كم مره وكم مره نعيد أخطاءنا فيها
نقول الوقت يمسحها ونتناسى مواقفنا
كثير الصح مايلغي ولو أعذارنا فيها
ماغير البعد ياشاطر يحل أزمة تعارفنا
عرض للطباعة
كم مره وكم مره نعيد أخطاءنا فيها
نقول الوقت يمسحها ونتناسى مواقفنا
كثير الصح مايلغي ولو أعذارنا فيها
ماغير البعد ياشاطر يحل أزمة تعارفنا
=+=+=+=+=+=
جلست أحطب ضلوعي وأشكر الله
و لو ضلعي احترق نحرق رماده
سكت له فترة ثم ابتسم لي
عرفت إنه نوى يبدا بعاده
هدم كل الغرام اللي بنيته
إبادة في إبادة في إبادة
قرب مني وفي أذني همس لي
وعرفت إنه يلقني الشهادة
عبدالله بن ذويبان ....
=+=+=+=+=+=
من كثر ما أشوفك بداية عمر ونهاية مطاف
أيقنت بأن أكثر ورود الكون مخلوقة لنا
ابطيت أعاني والشعر يسمع ولكن ما يشاف
مثل الممات اليا ابتعد عن شخص للثاني دنا ....
عبدالله بن ذويبان ....
=+=+=+=+=+=
وصّيتْ قلبي عليك وفكري وظنِّي ... ان غبت عنهم عليك عتابهم هادي
ما ودِّي تجرح شعورك كلمةٍ منِّي ... وانته حياتي وعمري وومهجةْ فوادي
ودي تعيش العمر راضي ومتهنِّي ... مرفوع راسك عليك العز متبادي
يا تاج راسي وانته منِّي وعنِّي ... تامر وتنهي وامرك أول البادي
من كثر حبِّي عليك الخوف يمحنّي ... وافقد شعوري واشوفك غاية مرادي
ان غاب صوتك أناجي الليل واونِّي ... واتخيِّلك واتذكّر هامةْ بلادي
مديون لك بالغلا والحب متجنِّي ... يا مستحل الفواد العاشق الغادي
من يشبهك في البشر يا ذوقي وفنِّي ... يا راحتي وبسمتي وموتي وميلادي
وصّيتْ قلبي عليك وقال مبلنِّي ... واحذر غيابك على قلبي مَهُبْ عادي
كأنني بين جل الأهل منطرحا على الفراش وأيديهم تقلبني
وقد تجمع حولي من ينوح ومن يبكي علي وينعاني ويندبني
وقد أتوا بطبيب كي يعالجني ولم أر الطب هذا اليوم ينفعني
إعترف في غلطتك خلك صريح
لا تكابر بالخطا دامك جرحت !!
كان ودك في فراقي تستريح
بسمَع الموضوع كامل لو سمحت
خنتني وشلون ؟! علمني الصحيح !
رحت عني وين .. عني وين رحت ؟
كنت أظنك من عيوني ما تطيح
لين في عيني ارتفَع غيرك وطحت
لا توعد المشتاق بالوهم وأوعدك ... لو كنت دمعة ناظري ما بكيتك
مافي ايدين الحلم قوة ويسعدك .... اعرفك ياس ورغم هذا رجيتك ...!!
كيف انتظر لقياك والحزن موعدك ... وكيف أوصلك ؟؟! وأنا معك ما لقيتك ...!!
منادي .....!
من طول الغيبات جاب الغنايم
الا اننت من تبعد تجي شايل جروح
علمني يوم جيت مغرم وهايم
تجيني تحرق اعصابي وتروح
إن قلت انا شاعر فلاني بشاعـر وإن قلت كاتب بظلم الناس وياي
انا أسجل بعض نبض المشاعـر لأجل آتذكر ياملا عظـم بلـواي
ما هو بتزييفٍ ولانسج شاعـر قصه حقيقه صادفتني في دنياي
احلف واقول اني مع الوقت بنساك
الله يسامحني على حلف " كاااااذب "
في العين قلبي معك يازين
يالغالي ياللي رابي هناك
انت سكنت العين و العين
في ناظري ما حد يسواك ....
http://alamuae.com/vb/images/smilies/icon26.gif
هم الاحبةإن جاروا وإن عدلوا....فليس لي معدل عنهم وإن عدلوا
وكل شئ سواهم لي به بدل .... منهم ومالي بهم من غيرهم بدل
قصدك اني اتنازل لك واجيك
وانحني من عقب ماقلت الوداع
مثل ما انته ماتبيني ما ابيك
المحبه مابها غش وخداع
روح دور لك على غيري شريك
وارتحل بالهم في دنيا الضياع
فوق الجروح اللي بقلبي من سنين
يكفي دخيل الله لا تجرحوني
ما دامكم ما أنتم لجرحي مداوين
انسوا وجودي بينكم وتركوني
وش من عذابي والعناء مستفيدين
وش مصلحتكم يوم تذرف عيوني..!!
من علّم قلبك نسياني؟!!!؟
ولماذا رحلت على عجلٍ؟.....وأقمت شعائر أحزاني؟!!!؟
من علّم عطرك يهجرني؟!!!؟
من أثلجّ دفئك...أوطاني؟!!؟
من علّم أوتارك تعزف....ألحاناً ليست ألحاني؟!!؟
من علّم فرشاتك رسماً...لا يملك رقة ألواني؟!!؟
من علّم نبضك يرفضني؟!!؟
من أنسي ضلوعك أحضاني؟!!؟
من علّم شوقك ياعمري.........يُشفي من لذة إدماني؟!!؟
ليتني عرفتك باول العمر بدري
وشبعت عيني بالنظر من محياك
نادم على اللي راح من وقت عمري
اللي قضيته دون صوتك ونجواك