مقابلة مع رئيس رابطة اليوفنتوس TheCAge

اقتباس:

---

المشاركة الأصلية كتبت بواسطة Exodia

السلام عليكم ورحمة الله وبركاته

---

عليكم السلام ورحمة الله وبركاته

اقتباس:

---

شكراً أخوي Private Jeddawi على اختيارك للرائع TheCAge

---

شكراً على إطرائك استاذي ..

اقتباس:

---

أخوي TheCAge أسئلتي قليله وإن شاء الله ما أثقل عليك :

---

خذ راحتك ...

اقتباس:

---

1- عندك معلومات وخلفيه رائعه حول فريق اليوفي وغيره من الفرق ولكن سؤالي حول اليوفي .. من متى بدأت تشجع هذا الفريق ( اليوفي ) ؟

---

صدقني لو ادري قلت.. انا من يوم عرفت نفسي وانا اعشق اليوفي والبرازيل والهلال

اقتباس:

---

2- توقعك لمشوار اليوفي في دوري ابطال اوروبا بعيداً عن العاطفه ؟

---

بكل حياديه وبعيداً عن العاطفه اليوفي هالسنه فريق جاهز من كل النواحي ( ولو انه مازال فيه ثغره في دكة الإحتياط ) لكن حنا تعودنا من اليوفي يفوز ولو بفريق ثاني على اكبر واعتى الفرق فمابالك باليوفي بعد صفقة فييرا وكوفاتش وجانيكدا .. اليوفي هالسنه احد الثلاثه المرشحين للقب وهم تشيلسي ,ليفربول ,اليوفي ولو حدثت مفاجأة فراح تكون ايندهوفن . فأنصحكم تتفاءلون بالخير يامشعجي اليوفي وصدقوني هالسنه واقتباساً من كلام كابيلو بداية الموسم "اليوفي سيذهب بعيداً "

اقتباس:

---

3- من الأفضل في رأيك منتخب البرازيل الحالي أم برازيل 94 ؟

---

غالباً مايكون رأي الناس في الفريق اللي يحقق الأمجاد انه من الصعب انه تتكرر ويظل دائماً للذكرى الجميله طعم خاص حتى لو كانت الرؤيه الحاليه تبشر بمنتخب افضل انا اتصور انه منتخب 94 ماراح يتكرر .. فأتصور منتخب 94 اقوى (إن شاء الله يكون كلامي خطأ) .

اقتباس:

---

4- نادي الهلال السعودي يقدم مستويات طيبه إلا أن متابعة لقاءاته من قبل الجماهير أقل من الماضي !!! هل السبب اعتزال النجوم أمثال الثنيان أم هناك أسباب أخرى ؟؟

---

فعلاً انا ملاحظ هالشيء وبوضوح تام لكن مدري وش السبب ..؟!
يعني انا اشوف مباريات قديمه احياناً ..اشوف الجماهير اول تملي الملعب (فل) الحين الحين يالله 7 الآف في مباراة نهائي .

اقتباس:

---

5- توقعك للمنتخب السعودي في كأس العالم 2006 ومن تتوقع يتأهل من مجموعته ؟

---

انا بصراحه ماخفت من اسبانيا بقدر مااخاف من اوكرانيا .. يعني اوكرانيا فريق منظم وقوي واتصور راح يكون متصدر المجموعه وبيترك المنافسه مشتده بين تونس السعوديه واسبانيا .. وانا متفاءل بمنتخبنا هالسنه بقيادة باكيتا .

اقتباس:

---

6- من تتوقع يحصل على كأس العالم القادمه ؟

---

والله مدري .. المشكله كأس العالم في الأدوار مابعد الدور الأول (دور المجموعات) مايصير فيه مجال للتعويض 90 دقيقه تعطي فيها كل اللي عندك وممكن زله من مدافع او حارس تطلعك من بطوله ماتقام إلا كل 4 سنين مره وحده فبوجود منتخبات كبيره جداً مثل هولندا والمانيا صعب التكهن جداً جداً لكن من خلال قراءتي المتواضعه اشوف انه المانيا والبرازيل في النهائي إلا إذا خذلهم الحظ وتقابلوا في دور قبل الدور النهائي عموماً واحد من هالمنتخبين راح يشيل الكأس والله واعلم .

اقتباس:

---

شكراً لك وأتمنى ما أكون ثقلت عليك

---

ابداً

اقتباس:

---

المشاركة الأصلية كتبت بواسطة Italian Padrino

انااااا واحده من عشاق اليوفي واموووووت في الاعب دلبيرو الاعب المميز وياليت تظموني في الرابطة
المشجعين


اخوكم
Italian Padrino

---

انت الآن رسمياً عضو في رابطة اليوفي وهذا اللنك حق الرابطة واحنا بنتظار مشاركتك وطرحك لرأيك في كل المواضيع .

Link

شكرا لك Private Jeddawi على هالمقابله الحلوه >> صار صعب اسمك الله يهداك

وعلى اختيارك عضو من الاعضاء البارزين في المنتدى الا وهو ذا كيج

عندي لك جم سؤال ان شاء الله يكونون خفيفين :D

مثل ما احنا عارفين انت يوفاوي .. هل تشجع اي فريق اخر غير اليوفي

وشنو تعتبره الاقرب الى قلبك الانتر ولا الميلان ..؟

وسؤال اخير .. شنو ترد على الي يقولك ( الدوري الايطالي دوري ممل وما فيه اهداف ودوري ينوم .. الخ الخ الخ ) ؟

ومشكور :)

للمعلومه بس .. اللاعب باسكوال معار من الانتر الى فيورنتينا

واسفين على الازعاج :D

اقتباس:

---

المشاركة الأصلية كتبت بواسطة INTERawee

وعلى اختيارك عضو من الاعضاء البارزين في المنتدى الا وهو ذا كيج

---

شهادة اعتز فيها ...

اقتباس:

---

عندي لك جم سؤال ان شاء الله يكونون خفيفين :D

---

اسأل الف سؤال ماعندي مانع ..

اقتباس:

---

مثل ما احنا عارفين انت يوفاوي .. هل تشجع اي فريق اخر غير اليوفي

---

مستحيل ...

اقتباس:

---

وشنو تعتبره الاقرب الى قلبك الانتر ولا الميلان ..؟

---

اسمحلي اعيد صياغة السؤال ( من ابعد عن قلبك الأنتر ولا الميلان ؟)

الجواب وبكل صراحه الأنتر والسبب ذكرته في رد على سؤال سأله الأخ ادريانو وكان جوابي

اقتباس:

---

لا احد .. لكن اقدر اقول لك اني اقدّر اي فريق صغير مثابر يقارع الكبار من دون وجود الإمكانات لديه .. في اي دوري كان وفي المقابل اكره وامقت وابغض وادعلي على اي فريق كبير بإمكانات ماديه كبيره يخسر من الصغار ويدمر الاعبين .

---

اقتباس:

---

وسؤال اخير .. شنو ترد على الي يقولك ( الدوري الايطالي دوري ممل وما فيه اهداف ودوري ينوم .. الخ الخ الخ ) ؟

---

اقول له إذا انت ماتستمتع بطريقة اللعب الإيطاليه فهذا شيء راجع لك لكن انك تكذب على نفسك وتقول انه مافيه اهداف فأقول بنهاية الدور الأول من كل الدوريات هذا الموسم وفي احصائيه اعتقد كل الناس شافتها او سمعتها سواء في الصحف او التلفزيون انه نسبة التهديف المسجله في الدوري الإيطالي هي الأعلى في اوروبا بعد هولندا هذا بالنسبه للأرقام وهي اللغه اللي احب اتكلم فيها دائماً لأنها مثبته ومافيها جدال ... اما بالنسبه لترتيب الدوريات خلال العشر سنوات الماضيه بنشوف انه الدوري الإيطالي اكثر الدوريات حصولاً على لقب افضل دوري في العالم وهذي شهادة اخرى للدوري الإيطالي .

ملاحظة : انا من الناس اللي تستمع بالدوري الأسباني اكثر من اي دوري آخر في العالم لكني حيادي وصادق مع نفسي .

اقتباس:

---

ومشكور

---

العفو ...

اقتباس:

---

المشاركة الأصلية كتبت بواسطة INTERawee

للمعلومه بس .. اللاعب باسكوال معار من الانتر الى فيورنتينا


واسفين على الازعاج :D

---

انت متأكد ؟ انا مااتوقع انه معار ولو كان في شيء من هالقبيل فأتصور انه نصف بطاقة الاعب للأنتر وليس إعارة الأعب والإثنين يفرقون فرق السما على الأرض ..واللي يخليني استبعد الموضوع اكثر هو شرائكم للأعب ميكون البرازيلي ..؟!

خلصت اختباااااااارت ورجعت

نبلش :

مشكور متيم على المقابلة الحلوة .. قصدي بروفت جده مبروك على النك نيم الجديد .. :) مع العضو المميز والزعيم كيجوووو .. :biggthump ..

عندي سؤال وحيد و مسكين .. :D

س1 \ شنو افضل مطعم عندك ؟

=================

اقتباس:

---

المشاركة الأصلية كتبت بواسطة C.RONALDO

خلصت اختباااااااارت ورجعت

---

اشتقنا لك انت ورجتك ... :biggthump

اقتباس:

---

مشكور متيم على المقابلة الحلوة .. قصدي بروفت جده مبروك على النك نيم الجديد .. :) مع العضو المميز والزعيم كيجوووو .. :biggthump ..

---

شهاده افتخر فيها من مرجوج المنتدى الأول ...

اقتباس:

---

عندي سؤال وحيد و مسكين .. :D

س1 \ شنو افضل مطعم عندك ؟

=================

---

هو مطعم متخصص ببيع ادوات منزليه لكن يبيع بعد كبده وكبدته رهيييييييييبه خخخخخخخخخخ امزح لاتصدق

احسن مطعم Fast Food ماكدونالدز اما slow food خخخخخخ مممم يمكن chilli's

السلام عليكم.

عندي سؤال لكيجو .


كم تتوقع يفوز اليوفي على الميلان يوم 12 مارس القادم ؟ :D

وبس


اشكرك اخوي متيم على هالمقابلة مع حبيب الكل كيجو

اقتباس:

---

المشاركة الأصلية كتبت بواسطة Scorpion KING-911

السلام عليكم.

---

عليكم السلام ورحمة الله وبركاته ...

اقتباس:

---

عندي سؤال لكيجو .


كم تتوقع يفوز اليوفي على الميلان يوم 12 مارس القادم ؟ :D

وبس

---

وش فيكم محجرين لي خخخخخخخ .. ممممم ياخي ميلان صعب جداً خصوصاً قدام الكبار .. انا ارشح اليوفي يفوز بإذن الله لكن نتيجه مدري بصراحه .

نشكر الأخ / TheCAge على تجاوبه معنا :)

انتهت مدة المقابلة