الموضوع الرسمي | Silent Hill 5 : HomeComing

جرافيك اللعبه من اسوأ الجرافكس اللي شفتها بالعاب الجيل الحالي صراحه

يعني حسيت انها SHO بس مسوينها نكست جين

القصه مكرره والاماكن مكرره كلها (مستشفيات-شوارع وضباب-اماكن محترقه وبيبان مغلقه) المعارك سهله السكين مابعد جاني عدو يقاومه من الوحووش العاديين

اقتباس:

---

المشاركة الأصلية كتبت بواسطة (Walter Sullivan)

^

^
^

معقولة خخخخ لا تقول قسم ;) .

معقول ما تقدر تسوي Back عن اللغز شوف حاول يمين يسار أضغط جميع الأزرار شوف الزر اللي يطلعك من قائمة الأدوات أكيد حيخرجك من اللغز أو أثناء حل اللغز طالع أسفل الشاشة أكيد فيه تعليمات للأزرار .

أما لو خطأ فهذا خطأ فادح المفروض ينتبهو للأشياء الصغيرة لكني ما سمعت أحد يشتكي من هذه المشكلة شوف حاول لعل وعسى ينفع شيء .

---

حاولت اضغط جميع الازرار الي في اليده ولكن اغسل ايدك :) جد جد شي محبط

ماتقدر تطلع من اللغز الا اتحله يعني غصبن عليك :) واذا ماحليته

مصيرك اتعيد الشريط من جديد:blackeye:

من بدري حسيت ان اللعبة بدون المستوى فرحت استأجرتها منها توفير ومنها مابغى خيبة اكثر من الازم..
على العموم اللعبة كأنها اوريجنز بس تغير بالشخصية وعلى النكست جن مع انه مو واضح..
الرسوم اقل مايقال عنها انها سيئة ولو ركبوها على بلاي ستيشن 2 اتوقع انها بتركب بدون مشاكل >>مبالغة
اسلوب اللعب ... مادري والله اش اقول بس حسيت ان الوحوش هي الضعيفة واللي المفروض تغامر فيها والبطل هو اللي المفروض يصير وحش >> من جد بيخوها
الموسيقى :.. هي الشئ الوحيد اللي يشفع للعبة بلرغم اني ماتعمقت فيها كثير >> وهي الشئ الوحيد اللي ماتغير كونها ظلت يابانية وسلمت من الايدي الامريكية..
جو اللعبة والاتموسفير ككل مو ركب على بعضه وتحس في اشياء كثير متناقضة مع بعضها ..
خلاصة الكلام ...ign كان عادل بالنسبة لي ومن يوم شفت مراجعته وأنا مطمئن لها عشان كذا استأجرتها وبالفعل ماخيبني ...
اذا تحب اللعبة وتعتبر نفسك فان للعبة فراح تتخيب بس مايمنع انك تشتريها او تستأجرها ..
اما اذا كنت جديد على السلسلة فأنصحك تلعب الاجزاء اللي قبل وتطوف هذا الجزء ...لول

اللعبه نزلت عندنا بالسعوديه ولا لا ؟

واللي شروها , وش أحلى شيء عجبكم فيها ؟
طبعا بدون spoilers لو سمحتوا

و في أي مرتبه تحطها بين أجزاء Silent Hill ؟

شباب شالسالفه الناس صاير ذوقهااااااااا صعب والاشرطه اللي نزلت نادر ماتعجب أحد؟؟
ما أدري الشركات المنتجه مو قد طموح الناس والا هاذا حد الشركات؟؟
أنا ما عجيتني الرسوم معاكم بس مع اللعب تحلو اللعبه وتندمج ما اشوفهاااااا سيئه لدرجه !!!!!!

للأسف تعليقات الشباب محبطه جدا وجعلتني ألقي اللوم على كونامي أولا والفريق الأمريكي ثانيا هذه هي نتيجه تسليم اللعبة لأيدي غير أمينه يعني لو بقيت اللعبة تحت أيدي اليابانيين والفريق الأصلي لها Team Silent كان يمكن شفنا شيء معاكس عن اللي نشوفه ونسمعه الأن عن اللعبة .

ما أقول الا الله يعوضنا بأجزاء أخرى تحت أيدي اليابانيين وبلأخص من فريق Team Silent .

لكن أن شاء الله ما يسبب هذا الجزء خسائر كبيرة للشركة مما يؤدي إلى نسيان هذه الأسطورة إلى الأبد .

شكراً لكل من تفاعل وشارك بهذا الموضوع،

واللعبة إلى الآن ما نزلت عندنا في جدة، ويا ريت اللي يعرف إنها نزلت من أهل جدة يعطينا خبر.

وفعلاً مثل ما قال الأخ العزيز (Walter Sullivan) حتى الآن انطباعات الشباب محبطة وسلبية، وأكثر اللي جربوها من الكويت على ما أظن، وأنا أنتظر اللعبة لكي أحكم عليها بنفسي.

اقتباس:

---

المشاركة الأصلية كتبت بواسطة عاشق المرنغي

حاولت اضغط جميع الازرار الي في اليده ولكن اغسل ايدك :) جد جد شي محبط

ماتقدر تطلع من اللغز الا اتحله يعني غصبن عليك :) واذا ماحليته

مصيرك اتعيد الشريط من جديد:blackeye:

---

أخوي عندي لك حل
اضغط start بعدين option بعدين آخر وحدة بعين هم آخر وحدة راح تقدر تطلع من اللغز

بس المشكلة لازم تكرر الحركة بعد كل loading

اقتباس:

---

المشاركة الأصلية كتبت بواسطة (Walter Sullivan)

========================

الشباب اللي أشترو اللعبة ولعبوها ياليت تعطونا أنطباعكم عن اللعبة وياليت كل واحد يقييمها من 10 من ناحية (الجيم بلاي - القصة - الأصوات - الجرافيك) .

وهل اللعبة مشوقه ومرعبة مثل الأجزاء السابقة؟

وهل يوجد شبه بين هذا الجزء الجديد وجزء أخر قبلة ولو بشيء بسيط ؟

---

انا شريتها من يوم الجمعة بالكويت كنت متحمس شوي للشريط المهم مالعبته الا يوم السبت
وبديت لعب لاحظت اشياء غريبه الجرافيك مو ممتاز صراحه .
انا القيم بلاي عجبني حلو بس عيب SH تكرار الاماكن مثل المستشفي او الفندق وغيره
بالنسبة للالغاز انا اشوفه سهلة جدا مو مثل الاول والثالث مستوي الجزء الاول بالالغاز كان صج يبيله واحد ياباني لووول
القصة اوكي زينه في اشياء مثل الجرايد الي منتشرين باللعبة
انه ذكروا اسم دوغلاسيعني الزبده الجرايد تفهمك القصه اكثر واحداثها متي صارت وشنو قصه هذا الجزء
واعتقد هذا الجزء كان احداثة مع الجزء الثاني وا بعد بقليل
انا اقيمها 8.0 العيب الوحيد الجرافيك انا اعتقد البلاي 2 يتحمل هالرسم .
المهم احنا كفيديو جيمرز يهمنا القيم بلاى اكثر من الجرافيك وانا ماالوم الشركه اليديه الي سوت هالجزء او الفريق بالعكس يتعلم من اخطائه ويحسنها

شباب من وصل البيت الي في تحت ماي

^^^^^^
اذا خذيت الريموت كنترول من المكينه اللي تحت روح برا البيت عند باب الكراج واستخدم الريموت

انا اقصد الغاز كيف اعبيه

^^^^^^^^
تروح من الفتحه اللي جنب الكراج وتدخل الحديقه فيه باب في اخر الحديق افتحه بالحديده اللي خذيتها وبعدين على يسارك بتحصل شاحنه تقدر تعبي منها الغاز

ما اقول الا حسافه على الاسم الي تدمر وحسافه
على التيم الي تخلى عن اللعبه بعد هالعمر
آآآخ ياسايلنت هيل :blackeye:

اقتباس:

---

المشاركة الأصلية كتبت بواسطة RE Forever

اللعبة إلى الآن ما نزلت عندنا في جدة، ويا ريت اللي يعرف إنها نزلت من أهل جدة يعطينا خبر.

---

أبشر ولا يهمك وأنا حسألك عنها .

أنت تدور أي نسخة ؟ الـ Xbox360 ?

اقتباس:

---

المشاركة الأصلية كتبت بواسطة RE Forever

وفعلاً مثل ما قال الأخ العزيز (Walter Sullivan) حتى الآن انطباعات الشباب محبطة وسلبية، وأكثر اللي جربوها من الكويت على ما أظن، وأنا أنتظر اللعبة لكي أحكم عليها بنفسي.

---

أنا منتظر حكمك عليها وهو الخيار الأخير بلنسبة لي واللي حيجعلني وقتها أقرر أشتري اللعبة أو لا .

مره إحبااااااااااااااااااااااااااااط :cray:.