اطلب ما تشاء من الإنترنت وسنحضره لك - أسعار مذهلة لكروت الفيديو

مع الشحن: 1055 ريال

عليه ضمان ....

جميع ما نحضره ، عليه ضمان المحل لمدة سنة

اخوي كم سعر كرت ASUS ATI 9800 Pro 128mb ؟؟



وانا مستعد اروح للمحل حقك اذا كان الكرت موجود هناك !!

ولكن هل ستكون اسعار الكروت في محلك نفس اسعارها هنا في المنتدى ؟!



لان انا ناوي على جهاز جديد واذا شفت ان اسعارك طيبه بإذن الله باخذ الجهاز مع كرت الشاشه من عندك ;)




ولك منى جزيل الشكر والتقدير :cool:

يوجد بالمحل Ati 9800 pro 128MB ، عليه عرض خاص بسعر: 950 ريال

اخوي لعيب طيب ما عندك نفس الكرت بس تكون الشركة ASUS ؟؟



وابغاك تقولي بس متى تكون موجود في محلك ؟! :)

لان وقت ما تكون موجود انا بجي لان ابغا اشياء كثيره ;)

وصراحه شكله محلك ما يتفووووت :D





ولك منى جزيل الشكر والتقدير :cool:

السيد الكريم المشاغب:

للأسف غير متوفر


اتصل على رقم جوالي لترتيب أي موعد ، كوني معظم الوقت لا أكون بالمحل

خلاص انا بحاول قريب اتصل عليك ونتفق على الوقت :)


واحتمال اروح محلك هاليومين اشوفه بس ;)



ويعطيك الف عافيه :cool:

عشان ما تضيع وقتك :) ، المحل حالياً لا يوجد به شيء يستحق ، لقد تم شراء معظم مافيه

وسياسة المحل تتجه الآن للبيع على بقية المحلات بدلاً من المستخدم النهائي. نكتفي بتقديم خدمة الشراء الخاص للمستخدم النهائي

السلاااااام عليكم أخوي لعيب أنا كل مرة أمر المحل أشوفة مقفل (( مو محلك ألي فية ثلاث سيديات لدووم 3 :) ))

أخوي بغيت أسالك عن تكلفة ati 9800 pro 256 ما أبغاه أول أن ويندر أبغاه عادي الي يجي تيفي أوت بس

وحبيت أسالك برضو سعر ال 9800xt كم سعرة

بالضبط ، هذا هو :)

يمكنك الإتصال بي في الوقت الحالي إن رغبت بأي شيء بالمحل. مازلنا نعمل على توفير عامل يجلس بالمحل طوال وقت الدوام

ati 9800 pro 128mb موجود لدينا بـ 950 ريال ، فأما 256mb غير موجود

و 9800xt 256 من ati موجود كذلك لدينا بسعر 1800 ريال

أممممم حلو سعر 9800برو ب950

زين أخوي هل تقبلون بطاقات الماستير كارد

وعندك أخوي رام 512 وكم سعرة

اخوي اعيب
ممكن تقولي كم سعر GeForce 5700 من MSI
وشكرا

السيد الكريم جوكر:

لا نقوم بقبول بطاقات الماستر كارد ، لا. عليك بالإيداع البنكي

من أي شركة ترغب أن تكون الذاكرة؟


السيد الكريم بايسن:

بالنسبة لجميع القطع القديمة والمستهلكة في السوق ، لا نقوم بإحضارها

زين والعمل ماعندي كاش

عندي بطاقة ماسيتر كارد فقط (( واللة حطمتني كنت بجيك من الهفوف متحمس أشتري القطع وأخرتها تصدمني وتقولي ما تقبلون ))

زين مافي طريقة منا ولا منا

اما عن الرام ما رأيك في سبيكتيك (( ترى مالي خبرة في الرامات ))

أبيك أنت تقولي وش تنصحني فية (( مع العلم أن عندي انا حالياً شريحتين 256 DDR ))

وهل من الممكن أني أضيف رام 512 سرعتة 400 على الي سرعتة 330 (( ناسي هي 300 ولا 330 ))