(؟؟) جميع الأسئلة والإستفسارات المتعلقة بالـ Graphic Card توضع هنا فقط (؟؟)

اخوي حاول تخلي الجهاز بمكان فيه تهويه جيده...

اخ تاكد من ان تكون التغذية للطاقة كافية للكرت قد تكون سبباً رئيسياً

بعد التاكد من تنضيف الجهاز كما اوضح لك الاخ Gentleman

سلام عليكم.. عندي مذبورد اقدر اركب فيه اكثر من كرت شاشه..
السؤال هنا.
هل لازم اركب نفس الكرت او اقدر اركب كرت ثاني؟؟
يعني مثلا انا عندي 260GTX اقدر اركب معه 280gTX او اي نوع ؟
وهل يصير فيه تغير ملحووظ اذا ركبت اكثر من كرت؟؟
وشلون اقدر اعرف حراره الجهاز او الكرت؟؟
ارجوو الافاده

ماينصح بتركبين كرتين مختلفين عن بعض ولا اعتقد انها عمليه ممكنه

وفكرة تركيب كرتين لازم يكونون نفس الشي و يكون مزود الطاقه عالي عشان يلبي احتياجات الكرتين

بااختصار قوة الكرتين الراكبين مع بعض كالتالي

الاول مثلا يعطي كامل قوته...الثاني يعطي يمكن 60 % من قوته

فالافضل شراء كرت Ultra اذا وجد من نفس نوع الكرت

مشكور على ردك السريع اول شي.
يعني مستحليه؟! لازم يكون نفس الكرت؟؟
طيب وعن حراره الكرت او الجهاز؟ وشلون اعرف؟؟
وشمكور مقدمأ!

Gentelman
فوق المستحيل

يعطيكم العافيه على افادتكم
وانا ركبت مروحتين تبريد للجهاز وحده من ورى وحده مع الجنب والحمد لله الحراره انخفضت

عندى سؤال ماعليكم امر ابى اتاكد انه اللوحه اللى عندى تدعم خاصية SLI حقت كروت الشاشه وفيها مدخل ثانى حق كرت شاشه
وهذا اسمها Gigabyte GA-EP35-DS3P

الحمد لله انه الحراره تحسنت معاك

ولوحتك حسب ماقريته من موقع الشركه...انها مافيها خاصية SLI

لكن اخوي ابيك تتأكد من حرارة المذربورد من برنامج ايفرست...وياريت تقول لي جم حرارته عندك..لان الجسر الجنوبي للمذربورد ممكن يغطي عليه كرت الشاشه ويرفع حرارته

انتظرك ردك

اخوي فاستر اذا بتعرف حراره الكرت وحراره المعالج

نزل برنامج اسمه EVEREST

اما كرتين مختلفين مااتصير اخوي...لكن مااجزم لك بهالشي

هلا بك اخوى

وبالنسبه للحراره, هذى صوره من ايفرست لحرارة اللوحه الام والكرت والهرادسك ...
وواذا تبي صوره من داخل الجهاز ما عندى مشكله
<http://flashzoom.jeeran.com/photos/1949664_lm.jpg


الصوره فالمرفقات

مثل ماتوقعت ان الكرت مغطى على الجسر الجنوبي عشان جذي حرارة المذربورد عندك مرتفعه شوي يعني المفروض تكون بالثلاثينات او منتصف الثلاثينات

انا كنت لي مثل حالتك وانصحوني ابدل المذربورد...لكن هل فعلا يأثر على الجهاز او لا..الله اعلم !

ممممممششششششششششششككككككككككووووورررررررر يا صديق

اقتباس:

---

المشاركة الأصلية كتبت بواسطة فوق المستحيل

مثل ماتوقعت ان الكرت مغطى على الجسر الجنوبي عشان جذي حرارة المذربورد عندك مرتفعه شوي يعني المفروض تكون بالثلاثينات او منتصف الثلاثينات

انا كنت لي مثل حالتك وانصحوني ابدل المذربورد...لكن هل فعلا يأثر على الجهاز او لا..الله اعلم !

---

مشكور اخوى

بس وش تقصد بالجسر الجنوبي
صراحه كذا مره اسمع به فالمنتديات ولكنى ما اعرفه خخخخخخ:09:

ولكن انا ابغى اعرف ليش الكرت حرارته عاليه مع المراوح صار يثبت على 62 او 61 ولكنها مرتفعه اشوفها صراحه طبعا هذا بدون المكيف

الجسر الجنوبي مااعرف شنو بالضبط لكن ان غطيت عليه يرفع حرارة المذربورد

اخوي طبيعي ترتفع الحراره اذا المكيف مو شغال....والحراره طبيعيه جدا اذا كانت المكيف مو شغاله

نفس حرارة كرتي

جرب تشغل المكيف وتلعب وتطلع وتشوف الحراره..أذا ماتعدت ال70 او 75..فالحراره زينه ..اذا وصلت 80..لازم تشوف حل..اما تفتح الكيس او توجه المكيف على الجهاز

السلام عليكم ورحمة الله وبركاته

اول مشاركة لي في هذا القسم سأتطفل فيه بعض الشيء على الاخوة فوق المستحيل وSuden

Dithe وسنخرج فيها على موضوع الغرافيك فعذرا من الاخ جنتلمان

بالنسبة للجسر الجنوبي او مايعرف بال Southbridge فهو المسئول في البطاقة الام على

التوصيل بين منافذ ال,LAN, USB ,FIR WARE,IDE,LAN,CARTE SON ....

ويرمز له بالرمز ICH

وطبعا بما انه يوجد جسر جنوبي فلا بد من وجود جسر شمالي او ال Northbridge ويرمز له

برمز الرقاقة التي تحملها كل بطاقة على حدى (شركة انتال كمثال 975X .P35.X38.X48....

وهي المسئولة فيما يخص على سبيل المثال تردد الذاكرة DDR2 او DDR3 او بطاقات

الغرافيك لاننسى تقنية CrossFire أوCrossFireوال Sli معا الجيل القادم جيل الX58

ومعالج Nehalem ) وهو الذي يشكل الاختلاف الجذري بين جيل وأخر

فوق المستحيل اضن ان الحرارة في البطاقات الام مسؤول عليها الجسر الشمالي لأن معظم

التقنيات التي يتحكم فيها دائمة العمل ومرتبطة مباشرة بالمعالج حسب ما قرئت في بعض المواقع

اعذرونا للخروج على مواضيع القسم

سلام
انا كنت اشغل الالعاب وملفات الفيديو ذات الوضوح والمساحات الكبيرة وماكان في اي مشاكل
وامس فرمت الجهاز
وذحين لللاسف تجي بشكل بطي ومقطع T_T
وطبعا انا مااعرف نوع كرت الشاشة ....بس اعرف كان تمام ميه ميه
فايش تعتقدوا الخلل؟؟؟
وهل هناك تحديث للكرت يمكن يخليه يادي مهامه بشكل كامل؟؟

أكثـــــــــــم ::

بعد عمل فورمات للجهاز يحتاج إلى تعريف لتشغيل الألعاب أو برامج الفيديو ..ياليت تذكر اسم الكرت لتزويدك بالتعريف ..وشكرا ..