موضوع نقاش الأنمي Full Metal Alchemist Brotherhood

Thunder Strike

مشكور اخوي عالشرح..
بس انت فسرتلي الكلام الي انقال بالحلقة نفسه..
يعني مجرد ترجمة حسيت..
انا فهمت شو يقولون..بس ما وصلتلي الفكرة..
ما قدرت استوعب الموضوع الي يتكلمون عنه..

اكثم

ههههههه..مو مهم..اهم شي انك انت تحبني ياخي! :jap051:


صحيح..سؤال ثاني..

الاب..هو هومنكلس صح؟ طيب كيف وجد؟
منو الي خلقه؟؟
ما اظني وضحوا الـOrigin..

من دم هوهينهايم لما كان عبد، علماء خذوا منه كمية دم و بطريقة ما طلعوا الهومنكلوس منه

حتى ان الهمنكلوس مره قال لEd بما معناه ان بينهم قرابة... weird ha

nsan
الوجه متعوب عليه خخخخخخخ

...

التشابتر الاخير شايل حلقتين لانه طويل 100 صفحة تقريبا .

مو المفروض الفونس اطول من ادوارد في الحقيقة
هنا مرة مقصرينه كانه ياهل صغير
..
والله فرق كبيييييير بين المانغا والانمي في الرسم
المانجا الرسم زي الزفت
تحس المانجا قبل 20 سنة

شفت الحلقة الأخيرة بدون ترجمة اليوم العصر تقريبا، ما أذكر، ما قدرت أنطر الترجمة

نهاية جميلة لأجمل أنمي مر علي، على كثر المآسي و المصايب الي صارت

الا ان كل شي بالأخير مشى بمساره الصحيح مع شي بسيط من التضحيات

ضحكني شنب موستانغ، كنه واحد من أوغاد الأفلام القديمة :D


يقولون أن في فلم، ان شاء الله يطلع أحسن من الفلم السابق

FMA 64

نهاية جميلة..:)
وداعاً Fullmetal Alchemist!

في الحقيقة
وانا اتابع الحلقات النهائية للمسلسل
والتي كلها اثارة وتشويق وروعة وفن في القصة و الرسومات
اعود بالذكارة للنسخة القديمة للمسلسل تلك النسخة الفاشلة حيث كيف كان ايدورد وكيف اصبح هنا قوي ويقاتل
الفرق كبير جدا

المسلسل اعجبني كثيرا احزنني فعلا موت والد ادوارد الا ان موته كان رائع ولطيف
بشكل عام سوف اشتاق لهذا المسلسل كثيرا ً


واتمنى ان اجد مسلسل رائع بمثل روعة هذا المسلسل وجودته
فهل سوف اجد .... ؟
من يدري

سلام chris

اكفش شنب مستنج خخخخخخخخخ
...
64
الحلقة باردة نوعا ما .... ماعجبتني ....الجزء الاول احسن ..واحد مرة <_<
النهاية كانت مفصلة اكثر في المانجا اعجبتني
..
استفسارات :
1- ورى العجوز صار الفوهرر ؟؟....مو طفشونا مستنج..مستنج ..وفي النهاية يعطيها للعجوز على طبق من ذهب ؟
2- وش فيها رجل ادوارد مارجعت مع يده ؟؟؟
3- وش قصة سليم الجديد هذا ووش قصة الختم اللي على جبهته ؟؟
4- هذول الاخوان يستبلهون ولا كيف؟؟ ورى ماينثبرون في بيوتهم ؟؟ ما كفاهم اللي صار لهم؟؟ وبعدين هذا المؤلف يستبله هو وخشته قاعد لي اكثر من 7 سنوات على 100 تشابترتقريبا؟ << هذي ملاحظات اخر الليل والواحد منتهي خلاص لول

أكثم

1. اذا مش غلطان..موستنج ذكر انه ما راح يكون الفوهرر الا عقب ما يحل مشكلة Ishbala..و يرجع الوضع كما كان عليه..
بعدين اذا مش غلطان..المشهد الاخير -الي كان يمشي بشنبه- كان له و هو فوهرر..

2. لان الفونس ضحى بروحه عشان ترجد يد اد..يعني عكس المعادلة مثل ما تقول..
و اد ضحى ببوابته عشان يرجع الفونس نفسه..
التضيحات الي فوق ما شملت الرجل..

3. هو نفسه سليم الهومنكلي..و لكن زوجة الفوهرر الراحل قررت تربيته بطريقة ثانية -واضح انها عرفت حقيقته- و صممت انه ما راح يشكل اي خطر..

اقتباس:

---

2. لان الفونس ضحى بروحه عشان ترجد يد اد..يعني عكس المعادلة مثل ما تقول..
و اد ضحى ببوابته عشان يرجع الفونس نفسه..
التضيحات الي فوق ما شملت الرجل..

---

طيب ليش لمن الفونس ضحى بروحه بس رجعت اليد ؟؟؟
مو المفروض الاثنين
انا حسبت لمن رججعت يده وسط الفايت رجعت معاه الرجل
..
..
تقييمي للمسلسل بشكل عام :
9.23\ 10

لان Ed ضحى بيده في سبيل استرجاع روح Alphonse..
Alphone قام بعمل العكس..يعني مثل ما تقول..رجع ثمن روحه..و بالتالي رجعت روحه..

كأنك رحت الدكان..
دفعت درهم على بيبسي..و اخدته..
و بعدين قررت ترجعه..و بالتالي..رجع لك الدرهم..

اقتباس:

---

كأنك رحت الدكان..
دفعت درهم على بيبسي..و اخدته..
و بعدين قررت ترجعه..و بالتالي..رجع لك الدرهم..

---

ايه من اول كذه
الحين فهمت لول

رجله هي راحت عشان امه مو عشان الفونس *

السلام عليكم

شباب شلونكم طيبين ؟
بيغيت اسأل عن هذا الانيمي هو انتهى ولا لأ ؟ وهل هو افضل من ناروتو لأن اسمع عنه تعليقات جميله جدا وبصراحه طفشت من ناروتو اللي بيصير له مليون سنه ماهو مخلص مع ان الاحداث حاليا نار لاكن ابي شي مميز وممتع يأخذ معي مده حلوه على ماتنتهي احداث كونوها الحاليه ههههههههههههه ؟

ايه توه انتهى
..
ايه افضل طبعا ....لايفوتك...64 حلقة ...كل حلقة افضل من الثانية

اقتباس:

---

المشاركة الأصلية كتبت بواسطة أكثـــــــــــم

ايه توه انتهى
..
ايه افضل طبعا ....لايفوتك...64 حلقة ...كل حلقة افضل من الثانية

---

شكرا على الرد

خلاص من بكره بابدى فيه واستمتع بدل المسلسل ابو مليون سنه (ناروتو)

بعيدا عن الموضوع كنت اعتقد ان ناروتو هو التوب الى ان وجدت ديث نوت
بصراحه مسلسل خرافي واتمنى يكون انيمي ثاني بهذا الشكل وبعد المديح اللي سمعته عن full metal
اتوقع انه قنبله وفيه تنويع جميل بالاحداث

شكرا لك على الرد