البطولة الرمضانية لستريت فايتر ثيرد سترايك في الامارات ( 27th aug )

تم تجربة البرنامج ،،

عجبني نظام الغرف ...اسمي Count-Alucard

خبروني متى تدخلون

أنا دائما في زون 5

ألوكارد بعتلك طلب اضافة صديق شوفه
انا الحين داخل اون لاين ...

البرنامج وايد فيه أشياء ممتازة ونكي DemonEyes
بس للأسف عندي مشكلة كل ما أحاول أفتح يطلعلي إرور بعد ما أضغط على ready وبعدها يسكر البرنامج

بحاول أدخل الحين يمكن يشتغل

حاولت مرة أتحداك لكن طلعلي بعد إرور
تعرف ، جرب استثني البرنامج من الفاير وول وضيفه في لستة الـ Exceptions
وأنا دائماً في زون 5

سانادا بعد انا يوم حاولت تلعب معاي طلع لي ايرور !!

ان شاء الله تلاقي حل قريب ..

بالنسبة ل سانغو : الصراحة رفع لي ضغطي من 12 ، الدراجة بعدها في الوكاله ، ما قدرت اتصرف معاه ..

ان شاء الله سأحاول ان ادخل كل ويكند .

سامحني على هالاسلوب :)

البرنامج حلو الصراحة.....يعطيك العافية أيمن...بس تحتاجون تخلون في تضبيط الأزرار إنه ال smoother تخلونه 1 أو 0 أو 2 عسب مايكون فيه لاق في الإنبوت....ماعدا ذلك البرنامج أكثر ثباتا من ال GGPO وفاضي وعلى كيف كيفك ^___^

يا جماعة الخير... لازم اتسوون ابديت للبرنامج لأن النسخه اللي موجوده في المنتدى قديمه... اتوقع الايرور من الابديت

طلال صح كلامك, كان يظهرلي وايد ايرور لكن عقب نزلت الابديت اليديد و راح الارور و الحمدلله اللعبه اشتغلت على خير و اسمي DieoXxiN

و هذا هو الرابط : http://www.mediafire.com/?dgyjndk3zh3

عاد لو رابط الي فوق ماشتغل, هذا هو رابط الثاني http://www.filestube.com/101e70fe2b99606803e9/go.html

و ماشاءالله على البرنامج شكله عجيب و منظم D: بحاول ادخل هالبرنامج و جي جي بي او,

و الحلو في البرنامج كل شي سهل و نظام تسجيل المباريات :) الحينه انروم نسوي للقناه update اول باول

^^^^

التسجيل عادي وتقدر تسويه في كل البرامج تقريبا....لكن المشكلة إنك تسجل الإعادة بإستخدام ال Fraps وبعدين تحولها لصيغة أقل حجما وبعدين ترفعها...موسى يسويها بس الصراحة عن نفسي مب فايق أبدا أسويها...لو واحد ثاني بعد غير موسى يشتغل على هالشي بيكون زين

اقتباس:

---

المشاركة الأصلية كتبت بواسطة Sangahlolo

سامحني على هالاسلوب :)

---

لاتهتم ،،

صح ان اسلوبك يتعب لكن صعب جداً ان نتعامل معاك وهذا من صالحك ..

لو بس تطور مستواك في الباري أكثر صدقني ماحد بيهزمك الا بصعوبة بالغه ...

لعبك بكين حلو والمايند جيم والراش عندك تمام بس ناقصك فيه بعض اللينكات


تان والسويدي ، اصلاً اول ما تنزل البرنامج بيطلب منك تحديث اجباري يعني مايحتاي تنزل نسخة جديدة ثانية ...

اقتباس:

---

المشاركة الأصلية كتبت بواسطة Sangahlolo

تفضلووووا العيديــــــة
-------------
إسم البرنامج : ArcLive
اختصار لكلمة Arcade Live
البرنامج صيني ، اكتشفته لما كنت أدور على أركيد
صيني أشتريه من النت ، فبالصدفة شفت لعيبة كينج اوف فايتر
واللي عاملين هذا الأركيد يلعبون أون لاين على هالبرنامج و GGPO
فقلت ليش ما أجربه حتى لو صيني ومش مفهوم بس يلا أجرب،
الله يخلي ترجمة الجوجل أفادتني كثير وعملت داونلود للبرنامج والحمد لله
طلع فيه نسخة بالانجليزي ، واضحة ومفهومة ، وشفت فيه ثيرد سترايك وغيرها
فالحمد لله انه هذا برنامج بديل عن 2DFighter اللي أغلقوه ، وتقريبا
فيه نفس الألعاب الموجودة في تودي فايتر ..

يمكن يكون حد شافه من قبل او سمع فيه ، لكن عشان لغته صيني ما حد اهتم له .
هو أصلاً شكله للكينج اوف فايتر بشكل خاص ، ولألعاب SNK بشكل عام.
وفيه ميزات أكثر من GGPO وتودي فايتر ، مرتب ونظيف وسهل إن شاء الله.
المهم هذا هو الشرح بالصور للمبتدئين والمحترفين أتمنى الكل يستفيد:

بسم الله أبدأ:
-----------
نزل البرنامج (أرك ليف) من هذا اللينك (فور شيرد)
حجمه 34 ميجا بايت
http://www.4shared.com/file/upCLhPnp/arclive.htm


لما ينزل يكون مضغوط ، فك الضغط عنه
http://img401.imageshack.us/img401/9822/48295396.jpg


ينتج عن الاستخراج فولدر بنفس الاسم
ArcLive
http://img339.imageshack.us/img339/1521/27628473.jpg


افتح الفولدر - تابع مع الصورة
http://img137.imageshack.us/img137/7538/19720228.jpg


مثل ما خبرتكم ، فيه نسخة انجليزية من البرنامج ( ArcLive.En ) اضغط عليها
http://img832.imageshack.us/img832/503/70868429.jpg


شاشة البداية ، اضغط على ريجيستر
http://img96.imageshack.us/img96/4877/24076989.jpg


عبي البيانات وبس ، ما يحتاج لتفعيل من البريد
http://img42.imageshack.us/img42/1387/32889850.jpg


حط اليوزرنيم والباسوورد وخانة (سيرفر) خليها ، بعدين LOGIN
http://img837.imageshack.us/img837/8279/47159036.jpg


تظهر قائمة الألعاب ، ثيرد سترايك موجود بالـFavorite فوق نفس ما في الصورة ،
أو تضغط على StreetFighter Series وتلاقيها موجودة
http://img818.imageshack.us/img818/3413/24450345.jpg


وهذه هي الغرفة ، تابع الشرح على الصورة
http://img97.imageshack.us/img97/9631/48830857.jpg


تابع - GameOption
http://img689.imageshack.us/img689/7065/69168127.jpg


تابع - Personal
http://img651.imageshack.us/img651/3348/65766457.jpg


لعمل غرفة تحدي:
http://img337.imageshack.us/img337/7039/19149072.jpg

http://img155.imageshack.us/img155/4485/76934606.jpg


وهذه شاشة تحميل لما حد يدخل يتحداك
http://img521.imageshack.us/img521/6743/87924990.jpg



بسسسس ، وبعدين تبدأ اللبعة ..;)

أتمنى يكون الشرح كافي
واللي ما عرف يقرأ من الصور
هذا رابط ملف فيه شرح الصور مرتبة وواضحة
http://www.mediafire.com/?305am7gmp553imn

ولسه بعد في أشياء كثير
بتكتشفونها وما فيها صعوبة ان شاء الله

يلااا اللي بيدخل يقول شو النك نيم تبعه

وما بوصيكم خلونا نحتله ونسوي فيه مستعمرات (غرف)
هههههههههه
:D:D:D:D

---

ayman i tried arclive it has nice system and its very easy to record matches over there and watch, well i hope this might be better than the other online gaming softwares :P

but still we guys need to give it a try and check it out if its better than 2DF and ggpo

اليوم يربت الميم اونلاين, ماشاءالله الصراحه الميم في الاونلاين احسن من جي جي بي او, مادري شو مستوي في جي جي بي او, لاق قوي ما يمديني العب جوله الا ما امل و اظهر منه ف الميم اللاق فيه اخف بواااااااايد و على الاقل ينلعب XD
, اما الاركيد لايف لين الحينه ما يربت اني العب مع امريكي, ف ان شاءالله قريبا بلعب و بشوف كيف الوضع

يا جماعة الخير لي سنه و انا اترياكم في البرنامج اليديد و ما القى حد... ادخلو و خلو عنكم GGPO و لا شوه فايدة حاطين رد بكبره في الموضوع و ماحد يدخل

اضن في وايد شباب ما يعرفون البرنامج ف يباله وقت لين ما ينتشر عدل D: