موضوع نقاش عام عن الانيمي

اليوم خلصت Guin Saga
هالانمي وايد اندريتد الصراحه ، لا ناس تتكلم عنه ولا جروبات تتضارب على ترجمته وحتى الخلفيات والصور اللي بالزور تحصلها :09: ..

الانمي متقبس من سلسله روايات وصلت 129 ، والكاتبه ماتت في شهر 5 وكانت تكتب الروايه الـ130 ، على حسب اللي قريته الانمي غطى 16 روايه ..

الصراحه كبرت في عيني الأعمال المقتبسه من روايات اذا بتكون بهالروعه ، قبل شفت The 12 Kingdoms وكان روعه والحين Guin Saga ..

القصه بدايتها بسيطه وخفيفه بس مع الوقت تتشعب وتتعمق ، يعني اي حد لو شافه وما عيبته البدايه خله يكمله أونيقاي..:D ، البدايه شويه أكشنيه وعقب تبتدي الدراما والقصه الملحميه .. والقيم اللي فيه وايد راقيه مثل الشرف والخيانه ما إلى ذلك ^_^

الشخصيات فيه متنوعه وتحسهم وايد واقعيين في تفكريهم ، وتطور الشخصيات فيه مميز ومتوازن ، تقريبأ كل شخصيه بتحس انها تطورت على حسب الأشياء اللي تعرض لها ..

والـOST فيه خرافيي ، تحسه صدق يناسب اللقطات الإسطوريه اللي فيه ، من خلصت الانمي على طول سرت انزل الـOST ..

الرسم أشوفه بعد أشوفه ممتاز والمؤثرات فيه وقت الحروب حلوه ..
اللي قرهني في الرسم شي بسيط لدرجه انه ماله داعي اكتبه ..Guin يوم يتكلم ، يفتح حلجه مره ويقول خمس كلمات ..:boggled:

أتمنى من كل قلبي ان ينزل سيزن 2 :02:

اخوي pika
شفت الحلقه الاولى بعد قراتي لخبر وفاة المولفه ووقفت لانه في النهايه ماراح نشوف النهايه الاصليه بسبب موت المؤلفه

تنصحني اكمله ؟؟

^^^^

أنا أنصحك كمله أنا موقفه عند 12 ....

و بأرجع أتابعه بس بعد monster

عذا عذاب هذا الأنمي

كل ما تقل طفشت تكتشف نفسك تتابع زياده ...

حالياً 16 بقي 58 الله يعين

انا عجبني بس خساره اننا ماراح نشوف النهايه من المولفه وراح اكمله ان شاء الله

DC1996
أكيد انصحك تكمله :D ،وعن النهايه ترا الكاتبه ماتت وهي تكتب الروايه الـ130 ..
والانمي بعده وقت لين ما يوصل هذيج الاحداث لانه للحين سيزن واحد ومافي اعلان عن سيزن ثاني :02: ..

itachi lover
الاحداث اللي بعد الـ12 اعتبرها احلى بوايد ..
كمليه وخبريني رايج وانطباعج عنه ^^..

ايه عارف وعلى فكره كنتارو مولف بيرسيرك يقرا الروايه والمصدر المقابله الي اجريت معه

احضر حالياً في جينتاما .. رهيب هلانمي في الكوميديا الي فيه



تنصحوني في انميات معينة ؟؟
افكر احضر ون بيس كثير ناس يمدحوه

اقتباس:

---

المشاركة الأصلية كتبت بواسطة Light Yagami

احضر حالياً في جينتاما .. رهيب هلانمي في الكوميديا الي فيه

تنصحوني في انميات معينة ؟؟
افكر احضر ون بيس كثير ناس يمدحوه

---

ونبيس انمي رهيب ضحك ودراما وشخصيات ولو انها بدت تسخف في الاحداث الاخيرة ....:28:

تريد صراحة لو فيك هموم دنيا فونبيس بنسيك همومك وبلاويك :09:.....

صح كلامك توتي العين

ممكن أحد يقول رأيه عن الانمي

higurashi no naku koro ni

لأني ناوي أتابعه

لكن خايف يطلع تافهه

وشكرا"

اقتباس:

---

higurashi no naku koro ni

---

تابعه !! رهيب هالانمي بس الي العنف الي فيه زايد عن الزوم @@

اقتباس:

---

احضر حالياً في جينتاما .. رهيب هلانمي في الكوميديا الي فيه



تنصحوني في انميات معينة ؟؟
افكر احضر ون بيس كثير ناس يمدحوه

---

ون بيس + جينتاما هم أكثر إنميين تعجبني كوميديتهم وخاصة يوم يستهبل جينتما على الفيديو جيمز وهم الأفضل بالنسبة لي بشكل عام .. فلا يفوتك ون بيس

اقتباس:

---

ممكن أحد يقول رأيه عن الانمي

higurashi no naku koro ni

لأني ناوي أتابعه

لكن خايف يطلع تافهه

---

هالمسلسل يمكن يعجبك لين الحلقة الرابع

لأني في أشخاص كرهوه في الحلقة الخامسة وفي ناس عجبهم وظلوا يتابعوه لين النهاية (وأنا واحد منهم)

المسلسل عجيب الصراحة لكن لازم تشوف الجزء الثاني بعد الأول مباشرةً عشان تفهم السالفة

على ما أذكر كان في تقرير للجزء الأول لكن ما أدري وينه حالياً

السـلام عليكم ورحمة الله وبركاته

http://www.montada.com/attachment.ph...1&d=1258581606
كيف حال الجميع ، إن شاء الله تكونون بخير
قبل فترة كنت أشوف عروض الأنميات على اليوتيوب وشفت لقطات من فيلم Paprika وعجبتني هاللقطات وقمت بتحميل الفيلم ولم أتابعه حتى الآن ، فالعضو الكريم اللي شاف هالفيلم يا ليت يعطيني رأيه فيه (بس بدون حرق رجاءً) ^^

~
http://www.montada.com/attachment.ph...1&d=1258581606
الفترة الماضية كنت متابع لقصة الغندام الأصلية التي تقع ضمن نطاق UC لكني لما بدأت بمتابعة Victory Gundam أصابني الغثيان حقيقة وتوقفت عند الحلقة الرابعة خصوصاً أن المسلسل يتكون من 50 حلقة ، فهل بقية حلقات المسلسل ضعيفة المستوى أم أن الأحداث ستتحسن لاحقاً ؟

يعطيكم العافية

اقتباس:

---

المشاركة الأصلية كتبت بواسطة zannoun

هالمسلسل يمكن يعجبك لين الحلقة الرابع

لأني في أشخاص كرهوه في الحلقة الخامسة وفي ناس عجبهم وظلوا يتابعوه لين النهاية (وأنا واحد منهم)

المسلسل عجيب الصراحة لكن لازم تشوف الجزء الثاني بعد الأول مباشرةً عشان تفهم السالفة

على ما أذكر كان في تقرير للجزء الأول لكن ما أدري وينه حالياً

---

أممممممممــــ من كلامك أنو حلو خلاص بتابعه ما في الا هوه اللي في راسي

شكرا لك

وشكرا لــ أخي لايت ياغامي

^
^
^

على الرحب والسعة