الاذاعة المدرسية

أوووه !! من ناحية الإحراج ، فأنا أكثر من ينحرج في الإذاعة المدرسية !! و طبعا كنت أطلع فيها من الابتدائية حتى ثالث متوسط ..... هاه ، حزرتوا ؟ طيب أسهلها ، كنت أطلع بعد المقدم على طول ؟ طيب ، أسهلها أكثر ، كان أول شي أقوله هو : أعوذ بالله من الشيطان الرجيم ؟ كيف ؟ حكمة !!!!!! .... طيب طيب
و كانوا ما يقولون لي انه بكرة في اذاعة ، استعد ، حضر شي ... لا ، في الصبح أجي للمدرسة -تصدقون- و اذا قال مدرس الرياضة الاذاعة ، وزززز ، انا ما أشوف قدامي الا المكرفون و المصحف بين ايديني !!! عاد هم ما صدقوا يحصلون واحد صوته حلو - قولوا ما شاء الله - علشان يسئلونه بتقرا بكره و الا لا !!! و الله لأقرا غصبا عني !!!!

مسوي صوتك زين


انا صوتي خايس وكان لازم في كل اذاعه اطلع

ما اطلع عشان سواد عيونهم

اطلع عشان هم يعطون الي يطلعون درجات

أنا أذكر طلعت في صف رابع وهي أخر مرة سويت نفسي فاهم

رحت البيت وفتحت كتاب القرأة ونقلت موضوع في ورقة صغيرة وقريته وبعدها أعتزلت

وأنا أكره الأذاعة واللي يطلع فيها:cool: :أفكر:

لاااااااااااااااااااااااااااااااااااااااااااااااااااااااااااااااا أي درجات !!!

لا درجات و لا شي ، لو كان فيه درجات ، يا شيخ الإذاعة ما تخلص الا بكرة !!!

كل الصف بيطلع يسوي اذاعة !!!!!

الصراحه الاذاعه المدرسيه ابيخ شي شفته في حياتي
انا من الكويت
والاذاعه لما تصير انا اسوولف مع رفيجي والمصيبه انه كل يوم قسم يقدملك معلومات :)
وكل واحد زباله :)

لو ما حطوا درجات كان ما احد بيطلع

الحين في الثانويه مدرس الرياضيات يترجاني يقول اطلع واعطيك درجات مشاركه 5 من 5

بس انا اقول له : فاضي لابوك انا رح بس عن وجهي

ليه و اذا ما طلعت ما بيعطيك الخمس درجات ؟

عندنا غصب عنه يعطيك الخمس درجات !! بس اليوم نقز لنا و قال : ( و لك يوم السبييييت ، راح يكون عنكون اختبار !!) ليه يا استاذ ؟ ( من شان تتعودوا على أسئلة الوزارااا !!) قصده الوزارة !!

ايه زين .... نتعود .............