الموضوع الرسمي | Killzone 2 ( المحتوى الجديد DLC3 الرد #707 )

نزل الديمو
<<< مساء الخير يالحبيب :أفكر:


طبعاً لعبت فيه مرتين بس علشان ابي اشوف المباريات الليلة :D


- التحكم يتاج وقت بسيط للتعود عليه ايضاً بيئة اللعبة تحتاج الى وقت للتعود عليها لتمييز الاعداء داخل المنطقة (( شي طبيعي في جميع الالعاب))

- الانفجارات رهيييييبة (( بكل بساطة رهييبة ))

- بس احس ان تحريك السلاح بطيء شوي :33:

- الاختباء خلف الحواجز رائع

- الكونترول يحتاج شوي شغل علشان اضبط الازرار على الشكل اللي ابيه


----

راجع لكم بعد ما اتعمق فيها

صج التاريخ يعيد نفسه..كيل زون لم تنجح في تحقيق جيم بلاي قوي

اللعبه لو ماكان لها هايب ولا دعايات كبيره...كانت بتكون عندي مثل اي لعبة شوتر عاديه...يمكن الجرافكس جميل شوي..لكن ماوصل الى الامتياز

اقتباس:

---

وعلى فكرة موقع جيم تريلرز اقر واعترف بأنه ما كان يعرف بهالشي .. والحين المقارنات ياللي يسويها صارت مضبوطه من بعد ما عرف هالشي على حسب ما سمعت

---

خلك من موقع جيم تريلر

انت تقصد FULL RGB وهذي نوعية الوان معينة

والنوع هذا موجود في PS3 لكن عشان تشغله لازم كون التلفزيون داعم لهالميزة

يعني بالعربي ادخالها في المقارنة فيه نوع من المغالطات

الافضل ان تتم المقارنة بنفس الوصلات وبنفس التعيير للالوان...يعني ماتغير الوان التلفزيون ولا تحط اعدادات خاصة بالاجهزه عشان تخلي واحد يتفوق على الاخر

والامر الاهم من هذا ان Full rbg لا يصلح للالعاب ولا الافلام..هالنوع من الالوان يسبب عتمه..واذا حاب تصدق..جرب بنفسك وشوف شلون العتمه راح تكون

وهالنوع ينصح فيه لاستخدام الكمبيوتر فقط....هذا الي قريته

وبالاكس بوكس عندهم شي اسمه extended black او شي من هالقبيل..وهالامر يؤدي نفس الغرض للfull rbg

انا حبيت اوضح هالنقطه من منطلق واقع تقني وليس مقارنات

يعني اتمنى البعد عن المقارنات حفاظا على الموضوع

تحياتي

قلما ما اعجب في لعبة FPS.. وكثيرا ما كرهت.
وعادتا ما اشعر باكتئاب شديد في اول ربع ساعه, واغلبهم ما اكملهم
واذا سالتني عن KZ2..اجابتي بتكون واحده من افضل ما لعبت من FPS Games بجداره.
طريقة اللعب خلتني انسى شي اسمه جرافيك رغم روعته, استخدام كل سلاح تختلف طريقة استعماله و قوته و تصويبه عن الثاني. مثل التصويب لازم كل شوي تحاول تنزله لانه يرتفع للاعلى لو ما تركت الكبسه. وهذا بحد ذاته واقعيه في استخدام السلاح, السكين صرت معلم شاورما في استخدامها.
ال HeadShot ايضا واقعي لو ضربته على الخوذه اطيح (وهذا بسبب لبس الاعداء المضاد) حاول تجيب الطلقه بين عيونه.
اللعبه عجبتني. واحسن شي سويته اني ما توقعت شي من اللعبه في البدايه والنتيجه ممتازه.
(افضل لعبة FPS) (ليست افضل لعبة FPS) جمل غير منطقيه. من الافضل القول وبختصار... اللعبه تاخذ الاول مكرر مع كم لعبه نادره في متعتها في عالم ال FPS
من العيب ان نتكلم عن عيوب جدا طفيفه و نتجاهل الجهد الكبير المبذول من Guerilla
البعض يقول انها لعبة FPS عاديه !..شو كنت تتوقعها RPG ؟ نعم هي لعبة FPS في النهايه. لكن باحترافيه. وعلى الطريقه الاصيله. بنتظار اللعبه اكيد, اكيد ال Online بيكون متعه
اشوفكم Online في KZ2 ان شالله.

اللعبه هذي تحس انه جامعه بين لعبتين من يوم شفت له فديوTrailer
اللعبه شبيه ب battlefield 2142 وشبيه بعد بكول اوف دوتي 4.. وبالذات بالبدايه يوم تهجم عليهم الهليكوبتر ويطحونه!! نفس الشي صار مع كيل زون!
لكن هذاا شي يحسب له مو علليه..وفي انتظار اللعبه!! وبالذات الاون لاين!

انا ابي اعرف ليه الشباب ما عجبتهم مع اني اشوفه افضل لعبة fps
Mr.X
المقاطع الي جبتها موطبيعيه بس ينقصها يبيلها جهاز قوي علشان يعرضها بسرعه او الي مسجلها تسجيله فيه شي بس التصوير خيالي
فوق المستحيل انت تقول ماتبي مقارنات ليش اتقارن بين الجهازين هو وضح شغله صارت بأكثر من موقع
وانت يمكن انك ماجربت اللعبه شلون تحكم عليها
وهذا عرض للديمو
http://www.youtube.com/watch?v=ixL66...eature=related

اللعبة حلوة (جربت الديمو اكثر من مرة) بس مادري احسها صعبة ..
واعتقد ناقصها سرعة شوي بالحركة ..

lol.

اقتباس:

---

انا ابي اعرف ليه الشباب ما عجبتهم مع اني اشوفه افضل لعبة fps

---

لو لا اختلاف الاذواق لبارت السلع

اقتباس:

---

المقاطع الي جبتها موطبيعيه بس ينقصها يبيلها جهاز قوي علشان يعرضها بسرعه او الي مسجلها تسجيله فيه شي بس التصوير خيالي
فوق المستحيل انت تقول ماتبي مقارنات ليش اتقارن بين الجهازين هو وضح شغله صارت بأكثر من موقع

---

الله يهديك مع اني مافتحت موضوع المقارنات بس حبيت اوضح بخصوص الالوان

اقتباس:

---

وانت يمكن انك ماجربت اللعبه شلون تحكم عليها

---

وعلى اي اساس حكمت اني ماجربت اللعبه...عشان قلت انها ماعجبتني :)

الله يصلح الجميع

تحياتي

^^
هههههههههههههههههه فارس وين صايده P:
تصير ساعات في العاب ثانية .. صارت معاي في Midnight Club امشي بالسيكل بدون سايق !

^
^

واو والله جلتش خارق >_<
معليش تصير في اغلب الالعاب P:

كاسح اخبارك انا Naarps لوول >>>> عارف دخلت عرض اعذروني

اللعبة بعد ما ختمت الديمو تقريبا 15 مرة خيالية و الجرافيكش مو طبيعي
لاحظ لما تدخل المستودع في بالغرفة كراسي اضربها و شوف الريش كيف يطلع
بس بعطيكم فكرة حجم الاشياء الصغيرة جدا الي اهتمت فيها غوريلا
اسلوب اللعب شوية صعب بس تتعود عليه بسهولة بعد ربع ساعة
و لا ننسى انوه هاذا الديمو هوه نفسه الديمو القديم تبع بداية سنة 2008 و شركة غوريلا طورت اكثر اللعب
عتبي بس انوه الديمو قصير كنت اتنى استمتع أكثر بس جلست أفكر لوووول 1200 ميجا على 15 دقيقة لعب
يعني اذا بدنا نص ساعة لعب مارح نخلص داون لوود ليومين و خصوصا انترنت بطيئ مثل الي عندي
first day to me for sure :D
ID Naarps الي بده يضيفني

اقتباس:

---

كاسح اخبارك انا Naarps لوول >>>> عارف دخلت عرض اعذروني

---

وانا اقول ليش المنتدى منور ياحيا وسهلا ^_^

اللعبه ابداع مايحتاج وانطباعاتي حطيتها في صفحة قبل بجيبها هنا اقراها
انت عارف جوريلا يقولوا انه كل مرحلة اخذت تقريبا 2 جيجا ؟ عشان كذه كان الحجم كبير
ياخي شوف التفاصيل كيف شوف كيف الموية في المنطقة الاولى ياخي ابداع يمكن افضل
تفاصيل بحر شفتها في كيلزون2 وهذا على تلفزيون SD عاد كيف الـ HD !!

Naarps هذه انطباعاتي :

اقتباس:

---

انطباعاتي :

بصراحة اللعبة ابداااااااااع اقدر اقول اذهلتني , الجرافكس رهيب جدا والاجواء حماس
اصوات الاسلحة والطلق والقنابل والانفجارات خطيرة الموسيقى ابداع حسيت انها تبغى تقرب من ميتل جير ..
الجيم بلاي هو الافضل ماتوقعت الفيزيائية هذه كل شيء كانه واقعي من حركة اللاعب الى الى head Shot
جرية اللاعب حسبتها بطيئة بعدين عرفت انه تقدر تعمل sprint الجرية واقعية والقفز والتحرك شيء جميل .
التصويب جيد ماواجهني مشاكل الا الـ head shot حسيتها صعبة شوي لكن بعد ثالث تختيمة للديمو قدرت
اجيب " هيد شوتز " كثير وحسيت اني قدرت اسيطر على التحكم وعلى الاجواء ببساطة رائعة .
Cover System ممتاز مفيد جدا جدا كنت احسب اللعبه بدون هذا النظام لكن طلع شيء اساسي
وتاقلمت معاه بشكل جيد ذكرني كثير بـ uncharted لانها اللعبة الوحيدة اللي لعبتها بنظام الكوفر .

بالنسبة للتحكم انا اعتمدت الـ Default لانه الافضل يمكن الصعوبة اللي واجهتها هي لما
اعمل crouch او cover واكون ضاغط الـ L2 باستمرار احس انه صباعي راح ينزلق وبالنسبة للزوم
الـ R3 افضل حل له لاني جربت اغير التحكم الى alternate 2 زي ماقالوا الناس لقيت صعوبة اسوي
زووم بزر L1 ونفس الوقت اكون مسوي Cover بزر L2 لان عادة بكون ضاغط الـ L2 بصباع السبابة
اليسرى فلو ابغى اسوي زووم لازم افك L2 واضغط L1 وارجع بنفس الوقت اضغط L2 بصباعي الوسطى
:09:( حسيت اني لخبطت ) .
المهم رجعت خليته Default وعودت نفسي عليه وفجاة لقيت نفسي اسوي هيد شوت من بعييد
واحس انه البطء في التصويب افادني كثير ومهو عيب المسالة مسالة تعود وبس مثل Re5
في التصويب بطيء لكن لما تتعود عليه مايسببلك مشكلة .

في حاجة عجبتني بالنسبة لانابيب الغاز في المهمة الثانية الي داخل المستودع لما ترمي قنبلة
قريبة من الاثنين اللي يتكلموا شوف وش يصير في الانابيب شيء رهيب في واحد منهم انفك
وبدا يدور حول نفسه بشكل سريع من قوة الضغط شفته انبهرت :bigeyes: .

احلى شيء لما تجي جري قدام واحد من الهيلجاتز وتطلق عليه وانت جاري تطبق فيه الانميشن
حق الموت بالراحة :biggthump .

الذكاء الاصطناعي ممتاز اصلا هم مايخلوك تعطيهم هيد شوتز وعادة اذا جبتهم تلاقي الخوذة حقتهم تطيح
وعلى طول يبدا يتحرك وتلاقي في واحد كنت حاس اني حكرته في زاوية ورحت اجري لعنده مالقيته موجود
فجاة لقيته هو اللي جا وراي :cray: .

بالنسبة للعلاج لاحظت انهم مايموتوا تلاقيه يقعد يقولوا Someone Help me وتضطر تروح وتعالجه وترجع تتخبى
مدري اذا الشيء هذا بس في طور القصة .

اخيرا اللعبة حتخليني احب العاب الـ FPS بالراحة ماتوقعت انها توصل للمستوى هذا كل من شافها
ابهر فيها وباسلوب لعبها وباجوائها الحربية فالديمو هذا وديمو Re5 يصبروك لين تنزل اللعبة الكاملة
تقعد تمخمخ فيها وتتعود على التحكم وتاقلم نفسك مع الاجواء .

Killzone 2 = :biggthump

---

ومنورنا والله ^^

الشباب اللي يقولوا التحكم بطئ .
تقدر تتحكم في حساسيه التحكم تخليه بطئ او سريع . مي مشكله .
حتى لما تبغى تصوب تقدر تخليها يثبت لما تصوب يعني لازم تضغط الزر مره ثانيه علشان يفك التصويب او الزوم . تقدر تحط الخاصيه ذي او تشيلها بكيفك .

في انتظار الاون لاين .

تتوقعوا كيلزون 2 بتعدي ميتل جير في المبيعات :33: ؟

^^^


هذه علمني كيف اسويها لما اصوب ما يفك التصويب لازم اضغط الزر مرة ثانية

كيف اسويها ؟؟ ها ؟ ها ها ؟؟ قول ؟؟ يلا ؟ :32:


:D