أجل تبي تلعب الحديد...البداية هنا : الجزء الرابع : طرق التمرين وبعض النصائح

نعم معك حق ، يفضل إنك تشتري الدملبز قبل الباربل :)

خيو اوريد ان اسئلك :


-اذا كانت عضلت اليد اليمنى اكثر عضلات من اليد اليسره فماذا تفعل لكي تساوي بين العضلتين.

-الذي يلعب حديد بكثره بدون بروتين لا يخرجله عضلات الاشيئ بسيط , ويئتيك شخص يلعب القليل من الحديد ويئكل بروتين وتجد عضلاته اكبر من الذي يلعب حديد بكثره ولا يئكل بروتين

فهل العضلاة الناتجه من البروتين لها فائده

مقصدي من البروتين(الدوى الذي يكون في علب)


واوريد ان اسئلك سوال اخير: اذا كان شخص يلعب حديد وهو في حالت النمو

فماذا يفعل لكي لا يئثر على نموه


هل اذا مسك الدامبل وارتكي اسفل كتفه بشيئ بحيث يكون الثقل على اسفل الكتف فهل يؤثر على نموه


واوريد ان استشيرك : مارئيك في الجهاز الذي يوضع على الجسم ويعطيك عضل



واسف اذا اطلت



-

السلام عليكم

1- إذا كنت تتمرن بشكل صح وعادل بين اليدين ، ووجد هذا الفرق ، فإنه شيء طبيعي جميع الناس يعانون منه ، حتى كبار كمال الأجسام . ولكن أنا شخصيا أنصحك إن كانت يدك اليسرى أصغر من يدك اليمنى مرنها بنفس الوزن .

2- ما فهمت ممكن تشرح أكثر ؟

3- لا ، قلنا ألف مرة إنه لعب الحديد ما يأثر على طول الإنسان .

4- هو أفضل إنك تتمرن في النادي لأن هناك العديد من الأجهزة والأثقال الحرة ، ولكن إن لم يكن عندك الوقت فلا بأس بآلة منزلية

شكرا...والسلام :)

السلام عليكم ورحمة الله وبركاته :) ..

اشكرك على الجهد الطيب في مواضيعك الكثيرة والي ماشاء الله مليانه بالفايده والمعلومات الكثيرة لكل شخص يريد الدخول في هالرياضه ^_^ ..

وبما ان هالموضوع لو لاساسيات التمرين فقل افضل اني اضع استفساراتي فيه ^_^ ..

حالياً انا بصدد العوده للتمرين ولكن بشكل احترافي اكثر من مجرد تضييع وقت مثل ماكنت اعمل بالسنوات السابقة ..

انا صارلي فترة طويلة ما اعمل اي تمرين او رياضة وقبل فترة احسست بالفرق بعد ماجربت اللعب كرة قدم مع الاصدقاء وتعبت بشكل لايوصف لوول .. لذلك قررت ابدء بالرياضة وبدءت اجري/امشي 3 مرات بالاسبوع .. مابين 25 الى 30 كيلو مقسومه على 10 كيلو لكل يوم من الثلاثة .. وكل هذا لتهيئة لياقتي لدخول نادي متخصص لرفع الاثقال والتمرين .

بعيد عن الاصابة البسيطه الي اعاني منها الان بركبتي اليمين وكوني قاعد اريحها .... ماهي الامور الي يجب ان اتبعها ؟ .. وماهي البروتينات الي يجب اني اشتريها (يفضل ذكر اسمائها لكي اتمكن من البحث عنها وشرائها) .. وهل يجب ان ابدء بأخذها قبل اسابيع من التمرين ام ابدء بها بعد التدريب بفترة ام ابدء التدريب واخذ البروتينات بنفس الوقت .. وماهي المواد التي يجب ان احذر من اخذها ^^" ..

علماً اني ابي ازود وزني بالتمرين وليس العكس .. لان وزني الحالي اقل من المعدل وانا دائماً اعادني من صعوبة في تزويد الوزن وكوني اخسر الوزن بسرعه ^^" ..

احد الاشخاص (معظل خخ) قالي اخذ "weight gainer" .. لكن ما اخذت معلومات زياده منه عنها لذلك ما اعرف هل كان يقصدها كأسم لمنتج ام انها صيغة للشيء الي احتاجه .

ادري تكلمت وايد بس صايدني فضول من هالناحيه بهالفترة بما اني ناوي بإذن الله اني ابدء بهالامر بشكل جدي :) .

PS . ترى توني عرفت ايش معناة اسمك بعد ماشفت Trigun خخخ .. شخصية فله :] .

وشــــــــــ:yup::yup::yup::yup:ـــــــــــكراً

وعليكم السلام :)

اقتباس:

---

اشكرك على الجهد الطيب في مواضيعك الكثيرة والي ماشاء الله مليانه بالفايده والمعلومات الكثيرة لكل شخص يريد الدخول في هالرياضه ^_^ ..

---

العفو أخوي وأهم شيء استفادة الأعضاء :)

اقتباس:

---

انا صارلي فترة طويلة ما اعمل اي تمرين او رياضة وقبل فترة احسست بالفرق بعد ماجربت اللعب كرة قدم مع الاصدقاء وتعبت بشكل لايوصف لوول .. لذلك قررت ابدء بالرياضة وبدءت اجري/امشي 3 مرات بالاسبوع .. مابين 25 الى 30 كيلو مقسومه على 10 كيلو لكل يوم من الثلاثة .. وكل هذا لتهيئة لياقتي لدخول نادي متخصص لرفع الاثقال والتمرين .

---

أنا حسبتك تمشي 30 كيلو في اليوم ، قلت ذا سوبر مان :D . عموما الي قاعد تسويه شيء زين لأنه قاعد ينشط دورتك الدموية ويحسنها ، ويحسن الجهاز التنفسي ويقويه. لا تستغرب لما تعبت يوم لعبت كورة مع أخوياك ، الشخص لما يترك الرياضة يقل أداء جسمه لأن الجسم نفسه ما صار يحتاجها.
حبيت أقولك إنه الي قاعد تسويه ماله دخل في بناء العضلات ، بس له دخل في تحسين اللياقة والدورة الدموية ، أنصحك تبدا تجري لو تقدر ، ولو على مسافات متقعة ، مثلا : 3 دقايق - دقيقتين - دقيقة - إلخ ....

اقتباس:

---

بعيد عن الاصابة البسيطه الي اعاني منها الان بركبتي اليمين وكوني قاعد اريحها .... ماهي الامور الي يجب ان اتبعها ؟ .. وماهي البروتينات الي يجب اني اشتريها (يفضل ذكر اسمائها لكي اتمكن من البحث عنها وشرائها) .. وهل يجب ان ابدء بأخذها قبل اسابيع من التمرين ام ابدء بها بعد التدريب بفترة ام ابدء التدريب واخذ البروتينات بنفس الوقت .. وماهي المواد التي يجب ان احذر من اخذها ^^" ..

---

بما أنك مصاب حاليا أنصحك ما تدخل الحديد لين ما تشفى رجلك :) . أهم شيء في الحديد ، لازم تحمي العضلة الي بتمرنها ، لأن لو ما حميتها يمكن يجيك تشقق عضلي ويمكن تكون الإصابة أبدية :boggled: . وشيء ثاني لا تسوي فيها بطل قدام الناس وتحاول تشيل وزن عارف إنك ما تقدر تشيله :D . ولما تسوي squat أو power clean أنصحك بالحزام إذا كنت مبتدىء أو اذا كنت ناوي تكسر الوزن . بس في كثير ناس يقولون الحزام حق المدلعين :D ، عموما أنا بس استخدمته مرة وحدة .

بالنسبة للبروتينات في أنواع كثيرة ، أشهرها whey protein ، المشكلة أنا حاليا في أمريكا فما أدري إذا يبيعونه في الخليج ، بس انت دور عليه أكيد تلقى.
احذر من المنشطات ولا تخلي أحد يلعب عليك ، ولا تاكل البيض الني .

خطأ تاخذ المنتجات قبل ما تدخل الحديد لأنك جسمك محا يستفيد وبالتالي بتتحول إلى دهون وشحوم . شخصيا أنا أنصحك تاخذها بعد أسبوع من دخول الحديد عشان جسمك يكون تعود على الحديد ، ولكن لا مانع في أخذها مع بداية الحديد ;)

اقتباس:

---

علماً اني ابي ازود وزني بالتمرين وليس العكس .. لان وزني الحالي اقل من المعدل وانا دائماً اعادني من صعوبة في تزويد الوزن وكوني اخسر الوزن بسرعه ^^" ..


احد الاشخاص (معظل خخ) قالي اخذ "weight gainer" .. لكن ما اخذت معلومات زياده منه عنها لذلك ما اعرف هل كان يقصدها كأسم لمنتج ام انها صيغة للشيء الي احتاجه

---

أنت من الأشخاص الذين رزقهم الله بنعمة ال High-Metabolism ، ولكن في الحديد تصبح نقمة :p . هذا يعني بأن معدل حرقك للسعرات الحرارية أسرع من الشخص العادي ، يعني أكيد لما تطلع مع أخوياك وتاكلون برة ، يعصبون منك عشانك تاكل كثير ولا تسمن :D
خويك العاطل ( هه:D ) صدق ، انت تحتاج weight gainer اذا كنت تبي تكسب وزن. والweight gainer هو عبارة عن مكمل غذائي يحتوي على كمية كبيرة من السعرات الحرارية ، ومن أمثال هذه المنتجات :
IDS Smart Gainer
Russian Bear 5000
mega mass 2000

اقتباس:

---

ادري تكلمت وايد بس صايدني فضول من هالناحيه بهالفترة بما اني ناوي بإذن الله اني ابدء بهالامر بشكل جدي :) .

---

يا رجال عادي اسئل قد ما تبي ;)

اقتباس:

---

PS . ترى توني عرفت ايش معناة اسمك بعد ماشفت Trigun خخخ .. شخصية فله :] .

---

هههه انا حسبت vash مشهور :D


شكرا....والسلام :)

اهلا اخوي فاش :)
عندي لك كم سؤال اذا ما عليك كلافة :D

أولا بغيت اسال عن الكرياتين .. كيف استعماله و هل هو حبوب ولا بودرة ولا كيف؟
و كم مره اخذه باليوم ؟ و متى ؟
و بغيت اسالك عن الفرق بين Mega mass 4000 و Mega mass 2000 الي يشتغل في GNC قالي خذ ابو 4000 احسن لكني اخاف انه يلعب علي هههه عشانه اغلى
و على طاري الميجا ماس .. بصراحة طعمه و انتوا الكرامة زي الزفت ... ثقيل جدا جدا !!
لان بالعلبة مكتوب استعمل كاس حليب مع كاس " نفس كمية الحليب ! " من البودرة نفسها
مادري كاني مسوي شي غلط ؟
و اذا كان صح علي يعني هذي الطريقة .. ممكن اضيف على الحليب شوي موية عشان اخفف الطعم ؟

ثانيا بعض المرات و انا في النادي اكون تعبان شوي فما اقدر اني اكمل الجلسة كاملة "8 - 10 - 12 "
يعني الاخيرة دايما الي هي الثمانية ياااااااااالله اكملها و بعض المرات خاصة في تمارين الصدر ما اقدر
يعني افرض اني وصلت للـتكرار السادس او الخامس من الجلسة الاخيرة و وقفت هل لازم اريح و اعيد الجلسة كلها ؟

و آخر سؤال هو اني انا حاليا موقف عن النادي بسبب ظروف الاختبارات .. يعني تقريبا 3 اسابيع , اذا رجعت النادي كل الي سويته في الماضي " قرابة اسبوعين" بيروح مع الهوا ؟

لاني كنت ملاحظ تحسن في الـStamina خاصة في الايام الاخيرة

و اعذرني كاني طولت عليك و لك جزيل الشكر . :)

يا هلا وغلا ومسهلا ;)

بالنسبة للكرايتين creatine ، يقولون إنه فيه على شكل حبوب بس أنا ما قد شفت :31: ، المعروف إنه يجيك على شكل بودرة .
لاستعمال الكريتين ، لازم تمشي على دورة الكريتين ( أنا كنت كابتها من قبل في أحد المواضيع بس المنتدى السخيف مرة ثانية عطل البحث :12: :12: :12: )
دورة الكريتين Creatine cycle :
تتقسم إلى 3 مراحل :
مرحلة التحميل : الأسبوع الأول ، تاخذ منه 20 جم في اليوم ، 5 جم في كل وجبة. ( بس المدرب قالي هذي الحركة مب مهمة ).
مرحلة التهيئة : الأسبوع 2 إلى 4 ، تاخذ منه 10 جم في اليوم . ، 5 جم في كل وجبة .
مرحلة التفريغ : أسبوع 5 لين 8 ، ما تاخذ كريتين .

السبب في تكون الدورة هو الخوف من أن الجسم يتعود على الكريتين الخارجي وبالتالي يعتمد عليه وما يصير الجسم نفسه يكون كريتين . لأن جسم الإنسان يكون كريتين ولكن بكمية قليلة .:)
طبعا الكريتين تاخذه قبل التمرين مع مويا .


هههه لا تخاف راعي المحل ما ينصب عليك ، الفرق بين أبو 2000 وأبو 4000 إنه أبو 4000 يحتوي على سعرات حرارية أكثر.
بالنسبة لاستعمال الميجا ماس سامحني أنا ما قد استخدمه ولا قريت الإرشادات الي عليه فما أعرف إذا انت مسوي خطأ ولا عادي تستخدم معاه مويا .
واسمع ، مدامك في الرياض ارسلي على الخاص عنوان GNC لأنا لما أرجع بروح المحل طوالي :D

لازم ترتاح زين بين الجلسات ، لازم ما تستسلم وتحاول تكمل الجلسة الأخيرة لو ايش ، لأن صدقني هذي بتفيد عضلاتك ، بس لا تشد على نفسك خوفا من إنك تسوي لنفسك إصابة :D .
إذا وقفت في نص الجلسة أنا أنصحك تعيدها بس مب لازم .

على قولة معظم الناس العضلات تبدا تروح بعد 4 أسابيع ، انت توك بادي حديد أصلا فما ادري إذا بنيت عضل ولا لسا ، ما أظن إنه إلا سويته بيروح مع الهوا إذا انت من جد شديت على نفسك ، بس في فرصة إنك تخسر الجهد لأنك توك بادي ، والله أعلم :)

يا رجال لا تتعذر أهم شيء مساعدة الإخوان ;)

سلام :)

يعطيك العافيه :) ..

اقتباس:

---

أنا حسبتك تمشي 30 كيلو في اليوم ، قلت ذا سوبر مان :D . عموما الي قاعد تسويه شيء زين لأنه قاعد ينشط دورتك الدموية ويحسنها ، ويحسن الجهاز التنفسي ويقويه. لا تستغرب لما تعبت يوم لعبت كورة مع أخوياك ، الشخص لما يترك الرياضة يقل أداء جسمه لأن الجسم نفسه ما صار يحتاجهاحبيت أقولك إنه الي قاعد تسويه ماله دخل في بناء العضلات ، بس له دخل في تحسين اللياقة والدورة الدموية ، أنصحك تبدا تجري لو تقدر ، ولو على مسافات متقعة ، مثلا : 3 دقايق - دقيقتين - دقيقة - إلخ

---

عملتها علشان ازود من اللياقه وقوة تحملي للتعب ولاحظت فرق كبير بين اول مره ركضت فيها والمرات الي بعدها ^_^ .. بس الاصابه خربت كل شي xD .. وبخصوص نصيحتك لي بالجري ^^" .. ترى معظم الـ 10 كيلو اخذها جري (بطيء وسريع) .. يعني تقريباً تقدر تقول ان مع كل مره اجري فيها تزيد دقائق الجري لدرجة ان اخر مره جريت فيها كنت اجري 300 الى 500 متر وبعدها امشي 100 لمسافة .. وهكذا .. بس على اخر كيلوين او ثلاثة اوصل لدرجة الاجهاد وهنا يتلخبط التوقيت خخخ ..

واتوقع اني اجهدت نفسي كثير من هالناحية فتخيل شخص مايجري لسنوات يجي ويجري 10 كيلو 3 مرات بالاسبوع , ايش راح يصير فيه ؟ xD ... اصابة بالركبة اليمين خخخ .

اقتباس:

---

بما أنك مصاب حاليا أنصحك ما تدخل الحديد لين ما تشفى رجلك :) . أهم شيء في الحديد ، لازم تحمي العضلة الي بتمرنها ، لأن لو ما حميتها يمكن يجيك تشقق عضلي ويمكن تكون الإصابة أبدية :boggled: . وشيء ثاني لا تسوي فيها بطل قدام الناس وتحاول تشيل وزن عارف إنك ما تقدر تشيله :D

---

تقريباً انا مركز على زيادة وزني اكثر من اني اعظل او اصير بطل على الي حولي فما اظن اني بغامر بالاثقال الكبيره كثير xD ..

اقتباس:

---

ولما تسوي squat أو power clean أنصحك بالحزام إذا كنت مبتدىء أو اذا كنت ناوي تكسر الوزن . بس في كثير ناس يقولون الحزام حق المدلعين :D ، عموما أنا بس استخدمته مرة وحدة .

---

تقدر تعطيني وصله تشرح الي انت تقوله ترى انا ما اعرف ايش ال" squat أو power clean" او ايش فائدة الجزام خخخخ .

اقتباس:

---

بالنسبة للبروتينات في أنواع كثيرة ، أشهرها whey protein ، المشكلة أنا حاليا في أمريكا فما أدري إذا يبيعونه في الخليج ، بس انت دور عليه أكيد تلقى.

---

راح ان شاء الله اخذ الاسم معاي لما اروح المحل المتخصص لهالامور .

اقتباس:

---

خطأ تاخذ المنتجات قبل ما تدخل الحديد لأنك جسمك محا يستفيد وبالتالي بتتحول إلى دهون وشحوم . شخصيا أنا أنصحك تاخذها بعد أسبوع من دخول الحديد عشان جسمك يكون تعود على الحديد ، ولكن لا مانع في أخذها مع بداية الحديد

---

راح ابدء الاثنين مع بعض عيل ^^ .. افضل لان ما اظن فيني دهون حالياً علشان احاتي من زيادتها خخخ .

اقتباس:

---

أنت من الأشخاص الذين رزقهم الله بنعمة ال High-Metabolism ، ولكن في الحديد تصبح نقمة :p . هذا يعني بأن معدل حرقك للسعرات الحرارية أسرع من الشخص العادي ، يعني أكيد لما تطلع مع أخوياك وتاكلون برة ، يعصبون منك عشانك تاكل كثير ولا تسمن :D

---

خخخخ .. بالسابق كنت كذا واكل كثير وبدون اي نتائج ولكن مع الوقت خفت زهيتي للاكل وصرت اكل بالغصب ببعض الاحيان وهذي مشكله ثانيه لازم احلها xD .. لكني اشرب شرب مافي مثله -.- ..

اقتباس:

---

خويك العاطل ( هه:D ) صدق ، انت تحتاج weight gainer اذا كنت تبي تكسب وزن. والweight gainer هو عبارة عن مكمل غذائي يحتوي على كمية كبيرة من السعرات الحرارية ، ومن أمثال هذه المنتجات :
IDS Smart Gainer
Russian Bear 5000
mega mass 2000

---

راح اخذ الاسماء معاي ان شاء الله :) .. واذا نصحني صديقي بأسم مو موجود بينهم راح ابلغك فيه ان شاء الله :) .

بس كيف اوافق بينها وبين الوجبات وهل تأثر على الشهيه ؟ .. انا امتلك شهية ضعيفة للاكل ببعض الاحيان (كله من الحاله التعيسه الي امر فيها خخخخ) فهل لازم اجبر نفسي اكل معدلات معينه من الاطعمه ؟

اقتباس:

---

هههه انا حسبت vash مشهور

---

لابس الانمي قديم شوي وانا جديد على الانمي فماني شايف كل الانميات القديمه ^_^ .. بس لما شفته عرفت انه شخصية مميزه ^_^ .

وشــــــــــ:yup::yup::yup::yup:ـــــــــــكراً

اقتباس:

---

بس كيف اوافق بينها وبين الوجبات وهل تأثر على الشهيه ؟ .. انا امتلك شهية ضعيفة للاكل ببعض الاحيان (كله من الحاله التعيسه الي امر فيها خخخخ) فهل لازم اجبر نفسي اكل معدلات معينه من الاطعمه ؟

---

انتبه حالات النفسية وبالذات المشاعر لأنها تلعب في شهوة الواحد في الأكل ، وأنا أعرف هالأشيء لأن في شخص يقربلي وهو طبيب نفسي يشرحلي هالشيء ، حاول تتدور حل لحالتك

أنا لين الحين ما قد جربت مكملات غذائية لزيادة الوزن لأن ظروفي ما تسمح حاليا ، فما أدري إذا تأثر على الشهوة ، بس أظن إنها تأثر لأنها تحتوي على سعرات حرارية كثيرة .
وأظن لازم تجبر نفسك على الأكل إذا منتب مشتهي ، لأن جسمك بيكون جوعان بس انت ما تحس . ولا تجبر على نفسك كمية كبيرة مرة وحدة ، خطوة خطوة . لازم يكون عندك الصبر:)

سلام :)

مشالله على الموضوع..
مفيد للغايـة..سوف ازور المواضيع او الاجزاء القديمة .لكي استفيد منها..
خصوصاً انه سوف ادخل الـGYMفي الصيـف..
ومشكور حبيبي علىا لموسوعـة القيمـة..:)

:D تذكرتني؟؟

العفو يالغالي :)

اقتباس:

---

:D تذكرتني؟؟

---

أظن :D

مشكور على ردك فاش و اعذرني على الرد المتأخر ;)

اقتباس:

---

بالنسبة للكرايتين creatine ، يقولون إنه فيه على شكل حبوب بس أنا ما قد شفت ، المعروف إنه يجيك على شكل بودرة .
لاستعمال الكريتين ، لازم تمشي على دورة الكريتين ( أنا كنت كابتها من قبل في أحد المواضيع بس المنتدى السخيف مرة ثانية عطل البحث )
دورة الكريتين Creatine cycle :
تتقسم إلى 3 مراحل :
مرحلة التحميل : الأسبوع الأول ، تاخذ منه 20 جم في اليوم ، 5 جم في كل وجبة. ( بس المدرب قالي هذي الحركة مب مهمة ).
مرحلة التهيئة : الأسبوع 2 إلى 4 ، تاخذ منه 10 جم في اليوم . ، 5 جم في كل وجبة .
مرحلة التفريغ : أسبوع 5 لين 8 ، ما تاخذ كريتين .

---

الحين محور سؤالي عن الكرياتين :D
توني رايح GNC و شريت النـــــــــوع هذا و للأسف دفعت 3 أضعاف السعر شوف الاستغلال:28: "و على فكرة كانك بتجي الرياض ترا GNC له قرابة الـ10 فروع انت بس قللي ساكن في اي منطقة و ادلك على اقرب واحد:biggthump "

على اي حال ممكن تقولي كيف استعماله ؟ و وش قصدك 5 جرام في كل وجبة , و الـ20 جرام اذوبها في موية ولا كيف ؟ و ال20 جرام يعني كم ملعقة صغيرة ؟ :D

و شي ثاني انا مسافر في بداية أوجست \ نهاية جولاي فبغيت اسالك هل يضر لو وقفت استعماله مدة سفري "قرابة شهر كامل" ؟

و لك جزيل الشكر :biggthump

العفو SkaveN ولا داعي للتعذر كلنا ننشغل :)

بالنسبة للكرايتين :

اقتباس:

---

توني رايح GNC و شريت النـــــــــوع هذا و للأسف دفعت 3 أضعاف السعر شوف الاستغلال

---

ثلاث أضعاء ، يا إلاهي :D . حبيت أقولك إني قريت معلومات المنتج ، وفيه تحذير موجود يقول لا تاخذه لو عمرك أقل من 18.

اقتباس:

---

على فكرة كانك بتجي الرياض ترا GNC له قرابة الـ10 فروع انت بس قللي ساكن في اي منطقة و ادلك على اقرب واحد:biggthump "

---

ممتاز :biggthump

اقتباس:

---

على اي حال ممكن تقولي كيف استعماله ؟ و وش قصدك 5 جرام في كل وجبة , و الـ20 جرام اذوبها في موية ولا كيف ؟ و ال20 جرام يعني كم ملعقة صغيرة ؟ :D

---

أهم شيء وانت تستعمل كريتين تشرب مويا كثير ، تقريبا لترين إلى 3 لتر في اليوم عشان الكريتين ياخذ راحته وهو يحوس ويدوس في الجسم.

أوكي ، مثل خل نقول انت في مرحلة التحميل ، يعني 20 جم كل يوم ، 5 جم في كل وجبة.
الوجبة يالحبيب هي " الغرفة " ( تعرف لما تغرف من الكبسة ، زي كذا :D ).
20 جم في اليوم ، 5 جم كل وجبة = 4 وجبات في اليوم .
خذلك وجبة/غرفة/كمية من الكريتين مقدارها 5 جم واخلطها مع مويا أو عصير واشربها.
يعني مثلا وحدة بعد الفطور ، وحدة قبل التمرين ، وحدة بعد الغدا ، وحدة قبل ما تنام.

اقتباس:

---

شي ثاني انا مسافر في بداية أوجست \ نهاية جولاي فبغيت اسالك هل يضر لو وقفت استعماله مدة سفري "قرابة شهر كامل" ؟

---

هو ما يضر في إنقاص كمية العضلات ، بس الطاقة الي تنتج من الكريتين عشانك تاخذه بتروح ، ويمكن تشوف عضلاتك تصغر شوي وهذا بسبب عدم وجود الكريتين مع المويا الي يخلي العضلة تنتفخ.

في امان الله ;)

شكرا اخي فشذاتمت انت رائع
تحياتي لك يا جميل انتا يا عسل

رهييييييييييييييييييييييييب
للغاية


جزاك الله خير
بس بإّن لله نشيل حديد صح ونتمرن على يدك من خلال معلوماتك الطيبة هذي
إلا ونجيك ونضربك ضرب ههههههههههههههههه ( نمزح)