عضو في غرفة التحقيق

هلاوووووووووووو رانماا...:D

بعصر مخي ألجييين حق ألقى لك كم سؤال.. لووول..

أولا: شحالك؟؟ شخبارك؟؟ شو مسوي..:D

إنزين:
شو المثل الي تمشي عليه في حياتك؟؟

يوم تكوم متظايق شو تسوي؟؟؟:"

و يوم تكون فرحان شو تسوي؟؟؟:0)

وين تحب تطلع يوم تكون طفران؟؟

3 باقات ورد: حق منو بتعطيها إياهم؟؟.... *قمة اللطافه*
3 بازوكات: على منو توجهم.. *قمة الإجرام* .. لوول

شو رايك بحياة بدون أنيمي.. لووووول.. *أستهبل..:أفكر: *

ماذا يعني الديو في حياتك.. لووووووول..:p

شو أحلى رسوم قديم تحبه؟؟

شو علامتك في الجامعه؟؟؟;-)

يوم تكون يوعان شو تحب تاكل؟؟

شو أحلى لون عندك؟؟

كم لغة تعرف؟؟ لووووول..:p

شو رايك بالأفلام الهنديه؟؟ لووول

شو نوع الأنيمي الي تحب إتابعه أكثر شي؟؟ قصه غريبه... ضرابه... إلخ
:أفكر:

ليش ما ترسم؟؟؟؟

شو تسوي ألحييين... لوووول.. *قمة الإستهبال*.. لوول..

من أنت؟؟ من تكون؟؟؟ أجبني يا صاحب الظل الطوييل..:o

و سلامتكم و سلامة الحاضرييين و الغايبين...:cool:

ميمي
:D

السلااام عليكم :)
ببدأ على طول.. احم لأن الوقت متأخر

بولبن
هلا رانما ... ما شالله عليك شكلك تعبت من كثر الكتابة ^^
لالا ماتعبت.. اتعب من اي شي الا الكتابه.. يعني ماوصيك
عموما برحمك هالمرة ..
بس هالمره اوكي
1- إسمك
قلنا طوّف هيهي..
2- إسم العيلة
احم.. قلنا طوّف هيهي..
3- فصيلة الدم
O+
4- وين تسكن في قطر
خارج الدوحة
5- متى بتجدد رخصتك؟
سنة 2011
6- كم مخالفة عندك؟
لووول.. لو تقصد مخالفات الجامعه.. لاتفكر تعد حتى.. خارج الجامعه قليييييييييييل.. ينعدون عالاصابع.. وفي الدوحه عمري ماخذت مخالفه.. لكن هنيه اللي يهداهم كأنها هواية
7- كم DVD أنمي عندك حاليا؟
فوق ال100.. لكن ماراح اقول كم بالضبط...
8- كم مسلسل شفته لين ألحين مع ذكر أبرز ما شفت
ماقدر اعدهم.. بس بين ال20 وال30..
وطبعا ابرزهم: إيفانجليون - اسكافلوني - فوشيجي يوجي - رانما - روروني كنشن - تراي جن... وغيرهم وايد
9- شرايك بمانجا أورانج روود - ون بيس - آيس - فيديو جيرل أي؟
ماقريته.. لكن ناوي قريبا اشوف الانيمي كامل - ون بيس مميز وحلو لكن ماشفت حتى نصه - آيس اقولها واكررها هو احلى مانجا قريته روووووعه - فيديو جيرل والله حلو وقصة عجيبه لكن مايوصل مستوى آيس او لوف هينا.

هذي أسئلة رحمة ... و لا تطوف الأسئلة (حطيته في موقف محرج)
ثنكس.. هعهعهع اعتقد الكل بيطوف السؤالين اللي انا طوفتهم

ماي اروماشي
هلااااااااااااا رانما ^_^
هلاااااااا ماي.. هلا بفاكهة المنتدى :)
عندى سؤالين...بس!* بريئة*
مو بالعدد.. و سؤالين من ماي يسوون ذهب
1- شو رايك بسالفه تعديل السيارات...يعني السيارة يشترونها ماحلاها بس يحطون مادري شو اسمها...و تصير مسخ....انت شو رايك؟
انا اكـــــــــــــــره شي اسمه تعديل.. اقصد تخريب سيارات.. و من اشد المعارضين لهاشي.. ألا لو كانت الشركة نفسها منزله نسخه معدله.. والحديث في هالشي يطول لأني من عشاق السيارات ولو بشرح ماراح اسكت
2- وين سارت ليدي ديث...اختفت فجأة....؟*اذا شفتها قولها ماي تسلم عليج و تقولج :يامطول الغيبات....*
ليدي ديث.. الله يوفقها والله مشتاق لها موووووت.. ماشوفها حتى عالمسنجر ولا حتى اختها.. لكن اعرف انها مشغوله بالجامعه وتحاول تبتعد عن النت.. و عزوز يقول شافها من اسبوعين وبصحه وعافية... وسلامكم راح يوصل انشالله :)

بسسسسس...ادري اسئله غبية بس جاوب
لاااا من قال غبيه اختي.. اسئلة حلوه وانشالله نشوف منج المزيد

ميمي تشان
هلاوووووووووووو رانماا...
هالووو ميمي.. زميلتي في العصابة :D
بعصر مخي ألجييين حق ألقى لك كم سؤال.. لووول..
لوووول لاتفضحينا بس
أولا: شحالك؟؟ شخبارك؟؟ شو مسوي..
طمام الطمام ثنكس على السؤال :D
إنزين:
شو المثل الي تمشي عليه في حياتك؟؟
مافي مثل معين ارتبط فيه.. اييه جان زين انا مثل مثلي الاعلى.. يحتفظ بابيات الشعر اللي تعجبه فيها حكم ويحفظها ويطبقها.. لكن انا :o
يوم تكوم متظايق شو تسوي؟؟؟
اذا في السعودية.. امر على ربعي واقعد معاهم.. في الدوحه اقعد مع الاهل أو اتمشى في الحوش
و يوم تكون فرحان شو تسوي؟؟؟
العب مع اخوي الصغير.. اقعد اسولف مع الوالد وانّكت
وين تحب تطلع يوم تكون طفران؟؟
مافي غير اللاند مارك هعهعهع.. ستار بكس
3 باقات ورد: حق منو بتعطيها إياهم؟؟.... *قمة اللطافه*
امي - ابي - اختي
3 بازوكات: على منو توجهم.. *قمة الإجرام* .. لوول
وزارة التربية والتعليم - الجامعة - واحد الله يستر عليه
شو رايك بحياة بدون أنيمي.. لووووول.. *أستهبل.. *
لاااااا.. بس اتخيل الوضع احس اني بموت.. ناوية تذبحيني ميمي :(..
ماذا يعني الديو في حياتك.. لووووووول..
الديو هو اللي يحرك الدم في جسمي باختصار هعهعهعهع.. اليوم اللي ماشرب فيه ديو اقلب زومبي..
شو أحلى رسوم قديم تحبه؟؟
وايد احب سانشيرو.. و خماسي وجريندايزر.. هذولا من القدام.. في اللي شوي جداد لكن ماينافسون اللي ذكرتهم..
شو علامتك في الجامعه؟؟؟
انشالله مع نهاية هالفصل ماتكون اقل من B
يوم تكون يوعان شو تحب تاكل؟؟
معروف اني احب الذبايح و المجابيس.. لكن هالشي الواحد مايقدر ياكله كل ماكان يوعان :(.. فلما اكون يوعان اشرب ديو و آكل فانفيري
شو أحلى لون عندك؟؟
الازرق.. هههه باين من هالموضوع.. لكن مع الفيراري مافي غير الاحمر
كم لغة تعرف؟؟ لووووول..
عربي وانجليزي.. ولا بعد يخب علي لوووول.. لا زين الحمدلله يقولون انجليزيتي ممتازه
شو رايك بالأفلام الهنديه؟؟ لووول
يقولون تطورت قصصهم في الفترة الاخيره.. لكن انا حتى امريكي صرت ماتابع بعد ماعرف الانيمي.. شلون هندي بعد
شو نوع الأنيمي الي تحب إتابعه أكثر شي؟؟ قصه غريبه... ضرابه... إلخ
القصص الغريبة وايد حلوه.. لكن تقريبا احب كل شي الا الاكشن.. يعني في مسلسلات الاكشن طاغي عليها بزياده.. لكن في الانيمي اذا القصه محبوكه، مهما كان النوع فبيكون الانيمي حلو..
ليش ما ترسم؟؟؟؟
احم لأني ماعرف.. الرسم موهبة.. احب ادقق في رسوم الانيمي لكن ماعرف ارسم.. وبعد يعني كل ماكان الواحد اصغر وهو يتعلم الرسم كلما كان احسن.. و انا من يوم كنت صغير الكرة كانت دايما معاي مو علبة الالوان هعهعهعهع
شو تسوي ألحييين... لوووول.. *قمة الإستهبال*.. لوول..
اكتب الرد.. واكلم احد الاعضاء عالمسنجر
من أنت؟؟ من تكون؟؟؟ أجبني يا صاحب الظل الطوييل..
انا رانما.. تعرفوني.. و ظلي مو طويل لووول..
و سلامتكم و سلامة الحاضرييين و الغايبين...
صح لسانج كخخخ.. مشكورة عالاسئلة الحلوه ميمي تشان
ميمي
have a nice weekend all of u :D

السلام عليكم...

كيف الحال اخونا العزيز رانما؟

انا بكثر اسئله هالمره ...بس سبيشل حق رانما.. ;)

شو هي طموحاتك في المستقبل؟

كم مره فكرت تترك المنتدى؟ :D

1+1= كم؟؟ (شد حيلك :p )

تعرف لعبة gun grave? وشو رايك فيها؟

شو هي اهتماماتك غير السيارات والكره؟

كم سرعة كمبيوترك؟

شو عشاك اليوم؟

شفت مباراة العين اليوم؟ ;) ...وشو شعورك لما خذ العين بطولة السوبر اليوم؟ ( مبروك للعين شبيه الريح ":" )

اعذرنا على الاسئله الزايده... واقول للاعضاء وين اسألتكم؟ :o

السلااام عليكم
اخيرا أسئلة :(


السلام عليكم...
عليكم السلام والرحمة ديابلوس
كيف الحال اخونا العزيز رانما؟
بخير الحمدلله اخوي، مشكور عالسؤال :)
انا بكثر اسئله هالمره ...بس سبيشل حق رانما..
تسسسلم حبيبي في الخير انت سبيشل بعد..
شو هي طموحاتك في المستقبل؟
ممم... أعيش حياة هادئه وسعيده (كلش مافي طموح) و ايه اتمنى يكون لي دور في وحده من شركات الانيمي اللي يتكلمون عنها اعضاءنا الكرام:D
كم مره فكرت تترك المنتدى؟
كم مره.. كم مره... مرتين أو ثلاث.. ممم اعتقد مرتين
1+1= كم؟؟ (شد حيلك )
لازم توهّق الواحد يعني:"..
تعرف لعبة gun grave? وشو رايك فيها؟
:": لا ماعرفها
شو هي اهتماماتك غير السيارات والكره؟
طبعا الانيمي ":" و خرابيط الكمبيوتر
كم سرعة كمبيوترك؟
1.7 جيجا.. كان ودي في 2 لكن كان توه نازل وغالي..
شو عشاك اليوم؟
والله مادري.. بس ضارب في راسي صحن فول إنما ايه..
شفت مباراة العين اليوم؟ ...وشو شعورك لما خذ العين بطولة السوبر اليوم؟ ( مبروك للعين شبيه الريح )
لووول الله يهداك بس ياديابلوس.. انا مباراة النهائي على كأس الامير في قطر ماشفتها.. ولا حتى كنت مهتم في اليطوله من البداية.. لكن امس سمعت ميمي تشان تقول ان العين فاز... مبروووك لكل محبين العين
اعذرنا على الاسئله الزايده... واقول للاعضاء وين اسألتكم؟
لا لا كان ودنا في اكثر بعد;-)..
و شفت.. محد يسأل :" it seems that I'm not an interesing person waaaaaaaaa2.. احم.. كيف حالكم :D
يلا.. انا بانتظار المزيد من الاسئلة..
(في عضو الله يسامحه (من دون اسماء) كتب رد هنيه لكن مسحه...:()
اوكي شباااب.. بروح اتغدا..
بااااااااااي

كيف الحال رانما :D :D ما شاء الله شكلك ماتتعب من كثر الاسئله :D

مممممممم ....... بأخليك تحقد علي من الاسئله اللي بتجيك ......

بس لاتزعل ( محد قالك تتعرف علي :D وتقابلني هاه هاه )

بسم الله نبدأ .....................


1: اخبارك ايه ؟

2: بشر كيف نومه العصر اليوم (هذا اذا نمت ) ؟؟؟؟؟

3: متى يوم ميلادك ؟؟؟؟؟؟ (بأعطيك هديه ;) )

4: كم عدد مشاراكاتك الى الان في المنتدى ؟؟؟ ( تبادل مشاركات :واو: )

5- متى اخر مره شربت فيها (ديو) ؟؟؟ ( طلعت الفضايح :6 )

6- وش تعشيت ؟؟؟ (شكلك ماتحب الاكل )

7- قد حبيت في حياتك وكم واحده حبيت ؟؟؟ ( سؤال محرج للغايه )

8- وش لون وسادتك اللي تنام عليها ؟؟؟ (شكلك ماعندك فراش اصلا :D )

9- من هو اعز صديق لك في المنتدى حدد واحد فقط ؟؟ ( صادووووه :أفكر: )

10- كم فاتوره جوالك ؟؟ ( شكلها 100000000 جنيه اسرليني )

11- متى اخر مره رحت لقطر ؟؟

12- ويش احسن مطعم اكلت فيه ؟؟؟ ( طبعا بعد مطعم الجامعه :D )

13- وشرايك بالامن في الجامعه ؟؟؟ ( شيكي يجي 90 ريال بس من كثر المخالفات :" )

14 - تحب التوفي ؟؟ ( خلك تقول لا :غضب: )

15- قد رحت لليابان ؟؟ ( شكلك حدك ماتطلع من الجامعه )

16-علمني كيف اصير مشرف ؟؟؟ ( تحس واحد طموح )

17- كم مره تفرش اسنانك باليوم ؟؟ ( طبيب اسنان على غفله ;) )

18- متى احلى وقت للنوم عندك ؟؟ ( شكلك ماتنام خير شر )

19- ليش بأعتقادك المنتدى طافي ( راكد ) كذا ؟؟ ( يمكن عشاني جيت :واو: )

20- تحب الفرفره بالسياره والتمشيه ومتى تطلع بالعاده ؟؟ ( تحس بأنشبلك )

21-ويش احسن جزء لفاينال فانتسي لعبته ؟؟

22- اي عصابه فيها انت ؟؟؟ ( ولا مثلي وحداني )

23- تحب تأكل البيذجان ولا الكوسه ؟؟ ( خوش اصناف )

24- ويش رقمك المميز اللي يعجبك ؟؟

25- كم رقم لوحه سيارتك ؟؟ ( شكلها ا ح ب 6 6 6 )

26- كم هديه قد جاتك في حياتك ؟؟ ( لحظه الحقيقه )

27- ويش اخر رساله بجوالك وصلتك ومن مين ؟؟

28 - علمني كيف احط توقيع ؟؟ ( سؤال محرج :o )

29- كم وزنك مقارنه بابولبن ؟؟ ( بيقتلني ابولبن :واو: )

30- وش تسمع اغاني اجنبي ولا عربي ولا هندي ولا اوردو ؟؟

31- وش شعورك وشتسوي اذا دخلت سوبرماركت وشريت اغراض كثيره

وحطوها لك في الاكياس وجيت بتحاسب الا مافيه ولا ريال بمحفظتك ؟؟

32-كم مره تسسمت من اكل مطاعم ؟؟

33- وشرايك بأسئلتي ؟؟ ( محد قالك تتعرف علي ;-) )

..........................................................THE END

اخ ?: تعبت من الكتابه ...... يله الله يعينك على الاجابه رانما :D

ومعليش على كثر الاسئله :) ............................. ومع السلامه

اقتباس:

---

29- كم وزنك مقارنه بابولبن ؟؟ ( بيقتلني ابولبن )

---

انت يبيلك طق :غضب: .... بس حرقته انت بالأسئلة :أفكر:

الله يعينكح يا رانما :D

السلام عليكم
اخباركم ياعيااال ياحلوييين.. انشالله بنصحه وسلامات (ابله عطيات)
اوووه لاااا.. اسئله!! اي والله في أسئلة لي.. (so pathetic huh!)

اووكي وايت مون نبدا

كيف الحال رانما ما شاء الله شكلك ماتتعب من كثر الاسئله
تمام الحمدلله.. أي كثر أسئلة الله يهداك.. صار لي اسبوع وحتى ماكملت صفحه وحده هههههههه الله كريم
مممممممم ....... بأخليك تحقد علي من الاسئله اللي بتجيك ......
لا افا عليك والله تشققت لما شفت الاسئلة.. تسسسلم
بس لاتزعل ( محد قالك تتعرف علي وتقابلني هاه هاه )
مافي زعل شدععععوه..
بسم الله نبدأ .....................
بسم الله

1: اخبارك ايه ؟
والله تمام.. نعسان شويه (كله من بولبن)
2: بشر كيف نومه العصر اليوم (هذا اذا نمت ) ؟؟؟؟؟
لوووول نمت من الساعه 5 لين 10:10 على اتصال بولبن.. لو ماتصل مادري لين متى كنت برقد
3: متى يوم ميلادك ؟؟؟؟؟؟ (بأعطيك هديه )
ميلادي 14\2\1984 ههههههههههه في يوم عيد الحب":"
4: كم عدد مشاراكاتك الى الان في المنتدى ؟؟؟ ( تبادل مشاركات )
مع هالمشاركه بيصيرون 1909 اعتقد.. :)
5- متى اخر مره شربت فيها (ديو) ؟؟؟ ( طلعت الفضايح )
توني الحين.. وشكلي بشرب واحد ثاني بعد ماكمل الرد كخخخخ
6- وش تعشيت ؟؟؟ (شكلك ماتحب الاكل )
تعشيت من بيتزاهت...
7- قد حبيت في حياتك وكم واحده حبيت ؟؟؟ ( سؤال محرج للغايه )
هيه والله محرج.. لكن كلنا ايام المراهقه الغبيه مرينا بهالخرابيط... انا مافكر في هالشي الحين ابدا.. الله يخلي ميتاليكا اللي ينسون الواحد المشاعر ":"
8- وش لون وسادتك اللي تنام عليها ؟؟؟ (شكلك ماعندك فراش اصلا )
في قطر لونها ازرق (يمكن غيروها).. هنيه لونها ابيض
9- من هو اعز صديق لك في المنتدى حدد واحد فقط ؟؟ ( صادووووه )
لا ماصدتني هيهي.. معروف ان اعزر صديق عندي ومشترك في المنتدى هو عيسوز.. لو تقصد واحد ماعرفه خارج المنتدى.. مممم اورنج رود
10- كم فاتوره جوالك ؟؟ ( شكلها 100000000 جنيه اسرليني )
انا عندي كرت تعبئة.. الحمدلله.. وجوالي اللي في الدوحه كنسلته
11- متى اخر مره رحت لقطر ؟؟
من 9 ايام.. وشكلي هالويك اند ماراح ارجع.. برجع اللي بعده..
12- ويش احسن مطعم اكلت فيه ؟؟؟ ( طبعا بعد مطعم الجامعه )
احب بيتزاهت وايد.. تشيليز عشان المولتن كيك... لكن يمكن احلى مطعم هو (((صدف))) في دبي.. اكلات ايرانيه
13- وشرايك بالامن في الجامعه ؟؟؟ ( شيكي يجي 90 ريال بس من كثر المخالفات )
الامن هوايتهم المخالفات!.. انا ماستلمت الشيك للحين خوفي يطلع بالسالب هههههههههه
14 - تحب التوفي ؟؟ ( خلك تقول لا )
لا
15- قد رحت لليابان ؟؟ ( شكلك حدك ماتطلع من الجامعه )
بل اليابان مره وحده.. تقريبا مافي أي عضو راح اليابان حتى :?
16-علمني كيف اصير مشرف ؟؟؟ ( تحس واحد طموح )
i'm not the one to ask ;)
17- كم مره تفرش اسنانك باليوم ؟؟ ( طبيب اسنان على غفله )
عشرينطعش مره
18- متى احلى وقت للنوم عندك ؟؟ ( شكلك ماتنام خير شر )
طبعا فالليل!.. لكن نومة العصر مريحه مرات
19- ليش بأعتقادك المنتدى طافي ( راكد ) كذا ؟؟ ( يمكن عشاني جيت )
المنتدى بس خلال الاسبوع اللي طاف ركد.. ولا قبلها باسبوعين كان نشيط.. الحين الكل مشغول مع الدراسة والدراسة اهم من المنتدى طبعا..
20- تحب الفرفره بالسياره والتمشيه ومتى تطلع بالعاده ؟؟ ( تحس بأنشبلك )
بصراحه.. في السعودية ماحب اطلع بالسيارة ابدا.. لكن في الدوحه احلى شي التمشي هناك مع ربعي..
21-ويش احسن جزء لفاينال فانتسي لعبته ؟؟
مالعبت ولا جزء.. ماحب اللعبه لهناك.. معروف اني ماحب الاربيجي الا لونار..
22- اي عصابه فيها انت ؟؟؟ ( ولا مثلي وحداني )
انا مع عصابة Montada Massacre و أعضاءها هم:
المزيف - رانما - فطوم - ميمي تشان - يويو تشان - اميش تشان - هانا سن - ماي لي - مس كيمينو - لالارو - تويا (اكبر عصابه)
23- تحب تأكل البيذجان ولا الكوسه ؟؟ ( خوش اصناف )
لا ماحب أي صنف منهم ابدا
24- ويش رقمك المميز اللي يعجبك ؟؟
احب رقم 2.. مادري ليش من كنت صغير احب هالرقم
25- كم رقم لوحه سيارتك ؟؟ ( شكلها ا ح ب 6 6 6 )
[COLOR=blue]شدعععوه قالوا لك هايم في الغرام انا?: ?: .. ولوحتي قطرية ماعليها احرف.. COLOR]
26- كم هديه قد جاتك في حياتك ؟؟ ( لحظه الحقيقه)
أنا وربعي ماعمرنا عطينا بعض هدايا حسب ماذكر.. مابيننا وبين بعض هالسوالف لأن احنا اقرب من كذيه.. لكن.. ممممم هديه.. تقدر تحسب هدايا النجاح من الاهل
27- ويش اخر رساله بجوالك وصلتك ومن مين ؟؟
ماذكر عدل.. ايه كانت من عيسوز يقول لي متى بيوصل الدوحه بالضبط باليوم والساعه :) (الله يوصله بالسلامه)
28 - علمني كيف احط توقيع ؟؟ ( سؤال محرج )
موجوده الطريقه في المنتدى العام لقسم الرسم وفي قسم الانيمي بعد :)
29- كم وزنك مقارنه بابولبن ؟؟ ( بيقتلني ابولبن )
مادري كم وزن اخونا بولبن... لكن وزني اقل من 65، ماقدر اقول اكثر من كذيه
30- وش تسمع اغاني اجنبي ولا عربي ولا هندي ولا اوردو ؟؟
ما أسمع الا اجنبي هيفي ميتال.. واغاني الانيمي
31- وش شعورك وشتسوي اذا دخلت سوبرماركت وشريت اغراض كثيره
وحطوها لك في الاكياس وجيت بتحاسب الا مافيه ولا ريال بمحفظتك ؟؟
عادي.. صارت لي مره.. بكل بساطه اقول لهم خلوا الاغراض على جنب بروح وبرجع بسرعه بالفلوس.. لو مارجعت خلاص رجعوا الاغراض مكانها.. بس :)
32-كم مره تسسمت من اكل مطاعم ؟؟
الحمدلله ولا مره
33- وشرايك بأسئلتي ؟؟ ( محد قالك تتعرف علي )
اسئلة حلوه استانست عليها.. (عالاقل سألت يعني)..
..........................................................THE END
fin
اخ تعبت من الكتابه ...... يله الله يعينك على الاجابه رانما
سلامتك من التعب اخوي.. مشكور عالاسئلة وماحسيت بالوقت وانا اجاوب عليهم..
و صراحه صج عتبان على اللي ماسئلوا.. لأني توقعت اشوف اسئله اكثر من كذيه من عدة اعضاء.. لكن مو مشكلة المعزه ماتحسب بكثر الاسئلة (يعني انه كوول)
ومعليش على كثر الاسئله ............................. ومع السلامه
حياااك الله.. وانشالله نشوفك قريب

بس على فكره.. بكره اخر يوم في غرفة التحقيق.. بعدها اعتقد على يوم الثلاثاء راح يكون في عضو غيري (الله يعينه)
سلاااااااااام

احم احم


السؤال الاول انا سمعت ومتاكد انك رسمت مره رسمه وينهي (6) ؟


السؤال الثاني مته بتعطيني الرسمه انشاله


تم بحمد الله :6

عدت اليك بأسئلة جديدة :D

1- متى نمت اليوم؟
2- متى صحيت اليوم؟
3- منهم الأعضاء اللي تتمناهم يسألونك هنا؟
4- أكلتك المفضلة من مطعم الجامعه ":"
5- شي تحبه في الجامعه غير النت و المخالفات :D

هذي أسئلة على الطاير لأن المح قافل حاليا :(

أهلا" برانما عضونا المميز في العصابه:0)

سوري ما دخلت الموضوع من فتره ..لنشغالي بمواضيع ثانيه:(

باجر آخر يوم لك... زين لحقت عليك:واو:

المهم الاسئله..شو أسأل :أفكر: هممم


1- تحب الرسم؟..إذا تحبه ليش ما تحاول ترسم ..لانه فيه واايد ناس يتعلمون على الرسم و حتى وهم أكبار..يعني إذا فيه حب تقدرتتعلم و تصير رسام موهوب..

2- شو رايك برسمي:0) ؟ بكل صراحه.

3- ليش إخترت تدرس في السعوديه اللي بعيده عن بلادك و ما خترت تدرس في قطر؟

4- شو رايك بفكره إنتاج أنيمي عربي بس بأسلوب ياباني؟

5- شو أحلى مجله عربيه حق الاطفال عيبتك؟

6- شو رايك في مجله الفتيات مال المانجا؟؟ أصدرت يديده ..العدد الاول نازل ..إذا تعرفها

7- شو تحب يكون في المنتدى من تغييرات أو شي يديد؟

8- خاطرك بشي من عصابتنا تسويه؟

9- منو مفتقد من الاعضاء ..اللي غابوا عن المنتدى وخاطرك يرجعون؟

10- شو رايك بأسئلتي ..و فيه أي طلبات خاطرك تطلبها من الاعضاء؟؟ ;-)

الحمدالله أول مره أسأل 10 أسئله في هذا الموضوع:0) عشان ما يزعل رانما منا:-)

مع السلامه

السلااام عليكم
شخباركم يا أعضاء المنتدى الكرااام
ايواا في اسئله :d ههههه يحليلي
خلووونا نبدا مع وايلد كيتي.. (اخبااااااااااااارج لج وحشه :")
احم احم
عيش ولحم
السؤال الاول انا سمعت ومتاكد انك رسمت مره رسمه وينهي (6) ؟
احم.. احراااج.. مالقيتي الا هالسؤال..
اذكر اني عرضت رسمتين.. وحده كأن في موضوع ارسم ماتشاء لmzm والثانية كأن فيب موضوع شاهين "ارسم مقاتلك".. (فضحتينا ياكيتي)
السؤال الثاني مته بتعطيني الرسمه انشاله
أي رسمة فيهم!! هههههههههه.. اذا تقصدين اللي عرضتها في المنتدى.. بحاول في اقرب وقت.. اذا رجعت قطر المره الجايه..
تم بحمد الله
طنكس عالاسئلة :)

هلااا بولبن
عدت اليك بأسئلة جديدة
1- متى نمت اليوم؟
نمت الساعه 10..هههه ونمت بعد الساعه 5
2- متى صحيت اليوم؟
اول نومه صحيت الساعه 2 لأن عندي كلاس.. والثانيه صحيت الساعه 8ونص
3- منهم الأعضاء اللي تتمناهم يسألونك هنا؟
والله وايد.. بمعنى واايد.. لأن اللي سئلوني ينعدون على اصابع اليد.. اولهم شلة الدوحه كلهم.. شلة الكويت مافي الا واحد سأل.. ولو بعدد اسامي ماراح اخلص.. لكن اللي اسئلوا فيهم الخير والبركه :)
4- أكلتك المفضلة من مطعم الجامعه
ولا شي.. الاكل تعبان.. ماحب الا الشوكلت بالحليب اللي تسويه المكينه هعهعهع
5- شي تحبه في الجامعه غير النت و المخالفات
ههههههه ولاشي.. حتى النت يقهر
هذي أسئلة على الطاير لأن المح قافل حاليا
تسسسلم عالاسله اخوي.. و "المح" باين انه قافل ههههههه

هلااااا.. رد خاص عشانج هانا سن ;)
أهلا" برانما عضونا المميز في العصابه
هلا والله ومرحبا بنور عصابتنا
سوري ما دخلت الموضوع من فتره ..لنشغالي بمواضيع ثانيه
نووو بربلم اهم شي تعوضين غيابج برسمه لي :d (مستغل الموقف هههههههههههه)
باجر آخر يوم لك... زين لحقت عليك
هيه والله شفتي شلون.. الحقوا علي قبل ماينتهي العرض.. الكمية محدوده كخخخخخ
المهم الاسئله..شو أسأل هممم
الله يستر اعرف أسئلتكم دسمه ":"

1- تحب الرسم؟..إذا تحبه ليش ما تحاول ترسم ..لانه فيه واايد ناس يتعلمون على الرسم و حتى وهم أكبار..يعني إذا فيه حب تقدرتتعلم و تصير رسام موهوب..
ممممم مادري.. احب اشوف رسوم الناس لكن ماعندي الsomething اللي لما اشوف شي حلو امسك القلم وارسمه.. احب أتأمل بس.. يعني في نوعين: رسامين ومتابعين أو عشاق الفن.. تقدرين تحطيني في الفئة الثانية :)
2- شو رايك برسمي ؟ بكل صراحه.
هيهي انا معروف عني صريح :o.. تبين الصراحه.. رسمج وايد عجبني في المانجا مالج.. جد وايد حلو.. حتى الرسوم الثانيه حلوه لكن في بعض رسوم احس ان ماتركزين عليها وماتعطينها حقها.. لكن في النهاية رسمج حلو ولو مو حلو جان ماطلبت ان تكونين معانا في العصابه ;)
3- ليش إخترت تدرس في السعوديه اللي بعيده عن بلادك و ما خترت تدرس في قطر؟
السعودية مب بعيده!! بيني وبين بيتنا في قطر 400 كيلو بالضبط.. لأن التخصص اللي ابيه مو موجود في الدوحه.. وماحبيت اروح اوروبا أو امريكا دام التخصص موجود في دولة خليجيه وجامعه قوية
4- شو رايك بفكره إنتاج أنيمي عربي بس بأسلوب ياباني؟
انا أووول واحد أأيد هالفكره.. أن يتم انتاج انيمي عربي رسومه ماخذه الطابع الياباني.. اقصد من ناحية الدقه والتعابير وبعد اشكال الشخصيات يعني من ناحية العيون وهالامور.. لـــكن مع ابقاء الروح العربية.. يعني نلبسهم ملابس خليجية أو عربيه و الانيمي يكون له طابع عربي عشان يميزنا عن اليابانيين طبعا
5- شو أحلى مجله عربيه حق الاطفال عيبتك؟
احلى مجلة هي ماجد.. لكن الحين احسه تغيرت وايد واختربت.. كانت في مجلة قطرية تصدر عن جريدة الشرق اسمها مشاعل.. وااااااااايد حلوه الكل كان يحبها.. لكن وقفوها من زماااان
6- شو رايك في مجله الفتيات مال المانجا؟؟ أصدرت يديده ..العدد الاول نازل ..إذا تعرفها
!!!!
لا والله اول مره اسمع عنها.. ياريت هانا تطرشين لي معلومات عنها ووين ممكن احصلها، شوقتيني وايد لها
7- شو تحب يكون في المنتدى من تغييرات أو شي يديد؟
سؤال حلو..
المنتدى حاليا حلو والله.. لكن الاعضاء مشغولين..
بس من الامور اللي احب اذكرها.. مواضيع السوالف كثرت.. بس الحلو فيها انها تروّح عن الواحد شوي وتخفف عليه.. وثاني شي اتمنى ان يتم فتح موضوع من الحين عشان تنظيم المواضيع في الصيف.. لأن عانينا من هالمشكله اكثر من مره ان يتم فتح اكثر من مسابقة في نفس الوقت..
بعد أن الاعضاء الجدد يروحون يشوفون المواضيع القديمه وايد احسن.. عشان حتى لما يفكرون في موضوع يمكن يكون موجود واعتقد ان رفع الموضوع القديم احسن من فتح موضوع جديد مما قد يؤدي الى اختفاء العديد من المواضيع القديمه الحلوه..
و شي أخير.. اتمنى من الاعضاء المخضرمين ان يشجعون الاعضاء الجدد اكثر.. لأن هم نفسهم لما محد يرد عليهم يتضايقون.. كلنا لازم نشجع بعض :).... وبس
8- خاطرك بشي من عصابتنا تسويه؟
ودي لو تنشط ونشوف لها كم كومك حلو.. لالا.. ودي اشوف رسمه كشخه تجمع أعضاء العصابة :d
9- منو مفتقد من الاعضاء ..اللي غابوا عن المنتدى وخاطرك يرجعون؟
ايييه.. ضربتي الوتر يا هانا.. كثار.. بحاول اذكر اكبر عدد اقدر:
رانزي - عبير الورد - ريميتا - لولي و روري (انشالله بيرجعون في الصيف) - حسن مان (الله يسعده في حياته الزوجيه) - دارك بلو سول - مزم - داك آيز - كات - مادوكا - تي ام 13 - وينا 62 - لينيير انشالله بترجع في الصيف - نوريكو تغيب وايد - افتقد مشاركات لوجين - ببل..
هذي الاسماء اللي كانت في بالي اول ماقريت السؤال.. يعذروني اللي ماذكرتهم واتمنى من الاعضاء المذكورين ان يرجعون لأن عن جد افتقدهم وايد..
10- شو رايك بأسئلتي ..و فيه أي طلبات خاطرك تطلبها من الاعضاء؟؟
اسئلتج رووووعه هانا واله عجبتني :)... وماطلب من الاعضاء الا ان يشدون حيلهم في الاختبارات ومايقطعون عن المنتدى انشالله..
الحمدالله أول مره أسأل 10 أسئله في هذا الموضوع عشان ما يزعل رانما منا
تسسسسسسسسلمين على هالاسئلة.. ولووو انا مازعل منكم شدعوه.. ماعاش من يزعل منج هانا :)
مع السلامه
يحفظج الله

بكره آخر يوم.. وضحية جديده تنتظركم بكره هعهعهع
سلااااااااااااام

مستحيل اخلي رانما يفلت مني بدون ما أسأله اي اسألة ^^
حتى لو كانت اسألة هبلة ^^

1) أي نوع من الشامبو تستعمل ؟ :6

2) انت قريت peach girl من تحب مومو تكون معاه؟ كيلي والا توجي.. وليش؟

3) ليش ما كملت موضوعك الحلو عن تحليل الانيمي؟ انت بديت بايفانجليون وقلت باكتب وباحط وبعدين خليته.. ليش؟ :غضب:

4) شنو بيت الشعر اللي بيخطر على بالك اول ما اسألك هالسؤال؟ كتبه على طول ^^

5) اي ماركة ثياب تحبها اكثر :6

ادري الاسئلة سخيفة وايد لكن هاي اللي يه في بالي >_< مع اني كنت مبرزة اسألة احسن .. مشكلتي اني اذا ما كتبت اللي افكر فيه على طول انساه :":

سلااااااااااااام
هلاااااااا خلووووووووود:" :" :"
دخلتج هنيه تسوى الـ... تسوى 10 ديفيديات انيمي هعهعهع
shall we start

مستحيل اخلي رانما يفلت مني بدون ما أسأله اي اسألة ^^
حتى لو كانت اسألة هبلة ^^
مشكووووره خلوود فيج الخير والبركة
1) أي نوع من الشامبو تستعمل ؟
هههههههههههههههههههههههههههههههههههههههه الله يغربل ابليسج.. ههههههههههههه استعمل هيد ان شولدرز (النعناع)
2) انت قريت peach girl من تحب مومو تكون معاه؟ كيلي والا توجي.. وليش؟
كيليييي.. صج ان توجي يحبها واااايد ويهتم بمشاعرها وايد وايد.. لكن احس انها مع كيلي احسن لأنه يقدر عالاقل يدافع عنها ومحد يقدر يقرب صوبها لما تكون معاه :)
3) ليش ما كملت موضوعك الحلو عن تحليل الانيمي؟ انت بديت بايفانجليون وقلت باكتب وباحط وبعدين خليته.. ليش؟
تبين الصج.. لأن اصلا انا كنت فاتح هالموضوع عشان ايفانجليون بس هيهي.. وكنت صج استانس وانا اكتب الردود.. بعدها فكرت اكمل مع انيميات ثانيه لكن مادري كسلت.. يمكن لأن احس ان مافي شي يستاهل اتكلم عنه عقب ايفا!! يمكن لما اشوف Lain أو بوجيبوب فانتوم ارجع للموضوع :)
4) شنو بيت الشعر اللي بيخطر على بالك اول ما اسألك هالسؤال؟ كتبه على طول ^^
لوووووووووووووووول والله ولا بيت خطر في بالي.. صج افشل...
5) اي ماركة ثياب تحبها اكثر
الثياب لها ماركات بعد؟!! اخبر بس ثوب ابيض وخلاص... كله البس ثوب... البس رياضه لما اسوي تمارين وعادة احب نايكي أو اديداس بس.. احب اشتري ملابس النوادي بعد :D

ادري الاسئلة سخيفة وايد لكن هاي اللي يه في بالي >_< مع اني كنت مبرزة اسألة احسن .. مشكلتي اني اذا ما كتبت اللي افكر فيه على طول انساه
لاااا الاسئلة عجيييبه :D :D كفاية ان كتبتي اسئلة.. مو مشكله لو تذكرتي أي سؤال ولو واحد اكتبيه هنيه وبجاوب عليه.. عندج لين بكره :)..
مشكوره على دخلوج مره ثانيه خلود u realy make me feel happy

سلااااااااام

أنا لازم أحللك قبل ما تمشي :D

1- شعورك و انت بيفرج عنك ؟
2- من اللي ارتحت مع أسئلته ؟
3- سؤال أزعجك؟
4- سؤال ضحكت فيه من قلب؟
5- شرايك بمنتدى الجامعه اللي سووه؟
6- شرايك فيني؟ << سؤال محرج :o
7- من عندك في المسينجير حاليا؟
8- اخر موضوع رديت فيه ؟ << قبل هذا طبعا :)
9- 5 توقيعات أعجبتك :)
10- شرايك بالأعضاء المطروحة أسماؤهم:
أميش شان - يويو شان - ديك منتوف - زيرو ؟

إذا شفت ردودك .. انشالله بكتب دفعة ثانية ":"