أشرايكم في الإنترنت المجاني في السعودية ؟؟؟ أبدوا آرائكم

إيه أخوي الله يستر على الفاتورة :boggled:

إلحين المشتركين بالشركات صارت الساعة ب 2 و 75 هلله و لا 2 و 25 هللة ؟؟

و أعتقد إلحين هي سريعة لأنه لساه الشعب السعودي ما تكدس عليها يعني ما في ناس كثيرة دخلت عليها بس مع مرور الوقت راح يصير ضغط و تكون بطيئة في اعتقادي .

وهذا رأيي يا أخوي Sion وشكراً ;)

شركة الاستغلالات مافي من وراها شي مجاني الغوا الاشتراك بس (مع العلم ان اشتراك شهر مايوصل 100 ريال) وقالوا انترنت مجاني والله استخفاف بعقول الناس...وسلمولي على النت المجاني

في ناس فهمة الحاكية خطأ ، كل ما في الأمر إنك تدخل نت من غير ما تشتري بطاقة ...
و الساعة بــ 3 ريال (( نفس السعر الي أدفعه في البطاقات المفتوحة لمدة شهر)) يعني ما تفرق معاي
بالعكس أفضلي (( وقت ما تغلق علي البطاقة أكفرن ^^))

أنا الي أعرفه انه مجاني وياخذون عليك حق المكالمة بس

بس يقولون انه بطيء جدا وما يشبك بسرعة


أنا الحمد لله مفتك من البطاقات ووجع الراس وعندي انترنت أرامكو مجاني وسريع

ويعطيك العافية اخوي

شكراً أعزائي على ردودكم الحلوة ،،،

وبصراحة أنا مستغرب ... فأنا أستعمله وهو سريع ويشبك من أول اتصال :biggthump

بس يمكن لأنه بعد الناس ما أخذت عليه :33:

بننتظر شهر ونشوف :أفكر:

شكراً مرة أخرى :biggrin:

بالعكس
الخدمه سريعه جدا وكما ذكر تشبك من اي اتصال

عالعموم وبدون حسابات ولا هم يحزنون

اذا كنت من مدمني النت اللي يشتري بطاقه ابو شهر مفتوح او 3 او 6
خلك على البطاقات
اما اذا كنت على ابو 10 و20 ساعه لا خلك في ابو بلاش


يعي تكون الساعه حق التصال ب 2وربع اما حق الكرت ب 1 ريال
المجموع 3 ريال وربع اي اكثر من ابو بلاش

اما اذا كنت من المدمنين لا خليك في بطاقاتك اوفر لك
بس كلها في النهايه ماتفرق كثير

سلام ياشباب وياشابات الرد القادم انشالله يكون من الشرقيه مو من جده

سلام

للمعلومية فقط ..

قيمة الإتصال بالبطاقة ... ومن أي مزود في السعودية 2.25 ريال للساعة ..
وقيمة الإتصال بدون بطايق ( على الأرقام الجديدة ) 3 ريال للساعة ..


ادخلوا اي موقع مزود وراح تعرفون هذا الشيء ..

وطبعا كذا ولا كذا .. الفاتورة وراك وراك :31: !!

بس فيه ملاحظة بسيطة للأشخاص اللي يشترون بطاقة شهر مفتوح ..

الحد الإئتماني للساعات المسموح لك هو 120 ساعة :D ..

120 * 2.25 ريال للساعة+ ( قيمة البطاقة 90 ريال ) = 360 ريال .
120 * 3 ريال للساعة = 360 ريال ...


يعني لو كنت تقعد على النت أقل من 120 ساعة في الشهر ... استخدم الطريقة الجديدة أوفر لك ..
أما لو كنت تقعد أكثر من 120 ساعة في الشهر أجل خليك على البطايق :08: !!

يعني بالعربي الفصيح ... في الطريقة الجديدة كل ما قعدت اكثر على النت ( 120 ساعة وفوق ) راح تجيك فاتورة اكثر التهابا وحرارة من البطايق :08: ...



سلام :)

أشكركم على ردودكم ،،،

والبطايق :p بطلت تنزل عندنا :icon6: