رد: (¯`·._) Karazhan على كرسي أعتراف World of Warcraft (¯`·._)
السلام عليكم ، ياشباب انا مااقدر ارد الحين لأني بالجاخور واللي عنده شي يقول قبل نهايه الوقت ، وانا ان شاءالله ان رجعت رديت عليكم حتى اذا خلص الوقت مو مشكله ، واذا خلص الوقت وتصويت على شخص انا اطلب من الملايين نزحف للتصويت على ديروفر ابو 120 سؤال في يوم واحد ، ابي اشوفه بالكرسي واكسر عظامه ، derover التالي ، مو تصير خيانه بعد ترى ان صارت خيانه ماراح ارضى عنكم
رد: (¯`·._) Karazhan على كرسي أعتراف World of Warcraft (¯`·._)
تقبلوا تحياتي وقبلاتي و تحيات وقبلات كل المصبنه اللي معاي بالجاخور وعلى رأسهم بندر المصبنجي الكبير و زعيم مصبنه الجواخير بالكويت و رئيس نقابه الشوارب و مؤسس ورئيس حزب عزوبيه بلا حدود و نائب الرئيس في كتيبه نظفوا الارض من الصقعات ، المسميات كثيره نكتفي بالقدر هذا لأن العشا طاح ، سلملم
رد: (¯`·._) Karazhan على كرسي أعتراف World of Warcraft (¯`·._)
اقتباس:
المشاركة الأصلية كتبت بواسطة OLD SNAKE 19
بالنسبه لموضوع الارض .. ما ابي اتوسع هنا فيه ونلف الموضوع , لنا جلسه تحشيشيه مع بعض ونتوسع فيه اكثر ان شاء الله .. بس عندي حاجه ثانيه
بالنسبه للجواب هذا , كان المفروض من البدايه اوضح لك الصوره كامله .
في ذيك السنه , رجب كمل 30 , وشعبان كمل 30 , جاء الاختلاف على رمضان
علماء الدين قالوا ان رمضان 29 , وهذه ما فيها مشكله
علماء الفلك قالوا ان رمضان 30 , واللي شفتوه زحل ومو الهلال ,
المشكله ان اذا كمل رمضان 30 , شوال ﻻزم يصير 28 . وهنا المشكله اللي ما حسبوا لها الفلكيين حساب .
يعني الان , مع من انت . ؟ مع العلم ان كثير من الناس وقفوا مع الفلكيين . بس انا تماما مع شيوخ الدين !
سؤال ثاني , عبر عن شعورك عن وصول هذا اليوم , اللي هو اخر يوم لك بالكرسي , ومن ودك التالي ؟
اسف على التأخير والله لكن انشغلت هالفتره حيل وماقدرت ادخل دخله محترمه كله من تلفوني ولا اعرف ارد منه رد ذرب
شوف ومن الاخر احنا بالكويت دايم يختلفون الهيئه و العجيري , وباليوم الاخير تشوف العجيري طالع بالجريده و حاط جدامه مجبوس دجاج وياكل واحنا صايمين
بالنهايه يطلع اهو صح , دايم جذي تصير , لكن احنا نتبع هيئه الرؤيه الشريعه , ويقول المثل مادري اذا عندك هالمثل بعد يقول قطها براس عالم واطلع سالم
العلماء يتحلمون غلطته الناس اللي تمشي عليهم
انت شوف منو العالم و روح قطها براسه واذا غلط اهو يتحمل
رد: (¯`·._) Karazhan على كرسي أعتراف World of Warcraft (¯`·._)
اقتباس:
المشاركة الأصلية كتبت بواسطة Dudette
ماعندي كلب روت ويلر كان عندي بت بول واسمه كرزان وحطيت صورته بس ما اذكر في اي قسم
بت بول وله روت ويلر اثنينهم جلاب والجلب نفس لقبي يعني لو ازورج بالبيت وتقولين كارازان انا والجلب نلتفت نشوفج
يلا اخر عمري اصير سمي جلب
الله يسامحج لو ساكته جان احسن
منو عنده واسطه ياشباب تغيير نك ؟ راحت ايام ابو راشد والله اللي من اقول شي يدزلي خاص يقولي آمر
راحت ايامك والله حزنت يوم شفت استقالتك , وله لو معطيني كل الاوسمه + نك ذهبي و مستقيل
بس صج والله حزنت كان نعم الصديق مو انتوا 10 سنوات معاكم حتى محد عزمني بطاط فلافل
رد: (¯`·._) Karazhan على كرسي أعتراف World of Warcraft (¯`·._)
اقتباس:
المشاركة الأصلية كتبت بواسطة Fluta
1- كم يعيش الحب ؟
يعيش لما يموت احد الطرفين المشاركين بالحب , لحد يقص عليك يقولك اذا مات واحد الثاني يعيش طول عمره حزين و يقعد بروحه لين يموت او ما ياكل او يشرب ويمرض ويموت , هذا مجنون نفس قيس , قيس ترى مجنون مو عشان الحب صار جذي , وله ليش ماتزوج ليلى واهلها ماعطوه واهو يمكن ولد عمها , ولو تشوف قصته تشوفهم مع بعض ويلتقون وكل شي تمام بس ماتزوجها لأنهم ما رضوا و ولا اهي رضت فيه
هذا يخليك تعرف ان 100% قيس في شي و فيه بلاء مايخليهم يزوجونه ليلى , وانا وانت والناس يسمعون قصته بالحب فقط و اشعاره , لكن يمكن لو يرجع الزمن وتروح للزمن اللي عاش فيه وتشوفه شوف العين تقول ما الومهم مايزوجونه , لأنه يمكن يطلع مثلا مجنون رسمي او يفشل محد يرضى يقعد معاه او عربجي او شي جذي يعني , وله ليش كل هالحب والاشعار والقصص وماتزوج منها ؟ فكر فيها
2- ما هي صيغة السعادة ؟
السعاده لو الكل يحبك ويحترمك هذي تكفي انها تخليك سعيد طول عمرك , مو حب شهره او مصلحه , يعني مو تدخل التمثيل وتصير مشهور وتدق علينا الثقل وتروح تشوف كل العالم يحبونك و ودهم تصور لهم شلون تاكل وتشرب وانت رايح تتسوق و الشهره اللي تدخل سوق كل البنات طق عصي عليك , اذا ابتلش فيهم وتبي بودي جارد انا حاضر اصير بعد مندوبك للجنس الناعم
يعني لما يحبونك الناس من اخلاقك و طيبتك واحترامك المتبادل معاهم صدقني ماراح يضيق خلقك الا لما تتسحك تواير , يعني بالامور هذي تحزن لكن الامور الثانيه وناسه
3- ما هو الشيء الذي لا يمكن غفرانه ؟
ماكو شي بالنسبه لي لايمكن غفرانه
4- ما هو اهم الاختراعات ؟
المكيف حبلي خشمه بالنيابه عني ان شفته
5- كيف تقضي جل وقتك وأنت على الأنترنيت ؟ <`~ اللغة مقطعتك ..
يعني انت قاط بدليه وصايدها على روحك ؟ اسمه انترنت , اقضي جل وقتي في جوجل واليوتيوب , يعني يمكن تدخل فتره اسبوع تشوف اسمي موجود بالمنتدى , تقول هذا ما ينام او يمل من المنتدى , اكون حاط اسمي وابحث بالنت عن شغلات كثيره واقرأ كتب و الموسوعه وغيرها مثل اليوتيوب اشوف محاضرات ابو اسحاق الحويني و طه الدليمي , يعني مااكون بالمنتدى كل الوقت , بس ارجع كل فتره وفتره اشوف اذا احد يكلمني او جذي يعني
6- من هو الشخص الأكثر مرحا من معارفك ؟
خالد اخوي واللي انا مااجي عنده 1%واخوي خالد اكبر مني بسنه ويقعد بنفس الدوانيه اللي اقعد فيها يعني ربعنا نفسهم , واهو اللي ان دخل الدوانيه تكلم الكل يسمع من حلاوه طرحه ودعابته
7- ما الذي يوجد في جيوبك الآن ؟
ماعندي جيوب قاعد على فانيله وسروال
8- ما هي اللحظة التي إفتخرت فيها بنفسك حقا ؟
لما ابطلت المذهب الاثناعشري بسؤال واحد فقط
9- ما الشيء الذي تنفق عليه المال أكثر ؟
السفر والاكل "مطاعم يعني"
10- عرفت تصور مكآن قعدتك , صور لنآ شنبك يَ عزيزي ..
ان شاء الله بالقريب العاجل
رد: (¯`·._) Karazhan على كرسي أعتراف World of Warcraft (¯`·._)
اقتباس:
المشاركة الأصلية كتبت بواسطة Yoshimetsu
1- طقيت باب جاخور رفيجك ولا يطلع لك واحد شكله يخرع ( وجه مشقق / غترة عالكتف / نظرات خبيثة إلخ ) قلت له آسف مضيع الجاخور، قالك لا مايصير لازم اتقهوة عندنا وحلف عليك .. هل تدخل للجاخور؟ ولا تنحاش؟
مااشرب القهوه العربيه , استكانه شاي منعنش :) واقوله اكرمكم الله بس جاخور حميد الاعرج وينه بالضبط "لأن الجاخور اللي اروحله مال حميد هذا" واهو معروف يعني , اذا حاول المصبنجي يعني يوريني الحمام فوق السطح اقوله ترى انا من معارف حميد و يتركني على طول لأن حميد هذا من كباريه الجواخير ومعروف حتى
في جواخير امريكا , حميد هذا ان جيت الكويت روح الجواخير وقول تعرفون حميد الحجري او الاعرج او حوار "حوار ولد الناقه" شرط يقولولك نعرفه انت شعرفك فيه ؟ لأنهم يستغربون واحد ابيضاني مربرب يسأل عن الحجري غريبه
2- دعمت سيارة بنت بالشارع قعدت تصارخ عليك عمى ماتشوف دايخ؟ حمار؟ شتسوي لها؟ اذا رديت عليها تقدر تتبلى عليك وتوديك بقضية شرف
شوف انا بالحالات هذي مااهتم يعني انزل من السياره طبيعي واشوف الحادث والاضرار وكأنه مو انا اللي مسوي حادث , اذا قعدت تصارخ وتسب راح استنفر واقولها انا كنت بصلحلج لكن الحين بوسي كوعج اصلح و يلا دقي عالشرطه , وكل كويتي ملم بالقانون والسوالف هذي يعرف ان اذا صار حادث و تحول الى قضيه
بالنهايه يصدر حكم "كل واحد يصلح لنفسه" و تدفع الحق العام 20 دينار تقريبا "انت واللي مسوي الحادث" تدفعهم بالمحكمه و تتوكل على الله تصلح سيارتك حتى اذا كنت الغلطان
عرفت شلون , يعني البنت هذي لما تتصل على الشرطه , واذا كانت حلوه يقولها الشرطي يعني يبي يضبطها يقولها قوليله يصلحلج بدون قضيه , لأن لو قضيه وجذي راح تطول وبالنهايه كل واحد فيكم يدفع 20 دينار الحق العام وكل واحد يروح بيتهم وكأنه ماصار شي
الا بحاله وحده بس اذا كان دفتر السياره منتهي , يعني البيمه منتهيه هذا يروح فيها , حتى لو اهي البيمه منتهيه وانا غلطان اهي تصلحلي غصب بالمحكمه , اقدم فواتير مثلا 1000 دينار قيمه التصليح والقاضي يأمر بدفع المبلغ لي من صاحب البيمه المنتهيه حتى وان كان مو غلطان
يعني يا انها تحترم نفسها بالبدايه او تكون عارفه هالشي وتكلمني بأسلوب محترم عشان افكر اصلح لها او لأ
3- البطاط شبس تاكله بشوكة ولا بايدك؟
كل ما اشتري وجبه جكن فليه يحطون بالعلبه نفسها الصمونه والبطاط والكتشب وانا دايم لما اكل البطاط بأيدي اشوف تحت البطاط تكون الشوكه مخشوشه , طبعا بأيدي او شوكه مو مهم المهم اني اكل بطاط
4- السلطة تاكلها بايدك ولا بقفشة؟
شوكه او قفشه, مره اكلت بأيدي وصكني تسمم , مادري السلطه منتهيه او ايدي منتهيه
5- المرق تصبه بقفشة ولا تصبه من الصحن؟
ملاس صغير خاص للمرق
6- لي الحين تعتقد ان الجميع يحب مشاركاتك؟
اللي يحب مشاركاتي يمكن 2 او 3 بس والباقي عادي عندهم اشارك او لأ , هذا اللي اشوفه جدامي , مادري اذا ناس تتابع و تحب تتابع بصمت , لكن مافكرت يعني بيوم ان الناس تدخل عشان تتابعني وتحب مشاركاتي
7- لو أتى شخص وأخذ منك نجوميتك بالقسم؟ هل تستمر بنفس اسلوبك؟
الجواب هذا بكتبه بسؤال 8
8- لو أحسست ان الجميع لم يعد يضحك على مشاركاتك؟ هل تستمر باسلوبك الكوميدي؟
انا يااخي الكريم ما اتصنع الكوميديه والله ترى هذا اسلوبي هني و بره المنتدى مع ربعي يعني , انا قلت اني مختلف بين المنتدى وخارج المنتدى مع الناس اللي يعني ماتكون علاقتي معاهم علاقه قويه مثل ربعي اللي اقعد معاهم كل يوم من 25 سنه , لكن اسلوبي اهو نفسه والكوميديا هذا والله اني اشوفها عاديه ولا اقعد امثل عشان الناس تضحك او شوفوني ترى انا النكته بالمنتدى , اهو شي طيب لما يضحكون وترسم البسمه على وجيهم لكن مو اني اكون كوميدي 24 ساعه من 7 سنوات , واذا طلع واحد اخذ نجوميتي ما اعتزل لأن الهدف لعبه , و في ناس اشوفهم افضل مني وماراح اعدد اسمائهم ولكن عندك مثلا وورشيف يضحكني دايم
طبعا له مشاركات مليييييغه حدها ولكن اغلب مشاركاته يضحكني فيهم , هذا واحد و في اكثر بعد بس مابي اقول اسمائهم عشان ما يدقون الثقل علي و يستغلون نفسهم عشان ياخذون النجوميه مني وبعدين شلون احصل لقمه عيشي هني
9- اذا رحت بقالة تنزل تشتري ولا تطق له هرن؟
ادق هرن , الهرن ليش مسوينه يعني ؟ عشان تسلم بس , طاط وترفع ايدك , عشان تنادي راعي البقاله , و تبي احسن هرن , روح شارع الزينه بالشويخ و اسأل محلات الزينه هناك عن هرن قطار او بواخر , ركبه على سيارتك و يركب معاه مكينه هواء بعد عشان يشتغل , و تمشى بشارع كله دواوين وحاطين كراسي بره البيت وقاعدين عليهم , تمشى شوي شوي ولما توصل عندهم دق هرن وشوف شلون يتطامرون :)
بس شرط انك تخلي البوق مال الهرن صوبه يمين عشان لما تصير الدوانيه يمينك يكون وجه البوق صوبهم , هذا راعي وانيت مره سواها فينا جذي طير قلوبناركب الهرن وروح بقاله اصفط ودقله هرن عادي واذا ماطلع دق الهرن هذا خله يجيك زعلان واول مايوصل عندك دقه له خله يطمر
10- هل تخلي معاك بطل سفن أب عائلة شايل قرطاسه بالدبة عشان تعبيه ماي من البرادات الي بالشارع لما تصير عطشان؟
ايام السيدرك اي بطل سبرايب مو سفن اب , والله بديت اشك انت تعرفني معرفه شخصيه يااخي
المهم عندي كان بالدبه لأن كان الراديتر يخر ماي
11- هل تشتري بدلاتك من المحلات الرخيصة الي كلها تقليد ( حتى خيوط البدلة طالعة ) ولا تروح محلات كشخة وكل شيء ماركة؟
لا شغلي من محلات معروفه وماركات , لبسي كله من تايلند بس اصلي يعني مو بو 99 بات
12- ملابسك الداخلية من البسطات ولا المحلات؟
هم ماركات
13- اذا طلعت لمشوايرك العادية تلبس غترة وعقال وتكون رسمي ولا جريمبا او طاقية ولا مطلع الشعر؟
90% شعر اما اذا مواعد واحد يتوسطلي مثلا عضو او شي اروح مغتر لكن المشاوير العاديه مفرع
14- اذا الجو كان بارد شنو تلبس على الدشداشة وانت طالع؟ بشت؟ فروة؟ جاكيت عادي؟ جاكيت الماتركس ( الي يوصل لي ركبتك ) ولا شنو بالضبط؟
اي هذا جاكيت الماتركس على قولتك , مفصل بالطو لي الركبه من تايلند لو انك موصيني جان فصلتلك واحد بعد , قبل ماكنت البس شي ولكن ان رحت البر البس جاكيت مال الجيش الكويتي ماخذه من اخوي موظف هناك ويعطونه واهو يعطيني , اهو اخوي خالد اللي قلتلك عنه مادري قلت للي قبلك
دوختوني من كثر اسألتكم مادري منو اللي يسأل
15- اذا بتسولف مع بنت شنو اول موضوع تفتحه معاها؟ تصدقين اليوم برد؟
انا دفش من اول مكالمه اقولها دزي صورتج , وطبعا مثل ماانت عارف تصريفه و مااشوفها تدق مره ثانيه
16- لما تمشط شعرك تغني؟
لأ
17- اذا استخدمت كلينكس تقطه على طول ولا تخليه بجيبك عشان تستخدمه مرة ثانية؟
اذا عندي غيره اقطه واذا ماكو غيره احاول احتفظ فيه لين ينشف اللي فيه واستخدمه مره ثانيه على اقل من مهلي , واذا راح فيها اقطها واستخدم طرف دشداشتي اللي تحت صوب الجفسه لأن الخام مدوبل ومايبي ان استخدمته :) شرايك فيني مصبنجي ذكي ؟
18- هل طبعك راعي مواجيب؟ يعني كل مناسبة موجود؟ عرس-عزا-دفان-تمايم؟ ولا بس اذا لك خلق او احد يصيرلك؟
لا انا النهار نايم وتطوفي اشياء كثيره واتحسف عليهم , لكن مرات لي خلق اروح ومرات لأ
19- اذا قعدت بدوانية هل انت الي تكون ماسك القعدة؟ يعني انت راعي السوالف ولا بس شغلتك تكون مستمع؟
مستمع وارد ان كلموني واذا محد كلمني اظل طول القعده مستمع اللهم الا اذا في موضوع بيني وبين احد
20- اذا مثلاً حشيت صمونة او توست بككاو نوتيلا هل تلحس القفشة؟
عموم الككاو ما اكله
21- اذا لعبت مع واحد دوري ياباني ( سوني ) هل تزيد طاقات اللاعبين قبل المباراة؟
رفيجي راعي هالسوالف انا بس اختار البرازيل والعب , اهو يقولي لحظه خلني ازيد حماس اللاعبين , الظاهر اهي اللي تقصدها , اهو نفسه بندر وعندي صوره بحطها تحت واهو يلعب سوني بالجاخور
22- اذا لعبت مع واحد سوني بشريط مايعرفه، هل تعلمه كل الحركات؟ ولا ماتقوله كل شيء عشان ما يفوز عليك؟
مالعبت الا كره بس ومع ناس يعرفون , انا كل العابي تكون للاعب واحد
23- هل نظامك تخلي اظفرك الي بآخر اصبع طويل؟ يعني طالع بحركة
لا
24- تعرف تقشر فواكه باظافرك ولا لازم سكين؟
اي بس افضل السكين اقشر البرتقاله واسوي قشرتها حيه او التفاحه امسها بيدي "يعني تمسكها باباطك" واقصها بالطول شريحه شريحه واكلها , يعني مو اقصها شرايح , اقص منها واكل وبعدين اقص شريحه ثانيه واكل وهكذا
25- اذا فتحت الآيسكريم تلحس القرطاس؟
لا , جان قلت تاكل القرطاس والعود اللي عليه البرد
26- اذا طلبت مطعم تقوله كثر كتشب ومايونيز عشان تخش الزايد بالثلاجة؟
لا لأن عندي ثلاجه خاصه فيني وفيها انواع مايونيز وكتشب
بما ان هذي اخر اسئله لي يالله جاااااااااااااااااااااااوب !!
اقول
يسلم عليك دريقور http://www.riyadhmoon.com/vb/images/...smilies/65.gif
الله يسلمه ويسلمك
الفروض تعطونه فلوس على الاسأله المسكين
7 مرفق
رد: (¯`·._) Karazhan على كرسي أعتراف World of Warcraft (¯`·._)
ملف مرفق 0
هذا قلاصاتنا للحليب مع هيل انا ورفيجي , حتى بالجواخير نستخدم قلاصات الجبن
ملف مرفق 348000
وهذا قلاصي و اصابعي ماسكين رمز المرجله لأن بأعتقادنا ان اي صوره مافيها طالع باكيت زقاير او زقاره تكون مالها معنى
ملف مرفق 348001
هذا اللي رجوله مبينه قريب انا واللي يسار بندر يلعب كره قدم , بالديره ذابحنا نروح كل يوم قهوه عشان نلعب وبالجاخور بعد يبينا نلعب , وغصب نلعب معاه لأن اذا محد لعب معاه يقوله تعال نشوف الحمام عندي خوش زاجل هولندي فوق السطح
ملف مرفق 348002
هذا حميد الاعرج او الحجري او حوار واهو يفكك الهمبجرر لازقين ببعض مثل ماانتوا عارفين , وشوفوا الصمون المدور المسمسم "بذمتك مو صمون مثلث" ولأنه درجه الحراره عندنا 7 حاطينهم عند الفحم عشان يحترون
ملف مرفق 348003
هذا الاعرج وبندر يعدلون الشبك مال الشوي لأن مو راكب عدل
ملف مرفق 348004
وايضا يعدلون فيها اليمين الاعرج واليسار بندر , ملاحظه بندر عيارته مندوزه او الجبنه
ملف مرفق 348005
وهذا المبجرر بالشوايه على الفحم
ملف مرفق 348006
اكل مش حالك المهم تسد الجوع
ومن هذا المنطلق ان شاء الله راح اسوي موضوع خاص فيه كل الالبومات والصور الخاصه فيني , اذا ماقدمت استقاله يعني
رد: (¯`·._) Karazhan على كرسي أعتراف World of Warcraft (¯`·._)
الباتش اللي نزل رحمك
كلهم راحو يلعبون ونسوا الأسئله ههههههههههه
رد: (¯`·._) Karazhan على كرسي أعتراف World of Warcraft (¯`·._)
اي والله
صادق الباتش كأنه رصاصة الرحمة
(:
رد: (¯`·._) Karazhan على كرسي أعتراف World of Warcraft (¯`·._)
أنا أقترح كتعويض انه الكراسي القادمه كلها تكون محجوزه لولد بطنها
لأنه باين ماشاء الله عنده استعداد للتعاون بدون ممارسة أي ضغط عليه
انا مستعد ومتنازل عن الكرسي وكله يهون عشان حبيبنا ولد بطنها مندوب الملك سجين السرداب المقهور فتى رحيمه :biggthump
رد: (¯`·._) Karazhan على كرسي أعتراف World of Warcraft (¯`·._)
فتى الجبل
فتى رحيمه وين قاعدين مستشفى
انا اسم لقبي فتى الجبل , مندوزه و الحجري والاعرج موجودين انا فتى الجبل
الى كل التلاميذ , انا مابي ديروفر خلاص ولا ابي اي واحد بعد ولكن ابي وورشيف الحين
كلكم وجهوا اصواتكم له
يتطنز على الملك عيني عينك ولا يرد عليكم وكأنه يقول مااشوف جدامي احد
صعدوه الكرسي واتركوا الباقي علي و على اخوكم ديروفر
رد: (¯`·._) Karazhan على كرسي أعتراف World of Warcraft (¯`·._)
بس اذا تبي الصج ماراح نستانس جذيه اذا احد غيرك قعد على الكرسي
رد: (¯`·._) Karazhan على كرسي أعتراف World of Warcraft (¯`·._)
ماكو بالبلد الا هالولد
اسبوع غاسلين شراعي شنو تبي بعد
ماعندك انسانيه قلبك حجر لا تخليني اوجه التصويت عليك
رد: (¯`·._) Karazhan على كرسي أعتراف World of Warcraft (¯`·._)
يغلق الموضوع اليوم مساء ,
رد: (¯`·._) Karazhan على كرسي أعتراف World of Warcraft (¯`·._)
تلاميذك خانوك شلون تبي فزعتهم مره ثانيه
الكرسي زي ماقال العضو اكس موون ما يحلى بدونك ياروحي ياولد بطنها
تصويت من الكل
تثبيت ولد بطنها على كرسي الحكم
أقول أحد شاف دوديت مالها حس عسى ماشر