ملتقى وتجمعات لعبة star wars: the old republic او بإختصار SWTOR

والله مدري وش صار معك بالضبط

بس إللي انا سويته دخلت الاسئله السريه والسيريال حق اللعبه + السيريال حق 60 يوم لعب وبس ضبط معي

حتى اني ماني مستخدم سكرت كي لانه مو ضروري عشان أقدر ألعب !!

المشكله كانت في السريل نمبر حطيته ولعبت امس .. فيها شوي تعقيد .. بس تعلمت بسرعه

تعال عندنا بالسيرفر وعندنا فينت وإحنا نعين ونعاون................... هذة الفقرة برعايته ولد بطونها...... عندنا بالسيرفر......

Fahad or Skaw or Jeremie

أفا جيرمي ماحطيت اسمي مع الشباب صحيح اني قللت من الدخول بسبب انشغالي لكن ان شاء الله راجع وبقوه
Sabergun < --- نكي باللعبه
اي واحد في الجيلد من اللي توهم يلفلون و يبي مساعده بس يدز لي ويسبر ومايصير إلا خير ان شاء الله
وطبعا اخونا جيرمي راعي الفزعات مايقصر ابدا وراح نردها له

يالخاينين هيهيهيهيهيههييهي

انا وقفت لعب واو لي الحين شهر كامل الحمد لله وراح ارجع بعد 6 شهور يعني بعد نزول الإكسبانشن الجديد لاني زهقت من الكاتا http://www.riyadhmoon.com/vb/images/...smilies/18.gifhttp://www.riyadhmoon.com/vb/images/...smilies/47.gif

الحين جالس على ال ps3 واغلب وقتي طالع برا البيت ههههههههههههhttp://www.riyadhmoon.com/vb/images/...smilies/66.gif حسيت اني فاضي الحين بعد ماتركت اللعبه !

^^
من جدك انت مستنى الاكسبانشن
وكمان 6 شهور
جرب ستارورز يمكن تعجبك

أخوي MR. HM

وش رايك باللعبه كبدايه عطنا انطباعاتك :)

ياهلا والله بيوشي نورت الموضوع

وينك من زمان

نصيحتي والله خلك على البلاي ستيشن خخخخـ
ولاترجع لواو حتى بعد الاكسبانشن ياخي مشكلة هالالعاب ادماااان ^_^

السلاااام عليكم شباب
شباب باركووووووووولي الحين أشتريت ستار وارز وجالس اثبتها
ملل واو هههه وحبيت أجرب شي جديد

واو تبقى من أفضل الألعاب حسب التصنيف في موقع mmorpg.com المركز الأول بس إلي خربها الشركة الرأسمالية . مهما صار هو دفع زيك بعد مو عاجبك أنقل من السيرفر ولا سوي له Ignore...

Shotgun الف مبروك ..إذا محتاج أي مساعدة بتلقى معلوماتنا في أول صفحه من الموضوع وإحنا بالخدمة.

في واحد أمس شكلة حقد علي كنا نسوي هيرويك كويست ونمت في وسط الزحمة.. أنا التانك والهيلر.... أكلت دواء يجيب النعاس وفصل السيستم عندي.

يوشي تعال معانا ..... فرصة العمر تخش رايد مع ولد بطونها و وارأشيف وتشوف بنتنا Mako .

خخخخ جيرمي انا بعد احيانا اكون تعبان وفيني نوم وماتشوف غير الشخصيه تحك بالجدران واحيانا ميت بعد ما خش وسط لجنة ترحيب


بنتنا Mako بنت حلال ما نستغنى عنها
باقي شوي وادنج 40

اليوم عندي درزن هيروكات عسى بس القى احد من اللعيبه يخش معي

المنطقه Hoth وجعت عيوني كلها ثلج في ثلج وبياض

والله انك صادق hoth عورت عيوني يا شيخ

ماعاد اشوف زين

اقتباس:

---

المشاركة الأصلية كتبت بواسطة Warchif

^^
من جدك انت مستنى الاكسبانشن
وكمان 6 شهور
جرب ستارورز يمكن تعجبك

أخوي MR. HM

وش رايك باللعبه كبدايه عطنا انطباعاتك :)

---

والله اللعبة تستحق التجربه وانا انصح الكل يجربها ويصبر .. وخاصه اخوي يوشي .. الا اذا مستخسر قيمة اللعبة خخخخخخخخ ولا تبغيتوفرحق تجديد لست شهور :D

وبالنسبة للسيرفر دورته ولا لقيته اعطوني اسمه مره ثانيه عشان اكون وياكم

أخ حمدان الظاهر هذا إسمك إذا ما كنت مضيع.....

إسم السيرفر Kai-Kan EU

إسماء الشخصيات إلي ممكن تلقاهم على طول....... Yasser < Skaw > Sabergun > Fahad > Jeremie

وارأشيف رجاًء

For The Empire

اقتباس:

---

المشاركة الأصلية كتبت بواسطة Warchif

خخخخ جيرمي انا بعد احيانا اكون تعبان وفيني نوم وماتشوف غير الشخصيه تحك بالجدران واحيانا ميت بعد ما خش وسط لجنة ترحيب


بنتنا Mako بنت حلال ما نستغنى عنها
باقي شوي وادنج 40

اليوم عندي درزن هيروكات عسى بس القى احد من اللعيبه يخش معي

المنطقه Hoth وجعت عيوني كلها ثلج في ثلج وبياض

---

لين الحين أتذكر يوم كنت معاك أنا ولوعه ..... أنواع الWipes أفتح عيني شوي القى واحد منكم ميت.....
Hoth كرهته لسبب أني عندي كويستات في مكان ونفس المكان كل يوم اروح له ألقاه مليان ريببليك وزي ما قلت في رد هنا .... أقرب ياجميل..

في واحد أهبل شوي كان يلاحقني لما يوصل عندي يسوي لي Stun ويضرب المساعد حقي التانك وأشرد منه ويركب الماونت ويطاردني مرة ثانية ...درنا كل المنطقة على هل الحال لين سويت ALT+ F4 الذكي مايتعلم أبد فوق العشر مرات نفس الشغله يسويها. وفي واحد ثاني دخلته على مجموعه وطلعت برى الكومبات ولما قرب يموت ذبحته وأفقع.....

حسب تجربتي مع المساعدين :
أفضل مساعد: دكتور لوكين حق الإيجنت.
أقوى مساعد : كورسو حق الSmuggler .
أسوء مساعد : الDroid حق Jedi Knight. T7-01
أرعب مساعد : المساعد الأول حق الجيداي كونسولر Qyzen-Fees
المساعد الي يكسر الخاطر : Vette حقت السيث واريور.... مافيه إلا ضرب.

الإكسبانشن حق واو باقي عليه سنه تقريباً حتى ديابلو طبعاً هلكلام طبقاً لما ورد في موقع جيم سبوت

المهم

قررت تركـ القيم وببدء في ممارسه الحديد بإذن الله برجع لها وبكون عضو فعال بالقسم عندهم هناك
بخليهم يعطوني إشراف ولا شي خخخخخخخخ

لاحد يشتاق لي زين ؟ يالله ودعتكم الله

صحيح .. بالنسبه لقلد وار تم تأجيل صدورها إلى السنه المقبله ههههههههههه شكلهم ماودهم يصدرونها http://www.riyadhmoon.com/vb/images/...smilies/66.gif

اوكي انا دخلت سيرفركم واسمي بس شو الشخصية اللي تنصحوني بها ؟
واي ريس اللي باللون الاحمر ولا الزرق .. واي قبيله

الي بالأحمر يسمون ب الإمباير = هوود في واو والشخصية سوي لك الي تبغى وجرب شوف وش الافضل 0000. أنا اكتب بالاي باد تعبت شوي المدقق جنننني كل مرة اكتب يمسح ولي ربع ساعة اعبر وطار كل شي

إحنا إمباير

هلا شباب
أنا العب هنتر في سيرفر ثاني اسمه Stormclow او شي كذه تقريبا
المشكله انكم في سيرفر PVP ليييييييش؟
أخاف وانا الفل يجي واحد ويطقني لفل 50 ههههه عشان كذا انا في سيرفر pve

انا بعد سويت هنتر في سيرفر الشباب .. واسمه Garmankill

بسم الله الرحمن الرحيم

ان الحمدلله نحمده ونستعين به ونستغفره , ونعوذ بالله من شرور انفسنا ومن سيئات اعمالنا

من يهده الله فلا مضل له , ومن يضلل فلا هادي له , واشهد ان لا اله الا الله وحده لا شريك له , له الملك وله الحمد يحي ويميت وهو على كل شي قدير

واشهد ان محمد عبد الله ورسوله صلى الله عليه و آله وسلم

اخواني , ان اصدق الحديث كتاب الله سبحانه وخير الهدي هدي محد صلى الله عليه وسلم , و شر الامور محدثاتها وكل محدثه بدعه وكل بدعه في النار

اما بعد

احد الاخوه الافاضل كلمني قبل قليل و قال ان في المنتدى ناس تسأل عنك وتكلمك وانت مطنش العالم , قلت انا تركت المنتدى وكتبت هذا الشي

المهم قال ان لازم ادخل عشان ارد على الاخوه الافاضل و اوضح لهم بعض النقاط اللي ان شاء الله تفيدهم , ولا ازكي نفسي على احد حشى لله ان افضل نفسي على احد الاعضاء او خارج المنتدى وادعي المعرفه والعلم

ولكن بعض الاخوه يرون بأن الشخص الوحيد المنصف هو انا وقالوها اكثر من مره في المواضيع او بالرسائل الخاصه ان كانوا يريدون شي ويجهلون ما به , فيسألوني عل وعسى املك بعض المعلومات عنه

المهم ولكي لا اطول بالكلام او اتفرع واتحدث عن امور اخرى , مع العلم ان بالرسائل الخاصه مجموعه من الاسأله تتعلق عن الشيعه والسنه , وانا اقول لأخي السائل , انا رجل بسيط لا تعلق الامال علي وتعتقد اني من علماء المسلمين , فكل علم له اصحابه وانا مجرد رجل بسيط جدا احكم عقلي او اسمع من بعض المشايخ مايقولون واحفظه

فأن كنت تريد معرفه الكثير فعليك بالشيخ عثمان الخميس و عدنان العرعور و طه الدليمي حفظهم الله وغيرهم الكثير , لذلك اقفل هذا الباب علي , وان وجد ان المنتدى به مجموعه تريد المناظره فأنا لها , ولكن بما ان المنتدى مخصص للألعاب و الوضع الحالي طيب

يعني بمعنى اخر انا لا اكتب مواضيع واقول اين انتم يا شيعه , وكل يوم اكرر الموضوع , انا رجل ادخل لمشاهده الاصدقاء اولا وبعدها انظر من يحتاج مساعده في الالعاب التي اعرفها , وبعدها انظر مالجديد

فلا اتعرض لأحد ان كان سني او شيعي الا عندما يتعدى الحدود , ولا ارد عليه في قسم الالعاب وانما في القسم الذي كتب فيه

لذلك ان كان معنا سنه او شيعه فهذا لا يأثر على علاقتي به ان عرفت انه سني او شيعي , فنحن هنا نجتمع للألعاب

اتمنى عدم تكرار الاسأله المتعلقه بالدين والمذهب و قفل هذا الباب في اقسام الالعاب

الشي الثاني اظن يوشي سألني وقال اني خرجت من اللعبه والمنتدى , لا يا اخ يوشي انا مازلت باللعبه ولكن خرجت من المنتدى فقط , وموجود في ستار وورز مع الشباب تقريبا كل يوم

ومتواجد في الفنت بعد واحتليت غرفه smoker only اقعد فيها بروحي وممنوع دخول غير المدخنين والمربربين واللي يسكرون زرار غولتهم , فقط العربجيه والمصبنجيه والمدخنين الشرسين ومدمنين الشاي والقهوه , يعني انت شماغ ومسكر زرارك اللي فوق ونظاره بوليس ذهبيه ماانحصك تدخل عشان ما ابتلش فيك

او تتحمل المسؤوليه كامله ان تعرضت لشي

تبي رقم الفنت عشان تسمع صوتي نفس احد الاخوان ماابي اذكر اسمه , اذا اهو يبي يقول اسمه كيفه , قالي فهد الحين رايح يدخل معانا واحد للفنت اسمه فلان

قلت مااعرفه , قال اهو يعرفك من زمان بالمنتدى و يقول انه يتمنى يسمع صوتك :)

صاروا يتمنون يسمعون صوتي , أنت يمكن معجب فيني حدك وتتمنى تسمع صوتي , انا موجود وساعات اغني , مره غنيت حق لوعه الفرقه و فصل النت عنده , سألت وورشيف تتوقع ليش فصل لما غنيت له ؟ قال يمكن حاشه انهيار عصبي

المهم ماعلينا , اذا تبي تشرفنا حياك الله ولكن بقولك من الحين لا تكلمني بالشات لأن كل الشباب يقولون انت تطنش لما نكلمك , وانا ما اطنش ولكن ما انتبه للشات ولا اهتم فيه , يعني اذا مارديت عليك عادي , عندك الفنت ان شفتني موجود كلمني واذا مو موجود يعني الاهل عندي

واحب انوه للشباب اللي معاي بعد , ان انا لما ادخل اللعبه و ماادخل الفنت لحد يقولي تعال الفنت ليش ؟

سؤال جميل وطرحك اجمل , سألتني ليش

شوف حبيبي , انا امام زوجتي انسان شريف , ماادخل منتديات ولا صوتيات ولا مواقع زواج ولا حتى الايميل او الماسنجر , طبعا الماسنجر ماادخل نهائيا من زمان حتى لو زوجتي مو عندي

المهم ماادخل هالاماكن لأني امامها صاير شريف وماعندي سوالف خرابيط , ولكن من تروح بيت اهلها ادخل المنتديات ومواقع الزواج و الايميل وكل مكان حتى ,,,,,

هذا من ناحيه

شنو الناحيه الثانيه يالطيب ؟

الناحيه الثانيه اهي تشوف فيني الزوج المخلص , الوفي , ماتدري اني معشم 20 فتاه في مواقع الزواج وبس يتعدل وضعي اتقدم لهم

الاسلام حلل 4 بعد ليش احبس نفسي

المهم انا بصراحه مابيها تشوف اني ادخل صوتيات ومنتديات عشان ماتقول انت اكيد تكلم بنات , وانا بيني وبينك اخاف من ربي ومن زوجتي

واي شاب ظريف جميل متزوج يقول ما اخاف من زوجتي ترى جذاب


المهم


الاخت وله بلاش اقول اسمج , ما نسيت رسالتج وماتصلح ارد عليها عند الوحوش , ان شاء الله الرد بالخاص وفلانه وعلانه بعد كل شي بالخاص انتظروني


الحين بتكلم عن اللعبه في الرد القادم بكل امانه واخلاص ليس حبا باللعبه ولكن حبا بالاعضاء وراح اكون ان شاء الله منصف واعطيها حقها كما عهدتموني , في احد عهدني ؟ مااظن

المهم خلصت من الباب الاول واهم شي اني مازلت باللعبه ولكن الاعتزال بالمنتدى فقط لأن ماعطوني حقي نهائيا واتمنى ما يطالب يوشي ان يصير مراقب قسم ستار وورز لأن اذا صار مراقب انسوا تحصلون اوسمه ونقاط اللي لونهم اخضر

اتمنى اراشي او مادري يمكن مو اهي اللي ماسكه قسم الاسره , المهم المراقب اللي ماسك قسم الاسره اهو يمسك ستار وورز لأن يدلعك بالاوسمه , تشارك 10 مرات تاخذ وسام

يوشي تشارك عنده مليون تاخذ نقطه خضره

المهم اللعبه بالرد القادم بس خلوني اشوف الرسائل الخاصه

السلام عليكم

قرأت الرسايل وفيهم رساله افرتحتني كثيرا , يعاتبني على اعتزالي وكتبلي كلام يعني لا مفر من ان هذا الشخص يحبني :) ادري راح يدز يقولي لا مااحبك , بس اقص ايدي اذا ماتحبني

نترك الرسائل الخاصه الحين ونتكلم عن اللعبه

مع ان بعض المشاركات تحتاج الى رد , مثل الاخ اللي يقول اخترت سيرفر نورمال عشان ما يقتلني لفل 50

اول شي محد راح يقتلك و سيرفر النورمال نفس سيرفر الpvp مابينهم فرق , ولو كنت في سيرفر pvp يمكن ماتشوف اي شخص من الجهه الثانيه او الفاكشن الثاني نهائيا , الا اذا رحت اماكن تواجدهم وهذا يتطلب منك عناء

لأن يااخي الفاضل كل المناطق التي تكون للامباير والريببلك تكون عاده خريطه كبيره جدا مقسمه الى قسمين , بينهم حدود ومدخل واحد يحرسه mobs يكون لفلهم عالي , الخريطه مقسمه نصفين وكل جزء منها يتواجد فيه كويستات و مناظر و بائعين و كل ماتحتاج اليه

ولا يستطيع الفاكشن الثاني ان يأخذ كويستات التي تأخذها

لأن لعبه ستار وورز بشكل عام تختلف عن لعبه ووركرافت , لا تعتقد ان مثلا تروح tanaris وتاخذ كويستات وانت هورد , وتشوف بنفس المكان الاينس ياخذ نفس الكويستات , هذا في ستار وورز غير موجود

اذا مشيت في ستار وورز بشخصيه امباير لفل 1 و صرت تخلص كويستات وتتنقل بين الكواكب وتخلص كويستات الى لفل 50

وبعدها عملت شخصيه ريببلك لفل 1 و صرت تخلص كويستات وتتنثل بين الكواكب الى لفل 50

تقريبا ماتشوف ولا منظر من اللي شفته بالفاكشن الثاني , يعني الامباير في مكان بالكوكب والريببلك في مكان اخر

يمكن تتواجهون في بعض المناطق ولكن نادرا جدا هذا الشي

يعني انسى موضوع انك تدخل سيرفر pvp ويذبحونك الفاكشن الثاني , لأن بالخريطه المقسومه نصفين , القسم الخاص فيك راح يكون الmobs من الفاكشن الثاني , والنصف المخصص للفاكشن الثاني راح يكونون الmobs تابعين للفاكشن اللي انت معه

يعني ماكو هورد و الاينس و جوبلن و غيرهم نفس ووركرافت وكل مدينه مختلطه و الكويستات للكل في المدن التي تكون مع الفاكشنين

فهمت الفكره شلون



المهم هذا اللي يحضرني ولو ان في بعض المشاركات تحتاج على رد


المهم خلوني اتكلم عن اللعبه بشكل سريع

بدايه اللعبه كانت سيئه من ناحيه الpvp واقصد الباتل جراند , لأن تحتاج مشوار طويل جدا عشان تاخذ قطعه وحده pvp

الان بعد الباتش الاخير تم تعديل هذا الشي وصار daily و weekly تاخذ bags والشنطه تعطيك نقاط مثل نظام الباجات وتشتري فيهم جير , الان اصبح باللعبه هذا النظام تاخذ نوعين نقاط

والweekly تاخذ 3 شنط


قبل كان النظام فاشل وتكلمت عنه داخل اللعبه لدرجه ان كل الناس بالشات قالولي اسكت لا تاخذ توقيف لأن كلامك يبط الجبد

لأني قلت اخر شي "احد فيكم يعرف بوت ممتاز للعبه؟"

المهم وبعد ما وقف معاي صديقي ابو شنب الله يحفظو وتكلم بالموضوع وقال راح ارسل لهم في موقعهم بعد , اخيرا تعدل القانون وصار اسهل شوي عالاقل من قبل

قبل كان شلون

تروح تلعب باتل جراند وتجمع نقاط warzone بعد ماتجمع 600 تروح تستبدلهم في نقاط mercnary وال30 وورزون تاخذ 10 ميرسناري

انا ماادري اذا الحسبه صح ولكن ال30 وورزون تستبدلهم ب10 ميرسناري و تحتاج 200 ميرسناري , احسب شوف كم نقطه وورزون تحتاج

بعد ماتخلص وتجمع 200 ميرسناري ترجع تلعب باتل جراند وتجمع 200 وورزون عشان يصير معاك 200 من كل نقاط

بعدها تروح تشتري الشنطه والشنطه فيها 3 نقاط سيناريست او مادري شنو اسمهم بالضبط

الجير اي قطعه فيه سعرها اقل شي 24 يمكن , شوف انت متى تجمع للجير كامل اذا القطعه الوحده تحتاج ايام عشان تشتريها , هذا اذا ما حصلك انهيار عصبي من مجابل اللعبه

يعني كان الوضع ما يشجع , ولكن الحين تغير هذا الشي

للعلم ان الباتل جراند طريقته مازالت فاشله , لأن اذا فاز الفريق ياخذ من 70 الى 90 نقطه وورزون

واذا خسر ياخذ 20 الى 40 , والنقاط تزيد حسب القتل , يعني مثلا فريقك خسر يمكن تاخذ نقاط نفس اللي فازوا وذلك لأنك قتلت عدد كبير , وكل ماتقتل لاعب بنفسك او قلتك وبعد 5 او اكثر شوي تم قتله تاخذ buff عليه رقم 1 يعني انت قتلت 1 ويزيد هالرقم

العموم 3 الى 4 يكون عندهم البف وياخذون 60 نقطه او 70 يعني فريقك يفوز يخسر ماله شغل اهم شي كم قتلت , الشي الثاني ان الى الان كل ماادخل الباتل جراند اشوف اكثر واحد قتل مايتعدى ال 9

بعد انتهاء الباتل جراند تطلعلك صفحه عن القريقين وكم كل واحد قتل و تشوف نفس الدرع وهذا تصويت , اذا واحد انعجب فيك يصوت لك وبالتصويت يقولون تاخذ نقاط و اكس بي اللي يزيد الرانك مالك

انت قبل ماتطلع واهي مده 10 ثواني قبل ما يطلعلك المستطيل للخروج قول للشباب vote الحقير راح يطلع والطيب راح يعطيك صوت وانت بدورك تصوت للي تشوفه لاعب ممتاز زي ابو شنب الله يحفظو

ولكن العيب بالباتل جراند ان 8 لاعبين فقط , وكل مره تدخل خسران , انا قلت فوق مو مهم الخساره او الربح ولكن بعض المرات تحتاج الفوز عشان الdaily تحتاج 3 مرات تفوز و الweekly تحتاج 9 مرات تفوز

ولكن تدخل وكله خساره لأن الناس تدخل تابعين لجيلد وعارفين ومقسمين بعضهم , وانت تدخل مع ناس خلط وكل شوي خساره لغايه ما تزهق وتطلع تشوف شي ثاني

الا اذا دخلت وصرت مع الجيلد هذا , واقصد ان تدخل راندوم وتشوف نفسك مع فريق الجيلد وبالحاله هذي تفوز

الweekly الثاني و الدايلي ايضا يكون في ilum تجمع او تقتل 30 لاعب او صندوق هذا للدايلي او 150 لاعب او صندوق هذا للأسبوعي

يعني الله يعينك , خصوصا ان دخلت وشفت 50 واحد يبحثون عن الصناديق وبالحسره تحصل كم واحد , ولكن الحل انك تدخل في بدايه الاسبوعي وتاخذ الكويست وتروح طيران في كرندايز للilum وهناك تروح تركب التاكسي وانت بالدرب تكتب inv بس وراح تجيك دعوه

لان العالم وقتها يكونون متجمعين في المكان المخصص للدايلي والاسبوعي , امباير و ريببلك , تشوف 100 او 500 او 1000 ضد بعض حسب الموجودين

ويصير ذبح بينكم و كل شخص بالرايد معاك يقتل وانت قريب منه تاخذ نقطه للكويست وتاخذ اكس بي للرانك و تزيد نسبه الرانك 300% وبعض الامور الثانيه ماتخصصت فيها


هذا بالنسبه للpvp بدايه الامر كان فاشل ولكن الحين تحسن ولكن مازال الباتل جراند نفسه بعدد اللاعبين والخرائط , يعني لو يضيفون بعد اماكن اكثر و باتل جراند 40 لاعب واكثر او اقل يكون افضل

ولو يحطون شي مختلف مثل الباتل جراند في ووركرافت مثل التريك فالي او الثانيه اللي نفسها واللي تكون نظام boss منو يقتل بوس الثاني يفوز

اما ستار وورز اما الكره hutball او المدافع او البوابات , وكلهم لو تدخل ضد جيلد منسق فريق تخسر على طول والكويست اليومي تقعد 3 ايام عشان تخلصه واهو daily

اما الاوبراشن ماجربت الى الان وناطر الشباب يوصلون لفل 50 ولا ادري متى راح يوصلون

دخلت بعدهم و وصلت 50 و اهم مازالوا 30 ولو اني مسوي كلاس ثاني كان وصلته 50 ويمكن لو مسوي ثالث كان وصلته 50 بعد

يلا خلصوني


اللعبه جميله واذا كنت متردد فيها ولكن ما تبي تلعب ووركرافت و مليت منها انصحك تجرب ستار وورز , عالاقل شي مختلف و لعبه مضبوطه من ناحيه الرسم والحركه والامور هذي

يعني مو تركض وتشوف الشخصيه كأنها تركض عالهوى , يعني ارجله لا تلامس الارض , كل شي مضبوط فيها الا الpvp وقلت انهم عدلوا النظام والحين 100% لكن يحتاجون خرائط جديده و نوعيه جديده ويفضل bosses عشان كل واحد ياخذ حقه صح


اما اذا عندك 200 ريال و صارلك 5 شهور تجمع فيهم لا روح مطعم واطلب مندي ل5 اشخاص واكل بروحك واستمتع

بس اللعبه تستاهل التجربه ماراح تتحسف نهائيا , اذا كنت تبي تلعب , مو تكون طفشان من ووركرافت و من الالعاب كلها وتجرب ستار وورز راح تقول مليت من اول اسبوع

وان شاءالله المساعده بالفنت اذا تحبون تسألون عن اي شي , حتى لو ماعندك ستار وورز , نزل البرنامج و رون جيرمي يعطيك الرقم مادري شنو وتدخل وتسأل

اهلا وسهلا

اقتباس:

---

المشاركة الأصلية كتبت بواسطة MR.HM

انا بعد سويت هنتر في سيرفر الشباب .. واسمه Garmankill

---

حاولت أضيفك بس يقول لي الشخصية غير متوفر.

نشكر الأخ ولد بطونها فتى الجبل راعي الفزعه فهد ................ الخ.. على طرحه الجميل ولو أقدر أعطيك أوسمة عطيتك درزن أوسمه.

عيب في الpvp نسيت اقوله

وهذا لازم يتعدل واذا ماتعدل دزي رفيجي ملك الالعاب ولد بطنها الاصلي اللي عروقه بالماي يكلمهم

العيب هذا اهو لما تدخل باتل جراند , وصادف انك ضد مجموعه تابعين لجيلد و من بدايه الباتل جراند شفت انهم متفوقين عليكم , وخلونا نقول بالكره huttball والباتل جراند هذا للي مايعرفون الطريقه انك تاخذ الكره من نص الباتل جراند و الجروب يحمونك وتحاول توصلها مكان الفريق الثاني واذا وصلتها تاخذ نقطه

من مجموع 6 نقاط , منو يوصل ل6 نقاط يفوز , العيب الشرعي في الباتل جراند ان مثلا نفس ماقلت دخلت وشفت الناس متفوقين عليكم و مع اللعب شفت النقاط 3 مقابل 0 لفريقك

انت تعرف انك خسران لا محاله , بالحاله هذي تقول اطلع من الباتل جراند بما ان الفريق اللي انا معاهم مايعرف يتصرف و ابحث عن فريق ثاني , لما تطلع من الباتل جراند ما تاخذ ولا نقطه , و لما تبحث عن باتل جراند وتدخل ونفس الموال "مع فريق سكه" وتشوف النقاط مثلا 4 مقابل 0 تطلع وتشوف غيرهم

المشكله ان وقتك قاعد يضيع على الفاضي , لأنك اذا انسحبت من الباتل جراند ما تاخذ ولا نقطه , يعني مو المقصد ان المنسحب يسحبون منه نقاطه , ولكن اللعبه تعطي النقاط في نهايه الباتل جراند , كل واحد ياخذ نقاطه

مو نفس مثلا تذبح شخص وتاخذ 20 نقطه وتذبح غيره تاخذ 15 نقطه وبالنهايه مع النقاط اللي اخذتهم بالباتل جراند يعطونك 50 نقطه بونص

في ستار وورز اذا تبي نقاط انت مضطر انك تلعب للنهايه , والمصيبه انك بنص اللعبه تعرف انك خسران

مثلا altrec vally في ووركرافت , بالطريق تذبح وكل واحد تاخذ نقاط , دمرتوا برج تاخذ نقاط , بالنهايه تروحون للboss التابع للفاكشن الثاني , مهما كان منو دمر عدد اكبر من الابراج ومهما كان منو ذبح لاعبين , منو يقتل البوس يفوز

يعني الفوز على قتل اخر بوس ومنو عنده 3 تانك و 5 هيلر ويمسك البوس والمساعدين

يعني محد يدري منو يفوز بالنهايه


اما الباتل جراند في ستار وورز من البدايه انت عارف منو راح يفوز , بالحاله هذي راح يضيق خلقك و تلعب تقزر الوقت عشان تنتهي اللعبه وتطلع , اذا كان هدفك القتل اترك الكره واقعد اقتل فيهم

اذا هدفك الفوز عشان تخلص الdaily و weekly راح يضيق خلقك من البدايه وتنسحب من الفريق وتشوف غيره , وعلى هالموال , يعني ماتاخذ حقك باللعبه وتحاولون تفوزون وتغيرون النتيجه على اخر شي

من البدايه تشوف الفريق الثاني منسقين نفسهم و 3 مقابل 0 تعرف ان ماكو امل للفوز

هذا العيب الشرعي , يعني لو تاخذ نقاط كل ماتقتل شخص وتاخذ نقاط على كل كره تحطونها في مكانها يكون افضل , لو تنسحب لأن فريقك فاشل و الخساره 100% عالاقل تطلع ومعاك كم نقطه

بتقولون ليش تنسحب كمل عشان نقاط و اذا افتحوا الانسحاب مع النقاط راح الناس كلها تنسحب

صحيح ولكن اذا عرفت ان الهزيمه لا مفر منها وانت توك تدخل الباتل جراند ماراح تستمع , نفسيا ماراح تستمعت

يعني تدخل وتشوف 3 مقابل صفر و فريقك كلهم ميتين وناطرين البوابه تفتح راح تعرف ان مالكم معنى اصلا تلعبون


انا اقول يضيفون bosses في باتل جراند جديد , وانا اتوقع انهم راح يضيفون اشياء جديده , نفس نظام النقاط والجير كانت معوقه والحين تحسنت , اعتقد بالباتشات الجديده القادمه راح ينظر لهذا الموضوع , خصوصا ان رفيجي اللي عروقه بالماي قالي ان راح يتغير كل شي

قلتله واذا ماتغير ؟ قال ادق شنبي واسويه نفس هتلر "المقوله المشهوره"

فأنا من هذا المنبر اناشد احرار العالم انهم يستعجلون بالباتش الجديد واللي فيه التغيير والاضافه

والسلام عليكم ورحمه الله وبركاته

هههههههههههههههههههههههههههههه
هههههههههههههههههههههههههههههههههههههههههههه
هههههههههههههههههههههههههههههههههههههههههههه
هههههههههههههههههههههههههههههههههههههههههههه
هههههههههههههههههههههههههههههههههههههههههههه
هههههههههههههههههههههههههههههههههههههههههههه
هههههههههههههههههههههههههههههههههههههههههههه
هههههههههههههههههههههههههههههههههههههههههههه
هههههههههههههههههههههههههههههههههههههههههههه
هههههههههههههههههههههههههههههههههههههههههههه
هههههههههههههههههههههههههههههههههههههههههههه
هههههههههههههههههههههههههههههههههههههههههههه
هههههههههههههههههههههههههههههههههههههههههههه
هههههههههههههههههههههههههههههههههههههههههههه
هههههههههههههه

اوكـ الحين خلصت ضحكـ http://www.riyadhmoon.com/vb/images/...smilies/65.gif


احلى تقييم لك ياشيخ تفداك اوسمتي كلها
وانا طلبت يعطونك الإداره وسامين انت شخصياً لاكن في مشاكل بالأوسمه حقت وار كرافت الكلام هذا ايام كنت شريف تلعب وار كرافت بالقسم معنى
قبل تقلب علينا وتتحول إلى الجانب المظلم وتتمرد علينا وتجمع الشله والأعضاء وتسرقهم مننا < برااا يرحم والديكـ

اطالب من هذا المنبر جميع الشرفاء وغير الشرفاء واللى نص ونص والخليطي ان يتركون ستار وورز فما هي الا مضيعتون للوقت << متعوب على مضيعتون http://www.riyadhmoon.com/vb/images/...smilies/66.gif

رايح للجم انا الحين يالله ودعتكم الله < الجم الساعه 12 ههههههههههههه

يس انا غيرت الشخصية لواريور واسمه kaizn يرجى الاضافه

ياجماعه يضحك على الملك

وين المدافعين عن الملك ؟ مااشوف احد وينكم

كاتب مشاركه كامله يضحك على المندوب والملك , انا بسكت وشوف احرار عالم الالعاب شلون ياكلونك بعد شوي

بس لاتقول دخليك وما اعيدها

---------------------

انا جربتك سنين ماشفت الا وسام بالغلط و وسام نشاط مو من الدرجه الاولى اللي يكون لونه ذهبي

تبيني اصدق انك تعطيني وسام بستارز وورز ؟ ووركرافت يمكن 8 سنوات مع 5 سنوات منتدى = وسام واحد

ستار وورز صارلي شهر فيها , تبي تقنعني اخذ اوسمه , بالعقل والمنطق مايصير


اهو المراقبين طفشو من شويه


عموما , انا نقلت ستار وورز غصب عني , مطلب شعبي وجماهيري كبير اني العب ستار وورز و اعطي اخواني اللي مشككين فيها او اللي مصروفهم 100 فلس نفسي قبل اتوظف او ريال سعودي مصروفه و محوش 3 اعياد عشان يشتري لعبه اونلاين يلعبها , اعطيهم نبذه مختصره عنها

اذا كانت تسوى تشتريها او ماتسوى , تعرف 3 اعياد يحوش "يجمع" فلوس يعني عيد الفطر و عيد الاضحى وعيد الفطر = السنه الوحده فيها عيدين , عيد الفطر السعيد و عيد الاضحى المبارك عيد النحم "نحم يعني لحم بس فيني لحميه بخشمي"

وبعدين السنه اللي وراها عيد الفطر السعيد , يعني كان العيد شهر 8 اغسطس آب , وكان عيد ميلادي 27 من شهر اغسطس , والخدامه احجزتلي ماكدونالدز منطقه بيان سويت فيه عيد ميلادي و لبست الطربوش مال اعياد الميلاد و الخشم اللي يخليك تشبه وودي بكر نقار الخشب اللي على ام بي سي 3

وانت وحظك اذا صادف عيد ميلادك مع عيد سعيد راح تستفيد اكثر وتشتري اللعبه + 3 شهور اشتراك

اذا ماصادف عيد ميلادك راح تشتري اللعبه فقط مع شهر , انا وين وصلت الحين ؟ برب اراجع شكتبت

اي يعني المجموع سنه ونص والناس يجمعون فلوس عشان يشترون اللعبه , ومن هذا المنطلق يخافون ان بعد تحويشه العمر يشترون اللعبه وتطلع فاشله , ويقولون راحت علينا سنه ونص على الفاضي

لذلك وبما ان من مسؤولياتي اتجاه التلاميذ المخلصين وغير المخلصين حتى واللي تعرفهم من كثر ما يتطنزون على الملك دام ظله ويكتوب مشاركات من اولها لي اخرها ضحكه , اني اقوم بتجربه اللعبه و اعطيهم رأيي فيها

خصوصا واني انسان شريف متفاهم وادقق على كل التفاصيل اللي اشوفها , يمكن في تفاصيل اشوفها باللعبه ولكن ما اذكرها بالمنتدى وذلك لأني انسى , راسي مزدحم بالافكار والمواضيع , للعلم اني اشارك في اكثر من 5 اماكن و 10 اماكن اتردد عليهم بين الحين والاخر

يعني انسى واتمنى يعذروني على النسيان , وانا عاده اكتب رؤوس اقلام في مذكره تكون عندي , و من اشوف العنوان اعرف او اذكر التفاصيل واكتبها , اما بالالعاب ما اكتب واكتفي باللي اذكره براسي , و اي شي يحتاجه المواطن العربي يكتب رساله خاصه او بالقسم ويسألني و اشوف اذا عندي منه علم

وانا ماادري يعني اذا الناس تبيني افتح حساب في ويسترن يونيون عشان يرسلولي ريال او دينار او درهم دعم لي وللملك والمناديب عشان نشتري العاب ونجربها ونكتب تقارير , ياجماعه مايحتاج افتح حساب خلونا جذي احسن

اذا مصممين و معزمين بعد شسوي مضطر افتح حساب واكتب الرقم بالتوقيع

بس في مشكله اذا ارسلتوا حوالات وتدخل رصيدي يمكن يستدعوني امن الدوله ويتهموني بدعم الارهاب , خصوصا واني سنه 2001 ذهب الى باكستان وكنا نحاول ندخل افغانستان ولكن راعي التاكسي واللي متفقين معاه طلع عميل و سلمنا للجيش الامريكي وقال مجاهدين عرب

اخذ مننا 1000 دولار عشان يوصلنا هناك واخذ من الامريكان 5 الاف دولار على الراس وكنا 4 , وبدورهم حققوا معانا و سلمونا للحكومه الكويتيه و بعد التحقيق معانا بالكويت سجنا شهر ومن ثم اطلق صراحنا

يعني هذي التحويلات يمكن تدخلني السجن مره ثانيه وانا مو ناقص بصراحه , بشوف خدامتنا اذا ترضى تفتح حساب ونحول المبالغ لها ومن ثم اروح اشتري تواير للتاهو و اسدد قروضي

قصدي اشتري العاب واجربها واكتب تقارير عنها

المهم يا اخواني واخواتي انا انسان فقير , لاتفكرون اني فقير يعني بس كلام على قوله غلام اللي حطيت مقطع مع حسين في درب الزلق بصفحتي , ولكن انا فقير صج و مااقدر اشتري العاب والعب كل يوم واقولكم

ولكن بكتفي بالالعاب المشهوره و اتخصص في العاب ال MMO يعني لاتقولون بلي ستيشن و اكس بكس اللي العبه فيهم ب20 دينار , انا اخر الشهر يصفى معاي 30 دينار شلون بشتري

راح اكتفي بالالعاب الخاصه بالكمبيوتر ووركرافت ستار وورز ومن ثم جيلد وورز

للعلم , مازلت ابحث عن عيوب في لعبه جيلد وورز 2 ولم اجد شي

بصراحه جيلد وورز 2 بدون لا تنتظروني اول ماتنزل اشتروها , لعبه تكلمت فيها قبل نزول ستار وورز , وكنت اقارنها بلعبه ووركرافت , ولما نزلت ستار وورز قلت اكيد بتكون قويه اقوى من جيلد وورز

ولكن الى الان ماشفت شي يضاهيها , يعني لما شفت ستار وورز وشفت ان فيها عيوب , وللأمانه العيوب اللي فيها مو عيوب كبيره تخلي الشخص يغير رأيه يجربها ولكن عيوب مع الوقت راح تتعدل بالباتشات , مثل ما ذكرت فوق عن الpvp يعني عيوب بسيطه وتعديلها مايحتاج وقت

ولكن اخذت العيوب باللعبه الجديده ستار وورز واللي انزلت بعد ما اعلنوا اصحاب جيلد وور 2 عن لعبتهم بسنتين , قلت بشوف العيوب هذي موجوده في جيلد وور او لأ , والمصيبه ماشفت ولا عيب من العيوب فيها

يعني المفروض ستار وورز يتعلمون من ووركرافت وياخذون منها بعض الامور , ومن ثم يتعلمون من جيلد وور2 وياخذون منها التحسينات والامور الجديده , ولكن ما قدورا يسوون نفسها , جيلد وور 2 جرم سماوي مضيت بذاته

محد فيهم قدر يقلدها , والدليل اني كلمت الملك قلتله انت شفيك معلق بستار وورز لفل 4 ؟ قال اللعبه جميله ولكن مااقدر استمر لأني مااشوف الا جيلد وور 2 امامي , وناطرها على جمر

يعني الملك يقول ناطرها على جمر انا شقول ؟ ناطرها على تمر ههههههههههه يا ملغك

المهم جيلد وور 2 لعبه الى الان الالعاب الجديده اللي تنزل ما قدروا يسوون نفسها , ومن هذا المنطلق و من هذا المنبر اقول لكل شب وكل فتاه لاتنحرف و اذا انزلت روح اركض اشترها واذا عندك فلوس زايده , يعني مثلا محوش 4 اعياد اشترلي نسخه معاك والحساب يوم الحساب

و ارسلي الرقم بالخاص عشان نبدأ مع بعض ونسوي جيلد ونروح مع بعض ونجي مع بعض ونسوي فنت واغنيلك شوي وتغنيلي شوي و نقعد نكتب مواضيع نحرض الشباب عليها


انا طولت بالكلام ادري واعذروني لأني مو داخل اللعبه وقاعد انطر رفيجي عازمني على مطعم نتريق

اايييي وينك طولت مت جوع

عاد هذا رفيجي كان بنادي السالميه ملاكم , وراح استراليا مع الاهل و كان وقتها ملاكم مبتدأ , وشاف هناك كنغر ملبسينه قفازات الملاكمه ويقولون منو يباري هالكنغر

يقول انا قلت بقلبي دام اني ملاكم واعرف القواعد و تدربت عن المدرب سرور خلني ادخل و اباريه عشان اكسر عينه و زوجتي تتحكم فيني وتشوفي بطل , خصوصا انها تدري اني ملاكم بس ما شافتني الاكم جدامها

يقول دخلت وقلت انا الاكمه , ومن البدايه يقول هالكنغر ماعطاني مجال , سطرني وفكرني فرك لدرجه اني قعدت اكلم الكنغر بالعربي واقوله تمت خلاص

يقول طحت من عين زوجتي والى الان تعايرني اذا سويت شي تقولي اسكت لا اناديلك الكنغر

يقول انعل خيره كسر عيني جدامها , مو ناقص الا تقولي طلقني و تروح تتزوج الملاكم البطل "الكنغر"

واول شي سويته لما رجعت الكويت طلعت من الملاكمه و اكتفيت بتربيه الحمام فوق السطح

كاهو وصل , بذمتك لاتقولون اني قلتلكم سالفته ترى محد يدري الا انا واذا قلتوا راح يعرف اني انا اللي قايلكم

سلملم

انا لازم اوظف سكرتير خاص فيني يقرأ ردودك ويلخصلي اياها !!!!!!!!!!

وش بالع انت ودي اعرف الكيبورد حقك يشتكي لا شفت ردك اخصص له يوم اقراه ياخوي خف علينا

المهم ماعلينا ونورتنا مره ثانيه وتسلم على الاغنيه رغم اني ما سمعتها للأسف ولكن سمعنا اللحن خخخخخـ

يوشي لا تستحي وتعال ستار وارز ماراح تندم ولو تبي حسابي تجرب اللعبه لايردك إلا رساله خاصه وابشر بالباسوردات والاجوبه السريه :)

لوعه أنت عايش.............ما تنشاف لك مدة

والله مشغووووول طلعت يوم الخميس استراحه ولعبة كورة << عاد انت كمل الباقي

الليله ان شاء الله بدخل ^^

الله يسلمك حبيب قلبي .. خلاص مالي في واو خاطر :P
حتى ستار وورز بعد انا حدي Gym + PS3 بس

الوعد بعد سنه اشوفكم بعد مايجي ال Pandairin Expantion

على الطاري ولد بطونها ماكل بطاريه نوويه مع اصياخ الكباب اللى جالس يبلع فيها
اللى نزلها قبل فترهـ . !!!

هذا الجوع ومايسوي جعلك ماتروح معه يارجال ماكل الفودكا وهو مابعد استوى ههههههههههههههههههههههه
خله يوريك الصور حقته http://www.riyadhmoon.com/vb/images/...smilies/65.gif

اقتباس:

---

عاد هذا رفيجي كان بنادي السالميه ملاكم , وراح استراليا مع الاهل و كان وقتها ملاكم مبتدأ , وشاف هناك كنغر ملبسينه قفازات الملاكمه ويقولون منو يباري هالكنغر

يقول انا قلت بقلبي دام اني ملاكم واعرف القواعد و تدربت عن المدرب سرور خلني ادخل و اباريه عشان اكسر عينه و زوجتي تتحكم فيني وتشوفي بطل , خصوصا انها تدري اني ملاكم بس ما شافتني الاكم جدامها

يقول دخلت وقلت انا الاكمه , ومن البدايه يقول هالكنغر ماعطاني مجال , سطرني وفكرني فرك لدرجه اني قعدت اكلم الكنغر بالعربي واقوله تمت خلاص

يقول طحت من عين زوجتي والى الان تعايرني اذا سويت شي تقولي اسكت لا اناديلك الكنغر

يقول انعل خيره كسر عيني جدامها , مو ناقص الا تقولي طلقني و تروح تتزوج الملاكم البطل "الكنغر"

واول شي سويته لما رجعت الكويت طلعت من الملاكمه و اكتفيت بتربيه الحمام فوق السطح

كاهو وصل , بذمتك لاتقولون اني قلتلكم سالفته ترى محد يدري الا انا واذا قلتوا راح يعرف اني انا اللي قايلكم

---

http://i.imgur.com/xSlIv.jpg

لوعه الفرقا

انت على بالك انا آله كاتبه ادري , اكتب واكتب بسرعه بسرعه كلام كثير بدقيقه


شوف بقولك سر الموضوع بس بيني وبينك خله

اول شي رقم 1 , انا مااحب اكتب كلمتين وانتظر الشخص يرد عشان لما اقرأ رده ارد عليه

يعني مثلا انت تقولي سلام عليكم وتسكت , مشاركه طول بعرض فيها سلام عليكم بس , انا اقولك وعليكم السلام امر تفضل

تقولي وين صاير بجرر كنج ؟

اقولك يالطيب الله يهداك بس , لا قلت وين ساكن ولا اقرب بجرر كنج حق منطقتك ولا قلت اي شي , يعني تبيني اكتبلك مواقع بجرر كنج اللي بالسعوديه كلها ؟

انا مااعرف جذي , اكتب سطرين وانتظر الرد والسطرين اصلا ناقصين


في ناس تكتب بالمنتدى كأنهم يتكلمون بالتلفون , يعني يدخل المنتدى يكتب موضوع , سلام عليكم

انت تكتب رد تقوله وعليكم السلام تفضل

يرد عليك من بكره يقولك , شلونك ؟

انت ترد عليه بعد 5 ساعات على ما صحيت من النوم تقوله انا بخير انت شلونك ؟

يرد عليك بعد يوم يقولك انا تمام الله يسلمك

انت تتعقد تقول هذا متعب نفسه يومين بس عشان هالكلمتين ؟

يااخي اكتب سلام عليكم , شلونكم شخباركم طيبين ان شاء الله , ياجماعه انا حلمت اليوم اني منقلب ضفدع وصحيت من النوم خايف شنو تفسير الحلم ؟

انت ترد عليه تقوله وعليكم السلام انا بخير عساك بخير , بالنسبه لحلمك ابشر ان راح يجيك ولد يصير شامان اذا كبر والسلام عليكم ورحمه الله وبركاته

بس


اما تتكلم بالاقساط كل مشاركه كلمه وتنطر الرد , بعد تعدد صفحات ليش على الفاضي ؟ انا لو امسك واحد من النوع هذا راح اخليه يشوف نجوم القايله "الظهر"

بعد مو صحيح ورق ابلاش و حبر ابلاش وتكتب كلمتين . حلل فلوس صاحب المنتدى اللي حاطلكم حبر و ورق عشان تكتبون

حبر وورق هذي اغنيه ل محمد بن سليم عدل

المهم هذي النقطه الاولى . انا مااحب اكرر صفحات , اكتب كل شي بصفحه وحده وخلاص انتظر لي بكره واكتب من جديد


النقطه الثانيه , ترى انا مو بدقيقه اكتب , يعني الكلام اللي فوق شفته هذا تدري كم اخذ وقت مني ؟ يمكن ساعتين وانا اكتب فيه

يعني اكتب شوي واروح اسوي شاي وادخل اللعبه العب ولما ازهق ارجع المنتدى اكتب شوي وبعدين اروح اسوي قهوه وارجع اكتب واروح اتغدا وارجع اكتب واروح بالسياره مشوار مثلا

يعني مو بدقيقه اكتب وامشي , لا اتقي الله يارجل

ياخذ مني وقت كثير الكلام , يعني مره في منتدى كنت اشارك فيه قبل ما يعطوني باند , تدري كم اقعد على المشاركه الوحده ؟ اقعد 13 سنه , ادري ما راح تصدق , وكان عدد مشاركاتي تقريبا 1300 وبعدها الله كرمني بالتوقيف و جيتكم هني طحت بجبودكم

وماقصروا الاخوه المراقبين بعد هني , هم التوقيف كان شغال علي مده 5 سنوات , في عندك اوتلاند اخذ توقيف مدى الحياه حاله حال المنتدى القديم اللي كنت اشارك فيه , و ولد بطنها اخذ حقه من التوقيفات لما شبع

اما اسمي الجديد هذا نظيف ما حصل ولا علاوه او كيكه , كيكه يعني طورطه بالسعودي

المهم , انا اكتب واخذ وقت كثير بكتابه مشاركه وحده الا اذا كان الرد يتعلق بلعبه مثلا نفس مشاركاتي في قسم الاستفسارات في لعبه ووركرافت , هناك اكتب بدون كاست

اما مشاركاتي الثانيه الكبيره يكون الكاست مالها طويل يوصل ساعتين يمكن

وانا في مشاركاتي ادخل في 60 الف موضوع , مخي خصب والافكار فيه كثيره وكل شوي اتذكر شي , وكل ما اذكر شي اكتبه


بس المشكله ان انت ماتعرف تقرأ , انت بطيئ بالقراءه وقرائتك كلها بدليات عشان جذي تطول تاخذ 5 ساعات عشان تقرأ مشاركه وحده , لو انك نفس الشباب شاطر بالمدرسه كان قرأت بسرعه

بس انا اعرف نوعك , انت بالفصل تقعد اخر واحد و تحذف المدرس بالطباشير , وبالفرصه او مادري شنو تسمونها بالسعودي يمكن الفسحه , تروح حمامات صفوف ثالثه وتشرب زقاير مع كلاش والشله

اعرف هالسوالف ولا تخاف كل الشباب مروا فيها , الا البعض اللي من عمرها مدرسه امريكيه او انجليزيه , ومن عمره سنتين كان في حضانه تعلمين الانجليزيه , يعني من عمره 4 سنين بلبل انجليزي

وبالمدارس الحكوميه موجودين بعد اللي تشوفهم يقعدون اول الصف عند المدرس , اما احنا الفشله نقعد اخر شي و نص السنه الدراسيه نقضيها بالنوم عالطاوله وكل شوي حاذفنا المدرس بالطبشيره عشان نقعد

وعلامات التميز فيهم انك تشوفه ابيض , دشداشته نظيفه , مصروفه 50 ريال واهو مابلغ ال10 سنوات بعد , مسكر زرار غولته اللي فوق , لابس طاقيه او قحفيه , شعره ناعم و حاط كريم عليه , كل ماتشوفه مرتب شعره تحس الحلاق في بيتهم , ومن واهو صغير يلبس دلاغات و جواتي , مربرب من المحاشي و اللحم والكبسات , جيد ماينقص عليه

الفاشل عكس , تشوف مصروفه 2 ريال , ريال يشتري بيبسي والريال الثاني بفك او حب شمسي , زرار غولته مقطوع , يلبس كاب صاير لونه ابيض من ملح العرق , شعره كشه وعمره ماحط كريم يتسبح من جمعه لي جمعه وبس وكل صبح قبل يروح المدرسه بلل كفوفه ماي وقعد يسمح شعره عشان يطيح بعد ماكان نافش , والشعر طبعا لما يروح لأصحابه مخرط والقذله لازم مربيها

مايعرف شنو جواتي ودلاغات , يلبس نعال و اخر عمرها , مقطعه من كل صوب وضاربتها الشمس صح , وناطرها تنقطع عشان ياخذ الجلد يسوي رقعه للنباطه , يجيك ضعيف مسود , السواد تحت عيونه من كثر السهر و الضعف من سحك الزقاير ورى المحول او بقاله حمده ومن صغره يدخن , وبدايه التدخين عشان محد من اهله يطيح عليه

ويشمون ريحه اصابعه فيهم ريحه زقاير , يربط الزقاير ب سيم حديد ويثبت الزقاره عليه ويشرب عشان ماتطبع ريحتها بأيديه وتشم الخدامه وتفكره وتغسل شراعه بالحوش , طبعا الحياه مطعم هندي مشكل مع زهره , يترس الصمونه فلافل وبطاط وبذنجان و طحينه وسلطه و شطه و زهره وكل شي عشان يحلل الريال اللي بيدفعه

وبسرعه ينقص عليه , يقولوله انطرنا راح نمرك عشان نروح السوق ويقعد ينطر ربعه لي 12 بالليل اخر شي يدق عليهم يقولون ويييييه رحنا ورجعنا , والسالفه كلها ان شكله يفشل و مايبونه يروح معاهم عشان ما يفضحهم

عرفت الفرق

انا بالمشاركه هذي قعدت ساعه وربع

من الساعه 4 العصر , والحين الساعه 5 و 10 بالكمبيوتر و ساعه البيت 5 و 14 دقيقه وساعه التلفون 5 و10

والسلام عليكم ورحمه الله وبركاته

اهلي ناطرهم يدقون علي ولا دقوا عشان الغدا والساعه صارت 5

اخاف نسوني , لايكون طلعت مقصه نفس اللي قلت فوق بسرعه ينقص علي

بروح اشوف الغدا

تحياتي وقبلاتي لكم

التحيات للشباب والقبلات لل........

اي صح شاطر

ياجماعه

في جاسوس موجود

ماراح اقول اسمه انتوا شوفوا منو وتعرفون

دقيقة برد على يوشي وارجع اقرأ ردك الله يخارجنا ان شاء الله اني اقراه كله قبل نهاية الدوام

يوشي كنت بقولك بس التوقيع الله لا يهينك حرقت الانمي علينا اول مره فلوتا حرق ون بيس والحين انت ماقصرت حرقت ناروتو :\

<< ترى شفت الحلقة بس مالها داعي تحرق على إللي ماشافوه !!!!!!!!

حولتني يا باشا تكفى خل لون الخط اسود او على الاقل ازرق داكن ^^

وبعدين مين قالك اكتب كلمتين وانطر احد يرد عليك اكتب بس اختصر يا هوو والله مايصير ثلث ساعه اقرأ ردك والله حاله

ترى وقتي ثمين << ثمين ولا ربع خخخخخـ

يعني اختصر يعني مثل star wars: the old republic مختصره تصير SWTOR خمس حروف بس << مالها دخل صح !!

المهم احتصر بطريقتك عاد :\

وتراك احرجتني من جد اعطيتني ساعتين من وقتك الثمين ترد علي خلاص انا تيقنت انك تحبني ^_^

انتبه إللي بتتغدى معهم لا يدرون ماودي احد يحقد علي عشانك تحبني اكثر منهم ويبدون يغارون ويحاولون يفرقونا وتصير حفله هههههههه

وبعدين تصير انت وحداني وتبدأ تكتب اشعار حزن وتسهر لين الصبح وتروح الدوام متكدر وحالتك بالبلا وكاتم في نفسك كل ما احد يقولك وش فيك تقوله مافيني شيء بس ارهاق يقولون لك وشفيك تدمع تقولهم ولاشيء بس نعساان مانمت زين .....

المهم عاد خل الموضوع هذا بيننا عشان ماتتعب نفسيتك ^^

وعاد لا اشوفك تكثر هرج في الردود ولا ترى بكرهك << شفت كيف التهديد بس هههههههه

السلام عليكم ورحمته الله وبركاته ( قيام ...جلوس.......... تصفيق )

تم تجربة اول رايد لي في ستار وارز.... كان الرايد أسرع من الفلاش بوينت .
في واو كان الرايدات 10 و 25 ...... في ستار وارز 8 و 16
الجروب كان :-
2 Tanks ( Powertech )
2 healers ( Opr and Merc )
4 DPS ( 3 sorc & 1 Murd)

البوس الأول : مأدري وش أسمة بس هو Droid نوعاً ما سهل بس لما يسوي الضربة الجماعية خش وراء طوفه وراء جدار دبر عمرك لا تجي قدامه ولا ميت. طبعاً فيه قاذفات تقدر تنخش وراها. كان في شويه غباء من الجروب في ناس مسوي نفسه Superman يوقف ولا علية. هذا مشكلة غلي تعود على ال DBM .

البوس الثاني : Gharj المحاولة الأولى كانت وايب التانك مايعرف يتنك البوس.... المحاولة الثانية صار له bug ( طبعاً من نفس التانك البوس أستغرب وشلون جايبني هنا ) المحاولة الثالثة جبنا راسة طول المعركة تنقل من محل لمحل. تتاخر تموت نوعاً ما البوس التاورين في أول هيرويك حق درجون سول بس فيه Adds و Platform واحد كل مرة.

البوس الثالث : لا تعليق بس قروبين وهيلر في كل قروب طبعاً كل قروب في محل بعيد عن الثاني وببيجي لكل جروب Random adds فايت سهل وسريع. المحاولة الأولى أنا مت لأن في واحد أهبل شوي رايح مع الجروب الثاني والتانك الأهبل من أخر بوس وياهم صرت لحالي مع 2 DPS والمعروف في ستار الهيلر يشفط أقروو وسبب الموت عندي كان 2 من 3 adds لفوا علي وتعرفون وش صار والجماعة عندي ولا أحد فكر يسحب واحد من عندي.

البوس الرابع : لا تعليق بقوة Arena Fight 1 VS 1 كل واحد يمسك له واحد وإذا مات, يجي على البوس إلي عندة بف والتارقت الجاي بيأكلة . 3 ويبات كلها مني البوس إلي عندي ميليي وانا مع الميليي أصحاب من زمان . المشكلة من الليدر مخليني عندة ليش ويقول لي لا تهيل عمرك . الطاقة 28 ألف معاي تسوى . في أخر محاولة بس انا وهو ولا عشرين ألف Taunt بتأخذة عني صرت تانك على أخر الفايت والمشكلة الأخ الظاهر أخذ بفات من إلي ماتو.
البوس الخامس والأخير : 6 ويبات واحد منهم انا مت من اول محاولة والأخيره بدو الفايت بدوني Leave على طول. مادري وش سالفة الفايت بس كانه ليش كينج فيه 3 Phases بس ليش كينج أسهل بكثير منه.


نظام اللووت غريب شوي . لازم تروح بنفسك وتسوي loot الجير وال tokens إذا لك أنت لحالك تشوفها بالشنطة وإذا معاك احد Need بس والفائز يأخذها وتطيح وصفات بعد . والبوس الرابع كل واحد يطيح له ترنكت والبونص خاصة فيه بس.
حالياً اللووت إي يطيح في الرايدات يطيح في الفلاش بوينت الطور الصعب .


إلى الملتقى في الرايد الثاني.......................

الوصفات هذي اللي تقول عنها مخصصه لكل وظيفه , تقدر تاخذ 5 من 5 , يعني تسوي جير 5 قطع اخو الجير اللي تشوفه عند بياعين الpvp

ماادري عن الكلاسات الثانيه ولكن للهنتر ميرسناري يسوي نفس الجير اللي عند البياعين بالضبط وطبعا 3 انواع مختلفه , يعني روح للبياع شوف شنو يبيع جير وكلهم تاخذ وصفاتهم


المهم عندي شي بقوله بس اول خلني اسوي جاي . جاي يعني شاهي بلغتكم او tea عشان كل العالم تفهم برب

الموضوع بخصوص لعبه guild war 2


صراحه ماادري شقولكم او وين اودي وجهي منك

احس اني غلطت و خدعتكم باللعبه واحس اني مااستحي على وجهي واني جربوع

انا بقولكم واللي فيها فيها , ولكن الحمدلله ان اللعبه ما نزلت ولا احد فيكم شراها وبعدين شاف العيب وقال خدعنا ولد بطنها و قص علينا وخلانا نتخسر فلوس على الفاضي


فيها عيب شرعي كبير اللعبه وكل لعبه من شركه nc soft وهذي الشركه اهي اللي مصنعه ايون و جيلد وور وكل الالعاب اللي تشوفونها باليوتيوب مثل blade & soul وغيرها واللي يمتازون بأنهم العاب مجانيه


ياجماعه الوجه من الوجه ابيض , ان قلتلك العيب الشرعي راح تكرهون اللعبه كلكم والدليل

امس بالليل قبل انام دزلي رفيجي اللي عروقه بالماي رساله قالي فهد قاعد ؟

قلت اي

قال انا الحين بدوانيه فلان , وعندي شخص لاعب كل العاب شركه nc soft ولاعب ايون و جيلد وور بكل نسخها , يعني الجزء الاول والباتشات اللي نزلوا عليها , ولاعب تقريبا كل شي الا لعبه جيلد وور 2 يقول ما لعبتها ولكن 99% راح تكون نفس الالعاب السابقه بالعيب الشرعي هذا

وقالي العيب هذا وانا لما سمعته كرهت اللعبه و ماودي اقولك عشان انت ماتكره اللعبه بعد


للعلم يااخوان , رفيجي اللي عروقه بالماي انتوا تعرفونه من ايام ووركرافت , واهو اللي نصحني العب ستار وورز وكلمني عنها واشتركنا مع بعض فيها , انا استمريت فيها واهو وقف , تدرون ليش وقف ؟

لأن قال مابي اطيح فيها و جيلد وور 2 راح تنزل قريب , مابي اتعب نفسي على الفاضي وفوق هذا يقول انا من كثر دخولي لليوتيوب اشوف جيلد وور 2 كرهت كل الالعاب وبس قاعد انطر تنزل هاللعبه , ماكو لعبه ملت عيني نفسها والالعاب الحين مو عاجبيني كثر جيلد وور 2


يعني انتوا تخيلوا شخص يقول هالكلام , وامس دازلي مسج يقولي فيها عيب شرعي خلاني اكرهها


انا ماودي اقولكم العيب عشان ماتكرهونها , يعني بصراحه ماودي اخرب عليكم الشوق لنزول اللعبه و احبطكم من البدايه وقبل تنزل , مادري اقولكم او اسكت وانتوا لما تشترونها تعرفون العيب الشرعي هذا

متوهق


لما قالي عن العيب هذا , قلت انت متأكد ؟ قال انا مو متأكد ولكن عندي شخص لاعب كل شي الالعاب من الشركه و لاعب جيلد ور 1 ويقول كلهم فيهم العيب هذا , واكيد جيلد وور 2 راح تكون نفسهم




انا الحين كرهت اللعبه , ولكن قاعد احاول اشوف شي يخليني احبها على هالعيب , ولكن المشكله ان الشي هذا ضروري فيها


انا مادري , التاريخ راح يعلمكم

وليش كاتب الرد وانت ماتبي تقول العيب الشرعي

ولا انك صرت من النوع إللي يقول السلام عليكم وينطر احد يرد عليه !!!!

وبعد كم ساعه يرجع يرجع يرد يقول كيف حالك إلخ << مثل ما تفضلت بشرحها انت ^_^

المهم قول العيب الشرعي او دزلي اياه في رساله خاصه لاني قاعد احوش للعبه خلني ابطل من الحين واطق لي سماعات محيطيه ههههههههه

لوعه تقدر تقول تحكم معوووووووووق

انا ماقلت تدري ليش

عشان مابي الناس تكرها

رفيجي ابو شنب الله يحفظو لما قاله رفيجه عن العيب كرهه اللعبه , ورفيجي اللي عروقه بالماي لما قالي كرهت اللعبه

وانا ادري لو اقولكم تكرهون اللعبه


جيرمي ياليت التحكم معوق

بالعكس التحكم حلو نفس اي لعبه بالعالم , واللعبه اصلا حلوه من كل النواحي وكل شي فيها ممتاز


الا هالشي هذا اللي اي شخص بالبدايه مايفكر فيه ولكن ضروري لما تلعبها وتكون عندك

الحين كل الناس يقولون اللعبه حلوه وانا منهم , لكن انا عرفت العيب قبل العبها والناس اول مايعرفون هالعيب راح يكرهونها


ودي اقول بس مابيكم تكرهونها



ادري يمكن بعضكم يقول ان ماعندي سالفه وقاعد اقول هالشي عشان ازيد عدد مشاركات , لكن والله السالفه صج , صج حسب ماسمعت من رفيجي وحسب ما سمع من رفيجه اللي لعب كل العاب هالشركه

يقول كل العابهم بلا استثناء بما فيهم جيلد وور 1 فيهم العيب هذا


ولكن انا راح اشتريها اذا نزلت لأني لما سمعت بالعيب فكرت شوي و بعدين رديت على رفيجي بكلام خليته يقتنع بوجهت نظري وقال معاك حق , اول مره تقول شي مفيد , قلت الله يهداك 30 سنه نعرف بعض واول مره تسمع مني شي مفيد , المهم قطعت علاقتي معاه

لكن اقتنع بوجهت نظري ولو اقولها لكم راح تقتنعون بعد



لكن الاول بقولكم شنو العيب الشرعي باللعبه , وبنتظر ردود الناس المهتمين , واذا شفت ماكو رد الى يوم غد او ردود الناس ما توافقت مع وجهت نظري راح اكتبها غدا ان شاء الله


العيب الله يسلمكم ان اللعبه مافيها جيم ماستر

يعني مثلا تطيح بحفره وماتقدر تطلع , انسى تفتح تكت وتكلم جيم ماستر يطلعك

تتعلق في مكان انسى تطلع


يعني بالعربي مافي دعم داخل اللعبه , يعني مو نفس ووركرافت تفتح تكت وتقول للجيم ماستر بالطيب في واحد سرق اللوت , او انا طايح بحفره مو قادر اطلع

اذا شريت شي بالغلط ماتقدر ترجعه , او اذا عندك قطعه مهمه و حذفتها بالغلط انسى ترجعها , عندك مثلا لوت متعلق بالبوس وانت اللي ربحته انسى تاخذه

يعني اي مشكله كبيره او صغيره باللعبه انسى شي اسمه جيم ماستر


هذا العيب الشرعي باللعبه

انا قلت فوق بعض النقاط اللي تحتاج الجيم ماستر , وفي امور كثيره بعد نفس كويستات مو راضيه تنحل او فيها خلل , موبات ماتقدر تضربهم يكونون evade ومتعطل على الكويست

وغير الناس اللي مروا في مشاكل ويحتاجون جيم ماستر فيها


ثاني شي اذا انسرق اكاونتك انسى ترجعه , يعني ووركرافت تكلم جيم ماستر ويرجعه لك او يعطيك توقيف 3 ايام وبعدين يرسلولك بالايميل شلون الطريقه ترجعه , في جيلد وور 2 انسى هالشي , اذا انسرق خلاص اشتر اكاونت جديد واذبحني بالجيلد قولي سولي بوست

عرفتوا شلون اخواتي , موضوع الدعم داخل اللعبه وخارجها مافي



عرفتوا الحين العيب الشرعي شنو ؟ شرايكم فيني ؟

عاد انا رديت على رفيجي واقتنع , انتوا شوفوا العيب هذا وقولولي رأيكم

سلملم


جيرمي انا متعلق بكويست اللي اخذ فيه المساعده و اللقب Lord اشبك ضبطني

طبيعي ان مايكون فيها دعم لانها مجانيه

تبي دعم لازم مصروف للموظفين إللي يسوولك الدعم ^_^

شيخ بني عبس فهد... إذا أمورك تمام مايحتاج GM بس أنا لما تذكرت Aion .. من أيامها الانشر غبي.... لما تموت نص السيرفر درو عنك بس مافيه أحد يدري ويمن مت. والبريست ميلي .. أنا أعترف تصميم الشخصيات حلو شي ثاني مافي حولك احد.
أنا قبل مأسمع عن جيلد 2 جربت الجزء الأول يعني إسمح لي....
الألعاب الحين يفكرون بل الجرافيك اكثر من الجيم بلاي...... واو صحيح محرك الرسوم بيبقى معاهم لين تموت أونيكسيا للمرة 13568465686 بس يبقى الجيم بلاي حقها ممتاز.... والجرافيك إلي من 8 سنين إلى الأن .. انا جربت VGA 1 جيجا ولسا بالموت ال FPS 45 . أنا أعترف ماتركت واو علشان اللعبه تركتها علشان سياسة الشركة الحين والاعبين إلي توهم جايين يرفعون الضغط شغل مبزرة. من الدوام الحين الموضوع ملخبط مافي شي مترابط.........

ولد بطنها
يمكن اللعبه ماتحتاج جيم ماستر واكيد عندهم موقع دعم يعني يكون من الموقع مو من داخل اللعبه نفسها
لأنه مو معقول اذا اللعبه فيها بق او شئ مايصلحونه اكيد يعرفون عن طريق الموقع ويصلحونها بالباتشات حال اي لعبه
واحتمال كبير انه غير انهم يمكن مايقدرون يدفعون للدعم الفني بسبب مجانية اللعبه بعد دفع قيمتها الأساسيه انه مايبون اخطاء تصير من الجيم ماستر يعني ممكن ينضحك عليهم ويسوون اشياء للعيبه المفروض ماتصير لهم وانتم عارفين اللي يصير من الجيم ماستر في واو وغيرها من الالعاب

بعدين اخوي ولد بطنها
ستاروزر سمعوا كلامك يالطيب وصار pvp في Warzone اللي يطلع من اللعبه قبل ماتخلص نقاطه معه ماتضيع
ياشيخ كأنهم يسمعون لك ويطبقون
هذا الحلو في الشركه تسمع نصايح ورغبات زباينها مو مثل واو تسرقهم وهم مقهورين

السلام عليكم


انا توني راد من المقبره نفس ماقلتلكم امس باللعبه اني بنام بكير عشان اقعد بكير

وقعدت الساعه 7 و رحت المقبره وتوني ارجع , زوجتي الله يهداها كلمه وينك ماتفارقها

قلتلها من امس بروح المقبره عشان دفن ابو رفيجي , قعدت ورحت المقبره ودفنا الرجل نسأل الله ان يرحمه , جان تدزلي مسج واتسب تقولي وينك ؟

قلت انا الحين عند الجنه اوصل ابو رفيجي وراجع على طول

قعدت تضحك تقول لا صج وينك , قلت بعد ويني يعني ذبحتيني وينك وينك وينك , كل ما اطلع وينك تراج غثيتيني بالكلمه

عاد على الريق ومالي خلق جان افصل عليها


المهم انصح الشباب عدم الزواج , ولو تتزوجون الانترنت ابرك عالاقل منه فايده , الزوجه مامنها اي فايده نهائيا اللهم الا اذا كنت تاخذها مكينه تفريخ , غيره ماتصلح , طبعا اتكلم عن بنات الجيل هذا اللي كله ماركات واهي اكسسوارات محلات الهنود تخب عليها


المهم بخصوص اللعبه , ونترك الحريم ونشم هوى شوي


اللعبه ياجماعه مثل ماتفضلتوا وقلتوا خصوصا اثنينكم قلتوا ماعندهم فلوس عشان دعم فني وهالسوالف , لا بالعكس الدعم الفني لو نفرض ان الشركه كلمتني قالت شرايك تصير جيم ماستر لكن مانعطيك معاش , راح اوافق , واي شخص من ال5 ملايين لاعب في الجزء الاول راح يوافق باللعبه الجديده



وغير الناس اللي راح يشترونها مثلي ومثلكم ومثل اي مواطن شريف على هذا الكوكب , راح يقول اوكي اصير جيم ماستر , مو هذي السالفه لأن الشركه عندها فلوس وعندها الامكانيه لأنها شركه متخصصه بالالعاب وكل فتره ينزلون لعبه جديده ويطلعون ذهب من وراها

السالفه ياجماعه الربع ان اللعبه مشطبينها ديلوكس الشباب , يعني ماتحصل خطأ او بق او اي شي من هذا القبيل

تخيل اخي المشاهد لما تروح الرحاب "مجمع تجاري وسكني في منطقه حولي ويوجد بداخله محلات بيع العاب الفيديو" وتقول للي يبيع

انت : السلام عليكم

البائع : وعليكم سلام بابا

انت : شنو في لعبه جديد ؟

البائع : في بابا هدا تنس زديد في fishing في باربي

انت : الله يهداك انا يبي لعبه حلو اكشن شنو تنس وهالخرابيط

البائع : في بابا هدا كول اوف ديوتي زديد

انت : اوكي جم ؟

البائع : اسرين دينار

انت : الله لايخسر , اكيد لعبه حلو انا مايبي يدفع عشرين دينار لعبه بعدين خربوطه

البائع : لا بابا وازد زين هدا كل نفرات يستري هدا جيم

انت : اوكي عطني

-----

انت رحت بيتكم ولعبتها , هل اللعبه فيها بق او مكان تعلق فيه وماتقدر تطلع او اي شي تحتاج انك تكلم جيم ماستر ؟

هذا السؤال يطرح نفسه

ليش ووركرافت دايم تعلق و تهنق وبلاوي زرقه تصير فيها والعاب السوني او غيرها تقعد تلعب فيهم ليل نهار ولا تحتاج جيم ماستر ؟


جيلد وور 2 انا قلت من زمان انها لعبه مثل العاب السوني بالضبط ولكن مع ناس من كل دول العالم المحبه للسلام

اللعبه مافيها بق او اي شي لا تحاتي , ولا فيها شي يحتاج جيم ماستر لأن اللي مسوينها مايبون الناس كل شوي فاتحين تكت وينطرون 3 ايام عشان يعطيهم وجه الجيم ماستر , حسنوا كل شي نفس العاب السوني بحيث انك ماتحتاج للجيم ماستر نهائيا

وبعدين اذا انسرق اكاونتك ماتقدر ترجعه , يعني اذا نزلوا الشركه المصنعه للرقم السري اشتروه او من الايفون نزلوه مجانا و اربطوه مع اللعبه , والله يعين اللي عندهم نوكيا بو ليت

رزق الشركه مو على الاشتراكات الشهريه مثل ووركرافت , رزقهم على بيع اللعبه فقط

يعني هم المستفيدين اذا انسرق اكاونتك لأنك راح تضطر انك تشتري اكاونت جديد

و طريقه اللوت فيها غير , يعني مثلا يصير واحد نينجا او صار شي ماتقدر تاخذ اللوت

رفيجي ملك اللعبه اللي عروقه بالماي قال امس شلون اصير اول نينجا باللعبه اذا ماكو نينجا ؟

مثل ماانتوا عارفين ان رفيجي ابو شنب الله يحفظو كان اول نينجا في ووركرافت , وكان يبي يصير الاول في جيلد وور 2 بس طريقه اللوت غير

حتى ماتحتاج جيم ماستر بالموضوع


حسب فهمي والكلام مو 100% يعني حدثوا عن ابو شنب ولا تكذبون او تصدقون مثل الاسرائيليات

يعني كلام مش حالك , يقول لما تروح رايد طبعا ماكو تانك وهيلر كلكهم dps يقول اللوت كأن الناس مسويلك بووست , يعني ندخل احنا كلنا رايد ونذبح البوس , كل واحد بأسمه تطيح قطعه , يعني انا يطيحلي سيف 2 هاند و الثاني يطيحله ستاف والثالث هاند والرابع هيد وانت رايح

كلام ثاني سمعت ان محد يشوف لوت الثاني , يعني انت تروح للبوس عشان تاخذ اللوت لما تفتح الصندوق تشوف بس فيه مثلا خنجر تاخذه وماتشوف شي ثاني

يجي غيرك يشوف الصندوق ولما يفتحه يشوف هيد وياخذه مايشوف غيره شي

يجي انا يفتح صندوق يشوف سورد 2 هاند ياخذ مايشوف داخل صندوق شي تاني

عرفتوا او اكتب بالفلبيني بعد ؟

هذي الروايات اسنادها قوي ليش ؟ لأن ابو شنب الله يحفظو من الرواه

ولكن الى الان مااتضح وبيني وبينك انا ماقمت اتابع جيلد وور 2 نفس اول لأني العب ستار وورز حاليا ومشغول فيها , رفيجي ابو شنب الله يحفظو ويجعله ذخر للأمه المحبه للسلام يتابع و ما سألته اذا في شي جديد

انتوا ما سمعتوا الشاعر يوم قال

متى يشتفي منك الفؤاد المعذبُ ><><>< وسهم المنايا من وصالك اقربُ

بعادٌ وهجرٌ واشتياقٌ ولوعهٌ ><><>< ولا انت تدنيني ولا انا اقربُ

كعصفورهٌ في كف طفل يهينها ><><>< تذوق عذاب الموت والطفل يلعبُ

لا الطفل ذو عقل يرقُ لحالها ><><>< ولا الطير مطلوق الجناح فيذهبُ

تعبني التشكيل

لذلك لعبه جيلد وور 2 اهي لعبه حالها حال اي لعبه سوني واكسك بوكس و نايتندو و اتاري , على فكره انا كنت اقنص بالبر ارمي دحاريج وتقريبا 90% منك مايطلع من بيتهم واهله شاريله اتاري ولعبه الطيارات البيضه والسوده اللي يعبي بنزين و يرمي

وانا وقتها اقنص واسوق سياره واروح واجي , الحين انقلب الحال صاروا هالشباب يدخلون علي ويتطنزون علي ولا في احترام ولا يقولون عيب هذا كبر ابونا

شي مؤسف بصراحه

المهم جيلد وور نفس باقي الالعاب اللي مايحتاج فيها اللاعب مساعده من مبرمج لأن نفس ماقلت شطبوا اللعبه سوبر ديلوكس

يعني بالعربي اللعبه تاعبين عليها تعب نصه يكفي ومن كل النواحي يعني ماكو شي مو تاعبين عليه حتى القصه او الlore جايبين كاتب مشهور مع زوجته ومخلينهم يكتبون القصه , وهذا تكلمت فيه بموضوع سابق وياكثر مواضيعي

الموسيقى فيها جايبين اشهر موسيقي للألعاب و في مقطع باليوتيوب عن ال10 اسباب تخليك تعلب جيلد وور , واحد حاط مقطع يقول 10 اسباب تخليك تعلب اللعبه , من الاسباب ان الموسيقى جايبين شخص مشهور بالالعاب ومسوي الموسيقى , طبعا حاطين انجازات الماسترو هذا و كل الالعاب اللي عمل موسيقاها

طبعا كلهم اخذ عليهم جوائز , نفس ماتقولون ووركرافت يقولون ان الباتش الجديد راح يكون البوس ابو شنب الله يحفظو , شنو يصير بالعالم ؟ كل الناس حتى اللي عمرهم ما لعبوا ووركرافت راح يشترونها مخصوص عشان ابو شنب الله يحفظو

يعني اللعبه متعوب عليها صح , والدليل

الولو


انا اكتفي بالقدر هذا من الكتابه , لوعه الفرقا يزعل يقول اختصر مره ثانيه

تدري انا سجلت بالتويتر قبل فتره بغيت اصير مجنون , حدي اكتب 270 حرف تقريبا , قلت 270 حرف شنو يسوون , انا اذا ماكتبت 10 الاف حرف وله ما ارتاح , نفس صفحتي الخاصه بالمنتدى معطيني 5 الاف حرف ولما شفت انا جم كاتب طلع فوق ال10 الاف

انا ماادري التويتر يختلف بين الايفون والكمبيوتر او لأ , لكن بالايفون حدي 270 حرف


المهم انا اخليكم الحين تريحون بعد مشقه العمل , و ملك اللعبه ولد بطنها الاصلي اللي عروقه بالماي يسلم عليكم ويرسل للشباب تحياته ويرسل للبنات قبلاته


نشوفكم باللعبه , ويمكن اروح اركب تواير اليوم وماادخل اللعبه الا متأخر , من ايام مشاركاتي في قهوه ووركرافت وانا اقول بركب تواير , اليوم جمعت اخر دينار ولله الحمد والمبلغ وصل عندي 220 دينار بدفعهم على تواير عشان ادوس عليهم

والله قهر


يلا في امان الله


ماقلتلكم عن محاضرتي امس ؟

بعدين بقولكم , بس ان كتبتها يمكن احتاج 3 صفحات , وبعد 100 سنه لما تعرفون قيمتي راح تجمعون مشاركاتي من المنتدى وتجمعونهم في كتاب و يحصد الكتاب اعلى المبيعات , وعشان محد يستغل هالشي بروح المحكمه وبسجل جميع حقوق مشاركاتي و اقوالي لأخوي عشان بعد 100 سنه يسوي كتاب ويطلع ذهب منه

ويقول المسكين بالغصب ركب تواير ايامه والحين كتابه جابله مليارات , نفس الرسام فان جوخ اللي قطع اذنه , كان يبدل رسماته برغيف خبز

ولما مات رسماته وصلوا ملايين

بذمتكم مو قهر


يلا بااااااااااااااااااي لا اطول بعد

اقتباس:

---

المشاركة الأصلية كتبت بواسطة Warchif

ولد بطنها
يمكن اللعبه ماتحتاج جيم ماستر واكيد عندهم موقع دعم يعني يكون من الموقع مو من داخل اللعبه نفسها
لأنه مو معقول اذا اللعبه فيها بق او شئ مايصلحونه اكيد يعرفون عن طريق الموقع ويصلحونها بالباتشات حال اي لعبه
واحتمال كبير انه غير انهم يمكن مايقدرون يدفعون للدعم الفني بسبب مجانية اللعبه بعد دفع قيمتها الأساسيه انه مايبون اخطاء تصير من الجيم ماستر يعني ممكن ينضحك عليهم ويسوون اشياء للعيبه المفروض ماتصير لهم وانتم عارفين اللي يصير من الجيم ماستر في واو وغيرها من الالعاب

بعدين اخوي ولد بطنها
ستاروزر سمعوا كلامك يالطيب وصار pvp في Warzone اللي يطلع من اللعبه قبل ماتخلص نقاطه معه ماتضيع
ياشيخ كأنهم يسمعون لك ويطبقون
هذا الحلو في الشركه تسمع نصايح ورغبات زباينها مو مثل واو تسرقهم وهم مقهورين

---

هذا كله من ابو شنب الله يحفظو

ابو شنب اذا قال قال حطه على يمناك


شوف فوق قلت ان راح يراسلهم ويقولهم , وبما ان ابو شنب الله يحفظو معروف على مستوى العالم وكل الشركات تحسب له حساب نفذوا الطلب بسرعه عشان ما يزعل

ليت الشباب العرب يحسون شوي ويعرفون فضل ابو شنب ملك اللعبه اللي عروقه بالماي عليهم , لكن محد يدري لان اهو يقوم بالامور بتكتم عشان مايحب الشهره والرسميات , اهم شي خدمه اللاعب العربي

فهد.......... أنا جايب معاي popcorn علشان أقرأ موضوعك اليوم..... أول مرة من 11 شهر مافيه شغل عندي قعدت أدور على كل مشاركاتك............ ودي ومنى ونانسي وعبير عني تدش معاي أوبريشن...... أبي تعليقك على الأوبريشن ال Lockout حقي بيخلص بكرة حق Eternal Veult وأبي أسوي Korgg's نورمال علشان أخش الهيرويك منهم .... طبعاً طور الصعب يسمونه نايتمير وأنا من الي شفته بالنورمال أحس صحيح إسم على مسمى..... شباب لفلو بسرعه تعبت أهيل توانك نوبس............ كلاسي كأنه ريستو درويد بس بستار حدي توانك كأني بلادين... السورسر وحش لأنه يعطي شيلد وأنا مسكييين كل شي Summon أوزع الHot's في كل حته.... هيلينج الأيجنت شي غريب طبعاً أنا تعودت من ألعاب الأربي جي كل شي كاست بس .. في هذا الكلاس لا شغل أجهزة وربوت... ويكفي جهاز الفحص .. هذا سبيل هيلينج شنل بعد. وفي كلاس هيلر سبيل جماعي تحصل عليه من أخر نقطة بالتالنت..... وطريقته كل واحد غريبة ... السورسر لازم توجه كأنها Healing rain حقت الشامان والميرسنري BH مأنتبهت لها... والإيجنت توجه على أي احد أو نفسك وبعدين تستدعي روبوتس نانو تهيل كل إلي حول التارقت إلي أستخدم علية السبيل وبدون كاست طبعاً

أنشاء الله مستقبلا فهد بيسوي باور لفل بس أنتو أرسلو له الجوال علشان يدش والأجوبه حق جميع الأسئلة واليوزر ولا عليكم.

السورس او مادري شنو اسمه بالضبط لكن اللي يمسك لايت سابر مو الدبل

هذا بنظري ونظر الملك انه الOP بالpvp وبالpve بصراحه ماشفته ولا جربته ولكن انت تقول يعطي شيلك وقوي , يعني معناته انه مضبوط بعد بالpve


هذا الكلاس حتى لو فكروا الشركه انهم يضعفونه عشان الpvp ماراح يحصلون شي عشان يقللون قوته , لأنه صاير اوب بالحركات اللي تكون بدون دمج , مثلا اسرعه ال150%

لما ياخذ الكره ويروح يحطها بالمرمى راح يصادف نار تطلع من الارض ولازم ينتظر النار توقف عشان يركض , ومثل ما انت عارف اذا كانت الكره معاك راح تقل سرعتك

السورس لما يصادف النار يشغل التيربو ابو 150% ويركض يطوف النار بأقل دمج ممكن , اللي يكونون خلفه عشان يذبحونه وياخذون الكره مضطرين انهم ينتظرون النار عشان يلحقونه , يكون اهو سجل هدف وخلص

اللي لما الحين مااعرفه عن الكلاس هذا هل لما يكون تانك يقدر يختفي بس او الاختفاء موجوده ان كان تانك او هيلر

لأن كل ما اشوف واحد ماسك دبل لايت سابر اشوفه يختفي ولما اشوف واحد ماسك لايت سابر دايم اشوفه عادي بدون اختفاء , قلت يمكن الاختفاء فقط للتانك

ياليت يعني وورشيف يقول وينورني بالشي هذا

ثانيا الكلاس هذا ماله حل , يستخدم الشيلد وانا اوقف اضرب فيه اضرب فيه اضرب فيه لغايه ما الheat يوصل حده و الشيلد ماله ما انكسر , واهو طبعا يقعد يضرب فيني لي يذبحني واهو طاقته 80 او 90%

لدرجه وانا بالبونتي هنتر كل ما اشوفه اوخر عنه نفس الوورلوك شلون اذا شاف روج ينحاش

ثالث شي خصوصا بالhuttball لما يجي شاب ظريف ياخذ الكره , تشوف السورس واقف فوق الجسر يطالعه , راعي الكره يحاول ان يطير بالهوى عشان يصير فوق , السورس عنده حركه يسحبه لمكانه اللي واقف فيه

ماادري شنو اسم الحركه وامس لفلت سورس وصلته لفل 10 بس ماشفت الحركه وينها , المهم لما يحسب رفيجه نفس الديث نايت لما يسحب التارجت او سكوربين لما يسحب اللي ضده ويقول COME HERE!! او يقول COME OVER HERE

هذا يسحب رفيجه ويحطه بالمكان الصحيح بعدين يدق الغاز ويركض 150% ويطوف النار وينتظر راعي الكره يحذفها عليه وبعدها ياخذها و اي لاعب يحاول يوقف بوجه يسوي حركه اللي يحذفهم ويطيحون تحت ويمشي بالكره واهو مشغل الشيلد الى الخط عشان يفوز


الكلاس هذا ماله حل , يعني الشركه اذا كانت تبي تسوي نيرف عليه ماتقدر لأن حركاته عاديه مو ضربات عشان يقللون الدمج

انا ماادري شلون يقولون ضعيف , يمكن وورشيف كان تانك او اختار التالنت اللي يكون للتانك ويشوفه ضعيف , لكن انا واثق لو يلعب بالتالنت الخاص للهيلر راح يستمتع فيه

وانا اقولها من هذا المنبر واعترف ان 80% من نجاحنا بالباتل جراند بفضل الله ثم بفضل السورس , لدرجه اني عرفت كم واحد معرفه اسم , يعني ان شفت الشخص معانا عرفت اننا راح نفوز واذا شفته مو معانا اقول احتمال نفوز واحتمال لأ

لأنهم اللي حافظ اسمائهم يعرفون شلون يلعبون ويعرفون شنو المطلوب عليهم يسوونه

وكل مره اشوف انه اللي ضدنا غالبينا واشوف دخل معانا سورس يعرف شلون يلعب , يغير النتيجه الى فوز


فأنا من هذا المنطلق انصح بالكلاس هذا , شرط يكون لايت سابر , يعني تالنت الهير والكاستر مو التانك

وشكرا

لك المايك اخوي جيرمي انا بروح اتغدى

حياكم عيش وماجي بدون ادام

عدنا مع المايك وباقي 10 دقائق علشان أستمتع بالويك إند..... انا بال BGs يكون معا سورس بس كلهم دي بي أس أنا الوحيد هيلر بالرن بس الزين أن الشيلد للكل ..... من ناحيت Life girp أمس بالغلط وقفت بمكان عند البوس الثاني علشان الحق أهيل التوانك لأنهم صارو برى الرانج ويسوي لي البوس kick على اللافا ويجي واحد منهم يسحبني.... أنا أشوفهم ما في عندهم إي مشكلة مع الفورس .... أنا لما بس أهيل بزيادة ...أو دمج عالي على كل الجروب راح ال energy كله ولا لحقت عليهم ...... والأقرو عندي يمش مليون..... مع اني أستدعي الروبوت حق الأقرو وعندي نقاط بالتالنت يخفف عني الأقرو..........بس السورس كلام ثاني ............. المفروض الشركة يشوفون لنا حل مع الأقررو والُEnergy عندي 100 والسبيل الواحد يكلف 30 و أربعه منهم التانك بيموتون....... حرام عليكم...... أخوي توه مكلمني يقول التوصيلة حقت ال PC إحترقت.. بعد كفاح 12 سنه... يعني روح سوي Shopping علشان ألعب اليوم ولازم اوفي بوعدي لوارأشيف علشان يزوجني أخت Mako ...

في حركة حلوه عندي دايم أسويها بال BGs قدامي واحد بينضرب وحوله 3-4 أطلع لهم من تحت الأرض ( أكون مختفي مثل الروج ) وفلاش أعميهم فيه و أفك كل سبيل هيلينج عندي عليه و اطلع برى الكومبات...... روج يعطي هيل... المشكلة مأقدر أسوي CC بالكومبات عندي بس SLeep تشتغل مثل الSap .... حسب التجربة مع الهيلينج لما أزيد الهيست عندي أعطي نتائج رهيبة .. فيما معناه الإيجنت يبي له بس جير ويفجر أنا كل الهيلارات إلي كانو معاي مجيرين Epicsمع البونس , يعني لو اجير مثلهم أطلع أقوى منهم. المشكلة عندي إني أضبط روتيشن بحيث أني مأصرف Energy

فهد في واحد من الشباب يقولي روح الكويت وجرب بطاط مدور بسرعه مع الاكل على طول أشتهي...عزمت مرة اروح علشان اجربه.

بإسمه تعالى نبدا بإجابة أسئلة السائلين من العامه رغبة في الثواب والأجر من الله سبحانه

بالنسبه لسؤال أخونا الكريم ولد بطنها

فيجب ان تعلم أن السورس الذي تتكلم عنه لا علاقه له بالاساسين الذي ذبحتنا بجهلك في معرفته

ويتفرع هذا الكلاس أساسا إلى فرعين إثنين من المصدر الرئيسي المعروف بإسم Sith Inquisitor

الفرع الأول وهو السورس الكلاس الكاستر الذي طالما صجيتنا فيه والذي أتعبك في وقت المضارب والمناطحات

حيث يمتلك الدرع المذكور في سؤالك والذي أزعجت خلق الله فيه وكذلك يمتلك القدرة على التهييل ويحمل سلاح اللايت بليد بطرف واحد فقط

وهذا الكلاس الذي يعتبر حاليا كلاس OP وهو لا يملك خاصية الإختفاء نهائيا ولكنه يتشارك في بعض الخصائص الأخرى مثل الحركه التي تطرح الكل جانبا و حركة التيربو التي تعطيه سرعة 150%



الفرع الثاني هو الأساسين وهو الكلاس الميلي ويحمل سلاح الدوبل بليدز بار ولا يستقيم حاله أبدا بدون هذا السلاح لأنه يوجد لديه بفات معينه لسلاحه سواء للتانك تهيله او الدي بي إس تزيد دامجه ولا يستطيح تفعيلها بدون إمتلاكه لسلاح الدوبل بليدز بار

وكذلك وجود مميزات في الضرب لن يستطيع إستخدامها بدون توفر السلاح المذكور سابقا وفي روايه اخرى سمى بسلاح المثنى بن ولد بطنها

وهو الكلاس الأضعف في الحلقه ولديه خاصية السحب لإعدائه تلك التي ذكرتها واصبحت هاجسا لك فلم تعد تستطيع التفريق بين الفرعين لهذا الكلاس



نرجو من الله أن تكون إجابتنا لك شافيه وافيه و أزالت الغشاوه من عينيك لترى وتبصر النور وتهتدي إليه

وفي ختامنا نسأل الله لنا ولكم العافيه وأن يتغمد فقيد صاحبك بالرحمه ويسكنه فسيح جناته

وصلى الله على سيدنا محمد وعلى آله وصحبه وسلم

سؤال طرح في منتدى ستاروارز.............
If you had to rate the TOP most EFFECTIVE AND OP PVP/PVE CLASSES FOR
EMPIRE

IN ORDER

Listing in order of OP'd:

Operative - Very high burst damage and stealth
to escape combat. The Sith Operative is pretty bad ***. I had one hit me for over 5100.
Powertech/Merc - heavy armor, shields, healing and burst
dmg
Sith Juggernaught/sith Assassin - Heavy Armor(Jug) and high burst damage
- (3600 points from one hit)
Sith Marauder/sniper - Good burst damage and
sustained. (sniper hit for 1800 x3 with 1s inbetween)
Sith Sorcerer - Bubble,
no burst damage, nice AOE's for minimal damage. Sustained damage with some slow
healing.

على طاري بطاط مدور , اخر مره اكلته من مطعم الغدير , طلبنا انا و 2 معاي شورما لحم مع بطاط مدور , و ثلاثتنا حاشنا تسمم بسبب الشورما

ومن يومها ما اكلته , الكلام هذا قبل سنتين يمكن


في مطعم في منطقه بنيد القار ذات الغالبيه الشيعيه ليس سكن وانما حسينيات ومساجد ويوحد فنادق و مستشفيات ومكتبات وتسجيلات اسلاميه شيعيه

المطعم اسمه التباب , اشهر مطعم عندنا و لو يبيعه انصحك تشتريه لأنك راح تستغني من خلفه , ماادري اذا صاحبه من الطائفه الشيعيه او لأ ولكن اللي يشتغلون بنغاليه ومرات اشوف يمني ومرات اشوف مصري

مطعم كوكتيل

المهم احسن ما في الشيعه ان عندهم حسب مااعرف من معارفي من الشيعه ان اللحم مايجوز تبيعه او تاكله مثلج , يعني مايجوز تشتري لحم من دوله ثانيه يكون واصل الكويت مثلج

لازم يكون طازج اللحم , ويأثم عليه كل من يتاجر به

عاد ماادري صاحب المطعم شيعي عشان جذي يجيب لحم طازج او سني بس يبي يكسب الناس يجيب اللحم طازج

المهم هذا المطعم عنده احلى شورما , او يعد من افضل المطاعم اللي تبيع الشورما , طبعا مع الشورما يحط بطاط مدور و اكلها عندها اذا نسيت اقوله لا تحط بطاط مدور لأن دسم حيل وثقيل على التسبد "كبد"

وامس رحت اكلت عنده وقالي تبي بطاط قلت لا يرحم والديك

هذا المطعم انصحك فيه اذا تبي شغل نظيف , صج ان المطعم من تشوف شكله تقول هذا التسمم , ولكن شغله نظيف و عالم عنده , يعني ما تحصل موقف بسهوله


عنده كباب بعد , طبعا سندويش مو مشاوي


كلامك عن البطاط المدور ذكرني في قول الشاعر

ارجعي للي يصونج جوهره مابين ايديه ><> ارجعي للي بدونج الزمن جاير عليه

رجعتج ماهي غصيبه <<<< الحياه بعدج صعيبه


لذلك مو كل مطعم مطعم ولا كل سياره سياره

الحين الخروف وصل 80 دينار , يمكن عمره 3 الاف سنه بعد

اهل المطاعم ابتلشوا بالغلاء , شلون يسوون شورما وكباب و مشاوي ؟

اذا الخروف 30% من جسمه لحم والباقي صوف و عظم

يعني 30% مايعادل 20 كيلو مثلا او اكثر ؟ خلنا نقول 30 كيلو , تخيل 30 كيلو ب80 دينار

والكيلو مشاوي يمكن 3 دنانير , ما راح يشفي غليله التاجر صاحب المطعم لأن يبي ربح 200%


لذلك ابتكروا طريقه جديده

شنو الطريقه ياحلوين ؟


يشترون لحم من الصين

الصين ما اكتفت بالتقليد والصناعه , ادخلوا الحين بتجاره اللحوم


تعرفون تنكه الزيتون ؟ او الجين يكون في تنكه نفس صندوق ارتفاعه 40سم تقريبا و عرضه 30سم ويكون نفس علبه البيبسي شلون من المينيوم ومسكره , او نفس حليب الكرنيشن , مادري بالمملكه عندكم حليب كرنيشن

اي نفس حليب ابو قوس , يكون مسكر من كل صوب واذا تبي تفتحه لازم مقراضه او آله حاده تقص الغطاء

لما تشق الغطاء تشوف ماي نفس ماتقول ماي معقم , تعرف شنو يعني ماي ؟ يعني مويه ياشيخ يعني وارر warer بالامريكي او water بالانجليزي

وتشوف بين الماي الخروف يطالعك , مصلوخ كامل و داعسينه بالعلبه , خروف على عدله بدون قطعه ناقصه اللهم الا الصوف , يعني مسلوخ وخالص


شفت انت لما تبي تحتفظ بتذكار من رفيجك شلون , مثلا تقص ايده او اذنه او خشمه وتحطها في قلاص جبن وتصب عليها ماي معقم او كحول عشان ما تخيس , او لما كنت بالمدرسه وتروح حصه العلوم يطلعلك المدرس قالب فيه ماي وداخله جنين او ضفدع او اي مخلوق

نفس الطريقه مع الخروف , توصل التنكاك الى الدوله ويشترونها تجار الاغذيه ويبيعونها على المطاعم

خروف كامل ب 10 دنانير , قبل الغلاء كان ب5 دنانير يابلاش


المطعم يشتري الخروف ب5 ويبيع منه ب50 دينار , يعني الربح كم ؟ 100% او اقل ؟


طبعا زاد سعر الخروف صار 10 دنانير و المطاعم ارفعوا اسعارهم , يقولك ماعون الريش ب3 دنانير ونص , و ربع كيلو كباب ب3 دنانير

عاد يفصلون الخروف ويقسمون كل شي ويبيعون , الريش بروح و الفخذ مع الكتف مع الرقبه ياخذون اللحم ويسوون منه لحم مفروم و يبيعونه كباب و الظهر واليد الثانيه والفخذ يسوونه تكه


ويزرطونه احنا المواطنين المساكين , ناكل اليوم وباجر بالمستشفى تقول بالع مسامير

انا اكثر واحد يتسمم بالدنيا لأن الانسان العادي يقدر يتحمل نسبه تسمم 30% والجسم يطردها مع عوار طبعا

انا لو الاكل فيه 1% تسمم اروح فيها


معدتي ماتتحمل ولا القولون , يااخي انا سكراب مافيني شي صاحي

المهم

بعد شنو نسيت
يلا باي

Comming Soon in SWTOR
http://www.youtube.com/watch?v=yUktp9Vmolg

شفيه الاخ انقلب سيستاني ؟


انا اليوم ماخذ اوف من كل شي وقاعد ابحث باليوتيوب وجوجل عن زقاره الكترونيه , وتوصلت الى ان نوع blu cigs الافضل لأن الكل يمدحها

انا بصراحه من بعد ما اكلت حبوب او كبسولات بروستين نفسيتي اتعبت و صرت انطوائي اكثر ومالي خلق اسوي شي , حتى الاكل ماقمت اكل

اما التدخين صرت الحين بدون مبالغه اسحك 3 باكيتات بكس احمر و الباكيت الرابع مرات افتحه ومرات انام قبل افتحه

لذلك قلت اشوف حل مع التدخين اللي ان استمريت على هالحال راح اموت , وبعد البحث وصلت للزقاره وعرفت كل شي عنها

الزقاره العاديه فيها 4800 ماده مضره

اما الزقاره الالكترونيه مافيها الا بخار ماء و نيكوتين حسب الرغبه , يعني تقدر تقلل النسبه و تقدر تزيد النسبه

ولكن نيكوتين بروحه افضل من 4799 ماده اخرى مثل القطران و اول اكسيد الكربون

يعني انت تاخذ ماده وحده بجسمك وتترك 4799 ماده تفتك منها


وسألت رفيجي ولقبه الساحر مابي اقول اسمه , كان مدخن شرس و كان من المجموعه اللي تقول "الزقاره سر المرجله" يعني الرجال لازم يكون مدخن


هذا رفيجي قبل 4 سنوات شاف اعلان بالوسيط واحد يبيع ادويه للضعف الجنسي وغيره , وشاف كاتب الزقاره العجيبه , المهم رفيجي دخل نادي حديد وهالسوالف و قالوله اقطع التدخين تستفيد اكثر من النادي

قرر ان يقطع بس بدون ما يبلغ الشباب عشان ما يتطنزون عليه ويقولوله انت صقعه تقطع الزقاره

المهم اشترى الزقاره ودخل علينا فيها ويشربها ويقعد يورينا عشان نقتنع انها زقاره مثل الحقيقيه


بعد فتره وتقريبا 3 شهور , المجنون قطع الزقاير مره وحده , حتى الزقاره الالكترونيه ماقام يدخنها , وقال هذا من فضل الزقاره اللي خلتني ما افكر بالزقاره العاديه


قطعنا العلاقه معاه و طردناه من الدوانيه لأن ما قام يدخن وقلنا انه مجنون و صقعه , في رجال ما يدخن مستحيل


المهم بعد السنين ما عدت وعرفنا ان الزقاره مالها معنى , انا شفت نفسي ادخن كثير ونفس ماقلت 3 باكيتات باليوم والرابع مرات افتحه ومرات لا

يوم صرت صاحي و عقلي رجعلي بعد ما كان مسلوب مني لأن اقعد مع اصدقاء السوء واللي نصهم الحين بالسجن قررت اني اشتري الزقاره عل وعسى اخفف من الزقاير العاديه واللي فيها 4799 ماده مضره واكتفي بالنيكوتين

لأن المدخن مايحتاج الا للنكوتين فقط والمواد الثانيه مايحتاجها ولكن غصب يستنشقها وياخذها بجسمه لأنها داخله في التتن , التتن اهو الشي اللي لونه بني ويحترق , هذا التتن او باللغه العربيه التبغ , اهو يحوي ال4800 ماده سامه

الدم مايحتاج الا للنيكوتين والباقي مايحتاجهم , ولكن غصب لأن التبغ يحويهم


لذلك اكتشاف الزقاره الالكترونيه هذي , يعطونك الزقاره مع فلاتر مع بطاريات و شاحن وكل شي , ويعطونك نكهات نفس نكهة التوت او النعناع او غيره عشان تستمتع , ويعطونك نيكوتين تحطه حسب الرغبه , يعني تبي ثقيل يعادل المارلبورو بكس احمر او الابيض اللي يكون 4 او الخفيف اللي يكون 1

حسب اللي تبي , ولكن الطيب فيه انهم يعطونك نيكوتين صافي , يعني بدون اي مواد سامه اخرى نفس المواد اللي يحويها التبغ

لذلك بما ان الدم مايبي الا النيكوتين وبما ان الزقاره الالكترونيه تحط فيها ماي و نيكوتين صافي بس راح تكون افضل من الزقاره العاديه

لأنها حتى بدون دخان , يعني اللي يقعد عندك ما يشم شي او يتضايق من الريحه , لأن بالزقاره فيها سخان صغير يبخر الماي عشان يطلع دخان وانت تشوفه تقتنع ان دخان زقاره عاديه و النيكوتين يطفي غرورك

اقص ان الدخان اللي لما تمز الزقاره وتطلع يكون بخار ماء فقط

اما الزقاره ماتطلع دخان ولا فيها جمره نفس الزقاره العاديه اللي الناس يتضايقون من دخانها حتى لو ما مزيت منها او حتى تكربن كأنك بأولى متوسط قاعد بالحمامات تسحك مع اصدقاء السوء

لذلك انا مستمر بالبحث واشوف كل شي عنها ولما اجربها اقولكم , كم واحد فيكم مدخن وكم واحد فيكم صقعه ما عمره دخن ؟

عزيزي فهد كان يداوم معانا واحد يستخدمها ................. ممنوع تدخن داخل الشركة ومشوار بقوه علشان تطلع وتدخن برى مع الجو الباريسي عندنا ..... الأخ اللطيف أشتراها من USA وأدهر فيها ما عاد يحتاج يقطع مشاوير علشان يدخن برى...... مد لي وحدة وقلت له غيرك أشطر ما راح أدخن لو أيش....... الحمد لله مافي أحد بالبيت يدخن... فهد مأدري ليش أحس أنك تحمسني أمسك الزقارة وأدخن...

ليش انت ما تدخن ؟

غريبه في احد بالدنيا ما يدخن ؟ انت عمرك ما دخنت ؟

انت تسكر زرار غولتك ؟ هل تروح للسوق او البقاله تشتري معاك الخدامه ماسكه ايدك عشان ماتضيع ؟

قول الصج

يعني الحين العلماء شافولكم حل للتدخين وبأقل ضرر وفوق هذا ماتدخنون

يبا اذا على الفلوس انا اعطيك كل يوم 8 ريال تشتري باكيت بس المهم دخن , حلاه الرجال يكون مدخن مو قاعد لا شغل ولا مشغله

يعني مثلا قاعد بالبر يم النار وتسولف مع رفيجك , شلون تسولف وانت مو ماسك زقاره ؟

قاعد تطالع التلفزيون و مطفي الليتات الساعه 3 الفجر والانترنت عندك خربان , شلون تشوف بدون زقاره ؟

قاعد بروحك على القنفه مطفي الليتات وقاعد تفكر بالظلام , شلون تفكر وانت مو ماسك زقاره ؟ شلون تلهي نفسك ؟ بالتصجيم مثلا

غريب امركم , اللي ما بيده شي يمسكه شلون يقعد نفس الصنم بدون حركه ويقعد يفكر ؟ لازم ايدك تروح وترجع من و الى راسك عشان تمز الزقاره

مثلا قلت بقزرها تصجيم بدون زقاير , صجمت الحين وبعد دقيقه صار خشمك انظف من فراري معروضه بالوكاله وماكو ولا نقافه داخله , وبعدين ؟ تدق على رفيجك يجي عندك عشان تصجمله ؟

لا يا اخي مايصير , لازم تدخن , وقلنا ان الزقاره مضره ولكن الحين اكتشفولك زقاره بدون جمره او ولاعه عشان تشربها وبدون دخان او ريحه وبدون طفايه او بطل بيبسي تخلي فيه شوي عشان تطفي داخله

بدون اي شي , مجرد تركب الفلتر بالبطاريه وتشرب , لا تتن يطيح عليك ولا تحرق ثوبك من الجمر الصغير اللي يطيح

شنو تبون اكثر من جذي ؟

انت من الحين تقول للخدامه وديني الجميعه و روح اشتر باكيت وتعال , واول زقاره تشربها لازم تكربنها لي النهايه تخلي الجمره نص الزقاره

اما اذا خايف من الخدامه او ما ترفضها او تطقك ان شافتك تشرب , دق على اي واحد يجيبلك باكيت و روح حمام الملحق او فوق السطح اشرب

لا تشرب بالبيت داخل , مثلا بحمام البيت الداخلي او بغرفتك اذا انت بروحك بالغرفه لأن الدخان ينتشر بسرعه ويشمها البيت كله خصوصا ان كانوا غير مدخنين , الغير مدخن يشم الريحه اقوى من المدخن في رمضان


وانت تدخن ادخل اطلب الزقاره الالكترونيه , وبعدها اشرب بغرفتك محد يدري عنك

نصيحه انا ابيلك الخير

ياجماعه انا احتمال اليوم او باجر ماخذ توقيف

على حسب يمكن 3 ايام الى اسبوع

ان شفتوا اسمي تحته عضو موقوف لا تستنفرون او تقومون بثوره او اي عمل تخريبي

كل واحد يمسك ارضه وينتظر رجوعي بعد الوقت المحدد

واتمنى من الجنود المجهولين مايسوون شي بعد عشان ما يزيد الطين بله


ان توقفت لحد يكلمني , اجلوا كل شي الى مابعد حيفا او الى مابعد مابعد حيفا

بيروت راحت فيها و شبه تدمير كلي وانت مازلت كاتيوشا واغلبهم يطيحون بساحات ترابيه و ذابحنا مابعد حيفا


المهم اجلوا كل شي لما تشوفون عضو موقوف

والسلام عليكم ورحمه الله وبركاته

ماعندنا شغاله.......... ربعي بالدوام يحاولون بس مافي فايدة الوحيد إلي واقف بدون زقارة.

افقر سعودي عنده 100 مليون ريال

وماعندكم خدامه

ولد بطنها

بالله وين احصل الزقارة الإلكترونيه خشت مزاجي

اقتباس:

---

المشاركة الأصلية كتبت بواسطة Karazhan

افقر سعودي عنده 100 مليون ريال

وماعندكم خدامه

---

يعني لازم الواحد يكون عندة خدامة....

أفقر سعودي عنده 100 مليون............. لو كلامك صحيح بتشوف رقعه وجهنا..... كان كل يوم في ديرة ..

لوعه وش صار على فيلتكم إلي وين ذكرني ......... إلي توكم شارينها عند جبال الألب..... نبي نجرب نسكن فيه هل االصيف.... وبعدين لوعه مأشوفك رجعت مفتاح الشقة حقتنا إلي في ميامي..

هذا انتوا يالمليونيريه

دايم جذي تسوون روحكم يعني فقاره وحتى 5 ريال ماعندكم

انا شخصيا اعرف 10 يمكن عندهم ملايين وتشوف اشكالهم تقول هذا تجوز عليه الصدقه خلني اعطيه يتعشى شكله من اسبوع ما اكل شي


لوعه الفرقا الزقاره انا بحث و درست وتعمقت فيها لدرجه ان الحين ينادوني الشباب فهد زقاره

بس ناقص اجربها , لما اجربها اقولك


تبي تغسل ايدك ؟

تدري شنو عيبها الوحيد واللي منظمه الصحه خايفه منه ؟

عيبها او خوفهم منها عشان ما يسشتريها الغير مدخنين ويطيحون فيها بسبب انها غير مضره


تخيل هذا العيب اللي فيها


من خلال بحثي عنها اكتشفت انها سليمه 100% وكل مافي الامر انها من قطعتين , الفلتر و الزقاره اللي فوق الفلتر

الفلتر داخله نيكوتين سائل و الجزء اللي فوق بطاريه

انت تفتحهم وتفصلهم كل ماحبيت تشحن او تستبدل الفتلر

الشركه اللي انا طلبت منها blu cigs وهذا بعد البحث عرفت انها من الاقوى بين الشركات , في غيرها ولكن اهي يعني من الافضل بالمجال هذا , وطبعا امريكيه , الصينيه لاتقرب صوبها

المهم الشركه تقول الفلتر بالمتوسط 250 مزه , يعني 250 مره تشفط اذا كنت مدخن غير شرس نفسي

والباكيت يجي معاه 5 فلاتر ويعطونك تختار علبه فيها 5 باكيتات يعني 25 فلتر مع الزقاره نفسها يعطونك علبه 5 فلاتر

عاد انت اجمع واطرح وقسم واضرب 25 فلتر على 250 مزه كم الناتج

ماعلينا من الفلاتر , تروح اي صيدليه تشوف اذا عندهم او لأ , او تروح تطلب فلاتر من الشركه

من البحث شفت ناس يقولون يمكن الفلتر الواحد يقعد معاك اسبوع

وشفت ناس تقول ال10 فلاتر يقعدون معاك من 5 الى 8 شهور

الظاهر حسب الاستخدام لأن الزقاره مافيها جمره , تعتمد على عدد المزات


الموضوع طويل اذا تبي شي معين قولي وانا اقولك عنه

لوعه الفرقا

هذا مواطن سعودي من جده ويبيع الزقاره

كلم بوحا لأن بوحا من جده قوله يشتريها لك ويدزها

هذا المقطع نفس الزقاره اللي انا شاريها وهذا الشخص قاعد يشرح طريقتها

طبعا اهو ماقال شي يعني الشرح عادي , اذا تبي شي معين قولي وانا اقولك

http://www.youtube.com/watch?v=C_3pJ3ZmBVY

شوف هالرابط واخذ ايميله وقوله بكم تبيعهم

ترى الشركه هذا جوده عاليه وامريكيه و غاليه شوي , لكن سعرها فيها . في انواع ثانيه رخيصه تقريبا 15 دينار يعني 1500 ريال

بس شوف الطريقه وشلون يشربها والدخان , بس الجديده يقولون دخانها اكثر واهي اللي انا طالبها يجي الباكيت فيه لمبات تقولك كم فيه شحن وكذا

اما القديمه الباكيت مافيه كم يقولك فيه شحن

وش زقاره ومازقاره
الحين صار الموضوع صحه نفسيه
امحق شله
مابي اقول ياليتني مليونير وعندي ملايين
انا ابي فلا صغيره حتى مو لازم كبيره ويكون فيها حديقه صغيره عشان عيالي يلعبون فيها وووو الحين الموضوع بيصير عائلي ويمنع دخول العزاب كككككككك
وانا صراحه ابي مصدر دخل ثابت غير الوظيفه يعني تجاره واكون نايم بالبيت واستلم المعلوم اخر الشهر
من حقي ويكفي كرف لي 13 سنه بالوظيفه من تخرجت من الدبلوم وانا موظف أهلي ابي اصير هامور بس هامور طيب مو مثل الهوامير الحراميه اللي ياكلون حرام ومالهم حرام اعوذ بالله
ماني مهتم يكون عندي عقارات وهالخراط هذه الدنيا فانيه وجنتنا بإذن الله منتظرتنا يوم الحساب يارب وياكم في الجنه قولوا آمين
يعني ابي اعيش مرتاح وانا انسان قنوع وماني طماع ابدا والحمدالله

الله يرزقنا وإياكم من فضله
شكله ولد بطنها يحسدنا على النعمه لأنه هو بطران اصلا ويبي يسوي فيها طفران وماعنده فلوس حق التواير لسيارته

وارأشيف أمس داق عليك جوال أبي الفزعه... كفر المايباخ بنشر علي و أنا كنت حول فلتكم إلي بحي الريان ....... أهلي يقولون لي قلعتك قايلين لك لا تشتري سيارة رخيصة .... ...

ياحبيبي ياجيرمي
لا تفضحنا جدام خلق الله وبالذات ولد بطنها
انا ليش مخبي الفيراري والجاكوار واللامبرجيني بكراج البيت
مو عشان ماحد يشوفهم ويقول هذه عنده ملايين ويصيببنا بسهم الحسد
شفت شلون بنشر عليك كفر المايباخ
وانا افر بحي الخليج ( ويطلق عليه ايضا حي الباطنيه للمصايب اللي تحصل فيه ) وحي العدامه والقزاز عشان الناس تقول هذه راعي الددسن 88 ساكن بحينا
وتجي انت الله يهداك وتقول اسم الحين اللي ساكن فيه كذا على بلاطه
حرام عليك الحين يجون خلق الله يبون تسليف وأولهم ولد بطنها من سنتين وأهو يقول لي طلبتك سلف كم دينار اشتري فيهم تواير لسيارتي وانا اقول له يرحم والديك الددسن بغير المكينه والجير ماعندي فلوس

السلام عليكم

ياجماعه الوجه من الوجه ابيض

من ايام ووركرافت و القهوه هناك وانا اقول بركب تواير لسيارتي

هم مو تواير هم تايرين بس , يعني بالسعودي كفرين

انا قعدت احوش شهر على شهر لين طلعت 220 دينار

رحت امس الشويخ الصناعيه عشان اركب تايرين , تذكرت الفاتوره عندي بالسياره للتواير الاماميه اللي ركبتهم شهر 9 اللي طاف , ومن يومها طبعا وانا اجمع

المهم قلت بشوف كم كان سعرهم , ولما شفت الفاتوره طلع سعرهم 210 دنانير

قلت حلو , يبقى معاي 10 اروح مطعم تباب ادحلي 6 صمونات شورما واكلهم وانا مرتاح نفسيا عشان تواير جديده

المهم رحت بريجستون وقالي ماعندنا هالتواير روح الرئيسي يمكن تحصل

رحت الرئيسي ودخلت عطيته الفاتوره قال ماعندنا احتمال الاسبوع الجاي يوصلون لأن توايرك حجم 20 و قليل الناس اللي يستخدمونهم واحنا مو مهتمين فيهم كثير عشان نجيب منهم كميات

انا تذكرت ان الفاتوره قديمه شوي ويمكن قل السعر , يعني يمكن اوفر 20 بدل ال10

المهم قلتله كم سعرهم الحين نفس المكتوب 210 او زادوا او قلوا ؟

قال واللهي معرفش لأن الكمبيوتر مفيش منه والسعر مش موجود , اول مايوصل نحط الاسعار , قلت طيب حسب خبرتك يعني عطني الزبده

مسك الاله الحاسبه وقعد يضرب وقالي ده محمد اللي مديك الخصم ؟ قلت اي , وانا مااعرفه اصلا بس قلت اي

المهم عمل 3 حسبات بخصومات مختلفه الى ان وصل للمبلغ 210 , قال مديك خصم 30%

قلت بل , 30% وطالعين علي ب210 دينار ياساتر

طيب يالطيب انت كم تعطيني خصم , قال يعني احتمال نفس السعر او اكثر شوي , اهو من قال اكثر شوي انا ضاق خلقي

يعني بالغصب طلعت هالمبلغ الحين يبي زياده شوي بعد

المهم وانا طالع شفت محمد اللي يقول عنه , بس ماشافني لكن انا اتذكر شكله , وقاله انت مدي خصم 30% واهو يسولفله انا طلعت من الباب وماسعمت شقالوا لبعض


الحين رجعت البيت وهذا الكلام يمكن امس , الحين رجعت البيت ونزل معاشي اليوم و تنتف

المشكله ان تاريخ 22 يعني بعد يومين ينتهي اشتراكي الانترنت DSL واشتراكي بطيئ لأن كان 2 ميجا لكن الفني قالي خطك مايتحمل ولازم نقلل السرعه عشان مايعلق معاك ويفصل

الحين صار 512 و صار زين مايعلق نفس قبل ويفصل كل شوي لكن معاناه باليوتيوب والتحميل

انا قلت ماكو الا فايبر دام طلع اقدر اشبك فايبر على اخوي بس كل واحد اشتراك مختلف , وله قبل على بالي بس الجهاز مال الفايبر يشيل خطين , والجهاز عندنا مستغلينه اخواني 2 وانا غسلت ايدي , لكن قالي الفني لا مو جذي , الفايبر يقدرون 100 يشبكون عليه بس حدكم تكونون بشركتين مختلفات

يعني اخوي كوالتي نت والثاني كيمز , قالي انت ولو في 100 غيرك عادي تشتركون لكن حدكم اما في كوالتي او كيمز , غيره ماكو , مع ان اشتراكي انا فاست تيلكو ومرتاح معاهم لكن غصب راح اغير

المهم ان اشتراكي بعد يومين ينتهي , وال2 ميجا بالفايبر ب128 دينار

يعني شلون اطلع المبلغ مدري


المهم هذا رقم حسابي

4644520089720923

الوطني

وانت و ضميرك

المدخن يكتب انه مدخن عشان اعرف

مثلا ان كنت مدخن حط رد اكتب فيه

مدخن

1 باكيت باليوم

واذا اكثر اكتب

مدخن

2 باكيت

او 3 او 4 وهكذا

مو شرط من القسم , كل شخص بالمنتدى يشوف الموضوع يشارك


انا مدخن وباليوم 3 الى 4 باكيتات



وعندي طلبيه للزقاره الالكترونيه ناطرها توصل

اول ماتوصل بجربها و اشوف هل مفيده او لأ وبقولك اذا تستاهل او لأ

وبقولكم اذا اهي فعلا مثل مايقولون تخليك تترك التدخين او لأ

لأن انا شخصيا باليوم 3 باكيتات مااعتقد اني اقدر اترك التدخين , ولما قالولي عنها الالكترونيه قلت مستحيل راح تجيب نتيجه معاي , وراح ارجع للتدخين العادي

يعني فيكم شخص يقول نفس كلامي اكيد . ان مستحيل يترك التدخين , لذلك انا بجربها واقولك هل تستاهل او لأ


واللي محببني فيها ان مالها ريحه وتقدر تشربها بكل مكان بما في ذلك الطياره

يمكن انتوا تقولون احنا ما نسافر كثير يعني عادي

ولكن انا بما اني طيار واسوق جامبو 333 ايرباص فالتدخين احتاجه بالطياره , خصوصا وان رحلاتي كلها فوق ال5 ساعات

ادري نصكم مو مصدق اني طيار ولكن من اليوم الى بعد شهر , ذكروني بالشي هذا عشان اخليكم تشوفون الدليل القاطع اني درايفر

قصدي بيلوت

انا من حطيت رقم حسابي والناس ما قامت تدش المنتدى


المهم

خبر جديد عن لعبه جيلد وور 2

الحين افتحوا اللعبه للبيتا و وزعوا الkey والناس قعدت تلعب

طبعا احنا ما وصلنا شي , سمعت ان الملك اخذ الكي ولكن اتصل عليه تقولي الخدامه نايم مع انه بالواتسب online


المهم , الحين ما بقى الا تقريبا شهر وتفتح اللعبه و نقدر نلعب


من الناس اللي اخذوا المفتاح عشان يلعبون اللعبه موقع جيم سبوت او واحد ثاني بس موقع مهتم بالالعاب

المهم ان 4 منهم قاعدين يلعبون اللعبه وكل واحد عمل شخصيه وكلاس مختلف عشان يشوفون الوضع


واحد من الاربعه يقول انا معروف عند الناس اني مااحب العاب الMMO وتخصصي بلي ستيشن و اكس بوكس وغيرهم

يقول اذا طحت او فكره اطيح بلعبه MMO راح تكون هاللعبه , يقصد جيلد وور 2

يقول لعبت الحين ساعتين و مازلت العب وماادري متى بخلص

وكل اللي جربوها يقولون مو طبيعيه , الله يرزقنا بالمفتاح , او انام واقعد اشوف نفسي نمت شهر واللعبه نازله ومسوين بوت لها بعد

واطلع من البيت يقولي اخوي فهد ترى ركبتلك تواير جدد و ترى الحكومه نزلت منحه 2000 دينار و امس طالع اسمك بالجوهره مالت الوطني رابح الجائزه الربع سنويه 250 الف دينار

وابشرك الحكومه اسقطت القروض و زادت المعاشات لكل مواطن كويتي شريف 300 دينار , و كل سنه يعطون علاوه ازدحام 100 دينار و علاوه زهقه 50 دينار و علاوه معيشه 200 دينار

واروح الدوانيه اشوف مسوين عشا واسأل ليش ياجماعه يقولون الف الف الف مبروك طلعت بيوتنا الحكوميه وكلنا بنفس المنطقه وكلنا بنفس القطعه وكلنا بنفس الفريج وانت بيتك زاويه على 3 شوارع

عاد انا بالحاله هذي اول ما اشطب بيتي ادور 3 زوجات على زوجتي و ابني بيتي 3 ادوار و كل دور شقتين , يعني 6 شقق

و 4 اخليهم لكل زوجه و 2 اجار الوحده فيهم 250 دينار يعني 500 دينار الاثنين , غير معاشي 2000 دينار بعد الزياده والعلاوات و اسقاط القروض و غير ال250 الف دينار بالبنك واللي اخذت منهم شوي عشان ابني بيتي مع 70 الف الحكومه و اشتري جيب لكزس الكبير 470 اكس ال

واشتري شاليه بالصبيه عشان ارمي حمام بر وقبل اروح استلم رخصتي اللي عند المباحث واللي نسيتها لأني مفلس , اروح استلمها واشتري شوزن

يعني هذا اللي يحضرني حاليا


كل هذا عشان لعبه جيلد وور 2

المهم اللعبه حاليا شغاله بيتا و انطروا عليها بو شهر وتنزل

بو شهر يعني بعد شهر مو بو شهر مفاعل ايران

أنا حاولت اعدل في مشاركتك عشان احط رقم حسابي بدل حسابك بس ماطاع شغل التهكير يعني لازم تكون مشرف عشان اقدر اعدل مشاركتك واسجل رقم حسابي
بس من شفتك تقول ماعاد احط دش المنتدى بعدها قلت لازم تكون بنت عشان تشوف شغل الفزعات

المهم
لعبة جيلد وار 2 بتطلع واحنا بعدنا مالعبنا رايدات في ستارورز
عموما انا حاجز نسختي ومنتظر بس نزولها الرسمي مع روابط التحميل

رجوعا إلى ستارووز

امس في منطقة Voss سنايبر من الريببلك لفله 50 شفته يذبح واحد ايمباير واريور لفله 44 او 45 كان يذبح موب يعني جاه غدره من وراه والرجال مات المسكين
انا ماحبيت احط راسي في راسه خاصه انه لفل 50 وانا 45 ودعست وشوي القاه شافني ويدعس وراي
انا عاد من شفته يبي يحط راسه براسي قلت الا لازم اربيه
واسوي فيها اللي هربان واول مايقرب انزل من الدباب وارسل عليه اول صاروخ وماكو حبيبتي عندها CC مدته 8 ثواني واستلمه طق طق وصواريخ وابهذله وباقي شوي له ويموت ويطلع الواريور المذكور سابقا واهو يغدر فيه بعد ويطفي حرته في هالجبان ههههههههههه

أنا جاب العيد فيني تروبر في Voss ما خلاني أتنقس لفله 50 ولفل 43 يتشطر على وهو تانك بعد.

First Raid in SWTOR Guide : Eternity Vault


http://www.youtube.com/watch?v=SqU0pJrbpuo

سلام عليكم ,, انا توني جديد فاللعبة
انتو للحين تستعملون اساميكم هذي لأن يقول الأسامي هذي مو موجودة في اللعبة !؟

اخوي انت مسجل من 2008 وعندك مشاركتين بس

يعني هذي و وحده ثانيه مادري وين لكن لو ماكو ستار وورز كان عندك مشاركه وحده

انا عندي سؤال

شلووووون تحملت كل هالسنين ما تشارك

انا لو نفسك كنت الحين مجنون لأني مااقدر امسك نفسي

انت شنو السر اللي يخليك تصبر










واحنا مازلنا موجودين اذا كنت بالسيرفر الصح , ولكن لازم يكون الشخص online عشان تقدر تضيفه عندك اذا اوفلاين يقولك ماكو احد بالاسم هذا


قريبا جدا راح يشبكون

انا ما دريت ان لي حساب هنا الا اليوم هههههههههههه
طيب متى تتجمعون ؟

انا من ناحيتي اتواجد بعد الساعه 9 في الايام العاديه


ولد بطنها وش اخبار الزقارة الإلكترونيه !!؟

والله لما الحين ناطر ماوصلت

بس فيها عيب ان الشحن يقولون مايطول , ويعطونك زقارتين بمعنى بطاريتين , الوحده تكفي 5 ساعات يمكن او 80 مزه

انا ماادري تكفي او لأ خصوصا اني مدخن شرس

لكن مع البحث شفت نوع جديد اسمه megalodon وهالنوع يصلحلي , مو على شكله زقاره ولكن تقدر تحط فيها بطاريه , يعني البطاريه تقدر تبدلها عكس الزقاره العاديه اللي البطاريه ثابته

هذي تبدلها والبطاريه نفس بطاريه الريموت الكبيره مو الضعيفه , يعني من اقرب بقاله تشتري بطاريات او تسرق بطاريات ريموتات بيتكم

ولكن اللي يستعملونها قابله للشحن عشان تعطيك قوه لأن النوع هذي تعطي قوه اكبر كأنه 2700 اما بطاريه الريموت العاديه تعطي قوه 1500 mAh

بس اي بطاريه تشغلها , و تقدر تصغرها بعد وتركب عليها بطاريه الصغيره اللي تجي بحجمها نص البطاريه العاديه , يعني القطعه او الزقاره هذي تتحكم بحجمها

ويقولون على البطاريه العاديه تقعد من يومين الى 3 ايام , والميزه الحلوه الثانيه انها يركب عليها كل انواع الفلاتر , يعني اي فلتر زقاره الكترونيه يركب عليها و اي نوع ثاني من انواع الفلاتر يركب

بصراحه اعجبتني وبشوف اللي طالبها متى توصل وبجربها اذا مضبوطه والشحن معقول بستمر عليها واذا تزهقني بالشحن وتخلص بسرعه بشتري الثانيه

هذي اهي

http://www.youtube.com/watch?v=HeHw5d7HF4Y

وعشان انت تتطئن وباقي الاخوه العرب

تعرف برنامج يطلع على mbc دكاتره يتكلمون عن الامراض وهالسوالف , بحط الفيلم ويمكن تشوفهم تعرفهم لأن اشهر برنامج

بالحلقه هذي يتكلمون عن الزقاره الالكترونيه و يقعدون يدخنونها بنفسهم وجايبين وحده تدخن زقاير عادي وبعدين قامت تدخن الالكترونيه و قاعده تتكلم عنها وتمدحها

http://www.youtube.com/watch?v=8OTWKn4WLa4



وانا من هذا المنطلق اطالب كل تلميذ مخلص وفي و مدخن شرس انه يشتريها ويدخنها لصحته

واي تلميذ مايدخن يساهم لأخوانه المدخنين ويشتريلهم فلاتر او بحطلكم رقم حسابي ترسلون عليه التبرعات عشان اشتري فلاتر و اوزعها على التلاميذ

اقل من 10 دنانير لا تدز , طراره السالفه , قرقش و قط فوق ال10

انت جربت الزقارة الإلكترونية ؟
انا جربتها واشوف انها خرابيط ما اشوف انها تفيدك الا في الطيارة والاماكن الممنوع التدخين فيها .
ياخي صرفيه على قل سنع ..واسئل اللي يدة بالماي و راح يقولك نفس الكلام :p

الصرفيه هذي زينه

لأن عالاقل بس تاخذ نيكوتين و 4800 ماده مضره ماتاخذها

اسحكها سحك ولا تحاتي قطران اللي يلزق بالرئتين ولا اول اكسيد الكربون معاها الباكيت شحن وفي بطاريتين

وعندك شحن USB اخذه معاك وين ماتروح و ركبه على اي لابتوب تشوفه او بالسياره اشتر شحن سياره للأيفون و ركبه بداله

انا مفكر جذي لأن عندي شحن سياره ايفون و اقدر اشيل الواير منه واخلي بس الراس و اركب عليه اليو اس بي و اشحنها

او اشتر اللي حطيتها الثانيه اللي تركب عليها بطاريات عاديه , و اشتر لها فلاتر لأن انواع كثيره يركب عليها خصوصا اللي نفس الخزان اللي داخله ماي , هذا يقعد فتره طويله تسحك فيه ومايخلص

بس عالاقل المواد السامه بالزقاره كلهم يروحون ال4800 و النيكوتين طبيعي و صافي ولا اهو نفسه مال التبغ اللي تستنشقه بالزقاره

هذا ماخذينه من الطبيعه من الخضار

لا الزقاره الالكترونيه مفيده للي يبون يقطعون الزقاير , وعلى فكره يمكن انت تستعمل الفلاتر اللي مافيهم نيكوتين واجد , اخذ ام 16 ميليمتر تفر راسك و تشبعك من مزتين

في نوع اظن 32 ميليمتر بس ماادري وين احصله , هذا تشربه مزه وحده تقعد يومين ماتفكر بزقاره

انت اي نوع زقاره كنت تستعمل

وامريكيه او صينيه

انا اللي جربتها من واحد امريكي .. والله ما ادري وش نوعها بالضبط
بس الولد يقول انا ما استخدمها الا في البيت لأن داخل البيت ممنوع التدخين والولد عجاز ..
بس انا يوم جربتها ما شفت اي فرق .. يمكن هذي ميزة في الزقارة الإلكترونية ؟

--

سؤال شاطح , وش الأفضل IA Sniper ولا operative ؟ من ناحية الدامج

op اهو op بالpvp

يغث الله يقطع ابليسه وانا اطالب بحذف هالكلاس من اللعبه

يختفي ويجي وراك يسدحك بالارض تشوف 30% من طاقتك رايحه , ضربته وانت بالارض تشوف طاقتك 70% رايحه , يزنطق ويعطيك كم بكس وله انت ميت

اذا تبي تالنت يزعل اخذ op راح تزعل الناس بالpvp

اقتباس:

---

المشاركة الأصلية كتبت بواسطة Al0HiLaL

--

سؤال شاطح , وش الأفضل IA Sniper ولا operative ؟ من ناحية الدامج

---

PVP Operative - Concealment
PVE Sniper - Marksman

يعطيكم العافية ,,
انا اسمي باللعبة reess ممكن ضيفوني بالجيلد ؟

حاولت اضيفك بس يقولون لازم تكون اونلاين


شكلك بسابع نوعه

الحين الساعه 5 الصبح بتوقيت الكويت

يعني يمكن الساعه 1 الفجر بتوقيت السعوديه

اقتباس:

---

المشاركة الأصلية كتبت بواسطة Al0HiLaL

يعطيكم العافية ,,
انا اسمي باللعبة reess ممكن ضيفوني بالجيلد ؟

---

بعطيك دوام الشفتات عندنا

الفجر إلين الظهر أو المغرب ..... ولد بطونها متوفر (Fahad )
بتلقى Yasser أونلاين بعد بين الظهر إلين الساعه 1 بالليل......
من المغرب بتلقاني Jeremie إلين 1 بالليل إذا ما نمت قبلها على الكيبورد.
من الساعه 9 بالليل فيه Skaw و Sabergun .

المشكلة لازم تكون أونلاين علشان نضيفك ولازم نكون أونلاين علشان تظيفنا أنت جرب في هذي الأوقات تسوي إضافة وإلي يطلع لك خليه يضيفك.

اذا ماحصلت فهد اللي اهو انا

معاك اخوك فهد او باللعبه Fahad

مندوب الملك قدس سره ولد بطنها الاصلي اللي عروقه بالماي

انا هذا الله يسلمك ماعليك زود

اذا ماحصلتني واللي اهو فهد او Fahad اللي اهو انا

اسمي يعني بره اللعبه وداخل اللعبه , اذا ماحصلته اونلاين اللي اهو Fahad واللي بالحقيقه اهو انا , انا فهد يعني اسمي هذا

وايضا داخل اللعبه اسمي فهد

يعني مو قصدي اسمي فهد و نكي غير , يعني تقول عرفت اسمك فهد و في مليون فهد , لكن شنو باللعبه

احب ازيدك من الشعر بيت واقولك ان حتى باللعبه الله يسلمك اسمي فهد

او Fahad يعني من الصوبين اسمي فهد , يعني بشكل ابسط

اسمي انا فهد , خارج اللعبه

وداخل اللعبه اسمي فهد


عرفت الحين الفكره ؟

يعني لو تشوفني بالدوانيه راح تعرف ان اسمي فهد

ولو تشوفني باللعبه ايضا تشوف اسمي فهد

يعني بالعربي مو اسمي فهد بره اللعبه بس

حتى داخل اللعبه اسمي فهد

يعني مثل ماتقول , لو تشوف بطاقتي المدنيه او رخصه السوق او الجواز راحتشوف اسمي فهد

واذا رحت اللعبه راح تنصدم اني اسمي بعد فيها فهد

يعني مثلا مو اسمي فهد بالبطاقه و داخل اللعبه اسمي سعد

لا

جذي انت فهمت السالفه غلط

لأن الحقيقه واضحه داخل وخارج اللعبه

يعني لو تشوف جواز السفر تشوف اسمي فهد

واذا دخل اللعبه راح تشوف اسمي فهد

عرفت او اوضح اكثر ؟

يعني ان دخلت اللعبه ابحث عن واحد اسمه فهد

مو تقول هذا شنو نكه ماقالي الا اسمه الحقيقي و نسى يقولي نكه

لا

انا اسمي الحقيقي فهد وداخل اللعبه بعد اسمي فهد

يعني انت اذا بحثت داخل و خارج اللعبه راح تشوف اسمي فهد

راح تقول ساحر شلون جذي

اقولك انا جذي بالصدفه , يمكن لأني مندوب الملك دام ظله و عندي امتيازات وانا ماادري

ولكن لو نرجع للبحث تشوف ان هذا الواقع

شنو نسوي اذا كان الواقع يفرض نفسه علينا

يعني بمعنى اخر , انا جذي اسمي خارج اللعبه و داخل اللعبه اسمي فهد

يعني انت لما تدخل بعد ماتشوف الرد هذا , و تبي تدخل اللعبه شوف واحد اسمه فهد او Fahad

اذا شفته لا تقوله plz 100 cr

لأني راح اطنش , احتمال 90% راح اطنش

ولكن قوله plz inv me speek u montada , me guild inv speek u in montada

هني راح اعرف ان انت اللي كلمتني بالمنتدى عشان انفايت الجيلد وراح ارسلك دعوه

اذا ماحصلت Fahad اللي اهو انا

ونفس ماقلتلك ان فهد اللي اهو انا ايضا هذا اسمي باللعبه , يعني مو يروح تفكيرك ان اسمي الصجي فهد و اسمي باللعبه مختلف

لا مو جذي الموضوع انت فهمت السالفه غلط

انا جذي اسمي فهد وداخل اللعبه اسمي فهد او بالانجليزي Fahad

عرفت ابوي

اذا دخلت وعملت اضافه على فهد او Fahad اللي اهو انا

نفس ماقلت سابقا ان فهد و Fahad اثنينهم شخص واحد اللي اهو انا

يعني فهد بالعربي انا و Fahad بالانجليزي انا

يمكن تقول اخوك توأم او شبح او تلعب مع ظلك , لا يااخي الكريم

فهد و Fahad انا , يعني اثنينهم يرجعون لي , انا فهد و Fahad

يمكن تقول هذا سحر

لكن هذا شي طبيعي بس انت شوي ما اخذت على الوضع , يعني يبيلك شهر او شهرين بالكثير و تستوعب السالفه

هذا لو اقولك ان اسمي فهد خارج اللعبه و داخل اللعبه اسمي شهد شنو تسوي

اكيد ماراح تستوعبها و يبيلك 10 سنين عشان تاخذ على الوضع

لكن انا حاولت ابسطها قدر المستطاع اني اخلي اسمي الحقيقي فهد واسمي داخل اللعبه Fahad

يعني حاولت ابسطها اكثر لكن ماقدرت

هذا اقصى شي , وان شاء الله العلم في تطور مستمر و يشوفون حل ابسط

لكن ارجع واقولك الوضع الحالي ان انا اسمي فهد و داخل اللعبه ايضا اسمي Fahad

بس لو تلاحظ ان واحد عربي و واحد انجليزي

عرفت السر ؟

المهم اذا ماحصلت فهد او Fahad

انا مااقصد ان اذا ماحصلت فهد او Fahad ان في اثنين باللعبه واحد فهد والثاني Fahad لا لا يااخي

القصد ان انا قاعد اكتب الاسم بالعربي والانجليزي

يعني لا تدخل اللعبه وتبحث عن فهد و Fahad

اهو ماكو الا واحد باللعبه اسمه فهد او Fahad

يعني شلون افهمك السالفه يا ربي

يعني ان دخلت اللعبه لاتبحث عن فهد

مو معناته لا تبحث عني

قصدي لا تبحث عن فهد العربي

ابحث عن فهد الانجليزي

يعني ابحث عن شخص واحد اسمه Fahad

اما فهد لاتبحث عنه

فهد العربي لاتبحث عنه بس الانجليزي

ادري بتقول اني عدو العرب و من هذا المنطلق تقول لاتبحث عن العربي

انا قصدي ان الاسم باللعبه مااقدر اكتبه بالعربي , بس انجليزي

اتمنى الفكره توصل

وله انا برئ من هذي التهمه , بالعكس كان ودي يكون فهد العربي باللعبه بدل فهد الانجليزي

فأنت اول ماتدخل ابحث عن Fahad واذا حصلته نفس ماقلت دزله مسج قوله انفايت

اذا ماحصلته شنو تسوي ؟

ابحث عن شخص اسمه Redeye

هذا انا بعد

ادري حدك تعقدت

تقول هذا يقول انه فهد و Fahad والحين يقول انه Redeye شلون جذي

ادري وقف مخك , لكن بأذن الله راح اكتب موضوع شامل عن الشي هذا

ولكن ان ماحصلت فهد او Fahad شوف Redeye

وان شاء الله تحصلني



انت لو اقولك اني Moonfire و Aziz و Daskey شراح تسوي

يمكن تعطي اللعبه Delete

هذا كله بالموضوع الشامل راح اقوله و تعرف السر شنو و شلون انا 5 اشخاص بشخص واحد

والله لا سحر ولا هكر ولا اي شي , الموضوع بسيط وان شاء الله راح تعرف بعيد وتقول اييييييييييييييييييييييييييي فهمت الحين سامحني ظلمتك معاي

انطر بس وراح تشوف الحقيقه جليه امامك بالموضوع الشامل




مع السلامه

الله يسلمك

اتصدق اكتشفت انك عبيط درجة اولى

والادهى اكتشفت ايضاً اني انا اعبط منك لاني قريت ردك كله ههههههههههههههه

الله المستعان


على العموم انا اسمي في اللعبه skaw اتواجد تقريبا بعد الساعه 9 الليل بتوقيت السعوديه بإستثناء الويك اند اوقاتي متلخبطه ^.^

ليش

انا بس حبيت اوصل المعلومه صح

يعني كنت ابيه يفهم قصدي 100%حتى 99.99% ما كنت ابيه يفهمني جذي

ابيه من يدخل اللعبه يعرف 100% شنو المطلوب

أنا تعقدت شوي...........

لوعه أنا توني راجع المكتب من شغله ترفع الضغط ومخي موقف وتخيل بعد كذا أقرأ الرد............... فهد أبو يارا لا تخليهم يخلونك تكب منهج الكل بيسقط....

فهد أنا أمس كنت أتمنى أنت و Zizoo أونلاين قعدنا ساعه ندور هيلر ودمج علشان الرايد معظم الدروب كان BH ومعانا Powertech تانك مجير من راسه لرجلة وأنتم أوفلاين....الحمدلله سدحنا 3/5 واليوم نكمل بعد..

شوف في ثلاثه بالجيلد إسمهم فهد وأنا واحد منهم كلم لك إي واحد وأنتهينا..............

امس وقبل امس ويمكن قبل قبل امس مادخلت اللعبه كلش لأني كنت في منتدى ثاني اناقش في موضوع

ويمكن كانوا علي 3 او 4 بنفس الوقت لذلك كان كل وقتي معاهم بال3 ايام اللي فاتوا

لكن ابشركم وابشر الامه العربيه والاسلاميه انهم حكوني توقيف اليوم الفجر و ماسحين كل مشاركاتي ال60 بعد

اقطعوا اثري من منتداهم , لا وكاتبين 4 اسباب مخالفه عشان يبررون توقيفهم لي , من الاسباب اسمي يقولون مو زين مع ان اسمي كان Nightbear

عاد اليوم لما دخلت وشفت نفسي توقيف و ماعندي ولا مشاركه , قلت ادخل اللعبه

الحين والله مالي خلق العب قاط الوورير بالفليت وناطر باتل جراند ولا فتح معاي , بالفليت كله احنا 7 يمكن

فدخلت اليوتيوب اشوف شي جديد عن الزقاره الالكترونيه اذا نزل شي جميل و حجمه صغير

اقصد الاجهزه الثانيه اللي يركب عليها بطاريات عاديه , والزقاره الالكترونيه اللي طالبها توني دقيت على رفيجي ولد بطنها اللي عروقه بالماي لأن اهو طالبها معاي و عنده حساب في ارامكس بأمريكا

قالي الحين دازينها بالطياره مكتوب

قلت متى ؟ قال تاريخ 23

يعني يمكن وصلت الكويت بس الجمارك يبطون الجبد يمكن تجيني بدون فلاتر , مقزرينها عليها الشباب هناك لين تخلص وبعدين يدزونها لي

سألت رفيجي ملك اللعبه اللي عروقه بالماي عن احسن شي بالدنيا واللي ودك تسويه ليل نهار

قال التدخين

ومن هذا المنطلق احنا شريت الزقاير هذي عشان ندخن ليل نهار وبأي مكان بالعالم , بالأرض بالجو بالبحر

لا ممنوع التدخين ولا غرامه 500 دينار بالطياره

ولا حتى بغرفه النوم ممنوع

يعني تدخين ليل نهار 24 ساعه باليوم 7 ايام بالاسبوع

انتوا شلونكم وشلون اللعبه معاكم

جيلد وور 2 قريب تنزل

حيييل قريب

انا مستعد لها مع الزقاره الالكترونيه اسحك وجابل اللعبه لين اوصل اعلى لفل

وبالمناسبه الملك قدس سره مسوي حفله تدخين بالمناسبه الجميله هذي

كل واحد يجي ومعاه كرز

كرز يعني كرز زقاير

مو كرز يعني كرز اللي ياكلونه اللي يكون فواكه

يعني 10 باكيتات معاك لما تجي


الحين كم واحد فيكم 50

أنا جاني الحول منك حرام عليك وش مسوي .........

لو سمحتوا:-

أريد افضل برنامج يسجل فيديو غير الFraps علشان أسجل الريدات وارفعها باليوتوب و أفضل برنامج تعديل فيديو..... الFraps يسوي لي لاق وحش.

والله مدري

رفيجي ملك اللعبه يقول

اجهزه اذا نزلت لعبه ووركرافت عالماك راح يطلعلك اختيار جديد بالانتر فيس وهذا تسجيل , يعني بليزرد مدلعه اصحاب الماك , مايحتاج ينزل برامج وهالسوالف

عاد ماادري ستار وورز مسوين نفس الشي مع الماك

ولكن روح السوق اشتر جهاز ماك يعني مو وندوز , لازم ماك او بلغه المفكرين والعلماء والدكاتره "ماكنتوش"

انا ادري على بالك جكليت بس اهو مو جكليت ماكنتوش , هذا اختصار ماك

ماك = ماكنتوش

عرفت ابوي

رىح اشتر جهاز من ابل و جربت شوف في تسجيل او لأ

اذا فيه خير وبركه و اذا مافيه رجعه لهم وقول انا قص علي الشيطان وشريت الجهاز و ابي ارجعه لأن الفلوس ماخذهم من حصالات المسجد اللي الناس تتبرع فيهم

وانا قص علي الشيطان واخذتهم والحين تبت و تبت مو اي توبه , تبت توبه نصوح و ابي ارجع الجهاز واخذ فلوسه وارجعهم للحصالات واحطهم بالمسجد
وراح اتحمل ال80 جلده

وخلاص ينتهي الموضوع

ترى الرقم السري ماتقدر تلغيه

الرقم السري مال الايفون او القطعه اذنتكيتر او مادري شسمها

اذا ركبتها بالاكاونت خلاص انسى تشيلها , واذا ضيعت معلومات اكاونت انسى ترجعه

تبي اقولكم سالفه عن الموضوع ؟

بقولكم بس بروح حسران وانتوا بكرامه , لما ارجع بكتبها

برب

اي بقولكم القصه وانتوا افهموها وافهموا الطريقه شلون مايرجع , لأني مابي اضرب امثله لكم وبالنهايه ماتفهمون , خلوني اكتب قصه رفيجي وانتوا افهموها بكيفكم

يقول رفيجي "مو اللي عروقه بالماي واحد ثاني" ان عنده ايفون وحاط فيه الرقم السري مال الالعاب , ستار وورز و ووركرافت

المهم دخل موقع مخصص للبيع والشراء وشاف جالكسي نوت , وصاحبه كاتب للبيع او البدل مع ايفون

رفيجي دق عليه وقاله عندي ايفون 4 اس , اتفقوا على البدل و تواعدوا في مكان

لما راح رفيجي عمل فورمات للجهاز ومسح الارقام والسوالف هذي وبدل مع الرجل ورجع البيت

لما رجع تذكر البرامج الخاصه بالارقام السريه للعبه ستار وورز و ووركرافت

قال خلني ادخل ستار وورز والغي الرقم السري , لما دخل ماقدر ودخل منتدى اللعبه وشاف انهم كاتبين ان ماتقدر تلغيه وان واحد كاتب مشاركه نفس المشكله , ضاعت منه البيانات والاكاونت فيه البرنامج و توهق

قالوله انسى تلغي البرنامج روح اشتر لعبه جديده

رفيجي قلتله دق على اللي شريت منه الايفون , قال المشكله اني مسحت كل شي عملت فورمات للجهاز , والموقع للعبه مااقدر الغي منه الاذندكيتر نفس ووركرافت اللي عادي الغيها لما اقول بياناتي ضاعت او عملت استرداد او دزيت رسالهم لهم يلغونها عادي

اما ستار وورز انسى خلاص



من هذا المنبر

اناشد الملايين

من الصحرا الى الصحرا

انهم يحسبون حساب الشي هذا , اذا ركبت البرنامج وشبكته مع اكاونتك لا يضيع او يخترب , لأن خلاص انسى ترجعه


يمكن مع الايام تقدر تلغيها ولكن لغايه الاسبوع اللي فات ماتقدر


وما طار طيرا وارتفع الا كما طار وقع

الطيور على اشكالها تقع , رفيجي ذكي بس ماادري شفيه صار غبي بالشي هذا

غريبه ياجماعه , مع انه يعرف الملك شخصيا واهو انسان ذكي ولكن صار جربوع هالاسبوع

المهم انا قلت و برأت ذمتي وانتوا وضميركم

http://www.youtube.com/watch?v=L5bbBUFqZ9A&amp;feature=related

للآسف ماتقدر مع الماك حتى

سآلت رفيجي وقعة يوبخني على الكلام اللي قلته و قالتي لاتقعد تفتي على كيفك وتعطي الناس معلومات غلط بدون مشاورتي

قلتله ليش قدس سرك انا ماقلت شي غلط بس قلت شوف ماك يمكن يسجل

قال بعد ما عمل فيني و قال فيني الكلام اللي ماودي اذكره لكم ان ستار وورز ما نزلوا على الماك اللعبه ، بس علـي الوندوز

وعشان جذي انا صرت ملقوف وقلت اللي قلته بدون ما ارجع لطاووس العصر والمكان

كلامي بدليات لآني اكتب من الماك و مااعرفله الحروف شوي ملخبطه




يعني طوفوا البدلي

تسولف مع نفسك !؟

ياخي مليون في الميه انت نصراوي ههههههههههههه

وعلى فكرة السجارة الالكترونيه وش صار عليه

لاني انا بشتريها من امازون وابي تجربتك للانواع ونصائحك عن افضل سجارة إلكترونيه وافضل الفلاتر ^.^

امس كلمت رفيجي قلتله صارلها ١٠ ايام > قالي الحين اهي بالطياره متجه للكويت

قلتله وقبل كم يوم قلتلي بالطياره والموقع مالهم قال ارسلناها ، قال اي من ولايه الى ولايه والحين اهي بالطريق الى الكويت لآ وصلت لبريدي في امريكا و دزوها

عاد انطر على ماتوصل



امازون مااظن عندهم لآن قبل اطلبها بحثنا في امازون و ماحصلنا ويمكن تحصل بس انواع غير ويمكن صناعه صينيه > لآن امازون الناس تعرض

انا طلبتها من موقعهم الرسمي

www.blucigs.com


السالفه انها تجي مع علبه فيها ٥ فلاتر

كل فلتر يساوي تقريبا باكيت زقاير

وكل فلتر تقريبا ٢٥٠ نفث حسب المستخدم

الشحن يقعد فيها تقريبا ٨٠ الى ١٠٠ نفث

نفث يعني مزه

مزه يعني لما تحطها بحلقك وتسحب

والشحن اذا خلص تشحنها خلال ٣٠ دقيقه عن طريق الUSB او pack اللي اهو الباكيت مالها

والباكيت تشحنه فل خلال ٣ ساعات ولكن ماادري كم مره يشحن لك الزقاره

هذا بآختصار

انت انطر اجربها لآن اذا ضبطت معاي راح تضبط مع العالم كله ليش ؟

سؤالك جميل

والاجمل من سؤالك طرحك الرايع

لآن انا اعتقد اني ماكو شي يخليني اترك الزقاره

تقول بالاصرار والترصد

تقول بقوه العزيمه

انسى


ماكو حل معاي وبالعكس كل يوم يزيد سحكي لها

فآنا حاليا ٣ الى ٤ باكيتات باليوم

اذا هالزقاره فادت معاي معناها انها راح تفيد معاك لآن انت شنو ؟ بتقول لآن طرحي جميل ؟ لا

لآن انت بالاسبوع باكيت واحد

يعني راح تفيد معاك ١٠٠٪




بس انطرخلني اجرب اول عشان ماتضيع فلوسك على الفاضي وتتحسف وبعدين لاسمح الله تقول انت قصيت علي وابيك ترجع فلوسي يالمخادع يالغشاش

انطر لاتستعجل

لوعه الفرقا انت ليش تطلبها من امريكا

في بالسعوديه ناس يبيعونها نفس الشركه ، في صيني اشوفهم يعرضون وشفت نفس اللي انا طالبها واللي حطيت مقطع باليوتيوب يعرضها

هذا يفكك من التعب والانتظار ، اذا كانت جاهزه عنده واذا يقولك راح اطلبها لك قوله لا خلاص مابيها

ادخل جوجل وشوف اغلبهم من السعوديه اللي يبيعون

انا شفت واحد بس يبيعها بالكويت و سعره ٥٠ دينار ، يوم طلبناها من امريكا انا و رفيجي ٢ مع علبتين زياده فلاتر كل علبه فيها ٥ فلاتر طلعت علينا تقريبا ١٨١ دولار يعني ٥٠ دينار تقريبا

يعني الواحد فينا يدفع ٢٥ دينار غير رسوم التوصيل يمكن ٦ دنانير او اقل ماادري

بس وفرنا نص المبلغ تقريبا وبدل الزقاره اخذنها ٢ و بدل ال٥ فلاتر اخذنا ١٠ لكل واحد

فآنت شوف سعرها اول عندكم يمكن تحصل واحد يبيع بآرخص الاسعار يعني جايب كميه كبيره يتاجر فيهم ومثلا سعرها في امريكا ٧٩ دولار اهو يبيعها ب٢٠٠ دولار

او اقل شوي لآن الشحن والتوصيل بالكميات الكبيره راح يطلع عليه ابلاش اذا باعهم بسعر معقول

فآنت اسآل وابحث بالاول بعدين قرر اذا تطلبها او او تشتريها جاهزه

من ستاروارز إلى السيجار....................... هذا البرنامج يأتيكم بالأوقات التاليه:-

10:15 صباحاً GMT
23:15 مساء GMT ( يعــــــــــــــاد)

هههههههههههههه

انت لو تدخل جوجل وتكتب اي شي يتعلق باللعبه او الزقاره او حتى بأمور ثانيه راح يقطونكم على المنتدى


المهم

وين وورشيف مختفي

زعلان عليك

من الفرحه نسيت اني عليك البارحه زعلان
نسيت أقول لو تسمح تكرم لا تكلمني


أهلي بك مثل مانتا تهلي بي وأنا الشفقان
أحسبني أنا الغلطان وفرصتك ما تعلمني


ذكرت أنك علي أخطيك ولكن نعمه النسيان
تنسيني خطا الغالي وترجع لا تسلمني


حبيبي ما تمكن داخل فؤادي ولا انسان
ألومك يوم كنت أخطيت واذا أخطيت أنا لمني


حبيبي لو يطول الوقت أو يقصر أبد (خلان)
تراك أنت الوحيداللي يشتتني ويلملمني


حبيبي دايمن قلبي معك مشتاقلك ولهان
غيابك عن عيوني طول هالمده (يألمني)

اهو من حط العاب ميمي و ام بي سي 3 وانا غاسل ايدي منه

ليش زعلان شنو سويت انا

ولد بطنها حصلت واحد يبيعها في الرياض

وقالي الباكت فيه سجارتين بـ 450 ريال

وبكت الفلاتر بـ50 ريال يقول يجي فيه 5 فلاتر وكل فلتر يعادل باكيت واحد

مدري احس انه مبالغ في سعره والله مبلغ ... ادفع 500 ريال وفي النهاية يمكن ماتناسبني !!! مشكلة والله

والله متردد قلت انا يمكن 200 ريال بالكثير 300 :\

ياحظك

450 يعني تقريبا 45 ؟

لو انا مااتردد ولا المذله هذي , الحين زقارتي وصلت الجمارك بالكويت ورفيجي يقولي احتمال من اسبوع الى 10 ايام

يعني 20 يوم المجموع

لو انا منك اشتريها حسب قناعتك طبعا بس لو انا ما اتردد , لأن كلامه صحيح الفلتر عن باكيت و اهي معاها 5 يعني 5 باكيتات اجربها عالاقل تخليني ابطل تدخين داخل البيت وكل شوي جايتني الخدامه و مصطرتني

بدل ما اطق درب للجمعيه قطعه 3 عشان ادخن وارجع البيت واغسل ايدي بصابون تايد عشان لما ادخل ما تشم ريحه ايدي وتعرف اني مدخن وتفكرني

بس شوف حسب بحثي عنها خلال الشهر اللي فات , ماشفت واحد قال انها فاشله امانه

يعني كل شخص جربها و حاط افلام لها باليوتيوب اكلمه يقولي ممتازه وخلتني اقلل تدخين

غير هذا ان باليوتيوب ناس تعلمك شلون تستغل الفلتر , يعني بدل ماتدخن فلتر ويخلص وتقطه , يقولوك لا تقطه اشتر السائل مالها يجي نفس القطاره مالت العين , فيه نكهات طبعا و يحطولك شلون تفتحها وتعبيها

نفس هذا مثلا

http://www.youtube.com/watch?v=wsBl23zjPnE&amp;feature=related


و في غيره واجد يقولولك شلون تعبيها مره ثانيه , بس لازم تشوف اذا عندكم صيدليه تجيب السائل هذا

وترى يقولون الفلتر عن باكيت , مو اكيد , لأن الفلتر على كلام الشركه تقول 250 مزه

يعني حسب الشخص , يمكن الباكيت انت يقعد معاك يوم , والفلتر الواحد يقعد معاك يومين

لأن حسب عدد مزاتك , اهي ماراح تخلص نفس الزقاره ان ماشربت منها الكميه المطلوبه رحت و ولعت زقاره ثانيه عشان تعوض النيكوتين

هذي بدون جمره تمشي وتخلصلك الزقاره , يعني حسب المزات , يعني انا ان جابلت الكمبيوتر وخصوصا اللعبه تشوفني زقاره ورى زقاره , لأني كل ما اولع زقاره اشرب منها 5 مزات و انساها لين تحرق اصابعي , اشوف انها خلصت وانا ماشبعت

اروح اولع غيرها ونفس الحاله امز منها 5 مرات وانساها اقعد العب لين تخلص

بس الالكترونيه امز منها 5 مزات وانساها , ولما احسب ان ابي ادخل اشوفها على مااهي عليه مو مخلصه وحارقه اصابعي

يعني يمكن تطول معاك اكثر من الباكيت

وانت اذا شربتها شهر بدون ما تشرب زقاره عاديه بالحاله هذي راح تقدر تترك الزقاير , انا اتمنى انها تكفيني شهر بدون مااشرب زقاره عاديه لأن بالشهر راح اكرهه ريحه الزقاره العاديه و افتك من السموم ال4800 و راح اقول لنفسي لا ترجع و ترجع ال4800 معاها

راح يعذبني ضميري ان رجعت لها , فأقعد عالالكترونيه ابرك بمليون مره

انت اشترها واذا ماعجبتك نتواعد بالخفجي واخذها منك ب350 ريال

اي بعد مستعمله كم تبي فيها 500 مثلا

http://www.youtube.com/watch?v=9V6Ckj6--Z0

هذا اخر كلاس

the mesmer

ان شاء الله بختار هالكلاس ان نزلت ولعبتها

طبعا كل شخص حر يختار اللي يعجبه

مو شرط تجبر نفسك على كلاس معين عشان تقول يافلان انت اخذ كذا عشان تكون تانك , وانت يافلان اخذ كذا وكذا عشان تقدر تصير هيلر

كل شخص حر بلقاليقه , اخذ اللي يعجبك بالكلاسات و راح تروح كل مكان بدون تانك وهيلر نفس ايامنا اول في بعض الالعاب الله لا يعيدها من ايام

8 سنين ماشفت اخر بوس في سن ول الا باليوتيوب

المهم ماعلينا

هذا الكلاس عنده مميزات حلوه , ماادري عن الكلاسات الثانيه ولكن من المقطع تشوفون انه يمسك سيف تو هاند و يقدر يمسك سيفين بكل هاند

ويقدر يمسك ستاف و شيلد حسب ماقرأت

وساحر و ميلي

يعني يضرب من بعيد وقريب

زي ابو شنب بالضبط فضله و خيره للبعيد والقريب

ياجماعه

انا قاعد ابجي لحظه



يا جماعه , انا قاعد اصيد شي فاشل باللعبه مو قادر

بالتلفيل - بالوظائف - بالضرب - بالقصه - بالحركه - بالرسم - بالخفه - بالكلاسات - بالتالنت - بالدنجن - بالرايد - بالتنقل حتى و هم ما اضافوا مونتات هم ماقدرت اصيد عيب واحد

حاطيلك بورتلات بكل مكان , نفس الحركه اللي في ستار وورز اللي تضغطها تنقلك لأي مكان بالمنطقه

في جيلد وور 2 تنقلك نفسها واظن بكل العالم مو بس بالمنطقه نفس ستار وورز

خلوني ابجي شوي

قعدت اشوف المقارنه بينها وبين العاب ثانيه

حاطين كل شي من البي في بي و التالنت والحركات وامور كثيره


اللعبه هذي قضت على باقي الالعاب بجداره

انا الحين في نار

انطر الزقاره الالكترونيه او انطر اشتراكي الفايبر يتفعل قالولي 3 ايام والحين صارلي اسبوع او انطر اللعبه او انطر الزياده اللي قالوا عنها الحكومه

كله ناطر بناطر

قالت بس كفى بنساك
قالت بمحي كل ذكراك
حبنا عند كل الناس
يكفي ماجرى وياك

انا اقول كل واحد يصلح سيارته والله يعوضكم

الحب عذاب

تيس مندي على كيف كيفك

تاكل و عندك على يمينك س و يمينك ل

وانت تسحك بالزقاره الالكترونيه على طعم فراوله ومرتاح نفسيا

شوي وله طابين عليك الهيئه وتستوعب انك مو بالكويت بالخفجي

ويدوسون في بطنك عن باب المحل وياخذون يحكمون عليك ب120 جلده

انت ماتتحمل عضه نحله هالمره 120 جلده

شوي وله اتصال جايهم , ويجون يقولولك خلاص روح بيتكم ولا تجي هني معاك س و ل

تسأل منو اللي اتصل يقولولك هذا كلاش توسطلك بس لاتعيدها

ما درى ان الالم جرح هواه
ما درى ان الندم مرر حلاه

وعساه. عساه ياخذ وعوده ويرحل بعيد
وعساها تنسى وجوده تلقى المحبه من جديد


متى تدزين تقولين اللي بقلبج بكل صراحه

ترى طقت جبدي وانا اسمع نغزاتج وعلى بالج اني ح مو فاهم

0
0
0
0
0
0

ياجماعه ترى توني ماكل حبوبي

يعني طوفوا


دمعه على ماضي مضى

دمعه على جرح قضى

دمعه الم
دمعه ندم

توه رفيجي قدس سره دزلي رساله بالواستب مرفق صوره من رساله ارامكس يقولوله ترى الزقاره وصلت وراح نرسلها للبيت

يعني الجمارك عادي يطوفون الزقاير الظاهر اعرفوا انها مو من الممنوعات نفس الزقاير العادي , لأن اذا طلبت زقاير من بره يتصادر

عاد بالنت لما كنت ابحث اشوف السعودين مو شويه يقولون اذبحونا الجمارك كل شوي مصادرين زقايرنا وبالغصب يطوفون بعضهم

المهم من توصل بجربها , بشوف البخار لما اكنها اهو حار بالبلعوم او عادي , وبشوف النكهه شلون راح تكون يعني تبقى بالحلق يعني استطعمها او مثل ماتقول نفس البخور

وبشوف بعد الكنه لما اطلع البخار اهو فيه ريحه الطعم يعني ابخر المكان بريحه التوت او راح تختفي من ريحه حلجي على الصبح

يعني بسوي تقرير عنها واقولك تسوى او ما تسوى






الخوف كل الخوف من الفلاتر , المشكله ان زقاره لها نوع فلتر خاص , يعني اللي طالبها او بلو سيج فلترها يجي معاه نفس البرغي ذهبي يكون ثابت بالفلتر , وتركبه على البطاريه تضبه عليه

نوع فلاتر ثانيه يجي الفلتر مجوف والبرغي هذا يكون بالبطاريه , يعني فلترها مايركب على زقارتي

والصيني او المتوفر عندنا ماادري هل اهو نفس فلتر زقارتي او غير

هذي المشكله اللي احاتيها

لحظه لحظه

ع ـندي سؤال

انت تقول

اقتباس:

---

the mesmer

---

كيف يعني ؟ كلاس جديد اسمه مسمار ؟

قصدكـ

http://t3.gstatic.com/images?q=tbn:A...1eSYX3YkMZ7g1A

!!!


وش تقول انت

بالعربي لو جيت تروح للريد

لازم تجمع كم

http://safat.com/wp-content/uploads/2011/11/nails.jpg

هههههههههههه

لاتستغرب لو بكره جاء كلاس جديد اسمه

سكروب

http://www.canaryfans.com/upload/03_...ewdriver_2.png
او

منشار

http://www.melfi.net.br/imagens_site/prod-serrote.jpg

اقول خلك على star wars ارحم لك ههههههههه

هههههههههه

فوق ما اهو طاردني من قسم ووركرافت الحين دخل يتشمت علينا معشر لاعبين ستار وورز

اول شي شفت كاتب كيف يعني مسمر

توقعت سؤال صجي بس لما نزلت تحت شفت ان الشخص عدو جيلد وور وما جانا الا عشان يكرهنا باللعبه

الحين الشباب بالمدارس , لما يجتمعون ان شاء الله راح نسوي محكمه و نحكم عليك

وترى الحكم عرفي , ماعندنا قانون او دستور نمشي عليه ونصدر حكمنا منه

احنا ناس مقاتلين و في حاله حرب والحكم لازم يكون عرفي

انتظر موعد جلستك بس
لا وفوق هذا طاردني من قسمه

اول شي دحظاً للفتنه وتمحيصاً للكذب والإفتراء !! http://www.riyadhmoon.com/vb/images/...smilies/69.gif

انا لم اطردكـ من القسم بل انت إنتقلت من لعبه لأخرى http://www.riyadhmoon.com/vb/images/...smilies/69.gif!! مع العلم انك لك يوم تدخل قسم وار كرافت تشوف وش الجديد ---> لا تحاول http://www.riyadhmoon.com/vb/images/...smilies/63.gif

أشهدوا ع ـليه ياجماعه ترا جالس يقذفني يقول اني طاردهـ اطالب بإنزال اقصى العقوبه على من يقال له ولد بطونه واهم شي رفيه اللى عروقه بالماي < انت متأكد انه ادمي مو شجره هههههه
من عرفته وهو عروقه بالماي سبحان الله شي غريب يعني فعلا الا اقول كارازان على طاري

الشعر خذ لك كم بيت

يقول

كَلي صحن دش وعيونك عربسات

والبث حي مباشر من شفاتك

سلكي ولاسلكي وعبر المسافات

يسري اثيرك في فضاي وصفاتك

القلب مخرج والمشاعر مذيعات

والشوق مبعوث مراسل لذاتك

ارسال متواصل على خمس فترات

ينقل وقايع ما يصير بحياتك

صورتك في فكري على سبع شاشات

وافضل برامج سهرتي ذكرياتك


وارسال حسادك قطعتة عن السات


بدلت كيبلهم بكيبل غلاتك



والغيت يا ثريا الغلا الأشتراكات

ما عاد اشاهد غير ما بث ساتك


لو شوشت ع البث كل المحطات

يلقط رسيفر خاطري ذبذباتك


جرب على ريموت الأحساس ضغطات


تلقاه ما يختار الا قناتك



المهم لو سمحت لا تخليني اطلع خارج النص وتدخلني بسواليف ثانيه انا اطالب من هذا المنبر الملاييين والملايين انهم يدافعوان عني
اين الجيش الجرار ؟ اين الأحرار اين الشبيحه ؟ اين البلطجيه ؟ تبا لكم ؟ من انتم ؟ من انتم < بدت الحاله http://www.riyadhmoon.com/vb/images/...smilies/82.gif

اقول ودعتكم الله .. ولاحد يشتاق لي http://www.riyadhmoon.com/vb/images/...smilies/82.gif

وهذا إهداء للعيال اللى تركوا WoW
ويلعبون Star ... :))

قلبي يبيلـه يامخاليـق أب ديـت
كـل البرامـج عجـزن يحدثنّـه
لامن بغيت أفرمتـه قـال ياليـت
تطلع رساله تشتكـي لـي بونّـه
فيروس حب بوسط قلبي بنا بيـت
داعب جـروح القلـب ويداعبنّـه
لو جاء مع الايميل ماكنت رديـت
وكان المشاعر يعرفـن يرفضنّـه
أبغى كراك يفتت القلب تفتيت
أو نورتن يمسح جـروح طونّـه


^
^
^
ًصح لساني وفالي المليون .. انا لو مدير المنتدى المفروض اعطي نفسي خمسطعشر نجمه تقدير وعشرين وسام شكر وإحترام للشعر اللى كتبته
واللى اخذ مني حوالي ال خمسه وستون سنه وسبعه وثلاثين دقيقه بلياليها .. http://www.riyadhmoon.com/vb/images/.../smilies/9.gif

ولاكن ما ريد شي .. فقط وجودكم يكفيني << ومازال مسلسل التواضع مستمر http://www.riyadhmoon.com/vb/images/...smilies/60.gifhttp://www.riyadhmoon.com/vb/images/...smilies/66.gif

عزيزي يوشي .......... صح لسان مال أنتا ....... وزي مايقول المثل الفرنسي جرب متخصرش .......... إحنا لسا عندنا ولاء لواو صعبه يعني خلاص تركنا اللعبه ما نجي نسير .... عندك لوعه الفرقا سنه من ترك اللعبه ولسى يرد ويساعد.. وأنا أجي القسم أشوف إذا أقدر أساعد أساعد بدون تردد......... البريست لسا موجود في قلب مال أنا مستحيل بعد خمسة سنه أنا في إنسى هوا........... جرب ستار وأنت الحكم نقدر نعطيك الأكاونت تشوف بنفس مال أنتا........ وإذا جيلد أوف ار 2 مافي يعجب إنتا .. أنا نفر مافي يعجب لعبه مال ولد بطنها .... .....

معاً مع التانك والهيلر..... معاً مع الCC .... نعم مع الTrade chat .........LFM Tank and healer ............. وليس LFM 15 ....... ومن هب ودب تعال بس........ ولا تلومنا حبينا ستاروارز...... لوم الشركة لما حطت التايلاندية Mako ...هي سبب تلفيل معظم الشباب سنيكر هنتر....... أو جرب المسمار يسوي .Kaga Bunshi no Jetsu

وصلت الجكاره الالكترونيه

الحين بالشحن ناطرها تعبي , رفيجي ضرب علي علبه فلاتر يقول انا مدخن اشرس منك

بس بالنهايه اقتنع اني اشرس منه , لما ذكرته عندما كنا بالقهوه ونطلب شيشه , كنت احرق الراس من مزه وحده

المهم بأنتظار التجربه , بس العلبه شغل عدل , الملمس تقول قاعد تلمس ماكو

المهم انا بطلع الحين

سلملم

جيرمي ترى طلعت من اللعبه الحين عندي مشوار

فهد أنت مربح ( القهوة...... مكادونلدز......offgamers ) وش بقى بعد..... شفطة وحدة ماسوت عليك الزقارة بتخلص الفلاتر اليوم وتسحب من إلي عروقه بالماي,,,,

انا جربتها وبقولكم رأيي فيها

خصوصا السحيك لوعه الفرقا

ياجماعه مو صج , والله مو صج

اول ماشحنتها ركبت عليها فلتر بنكهه التبغ , ماانصح احد فيه لأنه طعمه نفس السيجار , يعني روح اي محل يبيع سيجار واشتر منه وشوف طعمها , نفسه بالضبط , طبعا انا عندي كرز و رفيجي طلب نعناع و خوخ

المهم انا طلب التبغ و اول تجربه كانت عليه

المهم نترك النكهه ونتكلم بالزقاره , اول ماشربتها طلع معاي الدخان اكثر من الزقاره العاديه , يعني ماتحس انها اقل من ناحيه الدخان

ياجماعه انا باليوم اشرب 3 باكيتات طبيعي

دق علي اخوي قالي ابيك تخاويني السوق بشتري تلفون , رحنا يوم كتبت فوق بروح مشوار تقريبا 6 الا ربع

الحين الساعه 9 ونص

اقسم بالله ياجماعه ان المفروض بالفتره هذي مخلص نص باكيت , والله ياجماعه ان الزقاره العاديه ماطبت حلقي , مقزرها على الالكترونيه و فوق هذا مو قاعد اسحك , يعني طبيعي جدا لأن تحوي نيكوتين يكفي جسمي وبعدين ارجعها للباكيت

رحت المجمع والمجمع اللي فيه المحلات ممنوع التدخين , قعد اشرب على كيفي ولا احد يكلمني , بالعكس الناس تطالعني وتضحك كأنهم مستغربين شلون اطلع دخان من زقاره تشب ليت

خلصنا من المجمع وانا ماافكر بالزقاره العاديه , كرهتها من اول ماجربت الالكترونيه , والله ياجماعه ان الحين الساعه 9 ونص ان مالي نفس على الزقاره العاديه , الالكترونيه 100%

فوق هذا زوجتي شاريه فلتر منقي جو بسببي , وعيالي عندي ابتلشت بصراحه ادخن عندهم قبل , قبل شوي قلت لزوجتي تعالي ابي تشمين ريحه زقاير , لأن انا لما اشرب احس بطعم التبغ اللي اهو النكهه وقلت صعبه الدخان مايطلع معاه شي

المهم يوم شافتها قالت شنو هذي ؟ قلت زقاره الكترونيه و مزيت ونفخت قريب منها قلت تشمين شي قالت لا , تعرفون المدخن مايشم شي مثل اللي مايدخن , فأهي قالت ماكو شي واستانست قالت وينها هالزقاره من زمان بدل ما اشتري فلتر

المهم فهمتها الطريقه ان اللي يطلع بخار ماي وجذي قالت ابرك خلك عليها , قلت اي بس فلاترها نفس الزقاير غاليين قالت انا ادفعلك فلوس فلاتر اشتر اللي تبي بس خلك عليها

يعني حتى البيت استانسوا عليها لأنها مافيها ريحه نهائيا , قالت شميت ريحه خفيفه جدا واخوي بالسياره واحنا راجعين قالي ان شم ريحه خفيفه جدا

هالريحه اللي شموها اهي النكهه , يعني كأني حاط عطر على ريحه التبغ , يعني مو مضره الريحه لو تطلع , المضر ريحه الزقاره العاديه

الحين طلعت فلتر الكرز وترك التبغ , النكهه حلوه وشكلي بشتري للشهر كله كرز و خوخ , لأن رفيجي ركب فلتر خوخ وخلاني اجربه , كأنك تشرب شيشه معسل خوخ

ياجماعه المدخن انصحه فيها بس بشرط يكون يبي يستمر مو دلع , انا الحين اللي اشترب باليوم 3 باكيتات صارلي 3 ساعات مافكرت اشرب زقاره وهذا كان قبل الالكترونيه من سابع المستحيلات

وان شاء الله راح اطلب فلاتر لأني اتفقت مع رفيجي يطلبلي 12 علبه ما تقارب 6 كروز من الزقاير العادي واللي اشتريه كل شهر ويخلص , عشان استمر عليها طول الشهر وكل شهر اطلب 12 علبه وكل علبه فيها 5 فلاتر

طبعا الفلتر يكفيك باكيت و نص ولكن اذا خذيت النيكوتين فل او لايت راح يقعد معاك اطول لأن راح يغنيك عن النيكوتين بسرعه , من 5 مزات يعني تكتفي وتحطها بالباكيت

هذا كل شي لليوم , خلوني اشربها

برب

سلام قولا من ربي الرحيم

اخبار الشباب
يوشي ياصديق العزيز واو مازالت في القلب لكن بليزارد هي بنت الكلب اللي خلتنا نكره اللعبه ونتركها وانت تعرف الشئ هذا مايحتاج
لعبة ستارز وور لتمضية الوقت حتى طلوع جيلد وار 2
اللعبه حلوه وممتعه وفيها وناسه وفوق كذا تصدق انه اللعبه هذه ماحبيت فيها الPVP ماعجبني ماهو مثل واو لكن PVE اهو اللي عاجبني
لانه ال PVP في ستارز وور كله نقز وركض ونفض وفوق كذا مافيه بالانس حالها مثل حال واو وهذا الشئ ماعجبني لاني بكل بساطه احب الpvp يكون في مساحات كبيره ومجال وكبير وتحت الطبيعه الخضراء خخخخخخ
وهذا الشئ غير متوفر في ستارزوور حاليا لكن احقاقا للعدل انا لعبتها شوي في Pvp يعني مو كثير لاني مركز على التلفيل والحين اخيرا وصلت 50 وامس مع فهد سويت كم دنجن بسيط بدايه وبعدها راح يبتدي الشغل عدل من اليوم وطالع ان شاء الله

ولد بطنها
بالتوفيق لك مع الزقارة الالكترونيه بس عاد خلنا نشوفك في الجيم ياخي صرت اخش مالقى احد ابدا موجود يعني اخش 9 ونص بالليل مافيه احد وانا الحين واصل 50 وابي اسوي دناجن ورايدات بس ماكو احد من الجيلد موجود
حاول تخلي دخولك اخر الليل مثلنا خخخخخخخ

اخي الفاضل وورشيف

انا حاليا مشترك مع شركه عن طريق الفايبر , ولكن الخدمه ماوصلت مع انهم ركبوا كل شي من صندوق الفايبر والتمديدات ولكن تعرف الاعياد الوطنيه صارت عطله وقبلها عطله الاسبوع , ذلوني ذل فيها

الحين ماادري توصل الخدمه اليوم او بكره , اتمنى اليوم عشان اقدر ادخل نفس الناس والعب

انا حاليا استخدم اشتراكي القديم DSL بعد ماكان 2 ميجا وكان ممتاز , صكوه عين وصاير يقطع واتصلت بالشركه قالوا حبيبي خطك مايتحمل 1 ميجا , قلت يااخي انا 11 شهر معاكم 1 ميجا وبالليل يصير 3 ميجا شلون الحين تقول مايتحمل

قال العيب من الوزاره

المهم حاليا 512 ولكن فاشل بمعنى الكلمه , خصوصا لو اكون بالفليت او في Ilum اسوي الweekly ويكون في ريببلك بعد اروح فيها

يعني لما يصير امامي ريببلك واحاول اضربه تقريبا الاق معاي 5 ثواني , يعني يفركني فرك وانا لما الحين احسب اني اركض منحاش

مو قادر اسوي شي لذلك وقفت وقلت انطر الخدمه توصل مالت الفايبر

يعني وقت ماتوصل ان شاء الله راح اكون موجود , وامس كلمت جيرمي الظهر وقلتلته عن الموضوع

والزقاره الحين قاعد اشربها تصدق من بعد 3 باكيتات باليوم الحين من امس الساعه 6 المغرب ونمت الساعه 2 الفجر وقعدت 6 الصبح الى هذي اللحظه ما طبت بحلقي زقاره عاديه

الله يعز التكنلوجيا اللي خلتني اترك 4800 ماده واكتفي بالنيكوتين

تخيل من 3 باكيتات الى ولا باكيت هههههههههههه
ههههههههههههههههههههههههههههههههههههههههه
ههههههههههههههههههههههههههههههههههههههههه
هههههههههههههههههههههههههههههههههههههههههههه ولا باكيت ههههههههههه
ههههههههههههههههههههههههههههه
ولا زقاره حتى هههههههههههههههههههههه

ولا باجي هههههههههههههههه

حتى مالي نفس للزقاره العاديه

خصوصا وقت اللعب اذا حطيتها بحلقي وقعد العب الدخان يبط عيوني يحرقها لين تدمع

هذا لا دخان ولا احد عندك ينزعج ولا حتى يدرون ان في واحد يدخن

اللي يعرف اللي اخترع الزقاره الالكترونيه اول واحد يعني مو يقولي الشركه الفلانيه , ابي اول شخص جتله الفكره ونفذها
اذا تعرفونه عطوني عنوانه لو بالقطب الجنوبي

انا لازم اروح ابوس خشمه وارجع

ان شاء الله في الاكسا او ابعد مكان بالارض , المسكيك او البيرو , انتوا بس عطوني عنوانه