بطولة الإمارات في ستريت فايتر 3 ثيرد سترايك

مشكور سانادا ماتقصر

بالنسبة للأركيد ستيك...فخلاص...أنا عندي tournament edition والسويدي عنده وحده وهذيله من أفضل الأركيد الموجودة فماعتقد أحد يقدر يعترض عليهم :) كل الي نحتاجه هو جهاز بلاي 3 يشغل ألعاب البلاي 2 وإذا مالقينا هني لو ممكن تعيرونا الي عندكم ليوم البطولة فقط...بس إن شاء الله نحصل واحد قبل البطولة...وبالنسبة للوظائف فبقدم الإقتراح بعد ماحط لسته القادة وهي كالتالي:

Rizu
Envy Mask
Forqan
Momentum
Black Berserker
Sanadax
Big Boss
Alucard4ever
Shin Akuma
D3A

10 من أصل 30 لاعب بيدخل البطولة وبالتالي البقية الموجودة نعمل لهم تصنيف وإن شاء الله خير

بالنسبة للمهام...فتدبير اللاعبين على السويدي....موضوع القاعه علي....النظام والجداول على السويدي و A.Z ....التسجيل بالنسبة للفيديوز على ريزو...نتائج المباريات بسجلها +حساب وتقدير الوقت للبطولة....تقطيع الفيديوز ورفعها بيكون على ممممم ريزو :12: ....أما الوصف فبكتبه....الجداول ورفعها بعد إنتهاء البطولة بيكون على A.Z

:ponder: أتوقع كذا تمام والكل بيكون عنده شغله يسويها على الأقل بالتساوي هالمرة

بلاك ، ان شاء الله انا راح ادبر السوني 3 مع الشريط ...

لكن خبرني متى تباها حتى اطرشها مع اخوية ...

ان شاء الله بنحتايه وقت البطوله :)
و ان شاء الله جريب بعلن اسامي اللعيبه الي بيدخلون الدوري
----------
طبعا انا هالايام ادش ggpo و ماشوف حد غير rizu :) ف الي يبا يتدرب حياه يدش و ان شاء الله نشوفه و نتدرب وياه و خاصتن اني انا بديت العب بالاركيد يعني يا شباب لو تكخفت مشوها لاتفضحوني P: توني بادي استخدم اركيد ستيك D: و ان شاء الله احترف فيه ^_*

مرحبتين السويدي
فكرة حلوة بصراحة وهذا أفضل حل , يعني يكون صندوقين وفيهم أسماء اللاعبين مع الشخصيات والموزع بس الي يعرف كل صندوق شو فيه من الشخصيات .. من وين تيب هالأفكار الجهنميه ؟
بخصوص KO وين نحن ووين اليابانيين .. فرق شاسع
بحاول أدخل GGPO فخاطري العب ضدك وضد ريزو والمستوى نازل فأكيد باكل كم من بيرفيكت منكم :D

بلاك
العفو ومب مشكله أنا بييب اليد الي عندي أحتياط والسوني 3 والشريط بيكون على الوكارد لكن أنا بعد بييب لعبتي والشريط سبحان الله الجهاز ولا الشريط يصيرله شي .. محد يدري

افا عليك, و في فكره ثانيه اننا نروم نسوي اكثر عن بوكس و بوكس معين فيه لعيبه اكوما و بوكس معين لعيبه كين ,., مكوتو وجي و عقب فرضا انت اول واحد تسحب تختار التيم ف انت يورين و احتمال الاكبر ان ما بيظهر وياك اي متشابه لان مافي حد يلعب ف يورين و عقب ما تسحب ورقه من لاعب مستوي ( ب ) بيكون عندي مستوي ( سي ) و ها انت تختاره مب لازم راندوم ف جي انت بتختار واحد ما يلعب بيورين ف جي بتكون كملت فريق و عقب بنخبرك عن البوكس ليعبه مكوتو و بوكس لعيبه كين واكوما و انت الي تسوي السحب, لو ياك واحد يلعب ب اكوما و يبا يسحب ورقه من بوكس اكومه انت بتقوله ما يستوي لان ها نفس الكاراكتر و اتيبله و تخليه يسحب من اي بوكس غير لاعبه و هو بعد ما يعرف شو بسحب يا ريو يا كيو يا نيكروP: و جي السالفه
شرايكم ^_*

سانادا...تسلم والله

بالنسبة للشرايط فعندي واحد ياباني أصلي وواحد أمريكي أصلي...وواحد عند السويدي أيضا أمريكي

الحين اللاعبين الباقيين

ِA.Z (B)rate
Mousa (B) rate
Jaber(C) rate
Kenshin (B)rate
Darkzone (C) rate
Scoobie (C) rate
Shadi (C) rate
Muad (B) rate
Shin Goku (B) rate
Lee (B) rate
Tareq (C) rate
MOB (C) rate
Ashtray (C) rate
k9999 (B) rate
Sam (C) rate يمكن يشارك
Shingo (B) rate يمكن يشارك
Solid snake (B) rate لول ألوكارد والسويدي بيحاولون معاه :D
RogerM (A) rate احتمالية اشتراكه ضعيفه جدا لكن بنشوف...
Fahad (B) rate

البقايا السويدي بيدبرهم بعد مايتأكد من احتمالية اشتراك بعض اللاعبين وأول ماتثبت الأسامي كل واحد لازم يحط الشخصية الي بيلعب بها ونخلص من القرعه من وقت عشان الكل يعرف فريقه على الأقل قبل البطولة بأسبوعين

يالله في واحد اسمه ايمن ( صنقح لولو ) لان في 2 ايمن
ايمن الثاني رمسته اليوم و قالي بيشترك لاكن لازم اشوف مستوايه
ايمن الاول الي هو ( صنقح لولو ) LEVEL B

اقتباس:

---

المشاركة الأصلية كتبت بواسطة MoMeNTuM

يالله في واحد اسمه ايمن ( صنقح لولو ) لان في 2 ايمن
ايمن الثاني رمسته اليوم و قالي بيشترك لاكن لازم اشوف مستوايه
ايمن الاول الي هو ( صنقح لولو ) LEVEL B

---

:boggled: وتقولون Ashtray نك نيم غريب :D على فكرة معصب من النك نيم حقه ومهددني إذا ماغيرته ماراح يشارك :D الطفاية راح يشارك بهالإسم غصب عنه :biggrin2:

حلو حلو...شوف المستوى وعطنا لستة اللعيبة الي بيشاركون مية بالمية من وقت عشان كل واحد يحط شخصيته ونسوي القرعه وإن شاء الله تكون بدون مشاكل

و بلاك غريبه كيف نسيت اخوي SparK Level B

يعني لو كل هايله اشتركو و ان شاء الله يشتركون بيكون عددنا 32 و بينصقنا لاعب عشان نكون 33

اقتباس:

---

المشاركة الأصلية كتبت بواسطة MoMeNTuM

و بلاك غريبه كيف نسيت اخوي SparK Level B

يعني لو كل هايله اشتركو و ان شاء الله يشتركون بيكون عددنا 32 و بينصقنا لاعب عشان نكون 33

---

ممممم صعبه...اتوقع الي بيشاركون مية المية بالكثير 10 فرق.....طيب كيف النظام الحين؟ عشان أحسب الوقت من الحين...والأحسن في البداية الكل يلعب مع الكل...هذا رأيي..وبعدها سو أي نظام تشوفه مناسب

طبعا ما بنستخدم نظام البطوله الثالثه بنسخدم نظام بطوله الاولى الي هي جدول و round 1, round 2 و بحاول اخليه بعد round 3 and 4 لو اني اروم بحاول يعني D: و ان شاء الله تضبط وياي و عقب المتأهل الى قسم الفايزين و الخسران الى قسم الخسرانين ( winner and losers bracket ) و جي بتكون,
نحن بنحسب على اساس 10 فرق ف بلاك لو بتحسب الوقت احسب عساس اننا 10 فرق و شوف كيف بيطلع و احسبها لو بدينا على الساعه 1 او 2 و شوف الحد الاقصى اننا لو لبعنا 4 جولات الي هو round 4 كم بيطلع الوقت.؟ و بيسدنا الوقت.؟

round 1

عملت قرعه باستخدام ورقة A4 وعملت 5 أعمدة كل عمود فيه 10 أرقام من 1-10 زقطعتهم وبعدين كل عشرة أعمل قرعه وأسحب ورقتين كل واحدة منها تمثل قائد فريق...لو مب عاجبتكم نعيدها

القرعه في المرفق...

In case the file didn't work

Another version is attached

http://files02.arb-up.com/i/00027/vxnzam8s8bru.jpg


انا جي كان رأي لين Round 6 و يبالي اعدله و اشوف كيف اخليه ان يكون في 5 فرق يروحون لل losers bracket و 5 فرق الى winners bracket ,
و لو نروم نزيد عدد الجولات مافيها مشكله, شو رايكم.؟


---------------------------------------

انت ها كان رايك يا بلاك و طلع لي 10 مباريات, بعد حلوه لاكن شوف فرق الوقت و نظام الجدول الي سويته
http://files02.arb-up.com/i/00027/tl82553chvch.jpg

أها....إنت تبى تقسم الجولة الأولى إلى جولات كل وحده 3 مباريات...فهمت عليك...أنا ماقسمت المرحلة الأولى ...أنا كل الي عملته هو جدول يوضح من راح يلعب مع من...فقط لاغير....الجولة الأولى حلو تقسيمها لأنها بتكون أسهل وأريح ولو نقدر نعطي على الأقل كل فريق فاصل مباراة وحدة...وتذكر هالجدول بس يوضح أنه مثلا فريق السويدي لازم يلعب مع فرق ال 5 لاعبين المختارين....يلعب أول مع من وأي مباراة تقدر ترتبها براحتك :) ولاتنسى مافي فريق راح يلعب مع الثاني مرتين...مرة واحدة فقط...وأتمنى إنه اللبس الي كان في البداية اختفى واتضحت الفكره :wink2: