عرض للطباعة
مع احترامي للجميع .. لكن أقل شيء تقدر تسويه لو الموضوع ما عجبك.. ما ترد .. نسينا إننا نتعامل مع بشر وعنده مشاعر ..
وترى كل إللي ردوا في ذا الموضوع أقدّرهم وأحترمهم والله .. لكن لو شافوا ردة فعل صاحب الموضوع تجاه سخريتهم, كان أعادوا النظر في المسألة ..
على راسي واللهاقتباس:
المشاركة الأصلية كتبت بواسطة Soliden
وانا اعتذرر لصاحب الموضوع وله الحق علي لو اني زعلت او فتحت باب للسخريه
مشكور على التنبيه أخونا سوليدن والله يجزاك خير
بصراحه انا قصدي بسلامات انه من المرض الي صار له ! فقط لا غير :D
<<<<يمسح العرق عن جبينه ويقول عدت على خير صوووو(تصفيره!)
نفس الكلام اللي خطر ببالي -__-اقتباس:
المشاركة الأصلية كتبت بواسطة Soliden
معليش شباب ولكن هذي مش ردود :) ، و هذي مش طريقة نعامل فيها عضو في أول موضوع اله بالقسم .. أعتقد لازم يكون في احترام أكبر لكاتب الموضوع ! يعني اللي مو عاجبه مثلا لا يرد ..
و شكرا .
اعتذر نيابة عن نفسي و عن اخوي غريب و عن جميع اعضاء المنتدى العام
للاخ العزيز يوجي ناكا
و حبيت اوضح بس ترانا في هالمنتدى نحب المزح الدفش احيانا
توقعنا انك بتتقبل مزحنا نظرا لطريقة طرح الموضوع بشكل مرح فقلنا هذا الظاهر منا و فينا - على الاقل هذا تفكيري -
و بتلقى اننا نمزح مع بعض بهالشكل كثير لذا لا تاخذ بخاطرك و ترا كلنا اخوانك و الدعوة مجرد منتدى للترفيه عن النفس
و اتمنى ان هالشي ما يكون سبب لابتعادك
حسين حرام عليك
ما ادري من اللي جاب طاري ان الموضوع ما هو عاجبنا
يوجي ناكا جالس ينفس عن معاناته
انا ما لقيت شي اقوله مناسب للموضوع
بس ودي ارد عشان يتشجع و يرد مرة ثانية
و ما احب نوعية ردود مشكور و ما الى ذلك
هذا اللي صار
ايهم احسن تلقى تفاعل و الا ما تلقى تفاعل نهائيا؟
اعتقد ان الحالة الثانية اسوأ من اللي صار
كله من غريبوه ما يجي منه الا الشر هالنصراوي :31:
غريبوه دخيلك بس عاد -__-
ماشاء الله ونعم الاخلاق الرفيعة (_______)
عضو جديد كاتب موضوع وانتو تحيونه بطريقة طفولية وهذا كله يندرج عندكم
تحت بند المزاح المشكله كل من هب ودب تمزحون وياه موكل الناس بتتقبل؟؟؟؟؟؟؟
والمزح اللي اعرفه انه له حدود واوقات معينة
اخس..الجلسة حاميه:q
الشطر الأول من ردي:كنت أأنب الشباب على حركتهم بمزحاقتباس:
المشاركة الأصلية كتبت بواسطة Darkness withiN
الشطر الثاني من ردي:بيني وبين صاحب الموضوع يعني أي عصعص, إز نوت ألاود هير
يعني مبري ساحتي: q
وحاب أوضح نقطة
لو أخطأنا بحق أي عضو, نروح نعتذر له ونتأسف عن الي بدر منا , وهذه طبيعتنا خاصة في هذا القسم
أما مسألة ينبهنا واحد ويجي آخر يأكد ويجي آخر يستغل الفرصه ليرفّع حق نفسه ومسوي إنه أبو المكارم وماسك عصاته مسوي لي وصي على القسم وطاب بالشباب
أشوف هذه مالها داعي والله:)<مسألة الترفيع ومايليها
وبالأخير..أأكد على كلام إلكترو بالنسبة للأخ.جااامد:kiss: ,وشكراً
اقتباس:
المشاركة الأصلية كتبت بواسطة Darkness withiN
لول ، مادري هل ردي الجامد أو ردك ؟ :)
ترى للعلم كثير ناس متضايقة من هالشي اللي انت سميته ( طبيعتنا الخاصة بالقسم ) و ما تتكلم ، على الأقل اللي يتكلم أمامك مو مثل اللي يحكي عنك من وراء ظهرك :)
و لكن دائما انتوا كذا ( الغالبية و ليس الكل )، أي واحد يقول كلمة يصير ماله علاقة بالموضوع و دخيل على القسم .. ليش ما تتقبلوا كلمة من أي حد ؟ مو ضروري يكون اللي يتكلم شخص من بينكم و متواجد معكم دائما حتى ينصحكم ( ما أقصد نفسي طبعا ) ، و أيضا ، القسم للجميع ، و ليس خاص بأحد .
بالله قلي بس وين مكان هالدكتور عشان اصفقه !
عفواً..ماكنت أقصدك حسين:)اقتباس:
المشاركة الأصلية كتبت بواسطة hussien-11
ومسألة الجامد كنت أكلم فيها إلكترو^^,جامد=يعني بقوه,كنت أقول إني أأكد على كلام الكترو لصاحب الموضوع بقوه,شكلك فهمتها بشكل آخر مثل باقي ردي
,وماتطرقت لطبيعة القسم الخاصه على قولتك,أنا قلت في هذا القسم خاصه.. الناس تعتذر لو أخطأت إلخ<يعني تكلمت حسب مشاهدتي وقعدتي الطويله بالقسم..مالي علاقه بتفسيرك
تحرير:أنا ماأعترضت على الي انت قمت فيه والي بعدك..أتمنى تدقق بردي أكثر لأني ماودي أوضح وأبتلش ببعض الناس عالصبح,دقق بردي السابق وشوف وين كان اعتراضي والي مو عاجبني
السلام عليكم ..
نرجع لسالفة الموضوع ..
هذا المستشفى تخيلته مثل اللي سكروه وأشبه باللي راح يسكروه قريبا لو ما أنه نافع فئة من البشر كان من زمان تسكر هو الآخر ..
ببساطة هناك الخدمة تعبانة .. ولما تروح الإنتظار تلقى 50 بدوي وياه جده ينتظرون :31: ، وفوق كل هذا الدكاترة اللي هناك كلهم إما هنود أو هنديات وقليل منهم من جنوب شرق آسيا .. وببساطة ذاك المستشفى حالته حالة وأكل عليه الدهر لول ..
ما ادري وش قصة انتم ما تقبلون و انتم ما ادري ايش
يعني شلون حنا انولدنا بهالقسم و الا كيف عشان يصير باسمنا؟
الحين مو داركنيس كان احد اعضاء الانمي و جا يشارك هنا حتى استقر؟
انا كنت اشارك في البلايستيشن و جيت هنا شاركت و استقريت
اشرف ابو البتنجامون ما ادري من وين جا بس انه استقر معنا
من وين جايبين فكرة اننا ما نقبل احد جديد؟
بس اتفق معك باننا نرفض ناس مثل بيتهوفن و راشن
هذه فعلا انا اعترف فيها
لكن غير هالنوعية حياهم الله
اهم شي ان عقولهم تكون كبيرة و مشاركاتهم تكون اكبر فقط لا غير
قل ق :31:اقتباس:
المشاركة الأصلية كتبت بواسطة squallx
يعني ما اعرف شو تبغون اكثر من جيه الصراحه ..
الناس اللي "مزحو" كلهم اعتذرو .. شو تبغونهم يسوون غير عن جيه؟
هذا اسلوبنا في هالمنتدى .. وما اشوف فيه اي شي غلط ..
الحمدلله لا رسميات ولا مجاملات ولا غيره ..
كل واحد اللي في قلبه على لسانه
وكل واحد يعامل الثاني مثل اخوه او اخته ..
الاعضاء اللي على كلامكم "ما نتقبلهم" .. نقوللهم في ويههم ان نحن ما نتقبلهم :)
ما "بنمزح" وياهم ..
القسم للكل محد اعترض .. وعشان جيه المفروض الكل ياخذ راحته فيه .. مب كل حد يفرض اسلوبه على الثاني
هالقسم من اقدم اقسام المنتدى واعضائه من اقدم الاعضاء .. واقدر اقول انه نحن نفهم الاعضاء اليداد اكثر عن غيرنا ..
اذا هم ما يتقبلونا .. مشكلتهم :)
بالمناسبة لولا رد الأخ سولدين لما اعتذر أحد ..
و طبعا ما دام في مشكلة بالأسلوب من أحد الطرفين المخطىء لازم يحاول يصلح أسلوبه ، مو نقول مشكلتنا و مشكلتهم ..
عموما ، المعذرة لكن مالي خلق أتابع النقاش .. الدنيا ضايقة بوجهي حاليا -__-