[ الموضوع الرسمي ] FINAL FANTASY XII - انطباعات + اراء + استفسارات

مراحب يا شباب اسمحولي اشارك معكم بما اني مقطن ومن زمان ما شاركت <== ما يطلع الاخ الا اذا وصل فاينل جديد او ريزيدنت ايفل جديد ههههههههههههههه

انا الحين يا طويلين العمر والسلامه اخذت اول وحش استدعاء ورجعت للمدينه الاولى وجالس افرفر اصيد وحوش ولا اضبط دروعي وليفيلي 17 احس اني افوز على الوحوش على الحفه مع اني ما ابقى وحش بالمرحله ابد ههههههههه

على فكره يا شباب بنسوي صندوق للتبرع لمساعده اخواننا الجدد في اللعبه و اولهم انا ههههههههههه بما ان الفلوس اهم شي باللعبه

بالنسبه للاكسسوارات مدري ما عطيتها اهتمام بس جالس اردد ناويلك على نيه ههههههههههه

انا الحين اخذت حركتين قاضيه وحده لجاك سبارو على قولة واحد من الشباب والثانيه لباش والاستدعاء لشخصيه فان الي من يوم عرفنا ان اخوه مات ببدايه اللعبه وهو غايب عن الصوره مدري شكله مكثر فول هههههههههههه

بس ياليت والله يصير فيه تركيز شوي على الشخصيات اكثر وخاصتا فان وجاك سبارو احس ان قصته من قصص الف ليله وليله ههههههههههههههههه ودي اشوف ماضيه الصراحه

اقتباس:

---

أنا وصلت عند الوحش الناري اللي يطير بعد ما تعدي منصات النفط
ياخي يقعد يهجم (بدون كلل ) ولا يعطيني فرصة أهاجة
قتل كل البارتي وطفيت البلاي ستيشن
ايش أسويله

---

والله ياخوك ركز على فران وفاسل وجاك سبارو لانهم يضربون بالهوا صح وحط الشخصيات الباقيه هيل وبس ولو تزيد شوي الليفل ما يمنع وراح يكون شهل مره الوحش والله الله بالبلاك ماجيك

اقتباس:

---

انا الحين وصلت عند زعيم قويه طاحوو حواجبي وانا قاعد ادور على ستراتيجيه مناسبه ومادري جم طاقته بضبط لاني نقصت منه وايد على ماعتقد اسمه (Ahriman)

---

ياخوك لا تقول كذا تخليني اسكر اللعبه واغيرها هههههههههههههههه خلقه المرحله الوحده ثلاث ولا اربع وحوش وبطلعت الروح نفوز عليهم وكل واحد له استراتيجيه بس تحس انك مسوي انجاز اذا فزت عليهم ههههههههههههه

دشيت الموضوع تعلقت صراحة :boggled:

أخوي Lumina جاك سبارو شو يابه باللعبة ؟؟ هذا حده في قراصنة الكرايبي :boggled:

وبعد شباب الحركات القاضية .. انا اشتريت حركة باش اسمها مدري شو Darkness ما اقدر اشتري الحركة ماله الشخصيات الثانية >_< ؟ ولا بس اقدر اشتري واحدة
لأنه يوم اشتريت حركة باش اختفت حركات الشخصيات الثانية من قائمة الـ Licences

شباب مافي أداة ولا شيء يسرع لي عداد الـ Attack ؟؟ بعض الوحوش لين ما يكتمل عداد الاتاك عندي يكونوا ضربوني ثلاثة مرات تقريباً :boggled: ...

وفيه وحوش بعد يوم اسوي عليهم Poison او Blind او من هالأسحار تختفى بعد وقت قصير جداً.. وهي مفروض تدوم لوقت طويل عليهم اما لو كان الوحش مسويها علي والله ما تروح الا يوم تداوي عمرك :D


انا الحين بالمدينة الثانية الصغيرة الى طايرة بالسماء, رحت اشتركت بأول مهمة قتل الوحوش والله ندمت :boggled: .. الوحش ثعبان أزرق كبير ومكانه بالأنفاق , ذبحنا في ثواني :31: .. وهذا بسببه سألت كل الاسئلة الى فوق بخصوص الأسحار وعداد الـ Attack لأنه عداده يمتلئ بسرعة والأسحار الخضراء ما تبقى عليه وقت طويل , اساساً هي ما تبقى اول ما اسوي عليه السحر يختفى في خلال ثواني

اقتباس:

---

أنا وصلت عند الوحش الناري اللي يطير بعد ما تعدي منصات النفط
ياخي يقعد يهجم (بدون كلل ) ولا يعطيني فرصة أهاجة
قتل كل البارتي وطفيت البلاي ستيشن
ايش أسويله

---

هذا بالضبط احد الرؤساء اللي تكلمت عنهم .. والحل بكل بساطة سحر Dark !!


تقدر تشتري سحر دارك حتى قبل ما تدخل على الرئيس ..( في محل يبيع أسحار واحد فوق شوكوبو قبل ما تدخل المعبد ) ..
واذا دخلت ... اقعد سويها بأقوى شخصية سحرية عندك ..( يعني تكون لابسة مايستك آرمور + عصا سحر اسود ) ..

وراح يموت بسرعة خيالية :D


___________
بالنسبة للموب هنت .. شباب انتبهوا للرنكات لكل وحوش ..مثل Rank I و Rank V ..

لأنه كل ما كان الرانك منخفض كل ما كان الوحش سهل ..


اما التنانين ..فلهم ميزة طول الـ HP ... وهذا احدا الأمور ألأخرى :أفكر:

انا حاليا وقفت على 3 موب هنت مستحيل أقتلهم ..

واحد طريقه كله وحوش لفل 40 وطالع :blackeye:
وانا لفل 23 ..
ومكتوب تصنيف الوحش رانك 5 V ...

وواحد ثاني ثعبان في الكارفين ...واجهته بس عليه ضرب خيالي ..بضربتين يقتل لاعب وسريع ..


اما الثالث فهو تنين ..
في أحد صحاري دالمسكا .. اعتقد الصحراء الغربية ..

المهم جبت قوته الى 60% .. بعدها مت ( شردت .. بس بعدين قتلت نفسي لأني ضيعت أدوات كثيرة :ponder: )

هو تنين غبي شوي عليه ضرب مثل هجمة على جميع اللاعبين 900 دمج .. ( تقتل لارسا بضربة ) ..

بس كان غبي شوي لأنه قعد يسوي حركة Imm مدري شنو ..وهي من الحالات السيئة ..وجلس يسوي سبام لها :p
وغير كذا انا خليت الليدر في جهة والباقيين من وراه ..عشان لو نفث النار حقته بس تجي في الليدر ( احدى أساسيات اللعب الخطيرة بهالجزء ) ..

اقتباس:

---

أخوي Lumina جاك سبارو شو يابه باللعبة ؟؟ هذا حده في قراصنة الكرايبي

---

عارف يالحبيب بس واحد من اعضاء المنتدى ذكرني فيه وشبه القرصان بجاك سبارو لزقته فيه وبس

اقتباس:

---

وبعد شباب الحركات القاضية .. انا اشتريت حركة باش اسمها مدري شو Darkness ما اقدر اشتري الحركة ماله الشخصيات الثانية >_< ؟ ولا بس اقدر اشتري واحدة
لأنه يوم اشتريت حركة باش اختفت حركات الشخصيات الثانية من قائمة الـ Licences

---

مضبوط اخوي الحركه اذا اخذته لشخصيه وحده ما الحركه راح تختفي لازم بالشخصيات الثانيه تكمل الخريطه حقت الليسنز وتطلع لك الحركات الثانيه وفيه تحذير اذا بغيت تضيفها لشخصيه يقولك انك تاخذها لشخصيه وحده بس ونفس الشي وحوش الاستدعاءات تركب لشخص واحد وبس

اقتباس:

---

وفيه وحوش بعد يوم اسوي عليهم Poison او Blind او من هالأسحار تختفى بعد وقت قصير جداً.. وهي مفروض تدوم لوقت طويل عليهم اما لو كان الوحش مسويها علي والله ما تروح الا يوم تداوي عمرك

---

فيه بالليسنز حركات لتطويل مده الحالات على الاعداء دور في اليسنز كثيره مره

اقتباس:

---

انا الحين بالمدينة الثانية الصغيرة الى طايرة بالسماء, رحت اشتركت بأول مهمة قتل الوحوش والله ندمت .. الوحش ثعبان أزرق كبير ومكانه بالأنفاق , ذبحنا في ثواني .. وهذا بسببه سألت كل الاسئلة الى فوق بخصوص الأسحار وعداد الـ Attack لأنه عداده يمتلئ بسرعة والأسحار الخضراء ما تبقى عليه وقت طويل , اساساً هي ما تبقى اول ما اسوي عليه السحر يختفى في خلال ثواني

---

ارفع الليفل وتمشي معك انشاء الله وقبل كل شي تاكد من الرانك حق الوحش اذا مرتفع خله بعدين اذا زاد الليفل

اقتباس:

---

شباب مافي أداة ولا شيء يسرع لي عداد الـ Attack ؟؟ بعض الوحوش لين ما يكتمل عداد الاتاك عندي يكونوا ضربوني ثلاثة مرات تقريباً :boggled: ...

---

هذا اعتقد يعتمد على مقدار السرعه عندك وهي speed
اعتقد يتتطور مع الليفل او اذا شريت دروع قويه
وبرضه في Licences فيه اشياء تاخذها تقلل من وقت الاكشن يعني اذا سويت سحر يمديك تسوي attack بسرعه بدون ما تاخذ وقت طويل

مشكورين شباب

خلاص الثعبان خليته يعرف انه الله حق :biggthump

رجعت نابراستر للمرة الثانية .. مسوي قوي وفرحان احسب انه الثعبان اقوي الوحوش باللعبة رحت عند البار طلع لي وحش تنين اقتله اسمه Wyfern Lord , ما واحيت ادش منطقته الا الولد طاير فوقي ويقتلني >__< No Way

اقتباس:

---

فيه بالليسنز حركات لتطويل مده الحالات على الاعداء دور في اليسنز كثيره مره

---

من ناحية اللايسنز هي محلولة بس المشكلة من وين تشتري الأسحار ؟؟ لأنه المحل الأسحار ما يجيبها الا يوم تتقدم في القصة كل مرة وانا محتاجها الحين ضروري..


انا الحين 13 ساعة لعب طبعاً العب بكل شيء الفرعي والرئيسي ولفلي انا والبارتي كلنا 12 بإستثناء فران لفلها 9 لأني ما اعطيها وجه :D , برأيك لفلي مناسب؟

السلام عليكم
بالنسبة للاداة التي تديل ال EXP موجودة في مدينة اركاديا لقديمة عند اول بياع في المدينة
exp يتم تدبيلة لشخص الذي استعمل الاداة فقط لذلك استعملها مع كل الاشخاص
أنا الآن موصل عند منطقة The Ancient City Of Giruvegan
للفل عندي لفان 60 مع بالذيير اش 58 البقية بين الاربعين والخمسين

عندي عقدة بالـ Gil أو الفلوس , قليلة جداً , مع أني وصلت لمرحلة جيدة من اللعبة وصبح اللفل 20

لكل شخصية , ولكن حتي الان لم تتجاوز النقود الـ3300 :blackeye: , ولم اشتري اي سلاح قوي منذ بداية

اللعبة غير سلاح واحد فقط :31: , هل من طريقة للحصول على نقود كثيرة , ارجوا اخباري بها.:33:

وشكراً

هلا

انا وصلت عقب ما نزلت من الطياره في الصحراء وحررت الاميره من السجن والبنت المخطوفه :D

ولفلي 12 وهزمت المذرع بوشعر ابيض :D

بس توهقت في طريقين سرت اليمين طلع طير كبير وقتل مجموعتي وشردت

شباب متى اقدر اشتري خاتم يدبل لك الـ EXP ووين وكم قيمته ؟

اقتباس:

---

المشاركة الأصلية كتبت بواسطة nash2

عندي عقدة بالـ Gil أو الفلوس , قليلة جداً , مع أني وصلت لمرحلة جيدة من اللعبة وصبح اللفل 20

لكل شخصية , ولكن حتي الان لم تتجاوز النقود الـ3300 :blackeye: , ولم اشتري اي سلاح قوي منذ بداية

اللعبة غير سلاح واحد فقط :31: , هل من طريقة للحصول على نقود كثيرة , ارجوا اخباري بها.:33:

وشكراً

---

اخوي الفلوس في ها الجزء تعتمد على البيع ..

شفت الاشيا اللي تطيح من الوحوش .. بيعهن كلهن ..

ودام انك مابعت شي من بدايه اللعبه .. أبشر .. بتصير مليونير :biggthump

وبتحصلها موجوده في Inventory تحت اسم .. loop على ما اعتقد شي جذه ماذكر بالضبط ..
روح عند اي محل وبيعهن كلهن :)





شالسالفه شباب .. انا هذا باثلر مول ما استخدمه ... احس فران اقوى منه .. والا انا غلطان :31:

السلام عليكم


ممكن احد يساعدني



يوم تذبح اي وحش يعطيك اداة lp 1

بس سمعت صاحبي يقول في مدينة فران القطوة

عند البائع

لا شريتها تذبح اي شخص يعطيك بدال الواحد اثنين او مالقيت

فا وين القى هالاداة

الي يخليني احصل على lp وايد


منو الي ذبح الوحش الي عند الكهف وشلون

ممكن اتساعدوني

تكفون

سلام

اقتباس:

---

وبتحصلها موجوده في Inventory تحت اسم .. loop على ما اعتقد شي جذه ماذكر بالضبط ..

---

ما قصرت اخوي , شكراً

السلام عليكم..

اقتباس:

---

شالسالفه شباب .. انا هذا باثلر مول ما استخدمه ... احس فران اقوى منه .. والا انا غلطان

---

بالثيـر أفضل من فران بمراحل على الأقل بالنسبه لي..:)..وبعدي أحب المسدس أكثر من الأسهم..
يعني شئ متغير في المقاتلين أو شئ فريد من نوعه..مسدس..:D..

اقتباس:

---

ممكن احد يساعدني



يوم تذبح اي وحش يعطيك اداة lp 1

بس سمعت صاحبي يقول في مدينة فران القطوة

عند البائع

لا شريتها تذبح اي شخص يعطيك بدال الواحد اثنين او مالقيت

فا وين القى هالاداة

الي يخليني احصل على lp وايد


منو الي ذبح الوحش الي عند الكهف وشلون

ممكن اتساعدوني

تكفون

---

تـوني قبل شوي شريته..طبعاً مايطلع لك إلى بعد أن تهزم الزعيم التنين الضخم الأبيض..
أكيد عرفته..!..لازم تهزمه..وطبعاً هو راح يجيك مع القصه..:")..

سلام..

مشكور اخوي على الر د


بس اي تنين



تكفة لا تخرب علي اللعبة انا م و موصلة شلون اتقول اتعرفة:D


او في وحش بالكهف ماقلتلي عنه


حدة قوي

ذبحتة انت الي يقول اهو مع جم وحش صغار


سلام

اقتباس:

---

المشاركة الأصلية كتبت بواسطة Mar@dona

مشكور اخوي على الر د


بس اي تنين



تكفة لا تخرب علي اللعبة انا م و موصلة شلون اتقول اتعرفة:D


او في وحش بالكهف ماقلتلي عنه


حدة قوي

ذبحتة انت الي يقول اهو مع جم وحش صغار


سلام

---

على كلام الشباب انا للحين ما وصلت له

لكن تلقاه في القرية الي فيها ربع فران اعتقد :33:

واذا تبي تتاكد ارجع صفحات ورا ;)