شباب العرب

وينك وقد جاريت بنات جنسك وصرت تلبس انت واختك سوى

وينك وحدٌك المذيعه رانيا وهانيا وباميا

وينك وانت مايهمك الا وش آخر شريط للناعق الفلاني

وينك وانت حدود مخك ماتتعدى سياره جديده او جوال على الموضه

وينك وانت تمر عليك اخبار القدس بدون ماتحرك الحجر اللي بصدرك
تدري ليش ياحبيب خدامتكم انت؟؟؟؟؟
لان المشاهد هذي صارت طبيعيه

وينك وانت اذا بالصدفه بالصدفه قريت استشهاد 11 فلسطينيا
تكرمت وقلت الله يرحمهم !!
يااخي الله لايرحم عدوك الشهيد مهوب بحاجه لدعاك وبس هم بحاجه الى انك تكون معهم
واذا تقول والله اني معهم شل سيفك يامال الكسر ورح جاهد او استخدم بعض قدراتك لخدمتهم او على الأقل ادع لهم

وينك عن اللي بكى فى احد عهود التابعين تدري ليش بكى انت ووجهك مابكى عشان حبيبته تركته
لااااااااااا
بكى عشانه اخطى الهدف وماصوب السهم صح مع انه قادر يطلع سهم ثاني ويحاول لكنه عارف بقراره نفسه ان العدو ماراح يخليه؟!؟!؟!

وينك اذا جابوا لك خروف العيد عشان تذبحه قعدت تتذكر الايام الخوالي اللى تسامرت فيها معه ونزلت عليك رحمه رب العالمين وتقول لا
مع انه في الوقت نفسه عندك استعداد انك تمسك شريط على وحده تعاكسها(اذا ماعطتك اللي تبي) وتسلمه لاحد اهلها عشان يذبحها وبكذا تكون امير الانسانيه!!!!!!! confused:

وينك وانت ترفع صوتك على هالشايبين اللي عندك وتعق فيهم عق مهوب طبيعي
مع انك لما تكبر ويسوووون فيك عيالك كذا بتقول لييييييش؟؟؟؟؟ اي ليش الله يصلحك

وينك وانت للناس نشمي ولأهلك رخمه
وينك ......ووينك ........ووينك

]بـــــــــدائــــــل[

بدل ماأنت تطقطق بذا المواقع من شات لمواقع مالي داعي واغاني وخرابيط كلف نفسك انتر وحده
ورح لموقع ديني واقرا لك شي يفيدك

بدل ماأنت تلاحق خلق الله وتزعج فلانه وعلانه وتخلي شرفها لعبه بين يديك بالوقت اللى ماتسمح لاحد يشوف احد من محارمك ولو صدفه الا طبيت ببطنه وبطنها
وترى غيرتك هذي مو دايم لانك لما تسمح لوحده من اهلك تطلع سفور او لابسه شي متطنز بعباه يكون عندي استعداد ابصم بالعشره انك ماكل لحم خنزير

بدل ماتركض ورى بنطلون برتقالي وفنيله خضراء قصيره كان احد غاسلها وكمشت (وبعدين حلايا ذا الكرشه تطلعها) خل لك شخصيه والبس لبس ديرتك مهوب اللهم لك الحمد إمعه

بدل ماتلعب لي بذا الشعرتين اللي بوجهك مره فرنسي ومره سكوكه ومره ما ادري ايش اطلق لحيك
واذا مره مره خايف على جمالك ياحبيب امك شلها مره وحده ومايحتاج تغثنا (على فكره ترى مايسوى ذا الخرابيط الا الشواذ عندهم )
وبالنسبه لشعرك لا تلعب فيه هو الثاني كابوريا وفرزاتشي .. لا هذا ان بغيت خله صفر (نص الشباب مايساعد شعرهم انه يترك ولازم يحصد اسبوعيا)

بدل ماهوب ملحق اصدقائك تدله وانت مغمض القرنيتين خل المسجد هو اللي تدله لأجيب حبل واربطك فيه