[ XFan's Club ] موضوع النقاش العام عن العاب . استفسار . حلول . مشاكل

مانحتاجه اصلا لووول
خلينا عالدقه العاليه احسن هي السبيل الوحيد في انك تستمتع بالرسوم

يا شباب عندي مشكلة بعد التحديث المنحوس الجديد ما قام جهازي يشغل الالعاب الكوبي ياليت احد يفيدني كيف ارجع العب اشرطة منسوخة

ياما حذرتكم لا تحطون التحديث الجديد تبا
اخوي التحديث هادا يرجع الجهاز المعدل الى اصلي تماما ..... الحل تعيد تعديله من جديد وراح تشتغل العابك من جديد لكن الالعاب اللي تحتوي على نضام حماية AP25 ماراح تشتغل من جديد وهي كالتالي
كود بلاك اوبس
كود مودرن 2
فيبل 3
نيد فور سبيد هوت بورسيوت 2010
اساسن كريد برودر هود
هادي هي الالعاب اللي تحتوي على نضام انتي بيراط واللي ميتشتغل حتى مع اعادة تعديل الاجهاز بعد التحديث الجديد ولكن راح ينزل باتش ضد هالحمايه قريبا ويخلي الالعاب اللي دكرت تشتغل عادي من جديد
اما الاعاب الثانيه كلها شغاله تمام بعد اعادة التعديل من جديد

كيف اعيد تعديله تكفى ابسرعة قولي مافي وقت

الحين جهازك صار اصلي اوكي روح المحل قله حظيت التحديث الجديد ابي اعدله وهو راح يفهم شغله

الــــسلام عليــــكم

>> يطل بكل هدوووء

كيف حالكم ياشعب الغيمز

^
احنا بخير كيفك انت ؟ ^__^

دوم ياربي ،

انه والله بخير الحمدالله

اخبار الغييييمز ؟

مع اني قاعد اتابع بس بين فترة وفترة هههه بس ناخذ العلم من اهل العلم :)

والله مو لين هناك .. حاليا جالس العب la Noire

ولسه ما ختمتها .. انت شتلعب الحبن ؟

شخباركم يا شباب

الحمد لله طيبين

هههه ماشاء الله الاعضاء رجعو مره وحده...
حياكم..

^
صحيح شيء يفرح ^_^

كيف حالك روبسو من زمان عنك يا شيخ .. :)

ريفو,تيترا
مبروووك عليكم الرقابة..^_^

مبروك للمراقبين الجدد ,, توني منتبه ^_^"

ههههههههههههههههههههه
والله انا بنفسي منتبهت لو ماقريت رسالة كاسح عالعموم ياشباب محتاجينكم مووووووووووووووووووووووت لا تتركونا زي المجانين هون
نبيكم جنبنا <3

^
اكيد نبيهم .. هم اعمدة منتدى الاكس بوكس ^_^

والله يبارك فيكم عبود وصالح :)

امين
اقول شباب لاحظت ان المنتدى مايتوافق مع Google Chroom

كيف ما يتوافق؟ << Firefox user

جرب اشتغل بيه شوي من الوقت مع المنتدى كل شوي يطلع خطئ الصفحه غير متواجده حاليا او مشكله بالاتصال مثل هيك جنني
حولت عالفيرفوكس مافي اخطاء ابدا شغال تمام

اقتباس:

---

المشاركة الأصلية كتبت بواسطة NiN RevO

^
صحيح شيء يفرح ^_^

كيف حالك روبسو من زمان عنك يا شيخ .. :)

---

الحمدلله بخير، الله يسلمك.. انشغلت طول هالمده ودايما نشتاق للمنتدى والشباب الطيبين

شباب ادعو معي
اليوم رايح اشتري جهاز جديد باذن الله بعد مايخلص المعرض ان شاء الله D=

^
مبروك مقدما ً تترا ^_^

الله يبارك فيك ريفو ^^

ريفو ما شاء الله مراقب!

هي رقابة دائمة ولا بس لـE3؟
على العموم مبروك تستاهلها ^^

باقي أقل عن ساعة لمعرض مايكرو...
أحس يا يكون خرافي أو ممل، ماشي وسط، نشوف...

شباب
شو صاير معاكم وينكم اختفيتو

موجود لكن هالأيام بديت وظيفة فـ وقتي صار محدود ,, عرض امس كان رائع! ,, لكن لا نتناقش هنا فيه موضوع خاص

همممممممممممممممم اوكي خلينا الحين نتفرج على مؤتمر النينتيندو على وشك البدئ وبعدين اكمل اخبار الاكسبوكس مانس قادر استن مشان اشوف الجهاز الجديد وقدراته

أخيرا ! مبروك الترقية شباب :)

أحم أحم نسيت , كيف حالكم شباب عساكم بخير ^^

^
هلا والله تومين ^_^

من طول الغيبات جاب الغنايم .. يله منتظرين ابداعاتك :)

الله يبارك فيك
شباب شريت اليوم اكسبوكس سليم هاوز ابكي مشان انا الحين من اصحاب الاصلي لوووووول

^^^^
مبروك تيترا , شريت كينكت معاه ؟

قريب لاحقك ان شاء الله , تدري منقطع عن اللعب من فترة طويلة عشان الاصلي

الله يبارك فيك ^^
احنا هوات الجيمز نعاني شوي هون من قلة الاصلي لان القرصنه طاغيه بشكل مرعب عندنا في المغرب والله نعاني كثير
ادا بغيت لعبه اصليه لازم لازم لازم اوصي حد في اوروبا مشان يشتريها لي من هناك ولمتا توصل عندي 6 شهور يعني بالمختصر المفيد انا معذور ادا لعبت كوبي مافي حل ثاني ولا ما العب
الحين شريت السليم امبارح للحين ماخرجته من الكرتونه نهائيا ولا شته اصلا لاني عارفه اصلي وماعندي اي اشرطه اصليه بتاتا والحين اتهاوشت مع صاحب المحل في التلفون قبل شوي راح ارجه له لكنه طلع ابن اللللللللللللللل
قال ايش راح ينقص من فلوسي مشان الجهاز خرج من المحل خلاص ومايثيق في والله الحين انا مثل البركان عاوز ينفجر + شاريها بثمن خيالي ثمن رهيب نصب واحتيال بالعلن لا مو هيك وبس شاري سليم ف يكرتونة الفات حلل وناقش
قلك الاجهزه تجي بالكم فمافي مساحه نخلي الكرتونه مع الجهاز ...... يا الله ساعدني شو بسوي الحين والله حاسس مخنوق الحين -_-

^
اوه الله يعينكم ..

تيترا هي غلطتك

بما أنك تدري أنه مافي أصلي و صعب تحصله ليه شريت السليم

و بسعر غالي بعد و بعدها قررت ترجعه -_- .... الله يهديك

الصراحه هالشي كله حصل بسببي ..... قلت صبري وصلتني لهالدرجه
الحين رجعن من عند المحل بنفس الجهاز مايبغى يرده ولا يبدله ولا اي شي
كنت احسبه ضديق مشان من فتره طويله اشتري منه وبيناتنا تلفونات وكل شي وهاد الجهاز هو رابع جهاز اشتريه منه ف يالاخير يعاملني مثل هيك
الحمد لله اتعلمت كثير دروس في هالشغله ماراح تتكرر ان شاء الله

^
معليش يا رجال فداك .. خليه عندك واطلب العاب من النت .. فيه مواقع كثيره في النت توصل بأرخص الاسعار ..
او شوف له بيعه .. !!

شكرا نينو عالتعديل وسماحه غضبي خرجني عن السيطره
طاشي يمشي تمام انشاء الله قريب

^
كلنا نغضب لكن لازم نمسك اعصابنا :)

انا اعرفك خلوق واسلوبك راقي ^_^

تيترا عندي لك حل

أنت قلت أنه بامكانك توصي أحد من أوروبا

طيب قل لصديقك أو قريبك يشتريلك اللعبة و يرسلها عن طريق البريد السريع UPS,DHL,FEDEX,TNT,ARAMEX

راح تستغرق ثلاثة أربعة أيام وتكون اللعبة بين ايديك

اقتباس:

---

كلنا نغضب لكن لازم نمسك اعصابنا :)
انا اعرفك خلوق واسلوبك راقي ^_^

---

شكرا نينو ماراح تتكرر =)

اقتباس:

---

تيترا عندي لك حل

أنت قلت أنه بامكانك توصي أحد من أوروبا

طيب قل لصديقك أو قريبك يشتريلك اللعبة و يرسلها عن طريق البريد السريع UPS,DHL,FEDEX,TNT,ARAMEX

راح تستغرق ثلاثة أربعة أيام وتكون اللعبة بين ايديك

---

ادري عندي عيله فاوروبا لكن راح يكون امر مرهق من مرور الايام شو اسوي لما يوصل شهر 11 ههههههههه كم هئل من الالعاب في شهر واحد المشكله اعتدت العب كل شي فوقته امفففففففففففففف هادا اللي نفد صبر وتسرعتعلى العموم الحين الجهاز شغلته تمام هو لسه جديد وان شاء الله الحل قريب انا بامكاني ادش لايف بجهازي المخرب وادردش بيه وكل شي عادي لكنه مايشغل العاب على اشرطه القارئ مات

السلام عليكم ياجماعه انا ودي اشترك بالقولد بس سالفة الدفع عشان العب اون لاين موعاجبتني هل في شي يستاهل يخليني اشترك بالخدمه ممكن تفيدوني

^
اشتراك الـ Gold علشان تقدر تلعب اون لاين او مع اصحابك بس .. وفيه العاب تقدر تلعب فيها بالفضي

اما الباقي انك تشتري العاب اركيد او تنزل ديمو مثلا ً ما يلزمك تشترك ..

صباح الخير
شلون الشباب
قاعد اعمل زيارة على اقسام الالعاب
نتفرج يمكن ندخل في هالمجال :)
تقبلو مروري

^
حياك الله اخوي Heartbeat ^_^

اهلا وسهلا فيك فاي وقت =)

أهلا وسهلا بك Heartbeat

أعطيك نصيحة وحدة لاتدور للبلايستيشن ابد <<< عنصري

تترا. مافي إمكانية انك تشتري الديفيدي روم وتركبه بنفسك او عند محل؟ بدل مايروح الجهاز القديم على الفاضي .,.
بالنسبة للألعاب. ماعندك امكانية انك تشتري العاب من مواقع ؟ فيه مواقع فيها شحن للمغرب اكيد. يصير توصلك خلال اسبوع (اعتقد تقدر عن طريق امازون برضو) بس امازون شحن بريد. باقي المواقع عن طريق شركات شحن ...

ايش الجديد معاكم؟. انا بطلب لي ان شاء الله كرايسيس 2. ويمكن كمان روك باند 3 مع كيبورد وقيتار ...

اقتباس:

---

تترا. مافي إمكانية انك تشتري الديفيدي روم وتركبه بنفسك او عند محل؟

---

اصلا حتى لو ركبت ديفيدي ثاني مكان الخربان مارح يشتغل =)
ميكروسوفت حاطه في كل جهاز كود وفي الديفيدي نفس الكود والكود هاذا مايتكرر يعني كل جهاز له كود خاص بيه مايتكرر في جهاز ثاني
ادا حطيت ديفيدي ثاني يعني فيه كود غير الكود اللي في الجهاز وبهيك ماراح يتعرف الجهاز عن الديفيدي ابدا المسئله مسئله تقنيه بالمختصر المفيد ادا خرب الديفيدي ارمي الجهاز كله مافيه فايده ابدا الا ادا تبي تلعب بيه ديموهات تتفرج افلام
تيمات تدش لايف تلعب بيه بيتا اونلاين راح ينفعني مع كل بيتا تنزل ههههه

عموماً بما انه اشتريت اكسبوكس سلِم فأشوف انك تستمتع باللعب اونلاين بدون قلق او خوف وكل مايجي ابديت جديد تسوي اوكي بدون تردد ^^ .,.
اما الألعاب فزي ماذكرت لك تقدر تشتريها بنفسك من برا سواءً بإستخدام بطاقتك اذا عندك او انك تطلع بطاقة او انك تشوف اي احد تعرفه ويشتري لك الألعاب وتعطيه المبلغ في يده. بس طبعاً لا تنسى اذا انك فكرت تشتري من برا اتأكد اذا كان الاكسبوكس امريكي او اوروبي عشان الأشرطة الي مو فري ريجن ...

^^ ان شاء الله يكون خير

عذراً، ليش عدلت الرد؟. ما أشوف اني كتبت اي شيء مُخالف...

^
تلقاه عدلك حرف ممكن انك كتبته خطا علشان جمالية المشاركه ^_^

اقتباس:

---

عذراً، ليش عدلت الرد؟. ما أشوف اني كتبت اي شيء مُخالف...

---

Soryh
لا تزعلت مني عدات النصف الاعلى من الرد كان داخل في مجال التهكير ^^ سماحه

الي تقدر تعدله الجزء الي قلت فيه ان جهازك معدل. وهذا انت بنفسك الي ذكرته في الصفحة السابقة في احد ردودك وتكلمت عن ان جهازك معدل. فإذا كان نقطة انه جهازك معدل ممنوعة فالأحرى انه انت من الأساس ماتذكرها. الجزء الثاني هو عن انه تقدر تغير الديفيدي درايف، اذا كان الي عندك خربان او تغير الليزر من الديفيدي الجديد بالليزر تبع الديفيدي الخربان .,.
فيه شيء مخالف في الكلام الي فوق؟. تجاوباً مع قوانين المنتدى انا منتبه انه ردودي تكون متوافقة مع القوانين. فهذا شي ضايقني يوم الاقي ردي معدل وانا ماخالفت اي قانون او ذكرت اي شيء مُخالف .,.
النقطة الثانية. ردي كان مُفيد في حالة انه احد صارت معاه نفس المشكلة فيصير عنده المعلومة انه يقدر يغير الديفيدي او الليزر بواحد جديد بدل ما يحسب انه لازم يرمي الجهاز ويروح يشتري واحد جديد. واذكرك مرة ثانية انه ردي مافيه اي شي عن تعديل الجهاز غير الجزء الي انت شخصياً ذاكره بخصوص انه جهازك معدل .,.
ولو ترجع للصفحة الماضية حتلاقي انه في 2 تكلموا عن التعديل بشكل واضح وانت رديت عليهم وشرحت لهم ايضاً وماكان عندك اي مشكلة مع انه كانت مُخالفة واضحة. وعضو ثالث تكلم عن التعديل بطريقة غير مُباشرة ورديت عليه انت ايضاً .,.
هذي الردود من الصفحة الماضية (في الأسفل). عشان تشوفها بنفسك وتشوف انك قاعد تتكلم عن التعديل ومخالف قوانين المنتدى ومافيه اي احد عدل لك ردودك من المراقبين الي هنا. فكيف تعدل ردي وانا ماذكرت فيه اي شي مُخالف من الأساس؟؟. ماعجبك اني ذكرت انه جهازك معدل؟ طيب هذا انت قايله بنفسك .,.
ملف مرفق 340761
ملف مرفق 340762
ملف مرفق 340763
ملف مرفق 340764
ملف مرفق 340765
انا تارك منتدى آخر بسبب المشرفين الي فيه. فيصير شي زي كذه معايه هنا؟. هذا الي مضايقني .,.

حصل خير ياشباب..هدو الامور..

ماتادور مالاحظت العرض حق اوبريشن راكون سيتي الجرافيكس فيه مو قد كذه ؟. او يمكن عشاني اتفرجته على الاكسبوكس اونلاين ...

والله دمرو الله ..اللعبة احتلفت فيها طريقة اللعب ... حتى الزومبي مدري وش صار فيه..اصبحو مثل زومبي لفت فور ديد..

ياخي نفسي يرجعوا ريزيدنت ايفل 3 حقت النيميسس. حماس مو طبيعي. المركز الثاني ريزيدنت ايفل 2. الجزء الأول حسيته اكثر جزء مُرعب بشكل مو طبيعي كأنك في فلم. اما كود فيرونكا مش بطال ابداً انا اشتريت الدريم كاست يومها عشان كود فيرونكا كان حصري على الدريم كاست. ويرحم ايام شين مو كانت اول لعبة بنظام مفتوح. يعني مثلاً تشوف تلفون عملة في الشارع تقدر تستخدمه وتتصل. تشوف الة ببسي في الشارع تقدر تستخدمها وتاخذ منها عصير. ذكريات زمان ^^ .,.
ريزدنت من بعد كود فيرونكا من حفرة لدحديرة. كان نفسي العب ريزدنت ايفل زيرو ما أعرف اذا كانت كويسة او لا مقارنة بالي قبلها لأنها للأسف كانت على الجيم كيوب .,.
ريزدنت ايفل 4 عندي من البلايستشن 2 بس نهائياً ماجالي نفس اكمل لعب فيها من بعد مالعبت فيها شوي ...

ولاتنسى الجزء الرابع ..بصراحه هذا الجزء مانساه خاصة اللي كان معه منشار يجيك من وراك وانت متدري يهز القلب والله
http://up.graaam.com/p10ic/4ef0d3fc16.gif
اما الخامس كان يفتقد تماما للرعب
..
والسادس خيبه امل
http://www.mazikao.net/vb/imgcache/16209.jpg

الخامس عندي من ايام مانزل. بس تصدق الى الآن ماقد لعبت فيه؟. معد صار فيه شي يحمسني انه لازم العب ريزدنت للأسف. احس بعض شركات الألعاب يتعمدوا يخربوا اللعبة ما أدري ليش... ليتهم يطبقوا هذي المقولة "اف ذا ريسيبي از وركنق دونت تشينج إت" ... بس ما ادري ايش فيهم من احسن لعبة رعب الى اسوء لعبة. استغرب انهم مايشوفوا او يهتموا بردة فعل الاعبين عشان يعدلوا ويطوروا الأجزاء القادمة للأفضل. ممكن فقط مهتمين بالداي فانسز الي حتى لو كان شي مو قد كذه يطلعوه السما من المدح .,.
السادس قصدك به اوبريشن راكون ؟ .,.
على فكرة اذا تحب ريزدنت شوف ديجينيريشن (انميشن) خطيييييييييير. مستغرب انه مو مشهور زي الثلاث اجزاء الي قبله (ممكن عشانه انميشن؟). بالنسبة لي احلى من 1 و 2 و3 ...

اقتباس:

---

السادس قصدك به اوبريشن راكون ؟ .,.

---

يس ..

اقتباس:

---

استغرب انهم مايشوفوا او يهتموا بردة فعل الاعبين عشان يعدلوا ويطوروا الأجزاء القادمة للأفضل

---

اكيد مو مهتمين لو مهتم بالردود بس يكفي اليوتيوب .. شوف عرض القيم بلي ولا واحد نال اعجابه ..

اقتباس:

---

على فكرة اذا تحب ريزدنت شوف ديجينيريشن (انميشن) خطيييييييييير. مستغرب انه مو مشهور زي الثلاث اجزاء الي قبله (ممكن عشانه انميشن؟). بالنسبة لي احلى من 1 و 2 و3 ...

---

مو متهتم فيه..


على فكرة ترايلر اللعبة كان مقلب كبييير بصراحه..من بعد ماطلع عرض القيم بلي طلعت الفضايح..ههههه وانا من اللي طاحو في المقلب
من بعد ماشفت الترايلر تحمست حماس مو طبيعي حتى توقيعي غيرته .. ههههه..

الان بغير توقيعي..وبحذف الصورة .. لان بصراحة مايستاهل

Night Road
كيف العاب الشوتر معك مهتم فيها ..؟ خاصة كود ..؟

اوف كورس^^. بس على الكونسولز (اكسبوكس) جديد على العاب الشوترز (مني متعود على اني اصوب بالستيكس صعب مرة مقارنة بالماوس على الكمبيوتر).,.
اشتريت بلاك اوبس و باد كمبني في الكريسمس الماضي مع كم لعبة ثانية وبديت العبها كم يوم. بعدين جربت باد كمبني 2 ............ لا تعليق صراحة. حششت عليها بشكل مو طبيعي.,.
جربت باد كمبني 2؟ ...

يس جربتها على ايام الاكس بوكس حقي القديم اللي خرب بعد ماصابته اللمبة الحمراء..-_-
الجرافيك مذهل .. والتحكم فيه شوية سلبيات ..
اللعبة في السنايبر فاشلة جدا..
مع العلم اني ماخلصت اللعبة..

انا من مدمني الكود ..صحيح ان الجزء القادم من فيديوهاته اشوف انه ماختلف عن MW2 وهذا اللي يحطمني ان مافيه شيء جديد ..لكن ماقدر استغني عن الاون لاين حق اللعبة لانه ممتع جدا..

+
عندك PS3

اقتباس:

---

على فكرة اذا تحب ريزدنت شوف ديجينيريشن (انميشن) خطيييييييييير

---

تعرف ليش حلو ؟؟ لأنه ببساطه ياباني و مسلسل الافلام امريكي .. !!

انا من بعد الرابع ما لعبت ريزي ولا اهتميت لأخباره حتى راكون وجزء الـ 3DS الجديد -_-

الحين انا املي في الرعب بلعبتين .. سايلنت هيل و الان ويك ..

اقتباس:

---

المشاركة الأصلية كتبت بواسطة AL- M a T a D o r

يس جربتها على ايام الاكس بوكس حقي القديم اللي خرب بعد ماصابته اللمبة الحمراء..-_-
الجرافيك مذهل .. والتحكم فيه شوية سلبيات ..
اللعبة في السنايبر فاشلة جدا..
مع العلم اني ماخلصت اللعبة..

انا من مدمني الكود ..صحيح ان الجزء القادم من فيديوهاته اشوف انه ماختلف عن MW2 وهذا اللي يحطمني ان مافيه شيء جديد ..لكن ماقدر استغني عن الاون لاين حق اللعبة لانه ممتع جدا..

+
عندك PS3

---

متأكد جربت باد كمبني 2 مو 1؟. ياخي السنايبر فيها شي مو طبيعي. اللعبة جداً واقعية كأنك من جد في حرب!. بلاك اوبس ياخي مرة مادخلت مزاجي. بس موديرن 3 شكلها من جد خطيرة. بس في المقابل لو تشوف باتل فيلد 3 واو من جد .,.
على فكرة غير بلاك اوبس انا ماقد لعبت كول اوف دوتي إلا قبل 7 سنوات على الكمبيوتر في المقهى مع الشباب. كان حماس وقتها .,.
على سيرة كول اوف دوتي احس بلاك اوبس مو قد كذه مقارنة بـ مودرن وورفير. ولا؟. أحس مودرن وورفير أحلى. وان شاء الله احتمال كبير اشتري موديرن 3. بس أول شي لازم باتلفيلد 3.,.
بس انصحك تلعب باد كمبني 2 شي مو طبيعي مقارنة ببلاك اوبس. انا محشش ريكون (سنايبر) فيه 2 انواع سنايبر في الريكون اكثر شي تناسبني. برضه عندك الميدك سويت فيه افلام هندية. قاعدين في الجبهة الأمامية وانا ميدك وتشوف كل مايموت واحد اسويله ريسساتيت. حسيت الي قدامنا مو مصدقين كيف قاعدين يقتلونا وكل شوي يطلعوا الي يموتوا. المختصر حماس مو طبيعي ^^ .,.
لأ ماعندي بلايستشن 3. بس ممكن ان شاء الله في الفترة الجاية لأني ابغا اشتري تلفزيون برضه ...

اقتباس:

---

المشاركة الأصلية كتبت بواسطة NiN RevO

تعرف ليش حلو ؟؟ لأنه ببساطه ياباني و مسلسل الافلام امريكي .. !!

انا من بعد الرابع ما لعبت ريزي ولا اهتميت لأخباره حتى راكون وجزء الـ 3DS الجديد -_-

الحين انا املي في الرعب بلعبتين .. سايلنت هيل و الان ويك ..

---

من جد ياخي. نيبون دايسكي ^^. العاب، دراما، انمي. كلها على بعضها حلوة .,.
سايلنت مني فاكر إلا الجزء الأول لعبته على البلايستشن 1. بس ياخي رعب لا يُعلى عليه (خوف من المجهول وضباب) نفسي العبها ثري دي ^^. شفت الفلم حق سايلنت؟. وآي تيك سمثنق قود اند ميك ات باد؟... نفس الشي مع ريزدنت الأفلام. منهم لله بس ...
الان ويك ذكرتني فيها. عندي من زمااان وباقي مالعبتها. بس المشكلة عندي حتى لوست اوديسي من بعد الديسك الأول ماجاني فرصة اكملها .,.

على فكرة لعبتوا ريد ديد ريدمشن؟. حسيتها من جد رُعب. تستاهل نوعاً ما تكون البديل الجديد لريزدنت ايفل ...

اقتباس:

---

الي تقدر تعدله الجزء الي قلت فيه ان جهازك معدل. وهذا انت بنفسك الي ذكرته في الصفحة السابقة في احد ردودك وتكلمت عن ان جهازك معدل. فإذا كان نقطة انه جهازك معدل ممنوعة فالأحرى انه انت من الأساس ماتذكرها. الجزء الثاني هو عن انه تقدر تغير الديفيدي درايف، اذا كان الي عندك خربان او تغير الليزر من الديفيدي الجديد بالليزر تبع الديفيدي الخربان .,.
فيه شيء مخالف في الكلام الي فوق؟. تجاوباً مع قوانين المنتدى انا منتبه انه ردودي تكون متوافقة مع القوانين. فهذا شي ضايقني يوم الاقي ردي معدل وانا ماخالفت اي قانون او ذكرت اي شيء مُخالف .,.
النقطة الثانية. ردي كان مُفيد في حالة انه احد صارت معاه نفس المشكلة فيصير عنده المعلومة انه يقدر يغير الديفيدي او الليزر بواحد جديد بدل ما يحسب انه لازم يرمي الجهاز ويروح يشتري واحد جديد. واذكرك مرة ثانية انه ردي مافيه اي شي عن تعديل الجهاز غير الجزء الي انت شخصياً ذاكره بخصوص انه جهازك معدل .,.
ولو ترجع للصفحة الماضية حتلاقي انه في 2 تكلموا عن التعديل بشكل واضح وانت رديت عليهم وشرحت لهم ايضاً وماكان عندك اي مشكلة مع انه كانت مُخالفة واضحة. وعضو ثالث تكلم عن التعديل بطريقة غير مُباشرة ورديت عليه انت ايضاً .,.
هذي الردود من الصفحة الماضية (في الأسفل). عشان تشوفها بنفسك وتشوف انك قاعد تتكلم عن التعديل ومخالف قوانين المنتدى ومافيه اي احد عدل لك ردودك من المراقبين الي هنا. فكيف تعدل ردي وانا ماذكرت فيه اي شي مُخالف من الأساس؟؟. ماعجبك اني ذكرت انه جهازك معدل؟ طيب هذا انت قايله بنفسك .,.

---

ما انكر كل الكلام اللي قلته فحقي .. فعلا انا تكلمت في مجال القرصنه وبشده كمان لكن ادا لاحظت في داك الوقت كنت عضو والحين مراقب فبعد مراجعتي للقوانين بقوه لقيت اني فعلا مذنب في اللي قلته ولو انه الشباب كانو في امس الحاجه للمساعده .... الحين انا ادري شنو هي المسؤوليه وانا اسف ادا تضايقت في شي ما اقصد ازعلك لانه بطبق القوانين بس واحنا في حاجه ماسه لهالشي .

ميكروسوفت تقول ان الصدارات الجديدة من الاكس بوكس راح تكون مزودة ب بروسيسور جديد

بس مادري وش راح يفرق بينه و بين الاصدارات القديمة ؟

اقتباس:

---

المشاركة الأصلية كتبت بواسطة Night Road

على فكرة لعبتوا ريد ديد ريدمشن؟. حسيتها من جد رُعب. تستاهل نوعاً ما تكون البديل الجديد لريزدنت ايفل ...

---

نعم ..!! لعبة اكشن شدخلها في الرعب .. ؟!؟ :09:

هي اللعبه روعه وقصتها حلوه مره .. لكن مو مثل اسلوب ريزي القديم الغاز ورعب ..

اي اصدارة تقصد ?
الجيل الجديد ?

اقتباس:

---

المشاركة الأصلية كتبت بواسطة NiN RevO

نعم ..!! لعبة اكشن شدخلها في الرعب .. ؟!؟ :09:

هي اللعبه روعه وقصتها حلوه مره .. لكن مو مثل اسلوب ريزي القديم الغاز ورعب ..

---

ناحية الألغاز من جد. بس برضه اذا تعرف داينو كرايسيس و اونيموشا. فيه اشياء من زمان احس ماتتكرر. شي مُحزن انه مافيه اشياء بجودة اشياء زمان .,.
شوف هذي ريد ديد...
http://youtube.com/YHLVEGm7LrU?hd=1

اقتباس:

---

المشاركة الأصلية كتبت بواسطة TwOMeN

ميكروسوفت تقول ان الصدارات الجديدة من الاكس بوكس راح تكون مزودة ب بروسيسور جديد

بس مادري وش راح يفرق بينه و بين الاصدارات القديمة ؟

---

على حسب قيم إنفورمر انه الاكسبوكس سلِم 250 قيقا راح يتوفر فيه المُعالج الجديد .,.
من المميزات للمُعالج الجديد ذا سستم اون تشيب (SoC) انه يتضمن مُعالج الجرافيكس (GPU)، المُعالج الرئيسي (CPU)، الذاكرة، ووحدة الإدخال والإخراج (I/O logic) في قطعة واحدة .,.
على كلام مايكروسوفت انه قاعدين يسووا القطعة من 5 سنوات. من مميزاتها:
× تقليل المُعالِجات المُستخدمة بالتالي تقليل قيمة التصنيع المرتبطة بها .
× تقليل حجم المذربورد، ومحول الطاقة (الكهرباء) .
× توفير إدارة أفضل من ناحية الحرارة .

على فكرة مايكروسوفت ماذكرت اي شيء عن متى يتم توفير الأجهزة الجديدة المتضمنه على المُعالج الجديد ...

هذا مقطع الفيديو يا نينو. مالحقت اعدله فوق انتهى الوقت ...

http://www.youtube.com/watch?v=YHLVEGm7LrU?HD=1

اقتباس:

---

متأكد جربت باد كمبني 2 مو 1؟. ياخي السنايبر فيها شي مو طبيعي. اللعبة جداً واقعية كأنك من جد في حرب

---

نعم متاكد اني لعبت الجزء الثاني..
فيه فرق بين سنايبر كود وباد كومباني..
كود اللي يميزها عن الالعاب الاخر هو السنايبر ..
السنايبر يحتاجله واحد محترف ..لان العيار مو ثابت ..
اما باد كومباني واغلبيه الالعاب الشوتر العيار يكون ثابت ..فأي واحد يستطيع ان يستخدمه ..كلها بس عاير واطلق بكل سهولة ..
فهذا شيء غير ممتع

اقتباس:

---

على سيرة كول اوف دوتي احس بلاك اوبس مو قد كذه مقارنة بـ مودرن وورفير. ولا؟. أحس مودرن وورفير أحلى

---

اكيد mw الاحلى والامتع والافضل ^_^..بس الجميل في بلاك اوبس ..انهم حذفو النيوك ..مزعج جدا..-_-

اقتباس:

---

نفسي العبها ثري دي

---

+1
متى الوقت اللي اجرب فيه الثري دي ..لكن اللي مخوفني منه..
انه الشركة بنفسها ..ماتنصح ان تجلس عليه لمدة ساعات ..
فالنظر عندي طبعا مو ناقص..^_^ ههه

اقتباس:

---

اي اصدارة تقصد ?
الجيل الجديد ?

---

لا , السليم نفسه بس الاصدرات الجديدة راح تحتوي على معالج جديد

اقتباس:

---

على حسب قيم إنفورمر انه الاكسبوكس سلِم 250 قيقا راح يتوفر فيه المُعالج الجديد .,.

---

اعتقد أن جميع الصدارات راح تحتوي على هذا المعالج الجديد

اقتباس:

---

من المميزات للمُعالج الجديد ذا سستم اون تشيب (SoC) انه يتضمن مُعالج الجرافيكس (GPU)، المُعالج الرئيسي (CPU)، الذاكرة، ووحدة الإدخال والإخراج (I/O logic) في قطعة واحدة .

---

هم ذكروا كلمة جرافيك مرارا و تكرارا و ميكروسوفت تقول أنه لن تكون هناك مشكلة في تشغيل الألعاب القديمة , مادري اذا راح نشاهد فرق في الجرافيك أو لا ؟

والله اني حائر الان لاني ناوي أشتري السليم فماادري اذا أنتظر الاصدار الجديد أو أغامر

اذا كانت فيه معلومات حول ما اذا كان فيه فرق في الجرافيك راح أتريث ,أما باقي المميزات من حجم المذربورد و محول الطاقة فكلها لا تهمني

شكرا المعلومات ^^

اه.. قصدك ثبات السنايبر. اتفق معاك لو في باد كمباني/باتل فيلد يخلوه زي الحقيقي يكون أفضل. بس بالنسبة لي شخصياً غير نقطة ثبات السنايبر باد كمباني ادخل معاها جو أكثر من بلاك اوبس. ممكن عشان المابات كبيرة ويبغالها تكتيك. او يمكن عشان محرك اللعبة تبع باد كمباني افضل بالنسبة لي .,.
تخيل يسوا اللعبتين مع بعض؟ زي تيكن×ستريت فايترز ^^ .,.
الثريدي من زمان وانا نفسي اجربه من قبل سنتين ممكن. بس ان شاء الله ناوي قريب اشتري التلفزيون والبلاستيشن 3. من ناحية النظر يعتمد على عدة أشياء. من ضمنها نظر الشخص، نوع التلفزيون، نوع النظارة، والبعد عن التلفزيون. حالياً التلفزيونات بدأت أكثرها تصير 240 هرتز الريفريش ريت. برضه النظارات الاكتيف شتر صارت أفضل بكثير من أول. طبعاً كلامي كله على موديلات السنة هذي من ناحية التلفزيونات والنظارات .,.
أنت عندك البلايستشن. ناقصك بس التلفزيون (اكثرها يجي معاها نظارة او اكثر). بس اولاً وآخراً اذا حسيت بصداع او عينك تحرقك، الخ.. فلازم توقف .,.
بلاك اوبس تقدر تلعبها ثري دي ^^. برضه كم لعبة ثانية على البلايستشن 3 ...

اقتباس:

---

اعتقد أن جميع الصدارات راح تحتوي على هذا المعالج الجديد

---

الخبر من مايكروسوفت كان واضح انه فقط لـ السلِم 250 قيقا .,.

اقتباس:

---

هم ذكروا كلمة جرافيك مرارا و تكرارا و ميكروسوفت تقول أنه لن تكون هناك مشكلة في تشغيل الألعاب القديمة , مادري اذا راح نشاهد فرق في الجرافيك أو لا ؟

والله اني حائر الان لاني ناوي أشتري السليم فماادري اذا أنتظر الاصدار الجديد أو أغامر

اذا كانت فيه معلومات حول ما اذا كان فيه فرق في الجرافيك راح أتريث ,أما باقي المميزات من حجم المذربورد و محول الطاقة فكلها لا تهمني

---

الي واضح من الخبر انه مافيه اي مشكلة مع الألعاب او مشاكل عدم توافق. الي فهمته انه الهدف زي ابقريد للهاردوير عشان الحراره، وبرضه عشان السعر يقل أكثر بالنسبة للجهاز الجديد .,.
شخصياً ما أشوف حيكون فيه فرق في الجرافيكس. لأنه مو جهاز جديد. فقط تطوير .,.

اقتباس:

---

شكرا المعلومات ^^

---

العفو ^^ ...

كتبت موضوع مستجدات لـفار كراي لكن نقلته لقسم البلاي 3 ..التفاعل هناك اكثر

مافي مشكله اصلا القسم محتاج ماوضيع تنشيط في الوقت الراهن اكثر من المواضيع الرسميه والمستجدات ووالمراجعات

مرحباا
س1 يا هوة اخر تحديث نزل على الاكس بوكس
س2 اخر لعبة نزلت على الاكس بوكس
س3كيف انزل لعبة على الهارد دسك مال الاكس بوكس والعب العبة بدون تدخيل القرص
س4 هل تحديث الأكستريم اذا حدثته هل اقدر من بعده اشغل العاب كوبي
س5 كيف اربط الأكس بوكس على الحاسوب وانقل الملفات صور وافلام ......الخ
س6 اقدر اشغل خدمت لايف دوت اشتراء قطعة خارجية عن طريق كيبل الأيثرينت
س7 كيف اعمل النيتورك وهاي الأمور عند الربط
س8 كيف اشترك شتراك فضي
س9 كيف اشترك شتراك ذهبي
س10 هل الأقراص الكوبي لها ضرر على الأكس بوكس
س11 هل السيديات التي فيها خدوش لها ضرر على الأكس بوكس
س12 ناس تقول الأمريكي احسن من الأوربي وناس تقول العكس يا هوة الأفضل
س13 خدمت الايف متوفرة في الوطن العربي كافة او فقط السعودية
س14 اذا بقيت السيدي بالاكس بوكس وطفيته هل سيحدث ضرر على الاكس بوكس
ومشكوورين تعبتكوم وياية والررجاء الرد
مع ودي

بعطيك الاجابه بعد شوي رايح اصلي الضهر ان شاء الله =)

اقتباس:

---

المشاركة الأصلية كتبت بواسطة Tetra

بعطيك الاجابه بعد شوي رايح اصلي الضهر ان شاء الله =)

---

كثر خيرك
بأنتضارك

اقتباس:

---

س1 يا هوة اخر تحديث نزل على الاكس بوكس

---

اخر تحديث نزل على شبكة الاكس بوكس لايف كان الشهر اللي فات يوم 19 شهر 5 سنة 2011 ورقم التحديث هو 2.0.13146.0

اقتباس:

---

س2 اخر لعبة نزلت على الاكس بوكس

---

Tour de France 201 وبكره ان شاء الله يوم 17 راح ننزل لعبة Alice Retour و Dungeon Siege III

اقتباس:

---

س3كيف انزل لعبة على الهارد دسك مال الاكس بوكس والعب العبة بدون تدخيل القرص

---

ممكن تنزيل لعبه على الهارد ديسك واللعب لكن لازم الشريط يضل في القارئ

اقتباس:

---

س4 هل تحديث الأكستريم اذا حدثته هل اقدر من بعده اشغل العاب كوبي

---

من قوانين المنتدى ممنوع التكل في مجال القرصنه

اقتباس:

---

س5 كيف اربط الأكس بوكس على الحاسوب وانقل الملفات صور وافلام ......الخ

---

جاري الشرح

اقتباس:

---

س6 اقدر اشغل خدمت لايف دوت اشتراء قطعة خارجية عن طريق كيبل الأيثرينت

---

خدمة الاكسبوكس لايف مجانيه وماتحتاج اي شي .... يلزمك بس كيبل يجي مع الجهاز تربط بيه الاكسبوكس مع الحاسوب وخلاص

اقتباس:

---

س7 كيف اعمل النيتورك وهاي الأمور عند الربط

---

....... جاري تنزيل الحل

اقتباس:

---

س8 كيف اشترك شتراك فضي

---

الفضي مافيه اشتراك هو يجي لوحده بعد انتهاء الدهبي

اقتباس:

---

س9 كيف اشترك شتراك ذهبي

---

تشتري بطاقه دهبيه اسمها بطاقة اكس بوكس لايف دهبي فيها شهر او تلات اشهر او سنه

اقتباس:

---

س10 هل الأقراص الكوبي لها ضرر على الأكس بوكس

---

نعم

اقتباس:

---

س11 هل السيديات التي فيها خدوش لها ضرر على الأكس بوكس

---

نعم

اقتباس:

---

س12 ناس تقول الأمريكي احسن من الأوربي وناس تقول العكس يا هوة الأفضل

---

الاثنين وكل واحد يتباع في المنطقه اللي اشرطته موجوده بكثره

اقتباس:

---

س13 خدمت الايف متوفرة في الوطن العربي كافة او فقط السعودية

---

موجوده في العالم كله لكنها ماتدعم الوطن العربي اقصد اللغه العربيه

اقتباس:

---

س14 اذا بقيت السيدي بالاكس بوكس وطفيته هل سيحدث ضرر على الاكس بوكس

---

نعم القارئ بيتعب والعدسه كمان تتعب بدورها

طيب التحديث كيف احدثة للجهاز
سمعت في قطة اركبهة بالجهاز عمود خدمة الايف
مشكور اخي تعبتك وياي
مع ودي

راح ارسلك الطريقه عالخاص ان شاء الله

اقتباس:

---

المشاركة الأصلية كتبت بواسطة ايآت آيات

مرحباا
س1 يا هوة اخر تحديث نزل على الاكس بوكس
جاوبك الأخ تترة بس اعتقد انتي قصدك تحديث الإكستريم وليس الأكسبوكس صح؟. لأنه ممنوع التكلم في الكوبي/التعديل في تقريباً اكثر المواقع والمنتديات .,.
س2 اخر لعبة نزلت على الاكس بوكس
دايم العاب تنزل. انتي ايش نوع الألعاب الي تحبيها؟. هذي من أشهر موقعين الألعاب تقدري تشوفيها بنفسك وتشوفي الألعاب تبع الأكسبوكس أو اذا حبيتي تشوفي مواقع ثانية.
www.Gamespot.com
www.IGN.com
س3كيف انزل لعبة على الهارد دسك مال الاكس بوكس والعب العبة بدون تدخيل القرص
تقدري تنزلي اللعبة على الاكسبوكس. بعد ماتدخلي الشريط تروحي من القائمة (ماي اكسبوكس) وحتلاقي أول شي صورة اللعبة. أضغطي على Y (الأصفر) في يد التحكم، بعدها اختاري انستول. راح تتنزل اللعبة على الأكسبوكس. ولكن عشان تلعبيها لازم يكون الشريط في الاكسبوكس. فايدة تنزيل الألعاب على الأكسبوكس انه يقلل وقت اللودنق يوم تنتقلي مثلاً من مرحلة الى أُخرى .,.
س4 هل تحديث الأكستريم اذا حدثته هل اقدر من بعده اشغل العاب كوبي
انا ما أقدر أشرح لكي الطريقة لسببين: 1- زي ماذكرت لكي انه ممنوع التكلم في التعديل/الكوبي عشان مشاكل حقوق الحفظ. والخ. مع شركات الألعاب ومع مايكروسوفت. 2- الطريقة مو سهلة ويبغالها شرح طويل بس عندك قوقل اذا حابة تعرفي كيف .,.
بس شخصياً اقولك خليكِ على الأصلي. لأنه المعدل كل سنة مايكروسوفت تنزل باتشات واحتمال كبير حيجيك باند (يعني ماتقدري تدخلي اونلاين). تصيري فقط اوفلاين. حتى الهارديسك راح يتقفل وتصيري ماتقدري تستخدميه الا بطريقة وهذي برضه مشواار وشغلته شغلة اكثر من تعديل الجهاز اصلاً .,.
الأصلي تلعبي اونلاين وانتي مرتاحة بدون قلق انه يجيك باند زي المعدل. وتقدري تحملي اي تحديث يجيك وانتي مطمنة. غير انه متعة الأكسبوكس اللعب اونلاين مع الناس .,.
س5 كيف اربط الأكس بوكس على الحاسوب وانقل الملفات صور وافلام ......الخ
أول شي تشبكي الاكسبوكس على شبكة الانترنت في المنزل تبعك. سواءً عن طريق شلك الشبكة (إثيرنيت)، أو عن طريق الوايرليس (اذا كان الاكسبوكس سلِم، أو اذا عندك قطعة الوايرليس للأكسبوكس القديم).,.
ثاني شي تشوفي الفيديو هذا وهو اوضح وأسهل للإتباع من اي شرح مكتوب .,.
http://www.youtube.com/watch?v=0_7BU1DA4EU
س6 اقدر اشغل خدمت لايف دوت اشتراء قطعة خارجية عن طريق كيبل الأيثرينت
الجواب في السؤال الي فوق .,.
س7 كيف اعمل النيتورك وهاي الأمور عند الربط
مايحتاج. الطريقة سهلة وشرحتها + فيديو في السؤال الي فوق .,.
س8 كيف اشترك شتراك فضي
أول مرة تشغلي الأكسبوكس راح يطلب منك تسوي عضوية وهي تتطلب انه يكون عندك ايميل في مايكروسوفت (هوتميل). تقدري عن طريق التسجيل من الاكسبوكس تسوي حساب جديد. او عن طريق الكمبيوتر تبعك تدخلي على الهوتميل وتسوي ايميل لكي (بس انتبهي اذا كنتي تبغي حسابك امريكي اختار البلد يوم تسوي الايميل United States) . طبعاً بعد ماتخلصي التسجيل وتختار القيمر تاق حيصير هذا حسابك الي تدخلي به في الاكسبوكس. القيمر تاق هذا الي يظهر لكي وللناس يوم تلعبي اونلاين او في الاكسبوكس. اما الإيميل والباسورد اذا حبيتي تدخل من موقع اللايف على حسابك. الخ .,.
او تقدري عن طريق الداشبورد في قائمة ماي اكسبوكس. حتلاقي ثاني شي اعتقد البروفايل. تسوي من هناك بروفايل جديد .,.
س9 كيف اشترك شتراك ذهبي
عن طريق الدفع بواسطة البطاقة الإئتمانية او عن طريق شراء بطاقة اكسبوكس لايف قولد (الذهبي يعني). البطاقات متوفرة في امكان الألعاب او تقدري تشتريها اونلاين ويتم ارسال كود البطاقة لكي وتستخدميه ويتحول حسابك مُباشرة من فضي الى ذهبي .,.
اذا حبيت تشتري البطاقة اونلاين فـ أعطيني خبر عشان اقولك ايش أفضل المواقع الي تقدري تشتري منها .,.
س10 هل الأقراص الكوبي لها ضرر على الأكس بوكس
لأ مالها اي ضرر زيها زي الأشرطة الأصلية. الفرق الوحيد هو الأشرطة الجديدة الكوبي اذا استخدمتيها على جهازك المعدل راح ترجع السوفتوير الى الأصلي وماراح تشتغل الكوبي على جهازك إلا اذا عدلتيه مرة ثانية .,.
وهذا سبب ثاني انه تخليكي على الأصلي توني مرتاحة من وجع الراس .,.
س11 هل السيديات التي فيها خدوش لها ضرر على الأكس بوكس
ابداً مالها اي ضرر. لأن اشعة الليزر تنعكس على سطح الديسك ثم يتم قرائتها. المُشكلة الوحيدة هي انه اذا كان الديسك مخدش لن يستطيع قارئ الليزر (العدسة) قرائته بسبب الخدوش. او سوف يحصل توقع مُفاجئ في وسط اللعبة/الفلم .,.
س12 ناس تقول الأمريكي احسن من الأوربي وناس تقول العكس يا هوة الأفضل
الفرق بالنسبة لنا سكان الشرق الأوسط هو الفرق في السعر. الإشتراك الذهبي للحساب الأمريكي ارخص بشيئ بسيط من الأوروبي بسبب فرق سعر صرف العملة .,.
الفرق الآخر هو نوع الألعاب. بعض الألعاب تكون ريجن فري (تشتغل على جهازي امريكي او اوروبي). بعضها تكون ريجن محدد وليست ريجن فري. فهنا القصد بأنه تشوفي ايش نوع الألعاب المتوفر ببلدك عشان تشتغل على نفس نوع الاكسبوكس الي حتشتريه. إلا في حالة انك حتشتري العاب من امريكا/بريطانيا. فهنا تقدري تشتري الجهاز على نوع الألعاب للبلد الي حتشتري منه .,.
للمعلومية. اوروبي = PAL و أمريكي = NTSC (أنتبهى الي يكون فيه حرف الجيه > NTCS-J هذا مو امريكي هذا ياباني) .,.
فيه شيء ثاني بس مايفرق كثير. هو الحصريات. يعني بعض الإضافات تكون حصرية او تنزل قبل على نوع قبل الآخر. باللإضافة الى انه سكان الشرق الأوسط مايستفيدوا من مميزات الإشتراكات زي مثلاً الإشتراك الأمريكي تقدري تتفرجي على السلة او رياضات أخرى. ولكن بما اننا ساكنين في خارج امريكا فلا نستطيع مشاهدتها .,.
س13 خدمت الايف متوفرة في الوطن العربي كافة او فقط السعودية
خدمات اللايف شرحت لكي في السؤال الي فوق. بس الي اضيفه هنا انه طبعاً خدمة اللعب اونلاين هذي متوفرة في اي مكان طالما في اتصال انترنت .,.
س14 اذا بقيت السيدي بالاكس بوكس وطفيته هل سيحدث ضرر على الاكس بوكس
ابداً مافيه اي ضرر. الضرر الوحيد والي راح يخلي الديسك مايشتغل او يعلق هو اذا حركتي او هزيتي الاكسبوكس وهو شغال والشريط كان بداخله. فراح يصير فيه خط بشكل دائري في السيدي بسبب احتكاك العدسة بالديسك وهو يلف. فراح يصير عندك خط دائري في الديسك وتقريباً 99% الشريط لن يصبح قابل لإستخدامه بسبب التعليق خلال اللعب او عدم قرائته من الأساس .,.
ولكن اذا انك تحركي الاكسبوكس دايم فيفضل انك تشيلي الديسك من الاكسبوكس عشان لا يعلق في داخل الاكسبوكس مع الحركة (اذا كان بشكل عمودي/رأسي). كثيرين ينصحوا بأن يكون الاكسبوكس بوضعية أُفقية (بالعرض) .,.
ومشكوورين تعبتكوم وياية والررجاء الرد
العفو .,.
مع ودي

---

مبروك مُقدماً على الأكسبوكس وتكسريه بالعافية ^^ ...

P.S Tetra: لم اتطرق للتعديل او شرحه. مافيه اي شيء ذكرته مُخالف او يُعتبر شرح للتعديل او تشجيع عليه. بالعكس تحذير من التعديل. فأتمنى الإنتباه لكي لا يحصل سوء تفاهم آخر. شاكر لك ...

اقتباس:

---

المشاركة الأصلية كتبت بواسطة ايآت آيات

طيب التحديث كيف احدثة للجهاز
سمعت في قطة اركبهة بالجهاز عمود خدمة الايف
مشكور اخي تعبتك وياي
مع ودي

---

الجهاز راح يطلع لكي نافذة يقولك انه في تحديث جديد اذا كنتي مُتصلة بالإنترنت ...

شباب البلايستشن. الشبكة اشتغلت ولا باقي؟. لأني قاعد افكر اشتري لي بلايستشن ان شاء الله عشان البلو راي. قلت اشتري بلايستشن بالمرة احسن من انه اشتري بلو راي بلاير .,.
قاعد اسأل عشان تحديث الثري دي من الشبكة ...

اقتباس:

---

شباب البلايستشن. الشبكة اشتغلت ولا باقي؟

---

كح كح كح..الشبكة اشتغلت من زمااااااااااااااان..

اقتباس:

---

P.S Tetra: لم اتطرق للتعديل او شرحه. مافيه اي شيء ذكرته مُخالف او يُعتبر شرح للتعديل او تشجيع عليه. بالعكس تحذير من التعديل. فأتمنى الإنتباه لكي لا يحصل سوء تفاهم آخر. شاكر لك ...

---

بارك الله فيك لمساعدتك الاخت الكريمه ^^ ان شاء الله تستفيد من الشرح اللي كتبته

اقتباس:

---

شباب البلايستشن. الشبكة اشتغلت ولا باقي؟

---

يمكن يمكن الستور لسه ماشتغل مدري اخباره

حتى الستور اشتغل كل شيء تمام التمام..

كويس كويس. انا ما اتابع صراحة اخبار لا بلايستشن ولا اكسبوكس^^. بس في الأخبار حقت قووقل جا الخبر يوم تهكرت شبكة البلايستشن وانه وقفوا الشبكة. هذا كان آخر علمي بها .,.
تخيل اشتري البلايستشن عشان الثري دي وتطلع الشبكة مقفلة وما اقدر انزل التحديث ^^. اروح ارميلهم البلايستشن .,.
على سيرة الشبكات. حيصير شي روعة لو انه حقون البلايستشن والاكسبوكس يقدروا يلعبوا مع بعض. سواءً الي تكون عن طريق سيرفرات الشركة او الي يكون فيها احد اللاعبين الهوست .,.
تفك ازمة لو سووها. الناس حتنبسط. اقسام البلايستشن والاكسبوكس تندمج. يعيش الناس في سلام. يطلع قوس قوزح ونشوف يونيكورن مع الصباح شايل الشنطة ورايح المدرسة ...

اقتباس:

---

المشاركة الأصلية كتبت بواسطة Tetra

بارك الله فيك لمساعدتك الاخت الكريمه ^^ ان شاء الله تستفيد من الشرح اللي كتبته



يمكن يمكن الستور لسه ماشتغل مدري اخباره

---

الله يسلمك، وشاكر ردك ^^ .,.
كيف الأكسبوكس الجديد معاك؟ اشتريت اشرطة جديدة؟ ...

اقتباس:

---

على سيرة الشبكات. حيصير شي روعة لو انه حقون البلايستشن والاكسبوكس يقدروا يلعبوا مع بعض. سواءً الي تكون عن طريق سيرفرات الشركة او الي يكون فيها احد اللاعبين الهوست .,.
تفك ازمة لو سووها. الناس حتنبسط. اقسام البلايستشن والاكسبوكس تندمج. يعيش الناس في سلام. يطلع قوس قوزح ونشوف يونيكورن مع الصباح شايل الشنطة ورايح المدرسة ...

---

ماشاء الله عندك طموحك كبيييييييييييييييييييييييييييييييييييييييييير ..
خلاص انا اليوم بكلم مايكرو وسوني انهم يشغلو الشبكة على بعض ..
..ونعيش بسلام واطمئنان..لاحرب بعد اليوم..لا حقد بعد اليوم..لاتعصب بعد اليوم
ويطلع في السماء قوس قـــــــــــــــــــــــــــــــــــــــزح
و ناخذ تيترا والشباب ونروح لـ الـقوس قزح ..ونطلب منه انه يدور لنا حل لقسم الاكس بوكس..
ويرد علينا
ااhttp://www.mazikao.net/vb/imgcache/53292.png
×:..اسف مـقـدر ..:×


ونرجع خائيبين..
مهزومين..
مطاطئين الراس <<صح كتابتها ولا ..


وبعدين امممممممم مدري كمل .انت

تحياتي لك ولمخيلتك..

وش صابني انا<<-_-

اقتباس:

---

كيف الأكسبوكس الجديد معاك؟ اشتريت اشرطة جديدة؟ ...

---

مره مره اشغله واجرب فيه دارك فويد تبع كابكوم ههههههههههههه
بس انا خايف من شغله مو عاجبتني ..... مدري ليش لما احط يدي على المرحه اللي تدفع حرارة الجهاز القاها تدفع حراره مو طبيعيه
اخاف صراحه مجرد اشغل الجهاز يبدئ يسخن في دقائق معدوده وادا شغلت شريط تصير حرارة الجهاز خرافيه ماني مصدق انه هدا سليم يعني اخر موديل الخ الخ الخ
البيض كان يشتغل 24 / 24 ويبق بارد في حالة سكون اما هدا ادهشني فعلا
لكن فيه شي عجبني لاحظته حتى وانا العب بالشريط من دون تنصيب الجخهاز هادئ مافي اي صوت كانه الشريط منصب + مميزات اخرى عجبتني فيه لكن الحراره خوفتني مدري ليش
اما انه فتحة التهوئه كبيره مشان هيك تخرج حرارح كثيره وكمان المروحه فيه كبيره او شي ثاني مدري وش هو

راح تستمر على السليم ولا جهازك القديم..؟<<ملقووووووووووووووووووووووووف

اقتباس:

---

المشاركة الأصلية كتبت بواسطة AL- M a T a D o r

ماشاء الله عندك طموحك كبيييييييييييييييييييييييييييييييييييييييييير ..
خلاص انا اليوم بكلم مايكرو وسوني انهم يشغلو الشبكة على بعض ..
..ونعيش بسلام واطمئنان..لاحرب بعد اليوم..لا حقد بعد اليوم..لاتعصب بعد اليوم
ويطلع في السماء قوس قـــــــــــــــــــــــــــــــــــــــزح
و ناخذ تيترا والشباب ونروح لـ الـقوس قزح ..ونطلب منه انه يدور لنا حل لقسم الاكس بوكس..
ويرد علينا
ااhttp://www.mazikao.net/vb/imgcache/53292.png
×:..اسف مـقـدر ..:×


ونرجع خائيبين..
مهزومين..
مطاطئين الراس <<صح كتابتها ولا ..


وبعدين امممممممم مدري كمل .انت

تحياتي لك ولمخيلتك..

وش صابني انا<<-_-

---

كيف بس ^^. تحس لو اسوي السيناريو حق ريزدنت ايفل حيطلع خورافي. احسن من الأجزاء الفاشلة الي قاعدة تنزل .,.
قسم الأكسبوكس زي اي مُنتدى مايكون فيه مُشاركات وتفاعل، الناس تبدأ تروح منتدى ثاني وهذا شي طبيعي. يعني لو يكون فيه أول شي من المشرفين تفاعل كبير في القسم + نقاشات + بطولات .. الخ.. حتبدأ الناس تهتم وتجي المنتدى. اما غير كذه، مافي سبب يخلي اي احد يرجع لمنتدى مهجور .,.
صح بس انت نسيت الهمزة على الألف. "مُطأطِئين" ...

اقتباس:

---

المشاركة الأصلية كتبت بواسطة Tetra

مره مره اشغله واجرب فيه دارك فويد تبع كابكوم ههههههههههههه
بس انا خايف من شغله مو عاجبتني ..... مدري ليش لما احط يدي على المرحه اللي تدفع حرارة الجهاز القاها تدفع حراره مو طبيعيه
اخاف صراحه مجرد اشغل الجهاز يبدئ يسخن في دقائق معدوده وادا شغلت شريط تصير حرارة الجهاز خرافيه ماني مصدق انه هدا سليم يعني اخر موديل الخ الخ الخ
البيض كان يشتغل 24 / 24 ويبق بارد في حالة سكون اما هدا ادهشني فعلا
لكن فيه شي عجبني لاحظته حتى وانا العب بالشريط من دون تنصيب الجخهاز هادئ مافي اي صوت كانه الشريط منصب + مميزات اخرى عجبتني فيه لكن الحراره خوفتني مدري ليش
اما انه فتحة التهوئه كبيره مشان هيك تخرج حرارح كثيره وكمان المروحه فيه كبيره او شي ثاني مدري وش هو

---

راح اشوف اليوم ان شاء الله العب باد كمبني واشوف الحرارة كيف واعطيك خبر ...

ان شاء الله محتاج رايك في المسئله مشان اتاكد

شباب فيها لبلاك اوبس اول شيء بتنزل على الاكس بوكس لايف في 28 يونيو في هذا الشهر وهي عباره عن 4 مابات ملتي بلير وماب واحد زومبي..
الحزمة باسم Annihilation ..
ترايلر وصور في الرابط التالي
http://www.gamersyde.com/news_black_...-11371_en.html

طبعا اكيد محد مهتم..صح..؟غيري انا..

اقتباس:

---

المشاركة الأصلية كتبت بواسطة AL- M a T a D o r

شباب فيها لبلاك اوبس اول شيء بتنزل على الاكس بوكس لايف في 28 يونيو في هذا الشهر وهي عباره عن 4 مابات ملتي بلير وماب واحد زومبي..
الحزمة باسم Annihilation ..
ترايلر وصور في الرابط التالي
http://www.gamersyde.com/news_black_...-11371_en.html

طبعا اكيد محد مهتم..صح..؟غيري انا..

---

يب مني مهتم بالإضافات لجميع الألعاب خير شر. بس اذا بشتري فراح اشتري فيتنام تبع باد كمبني. تستاهل قيمتها (كأنها لعبة إضافية). بدل ما أدفع نفس القيمة عشان كم ماب .,.
اقولك ايش عجب الناس في الزومبي؟. كان عندي فضول في يوم من الأيام ودخلت العب وكنا في زي البيت والزومبيز تدخل علينا من كل مكان. بس مافهمت ايش الهدف. طفشت وطلعت ...

طور الزومبي طور تافه صارحه مدري وش يحسبون الناس لسه فايام سوبر ماريو

يس يا تترا. فيه حرارة عالية من فتحات التهوية .,.
نصيحة لك. لا تهتم بالحرارة والكلام الفاضي. اي شي تزيد حرارته شي طبيعي. بعدين لاتنسى هذي فتحات اخراج الهواء الحار اصلاً. شي طبيعي يطلع منها هواء حار .,.
شغل الاكسبوكس والعب ولا تهتم بالحرارة. عمري ماقد اهتميت بالحرارة. الملايين الي يلعبوا الاكسبوكس زيهم زينا ...

اها
الحمد لله طلع شي عادي يعني انت كمان نفس الشي مثلي
خلاص المسئله ومافيها انه السليم فتحة التهوئه فيه كبيره مشان هيك يدفع حراره بحج كبير موش مثل القديم له فتحاة ديقه فما تحس بشي
شكرك نايت رود D=

اقتباس:

---

اقولك ايش عجب الناس في الزومبي؟. كان عندي فضول في يوم من الأيام ودخلت العب وكنا في زي البيت والزومبيز تدخل علينا من كل مكان. بس مافهمت ايش الهدف. طفشت وطلعت ...

---

الزومبي شيء ثاني المفروض جزء لحال خاص بالزومبي
..
يعني اعتبره تحدي مع الزومبي صحيح ان ماله نهاية ...الا انه ممتع
خصوصا في الاون لاين حماااااس غير طبيعي..يعني اذا اصبت من الزومي يجي خويك يساعدك ..وتفتح الابواب ..وتكمل طريقك ..حماس×حماس..بس اذا طبيت في واحد دلخ الله يعينك هههه
وتيترا ليش طور الزومبي تافه..عندي احساس انك ماجربته..بس شفتله فيديوهات..؟

اقتباس:

---

مدري وش يحسبون الناس لسه فايام سوبر ماريو

---

ليش الناس طايحين في سوبر ماريو هاليومين ..!!؟؟

اقتباس:

---

المشاركة الأصلية كتبت بواسطة Tetra

اها
الحمد لله طلع شي عادي يعني انت كمان نفس الشي مثلي
خلاص المسئله ومافيها انه السليم فتحة التهوئه فيه كبيره مشان هيك يدفع حراره بحج كبير موش مثل القديم له فتحاة ديقه فما تحس بشي
شكرك نايت رود D=

---

العفو ^^ ...

اقتباس:

---

المشاركة الأصلية كتبت بواسطة AL- M a T a D o r

الزومبي شيء ثاني المفروض جزء لحال خاص بالزومبي
..
يعني اعتبره تحدي مع الزومبي صحيح ان ماله نهاية ...الا انه ممتع
خصوصا في الاون لاين حماااااس غير طبيعي..يعني اذا اصبت من الزومي يجي خويك يساعدك ..وتفتح الابواب ..وتكمل طريقك ..حماس×حماس..بس اذا طبيت في واحد دلخ الله يعينك هههه
وتيترا ليش طور الزومبي تافه..عندي احساس انك ماجربته..بس شفتله فيديوهات..؟

---

احس من كلامك انك اكثر شي تلعب مع اصحابك او بارتي تعرفهم عشان كذه تنبسط ^^ ...
\\\\\\\\\\\\\\\\\//////////////////
قاعد افكر الحين العب كاستلفينيا او تيلز اوف فيسبيريا. او اكمل السيدي الثاني من لوست اوديسي .,.
كلها العاب تاخذ وقت طويل. وأنا نفسي العبها كلها ^^. او يمكن اخلص لي انمي من زمان ماتفرجت بما انه اليومين هذي فاضي ماعندي شي ...

وانا بما انه ما العب الحين كثير
بديت في الموضوع الرسمي لجيرز اوف وير 3
هو اول لعبه قويه راح تنزل وابي اكمله بالخاطر واعطيه وقت

اسمعو مراقبنا وش يقول
Metal Gear Solid HD Collection على البلاي ستيشين 3 فقط
http://www2.0zz0.com/2011/06/20/12/555151144.jpg

صالح ليش الفضايح ههههههه xD

يمكن تترا تسرع لما قرأ في العنوان peace walker

شباب كيف الحال مع الكينكت ؟ ,مب كأنكم ظالمينه و ماحد يبي يجربه (:ds002:) <<< يبي يحرك العواطف
بما أني راح أشتري جهاز جديد باذن الله أفكر أخذلي بندل كينكت :33:

حياكم الله شباب على شرابي المفضل
كــــــــاديهـ
http://up.arab-x.com/July09/uNb05999.jpg
تومين تفضل الازرق
تيترا تفضل الاحمر
وانا باخذ لي الاخضر<<يختار له الزين

الشراب المفضل بلا منازع..:32:

انا كاتب ثلاث مواضيع تستاهل 5 نجوم + اضافة الى المواضيع المميزة + موضوع الكنيكت = تثبيت. بس ماشفت شي. بس كم واحد يعطيهم العافية كتبوا رد / سوا شكر على الموضوع. المنتدى ميت من جميع النواحي مو بس من الأعضاء ...
شرح إستخدام اليد و الأوامر الصوتية و خاصية Kinect ID للكنيكت

العاب الرياضة كما لم تكن قبل الآن! Kinect Sports

وهذا موضوع الكنيكت:


النقلة في عالم الألعاب !Kinect

هلا والله بـNight Road
مدام انك جيت فـ تفضل كاديه بالتفاح
سمعت انك تحب التفاح.^_^
http://www.andalusiaexpress.com/imag...Apple340ml.jpg


تومين في القسم اعتقد محد جربه غير 2 او 3 .. عني انا اشوفه غالي..+العابه قليله

اقتباس:

---

بما أني راح أشتري جهاز جديد باذن الله أفكر أخذلي بندل كينكت :33:

---

بما ان جهازك على وشك انه يخرب
فـ افضل شيء انك تاخذ البندل حق الكنيكت..

اكره الكينكت .. -_______-

خرب علينا معظم الالعاب :(

شباب جهزوا نفسكم بكره .. ^__^

http://g-ecx.images-amazon.com/image...box-June21.gif

ازرق ؟ يعني نكهة نعناع يعني ؟؟ صالح نتبادل و لا خلاص خلصته ؟ << و لا حتى كلمة شكر !

اقتباس:

---

عني انا اشوفه غالي..+العابه قليله

---

أشوف السعر مناسب جدا مقابل هذه التقنية أما بخصوص العاب , فما أظنه مشكل بالنسبة لي

أهلا ريفو ^^

صج أنا ما تعجبني العاب لي يكون الكينكت دخيل عليها يعني من فترة لفترة تستعمل الكينكت في اللعبة

بس العاب المخصصة له مباشرة راااااائعة , خاصة لما تطفش من الجلوس أمام التلفاز و اللعب لفترة طويلة

اذا مو عاجبك الازرق يمديك تاخذ حق تيترا الاحمر بما انه مرد الى الان ..بس لايدري ^^
واذا ماجبك الاحمر فـ الله لايهينك..دور لك عصير ثاني..لووووووووول

صحيح تومين ..

الالعاب المخصصه للكنكت حلوه خصوصا ً لما تكون جماعيه لكن ما اتخيل نفسي العب فيبل عليه -_-

اقتباس:

---

.دور لك عصير ثاني..لووووووووول

---

أبي حقك :28: ولا ليش تعزمني من الاول هههههههه

اقتباس:

---

المشاركة الأصلية كتبت بواسطة AL- M a T a D o r

اسمعو مراقبنا وش يقول
Metal Gear Solid HD Collection على البلاي ستيشين 3 فقط
http://www2.0zz0.com/2011/06/20/12/555151144.jpg

---

لو رجعت لكلامي وقريته من جديد راح تعرف شو قلت بالضبط
قلت لك الكوليكشن نازل للجهازين وبيس والكر حصريه للبلاي 3 لاني كنت فاكر انه الكوليكشن يتكون من الاول والثاني والثالت
و بيس والك لوحده منفصل وحصري للبلاي 3 /// هدا اللي قلت انا واللي في بالي للحين من ناحية اللعبه
واسف لاني ماكنت اعرف انه الكوليكشن مايشمل بيس والكر

اقتباس:

---

المشاركة الأصلية كتبت بواسطة Night Road

انا كاتب ثلاث مواضيع تستاهل 5 نجوم + اضافة الى المواضيع المميزة + موضوع الكنيكت = تثبيت. بس ماشفت شي. بس كم واحد يعطيهم العافية كتبوا رد / سوا شكر على الموضوع. المنتدى ميت من جميع النواحي مو بس من الأعضاء ...
شرح إستخدام اليد و الأوامر الصوتية و خاصية Kinect ID للكنيكت

العاب الرياضة كما لم تكن قبل الآن! Kinect Sports

وهذا موضوع الكنيكت:


النقلة في عالم الألعاب !Kinect

---

ياعينك
انت كتبتهم في الوقت اللي كان فيه المنتدى ميت 100 في 100 حتى انا ماكنت ادش نسيته
راح اراجع المواضيع وان شاء الله يكون خير

يله تومين سكبت لك شويه من عصيري
http://www.jeddahguyz.net/up//upload...48c8793ca7.jpg

ثاني مره بعزم الشباب كلهم الا انت http://www.montada.com/image/png;bas...AAAElFTkSuQmCC
المفروض تكون قنوع مثل قناعتك لباتلفيد:09:

اقتباس:

---

المشاركة الأصلية كتبت بواسطة Tetra

ياعينك
انت كتبتهم في الوقت اللي كان فيه المنتدى ميت 100 في 100 حتى انا ماكنت ادش نسيته
راح اراجع المواضيع وان شاء الله يكون خير

---

أشكرك على اهتمامك .,.
----------------------------------------------
أنا صراحةً بشوف لي منتدى جديد يكون حيّ. كنت حاب اسأل اذا كان فيه اي احد يعرف منتدى كويس للفيديو جيمز بس ممكن يكون ممنوع ذكر منتدى آخر؟. هنا حتى موضوع الدردشة يقعد بالأيام مافي اي احد يشارك فيه .,.
فرصة سعيدة اتعرفت عليكم جميعاً. ٍSayonara ...

اقتباس:

---

أنا صراحةً بشوف لي منتدى جديد يكون حيّ.

---

افا .. والله انك تدخل القلب بسرعه باخلاق واسلوبك الرائع..

عموما بالتوفيق لك ..بس مو لا لقيت منتدى جديد ماتزورنا نهائيا ..ع الاقل في الاسبوع
تحياتي لك..بس لاتنسى تشرب عصيرك قبل ماتروح^_^