اسأل وورط اللي بعدك (خلينا اندردش شوي)

:D

ابشرك الوكارد.. فيه أنمي خاص وحصري أنتجته سبيس توون والزهرة:tongue2:
بمناسبة رمضان!:biggthump

وهو انتاج جديد كلياً... أنا ماتعرفت أنه "أنا وأخي" إلا بعدين... يوم جو وقالوا وقت السحور ومادري أيش في أغنيتهم (الموضوع كله أغنية عن رمضان الظاهر)

وأنا متــــــــــــــــــــــــــــــــــــــــــــــــــــــــــــــــــــشــقــق من الفرحة لنهم سووه!:p
أنمي إبداع صراحة!:biggthump
(رواية بيكفخني اللحين):naughty2:

بس أنت متفائل كثير الوكارد...:33:

أنا شخصياً مش متفائل لهالدرجة...

وش ودك تسوي اليوم.. شخصياً ودي أحلق.. لن شكلي صاير زي المحششين:afro:

لا تلوم هالتفاؤل تره الشاعر يقول:ما أضيق العيش لو لا فسحة الأمل!
فعلاً يضيق خلق الواحد لو بس يفكّر أن ما في أمل أننا نتغيّر!
..
..
هههه! تصدّق يا تويا!كنت أسولف ويّا ديابلوس و كنا نقول أن لازم نحلق بعد..و على قوله لما قال"بكرة يحلقها ألف حلاق!"
بس على طاري الحلاقة! أول شي راح أسوّيه اليوم أحلق..عشان نكون ثلاثة أعضاء حالقين اليوم!هههه
يللا مين يزوّد!
..
..
شنو أكثر شي(شي غير اعتيادي لو أمكن!!) تعلّقت فيه لما كنت صغير؟

اقتباس:

---

شنو أكثر شي(شي غير اعتيادي لو أمكن!!) تعلّقت فيه لما كنت صغير؟

---

سؤال جميل جداً .. :biggthump
والله آنه كنت أكثر شي متعلق فيه يوم كنت صغير(غير الرسم طبعاً) كانت الكورة !! هههههههههههههه ( اعتيادي جداً)

سيم سيم سؤال .. :09:

هلا والله alucardracula
منو المنتدى والله! :D
الصراحة تفاجأت بوجود رد لك بهالموضوع! ^^
ان شاء الله نسمع صوتك دوم بهالمنتدى ومننحرمش منّك :D

سؤالك الأخير ممم...
شيء غير اعتيادي ؟...
أذكر يوم صغير أموت عالحمام الزاجل , أهبل كنت :tongue2:
وكانت لي فتره مسوي قفص وحالتي حاله , الا أن أتى يوم وبعتهم بمبلغ بخس!! مليت طفشت!!
لكني ندمت ههههههههه ...
بس مازلت أحبهم :D ...

احم , اللي وراي , سيم كوسشين !

اقتباس:

---

شنو أكثر شي(شي غير اعتيادي لو أمكن!!) تعلّقت فيه لما كنت صغير؟

---

:33: هممممممممممممم اكثر شي تعلقت فيه كان بيتنا والقطاوه
:D نفس ال كويسشون

:wow: لووووووووووووووووووووورد
حيااااالله لورد الوكارد.. والله نوّر المنتدى.. :wow: مب مصدق إهئ إهي.. انشالله ماننحرم من مشاركاتك ولو في الشهر مره..

شنو السؤال؟ اها.. ايه.. احم.. اوكي..
ماذكر ان في شي غير اعتيادي كنت متعلق فيه :33:

السيارات و الكوره..

كنت وااايد العب كوره مامشي الا و هي بين ريولي..
و كنت اشتري مجلات سيارات بالهبل بس اجوف الصور لين تطورت وبديت اقرا..


ماغير سؤال حبيبنا الوكارد..
نفس السعال..

اقتباس:

---

شنو أكثر شي(شي غير اعتيادي لو أمكن!!) تعلّقت فيه لما كنت صغير؟

---

كنت احب الباربي بس ماكنت اقول حق احد

كنت اذكر اني انخش تحت السرير العب :09: ماكنت احب يشوفني عشان لا تتشوه صورتي الحقيقيه
كنت اخيط لهم ثياب ومسويه لهم بيت ( شفتو السخافه )




بس بطلت العب من يوم كنت بثالثه ابتدائي :أفكر:

هلا فيك يا ريكس و حيّاك و شكراً على مشاعرك الطيبة يا الطيّب..
و حيّا الله رانما العزيز الغالي و ان شاء الله ما ننحرم من شوفتكم..
..
..
سؤالي رد علي و الحين أرد عليه يعني ;) !...طيب :)

اقتباس:

---

شنو أكثر شي(شي غير اعتيادي لو أمكن!!) تعلّقت فيه لما كنت صغير؟

---

غاوي مغامرات و استكشافات و ضعت مرات بسببها!
..
..
ما هو أكثر شي حبّيته و لا قدرت تحافظ عليه؟

سلاااااااااااااااااااااااااااام

هلا والله الوكارد..
انشالله بخير :)
على فكره هههههههه "ما شاء الله..الموضوع لا زال معاصر و يصارع بوجوده فوق الأنقاض!" لووووول حلوه منك لورد :biggthump

اجابة على سؤالك..

ممممممم.. في اشياء غاليه علي وايد لكن الحمدلله لازالت عندي ومحتفظ فيها.. لو أكثر شي حبيته الحمدلله مازال موجود معاي..
لكن لو اتذكر اكثر.. كان في شي محتفظ فيه و احبه وايد له ذكرى غاليه عندي.. و هو اذكر في صف خامس ابتدائي عطوني ميداليه.. ماكانت برونز حتى.. نحاسيه اقدر اقول.. لأن فريق مدرستنا اخذ المركز الرابع على فرق المدارس و احتفظت فيها عندي فتره طويله لكن الحين مادري وين راحت كنت دايما اروح وارجع عليها اشوفها..


نفس السؤال.. خل نعرف عن باقي الاعضاء :)

بس داخله اقول ولكم باااااك الوكارد ^ ^

تابعوا

نفس السؤال @@

حياك الله ألكو... وولكم لقيمات! ^^

أأأ قصدي وولكم باك. @@


كنت أحب شخصيات الفيجرز مال "ماستيرز أوف ذا يونيفيرس - Masters of the Universe". :D

He-Man any one?? :)

في حد يتذكر شخصيات هيمان (مال شركة ماتيل)؟؟ :)
كنت أموت فيهم وأيمعهم تيمّع وألعب فيهم لعب لين ما طار صبغهم. :D
وحتي كنت أسافر وهم معاي داعسنهم بالشنطة. :p

كان عندي برنس آدم وربعة, سكيلاتور وشلته الحرامية, والرئيس الكوبرا, نسيت إسمه, ومعاه كل جنودة الحنشان.
وأتذكر كانوا الأهل ماخذين لي الحرمة أم ينحات اللي إنظمت يالأبطال بعدين - يقولون إصدار سبيشيل.
وكنت مول مهووس فيهم لين ما ضيعتهم. :D

وألحين متندم على إهمالي... :cray:

بس مؤخراً إكتشفت إنه أشكالهم كانت غلط... كان جسمهم غريب وريلهم قصيرة وايد.

يقولون إنه ماتيل نزلت إصدار معدل لنفس المسلسل.

وهذا اللي كنت أحبه ومتعلق فيه... طبعاً إلى جانب الألعاب والدمى اليابانية اللي كانت تييبها بعض المتاجر مثل ملك الألعاب. :)
أتذكر كان عنده المركبة الصاروخية الموحدة مال الرجل الحديدي. :أفكر:
وماكروس والغواصة الزرقاء وغيرهم.

لكن ألحين كل محلات الألعاب في الإمارات... صفر على الشماااااااااااااااااال.

وياليت صفر على الشمال... :mad:
زفت على الشمال. :12:
مع منتجاتهم المعربة اليديدة ومنتجات نيوبوي العنز. :mad:

نفس السؤال...


اللهم إهدم وأردم ثروت نيوبوي ويونغ فيوتشر كما ردمت وأزلت ثروة قاروون. :o

آآآميــــــن. @@

<DIV>I aaaaaaaaaaaaaaaaam Heeeemaaaaaan (كان عندي فيديو)

عموما ما كان يعجبني وايد (الرسوم الأمريكية عمرها ما عجبتني)

أنا شخصيا كنت أحب الحشرات و كنت أجمعها....

كل أنواع الحشرات كنت مجمعها داخل كاسات جبن :D

أول ما تدخل البيت تشوف كاسات جبن مصفوفة على الشباك :bigeyes:وكلها متروسة زنابير(دبابير) أو جراد أو فراشات أو نحل أو سماسيم:wow:.....حتى كان عندي حشرات ما حد عرف لها أسم (و أكثرهم ما شافها من قبل أصلا ولا عرف أنها موجودة بالإمارات):willy:

و بعد الضغوط المتزايدة من جمعية الرفق بالحشرات(موجودة في بيتنا) و هجرة الحشرات من حوش بيتنا و ظهور هواية جديدة (تكسير الألعاب و إستخراج الأجزاء و إعادة تركيبها بدعوى "التصليح") قررت ترك الهواية :(

والله كانت أيام

نفس السؤال

شكراً يا فطوم و حيّا الله أعضاء المنتدى اللي من زمان ما نشوفهم..
و حيّا الله رواية القرصان..مشكور
..
..

اقتباس:

---

ما هو أكثر شي حبّيته و لا قدرت تحافظ عليه؟

---

باتسو؟!..لااا
مممم..كل شي حبيته تقريبا حافظت عليه..الا اذا كانت أمور معنوية مثل الذكريات..هذا شي ثاني!
..
..
:reporter: :ما هو الجانب المظلم من شخصيّتك!؟(تكلم عن أي شي,مثلاً لما تلعب تحب عنف ألعاب القتال و ليش تستمتع فيها؟ أو الأنيمي هل تحب العنف فيه و الخيانات و الأشرار و ليش..أهم شي أنه يبيّن الجانب المظلم فيك!)

اقتباس:

---

:ما هو الجانب المظلم من شخصيّتك!؟(تكلم عن أي شي,مثلاً لما تلعب تحب عنف ألعاب القتال و ليش تستمتع فيها؟ أو الأنيمي هل تحب العنف فيه و الخيانات و الأشرار و ليش..أهم شي أنه يبيّن الجانب المظلم فيك!)

---

آنه باعترف عن الجانب المظلم عن شخصيتي الحقيقية :vereymad:
آنه ساعات بالليل أروح الثلاجة وأشوف إذا في بيبسي ، آيس كريم ، كاكاو .. آكله عنهم :saevilw:

ما هو الأنيمي اللي جذبك للأنيمي بشكل خاص!؟