي مع الجندي الثاني. الحين المكان فاضي من الجنود وعليك اتسوي التالي، اول شي اخذ ذخيره حق ال Socom ل ا تصعد الصندوق اللي اهي فوقه. وبعدين روح تحت عند الممر اللي فيه غرفتين. اخذ ال Chaff من الأرض وادخل الغرفه اللي على يمينك اللي فيها خزانات. طق على جهاز اللي يكشف الرادار. بطل الخزانه الأولى اللي يم الباب اللي دخلت منه واخذ ال Pentazemin واخذ ال Box 2 من على الأرض وبعدين راح اتلاقي فتحه بالأرض توديك عند الغرفه الثانيه ادخلها لما توصل عند الغرفه. واخذ من اهناك ال Socom Silencer واخذ بعد ذخيره حق Socom. بعدين افتح الخزانه اللي يم الصندوق اللي خذيته، كسر الباب بس دير بالك اتطق الباب اللي ورى هالباب، وبعدين ادخل داخ الخزانه ووجه نفسك حق الخزانه اللي بابها مايتبطل وكسر بابها (لازم اتكون داخل اذا تبي تأكيد) وراح الباب يطيح بره مو داخل، اخذ ال Book من داخل ترى راح يفيدك بوايد شغلات. الحين اطلع وادخل الباب الثاني اللي على الممر. أخذ ال Mine Detector من على الأرض وبعدين ازحف واخذ ذخيره حق ال M9! الحين اطلع وروح فوق وخل نفسك فوق الكتاب اللي موجود تحت تعلق بالبايب وروح اشوي يسار علشان اتطيح على الصناديق وطيح نفسك على المكان علشان تاخذ ال Book! روح مره ثانيه فوق وخلك متعلق بالبايب اللي تحته كله صناديق محاوطين القنبله (شوف الرادار وين القنبله فيه) نزل نفسك عند القنبله وابطل مفعولها وراح اتكلم بيتر من نفسك على العموم اطلع من الباب اللي عند السلم وكمل طريجك.

----
دوج تاج:
----
-لا يوجد

أنت الحين في EF Connecting bridge:
حاول تفجر السايفر الثلاث الموجودين بال Socom وبعدين نوم الجندي اللي فوق بال M9! ولما تدخل راح يدق عليك نينجا يسمى نفسه Mr. X! راح تتكلم معاه وبعدين مع قائدك ولا تنسى الفريكونسي مال النينجا اهو 140.48! دق على سنيك علشان يقولك معلومات عن Vamp, Fortune and Fatman وعن الأسلحه وعن بيتر وسنيك. بعدين سيف وراح تتكلم مع روز عن ايامهم قبل (اذا تبي شي عاطفي). الحين حط ال Mine Detector وازحف وجمع الألغام. اهم سبع اللغام. والحين كمل واطلع من الباب الأوتوماتيكي بالجهه المقابله.

----
دوج تاج:
----
019)Yoshiyuki Koido
020)Tsunehiko Shibata
021)Ryan Sheffer
022)Carlos X Luna

أنت الحين في Strut E Parcel Room:
اول ماتدخل طلع ال Socom الكاتم (لا تنسى تجمع ال Socom بسلاح Silencer علشان يكون كاتم) وطق الكامرتين اللي بالمكان وانت بمكانك. بعدين روح يمينك وخلك حريص، الجندي راح يروح عند السلم انطره يصعد وبعدين لحقه و نومه بال M9 اسحبه لي وين دخلت اول شي! الحين انزل بسرعه واخذ Box 5 من جدامك، وروح يمينك (من وين ما اخذت الصندوق) اتلاقي جهاز كشف الرادار، روحله وشغله. الحين ارجع حق الجندي اللي قاعد يمشط بروحه تحت (مو اللي يم بعض). انطره يكون يم العامود وبعدين نومه بال M9. اذا مو يم العامود حاول تسحبه يم العامود بس خلك منتبه على الجندى اللي قاعد يطالع بجهتك. واذا حس فيك يكون افضل لأنه راح اييك، انت عاد روح اتحبله وبعدين نومه وخشه بالمكان اللي فيه جندي نايم عند العامود، اذا تبيه يحس فيك بس حرك نفسك من بعيد او طق على العامود بايدك. الحين يبقى الرابع، اول شي روح عط الجندي الأول اللي نايم M9 مره ثانيه علشان اتطول من نومته. اوكي اول ما الجندي الرابع يقول "Nothing here" علطول نومه بال M9 وبعدين فجر الكاميرا اللي صوبه بال Socom وروح اخذ الجندي وجره عند الأثنين اللي نايمين او عند الجندي الأول بس مو عند السلم لأنه لما القائد الأعلى يدز الجنود علشان يمشطون المكان مايصادفون احد ويرجعون بدون بلاوي. اوكي او مايرجعون. روح عند اول جندي وقومه بال Coolant واخذ منه الدوج تاج بالطريقه المعروفه وموته واخذ منه ال Bandage وسو الطريقه مثلها مع الجنود الثلاث الباجيين. الحين روح عند الجهه المقابله اللي فجرت فيها آخر كاميرا، وطلع ال Coolant مالك وانطر صندوق يمر من الصناديق ومتعلق عليه القنبله اللي لازم تبطل مفعولها، اول ماتمر يعني اول ماتسمع صوت الأنذار مالها علطول رش. الحين اصعد السلم اللي كان جندي يمشط المكان عنده.

----
دوج تاج:
----
024)Emmanuel Phung
025)Michael A Hare
026)Alan J Harries

أنت الحين في Strut E Heliport:
أول ماتدخل وتصعد السلم راح يطلعلك عرض حق وحده أموره باريتها قبل بالسفينه، أم شعر بالأباط... أولغا ^_^ وراح اتكلم سنيك عنها. بعد الكلام راح اتكون بالسطح، في جنديين يمشطون المكان واحد عند الطياره الحربيه وواحد على يمينك روح عند اللي على اليمين ووقفه وخله يعطيك الدوج تاج وبعدين موته. كمل عند اللي عند الطياره ووقفه وخله يعطيك الدوج تاج وبعدين خله مره ثانيه وثالثه يهز علشان يعطيك ال Stun Grenade. وبعدين روح تحت الطياره الحربيه، وعند التواير اتلاقي القنبله، ابطل مفعولها بال Coolant. الحين روح اخذ ال Stun Grenade من الأرض في السطح وعند الأغراض المغطينها باللحاف في Box 3 روح اخذه. الحين انزل بس لا تطلع، انزل من السطح وروح للجهه اللي مارحت لها اللي الجندي كان يمشط المكان عندها لما كنت تجمع اللأغام ونومته بال M9! روح وقفه واخذ منه الدوج تاج وموته (لازم تومته علشانه مو كفو يعيش ^_^) واطلع بره.

----
دوج تاج:
----
-لا يوجد

أنت الحين في Strut E Parcel Room:
اذا اموتهم ماراح أتصادفهم لما تدخل واذا لأ، عيل كل اللي عليك اتسويه انك تموت او تنوم واحد واحد وتطلع من الباب اللي عند الكاميرا اللي فيها جندي يقول "Nothing Here".

----
دوج تاج:
----
017)Mathhew C Miller

أنت الحين في DE connecting bridge:
هالمكان مافيه الا جندي واحد، كل اللي عليك تسويه انزل السلم واخذ ذخيره حق ال Socom و سلاح ال Stun Grenade وانطر الجندي يصعد السلم اللي بالمقابل والحقه وصوب عليه السلاح واخذ منه التوج تاجوموته وهزه واخذ منه ذخيره حق ال Socom. والحين اطلع من الباب اللي يمك.

----
دوج تاج:
----
013)Matt J Van Leeuwen
014)Mathew B Boyett
015)Collis R Williams
016)Nobumitsu Tanaka

أنت الحين في Strut D Sediment Pool:
كل اللي عليك تسويه انك تنوم اول واحد على يسار بال M9 بعدين تسحبه ورى الباب عند ذخيرة ال PSG1 ولا يلاحظك اللي قاعد يمشط المكان بالوسط. اذا شفته قرب انطر او خش نفسك وبعدين لما يروح ود الجندي عند المكان اللي قلتلك عنه واخذ منه الدوج تاج واهو نايم بهزه لاحظه اذا ال Zzzzz ضعيفه نومه مره ثانيه واخذ الدوج تاج. ولما يقرب اللي بالوسط نومه بال M9 اذا لاحظ اللي يمه علطول نومه بعد واذا ماكان قريب خله واسحب اللي نومته يم اللي نايم. وبعدين روح عند الثالث ونومه واسحبه لي عند ربعه ^_^ ولاتنسى تاخذ الدوج تاج منهم. اذا اللي يقول "Nothing Here" غريب راح يلاحظ ويصعدلك ويوفرلك وقت نومه وحطه يم ربعه، واذا مالاحظ انت طق على الطوف او امش فوق المكان اللي قاعد يمشطه تحت واهو يصعدلك وسو الواجب. بعدين القائد الأعلى راح يدز الجنود علشان يجيكون المكان وراح يروحون اخذ من كل واحد ماخذيت منه الدوج تاج وموته واللي مايعطيك قومه بال Coolant و طق على ريله او ايده واخذ منه الدوج تاج وموته (الرابع) وبعدين هزه علشان تاخذ ذخيره حق سلاح ال M9! الحين روح عند الباب اللي بالجهه الثانيه (اللي يتبطل) بس لا تدخله، روح تحت علشان تاخذ ذخيره حق ال Socom وانزل علشان تاخذ ذخيره حق ال M9 وروح للباب اللي تحت على يسارك عند جهاز كشف الرادار، روح شغله. وبعدين روح عند الباب الوسطاني. راح تسمع صوت انذار القنبله، شوف بالرادار على العلامه الصفره، اتلاقي القنبله متعلقه بالسلم ابطل مفعولها بال Coolant. الحين روح تحت وانزل السلم وبطل اول باب متعلق بالأرض يم السلم (الباب الأسود الصغير) وراح اتلاقي قنبله، ابطل مفعولها بال Coolant. راح تتكلم مع بيتر اول ماتخلص هالقنبله ولما تخلص كلام وتعرف انه بيتر انسان جبان وانه ريله مافيها شي ويقدر يمشي ويعاونكم انت وسنيك، روح عند اخر شي عند اليمين (حط كاشقت القنابل علشان تشوف القنبله بالرادار) بطل الباب الأسود اللي على الأرض وابطل مفعول القنبله بال Coolant. هذي آخر قنبله ابطلت مفعولها وراح تتكلم مع بيتر بعد هالقنبله. راح يقولك بيتر على مهمه يديده انك تروح المكان اللي قابلك فيه وتاخذ ال Sensor من هناك. روح اطلع من الباب اللي فوقك مباشره.

----
دوج تاج:
----
011)Jyunpei Hirano

أنت الحين في CD Connecting bridge:
أول ماتدخل لا تستعجل لأنه فيه كاميرا يمك اول ماتشوف الجندي راح بعيد عنك، فجر الكاميرا بال Socom. أنط الجندي يعطيك ظهره وبعدين علطول اركض وراه ونومه او وقفه واخذ منه الدوج تاج، وبعدين هزه واخذ منه Ration! لا تنسى تموته اوكي؟ ^_^ وماله داعي تنزل من السلم، لأنه الأرضيه تتكسر وانت ماتبي تموت علشان شي تافه صح؟ اوكي الحين اطلع بالجهه المقابله وادخل الباب الأوتوماتيكي.

----
دوج تاج:
----
-لا يوجد

أنت الحين في Struc C Dining Hall:
أوكي الحين أدخل الغرفه اللي كان متخبي فيها بيتر واخذ ال Sensor من هناك وراح تتكلم مع بيتر بعدها راح يبدى اللعب السريع، راح يعطيك بيتر 200 ثانيه علشان توصل تحت عند Strut A! المهم امش معاي وكل شي بيكون اوكي.

----
دوج تاج:
----
-لا يوجد

أنت الحين في BC Connecting Bridge:
اول ماتدخل لاتضيع وقت، علطول فجر السايفر وبعدين كمل طريجك واطلع من الجهه المقابله.

----
دوج تاج:
----
-لا يوجد

أنت الحين في Strut B transformer Room:
أرجو أنك فجرت الكاميرات مثل ماقلتلك قبل، بس اذا مو مفجرهم طلع ال Socom وفجرهم وكمل طريجك لي الباب اللي يوديك الجسر. لا تدخل الغرفه الصغيره لأنه الجنديين موجودين اهناك وانت ماتبي تضيع وقت عليهم.

----
دوج تاج:
----
-لا يوجد

أنت الحين في AB connecting bridge:
اذا تبي تأمن على نفسك موتهم اثنيناتهم بال Socom او نومهم بال M9 واطلع. بس طق اللي على يمينك بعدين اللي على يسارك وخلك سريع. الحين كمل طريجك...

----
دوج تاج:
----
-لا يوجد

أنت الحين في Strut A Pump Room:
الجندي ليلحين قاعد يحرس المكان، تقدر اول مايعطيك ظهره تتقافاه وتصعد السلم لي السطح او تموته او تنومه وتصعد فوق.

----
دوج تاج:
----
-لا يوجد

أنت الحين في Strut A Roof:
مالك شغل بالجندي، اهو حتى مايدري عنك. روح المصعد وانزل. راح يدق عليك بيتر وتتكلم معاه ويعلمك على شنو تسوي وراح بعدين يقول باي باي، يعني يموت.

----
دوج توج:
----
-لا يوجد

أنت الحين في Strut A Bottom Floor:
اول ماتدخل اخذ ذخيره حق ال Socom من الأرض (ورى الرافعه او الناقله). واطلع وروح عند اول مكان دخلته باللعبه ابرايدن. الحين حط جهاز Senso B اللي خذيته من مكان بيتر. راح تسمع صوت الأنذار يرتفع اكثر واكثر كل ماوصلت اكثر واكثر من القنبله على العموم راح اتلاقيها مو ابمكانها المعروف. روح اتلاقيها على الطوف بين المكانين اللي الدود منتشرين عندهم، طالع فوق وشوف القنبله وابطل مفعولها بال Coolant. راح ادق على قائد واتقوله وبعدين يقولك على مهمه يديده انك تنقذ الرئيس، اطلع للمصعد علشان تباري السموره الأموره Fortune بعد العرض الحلو اللي راح اتشوفه، لاتخاف لاتخاف راح اعلمك الطريقه علشان تنحاش منها ^_^.

++++++++++++++++++++++
Fortune (Helena D:
++++++++++++++++++++++
أوكييييييي، الحين نقدر نقرق ^_^ فورجن اهي بنت القائد Jacksonاللي موته Sergei Gurlukovich لالالا هذول بعض الناس يعتقدون جذي بس اللي موته اهو Revolver Ocelot! اهي انسانه كل حياته كانت شئم بشئم من ابوها اللي اغتال وزوجها وامها اللي ماتو واللي خلو الطينه تزيد بله لما طيحت ولدها من بطنها بو ثلاث شهور، تمتلك طاقه قويه واهي يسمونها Lady Luck لأنه مثل ماشفت قبل انه الرصاص مايحوشها او بالأصح ولا شي يقدر يأذيها. ولا تنسى انه قلبها مو مثلنا على اليسار، اهي على اليمين. أوكي، اول شي انشوف النصائح من روز والقائد مالك:
1)سلاح Fortune قوي حيل ويقدر يقضى عليك ابطقه موجه قويه لك. لاتظهر نفسك كعرضه او هدف لها ولسلاحها الفتاك. خلك دايماً منخش ورى شي يحميك.
2)رايدن، روز سوت بعض الأبحاث عن سلاح Fortune، سلاحها الكبير اهو عباره عن سلاح حديدي، يعني سلاح من موجه كهرطيسية (أو المغنطيسية الكهربائية). يطلق الرصاص مع قوه مغنطسيه او قوه كهرطيسية (المغنطيس الكهربائي). يستخدم البلازما (غاز موين يحتوي على أعداد متساوية تقريباً من الأيونات والأكترونات الموجية) علشان يرفع او يزيد التعجيل او تسريع القدرات. عيب السلاح الوحيد انه ياخذ وقت على مايطلق كل طلقه، بس لأنها محظوظه وحد يقدر يحوشها بأي شي فعادي عندها تطلق وتتأخر بالأطلاق.
3)مراح تقدر اطقها او تصعد المصعد... خلك صبور وحاول تتفادا طقاتها.
------
طريقة طارق:
كل اللي عليك أتسويه انك تروح اقصى اليسار عندها وراح اطق نفسها طق لما تنخش بالطوف وبعدين روح ورى الصناديق الكبيره ونزل نفسك وخلها اطق هالصناديق وبعدين لما تفجرهم غير مكانك لي عند الصناديق اللي على اليمين وخلها تفجرهم (هالشغله تعطيك وقت). وبعدين راح تفضى معاها ويه بويه، لاتحاول تضيع الرصاص لأنه ماراح ينفع، في حاول تركض يمين ويسار وكال ماتطلق موجه كهربائيه، سو شغلبه وخلك على هالنهج لما يوصل Vamp!
-------
والحين طريقتي:
طريقتي هالمره وايد سهله حتى على اليهال، البس Box 5 خلك راكض آخر الطوف عندك أقصى يمين وأقصى يسار وماراح تحوشك ولا حوشه. لما توصل انت عند الطوف واهي ليلحينها ما اطلقت عليك، علطول ارجع. يعني اذا كنت يمين ارجع يسار لما يدق عليك القائد ويكلمك علشان تروح عند Fatman لأنه يبي يباريك المتين. شوف العرض الحلو اللي راح يطلع بين Vamp و Fortune وتابع وياي.

----
دوج تاج:
----
-لا يوجد

أنت الحين في Strut A Roof:
انزل الحين ودير بالك من ال claymore mines (الألغام) اللي موجوده قبل ماتبي تنزل من اي اتجاه. ازحق علشان اتجمعهم وانزل، عندك 200 ثانيه علشان توصل عند البطه بمكان اللي كانت الطياره موجوده فيه.

----
دوج تاج:
----
-لا يوجد

أنت الحين في Strut A Pump Room:
اذا نازل من اليمين يكون احسن المهم، راح اتلاقي جندي في اي جهه، نومه وروح عند جسر ال FA connecting bridge بالباب اليمين.

----
دوج تاج:
----
-لا يوجد

أنت الحين في FA connecting bridge:
في جندي واحد موجود بس انت علطول روح سيدا لأنه راح ينزل ومايدري عن السالفه. يالله أدخل الباب الأوتوماتيكي.

----
دوج تاج:
----
-لا يوجد

أنت الحين في Strut F Warehouse:
لا تتعجل او ماتدخل لأنه في حارس راح يشوفك اذا قربت. اول مايعطيك ظهره نومه بال M9 وبعدين دير بالك من راح يجيك على اليمين، اذا ماوصل روح من اليسار وكمل طريجك لي عند الباب اللي يوديك عند الجسر اللي يم السلم، ودير بالك من الجندي اللي يجيك يم السلم.

----
دوج تاج:
----
-لا يوجد

أنت الحين في EF Connecting bridge:
اول ماتدخل استعمل Chaff Grenade علشان انت ماتبي تضيع وقت بتفجير السايفرز. وبعدين نوم الجندي اللي فوق كلش اللي قاعد يشوف مكانك تحت. نومه بال M9 وروح عند الباب الأوتوماتيكي في الجهه المقابله وادخله. ولاتنسى اذا انت مو شايل كل الألغام من على الأرض بالمكان، شيلهم.

----
دوج تاج:
----
-لا يوجد

أنت الحين في Strut E Parcel Room:
اوكي، وناسه هالمكان اول ماتدخل نوم اللي جبالك علطول، وبعدين روح عند السلم بس خلك بعيد اشوي لأنه راح يطلع جندي ثانيه، نومه بال M9 بسرعه واصعد السلم. لا تتفلسف ولا انت في الباي باي.

----
دوج تاج:
----
053)Peter Stillman

أنت الحين في Strut E Heliport:

أوكي أصعد السلم وأخذ ذخيرة ال Socom وروح ابطل مفعول القنبله بال Coolant اللي موجوده بوسط المكان، وراح تشوف عرض مع الغبي المتين Fatman أضحك لما تقول بس لما لهجته الغبيه وشكله الغبي ومصطلحاته الغبيه وتجهز حق مباراة ربما تكون عند البعض مليقه.

-----------------
يكمل انشالله
-----------------