Super Street Fighter IV

اقتباس:

---

المشاركة الأصلية كتبت بواسطة MoMeNTuM

خخخخخخخخخخخخخ الصيعري يبالك تفتح محل اركيد و اتيب اركيدات

الصراحه يا شباب انا افضل اني العب في الاركيد,

اولا لعب البيت ملل, لعب في الاركيد غير قعدة شباب و اتشوف شباب و لو ما تلعب تيلس اتسولف و عقب يالله ترد تلعب و احلى شي شاي الحليب هههههههه مع اللغيب غير, يعني الاركيد احلى بوايد

و ثانيا ماشي لاق و بعدين فرق يوم تلعب فالبيت ما تتحمس و يوم تلعب فالاركيد, تتحمس بزياده و تحصل نص الشباب يشجعونك خخخخخخخخ

يعني الصراحه الاركيد فيه ويد مميزات و امتع و احلى

بيبي سيفلر حاول دوم تسوي رانكينج باتل, بطولات, و حط اعلانات في محلات العاب, نحن جي سوينا في بطولة الثيرد علقنات بوسترات في محلات العاب و انت سوي شراتنا و ان شاء الله امورك تمشي طيبه

و من جي الناس بتتعود انها اتي عندك و تلعب و منها دعاية للاركيد و مع الوقت بتشتهر, لاتستعيل فشي

خخخ يالصعيري و بلاك خخخ انتو محبطين بزياده, خخخخخخ تفائلوا بالخير تجدوه D:

---

هذا هو الكلام الصح :wink2:... بس لا تنسى كبدايه بي بي سيلفر قال يا جماعه انا بييب اركيد الفور و اخاف اني ما اربح فـ نحن قيمنا الوضع الحالي و شوه ممكن يصير من صدور اللعبه عالكونسول و غيره... بيني و بينك الاركيد له جوه الخاص و الحماسي.. لكن الريال تخبر عن الربح و يخاف انه ما اييب حق الاركيد... مثلا طالع عندنا فـ عالم الفرح(على قولت حمد المحل الوصخ لول) حاط الثيرد سترايك بدرهم و قاعد يدر منها ذهب لأن الشباب طايحين عليها... اركيد الفور حاليا عليها اقبال كبير فـ عالم الفرح... في دبي نتمنى هالشي... القاعده العلميه من وجهة نظري اتقول:
اذا أمنت شر العواقب فـ على خيرها السلام... يعني الواحد يحسب لكل شي سلبي ابرك لأن الباقي اكيد بتكون ايجابيات و الشي الايجابي مهما كان راح يكون حلو(خل تفكيرك بريء تلقى الحلول) :09:

تدري يا الصيعيري في حركه حلوه قالي عنها جمال

انك اتروم اتأجر اركيد !!

والله انها فكرة جامده, من 3 ايام كلمت جمال و قالي عن Planet zero و قالي خطته انه يأجر اركيد و يشوف لو ربح منها يشتريها و لو ما ربح, يدفع اجارها و يردها لليابان, ف هاذي فكره حلوه يا بي بي سيلفر ليش ما تسويها.؟

جي بتكون حذفت الشك من بالك و ريحت ضميرك و انت بتشوف لو انها تسوي عليك تخليها او لا

تدري يا الصيعري الحلو فالامارات ان حاليا كل يوم اتشوف لاعب يديد

و تدري من فتره تواصلت ويه واحد في اليوتيوب و كان نك نيمه وايت تاور و هو من الكويت و قلت له عن ثيرد, لكن هو كان مشغول لان دايجو كان ياي و كلمت واحد من البحرين و قال يعرف شباب و ان شاء الله بيحضرون لبطولة الثيرد في الصيف ف حاولت ارتب بطولة بين الخليج ف انتو سو نفس الشي مع ال 4 و صدقني منها بتكون شعبيه كبيره و منها بتشوف الاركيدات متروسه D:
ف ان شاء الله لو بيبي سيلفر ياب الاركيد, لازم يسوي اشكنات بطولات و احلى شي لو نظم بطولات بين الامارات و الكويت و البحرين, و حاليا في شباب في قطر يلعبون و انا شخصيها لعبت وياهم, و هم يرتبون بطولات في جامعة تاكسس في قطر يعني والله فكره حلوه,

و كلام الشباب كلهم صح يعني شوفو مب بس الصيعري و بلاك فكرو بالخساره ترى حتى بيبي سيلفر هو بروحه فكر بالخساره و قال ضنكم بربح منه و بحصل وايد لعيبه.؟

و حمد و دوق فليد بعد لهم رأي جميل و اجابي و ان شاء الله من حمد و دوق فليد بيب ل بيبي سلفر زباين D: و اعلانات و ما بيقصرون D:

خخخخخخ لا لا أنا مب محبط...في هالأمور أكون واقعي وأتكلم عن الإحصاءات

أعطيكم مثلا في عالم الفرح...اللعبه ب 3 دراهم...وتقريبا وحسب الحضور اليومي قولوا أقول شي 200 لعبه وعادي توصل أكثر من 300 دور

يعني 600 درهم في اليوم وفي الشهر 18000 درهم وصدقوني في حالة المرح أقل شي أقولكم إنهم يطلع بالشهر 27000 درهم من هاللعبه لأنه الوحيد الي يمتلكها + مانزلت على الكونسولز+ عليها هايب كبير

الأركيد بيطلع حقه بسهولة بس يكون في ناس مستعدين يحضرون لما يكونون فاضيين من الصبح مثل المرح...خخخخخ روحوا الصبح بتحصلون تان هناك قاعد ينتظر الضحايا!!

المشروع إن شاء الله ينجح بس لازم الريال يضمن أكثر إنه في ناس مستعدين من دبي والمناطق القريبه إنهم يحضرون بشكل يومي

سالم... على فكره اللي نكه وايت تاور موجود هني في المنتدى و نك نيمه MAYCRY... و الشباب مرتبين وياه على بطولة فور في الامارات... خبرني جمال عن البلانت زيرو و توني من شوي مكلمه... و خبرني انه كلمك بس شكلك طحت فولايه الله يعلم ما فيها شي لول... اتصدق شين اكوما و كينسو و غيرهم موجودين في البلانت زيرو و قالي اسبوعيا يسوون بطولات فور عندهم(و الله اني اغبطه)...


بلاك... ههههه اسميك طلعتني افغاني من الصبح ياي اتحبس حق اللعبه... هي مره وحده و ييت ابا اتعود عالتايمنج و على كم شغله بـ كين و من بعدها ما ييته الفرح...

اقتباس:

---

المشاركة الأصلية كتبت بواسطة AL999e3ry

هذا اللي اقدر اسميه تهجم صريح :blackeye:... طيب انا ما قارنت بين المزهر مول و عالم الفرح(بعدين بروحك قلتها المزهر مول يعني اقل ما فيها 20 ضعف عالم الفرح)... اذا على لعب الاونلاين... تقريبا لي اسبوعين ما دخلت اون لاين لكن لو حصل ابا العب ويا واحد شرات ساشيو لازم اخليه ايي عالم الفرح بوظبي!؟

المفروض ماحد يفكر بطريقة اليابانيين و الامريكان من ناحية الكميونتي... عدد لعيبتهم يا كثرهم و هالشي يشجعهم انهم اييون محلات الاركيد(تلقى كل واحد بيته قريب عالمحل يعني هب شراتنا مشتتين فبوظبي و دبي و الشماليه)

هو شي طيب انك تعلل و تذكرلي الاسباب اللي بتخلي بي بي سيلفر انه اييب الاركيد... لكن لو تلاحظ انا قلت لك ما يهمني وضع عالم الفرح لأن صاحب محل عالم الفرح مش مهتم اساسا بكميونتي اي لعبه اهم شي عنده المكسب و انت قلت ان المحل وصخ و غيره... طالع ردي فوق بتعرف اني يبت موضوع الاحتكار على انها سالفه... و بالمره لو بي بي سيلفر شاف هالكلام يقول هيه صح ليش انا بعد ما اييب الاركيد و لا عالم الفرح المحل الوصخ احسن عني!؟ برَد اعصابك و خذني بنيه طيبه :biggthump

---

حبيبي طلال السموحه اذا كلامي كان اشويه فيه تهجم وانا مب قصدي اتهجم بالعكس والله

ويمكن مافهمتك عدل بس يضل تواجدنا بمحلات الاركيد فيه فايده لنا كلنا ومتعه اكثر


والسويدي ماشاء الله عليك ... يوم اتجرب موضوع الاركيد اتحس انه اللعب فن ومتعه

بي بي سيلفر انته احسبها صح مثل ماسوا روجر ام وبلاك وشوف الانسب لك

ونحن اذا يبت المكينه ان شاء الله مابنقصر وياك

تحياتي لكم

اقتباس:

---

المشاركة الأصلية كتبت بواسطة UAE4HAMAD

حبيبي طلال السموحه اذا كلامي كان اشويه فيه تهجم وانا مب قصدي اتهجم بالعكس والله

ويمكن مافهمتك عدل بس يضل تواجدنا بمحلات الاركيد فيه فايده لنا كلنا ومتعه اكثر


والسويدي ماشاء الله عليك ... يوم اتجرب موضوع الاركيد اتحس انه اللعب فن ومتعه

بي بي سيلفر انته احسبها صح مثل ماسوا روجر ام وبلاك وشوف الانسب لك

ونحن اذا يبت المكينه ان شاء الله مابنقصر وياك

تحياتي لكم

---

احلى شي فيك يا حمد انك ترقعني بكس على خشمي عقب ما تكسره اتقولي السموحه منك... بس ستظل مثلي الاعلى ما حييت لول... حبيبي و الله و بالحل و ما عليك ترى كلنا مرات نفهم غلط :biggthump

اه لو كان عندنا صالات اركيد .
اتذكر كامت طوابير و اجواء ممتعة و تزاحم و مناوشات
هههههههههههههههههههههههههه
شباب انتم عندكم نعمة ما تقدروها .
شباب في فيدوهات لشلة دايجو و ماجو و موموشي و البقية لنسخة الاركيد تكون جديدة

السلام عليكم

أخواني

UAE4HAMAD - Dukefleed - Black_Breserker - evil-kusanagi - ManForUaE - MoMeNTuM - AL999e3ry - RogerM

أشكركم على تفاعلكم معاية وخصوصا حمد و دوق ^ ^ ،،،ومادام أني بحظا بدعمكم لي فإن شاء الله بكون ظامن النجاح و الله الموفق
بكمل مفاوضاتي مع الشركة علشان أحاول أدبر اللعبة بسعر مناسب وبسرعة لكن في الغالب مابقدر أييبها قبل شهر مارس لأن الكت الجديد بينزل وقتها وهو بيكون الأحدث،،،
إن شاء بنيبها و بخصوص البطولات و الرانكينج إن شاء الله راح نسعى لتنظيمها واللي يحب يتعاون معانا فيها نرحب به وحياه الله

بي بي سلفر حياك اخويه والعفو ونحن ان شاء الله بنوقف وياك قد مانقدر وان شاء الله تتوفق ....

بالتوفيق ويانا واذا يبتها لا تنسى اتخبرنا لانه نحن يوعانين لعب على الاركيد ^_^

اقتباس:

---

المشاركة الأصلية كتبت بواسطة UAE4HAMAD

بي بي سلفر حياك اخويه والعفو ونحن ان شاء الله بنوقف وياك قد مانقدر وان شاء الله تتوفق ....

بالتوفيق ويانا واذا يبتها لا تنسى اتخبرنا لانه نحن يوعانين لعب على الاركيد ^_^

---

فالكم طيب إن شاء الله ،،، ^ ^
أبشروا بالي يسركم

http://www.justin.tv/envymask1#/w/819756976

سوبر ستريت فايتر4 نسخة اركييد في ارض المرح

فيديو مباشر !!! :biggthump

السلام عليكم شباب

ياجماعه انا مادري ليش التفكير الاول والاخير في الربح الارزاق من عند الله سبحانه وتعالى صدقني اخوي انا رأي انك تتوكل على الله وتيب الاركيد اديشن لان ابصراحه اللعبة لها اقبال جماهيري مش طبيعي

وصدقني راح تضرب عصفورين بحجر اولاً دخل اللعبة والثاني شهرة المحل وبعدين صدقني اللي راح ايك المحل قاصد استريت فايتر شويه بيلعب وهم بدور على الشغلات اللي في المحل ممكن يحول على

البليارد او لعبة ثانيه موجوده في المحل المهم راح تربح في كل الاحوال انشاءالله .

بعدين على طاري قيمة اللعبة انا سألت راعي الاستور planet zero قالي الاركيد قيمته 13000 $ بالدرهم 47,836.322 بضبط واذا تبي اي استفسار من الريال تراني حاضر بعدين في افكار وايد حلوه

مسونها في محله بخبرك فيها عقب اذا بغيت .

بعدين صدقني اول مأوصل الامارات بالسلامة راح انصبلي خيمة عند محلك عشان خاطر ستريت فايتر اديشن هههه

اقتباس:

---

المشاركة الأصلية كتبت بواسطة guiledisaster

السلام عليكم شباب

ياجماعه انا مادري ليش التفكير الاول والاخير في الربح الارزاق من عند الله سبحانه وتعالى صدقني اخوي انا رأي انك تتوكل على الله وتيب الاركيد اديشن لان ابصراحه اللعبة لها اقبال جماهيري مش طبيعي

وصدقني راح تضرب عصفورين بحجر اولاً دخل اللعبة والثاني شهرة المحل وبعدين صدقني اللي راح ايك المحل قاصد استريت فايتر شويه بيلعب وهم بدور على الشغلات اللي في المحل ممكن يحول على

البليارد او لعبة ثانيه موجوده في المحل المهم راح تربح في كل الاحوال انشاءالله .

بعدين على طاري قيمة اللعبة انا سألت راعي الاستور planet zero قالي الاركيد قيمته 13000 $ بالدرهم 47,836.322 بضبط واذا تبي اي استفسار من الريال تراني حاضر بعدين في افكار وايد حلوه

مسونها في محله بخبرك فيها عقب اذا بغيت .

بعدين صدقني اول مأوصل الامارات بالسلامة راح انصبلي خيمة عند محلك عشان خاطر ستريت فايتر اديشن هههه

---

وعليكم السلام والرحمة
صح لسانك كلام سنع الصراحه

guiledisaster

هلا بالغالي والله .... هلا بجيووووووووووووووووول هههههههههههه

والله كلامك عين العقل وانته بالذات ماشاء الله عليك يبت الكلام المختصر والمفيد يعني شرحت كل شي بجمل صغيره

وبي بي سيلفر تراه هالريال من بوظبي ورغم قرب مسافه عالم الفرح منه بس انا كلمته شخصيا وقالي راح ايي عندك لانه نظافه المحل وصحه الناس فوق كل اعتبار لوووووووول

ويابومنصـــور يوم بتنصب خيمه انصبلي وياك واحده ثانيه لاني ناوي ابيت هناك هههههههههههههههههههههههههههههه

وانا بعد يا بوو منصوور لا تنسى اخووك النمووكس انصبلي خيمه بعد , ابغي العب اس اف 4 اركيد اديشين بعد ^^
اتمنى يكون عندك نظام البطاقة حق اس اس اف 4 حق اتطلع الالبسة و الالوان
عندك اذا امكن @بي بي سيلفر