العابنا ونحن صغار

أوووووووووووه نسيت أشرح الإجرام اللي في عظيم ساري :D

في ناس يمكن يعرفون ذي اللعبه... ذي اللعبه لازم لها وقت محدد ومكان محدد وهو لما يكون القمر بدراً في الخلاء ... وهنا يبدا الحماس;-)

نأخذ عظمه متبقيه من العشاء... ومن ثم يمسكها أحدهم ويرميها بعيداً بينما يكون الآخرين لاينظرون ومن ثم يطلب منهم الآنطلاق... وتبدأ رحلة البحث:0)

ولكن العنصر المهم هنا والإجرامي هو عندما يجد أحد المتسابقين العظمه :D فيقوم بالأعلان عن حوزته لها ويبدأ الصراع من أجل البقاء":"

يهرب الحائز على العظمه إلى رامي العظمه الأول للحمايه وعلى البقيه إيقافه بشتى الطرق... وكل شيء مسموح تقريباً لأنهم يلعبون في الطعوس وبين القشع:D

شفتو الإجرام !!!


الحائز على العظمه يتم تنتيفه قبل أي يصل بالعاده:6

اياااااااام زماااااااااان:( صراحه اكرها <<<<وحدة متشائمه من طفولتها


الحمدالله انا ما عشت على وقت الاتاري حنا كان عندنا صخر و العائله

عاد كنت اموت على شريط ذاقونيز صفرته مليون مره (( يا انه كان بايخ))

ولا كنت العب انا و اختي وبنت خالتي بالباربي ولا بعد كم سنه يوم كبرت
نزلوا البوليبكت الي كبر عيني و قعدت اجمع فيهم لين استسخفت نفسي اجمعهم وما العب فيهم

اما المصاقيل امي ما كانت تخلينا نشتريهم تخاف بنت اختي الصغيره ((وقتها)) تاكلهم !!يا اني كنت ما اطيقها:6
بس صرنا نشتريهم من البراجون بالسر^_^

وكنا نلعب بالناس حقين فيشر برايس جمعنا قريه كامله بعديني بين بوم وليلة ضـــــــــــاعواااااااا ?: يا اني صجيت الي حولي بصياحي ....

مممممممم وبس

الأخ تويا...
لعبة العظمة تلعبونها في العصر الحجري:)

الاخت anime.angel
شنو هذا المصاقيل ؟؟؟ بس حبيت اعرف:)

الالعاب اللي ضاعت بين يوم وليلة انباقت (سرقت)... هذه النتيجة الفيزيائية الوحيدة.

هاهااههااااااااااااااااااااااااااااي :D

خوش موضوع خلود :6

عاد الطفوله عندي إجرام :6

أذكر كنا ما نحب الدشداشه ( الثوب ) .... نركض بالشارع بالملابس الداخليه

السروال الطويل اللي المفروض يكون ابيض و الفانيله

و طبعا السروال مقطع من عند الركب و الفانيله عليها خرايط و ألوان و عصير و بيبسي :cool:

و الوالده الله يعينها علينا كل يوم خناق و كل شهر تشتري درازن ملابس داخليه
:6

و الحلو دشاديشنا جديده تلق لاننا ما نلبسها دايم :D

و الظهر قبل اذكر يقفلون علينا البيت على شان ما نطلع :6

و نعفس البيت فوق حدر .... و نسوي بالمساند و مخاد الدوانيه بيوت و مستعمرات :6
و نجيب الشراشف نغطيها من فوق على شان محد يشوفنا :cool:

و بالحوش يبدى النشاط الإقتصادي ..... محلات و بنوك و مستوصف :6
و نشق ورق الدفاتر على شكل فلوس .... و كل ما تشق أكثر كل ما تصير غني أكثر :D ههههههههههههههه

ما أقول غير الله يعين أمي علينا تخم البيت و تليم القراطيس بالكوم :6

لو أكمل و أسولف عن الذكريات ما بخلص :cool:

بس بشكل عام ...

مرت علينا الحجله .... و فتحي يا ورده .... و شمس و قمر .... و حياميت ( إستغمايه على قولة المصريين ) .... و مقصي ( حيات كلكل - عنبر ) ....و عظيييييييييييم سااااااااارييييييي :D

و كان لمسرحيات هدى حسين تأثير كبييير علييينا :cool: بسندرلا و الواوي و بنات الشاوي

و الأتاري :6 أذكر لعبت الطيارات اللي تعبي بانزين و بعدين لما تقرب تخلص من التعبيه نفجر المحطه ..... نذاله :D
و طرزان بالأتاري اللي بمشي فوق التماسيح :D ليما الحين أصوات اللعبه أتذكرها براسي :6


:D أسكت أحسن أخلي الدور للباجين :6

و أقول الله يعين عيال ها الوقت صج فاتهم جزء كبير من عمرهم

و مشكوره خلود على الموضوع :D





------------------------------------------------------------------
ملاحظه : انقسم التعليق على شكل ردين على شان التعابير تكون بمكانها الصحيح ;)

هههههههههه ... والله موضوع حلو...:D

الحمدلله لحقت عليه قبل ديابلوس:6 ..
طبعا اذكر الاتاري والفاميلي و السيغا( ديابلوس تتذكر : هيا نعمل) و الباربي .. بس احلى شي الالعاب الجماعيه..

كنا انا و ديابلوس نلعب الكنز المفقود ( في غرفة الوالده مسكينه:D )..
انا مثلا اخبي شي في مكان في الغرفه و ارسم له خريطه عشان يحصله... و طبعا تبدأ رحلة البحث... و تخريب الغرفه :p

وطبعا هذا غير المسلسلات اللي تصير...ههههه... ":"

و احلى وقت للعب كان الظهر يوم الكل راقدين .. عشان نخرب على كيف كيفنا... :أفكر: ...

خل ديابلوس يكمل... :6

موضوع حلو..وجديد

صح اني مالي حق اني اكتب في هذا الموضوع بسبب عمري المتواضع

لكن بصدفه ما وباعجوبه مادري كيف استوت ...اني لحقت على ايام زمان

الله على دكان عباس هذاك الوقت كانت نازله ساعه انتشرت بين الاطفال بانتشار بطاقات البوكيمون بانتشار الجحيم في الحقل ........الخ

وكنات مميزاتها انها تطلق ذبذبات تخرب مثلا على التلفزيون او على الراديو ...والاهم.................انها لما تقربها على تلفون مقفول فيه الصفر ادق اي رقم فيها صفر واول ما تبدا تتصل شغل الذبذبات مال الساعه على طول يفتح الصفر واول ماتنتهي من مكالمتك لامريكا اغلق الذبذبات وعلى طول يرد التلفون على ما هو يعني مقفول الصفر....بس كنا نبغي نتهنى اكثر في البيت نجرب هاي الحركه بس مع الاسف كان تلفون البيت مفتوح الصفر اصلا :"...فنفكر شو نسوي فعلطول نسير دكان عباس ونقوله نبغي التلفون فهو قافل الصفر والغبي يعطينا التلفون بصدر رحب(ههههه) ونحنا النذاله واصله لين خشومنا ونبدا نسوي الحركه والغبي مستانس على باله نحنا نتصل مكان ما فيه صفر ونحنا مناك متصلين لامريكا.هههههه

ايام.............:"

وبعد على ماذكر كان الاخو الكبير للمراقب روايه يدعونا لعبه بيت الرعب وهو اصلا كانت عبارة عن مخدات وتكي واخشاب وكراسي الميلس او الديوانيه على قولتكم ونسوي فيها ممرات وتخشيشات وكان المسار يتجه يمين يسار امام دائري اسطواني رجوع وكان على الاطراف مثل مكان صغير لاختباء
وكنا نسويها يمكن اربع تخشيشات او ثلاث ونخش فيها كل ولد وعلى غطاء والمسكين الضحيه يقوللوه ادخل وهو مايدري شو داخل مثلا انا كنت ازحف ازحف ومره وحده يطلعلي واحد من على اليسار او اليمين ويخوفني بعدين ازعق من مكاني واوقف ويخترب كل شيء ويتهردم بس عقب شو عقب ماكون غرقان في دموعي واروح اشتكي والكل يهرب...ههههههههههههههههه

في بعد اشياء وايد على ماذكر ففي رمضان مثلا الا لعاب الناريه تكون في عصرها الذهبي وكان الوقت فجر فريقين وكل فريق مختبء ورا (بليوت) والبليوت هو: قطعه خشبيه رقيقه عريضه تكون دايما مصبغينها بالابيض وتوصل تقريبا لين صدرك وكنا نيلس وراها وعدنا درازن من الشلق او الالعاب الناريه بصورة اوضح ويالله يبدا الهجوم وكل ساعه نوكل واحد يشل قنبله ويولعها ويرميها على الفريق الثاني الي يكون مندس ايضا نفسنا وراء بليوت اخر ونحنا ها نشجعه نقوله يالله ماعليك نحنا وراك نحمني ظهرك انته روحه وولع وفر القنبله عليهم وتكون بطل في الفريج

بس بصراحه كانت لعبه خطيرة ومميته وكان اخر مره لعبناها (علنا) يوم واحد وكلناه انه يروح ويرمي قنبله على الفريق الثاني والفريق هذاك كان مايدري وكان مجهز صواريخ وولعوها وفروها برع منطقتهم وما سمعنا الا صراخ هذاك الي وكلناه بالقنبله........ليش....؟؟؟

لانه الفريق الثاني رموا صواريخ وهم مايدرون وجت عليه صاحب الصراخ من فريقنا واذكر انه كندورته او دشداشته على قولتكم احترقت وتخبقت يعني استوت فتحات في الدشداشه يظهر منه الجلد

وكانت هاي اخر مره نلعب الحرب بالصواريخ اما الايام الباقيه فكلها نلعب نولع الصواريخ للسماء او القنابل للهواء.........ملل

واذكر بعد انه...........لا لا خلاص اخلي الباقي لكم وروايه اخاف اقول شيء وهو يبغي يقوله...

تحياتي

mzm
الله يعين امهاتنا قبل.. اذاعلى حركاتك ذي.. خل اليهال على طريقتهم الحالية جذي احسن... اللي اشوفه الحين احسن لليهال... اذا يلعبون يلعبون داخل البيت ولا هالمناقز والقراطيس اللي بالكوم... بصراحة انا كنت شقي بس ما اكسر وادمر البيت:)احم... على ما اذكر


كبمارو... انت لما تتصل خارجي بمساعدة الساعة.. على وين تتصل؟؟... لا يكون انت اللي أذانا على تلفون البيت... اتصال خارجي على البيت وسوالف خربوطية... جان قلت انك كبمارو ...عشان نعلم عليك رواية:) هههههههههههه

على فكرة انا اول ماشفت اسم الموضوع فكرت انه لرسم الالعاب اللي لعبناها وحنا صغار.. ليش مانرسمها؟

ههههههههه
قبل كان اي شي ممكن نحوله حق لعبة

بس احنا ما كنا نطلع الظهرية
كانوا يخفوننا بام حمار.. وكنا نصدق هالسالفة...
وكنت احيانا اطل من قض الباب ابي اجوفها وهي تمشي في الحوش :6

كانت ايام

حلوة فكرة شاهين ان نرسم العابنا اللي كنا نلعبها...

ممكن الموضوع يتحول لرسم :)

وااااااااااااااو الموضوع فيه رسم ...

اجل بشارك..........(الي يشوف كلامها يقول رسامه وهي الله يرحم حالها)..

سلالالام

سلالالالالالالالالالالالالالالالالالالالالالالام

اشلونكم شباب / بنات

خلود موضوعش حلوووووووووووووووو انا قريت ردود الكل والله كل شي متشابه نفس الألعاب اللي نلعبها
ذكرتونا بأيام قبل
شكلي بعلم اختي الصغيرة هل ألعاب لأنها صج كاسرة خاطري مع هل سوني و الباربي

خلا أقولكم اشلون صايرة طفولتي أيام زمان هههههههههههه

أذكر كل الألعاب اللي ألعبها مع ولد عمي أكثر شي

بدايه يومنا كان في مخزن نسميه دار الشيل اللي نخزن فيها الملح و السكر و العدس و الرز يعني كل شي

أول شي أشوف ولد عمي مجمع كل الكباريت اللي بالمطبخ و يحرق فيهم النمل :" أنا أقوله حرام عليك النمل يتعور بعدين:0) ما همني ولد عمي يحترق يعني هههههههههههههههههه

بعدين يبتدي شغل السحر على قولتنا سحر بحر عيون تنتحرررررر:!

نقوم نخلط الرز بالسكر بالعدس بالماش و نقول قليييييييييييييل من زيت الضفدع وو قلييييييييييييل من ورق المادري شنو ":" هههههههههه متأثرين وايد بشرشبيل اللي بالسنافر:cool:

طبعا بعد عملتنا ناكل هوا من الأهل صج ظرب غير شكل :" :0)

تاليها لما نشوف هل دار تقفلت نقوم نبي نلعب كورة بالحوش و أذكر كانو وايد يعلقون ملابس الغسيل بالحوش و ما نقدر نشوت الكورة

عاد شوف تفكير الصغار اشلون صاير :-) ما نطلع الشارع لا تدعمنا السيارة:#
نقوم نجيب المقص و نقصص الملابس على شان لا تتوصخ لما نقطها بالأرض صاااااااااااااااح و نشوت الكورة و الملابس تظل نظيفة:0)

تدرون التكملة من الأهل شنو يسوون بيكون شي أخطر من سحرنا بدار الشيل :واو: :cool: .............. بس يومها كنت صج مرعوبه من الطق اللي كلته من أبوي و قلت بظل قاعده فوق الطوفة على شان أبوي لا يمسكني
:! عاد انا وحده رعديدة يعني خوافة:": ما أدري اشلون صعدت فوق طوفتنا ( طوفة = حائط يعني ) كنت خااااااااااايفاااااااااااااه:" و قلت حق ولد عمي خل يساعدني على شان أنزل توبة مابي أصعد مرة ثانية:"

:o انا رحت قاطه نفسي و اللتوت ريلي و أبوي لحق علي من صياحي اللي شق الأرض شقققققققققق و وداني على المستشفى :غضب: عند الطبيب اللي ما أحب أبرته

و توته توته و خلصت الحدوته ............ :D و سلامتكم

اقتباس:

---

الرسالة الأصلية كتبت بواسطة shaheen



كبمارو... انت لما تتصل خارجي بمساعدة الساعة.. على وين تتصل؟؟... لا يكون انت اللي أذانا على تلفون البيت... اتصال خارجي على البيت وسوالف خربوطية... جان قلت انك كبمارو ...عشان نعلم عليك رواية:) هههههههههههه

---

لا لا ارجوك لا تعلم روايه والله والله خايف الكيبورد يرتقل ...يتهزز امي امي :" :"

اسمع انته الي يقول خايف الحين شو يعني بيسويلي .....؟؟؟؟

الا بيجيب جدر بعرض اربع امتار وبارتفاع ثلاث امتار وبيربط رجلي بالسلاسل وبيعلقني فوق ويمزر الجدر تيزاب و يركب السلاسل على بكرة بطريقه ديناميكيه ويالله يبدا الشغل يغطني في الجدر و يطلعني وينزلني في الجدر ويطلعني..............الخ



شفتوا من شدة حب روايه فيني صح...؟؟ :أفكر: باين:أفكر:

تحياتي

اقتباس:

---

الرسالة الأصلية كتبت بواسطة لوجــــــين
و اللتوت ريلي و أبوي لحق علي من صياحي اللي شق الأرض شقققققققققق

---

كححححححححححححححححححححححححححححححححححححححححححححححححححححححححححححححححححححححححححححححححححححححححححححححححححح حححححححححححححححححححححححححححححححححححححح

هههههههههههههههههههههههههههههههههههههههههههههههههههههههههههههههههههههههههههههههههههههههههههههههههههه ههههههههههههههههههههههههههههههههههههههههههههههههههههههههههههههههههههههههههههه

طحت من على الكرسي من كثر الضحك

تحياتي

أخت لوجين اهلا بك .. ماشفناك من زمان:)

سوالفك ضحكتنا وامتعتنا:)
حركة قص الثياب خطيرة... هههههههههههه
لو واحد ثاني قايل لي هالسالفة ما باصدق:)

وسالفة الطوفة ههههههههههه من الخوف يا اختي تسوين المعجزات:)

ذكرتيني ايام قبل في رواشن (رفوف بحجم النافذة غائرة في الحائط) كنت ادخل فيهم واغطيهم بلحاف فتصير حجرة صغيرة:)
وكنت ايلس وارسم والعب داخلها... والوالدة محتارة هل شاهين داخل ولا طلع لان صار لي وقت داخل ههههههههههه ويوم تناديني اطلع كاني عنكبوتة طالعه من بيتها هههههههههههه او اي شئ ثانية يصلح كتشبيه:)

اقتباس:

---

الرسالة الأصلية كتبت بواسطة كبمارو




الا بيجيب جدر بعرض اربع امتار وبارتفاع ثلاث امتار وبيربط رجلي بالسلاسل وبيعلقني فوق ويمزر الجدر تيزاب و يركب السلاسل على بكرة بطريقه ديناميكيه ويالله يبدا الشغل يغطني في الجدر و يطلعني وينزلني في الجدر ويطلعني..............الخ


تحياتي

---

هو بعد الغطة الاولى في التيزاب
بيبقى شي؟؟؟؟؟

ما خلاص :6