شباب !! نبي نسوي دوري لأهل الرياض في كوكب الرياضة في احد بيشارك ؟؟

فكره حلوه مره بس حددوا موعدها بالضبط ...

وانا ودي تكون بالمنتخبات او الانديه العاديه مو بانديه الماستر ليج
وانتم احرار انا ما تفرق معي كثير...

بس انت جربوا الانديه العاديه وردوا لي...

والله فكره خطيره مررررررررررررررررررررره
وأنا من الحين مشارك بس لو كانت بالأنديه أفضل وعلى كل حال بالأنديه أو المنتخبات كله واحد أهم شي نتقابل في البطوله
شباب وين كوكب الرياضه فيه
أخوي DSL أنا مستعد بأي شي تطلبه وياليت تشركني معك في التنظيم الأولي بس لأني مفكر في الموضوع من زمان وحاط تصورات عن الدوري كامله وأن شاء الله أفكاري بتعجبك
على كل حال يا شباب نبي الدوري يكون قوي وعدد المشاركات كبيره وأنا مني 6 مشاركين من الحين جاهزين

اقتباس:

---

الرسالة الأصلية كتبت بواسطة DSL
بما أن في مراقبين ( شاركوا ) في البطولة... وردوا في الموضوع !!

فا يليت تفيدونا بكيفة الأعداد ... وكيف نكلم كوكب الرياضة وماهي متطلباتهم وشروطهم ...؟؟

---

بسم الله الرحمن الرحيم
أول شي كيفية الإعداد :

1- نبدأ بتسجيل الراغبين في الإشتراك بداية بهذا الأسبوع ويكون آخر موعد للتسجيل قبل بداية الدوري بأسبوع ليتمكن المنظمون من تجهيز جدول المباريات في وقت كافي .

2- يكون عدد المباريات 4 مباريات في اليوم وستكون على النحو التالي :
مباراتين العصر ومباراتين المغرب وتكون مدة المبارات الواحدة 30 دقيقة
يفصل بين كل مباراتين خمس دقائق .
والهدف من تقليل عدد المباريات هو إطالة الدوري وإشعال الحماس فيه .

3- تحدد أوقات دائمة للمباريات فمثلا المبارات الاولى تبدا الساعة 4,30 عصرا وتكون المباراة الأولى في كل يوم تبدأ في هذا الوقت .
ولا يسمح لأي لاعب بالتأخير ومن يتغيب عن المباراة أو يتأخر أكثر من عشر دقائق يعد خاسرا بثلاثة أهداف في تلك المباراة .

4- على كل لاعب إحضار يد التحكم معه لكي لا يتذرع بعد الهزيمة بأن اليد التي لعب بها لا تعمل جيدا .

5- على اللاعب أن يحدد الفريق أو المنتخب الي سيلعب به البطوله ولا يسمح له بتغييره بعد أن يلعب المباراة الأولى . وبإلإمكان أن يختار أكثر من لاعب نفس الفريق .

6- على المسؤولين في هذا المنتدى إرسال فريق إخباري ليغطي البطوله ( وأنا مستعد للقيام بهذه المهمة ) .

هذا مجرد إقتراح بسيط وإن سمح لي الأخ DSL بالمساعدة في التنظيم سوف أصدر لائحة أكبر وتغطي جميع الجوانب بإذن الله
وأنا مستعد أن أنسق مع كوكب الرياضة من أجل أن نقيم هذه البطولة عنده
و أنا بإنتظار موافقه أخوي DSL للسماح لي بأن أساعدة في التنظيم

وآسف على الإطالة بس الموضوع شيق جدا بصراحة

والله ياأخ 2006 أترك كل شي تحت تصرفك ,, اذا كنت متحمس لذي الدرجة .....

وبالنسبة لكوكب الرياضة ,,
قلولي تعال بكره علشان نتفق ...وننظم البطولة ... وأذا بغيت تروح بدالي هذا رقمهم ... (( 4661303 ))


وبلغنا عن كل شي يصير ...
ويستحسن تصير البطولة بعد الأختبارات علشان يشارك فيها الجميع انشالله ...

والهدف من البطولة التسلية والأثارة ...
...... يازين صيف العام الماضي كاس العالم ومتعه
:(
....

شكلك خايف اخوي من اني اكسر راسك :o :o ":" ":"

خايف ؟
والله ماأعرف معناتها ؟؟;)

والله فكره ممتازه ،، وانا اتمنى اني اشارك فيها ،، لانه انا ضامن اني ابنافس وابكون في مراكز متقدمه ان شاء الله ،، لانه اعز اصدقاي (بلاتيني ) واللي اسمه محمد عاشور اكيد تعرفونه كان مشارك بالبطوله واخذ المركز الثالث اعتقد

هذا دايم العب معه ويفوز علي وافوز عليه ،، بس انا افوز عليه بنتايج كبيره ومن ابرزها 3-0 و4-1 وهو يذكر لذلك ارجو اني اكون احد المشاركين ولي الفخر اني العب مع ابو بدر والشباب الطيبين مثله .... وتقبلوا تحياتي..

يعكيك العافية أخوي DSL على ها الثقه فيني وأن شاء ما راح أخيب ضنك

بالنسبه للإتفاق أن شاء الله بأكون عندهم في أقرب فرصه ومدري متى لأني متورط الحين بالإختبارات :"

أما بالنسبه للتنظيم أنا ودي تعطيني رقم جوالك على الخاص ونتفاهم أنا وياك ونعرف وش الأفضل

وودي أخ DSL دام أن الموضوع موضوعك تحط موضوع تصويت بالنسبة للبطوله هل تكون بالمنتخبات أو بالأندية العاديه
وأنا من الحين أصوت للأنديه ;)

وأن شاء الله تلقا ها البطوله إقبال وتكون ممتعه

على فكره يا أخوان أنا أول مره أشارك في بطوله فيا ليت الي سبق وشارك يعلمني كيف كانت الأجواء ووش كان التنظيم المتبع يعني يكون عندي تصور أولي للبطوله وشكرا

والله أن الجو هذي الأيام مايساعد ... (( جو أختبارات )) حتى ولو كان تنظيم فقط واللعب بعد الأختبارات ... الواحد مايفضى الحين ,,,
وهذي مشكلة ...

هي وحدة من الثنتين يا أن نأجل التنظيم الي بعد الأختبارات ....
او ندور واحد فاضي موضف مثلا (( ماعنده اختبارات )):غضب: ...

والخيار مفتوح ...
;)
وبالنسبة للأخ 2006 ... برسلك رقمي انشالله الحين ,, ونتفاهم !:(

السلام عليكم
حبيت احي الاخ دي اس ال على الفكره الحلوه

ويا شباب ابي انضم معاكم

وعادي عندي لو تاخذون منتخبات او انديه
لان منتخبي فرنسا ( اول واحد يحجزه )
وناديي الريال ( اول واحد يحجزه )

وعلى العموم انا تراني فاضي من التاريخ 11 - 4
واذا بغيتوني بأي خدمه ارسلولي رسائل وخاصه ونتفاهم

تحياتي

عفوا البطوله زيدانيه

وينكم ما صرتوا تتكلمون عن البطوله..لا يكون نسيتوها...

DSL
وش صار على كوكب الرياضه تفاهمتوا معهم ولا لا؟!

اعتبروني واحد من المشاركين ..

ومستعد اكسر روسكم لو حتى بمنتخب الباحه :D .


ولك الف شكر د س ل على الموضوع .

البطولة توقف تنظيمها حتى اشعار اخر ...
بأمر من الفيفا ... امزح .. البطولة تأجل تنظيمها الي مابعد اختبارات الأعضاء
لأن البعض متردد !! :(

خلاص بس اول ما تنتهي الاختبارات علمونا عنها اكثر وشكرا..

ارجوك اخوي DSL اذا ناوين تسوون البطوله صدق ارجو منك اخباري عنها على ايميلي اللي موجود بالتوقيع ...

لانه من زمان ودي اشارك ... وترى انا خصم مو بسيط بشهاده اخوي دارك مان وبلاتيني وسيسي .... واسالوا ايضا اخوي m7mmd-wh

وهو يعلمكم وش انا مسوي فيه يوم لعبت معه 4 مباريات ... وتقبلوا تحياتي ..