عرض للطباعة
السلام عليكم
فعلا اخوي Winning Eleven 2000 اللعبه مافيها تشويق ومتعه للي مو شاريها اصلا مقتنع فيها والطيران هوايه عنده ... لكن اذا كان هاوي للطيران ويحب هالشغلات صدقني مايلعب غيرها....
الحين اذا نزلت لعبه عاديه تروح تجربها وتشوف اذا حلوه او لا لكن بالنسبة للSimulators بالذات لازم تكون هاوي من البدايه :)
بالتوفيق
شي غريب انه فاتني موضوع زي كده
من جد ترى أنا بألعاب الطيارات أتجنن
خصوصا لعبة مايكروسفت2002
طول الوقت أنا أفتكر الطائرات
أصحى من النوم عند الفطور بعده الخ...
صارت اللعبة أحلى بعد م أشتريت البرنامج اللي منوا
تستطيع تصميم طائرتك
:D :D
أنا صممت طائرتي الخاصة (في توقيعي)
وتقدر تحملها من الإنترنت من الوصلة:
http://www.simviation.com/files/1mil...-22Concept.zip
تقدر تقرأ اسمي من ملف Readme إذا كنت لاتصدق:D :D :D
أما المشروع التاني فشوفوه
سميتها Me-320
:D :D :D
السلام عليكم
ماشاء الله اخوي zahik :)
اللي عجبني بالطيارة الـPanel :)
بالتوفيق بالطيارت الجايه ... وركز على B747-400 هذي الطراز المفضل عندي :D
بالتوفيق
على تحميلك للطيارة:D :D
إنشاء الله عجبتك الأصوات كمان :D :D
:D :D
إنشاء الله إذا قدرت سوف أنتهي تصميم أكبر طائرة في العالم
عرفتها؟
صحح معلومتك ليست 747
بل C-5 Galaxy
أكبر طائرة شحن في العالم
و مع أنه المشروع ماحيأخد فلوس بس حيستهلك الوقت كله
:D :D
هيا شباب جربوا الطيارة وقولوا رأيكم:D :D
شباب
ماجربتوا الهبوط والإقلاع على حاملة طائراتCarrier؟
تقدروا تحملوها من هنا
http://www.speakeasy.org/~rhogen/arrestorcables.htm
:D :D :D
شوفوا الجامبو 747 صارت نكتة:D :D :D
شوفوا صورة نااااااااااادرة لطائرة F14
أخذتها بنفسي وأنا أهبط:D :D
بمناسبة التحدث عن الرحلات الطويلة
أنا أستخدم طائرة C54 بتاع الجيش:D :D
:D
لقطة نادرة أخرى
حيث أنا وولد خالي شبكنا الكمبيوترين وطرنا
أظهر أنا في الصورة بالطائرة المقاتلة F14 وهو بالإيربس:D :D
السلام عليكم
ممتاز ... يعني انت الحماية :D
بالانترنت شبكتوا والا عن طريق LAN ؟
بالتوفيق
السلام عليكم
خطوات القيام برحله .... طبعا اغلبها مبني على المعلومات اللي اخذناها من الاخ lytical :)
اول شي تشغل اللعبه وتروح منها الى
Create Flight
ومنها تختار
Flight Planner
الحين تطلع لك نافذه فيها 5 خيارات
1- Choose Departure Airport
يعني المطار اللي تبي تنطلق منه اضغط Select
واختار المطار وعقبها روح تحت للـ
Runway/Starting Position ومنها تختار مكان وجود الطياره سواء عند احد البوابات او بالـ
Active Runway اي على المدرج بالضبط جاهز للاقلاع.
اضغط اوكي
2-Choose Destination Airport
يعني الجهة المتوجه لها
اضغط Select واختار مطار الجهة
3- عندك خيارين .. اما VFR او IFR
VFR يعني المطار يعطيك الاتجاهات وانت تتبع خطوط الطول والعرض - سالفة طويله يعني - .
IFR وهذا يعني الطيران بالمعدات ... او بالطيران بالتوجيه من قبل ابراج المراقبة
اختار منهم IFR
4-Choose Rowting
اختار منها Hight Altitude airways يعني الطيران بالارتفاع العالي
5- Find Route يعني ايجاد المسار ومعلومات الرحله
تلقى تحت مكتوب الارتفاع المطلوب للرحله ... سجلة بورقه علشان تحتاجه بعد شويه
اضغط الحين Fly Now
تلقى نفسك اما على المدرج او عند احد البوابات - حسب رغبتك -
اذا تبي ترجع للخلف اضغط:
Shift+P
وبنفس الوقت اضغط
Shift+}
علشان تطلع لك نافذه وتعطيك منظر علوي للمطار علشان تتحكم بالمسار
اضغط + او - للتقريب وللتبعيد
واذا بغيت تسكر النافذه اضغط }
--------
فكرة IFR نوع الطيارة :B 737-400
انت تاخذ الارتفاع من Find Route وبالكبينه وقبل ما تروح للمدرج او تاخذ الاذن بالاقلاع
تدخل الارتفاع في المكان المخصص له Altitude وتدخل في خانة السرعه IAS/MACH
250 وهذا يعني السرعه بالتحليق مبدئيا وتختار GPS مو NAV
وتنزل الـ Flaps
15 او 20 حسب طول المدرج ونوع الطياره وآخر خطوه تكلم البرج لاخذ تصريح بالاقلاع ... وعقبها تشوف شغلك وتقلع
الحين اذا وصلت ارتفاع 1000 قدم ارفع الFlaps الى النص وشغل الطيار الآلي اللى بدوره يرفع الطياره للارتفاع المقرر وبالسرعه المطلوبه تاكد اذا شغلت الطيار الالي ان الازرار هذي شغاله
IAS
ALT
HDG
والـ F/D محطوط على ON
والـA/T ARM محطوط على ON
والـ A/P على ON
الحين بعد ما ترتفع الطياره الى 2000 قدم ارفع الـ Flaps الى 0 خلاص ما نحتاجها
الحين انتظر التعليمات من ابراج المراقبه ... راح يعطونك اثنار الرحله ويقولك مثلا Turn Left او Turn Right على حسب يعني ويقولك ان HDG كذا ويعطيك رقم انت علطول تاخذ الرقم هذا وتحطه في خانة HDG اللي بالطائرة وراح تلاحظ الطيارة تبدأ بالالتفاف نحو الجهة المطلوبه ومرات يقولك انخفض الى كذا ويحط لك الارتقاع تاخذه علطول وتدخله تحت خانة Altitude . تقدر تضغط P علشان توقف اللعبه وتدخل الارقام على راحتك اذا خفت تنسى الارقام اللي يقولها لك .. يعني اول ما تشوف الكلام صار اخضر وقال اسم طيارتك اضغط على P واقراها عدل ونفذ
لا تنسى تضغط على Shift+3 علشان تشوف خط الرحله في نافذه صغيره مهمه جدا هذي
الجزء الثاني ان شاء الله بذكر فيه اذا قربت من المطار اللي انت رايح له شنو تسوي بالضبط
-= هذي نفس الاجراءات المتبعه بالطيران الحقيق =-
لا تنسى تشوف الصورة هذي فيها باللون الاحمر اغلب الاشياء اللي ذكرتها
http://www.arab3.com/upload/images/N...an_KUWAIT3.JPG
نشوفكم بالجزء 2
السلام عليكم
نكمل الحين الجزء الثاني من المرحلة الاخيرة بالرحلة وهي مرحلة الهبوط وما يسبقها من بعض الترتيبات المهمة جدا :)
على بعد معين من مطار الوصول تتلقى عدة تعليمات تتعلق بالجهة والارتفاع الى ان تصلك مثل هذه الرساله وهي عادة تكون مكتوبة باللون الاخضر وهذا يدل على انها موجهة لك انت - اللي بالصورة كانت لطائرة ثانيه قريبه مني :D - وفيها معلومات مهمة مثل الارتفاع والجهة ومن ضمن المعلومات رقم المدرج وجهته ... مبينه بالصورة بالمربع الاحمر
http://www.arab3.com/upload/images/N...an_Traffic.JPG
اضغط حرف P علشان تتوقف اللعبه وتقدر تسجل المعلومات ... الحين تروح وتفتح خريطة المنطقة علشان تحدد مطار الهبوط ومنه تحدد المدرج ... اضغط على العلامة هذي اللي على شكل نجمة
http://www.arab3.com/upload/images/N...ichMan_MAP.JPG
تطلع لك نافذه وفيها خريطة للمكان وبعض الادوات مثل + و - لعمل ZOOM حرك السهم بالاتجاه اللي تبيه ولما تحدد المطار اضغط + علشان تقرب اكثر من المطار ودور بالمطار المدرج المطلوب... بالمثال اهو 15L
الحين اذا لقيته اضغط عليه وراح تطلع لك نافذه جديده فيها معلومات عن المطار ومن ضمنها معلومات عن المدرجات ... انزل بالاسفل آخر شي وراح تلقى المدرجات مصنفه حسب اسمائها وجهاتها ... سجل المعلومات الخاصة بالمدرج المطلوب وبالمثال اهو 15 L .... شوف الصورة
http://www.arab3.com/upload/images/N...chMan_Map2.JPG
المعلومات اللي تهمك اهي اللي بالمربع الاحمر .... سجل بورقه خارجيه رقم الـ ILS freq والـ ILS hdg
وبالمثال اهي :
ILS freq = 110.10
ILS hdg = 153
الحين سكر النوافذ هذي كلها وارجع للكبينة - بعض المطارات وللاسف ما راح تلقى فيها هذي الترددات ..! - الحين روح وغير قيمة الـCourse الى 153 اللي اهي نفسها قيمة الـILS hdg
وعقب اضغط Shift+2 علشان تفتح هذي النافذه
http://www.arab3.com/upload/images/N...ichMan_IRS.JPG
اللي بالمربع الاحمر NVA1 اهو اللي يهمنا في هذي النافذه ... في خانتين وحده على اليمين اسمها STBY والثانيه على اليسار اسمها ACTVE... اول وحده على اليمين ندخل فيها قيمة الـILS freq وبعد ما ندخل القيمة تحت STBY نضغط المؤشر اللي بينهم علشان ينقل بدوره الارقام للخانة اليسار ACTVE ويخليها نشطة ... آخر خطوة نضغط تحت آخر شي الدائرة اللي اسمها NV1 راح يصير لونها اخضر يعني شغاله
الحين بعد فترة بسيطة راح تسمع صوت متقطع ... مبروك قربت توصل وتهبط :D .. وهذا يدل على انه تمت التقاط ترددات المدرج المراد .... بعد فترة راح تشوف المطار والمدرج امامك :) وتتلقى آخر اتصال يؤكد لك المدرج وانه انت مصرح لك بالهبوط ... واذا في طيارات بالمدرج توها نازله او تبي تقلع يوقفها لك ... اذا شفت المطار امامك وحسيت انك قربت له خفف السرعه الى حوالي 180 - ونزل الـ Flaps الى 15 او 20 حسب حجم الطائرة واحيانا تحتاج تستعمل الكابح الهوائي - اضغط / لاستعمال هذا الكابح - .... ولا تنسى تضغط G علشان تنزل الاطارات :D
ملاحظة مهمة جدا جدا :)
للاسف انا دائما اوقف عن النقطه هذي واكمل الباقي بالطياران المرئي ... يعني اطفي الطيار الآلي واكمل الباقي بمعرفتي :) لكن انا اعتقد انه لازم الطيار الآلي بعد ما يتلقى الاشارات من المهبط اهو نفسه يوجه الطائرة للمدرج ويقوم بالهبوط الآلي ويتغير الصوت المتقطع الى صوت متصل دلاله على ارتباط الطيار الالي مع الترددات لكن للاسف ما وصلت للمرحله هذي وما زلت ابحث فيها على امل القى عندكم الحل او عند اي واحد عنده خبره كفايه .... انا جربت شغله واهي اني اذا قربت من المدرج وحسيت ان الطياره بتطوف المدرج اضغط على APR تلقاها بين HDG و IAS بعدها الطياره بنفسها تتجه نحو المدرج .... هذي اول خطوة في طريق البحث :D
واذا ان شاء الله لقيت الحل برد لكم الخبر :)
هذي يا اخوان اللي حبيت اشاركم فيه واهو بالاول وبالاخير شغل مبتدئين يعني احتمالات الاخطاء واردة ...
وسامحونا على القصور :)
بالتوفيق
السلام عليكم
ممتاز.....:D يا ريتش مان
أنا جربت إستخدام هذه الأشياء
وعرفتها .
و الفضل يعود لله ثم لك :D :D وللأخو لايتيكال:D :D
بس لكني أفضل الطيران (الزحلوقي):D :D
يعني طير بسرعة وأهبط أسرع:D :D :D
أظن في ميزة محد يعرفها أو البعض يعرفها (ما أدري إحتمال) !!
لما سمعت البعض يقول أنه يقعد بالأيام عشان يوصل
أضغط زر ALT لما تكون في حالة FULL SCREEN
حتجيك ألسنة
أختار لسان Options
بعدين أختار Simulation Rate
أختار رقم تاني أعلى من Normal
بس
السلام عليكم
هلا اخوي zahik .... معلومه مفيدة صراحه :)
الشرح اللي قدمته مبني بالكامل على شرخ اخوي lytical ... يمكن بس الصياغه تختلف ..
بالتوفيق للكل
يا أخوان!
أحد يعرف كيف نسجل طيراننا بواسطة Record من اللعبة؟
أفتكر دي الميزة كانت في في الإصدار الخامس والتسعين
بس دحين ليست راضية تشتغل؟
أحد يعرف كيف؟