الموضوع الرسمي ل (GOD OF WAR COLLECTION) النقاشات والحلول هنا

اقتباس:

---

بالنسبه للتطوير السحر بتبدا اللعبه من الصفر يعني لازم تعيد تطوير الاسحار مره ثانيه .
بس استخدم لبس Tycoonius و بالراحه بتخلص تطوير الاسلحه و الاسحار . انا صار لي نفس الشئ . بقى لي تطوير الاسحار و اختم اللعبه في خمس ساعات . يمديك تخلصهم اثنينهم في لعبه وحده .

---

انا اول مرة ختمت اللعبة Normal ماجنني الا الزعيم الاخير لما تحمي عائلتك T_T كانت صعبة بس فزت فيها .
الحين بختم Easy واكيد راح العب على السريع واطنش كل شيء .
بالنسبة للبس هذا اللي يعطيك Orb اكثر صحيح ؟ راح استخدمها خلاص .:)

اقتباس:

---

مبروك كاسح ^^
الله يعينيك على تحديات الجزء الثاني بتطلع ريحتك :D

---

الله يبارك فيك :) صحيح وش الايدي تبعك ؟

اقتباس:

---

نفس إلي صار لي
بس لقيت الحل .. و الحل هو إنك تكون مسوي save في مكان قبل ما تنهي اللعبة تقريباً بساعة
جمع النقاط الحمرا و تفحص الأماكن تفحص صح راح تكتشف اماكن غريبة و راح تلقى فيها صناديق تعطيك تقريباً 1000 و لا تطور السيف العادي لأن في النهاية راح يعطونك سيف حديد و راح يكون MAX

---

انت عارف عندي Save قبلها بساعة عند حجيم Hades لما يطيح Kratos بس الوحوش مايعملوا
Respawon كثير . شكلي بلعب من جديد باللبس الي يعطوك اورب كثير .

اقتباس:

---

لم تنهي اللعبة للمرة الأولى راح تحس ان اللعبة طويلة جداً و ن ما في امل تجيب هالتروفي
بس في طريقة سهله و تخليك تخلص اللعبة في 4 ساعات بالكثير وهي
لا تتورط في معارك عشوائية يعني Run من كل المعارك إلى إلي لازم تنهيها عشان تكمل
ولا تطور السيوف العادية اصبر إلى ما يجيك السف الكبير << احلى مسميات :D
إلي اول ماتاخذه يصير لونه بنفسجي حاول انك تطورة على اخر شي و بعدها راح تنهي اللعبة بأقل من 5 ساعات
و وش التروفي الثالث يمكن اقدر اساعدك فيه :)

---

السيف الكبير قوي لكنه مهو Wide بعكس السيف العادي بس اكيد راح العب زي ماقلت جري ^^
بالنسبة للتروفي الثالث هو البلاتينيوم xD

انا الحين متحمس للثاني لاني اصلا ولا مرة لعبته @_@

اخ يلقهر انا ختمته او مره نورمل بس طافني تروفين الي هو تطور كل الاسلحة يوم شفت اسلحتي عن اخر تخزين باقيلي شوي على اخر سلاح واخذ التورفي وخلاص مايصير ارجع { قهـر } ..

لازم العب مره ثانية وجيب التروفي هذا و بعد يبقالي كم تروفي وختم العبة

التروفيات الباقياء عشان اجيب البلاتينيوم

اني ابوس الحورية الزرقاء الي في البحر
و انقاذ عشر اشخاص
وانهاء العبة بـ اقل من خمس ساعات < هذي الي شكلها تبي تجنني " احس انها صعبة " { الي عنده نصيحة يعطينياها } ..

وضرب 200 ضربة ورا بعض " الي عنده نصيحة بعد "

وتطوير كل الاسلحة

والمعركة خلوها علي

وانشاءالله البلاتينيوم بيجي :D

اقتباس:

---

لله يبارك فيك :) صحيح وش الايدي تبعك ؟

---

موجود في التوقيع ^^

اقتباس:

---

انت عارف عندي Save قبلها بساعة عند حجيم Hades لما يطيح Kratos بس الوحوش مايعملوا
Respawon كثير . شكلي بلعب من جديد باللبس الي يعطوك اورب كثير .

---

بالعكس هذا اكثر مكان راح تاخذ نقاط حمرا في اللعبة بس ان شاء الله ان السيفين مو مطورين على الآخر بس فصفص الأماكن زين ^^

اقتباس:

---

السيف الكبير قوي لكنه مهو Wide بعكس السيف العادي

---

L1+مربع و خلك ماشي مافي شي راح يوقف في طريقيك
على اي حال ان شاء الله تخلصهم بسرعة ^^

اقتباس:

---

اني ابوس الحورية الزرقاء الي في البحر
و انقاذ عشر اشخاص
وانهاء العبة بـ اقل من خمس ساعات < هذي الي شكلها تبي تجنني " احس انها صعبة " { الي عنده نصيحة يعطينياها } ..

---

الحورية سهلة ..
انقاذ عشر اشخاص ؟؟ هذه من وين طلعتها ؟ شكلك تقصد انقاذ الـ Oracle وتبقي من الوقت 10 ثواني .

اقتباس:

---

وضرب 200 ضربة ورا بعض " الي عنده نصيحة بعد "

---

هذه سهلة في الممرات الضيقة لما يطلعوا وحو لاتقتلهم امشي لقدام راح تجيك الوحوش كلها لما يتجمعوا حوليك لازم على الاقل يكونوا 5 وحوش استخدام ماجيك الصاعقة راح بالراحة تاخذ 100 Hit وعلى طول سوي وحدة ثانية
وكمل عليها اتاك كومبوهات راح توصلك فوق 200 Hit .

اقتباس:

---

بالعكس هذا اكثر مكان راح تاخذ نقاط حمرا في اللعبة بس ان شاء الله ان السيفين مو مطورين على الآخر بس فصفص الأماكن زين ^^

---

لول سويتها والله كان في صناديق في نفس المكان عند الممرات الي فيها سيوف كبيرة
وجبت التروفي ، الحين باقي تختيم باقل من 5 ساعات .

انهيت اللعبة باقل من 3 ساعات xD على مستوى Easy
Trophy of Zeus << حصلت على البلاتينيوم :) الحين الجزء الثاني !

^^

مبروك البلاتينيوم .. انا اول شي لازم اخلص البلاتينيم عشان ابداء بثاني

الثاني يمدحونه حيل يقولون جرافيكس قوي لاكن يقولون الاول احلى قصة ..



خاص لكاسح >>

كاسح لاتحرق علي الجزء الثاني ^^

^
^
ايه فرق كبير في الجرافكس بين الاول و الثاني . :)

على العموم مبروك كاسح . و عقبالك nez 17

ولا يهمك nez ماراح احرق شيء ^^"

و عقبالك nez 17

^^

الله يسمع منك

بس بعرف انا الحين قاعد العب اللعبة عشان اجمع كم تروفي بس وصلت لي نص العبة بـ ساعتين و نصف

هل في استراتيجيه معين عشان اختمها باقل من خمس ساعات

يعني مثلاً .. في طريقة اطوف فيها المقاطع ياليت تيفيدوني لاني على وشك اخذ البلاتينيوم ^^

^^^^^^^^^^^^^^

اتبع طريقتي والتروفي بيجيك غصب طيب

اول شي لما تلعب مو شرط تقتل كل الوحوش اللي يجونك

بس اقتل الوحوش اللي يجونك ويكون المكان مسكر عليك (يعني يطلع لك نفس الغشاء على الباب يمنعك من التقدم لين تقتل الوحوش)

اما الباقين اللي يسمونهم على الطاير اتركهم وواصل طريقك

2- قبل لا تبدأ اللعبه شوف ساعتك كم حزتها

يعني مثلا انت لما تشغل الشريط شوف ساعتك ولنفترض انها الساعه 2:30 يعني بتكون عارف متى لازم تنهي اللعبة

لازم تنهيها قبل 7:30 فكل ما تعدي مرحله وتشوف الوقت تعرف كم باقي لك من الوقت

وبتحس انك في سباق مع الزمن (يعني حماس)

3- لا تنسى العب على الايزي

بس باقيلي تروفي واحد واخذ البلاتينيوم وهو الجالنج مود مجنني عند المهمه الثامنه ماني قادر اخلصها يطلعون الفرسان مع ميدوزا شكثرهم كل ما اذبحهم يطلعون بعد !!! في طريقه معينه اعدي من هالمرحله

^
^
راجع رد رقم 145 ممكن يفيدك . :)

شكرااا سبارتا قوست ... أخيراااااااااا اخذت البلاتينيوم :) .. باخذلي راحه يومين وبعدين راح ابلش بالجزء الثاني والله يستر .

عندي سؤال (اسف اذا كان برة الموضوع)
(حد عندة فكرة اي يوم راح تنزل (god of war 3)

فى شهر 3
لكن تم الاعلان رسميا راح تنزل فى اليابان بتاريخ 25 من شهر مارس اما الامريكية راح تكون يا بعدها او قبلها بايام معدودة