عرض للطباعة
+1اقتباس:
المشاركة الأصلية كتبت بواسطة Alucard.4.ever
بصراحه كل كلامك صح
و الثيرد تنعرف من صعوبتها ال 4 اسهل بكثير و اي شخص يقدر يلعبها ............
لو تحيد weld-ad الى كان في بطولة الثيرد ويانا خسر خساره قويه جداً و طبعاً مو هو نفسه الى يلعب ال 4 و يوم سألناه قال كنت احسب هذي اللعبه نفس ال 4 قال كنت بمشي نفسي فيها اما هذي صعبه مره ما قدرت اسوي شي.
و هذا ولد عم الى يلعب في ال 4 و هو مبتدء في اللعبتين ولا سمع ولا قرئ اي شي ولا ناقش و سبحان الله طلع هذا الكلام من لسانه.
ممممممم موضوع اللعبه الأكثر هاردكور فهي ثيرد سترايك مع الإحترام ل 4 ....لكن يا جماعة الخير حطوا نفسكم مكان كابكوم....الشركة تبى تربح وهذا من حقها وتبى حاليا ترضي الجمهور...في السابق كان المصمم يسوي اللعبة ومايهمه لو عمل لعبة صعبة جدا أو سهلة او غيره وتحس في حرية وإستقلالية لهم ولهم كلمتهم...لكن الحين زمن البزنس...المعادلة الصح إنك تعمل لعبة يقدر اللاعب الي مستواه عادي جدا يتعود عليها بسرعة ويستمتع فيها وفي نفس الوقت للي يسعى للحرفنة وغيره فهالشي موجود....اللعبة مازالت قيد التطوير وفيها تغييرات وغيره فأصبروا عليها وأقولكم إنتظروا توجيكي لسنة 2011 وتوقعوا إنكم تشوفون العجب والمفاجئات ^__^
+
طبقوا نفس الشي على الثيرد....لو واحد تعمق في الثيرد وفهم نظام اللعبة وغيره لايمكن يخسر من نووب حتى لو مايعمل باري طول الجيم ويستخدم الحركات العادية لأنه دارس اللعبة صح...ال4 نحتاج إنه الكل يتعمق فيها أكثر وأكثر عشان نضمن هالشي...وهنا نطلب منكم الصبر لأنه اللعبة إلى الآن تخضع للتغيير والتعديل فاصبروا والصبر مفتاح الفرج ^__^ وإن شاء الله كابكوم تسمع لجمهورها وتعمل تعديلات تخدم الهاردكورز أكثر من إنها تخدم المستجدين لأنها دلعتهم على الآخر -__-
أنا أتمنى الموضوع مرة ما يتحول لـ ثيرد سترايك ضد ستريت فايتر 4!! كل النقاش في هالموضوع عن هالسالفة :09:
على العموم، مهما قالوا فانز الثيرد، نحن بنتم نحب الـ4 حتى لو إنه مثل ما تقولون "أسهل للمستجدين". مهما كان، اللعبة فيها صعوبتها مثل الـ1 فريم لينكس، الأوبشن سيليكت، وغيرها من الأشياء. لو اللعبة بالسهولة اللي تتكلمون عنها، عيل كلنا كنا بنكون من نفس المستوى.. وبنقدر نغلب دايجو وماجو وموموجي لانه اللعبة سهلة!!
أتمنى نبدا نتكلم في أشياء نفيد بعض فيها مثل الماتش أبس، ومساعدة اللاعبين اللي توهم بادين انه يتعلمون.. ونتكلم في أشياء احترافية أكثر. ماله داعي كل ما واحد تكلم، نشوف الثاني يعصب ويزعل وتصير دراما في الموضوع لانه الأول يحس انه يعرف كل شي في اللعبة والثاني نفس الكلام. أكيد فيه أشياء أنا أعرفها، بيرسركر مثلاً ما يعرفها.. وفيه أشياء بيرسركر يعرفها، أنا ماعرف شي عنها!! خله نستفيد من بعض وبس دراما وزعل الله يخليكم.
خله نشوف Community محترم للـ4.. الصراحة دخلت مع شباب الثيرد فترة قصيرة جداً، لكن والله انه ما عندهم سوالف الزعل اللي عندنا، وكل واحد فيهم يحاول يساعد الثاني!! آآه يا مومنتم يا سالم!! دخلتني عندكم وقصيت علي :09:. وغير جي ماشاء الله عليهم يتحركون على سوالف البطولات وغيرها!! أما نحن نايمين وبس نتضارب في المنتديات :02:.
وأكرر سؤالي اللي في ردي السابق:
إذا جاهزين إنكم تكونون موجودين في دبي، عيل نحن إن شاء الله بنحاول إنه نسوي بطولات.اقتباس:
شباب بوظبي لازم يتحركون إذا يبون بطولة. أما إذا الشباب عادي عندهم انه ايون دبي/عجمان عندي وعند حمد وقت البطولات، فـ الصراحة نحن جاهزين نسوي! المشكلة الوحيدة إنه أغلبية اللي يلعبون ستريت فايتر في الإمارات هم من بوظبي فـ نحن مب متأكدين لو الشباب بيون ولا لأ.
---------
ولتغيير الجو شوي:
من فترة عجبني Seth من ورا فيديوات الياباني Hiropon لو تعرفونه!! أحب طريقة لعبه وحببني في الشخصية بشكل كبير :biggthump. أنا قبل ما العب أونلاين وايد والعب بتشن بس في الأوفلاين مع الشباب (في البي اس 3 عندي 600 جيم بس بتشن لي .. أكثر شخصية أستعملها!!) أما الحين العب أونلاين وبس سيث عشان أتعود عليه بسرعة :09: والله إنه خطير.
Hiropon ما يستعرض في اللعب كثر Poongko مثلاً، وهذه الطريقة اللي أنا أحبها، خاصة بالـdamage scaling اللي موجود في اللعبة.
اللي عنده إقتراحات ومساعدة في الشخصية هذه يساعدنا!! :biggthump
^^
أكيد مانبى الموضوع يتحول ل من أحسن وأصعب وغيره...في الأخير كل واحد واللعبه الي يحبها أكثر...عندنا الثيرد وعندكم ال 4 بس الصراحة إنتوا عنصريين لول ماتحبون الثيرد خير شر بس نحن عندنا قاعدة دام إنها ستريت فايتر فدومها تكون عسل على القلب مهما كانت
وبالنسبة للبطولة فليش ماتستوي في أبوظبي دام إنه اللعيبة أكثر هناك؟ كل واحد ومجهوده وانا حاضر وإن شاء الله مابقصر معاكم....حمد يستلم موضوع اللعيبة وفهد يمسكله شغلة التسجيل وأنا أشوفلكم القاعة و النظام والوقت والتوصيل للبروجكتر وسالم قال إنه بيساعد ..صدقوني الشغلة لما تتوزع على كذا واحد تكون اسهل بس في شغلة إنت قلتها وموجودة عندكم للأسف وهي الزعل والحقد وغيره تراها لعبة وماتسوى...+ الي بينظم لازم يحط في باله إنه مابيكون مستواه 100 في المية لأنه جزء من تفكيره راح يكون في التنظيم لكن هالتضحية ضرورية بس مادري ليش عند جماعة ال 4 أحس تفكيرهم فقط الفوز بكل الوسائل....خخخخخخخخخخ أحسكم دحيحة زيادة عن اللزوم
وإسمحولي بعد مفروض إنتوا تعبون الموضوع عن الأوبشين سيليكت والكاونترز الخاصة في كل لاعب والفيديوز وغيره وإنت وحمد وفهد تنلامون لأنكم ماتحطون أشياء وايد...المفروض الموضوع يتعبأ بهالأشياء...إنت قولي إنك تبى شي في الثيرد وراح أخليك تزوع من زود ما أأكلك فيديوز وشرح وغيره ...ادري إنه اللعبة مازالت جديدة لكن هالأشياء متوفرة وتقدرون تسوونها...وأتمنى ماتزعلون من الصراحة لأنه في الأخير يهمنا إنه هاللعبة تاخذ حقها من البطولات وغيره خصوصا لشعبيتها الكبيرة وإنها ستريت فايتر^___^
بيرسركر،،
صح كلامك إنه توزيع الشغل ممتاز لكن نحن نشوف أنه أهل بوظبي ينتظرون حد يسويلهم شي، ولا بيتحركون بروحهم (وأتوقع تتذكر اللي قالك إياه حمد في اليلسة الأخيرة!!). ما شاء الله عليك انته تنظيمك للبطولات 10/10.. وعندك ناس يساعدون مثل سالم (مومنتم) لكن نحن وين يا ريال، كله حقد وزعل وضرابة. فـ من جي أنا قلت، بما إني أنا وحمد في دبي وعيمان (يعني مب بعيد).. نقدر نتفاهم ونشوف لنا مكان قريب، وهالشي بيسهل لنا عملية التنظيم عرفت؟
أهل بوظبي لو إنهم يبون يسوون بطولة جان سووها وخلصوا! (ستريت فايتر 4 نازلة شهر 2 2009، والحين نحن في نهاية أكتوبر 2010 بالسوبر ستريت فايتر.. والبطولات الوحيدة اللي لعبناها كانت في عيمان بمجهود من حمد وفهد وجمال، والبطولة الثانية كانت في تقنية دبي واللي صارت ضجة عليها بسبب التلفزيونات. وكلهم على ستريت فايتر 4 العادية، ولا بطولة على السوبر للحين!)
يعني بالعربي، ولا بطولة كانت في بوظبي!! :28:
وعندي سؤال ثاني صح. أنا لاحظت أنه الكوميونيتي الحالي مال 4 عندنا فيه بس مواطنين تقريباً.. وأنا متأكد 100% أنه فيه أجانب يلعبون اللعبة لكن كيف الواحد يقدر يوصل لهم؟ ودي والله لو نشوف ويوه يديدة وقت البطولات ! عطنا رايك في هالموضوع يا بيرسركر.
ملاحظة: الوكاااااااارد لا تغلط على التشن !!!!!! :09: بيرسركر سمعته ؟!؟!؟! يقول أكره شخصية عنده في عالم ستريت فايتر.
ديوك، حتى انا بديت اتوسع شوي وجربت لي كذا شخصية، آخر شي قعدت على في لونغ، ماقو عطاني مثل ما يقولون الهام قوي بالنسبة لفي لونغ، ولاني كنت احب لعبه بساجات من اول قلت خلنا نجرب في لونغ. ظهر وايد ممتاز، بس يبالي اتدرب على كم ماتش اب شوي. لكن صراحة حسيت بفايدة الفوكس اتاك وانا العب بفي لونغ واتحسر ان فايبر عندها اسوأ فوكس في اللعبة :(
يا رجل أنا من بديت اللعبة ودايماً أتم على شخصية وحدة بس. كنت أحس إني ماقدر أتعلم على أي شخصية ثانية. ويوم تعلمت على شخصية ثانية (تشن لي) كرهت جايل وتركته.. وفي السوبر ما لعبت فيه أبداً :28:اقتباس:
المشاركة الأصلية كتبت بواسطة RogerM
أما عن في لونج، أحس أنه من أحسن شخصيات اللعبة.. وماجو لعبه خطيييييييير بفي لونج والله.
تقريباً محد في الإمارات يستعمله مادري ليش. مثل روفس، قوي وماعرف حد في الإمارات يلعب به غير مهوج، وهو تارك الشخصية حالياً ويلعب بـ ريو!!
على العموم،
Help meeee everyone with practice sessions on PSN.. I want to get better with Seth :09:
على فكرة، شيكوا على نتايج بطولة الاونلاين *** garden، ماقو صدق مسوي شغل. وين الهيترز الي يقولون ماقو مستواه يلعب بساجات التشيب؟ :p
والله ماقو الحين صار لاعب اما قبل ماظن انه كان بيوصل الى وصله من دون ساجات .....................................................اقتباس:
المشاركة الأصلية كتبت بواسطة RogerM
ولا تنسى في لونج يعتبر حالياً شخصيه جيده جداً على عكس ما كان في ال 4 لاكن بصراحه ماقو ابدع فيه.
السلام على كل العائدين وبقوه ههههههههههههه في المنتدى
الصراحه كلام الدووق صح بس نبا واحد يساعدنا من اهل بوظبي عشان اتكون البطوله مثاليه وناجحه ... ويا بيرسيركر لو توقف ويانا بنكون شاكرين لك من ناحيه حجز القاعه ونبا تفاعل بس وان شاء الله موضوع الدعايه للبطوله انا بشارك فيه وراح ايمع اكبر عدد من المشاركين ... مصيبتنا بس في المكان يعني لو يتوفر مكان للتجمع بنرتاح " والصراحه احسن مكان اكيد في بوظبي بحكم الفانز واللعيبه " ....
المطلوب حاليا تحديد وقت للبطوله ومكان البطوله قبل ماانسوي دعايه وننشر الموضوع .... اتمنى الرد من اي واحد راح يطوع معانا في التنظيم
والباقي سهل ان شاء الله
هلا ببريسيركر وحمد و ديوك وبالشباب 4 و 3 ثيرد سترايك , الصراحة انا ابغي اسوي بطولة في ابوظبي , بس الي لاحظته انه الشباب اكثر شيء يلعبون 4 حق التسلية و ما يهمهم البطولات الصراحة و انا كم مرت اخبرهم حق ننظم البطولة و كل واحد يتم يتعايز في شغلة التنظيم بس يبغي يلعب في الميلس ويا الشباب او يلعب اونلاين ,و في بعد وايدين ما لهم خص بالالعاب الفايتينج ويلعبون اس اف 4 اونلاين , الصراحة
والمشكلة عندي اني اداوم في الرويس ,ما ارجع الا نهاية الاسبوع يعني يومين بس و اذا تحسبها صح بس يوم و نص ويين الحق اخلص شغلي و اشوف سالفة الشباب و انظم واشوف القاعة ,وفي شباب الله يهديم الصراحة , هم في بوظبي ومش متعاوينين بس همهم الوحيد اللعب و شو ما قلت ما شي فايده و يقولولي تيكيت ايزي (take it easy):31:
فهد اللورد..
هذا اللي انا كنت أتكلم عنه، شباب بوظبي متعايزين ينظمون لكن لو فيه حد نظم بطولة الكل بيي.. والدليل بطولات عيمان ودبي. شباب بوظبي وصلوا عيمان بس عشان ستريت فايتر !!
أنا أقول بس خله نتحرك، وبتشوف انه معظم الشباب بيون عندنا.
بالنسبة للاعبين الأجانب فصدقني لما البطولة بتكون سنعة وتشتهر وإذا كان في لعيبة راح يطلعون....لول آخر واحد حصلناه كان الفلبيني ويلعب من 2001 من وين طلع ؟ الله أعلم!
وحمد قلتلكم موضوع القاعة إن شاء الله بسيط إنتوا تعالوا يوم البيت عندي وبين بيتنا والفندق أقل عن 3 دقايق...تعالوا شوفوا القاعة بنفسكم أو لو إنت مشغول دوق يقدر يشوفها...على الأقل فهد شافها ويقدر يعطيكم إنطباعه عنها
ولاتخافون برتبلكم الموضوع
بالنسبة لليوم فلازم يوم جمعة + تبدون الساعة 3 العصر...لعيبة ال 4 ملتزمين في هالشغلة ولو قلتلهم لو ماتحضر على الوقت فإنت خاسر بيحضرون...نحن حبايبنا شلة الثيرد إذا واحد نقص تحس البطولة ناقصة فلازم ننتظرهم يكتملون...لول سكوبي وطارق ماقصروا في آخر بطولة ^___^
ومب لازم تكون في إجازة المدارس...إنتوا إسألوا الشباب متى الوقت الي يكون عندهم إمتحانات أقل أو بعد إمتحانات المنتصف هذا أحسن وقت...على طول نعمل وراها البطولة ونخلص
إنتوا تأكدوا إنه الي بيشاركون راح يلتزمون ويحضرون على الوقت وحطوا الأولوية على هذا الأساس ويفضل العدد 32 فقط كبداية...لو شفتوا البطولة عسل وغيرها تقدرون تخلونها 64 وعلى يومين ليش لا؟!
ونصيحة كأول بطولة لاتعملون بوسترز وغيره...سووها للبطولة الثانية وتقدرون تسوون بوستر باللغتين العربية والإنجليزية وتعملون يوم للتصفيات ويوم للنهائيات...كله يعتمد عليكم ....
وأي شي ثاني ترى حاضرين
لا، ماقو من البداية لعّيب واصله لعّيب. ترا في الف ساجات غيره، ولكن يوم تقول ساجات اول لاعب يخطر ببالك هو ماقو ليش؟ .. وفي لونغ ترا ما تغير بشكل كبيير عن قبل، لكن مثل حالة كامي يوم ساكو بدأ يلعب فيها الشخصية بدت تظهر عندها بعض الامكانيات.اقتباس:
المشاركة الأصلية كتبت بواسطة MaNForUaE
شكرا يا الاخ بلاك , ما قصرت بالنصايح و ان شاء الله الدوري برتبها وياك و الشباب , بس الحين باقي موضوع التلفزيون الي بدون لاق الي يستخدمونه حق الEVO , اسم الشركة ASUS بس الموديل ماله مش متاكد , يبالي ادبرها حق الدوري و حق استخدامي الخاص