(¯`·._) Karazhan على كرسي أعتراف World of Warcraft (¯`·._)

يا ناس شو يعني دوانية
يعني لازم تروحون لهذا المكان.

الدوانيه اهي غرفه بالبيت يسويها صاحب البيت لأصحابه يلتقون فيها ، وهذي مشهوره عندنا بالخليج ، وعاده ان كان صاحب البيت راعي دوانيه يسويها مستقله عن البيت ولها مدخل خاص و بحيث اهله لما يطلعون او يدخلون محد يشوفهم ، تكون ملتقى لأصحابه وفيها شاي وقهوه و عامل يقوم بالضيافه يعني ، وانا الحين اكلمج من الدوانيه ؛)

ابي الكلام اللي كاتبته مااروع هذا النوع من الناس ، هذا سؤال او مديح حقي او كلام مايخصني وكاتبته بالتوقيع او شنو ، انا شابك من التلفون وماادري اذا ملخبط الكلام عندي او كاتبه شعر

سؤال اخ كارزهان ولد بطنها


كيف البرد معاك ؟؟ ووش ينقصك بحياتك فعلا ؟؟؟


:

اقتباس:

---

المشاركة الأصلية كتبت بواسطة Karazhan

ابي الكلام اللي كاتبته مااروع هذا النوع من الناس ، هذا سؤال او مديح حقي او كلام مايخصني وكاتبته بالتوقيع او شنو ، انا شابك من التلفون وماادري اذا ملخبط الكلام عندي او كاتبه شعر

---

ههههههههههههههههههههههههههه
هذا تابع للتوقيع
و هو بالفعل كلام ينطبق عليك
قتلتني بالضحك

اقتباس:

---

المشاركة الأصلية كتبت بواسطة Cry Me A River

سؤال اخ كارزهان ولد بطنها


كيف البرد معاك ؟؟ ووش ينقصك بحياتك فعلا ؟؟؟


:

---

البرد شديد والله هاليومين اللي حتى بغرفتي ولابس دلاغات "جوارب" ورجولي مثلجه احس لو اضربهم يتكسرون

واللي ينقصني بحياتي بصراحه وبدون لف و دوران زوجه احبها بس

سؤال بسيط بس لقافه !!

ويش سبب تسميتك للأسم Karazhan ؟

مادري والله

سألتني الاخت دوديت بالخاص "مالقيت الا هالاسم؟"

قلت اي شفيه ؟ اسم رايد ايام لفل 70 , قالت اي بس هذا اسمي كلبي الروت ولر بعد

فأنا يعني ماادري شنو اقول , فقلت يلا اثنينا اسمنا كارزان


عاد انا توهقت بالاسم مادري شنو اختار و مر في بالي كرزان لأن باللعبه كرزان من احلى الرايدات عندي

اذا عندك واسطه تخليني اغيره من كرزان الى روت ولر قصدي ولد بطنها قولي

ومستعد اعطيك 100 جولد بس تنقل سيرفر تويلايت همر عشان تستلمهم

بالنسبه لموضوع الارض .. ما ابي اتوسع هنا فيه ونلف الموضوع , لنا جلسه تحشيشيه مع بعض ونتوسع فيه اكثر ان شاء الله .. بس عندي حاجه ثانيه

اقتباس:

---

العيد الماضي حاط راسي ونااايم احلى نومه , عشان انحاش ما اعطي عيادي , وتوني ادري انهم مختلفين منك , بس انا اقول علماء الفلك الاجدر لان تخصصهم , يعني اكيد انت سامع عن العجيري هذا الرجل كله يطلع صح ومايصدقونه هيئه الرؤيه الشرعيه ويمشون على رأيهم بالنهايه يطلعون غلطانين

مو عشان عالم دين يكون فاهم بكل الامور , انا اقول يصير تنسيق بينهم ويتفقون على يوم عشان مايوهقون العالم

---

بالنسبه للجواب هذا , كان المفروض من البدايه اوضح لك الصوره كامله .

في ذيك السنه , رجب كمل 30 , وشعبان كمل 30 , جاء الاختلاف على رمضان

علماء الدين قالوا ان رمضان 29 , وهذه ما فيها مشكله
علماء الفلك قالوا ان رمضان 30 , واللي شفتوه زحل ومو الهلال ,
المشكله ان اذا كمل رمضان 30 , شوال ﻻزم يصير 28 . وهنا المشكله اللي ما حسبوا لها الفلكيين حساب .

يعني الان , مع من انت . ؟ مع العلم ان كثير من الناس وقفوا مع الفلكيين . بس انا تماما مع شيوخ الدين !


سؤال ثاني , عبر عن شعورك عن وصول هذا اليوم , اللي هو اخر يوم لك بالكرسي , ومن ودك التالي ؟

ماعندي كلب روت ويلر كان عندي بت بول واسمه كرزان وحطيت صورته بس ما اذكر في اي قسم

1- كم يعيش الحب ؟
2- ما هي صيغة السعادة ؟
3- ما هو الشيء الذي لا يمكن غفرانه ؟
4- ما هو اهم الاختراعات ؟
5- كيف تقضي جل وقتك وأنت على الأنترنيت ؟ <`~ اللغة مقطعتك ..
6- من هو الشخص الأكثر مرحا من معارفك ؟
7- ما الذي يوجد في جيوبك الآن ؟
8- ما هي اللحظة التي إفتخرت فيها بنفسك حقا ؟
9- ما الشيء الذي تنفق عليه المال أكثر ؟
10- عرفت تصور مكآن قعدتك , صور لنآ شنبك يَ عزيزي ..

يالله يالله جاوب بسسسرعه :D عشان نجلس واحد مكانك :D

اقتباس:

---

ماعندي كلب روت ويلر كان عندي بت بول واسمه كرزان وحطيت صورته بس ما اذكر في اي قسم

---

انا اذكرهـ في قسم الهوايات XD

اقتباس:

---

سؤال ثاني , عبر عن شعورك عن وصول هذا اليوم , اللي هو اخر يوم لك بالكرسي , ومن ودك التالي ؟

---

باقي إلى يوم الأحد lol

ههههههههههههههههههههههههههههههههههه

بدلية مخلخل قصدي مخلل وانت ما صدقت تمسك على واحد بدلية :09:

1- طقيت باب جاخور رفيجك ولا يطلع لك واحد شكله يخرع ( وجه مشقق / غترة عالكتف / نظرات خبيثة إلخ ) قلت له آسف مضيع الجاخور، قالك لا مايصير لازم اتقهوة عندنا وحلف عليك .. هل تدخل للجاخور؟ ولا تنحاش؟


2- دعمت سيارة بنت بالشارع قعدت تصارخ عليك عمى ماتشوف دايخ؟ حمار؟ شتسوي لها؟ اذا رديت عليها تقدر تتبلى عليك وتوديك بقضية شرف


3- البطاط شبس تاكله بشوكة ولا بايدك؟


4- السلطة تاكلها بايدك ولا بقفشة؟


5- المرق تصبه بقفشة ولا تصبه من الصحن؟


6- لي الحين تعتقد ان الجميع يحب مشاركاتك؟


7- لو أتى شخص وأخذ منك نجوميتك بالقسم؟ هل تستمر بنفس اسلوبك؟


8- لو أحسست ان الجميع لم يعد يضحك على مشاركاتك؟ هل تستمر باسلوبك الكوميدي؟


9- اذا رحت بقالة تنزل تشتري ولا تطق له هرن؟


10- هل تخلي معاك بطل سفن أب عائلة شايل قرطاسه بالدبة عشان تعبيه ماي من البرادات الي بالشارع لما تصير عطشان؟


11- هل تشتري بدلاتك من المحلات الرخيصة الي كلها تقليد ( حتى خيوط البدلة طالعة ) ولا تروح محلات كشخة وكل شيء ماركة؟


12- ملابسك الداخلية من البسطات ولا المحلات؟


13- اذا طلعت لمشوايرك العادية تلبس غترة وعقال وتكون رسمي ولا جريمبا او طاقية ولا مطلع الشعر؟


14- اذا الجو كان بارد شنو تلبس على الدشداشة وانت طالع؟ بشت؟ فروة؟ جاكيت عادي؟ جاكيت الماتركس ( الي يوصل لي ركبتك ) ولا شنو بالضبط؟


15- اذا بتسولف مع بنت شنو اول موضوع تفتحه معاها؟ تصدقين اليوم برد؟


16- لما تمشط شعرك تغني؟


17- اذا استخدمت كلينكس تقطه على طول ولا تخليه بجيبك عشان تستخدمه مرة ثانية؟


18- هل طبعك راعي مواجيب؟ يعني كل مناسبة موجود؟ عرس-عزا-دفان-تمايم؟ ولا بس اذا لك خلق او احد يصيرلك؟


19- اذا قعدت بدوانية هل انت الي تكون ماسك القعدة؟ يعني انت راعي السوالف ولا بس شغلتك تكون مستمع؟


20- اذا مثلاً حشيت صمونة او توست بككاو نوتيلا هل تلحس القفشة؟


21- اذا لعبت مع واحد دوري ياباني ( سوني ) هل تزيد طاقات اللاعبين قبل المباراة؟


22- اذا لعبت مع واحد سوني بشريط مايعرفه، هل تعلمه كل الحركات؟ ولا ماتقوله كل شيء عشان ما يفوز عليك؟


23- هل نظامك تخلي اظفرك الي بآخر اصبع طويل؟ يعني طالع بحركة


24- تعرف تقشر فواكه باظافرك ولا لازم سكين؟


25- اذا فتحت الآيسكريم تلحس القرطاس؟


26- اذا طلبت مطعم تقوله كثر كتشب ومايونيز عشان تخش الزايد بالثلاجة؟

بما ان هذي اخر اسئله لي يالله جاااااااااااااااااااااااوب !!

اقول

يسلم عليك دريقور http://www.riyadhmoon.com/vb/images/...smilies/65.gif