اي سوال عن كمال الاجسام

اجل على كذا..

احذف وجبة ميجا ماس و الوي بروتين على الاقل بعد التمرين مباشرة لانه سريع الامتصاص..و انت بعد التمرين تبغى حاجة سريعة..

كم جرام كربوهيدرات و دهون في ملعقة الميجا ماس؟

انا بس حابب اشكرك على الجهد المميز في الموضوع .. وانا مو من النوع الي يهتم بكمال الأجسام علشان كذا ما عندي سؤال :D

الميجا ماس مقياسه مب ملعقه .. له مثل الكاس مقياس خاصه الظاهر يسمونها سكوب

والمقياس كبير جدا حتى تستغرب كيف ينخلط مع الحليب

المهم
ا

البروتين 85 جرام

الكربوهيدرات 311 جرام

ال fat 10 جرام


بيني وبينك ما بقى شي بالعلبه تقريبا .. وصراحه ناوي اتركه واجرب الوي بروتين .. لان شربه مثل العقاب

تشربه لحاله يسد نفسك تماما حتى اكلك الطبيعي يقل بسببه

خاصه ان عندي مشاكل بالقولون فاهضم الاشياء القوية هذي صعب كثير ويتخمر بالبطن


الوي بروتين اعتقد يكفي لحاله .. كم جرام بروتين فيه الكاس الواحد منه ؟

صح نسيت اقولك عن ال twinlab الي عندي


البروتين 75جرام

الكربوهيدرات 137 جرام

الfat 0.5 جرام


وش رايك ؟ ما يفرق كثير عن الميجا ماس فوائده مثل ماهو مكتوب .. ومع كذا اخف منه بكثير بس تحط ملعقه وحده كبيرة بكاس الحليب ..

استعمله بعد يخلص الميجا ماس التوين لاب هذا واستعمل معاه الوي بروتين ؟

1674 سعرة...

ما انصحك تتركه..على الاقل خذه مرة في اليوم..

الوي بروتين فيه 25-30 جرام بروتين و القليل من الدهون...

اذا بتخلي الميجا ماس مرة وحدة في اليوم فاستخدم الوي 4 مرات و بدل وجبتين الميجا باكل عادي:

رز-مكرونة-خبر ابيض، بطاطس، جزر، فواكه، بيض، لحم ابيض-احمر-سمك، حليب

و جرب تضيف هذي المكملات:
Flax seed oil, fish oil و كرياتين

تحرير:

وش اسم المنتج حق الtwinlab؟
بس من الارقام شكله جيد...

اسمه twinlab mass fuel


تنصح استعمله بدل الميجا ماس ؟ واضيف الوي بروتين مثل ما قلت

استخدمه 3 مرات لكن الوي بروتين مرة وحدة بعد التمرين مباشرة على الاقل مع الوجبة اللي فوق...

تحرير:

http://www.nicemuscle.com/mass-fuel-79406.htm

لاحظ ان 4 ملاعق= وجبة

تحرير 2:

لا تنسى الـFlax seed oil, fish oil

و على فكرة الوجبة الاخيرة رقم 7 ..تكون قبل النوم مباشرة..يعني لا تنام و بطنك فاضي

حلو زين

اذا خلصت عبوة الميجا ماس الي عندي بستعمل الماس فيول والوي بروتين

بديت فيه الجدول الي عطيتني اياه ..

بالنسبة للـFlax seed oil الي فهمته من الموضوع القديم انه مفيد للصحه وتجديد الخلايا .. وش معنى نصحتني فيه لهذي الدرجه مفيد ؟ وهل له أي تأثير على حجم العضلات او المحافظه عليها ؟

والي fish oil عندي انا حبوب من الصيدليه زيت سمك .. معروفه ومنتشره كثير اكيد تعرفها .. هي نفسها الي تقصدها والا فيه شي غيرها احسن ؟

يفيدك بشكل خاص في موضوع القولون..

بالنسبة للقبضة في الديد ليفت (امس ذكرتها و انا اتمرن) مثل الصورة..

http://myweb.saudi.net.sa/ippo/20060212.jpg

في النزول للديد ليفت او السكوات او تمرين4 في الظهر (مو الديد ليفت-الثاني) لازم ترز المؤخرة :D عشان تحمي نفسك من الاصابة و خصوصا اذا زادت اوزانك..

انصحك تخلي احد يصورك و انت تسوي الديد ليفت و السكوات و حطها هنا او ارسلها على الخاص عشان نشتغل على الفورم...

اها القولون ؟! والله ياليت


شفت القبضه للاسف توني انتبه لها .. امس سويته وانا ماسك البار مسكه اماميه كأني امسكه لتمرين البنش اب يعني

بس غريب جد ليش قبضه اليد اليمين غير اليسار ؟ اتوقع يفرق تمرين شق الجزء الايمن من الظهر عن الايسر اذا كذا والا عادي؟


المهم سويته الديد ليفت وطلع ألم بسيط بفقره من الفقرات لاني الظاهر زدت بالوزن كثير
مع اني كنت احاول اخلي ظهري مستقيم لاني فاهم خطر الاصابه هنا.

حطيت فولتارين احسن طريقة هذي بالتعامل مع الاصابات والا ؟

احسن لك ما تبدا تزود الوزن الا اذا شفنا الفورم حقك...عاد انت و اللي يريحك اذا ما تبغى فمب لازم

القبضة بهذا الشكل عشان تقلل من تاثير ضعف القبضة على التمرين..في المسكة العادية بعد كم تكرار راح تلاحظ ان اصابعك بدت تنفك و بعدها تضطر تنهي التمرين عشان ما يطيح البار...

اكيد انا حريص على الامور هذي راح ارسلك ملف 3gp حق جوال

ماراح اسوي الديد ليفت مرة ثانيه الا بعد اسبوع عندنا وقت ان شالله

اللحين راعي الموضوع وينة:D

اليوم عندك رجول؟؟

لا تنسى تلعب السكوات من دون وزن و تصور..و اذا تقدر صور الديد ليفت على الطريق..

لا اليوم عندي كتوف


لاني انا تأخرت يوم السبت ما سويت التمرين وبديت يوم الاحد .. معناتها امس راحه واليوم كتوف بكرة الرجول


يالقعقاع على طاري السكوت .. انا اسويه من زمان بس بالدمبل

والحركه هذي تعلمتها من الكتاب .. كيف

تمسك الدمبل بيدينك وتدليهم وتنزل وتطلع برجولك مثل السكوت العادي .. بس بدال ما تحط البار فوق كتوفك تمسك الدمبل وتدليهم وبكذا يكون فيه وزن على الرجول مثل لو تسويه بالبار ..


وش رايك فيه يفرق عن السكوت العادي الي بالبار والا لأ ؟


شوف الصورة للتمرين بالمرفقات .. ولاحظ انه يقول لازم لما تنزل تخلي الفخذان متوازيان مع الارض لا تنزلهم اكثر من كذا .. وبالصورة الي انت حاطها صاير ينزل اكثر من كذا .. مدري وش الصح


وفيه شغله ثانيه بسألك عنها

عضلة الباي الي عندي باليسار اكبر من اليمين بشكل واضح لما اشدهم اثنينهم .. من بداية ما كنت اتمرن وهي كذا .. وعلى نفس المنوال مع الايام اليسار تكبر واليمين تكبر والفرق بينهم ثابت

وش الحل ؟ مع العلم اني يمناوي استعمل يدي اليمين واليسار صايره اقوى مستغرب ليش ..