عشان اثبت لكم الالتيما اقوى من اللومينا ss

Grandia
اول شي فرق الاحصنة بين الكابريس 2004 و2005 هو 7 احصنة موب 15 وهذا ماخذه من موقع هولدن
ثانيا وزن الالتيما مادري من وين جبت ال1900 والله لو انها بورش كايين على ذا الوزن
وزن الالتيما مايعدي 1500 كيلو والكابريسss 1760

الالتيما قوية واقوى من الماكسيما
بس ماتوصل للوميناss مع احترامي
--------------------------------------------------------------------------------
مثل ما قال أخوي
على العموم .. أنا ما ابى حد يزعل ولا شي .. بس حبيت أوضح لكم
أما عن الوزن .. فخو تأكد من الوزن في الملكية ..أنا عندي لكزس إل إس و هو اكبر و اثقل من الألتيما بكثير وزنه بس 1600 و بالحمولة 1900 فهل من المعقول وزن الألتيما مثل وزن اللكزس مع الحمولة !!!!!!!!!

فرق الاحصنه هاذي معلومه اخذتها من عند واحد عنده كابرس اس اس 2005 والله اعلم

والظاهر فيه سوء فهم

صحيح الومينا اس اس اقوى من الالتيما بلا شك وانا ماقلت عكس هذا الكلام انا كل كلامي عن القومه

ومازلت اصر ان الالتيما تروح قومه والله ياجماعه انا مجرب شخصيا واكثر من مره

اقتباس:

---

وزن الالتيما مايعدي 1500 كيلو والكابريسss 1760

---

لا لا لا

انا متأكد مليون بالميه من اللي قلته ومثل ماقال وصلاوي مكتوب في الملكيه الوزن

واللي مكتوب فيها وزنها فارغه 1600 وبالحموله 1900 انا متأكد ميه بالميه

وعشان تتأكدوا شوفو موقع نيسان الشرق الاوسط وشوفو كم الوزن http://www.nissan-me.com/altima/alti...ifications.htm

وذا تريدوني اصور الملكيه انا حاضر فيه وزن واللي يجربها بيشعر بذلك

والكابرس اس اس وزنها فارغه 1600 وبالحموله 1900 بصور الملكيه ان حد طلب ذلك

اخوي down town هل مواصفات سيارات هولدن نفس المواصفات اللي عندنا بالخليج ..؟

قل 1900 بحمولتها من اول :)
اجل سيارتي اثقل من القطار بالحمولة

اقتباس:

---

هل مواصفات سيارات هولدن نفس المواصفات اللي عندنا بالخليج ..؟

---

ايه نعم بالضبط
هم اللي عندنا (في الخليج) يقولون قوتها 340 حصان عشان ماتصير الكرايسلر c 300 اقوى سيارة في الفئة والا هي اصلا 335

_____________________________________
وعلى فكرة مقطع القومة صاير في شارع الملك عبدالعزيز بالرياض وكل يوم اربعاء وخميس يصير مقاومات حوالي 3 ساعات مستمرة
ومرة لحقتني الدورية انا وراعي لوميناss بس ربك ستر :)

اقتباس:

---

قل 1900 بحمولتها من اول
اجل سيارتي اثقل من القطار بالحمولة

---

والكابرس نفس الشي 1900 بالحموله

ياشين ملاحقت الشرطه والله الخوف يولد تهور جنوني

مع السلامه

شباب انا اتوقع ان القومه تقوم الالتيما ؛؛؛؛
بس في الخط لا الومينا اس اس لان وزنها يساعدها على مقاومة الهوا
اكثر من الالتيما

الخط اس اس تروح بدون شك

الألتيما سيارة قوية جدا ، وبعدين الدفع الامامي يساعدها أكثر على القومة ، وفوق ذلك ما تحرق مثل ما تحرق اللومينا SS

بالعربي الفصيح


شوفوا الملف وعبارة عن صورة لعداد سيارة ألتيما من الصفر إلى سرعة 100 كلم-ساعة ، حوال 6,5 ثانية ، بس يؤخذ في عبن الاعتبار إن السيارة كانت في وضع يرثى لها + السرعة إلي 100 كلم-ثانية الريس كامل لكن بعد 100 كلم-ثانية ، كان الضغط على الريس عادي ، يعني مجرد شوف من صفر إلى 100 كلم-ساعة

أنا شخصيا مجرب ألتيما مع BMW 545i إلى سرعة 100 كلم-ساعة مع بعض مافي حد راح عن الثاني بعد 100 كلم - ساعة بدأ BMW 545i يروح شوي شوي عني ، البي ام 8 سلندر موديل 2005 4400 CC

يالغالي صحح معلوماتك
الالتيما تسارعها من الصفر لميه 100 هي 5 ثواني وتسعه جزء من الثانيه اذا تبي تتاكد افتح كتلوج الوكاله وتلقا فيه فيه مكتوب من شركه نيسان الصانعه تسارع الالتيما من الصفر لـ100 هو 5 ثواني وتسع جزء من الثانيه

؟؟ مافيه شك اصدق من صانعيي السيارات ؟؟ مو تجي انت لا صنعت سياره ولا شريتها بعد تكذب كلام المصنع ؟؟
تاكد من معلوماتك يالغالي
وبخصوص القومه والخط اللومينا تفصل طبلونها ماتوصل وانا مايفصل الا على 250 واقدر على اللومينا قومه وخط زيي ماقدرت على اللومينا اس اس 2001 و 2004 واذا تبي تجرب حياك اصبر يومين تطلع سيارتي من الوكاله لاني سويت حادث ونشوف من الي صادق والي كاذب وسلامتكم

كفو يا طاره
لاتنسون التصوير شباب ههههه

بخصوص احصنة الكابريس اس اس 2005 بعد تأكيد صاحبها لي والفرق بينها وبين اللي قبلها

شوف القديم329 حصان والجديد 342 حصان

والعزم هو اللي يفرق 5 القديم 470 في 4000 والجديد 475 في 4000


والالتيما تجيب الميه لو كل شي سليم وبعد اختبارات نيسان في 5.95 جزء من الثانيه

^
^
^
انت تصدق خويك والا هولدن؟؟ :)

اقسم برب الكعبة ان قوة الكابريس 335 حصان
ادخل موقع هولدن وتحصل قوتها 250 كيلووات وبالتحويل للاحصنة تصير 335
ال342 حصان هاذي قوة اللومينا كوبيه واصلا قوتها 349 موب 342 لكن شيفرولية تتلاعب بالكلام فقط

هذي وصلة اللومينا كوبيه
http://www.holden.com.au/www-holden/...?modelid=12001

وهذي الكابريسss
http://www.holden.com.au/www-holden/...w?modelid=8000

رحت عنده اتفسف وجبت له المواقع اللي حطيتها بس في الاخير اقنعني

قال لي اللي في استراليا غير تختلف اختلاف بسيط من اللي عندنا ودفعتنا الخليجيه مش متوفره عندهم بس هم احسن

وفي الاخير جاب لي كتيب الوكاله شيفرليه اللي مع السياره طلع ونفس اللي قاله مكتوب ولو تريدني انسخ لك اللي مكتوب في الورقه مافيه مشكله

قالي لو تريدنا نروح وكيل الكابريس عشان تتأكد انا حاضر ....؟

هيه انت
والله ان اللومينا اقوى من الاتيما
انا عندي لومينا اس اس 2005 ومجربنها

طلعت قومة مع كابريس اس اس 2005 و التيما قير عادي ومكسيما قير عادي ومازدا....


وانا اللي طفتهم كلهم

اقول اللي ما يعرفوا الى السيارات لا يتكلموا واللي ما يعرفوا الى القومات لايتكلموا (اسمح الي)


باي

عرفت وش الغلط في القومة

اللومينا اولا 2002
ثانيا ما شكله داعس
ثالثا اذا في الاتيما خير تطلع ويايي قومة بس هاه التيما قير عادي مثل ما تبوا انتو

انا عندي لومينا اس اس 2005

اقتباس:

---

المشاركة الأصلية كتبت بواسطة with*out*name

عرفت وش الغلط في القومة

اللومينا اولا 2002
ثانيا ما شكله داعس
ثالثا اذا في الاتيما خير تطلع ويايي قومة بس هاه التيما قير عادي مثل ما تبوا انتو

انا عندي لومينا اس اس 2005

---

ياحبيبي ياغالي انا جربت مع لومينا 2001 المعروف انها نشيطه وجربت مع 2005 ومع كابرس ال اس وال تي زد وكلهم وربي قمت عليهم قومه وخط وكررتها كم مره صدقني ماتقدر على الالتيما وهي ستوك واخوي معاه قير توماتيك برضو يقوم عليها كم مره نقوم على لومينات وكوابرس اانا قير عايدي اروح اول بعدين اخوي لانه توماتيك وفي الاخير الكوابرس واللومينات ورااا واذا تحب تتاكد تعال شارع المقاومات في الرياض وتشوف بعينك قوه النيسان
الشفروليه معاك ارقام قوه خياليه بس للاسف ماتنتج قوتها الفعليه المفروض بدال مايسمونها 340 حصان يسمونها 340 حمــار (وانتم بكرامه) عشان كذا ماتقدر على الالتيما ويكفي اني مره تحرشت في لكزس 2005 430 وقف جنبي واشر له اقوله الحقني عشان سبيته عند الاشاره وادز واروح عنه بخمسه اعمده وهو لسع من بعيد يكبس لي يحاول يقرب مني على الاقل لمبتين مو قادر والله على ماكتب به شهيد وسلامتكم