ممكن سؤال ؟؟؟

اضافة الأخ جيجا بايت , والأخ تويا عجبتني !!

يعني نحول هالقسم بدال ما يكون مختصر على نقاشات الأنمي بس... يكون شامل الأنميشن بما فيه أيضا انتاج الأنميشن!! لأن ناس مهتمين بهالأمور!! وايضا نفس الكلام عن تسمية القصص المصورة !!
هذا أحسن حل برأيي... لقسم مهتم بانتاج شي مستقبلا...

وتبون الصراحة... أنا ما أريد نقاشات أنمي هني ... ليش؟
لأني أخاف تتطور هالنقاشات هني ويكثرون الأعضاء بشكل مروع (يجونا من هذاك القسم) !! , وكثرة الأعضاء تباعد بين الاعضاء!! :tongue2: والله أعلم ...
وعندها بتصير المواضيع كثيييرة وفوضى... (يخاف على مستقبل هالقسم ههههههه )
مجرد احاسيس...

أما عن نقاشات سبيس تون بهذاك بالقسم اللي بمنتدى الألعاب عطوها ابو لباس وبس :tongue2:

thats all what i wana say ...

حلو نقاشكم هني وياريت وياحبذا ولعل و... وأأمل ان يشارك اكثر عدد ممكن من الاعضاء في هذا الموضوع الحيوي:)^^

صراحة لو حدث التغيير وبدأت مناقشات في هالمنتدى اتمنى اشوفها عملية وفعالة وذات فائدة... وليس نقاشات Fanboys (مثل هوشات سبيستوون وغيرها)

ممممممم الموضوع بدأ يحلو شوي !!
معليش مستعجل شوي ... إن شاء الله برد عليكم بآخر الاسبوع ...
و إن شاء الله ما تصير بينكم نزاعات و هواشات مثل منتدى الإنيمي اللي هناك
سؤال ... ثاني في أحد شاف إنيمي اسمه S.CRY.DE ؟!؟!؟! :)

سلام سلام سلام عليكم..

النقاش تطور و تحمست ان اشارك فيه :)..

انا ماودي يتغير الاسم من انيمي إلى رسوم متحركه.. طويل و ملق :31:
حتى لو تم تغييره.. هل يعني تغيير الاسم ان خلاص بتفتح مواضيع للنقاش عن الرسوم المتحركه؟
اعتقد ان الاسم مب ضار احد.. فنخليه على حاله حتى تعودنا عليه..

و سالفة فتح مواضيع نقاش..

:) اذكر موضوعي عن إيفانجليون.. صراحه كان التفاعل هنيه احلى من قبل اعضاء منتدى الرسم..
و حسب رأيي و اعرف اعضاء وايد يوافقوني.. اشوف ان نقاشات اعضاء منتدى الرسم احلى وحتى عندهم خبره في مجال الانيمي اكثر.. في منتدى الانيمي مع احترامي هوشات وايد تصير وناس وايد تفكيرهم سطحي هناك يخربون عالمواضيع.. في نفس الوقت اقول ان منتدى الانيمي تطور بشكل كبير عن من اول مافتحوه وصار افضل و مواضيعه تطورت..

المهم في الموضوع الحين.. اتمنى لو يتم فتح موضوع للنقاش بخصوص انيمي معين أو اشياء مرتبطه بالانيمي.. في الحقيقه عندي اكثر من فكره لكم موضوع و ناوي من فتره افتح لكن مادري متى بيتم هالشي.. واعتقد لو تم فتح موضوع راح يكون في مشاركات عديده و ماظن ان الاعضاء من منتدى الانيمي راح اييون يشاركون عندنا في مواضيعنا.. استبعد هالشي..
يعني مثل ماقالت اورنج رود بالضبط.. بيننا وبين بعضنا احس براحه..
أتمنى اشوف موضوع أنيمي هنيه.. راح اكون من أول المشاركين فيه انشالله..

و اجابة على سؤال كابتن فالكون.. لا والله ماشفته للأسف :(

^^ ننطر مواضيع رانما عن الانيمي

وانشاءالله بابتدي اشتغل في المواضيع اللي ابي افتحها هني
لأن ابي احط معلومات متنوعة عن الانيمي (عندي كتاب حلو وايد وودي اشارككم فيه) لكن ابي اترجم اللي فيه...

انا كان ودي اقول هالكلام من مده طويله
هالمنتدى ياشباب اسمه منتدى المانجا والانمي والكومكس
يعني تقدرون تحطون مانجا او كوميكس مترجمه او غير مترجمه ..تقارير عن المانجا او عن الكوميكس
يعني اي شي يتعلق بالمانجا والكوميكس مثلأ : تقرير عن اشهر المانجا او الكوميكس
اما عن الانمي نقدر هني نقدر نتناقش عن اخر المسلسلات وافلام الانمي ومو شرط تكون يابانيه
اوروبيه كانت ام اميريكيه او حتى عربيه

لكن في شي مو عاجبني بالمنتدى ان الاعضاء يحطون رسوماتهم هني ..يا شباب هذا منتدى
المانجا والانمي والكومكس مو منتدى الجاليريات والمسابقات ..هناك حطوا رسماتكم وانشالله تلقون
تفاعل اكثر من هني ..
انا هذا رأيي ..

اما عن تغيير الاسم من منتدى المانجا والانمي والكوميكس الى منتدى المانجا والرسوم المتحركه والكوميكس ..
حاليا الاسم جيد ومايحتاج تغيير ..تبون تخلونه منتدى القصص المصوره والانمي ..حلو ينفع